নাদংছারা - কৃতি চাঙমা
তুই এক্কো নাদংছাড়া জাত জিত-গিন কিচ্ছু নেই, পদে ঘাদে ঘুরর রেতদিন কি গরর কন’ থিক নেই। পর’ সাংছারা পেদে লর গম বজং ন’ বাজর, নিজ’ কিয়ে পেরগাআনি এব’ ধোয় ন’ ফেলর। কুজ্যা কেরেঙাল নিত্তো সমার দিন এক্কো গমে ন’ যায়, ঘর’ মানজোর বিচ্ছেচ নেই ইঙিরি কেনে আক্যই যায়! ভেচ্চাদন তরে পদে ঘাদে লাচ-চরম আহ্’রি লদন, জিত দুরি আঘচ পুরি কবা ঝাগে হুরি যাদন। মাধা আঘে বুদ্ধি নেই কিয়ে আঘে সং নেই। বাপ এল ন’ মানচ; জু পেয়চ ন’ ধরচ, দুক পেলে বুদ্ধ গরচ। সুগত থেলে পুরি পেলর, গম জিনিচ যা আঘে বেক উভত গরর। শিঘিবার অক্তত ন’ শিঘচ পুরোন কধা পুরি ফেল্লোচ। ঘুরর ইক্কে এ মাধা উ মাধা ...