দুগর পাঞ্চালি পরহ্ং দিনপত্তি,
আমনর বুগত পারহ্ কুরিহ্ কুরিহ্।
দাঙর মনবলা মানুচ দেঘঙ
তিগুচ্যা ইধু,
কধক আওজি তারা ম’ ইধু।
তারারেয়্য দেঘঙ পত
আহ্’রান
এক্কো দুগর মানেই পত্তো (সাধারণ পথিক) সান।
যারা সুদোম মজিম থান
তারয়্য দ’ বেগে নিজরে আভরেয়্যন
দুগর ভাগ্য ইধু।
মর অতালিয়ে মনান
এধক দুগর আঙারা,
যিয়োথিয়ো সাল্যেঙত মুই
তুয়ো আহ্’দং বুক কামরে কামরে।
এ মেহ্’য়ে বলা চোগত হয়দ’
একজন
বাজ্জে আঘে অই ভাঙা জুম’
ঘরত
দুগর গধা ভাঙি যাই
ধের ধেহ্’রে নাল বেই যাই
দি চোগত।
নানাঙ ধক, নানাঙ রঙ
মানুচ
নানাঙ মন, নানাঙ চেঙেরা-
পিত্থিমীত লুধুংমরা গরি পরি
আঘে বেক।
কি আওচ আঘে তারার
চিত নেই সময়র ইধু?
দয়ে নেই এ পিত্থিমীত
তুয়ো আঘে লাঙ (প্রেম)
অতালিয়ে চিতদিঘোল কোচপানা এয আঘে।
২৮/০৯/২০১৮ইং(রেত:
১০:০০টা) কাচালং কলেজত্তুন ফিরি।
