আমি কন বেলান বেচ গম পেই? বেন্যা বেলান বেচ আমি গম পেই। তুমি সেই বেন্যা বেলান। আমার আহ্’লিয়্যা বেল আহ্’লে যেল’। তুমি আমার, চাঙমা জাদর সবন, মুজুঙর দিন্নোরে দোল পোতপোত্যা গরি তুলিবার সে আহ্’ত্যার তুমি।
এচ্যে ২৪ জানুয়ারি ২০২১ ইং, বাংলা ১০ মাঘ ১৪২৭ বেন্যা মাধান ১১ টায় দ্যা হিলম্যান যুব ক্লাব এজালে চাঙমা সাহিত্য বাহ্ উদ্যোগে দ্যা হিলম্যান যুব ক্লাবত জুগলিয়্যা চাঙমা পর্বোয়াদাঘিরে সার্টিফিকেট দেনা পোইদ্যানে জুগয়্যিা তেম্মাং খলাবোত সরিত অইয়ে গরবাদাঘি এ কধায়ান কলাক।
খলাবোত খলানানুগিরি গচ্ছে, দ্যা হিলম্যান যুব ক্লাব জধানানু, সুনানু কিংশক চাঙমা পিন্টুদাঘি, খলাবোত নকবাচ্যা গররা ইজেবে কধা কোইয়ে ৫নং ভেই-বোনছড়া ইউনিয়নত বিদি যিয়্যা চেয়ারম্যান সুনানু কান্তি লাল চাঙমা দাঘি, আ মুলুক গরবা ইজেবে আহ্’জিল এলাক, সমাচ ভালেদি কাম্মো সুনানু সুমঙ্গল চাঙমাদাঘি আ খাগাড়াছড়ি জেলা পৈনাঙি সাত্থুয়া, কুকিছড়া সরকারি প্রাইমারি ইক্কুলর মুর খাম সুনানু সুমনা চাঙমাদাঘি।
চাাঙমা সাহিত্য বাহ্ তপ্পেত্তুন কধা কোইয়ে গরা কমিতি জধানানু সুনানু ইনজেব চাঙমাদাঘি। তে কোইয়ে আমি বারবাঙানে ভুল গরানা এচ্যে আমি আমার ভাচ আ ওক্কোর বেক আহ্’রে ফেলেলং। এ ভুলত্তুন শিক্কে লোই আমাত্তুন মুজুঙর দিনর নিআলচি গরি কাম গরিবার কুজোলী গচ্ছে।
খলাবোত আর’ আহ’জিল এলাক চাঙমা সাহিত্য বাহ্ গরা কমিতি ভান্ডালি কাবিদ্যা, সুনানু রিমি চাঙমাদাঘি, খাগাড়াছড়ি জেলা এজাল দাঙর কাবিদ্যাঙ সুনানু তোষী চাঙমাদাঘি।
২৬ জন চাঙমা পর্বোয়া দাঘিরে সার্টিফিকেট দেনা খলাবোত খলা পজ্জোনী গিরি গচ্ছে দ্যা হিলম্যান যুব ক্লাবর দাঙর কাবিদ্যাঙ সুনানু লিটন চাঙমাদাঘি।
কোন মন্তব্য নেই:
একটি মন্তব্য পোস্ট করুন