বালা সুজনা (প্রতিদান)- সুনানু ইনজেব চাঙমা
এত্থে এক নাধা বন্দার পুঅ দীঘল পত বেই আহ্’দি যার, তে তার লেঘা পড়া খরজত্যা ঘরে ঘরে যেই পিনোন-খাদি আ নানাঙ জিনিচ বেজে। পুঅবো উরি আঘে এক্কো গাবে ধচ্যে সুলুম। তার অমহদ’ পেত পুরের। তে মঞ্জুক গরল’ মুজুঙে যে ঘরান লাগত পেব’ সে ঘরাত্তুন কিঝু খেব’। মাত্তর, তে যে ঘরানাত যেল খেবার আঝায় সে ঘরানত্তুন এক্কো দোল মিলে নিগিলে এযানা তার পেত পুরানা কধা কবার দ’ দর আ লাজে ধচ্যে। তে বানা পানি খেবার মাগিল’। মিলেবো তা ধক বুঝি এক্কো দাঙর গলচ্চোই দুধ আনি দিল’। পুঅবো লারে লারে দুত্তান খেই কল- মর ক’ তেঙা দি পরিব এ দুত্তানত? মিলেবো কল’- “তর কিচ্ছু দিয়্যা ন’ পরিব।” পুঅবো কল- “মামা মরে কোইয়ে লোবিয়দ দান ফেরত দিয়্যা ন’ পরে। সালেন, মুই তরে বুগত্তুন ছাগি তুল্যা অতালিয়ে এ্যাংকুর (ধন্যবাদ) দিলুং।” পুঅবো নাঙান তারুম। তারুসে যক্যে দুত্তান খেই ঐ ঘরত্তুন নিগিলি যার, সক্যে তে কিয়েয়ান এক্কান বলপিয়ে পার। তারুমে ভগবান উগুরে অমহদ বিশ্চেস আঘে। সময়র গঙারে কাদে গেল ভালক বঝর। এক দিন অই মিলেবো অসুক অহ্’ল। সিধু ডাক্তরউনে তারে মন বাজিয়ে চিকিৎস্যা গরানা পরও তারে গম গরি ন’ পারন। তারে পাদেলাক এক্কান দাঙর শহরত নাঙ ফুত্তে এক্কান হাসপাতালত। য...