Hillor pojjan(হিলর্ পজ্জন)

আমি সবন জাল বুনিবং নিআলঝি গরি- মাগ’রক্কুন যিক্যে বুনন জাল। পেহ্’রা উনে যিক্যে গরি বানন বাহ্। কাবিল মিলে যিক্যে গরি- আলাম বুনি যান। সে সবন দিঘোল পদ বেহ্ অনসুর আহ্’দিবং সংসমারে গাঙ’ পানি যিক্যে নালে যায় বেহ্ কাজালং, মিঙিনি, চেঙে- দেঘা অবংগোই বরগাঙর সাল্যেঙত।

মিঙিনি বামত্তুন যক্যে যেবং কাজালং বামত কাচালং কলেজত চাঙমা লেঘা শেঘা, দিঘিনালা - মারিশ্যা এঙা বেঙা দিঘলী রাজ পদ বেই পুগদি দেঘে কাচালং পজিমে মিঙিনি চাগালা। কি দোল দি কুল মধ্যে আঘে অজলচুক অজল চুক’ দিঘোল ধারা ধরি যাদে মনানত মর কি ভাপউদে - কাবিল মিলে চুচ্যেঙ চুচ্যেঙ আঙুল্লোই আলাম বুনান সান- সবন বুনঙ, নুয়ো নুয়ো সবন কাক্কাবাচ্যা বুগত। ৭ সেপ্টেম্বর ২০১৮ শ্রেয়লোই দি’জনে মোটর সাইকেলত গরি ঘরত ফিরদে শ্রেয়রে দেঘে দিলুং- ১১ কিলো বুগত তলে আদামান ছবিসান দেঘে সে কাজালংবাম; যিন্দি চোক যায়- দি’চোক তিরোচ মরি, বুক জুরায়। কালামুড় দিঘোল পদে এত্তে মনানত মর কি ভাপউদে - মাগ’রক সান অনসুর জাল বুনে সবন জাল- যে সবনত অঝাপাত, ভাচ, সাহিত্য, সংস্কৃতি ধুলি ধুলি লুলোঙ গালি দ’ চাই।

       ত্যাত্তলোই বানেইয়ে জুম্ম সমাচ আন্ধারত লুহো আঝাত বন্দী        চতফোদে চতফোদে যাদন বচ। দুক, পেরাশানি, কচত’ কজলা খেইয়ে আর ক’ দিন ক’ বঝর থেবং, দুগত ......! লুহোরত ভাঙি ফেল’ এয পহ্’র কিত্তে        লত দিই সে মআন সাধনাই। চুপে চুপে দি গেল মৌহনী মন্ত্র       হিলর মানেউনর কানে কানে মন্ত্র ফাদি সোজেই উদিল         জুম্ম জাদর পরানত। জধা গরিল’ দশ ভাচ এগারবো জাদরে       বলবলা এগারবো পোঅ-ছা দেচ্ছানরে বাজেবাক সমক খেলাক        লর দিলাক জাদর মুক্তিত্যাই। ধংগা ভাঙি যায় হিল চাদিগাঙ        আনিল’ পেহ্’রে মুক্তির পদত সিত্যাই, জুম্ম জাত্তো মুজুঙে আহ্’দে       তরে তুলি তুলি ইধোত। ও দাঙর অজল দেচ পেরেত্যা, দাঙর চেদনর কজাল  তরয়্য চেদনে আমি তারুম ঝারে আ রাজপদত। জাত্তোরে দিলে শিক্’খে নিজ’ পরান দান দিন্যাই কন’ দিন খুর...