Hillor pojjan(হিলর্ পজ্জন)

সুনানু পূর্ণিমা চাঙমা অ-কালে মরি জানা জাত আহ্’রেল’ এক্কো মুজুঙর দিনর দাঙর আহ্’ত্যার। চাঙমা সাহিত্য বাহ্ আহ্’রেলে এক্কো মা- ভাঝর লরবো। সমাচ আহ্’রেল’এক্কো চেদনর বোম্বা। মা ভাচ সুনানু পূর্ণিমা চাঙমা কাচালং বালিকা উচ্চ বিদ্যালয় জনম লনেই পত্থম আমি আমি মাবোত্তুন জে ভাচআন শিঘি সে ভাচআনই আমা শা-ভাচ আমি বেগে বুঝি। মা-ভাচ মান দি কধা কধে বেক্কুনত্তুন ভারি গম লাগে, বেক্কুনত্তুন জুত লাগেদে, মা-ভাঝদি লেঘদে। মা ভাঝদি আমি বেগে, আমা মন’ কধা কোই, সুগ’ দুগ’ কধা কোই আমি আমা মা ভাচআনদোই। আমা মা ভাচ চাঙমা আমি চাঙমা জাত আমি বেগে মিলিমিজি থেই,  কোল কোজ্যা আমা ভিদিরে নেই।  [চাঙমা সাহিত্য পত্রিকা ১৮ পয়ধে] নুয়ো গরিনেই পূর্নিমা চাকমা কাচালং বালিকা উচ্চ বিদ্যালয়, কাজলংকুল। কোগিল্লো দগরিবো মিধে সুর তুলিনেই, খুজি করত দিক মেলিবো নুয়ো ফুল ফুদিবাক নুয়ো রঙ ছিদিনেই। বে মানজ্যে সাজিবাক দোল দোল গরিনেই, গাবুর মানজ্যে বেরেবাক দোল গরি সাজিনেই। নানান দগে গীত গেবাক আহ্জি রঙে মিলিনেই ফাগুনো আভা ফিরিবো নুয়ো রং ছিদিনেই নুয়ো আঝা লইনেই। ঘরদোর বেগে সাজেবাক দোল গরিনে...

চাঙমা সাহিত্য পত্রিকা ডেস্ক: এচ্যে ২০ জুন ২০২০ খ্রিঃ চাঙমা সাহিত্য পত্রিকার এক্কো কবি সুনানু পূর্ণিমা চাঙমা সংসার মেয়্যা-দয়ে সারি বেন্যা মাধান থেঙ থালিল ভিলে খবর পা জিয়্যা। এ পোইদ্যানে চাঙমা সাহিত্য বাহ্ সল্লাদার, কাচালং বালিকা উচ্চ বিদ্যালয় প্রধান শিক্ষক সুনানু ভদ্রসেন চাঙমা কোইয়ে ৩/৪ দিন আঘে সাইকেল শিঘদে ঝুরি পচ্যে। মাত্তর দরে ঘরত সে কধা ন’ কয়। পরে বেজত্তুন বেচ ন’ পারের তে খবর পান সাইকেলত্তুন ঝুরি পচ্যে। এচ্যে বেন্যা হাসপাতাল নিবার চলাত পূর্ণিমা চাঙমা থেঙথান্যা। পূর্ণিমা চাঙমা এ বঝর কাচালং উচ্চ বিদ্যালয়ততুন এসএসসি পাশ গচ্ছে। ২০১৮ সালত চাঙমা সাহিত্য বাহ্’ কাচালং কলেজত চাঙমা লেঘা শিঘিলে তেয়্য চাঙমা লেঘা শিঘিনেই কবিদ্যা লেঘা আরগানি গচ্ছে। তার কবিদ্যাউন চাঙমা সাহিত্য পত্রিকাত ছাবা অয়। চাঙমা সাহিত্য বাহ্’ তার এ অ-কালে থেঙথানানা পোইদ্যানে অমহদ’ আহ্’ভিল্যাচ আ তার সদগতি তবনা গরি দের।