২০৫০ ভিশন ভালেদি ওক-
“ত্রিশতিন জাদির ভাচ পারানা এক্কান দাঙর গুন মাত্তর, তার আগে নিজ’ ভাচ, নিজ’ লেঘা পারানা সাতকাম”
এ মুলুক কধায়ান মুজুঙে রাঘেই চাঙমা সাহিত্য বাহ্ নান্যাচর উপজেলা ধেলা উদ্যোগে যাত্রা মণি কারবারি পাড়ার সরকারি প্রাইমারি ইক্কুল রুমত ২৮ জন চাঙমা পর্বোয়াদাঘিরে সার্টিফিকেট দিয়্যা ওয়ে।
এ জুগলিয়্যা খলাবোত খলানানু গিরি গচ্ছে যাত্রা মণি কারবারি পাড়া গাভুজ্যা জধা মুখপাত্তি, সুনানু সমিরণ চাঙমাদাঘি আ নকবাচ্যা গরবা গিরি গচ্ছে ২নং নান্যাচর ইউনিয়ন পরিষদও সাবাঙ্গী সুনানু দিগন্ত চাঙমাদাঘি, মুলুক গরবা ইজেবে আহ্’জিল এলাক সমাচ ভালেদি কাম্মো সুনানু তুলি চাঙমাদাঘি, মাওরুম কলেজর প্রভাষক, সুনানু রনাল চাঙমাদাঘিসুমুত্ত চাঙমা সাহিত্য বাহ্ গরা কমিতি জধানানু, সুনানু ইনজেব চাঙমাদাঘি, ভান্ডালি কাবিদ্যাং, সুনানু রিমি চাঙমাদাঘি আ দিঘীনালা উপজেলা ধেলা সাবাঙ্গী, সুনানু সূচনা চাঙমাদাঘি।
চাঙমা সাহিত্য বাহ্ নান্যাচর উপজেলা ধেলা এজাল জধানানু, সুনানু পাভেল চাঙমাদাঘি পাত্তুরুতুরু কধগি আ হিমেল চাঙমা খলাপজ্জোনীগিরিলোই খলাবো আরগানি গরা অহ্’য়।
সরিত ওয়ে গরবাদাঘি চাঙমা সাহিত্য বাহ্ কামানি বাইনি গরি কলাক তারা চাঙমা সাহিত্য বাহ্ কায় থেই যার যার জাগাত্তুন ধন’ আ মন এজাল দি যেবার ইমে গরিলাক। আ গোদা নান্যাচর উপজেলাত চাঙমা লেঘা সার্টিকেট কোর্স জুগল গরানা গরচ ভিলে মনর কধা ভাঙি কলাক। তারাদাঘি বেগত্তুন আঘে ভাচ্ছান থিদ’ গরিবার সল্লায়্য দিলাক।
কোন মন্তব্য নেই:
একটি মন্তব্য পোস্ট করুন