ধনপুদির আল্যাঙ

 

ধনপুদির আল্যাঙ

বা-রা বেগে বানান্দৈ
বাজার গোরি আন্যন্দৈ
পোহ্’ত্যা দগল্য মোনবগা
কেল্যা যেবাক  জুম কাবা।
তেম্মাং যেক্কে ফুরেল
ধন্নুয়া রাধারে দাগিল।
বরগি সুদ’ তুম গোচ্যা
বোচ্যন ইজরত জুন পোরজ্য।
পুগ’ কেত্যা চানন্দি
মুয়োমুয়ি বোচ্যান্দি
উত্তে চানান পুগেদি
দোল অইয়েদে পহ্’রেদি।
জুন’ পহ্’র রেদোমায়
কোচ্যা মাদানান ভাঝি যায়।
ফুল’ বিজন বিজিনে
কধা কধন দ্বিজনে।
বোচ্যে ধন্নুয়া সাজিপের
দাদা রাধারে বিজি দের।
দেব’ ধর্ম মানিচ্ছোই
সচ্চেক তাগলক লোই দিচ্ছোই।
ফুল’ গামছার বেইন গরং
সাত আঙুল্যা খেংগরং।
মিদিঙ্যা বাঝর লোই দিবে।
ধুমো উজু  থোই দিবে।
ফুনি শলা কাবি দিচ
হ্্েইল সাম্মুয়া  বুনি দিচ।
পার্বুয়া বাঝর দিপ্যাবুয়া
ব’ কাদি  লোই দিবে শুল’বুয়া ।
রেদোত লামের জুন’ পহ্’র
শুনিচ দাদু হ্ােচ্ছান  মর।
ঝাগে জুনি উরি যার
ফুল’ খাদি বুনিবার।
বাগে থেগে গাং যেব।
জনমত্যে নাঙ থেব’।
খোল্যা মেলি পান খেলু’
রাধামনে খাম খেল’।
জুন’ পহ্’রান ফুরেই যার
কধা ভূয়া ন’ ফুরার।
নানান কধা কোই লাক
জেরে দ্বিজনে ঘুম গেলাক।

রাধামন ধনপুদির জন্ম

 

রাধামন ধনপুদির জন্ম

সেক্থে  দিন মাধান যেজান্যা
মনদি শুন’ কং কেঝান্যা।
ঝুরি পরে রেই গুলা
দেবায় গরেহ্ মেগুলা।
দ্যা ধোরিব’ রেত্তো ঝর
ভাদে পানিয়ে পোত্তি ঘর।
পিজি ছরা থুপ ভান্দি
সেকথে মিলা মদ্দর সুক শান্দি।
খালে নালে ঘাত্তানি
দেঝত উন নেই ভাত পানি।
ধুধুক  বেইয়া তেত্রেতুক
পরানি দিন মাধান সত্যযুক।
ঘরত বান্যা এল সুক
লাগত নহ্ পান কন’ দুক।
ছরা ছরিত মাছ ইজা
সেকথে সুদা মন পাচ্চিগা।
ধানে তুলি বয় ঝারি
তেঙ্গাত  ধান পেধ’ দচ আরি।
মুখত ভাজেইয়া পুদি পুদি
অশ^ পুদি লোই ক’ পুদি।
জয়মংগল খীজা মেনগা
এলাক তারাহ্ কন’ জাগা?
পানিত ন’ এল’ খজাত্তি
চম্পক নগরত বজথি।
সপ্পান  পুরা তারাহ্ মন
মেনগা গর্ভে ওল রাধামন।
বঝর চেরেক যায় বিদি
গর্ভিদা অহ্’লগোই ক’ পুদি।
দিনে মাহ্’ঝে পুরা ওল
অঝা খজা চলাবাপ ধরা পোল।
ভাত পানি খেই লল’ গোই
খিজাখিজ্যা লর দিলো গোই।
ফোবেই ফোবেই তে যেইয়ে,
চিদ্রসুখী অঝাওে লাক পেইয়ে।
ঘর পেজাঙত  বোই আঘে
চিত্রসুখী নেক ছয় যুগে।
মাঘ’ শেঝত পরের ঈন
মোক ইর নদের কন দিন।
চলাবাবে বুঝেই নায়
ছয় যুগ মনান ধরি নায়।
নজর এক তেঙা দি পেল
রাজি ছয় যুগে অহ্ই গেল।
চালোন পানি ঘনাত্যা
ঝিয়্যঘর’ নাদিন সমাজ্যা
খিজাখিছ্যায় পথ গেলাক,
যখন আদামত লুমিলাক
বঘ’ দওে লয় তাগল,
অহ্’ল চলামার মন দাঙর।
ধল্যা যঘন শুলপীরা,
গরের কপুদিও পেত পীরা।
নেয়্যত তেলফুদা দি দিল’,
মিলা অহ্’ভদে কোই দিল।
স্বর্গ রংগ ভংগ দি
ভূয়্যত পলঘি ধনপুদি।

“মা, মরোক, বাপ মরোক কাল পরানে খা গরোক” - ইনজেব চাঙমা

কধা আঘে- “মা, মরোক, বাপ মরোক কাল পরানে খা গরোক”

এ কধা মজিম ম’ মল্লে, জেত্তা, জেদেঙা, ভেই, ভোচ, বরঙা, মত্যালা, মল্লে শোওর, জেদেঙা শুরি মরানা পরও তারার কন’ সাপ্তাক্রিয়া, দাহক্রিয়া মিলানা জু ন’ অহ্’য়। শেজে লগর সমারি মরি যানার পরও, আজার অনটনর সেরে বেগর সেপবত্তালোই কাম গরি যাঙর।

“মা, মরোক, বাপ মরোক কাল পরানে খা গরোক” অর্থাৎ মা-বাপ মরিলেও পরান বাজেবাত্তে খা পরিব। তত্তুন বাজা পরিব’। জিংকানিত ইয়ান বুঝি এলুং-

আমি যে বাজি আঘি ইয়ান বাজানা নয়। পিত্তিমিত গধেল গধেল পরান বলা বাজি আঘন। মাত্তর, জাত ইজেবে, চাঙমা জাত ইজেবে বাজদে জেনেই যে আরাং আধিগার দরগার সিয়ান নেই। আর বেচ দিন দিন আগাচুজো অই এযের। এ অক্তত মর ইমে ঘর সংসার যিধু যেব’ যোক আমা জাদর শিঙোর দরমর গরা পরিব। আমা জিংকানিয়ানি দ’ আহ্’লেয় যেল’। মুজুঙে যে পিরিহ্‌উন উদদন, এত্তন, এবাক তারা যেন নিজ’ ভাঝে, মন কধা কোই পারন, নিজ’ ওক্কোরে গান, গল্প, উপন্যাস, কিত্তে লেঘি পারন যে জু অহ্’য় মর এ ঘাম ঝরানাত, মর এ সময় দেনাত। ইয়ান মর সবন।