Hillor pojjan(হিলর্ পজ্জন)

  ২০৫০ ভিশন ভালেদি ওক- “ত্রিশতিন জাদির ভাচ পারানা এক্কান দাঙর গুন মাত্তর, তার আগে নিজ’ ভাচ, নিজ’ লেঘা পারানা সাতকাম” এ মুলুক কধায়ান মুজুঙে রাঘেই চাঙমা সাহিত্য বাহ্ নান্যাচর উপজেলা ধেলা উদ্যোগে যাত্রা মণি কারবারি পাড়ার সরকারি প্রাইমারি ইক্কুল রুমত ২৮ জন চাঙমা পর্বোয়াদাঘিরে সার্টিফিকেট দিয়্যা ওয়ে। এ জুগলিয়্যা খলাবোত খলানানু গিরি গচ্ছে যাত্রা মণি কারবারি পাড়া গাভুজ্যা জধা মুখপাত্তি, সুনানু সমিরণ চাঙমাদাঘি আ নকবাচ্যা গরবা গিরি গচ্ছে ২নং নান্যাচর ইউনিয়ন পরিষদও সাবাঙ্গী সুনানু দিগন্ত চাঙমাদাঘি, মুলুক গরবা ইজেবে আহ্’জিল এলাক সমাচ ভালেদি কাম্মো সুনানু তুলি চাঙমাদাঘি, মাওরুম কলেজর প্রভাষক, সুনানু রনাল চাঙমাদাঘিসুমুত্ত চাঙমা সাহিত্য বাহ্ গরা কমিতি জধানানু, সুনানু ইনজেব চাঙমাদাঘি, ভান্ডালি কাবিদ্যাং, সুনানু রিমি চাঙমাদাঘি আ দিঘীনালা উপজেলা ধেলা সাবাঙ্গী, সুনানু সূচনা চাঙমাদাঘি। চাঙমা সাহিত্য বাহ্ নান্যাচর উপজেলা ধেলা এজাল জধানানু, সুনানু পাভেল চাঙমাদাঘি পাত্তুরুতুরু কধগি আ হিমেল চাঙমা খলাপজ্জোনীগিরিলোই খলাবো আরগানি গরা অহ্’য়। সরিত ওয়ে গরবাদাঘি চাঙমা সাহিত্য বাহ্ কামানি বাইনি গরি কলাক তারা চাঙ...

এওজি, দিঘীনালা, চাঙমা সাহিত্য পত্রিকা: সুনানু রনজিৎ দেবানদাঘিরে বেগে চিনন, তে চাঙমা জাদর বাজিথিয়্যা বিজক। ঝিমিত ঝিমিত জুনি জ্বলন......., ন’ চাং যেবার জাগান ........., আমা দেচ্চান এধক কি দোল ......, উত্তন পেইগে মেঘে মেঘে, ........মুরোহ্-মুরিহ্ ফারিনেই....., এধক্যে স্ব-সাগুচ্যা দোল দোল আ কালজয়ী গান তে গিয়্যা। তারার গানর গজার ফুদি উদে চাঙমা জাদর সুক-দুক। তে গেল্লে কেল্যা জুবা এক্কো মিলনি খলা সরিত অভাত্যা রাঙামাত্যাত্তুন দিঘীনালাত খুচ দিল।  এ খবর পেই চাঙমা সাহিত্য বাহ্ তপ্পেত্তুন এচ্যে ২৮ জানুয়ারি ২০২১ ইং, ১২ মাঘ ১৪২৭ বাংলা মঙ্গলবার বেন্যা মাধান ৯ টায় দিঘীনালা বাঘাইছড়ি দুয়োর (চাঙমা সাহিত্য বাহ্ সল্লাদার,  জাতীয় শিক্ষাক্রম পাঠ্যপুস্তক বোর্ড- বাংলাদেচ এ চাঙমা লেঘিয়্যা সাবাঙ্গী সুনানু আনন্দ মোহন চাঙমাদাঘি ঘরত) ইধু  ফুল দিন্যা অতালিয়ে কোচপানা আ ঝু ঝু গজেলাক।  চাঙমা সাহিত্য বাহ্ এওজি দলত এলাক ৪ নং দিঘীনালা ইউনিয়ন চেয়ারম্যান, সুনানু প্রজ্ঞান জ্যোতি চাঙমাদাঘি, চাঙমা সাহিত্য বাহ্ সল্লাদার,  জাতীয় শিক্ষাক্রম পাঠ্যপুস্তক বোর্ড- বাংলাদেচ এ চাঙমা লেঘিয়্যা সাবাঙ্গী সুনানু আনন্দ ...

আমি কন বেলান বেচ গম পেই? বেন্যা বেলান বেচ আমি গম পেই। তুমি সেই বেন্যা বেলান। আমার আহ্’লিয়্যা বেল আহ্’লে যেল’। তুমি আমার, চাঙমা জাদর সবন, মুজুঙর দিন্নোরে দোল পোতপোত্যা গরি তুলিবার সে আহ্’ত্যার তুমি। এচ্যে ২৪ জানুয়ারি ২০২১ ইং, বাংলা ১০ মাঘ ১৪২৭ বেন্যা মাধান ১১ টায় দ্যা হিলম্যান যুব ক্লাব এজালে চাঙমা সাহিত্য বাহ্ উদ্যোগে দ্যা হিলম্যান যুব ক্লাবত জুগলিয়্যা চাঙমা  পর্বোয়াদাঘিরে সার্টিফিকেট দেনা পোইদ্যানে জুগয়্যিা তেম্মাং খলাবোত সরিত অইয়ে গরবাদাঘি এ কধায়ান কলাক।  খলাবোত খলানানুগিরি গচ্ছে, দ্যা হিলম্যান যুব ক্লাব জধানানু, সুনানু কিংশক চাঙমা পিন্টুদাঘি, খলাবোত নকবাচ্যা গররা ইজেবে কধা কোইয়ে ৫নং ভেই-বোনছড়া ইউনিয়নত বিদি যিয়্যা চেয়ারম্যান সুনানু কান্তি লাল চাঙমা দাঘি, আ মুলুক গরবা ইজেবে আহ্’জিল এলাক, সমাচ ভালেদি কাম্মো সুনানু সুমঙ্গল চাঙমাদাঘি আ খাগাড়াছড়ি জেলা পৈনাঙি সাত্থুয়া, কুকিছড়া সরকারি প্রাইমারি ইক্কুলর মুর খাম সুনানু সুমনা চাঙমাদাঘি।  চাাঙমা সাহিত্য বাহ্ তপ্পেত্তুন কধা কোইয়ে গরা কমিতি জধানানু সুনানু ইনজেব চাঙমাদাঘি। তে কোইয়ে আমি বারবাঙানে ভুল গরানা এচ্যে আমি আমার ভাচ আ ওক্কোর...