সুনানু জ্যোতি চাঙমাদাঘির ঘর রাঙামত্যা জেলা লংগদু উপজেলাত। তে ফেনী পলিটেকনিক ইন্সটিটিউটত্তুন কম্পিউটারবোলই ডিপ্লোমা ইঞ্জিনিয়ারিং পাশ গরে। সে পরে ঢাকা ইন্টারন্যাশনাল ইউনিভার্সিটিত্তুনও কম্পিউটার সায়ন্সে স্নাতক ডিগ্রি ছিনি আনিল। তে ABC Radio FM89.2 তে সিস্টেম ইঞ্জিনিয়ার ইজেবে কামত আঘে। সুনানু জ্যোতি চাঙমা আ সুনানু বিভূতি চাঙমাদাঘির নিআহ্’লচি কামর বলে ২০১১ সালত উরবোতাদত সফটওয়ার ভার্চুয়াল কি-বোর্ড বানা অহ্’য়ে। যা ইক্যে আমি মনমনজক্কা গরি লেঘি পারির। ২০১২ খ্রি. তারা এক্কো ASCII চাকমা ফন্ট বানা উবে পাচ্চোন। ফন্টত্তো বানেবার আগে রাঙামাত্যা রাঙ্গমাটি ক্ষুদ্র-নৃগোষ্ঠির সাংস্কৃতিক ইন্সটিটিউটর কয়েকজন কাবিল বন্দালোই দ্বি’বে সেমিনার গচ্ছোন। আ ফন্ট নাঙ দিলাক আলাম ASCII ফন্ট।
মাত্তর, এ আলাম ফন্টত্তো ASCII ফন্ট অনার এমএস ওয়ার্ডসুমুত্ত নানাঙ ফাংশানত/ বিভিন্ন প্রোগ্রামে লেঘা গেলেও গুগল,ইয়াহু,ফেইসবুক আ উরবোতাদে/ইন্টারনেটে নানাঙ ব্রাউজারত লেঘানা সম্ভব ন’ এল।
সে চিন্তেত্তুন দ্বি’জনে ইউনিকোড চাকমা ফন্ট বানানা কামান আহ্’দত লন। ইয়ান তারার আগাথ্যা এক্কা কমা এল’। কিত্তে, সক্যেও ইউনিকোড কনসোর্টিয়াম চাঙমা ফন্টউন তারার ইউনিকোড ব্লকত এগত্তর ন’ গরন। শেজে ২০১২ সালত পল্যাদি ইউনিকোড কনসোর্টিয়াম ইউনিকোড ৬.১ ভার্শনত চাঙমা ইউনিকোড ব্লগ এগত্তর গরিলাক।
১। এ কামর বলে ইক্যে আমি উরবোতাদে অঝাপাত্তো মা-ভাচ লেঘি পারির। এত্তমান এক্কান কাম গরানার তারারে মান দিবাত্যা পল্যা “হিল ইঞ্জিনিয়ার্স এসোসিয়েশন” নাঙে এক্কো জধা ১৬ কি ১৭ ডিসেম্বর ২০২১ খ্রি. এক্কান পিকনিক ফাংশানত সুনানু জ্যোতি চাঙমাদাঘিরে মান দিলাক। সুনানু জ্যোতি চাঙমাদাঘিরে গায় গায় মান দেনা কন’ জনে মানি ন’ পারন। সেনে “হিল ইঞ্জিনিয়ার্স এসোসিয়েশন” তপ্পেত্তুন Juju Elu Elen (18 ডিসেম্বর, 2021 ) তার টাইম লাইট একধক্যে ভুল শিগার গরি পেল।
২। গেল্লে ১৩/০৫/২০২২ খ্রি. সামাজিক ব্যবসা প্রতিষ্ঠান প্রো বেটার লাইফ (পিবিএল) এ তপ্পেত্তুন ১। সুনানু জয়া চাঙমা- ক্রীড়া
২।সুনানু প্রমোদ বিকাশ চাঙমা- সাহিত্য ও প্রকাশনা
৩। সুনানুরনজিৎ দেবান- শিল্প ও সাহিত্য
৪। সুনানু বিভূতী চাঙমা- প্রযুক্তি ও উদ্ভাবন
৫। পার্বত্য যান বাহন মালিক সমিতি- উদ্যোক্ত ও ব্যবসা
৬। জাবারাং কল্যাণ সমিতি- শিক্ষা ও গবেষণা আ
৭। উন্মেষ- সমাজ সেবা। [সূত্র: পূর্ব কোণ] দাঘিরে মান দিয়্যা অহ্’য়্যা, গুণীজন সম্মাননা পদক-২০২২ মুলুক কধালোই সামাজিক ব্যবসা জধা (প্রতিষ্ঠান) “প্রো বেটার লাইফ” বা পিবিএল এ ব্যানারত। আ ইয়ান খামাক্কাই পাত্তুরুতুরু পেবার লাক। মুইও পিবিএলরে সাধুবাদ আ পাত্তুরুতুরু জানাঙর। তারা এ কামান আর’ ঈয়োত লাম্বা ওক।
ইক্যে কধা কত্তে, সুনানু জ্যোতি চাঙমাদাঘিরে কেনে এ মান দেনাত্তুন দুরত রাঘেলং। না বানা সুনানু বিভূতি চাঙমাদাঘি ফেসবুকত এ পোইদ্যানে আপলোড দে সিয়ান তলবিচ গচ্ছেই। ( লিংক:
এধক্কানি খরব পেনেইও কিত্যাই আমি বারবাঙানে ভুল গরির? না পিবিএল কি ইয়ানি খবর ন’ পায়? তারা দ’ ইয়ানি খবর পেবার কধা নয়! কিত্তে সালেন একজনরে মান দিনেই আর একজনরে অপমান গরিবং? এ জোপ পিবিএলত্তুন পেবার চেই।
যা ওক, এ ভুলানি যেন মুজুঙর দিনত ন’ গদে এ তবনা থেল। পাত্তুরুতুরু বেক্কুনরে।
ছবি: পূর্বকোণ
