Hillor pojjan(হিলর্ পজ্জন)

সুনানু সুবর্ণা চাঙমা, ঢাকা: বানা মুরোল্যা চাদিগাঙ নয়, "চাঙমা সাহিত্য বাহ্"র ছদক ছিদি পরের বাংলাদেঝর্ রাজধানী ঢাকা বুগোত্ ও!  গেল্লে কেল্যা ০২-০৭-২০২১ ইংরেজি,শুক্করবার "চাঙমা সাহিত্য বাহ্  ঢাকা তপ্পেত্তুন গাজীচর চাগালাত্ "জুম্ম কালচারাল একাডেমি"ত দি'খেবর আ সে সমারে ঢাকা পল্লীবিদ্যুৎ চাগালাত "জুম্ম সাহিত্য একাডেমি"ত পোইল্যা খেবর চাঙমা লেঘা সার্টিফিকেট কোর্স পরিকখে গমে-দোলে অহ্ই গেল। পরিকখে সেন্টার তলবিচ্ গরানাহ্ত আহ্জিল এলাক "চাঙমা সাহিত্য বাহ্'র ঢাকা ধেলা"র জধানানু- সুনানু মোহন লাল চাঙমা আ এহ্জাল দাঙর কাবিদ্যাঙ- সুনানু প্রবীণ চাঙমাদাঘি।

অঝাপাদর কয়বো ওক্কোর এ নিনেই নানাঙ জনর নানাঙ মত। সিয়ান দ’ ২০০৭ সালত থুম গরা অয়্যা। ত্যুঅ কোই যায় নানাঙ মত থেই পারে। ইয়োত ১৯০৩ সাল - ২০০৭ সাল সং অঝাপাত নিনেই যে ডুকুমেন্ট পা যিয়ে সিয়ানি তলবিচ গরিবার কুজোলি থেল। আজলে অঝাপাদর কয়বো ওক্কোর?  অঝাপাত: চাঙমা “অঝা” র’বো বাংলা অলদে প্রথম, প্রধান, ধাত্রী এধক্যে নানাঙান বুঝয়। পল্যা এ ওক্কোরউন শিঘা পরে  কেনেই মনে অয় এ নাঙান অঝাপাত দিয়্যা অয়্যা আ এক সময়  অঝা-বৈদ্যদাঘি এলাক আদামর সাতকাম্য/গুরুত্বপূর্ণ বন্দা। হয়দ’ সিত্তুনও এ অঝাপাদও নাঙান এই পারে। পিত্তিমীত আহ্’জি যেই যায় ছ’ আজার ন’ ১২য়ান ভাচ আঘে। ইয়ানি কয়েক্কান ভাঝর গুত্তি বা গিরি/পরিবার আঘে। ইন্দো-এরিয়ান (ভারতীয় আর্য্য ভাষা), টিবেটো-চিন আ নানাঙান। চাঙমা ভাচ অহ্লদে ইন্দো-এরিয়ান ভাঝর গুত্তি বা গিরি’র এক্কান ভাচ। তনচঙ্গ্যা, বাংলা, অহমিও ইন্দো-এরিয়ান ভাঝর গুত্তি বা গিরিত পরে আ চাঙমা ভাচ্চান জনম বা উৎপত্তি উয়ে থাইল্যান্ড খেমার ওক্কোরত্তুন (গ্রীয়ারসন, ১৯০৩)। ১৯০০ - ২০০৭ সাল সং নানাঙ জনে নানাঙ ধক্যা গরি অঝাপাত্তো ছাবেয়্যন। 1.       Ajhapat - 33,   by G.A Grierso...