Hillor pojjan(হিলর্ পজ্জন)

জাদর ভাগ্যগাঝত উত্তে কালা মেক কালাত্তুন কালা অই, ধুপ অই উদি দুমুলুক খেলার জাত্তো পচ্যে ঘুল্যাত, চিদেই চিদে ঘুম নেই চোগত, নেই পেদত ভাত সুক নেই, সান্দি নেই বানা আহ্’ঙের বুক। ও ইরুক পিরিহ্, তুমি কুধু? জাগি উদ’ এম.এন লারমা সবনলোই ফিরি এয’ ফিরি এয’। স্বর্গসান হিল চাদিগাঙ, নিপরভা (নিরাপত্তা) নেই আর জুম্ম জাত সিয়ের (শিকার) অহ্’লাক, ভরিল শুকুন পাল কত্তাত্তুন কত্তা অই ভাঙি যেল’ সুগর দোল সংসার। সং জধায় উজে এলে অভ’ দাঙর আহ্’র (দেওয়াল) না অয় ভাঙিব’ কবাল, মাজারা ন’ থেব’ হিল চাদিগাঙ। ও ইরুক পিরিহ্, তুমি কুধু? উজেই এয’ এম.এন লারমা সবনলোই ফিরি এয’ ফিরি এয’। কারর কধা ন’ শুন্নো, খেদাফল্লো চোক ন’ দুয়ো, সত্য কধা ইধোত তুল’, বুগত রাঘ’ পত্য(বিশ্বাস) হিল চাদিগাঙ অহ্’ল তমা পিত্তিমী, তমা গিরি (পরিবার) এম.এন লারমা বানেয়্যা নআন(নৌকাচি) জরা দুয়ো। ও ইকুরক পিরিহ্, তুমি কুধু? জুম্ম জাদর সিরিসুদোম জাগে তুলি উজে এয’।  *খেদাফল্লো- সরকার সুবিদ্যা। ১০জুন ২০১৯ খ্রিঃ রেত: ১২: ৪৫টা। ছবি: চাঙমা নুঅ জুম।