𑄘𑄬𑄠𑄣𑄧𑄖𑄴 𑄛𑄨𑄖𑄴 𑄝𑄎𑄚 𑄃 𑄎𑄧𑄚𑄴 𑄖𑄳𑄢𑄨𑄛𑄪𑄢 𑄃𑄪𑄌𑄴𑄇𑄢𑄨
"𑄡𑄬 𑄥𑄚𑄴𑄘𑄨𑄖𑄳𑄠𑄭 𑄣𑄮 𑄘𑄨𑄣𑄧𑄁, 𑄡𑄬 𑄥𑄚𑄴𑄘𑄨𑄖𑄳𑄠𑄭 𑄥𑄚𑄴𑄘𑄨 𑄝𑄦𑄨𑄚𑄩 𑄎𑄧𑄚𑄧𑄟𑄴 𑄦𑄧𑄠𑄬, 𑄡𑄬 𑄥𑄚𑄴𑄘𑄨𑄖𑄳𑄠𑄭 𑄦𑄖𑄳𑄠𑄢𑄴 𑄎𑄧𑄟 𑄘𑄨𑄠𑄳𑄠 𑄦𑄧𑄠𑄬 𑄥𑄬 𑄥𑄚𑄴𑄘𑄨 𑄃𑄢𑄴 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄴 𑄚𑄧 𑄗𑄬𑄝𑄧𑅁 𑄥𑄬𑄚𑄬 𑄇𑄧𑄋𑄧𑄢𑄴, 𑄃𑄃𑄮𑄏𑄮𑄢𑄴 𑄝𑄁𑄣𑄘𑄬𑄌𑄴, 𑄃𑄃𑄮𑄏𑄮𑄢𑄴, 𑄝𑄋𑄣𑄨 𑄃 𑄛𑄦𑄢𑄨 𑄥𑄧𑄟𑄧𑄎𑄳𑄠𑄃𑄪𑄚𑄴, 𑄌𑄮𑄇𑄴 𑄟𑄬𑄣𑄨 𑄢𑄨𑄚𑄨 𑄌𑄧𑅁 𑄌𑄮𑄇𑄴 𑄟𑄨𑄣𑄨 𑄢𑄨𑄚𑄨 𑄌𑄬𑄝𑄢𑄴 𑄃𑄧𑄇𑄴𑄖𑄧 𑄃𑄬𑄥𑄳𑄠𑄬𑅁”
𑄉𑄬𑄣𑄴𑄬 𑄸𑄹 𑄎𑄪𑄚𑄴 𑄸𑄶𑄸𑄼, 𑄝𑄚𑄴𑄘𑄧𑄢𑄴𑄝𑄚𑄴 𑄣𑄟 𑄃𑄪𑄛𑄧𑄎𑄬𑄣 𑄚𑄎𑄨𑄢𑄟𑄴 𑄖𑄳𑄢𑄨𑄛𑄪𑄢 𑄃𑄘𑄟𑄧𑄖𑄴 𑄎𑄪𑄟𑄴𑄧𑄃𑄪𑄚𑄧𑄢𑄴 𑄎𑄉 𑄝𑄬𑄘𑄧𑄋𑄧𑄣𑄴, 𑄦𑄟𑄴𑄣 𑄃 𑄃𑄉𑄪𑄚𑄴 𑄝𑄎𑄬 𑄘𑄬𑄚 𑄥𑄪𑄠𑄮𑄣𑄬 𑄎𑄪𑄉𑄧𑄣𑄨𑄠𑄬 𑄃𑄬𑄉𑄧𑄖𑄴𑄧𑄢𑄨 𑄈𑄧𑄣𑄝𑄮𑄖𑄴 𑄃𑄬 𑄇𑄧𑄙 𑄇𑄮𑄃𑄨𑄠𑄬 𑄉𑄝𑄧𑄎𑄳𑄠 𑄃𑄬𑄃𑄮𑄎𑄨 𑄎𑄧𑄚𑄴 𑄖𑄳𑄢𑄨𑄛𑄪𑄢𑄘𑄊𑄨𑅁 𑄖 𑄃𑄬 𑄇𑄧𑄙𑄖𑄴 𑄝𑄚 𑄥𑄪𑄘𑄪𑄢𑄪𑄋𑄮 𑄥𑄪𑄠𑄮𑄣𑄴 𑄚𑄧𑄠𑄴, 𑄣𑄟𑄴𑄝 𑄖𑄨𑄚𑄴 𑄘𑄧𑄥𑄧𑄇𑄧𑄢𑄴 𑄇𑄠𑄴 𑄇𑄪𑄠𑄴 𑄡𑄬 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄴 𑄌𑄪𑄇𑄴𑄖𑄨 𑄝𑄥𑄴𑄖𑄧𑄝𑄠𑄧𑄚𑄴 𑄚𑄧 𑄦𑄧𑄚𑄖𑄳𑄠𑄭 𑄃𑄬𑄌𑄳𑄠𑄬 𑄛𑄦𑄢𑄧𑄖𑄴 𑄎𑄪𑄟𑄴𑄧 𑄍𑄖𑄳𑄢𑄧-𑄉𑄝𑄪𑄎𑄳𑄠 𑄛𑄨𑄢𑄨𑄃𑄪𑄚𑄧𑄢𑄴 𑄎𑄧𑄟 𑄦𑄧𑄠𑄬 𑄢𑄇𑄴, 𑄝𑄧 𑄚𑄨𑄏𑄬𑄌𑄴 𑄃 𑄖𑄪𑄢𑄴 𑄖𑄇𑄴𑄖𑄇𑄳𑄠𑄬 𑄝𑄢𑄪𑄎𑄧𑄢𑄴 𑄝𑄮𑄟𑄴 𑄜𑄘𑄚𑅁
𑄷𑄿𑄿𑄽 𑄥𑄣𑄧𑄖𑄴 𑄸 𑄓𑄨𑄥𑄬𑄟𑄴𑄝𑄧𑄢𑄴 𑄥𑄇𑄴𑄈𑄧𑄢𑄴 𑄦𑄧𑄠𑄬 𑄥𑄬 𑄝𑄨𑄎𑄧𑄇𑄴 𑄝𑄚𑄬𑄠𑄳𑄠 𑄌𑄪𑄇𑄴𑄖𑄨 𑄃𑄬𑄡𑄧 𑄖𑄧𑄎𑄨𑄟𑄧𑄛𑄪𑄢𑄴 𑄉𑄧𑄢𑄨 𑄛𑄳𑄦𑄧𑄢𑄧 𑄟𑄪 𑄚𑄧 𑄘𑄬𑄊𑄬𑅁 𑄞𑄫𑄟𑄨 𑄇𑄧𑄟𑄨𑄥𑄧𑄚𑄴 𑄇𑄟𑄴 𑄉𑄧𑄢𑄨 𑄚𑄧 𑄛𑄢𑄚 𑄃𑄧𑄚𑄴𑄥𑄪𑄢𑄴 𑄚𑄨𑄎𑄧 𑄊𑄧𑄢𑄴𑄛𑄘 𑄎𑄉𑄖𑄴𑄪𑄚𑄴 𑄣𑄪𑄢𑄨 𑄛𑄘𑄧𑄚𑄴 𑄎𑄪𑄟𑄴𑄧𑄃𑄪𑄚𑄬𑅁 𑄃𑄬𑄙𑄧𑄇𑄳𑄠𑄬 𑄎𑄨𑄠𑄮𑄖𑄨𑄠𑄮 𑄘𑄨𑄚𑄴 𑄟𑄙𑄚𑄧𑄖𑄴 𑄎𑄧𑄚𑄴 𑄖𑄳𑄢𑄨𑄛𑄪𑄢𑄘𑄊𑄨 𑄛𑄧𑄢𑄇𑄴 𑄛𑄧𑄢𑄇𑄴 𑄉𑄧𑄢𑄨 𑄞𑄋𑄨 𑄇𑄧𑄣𑄇𑄴-
"𑄃𑄬 𑄣𑄬𑄊 𑄛𑄢 𑄃𑄟𑄢𑄬 𑄇𑄟𑄴 𑄚𑄧 𑄘𑄨𑄝𑄧, 𑄃𑄬 𑄖𑄬𑄋 𑄛𑄧𑄠𑄴𑄎𑄳𑄠 𑄇𑄟𑄴 𑄚𑄧 𑄘𑄨𑄝𑄧𑅁 𑄃𑄬 𑄝𑄨𑄣𑄴𑄓𑄨𑄋𑄧𑄖𑄴 𑄇𑄟𑄴 𑄚𑄧 𑄘𑄨𑄝𑄧 𑄃𑄬 𑄥𑄧𑄟𑄴𑄛𑄧𑄖𑄴𑄨 𑄇𑄟𑄴 𑄚𑄧 𑄘𑄨𑄝𑄧𑅁 𑄡𑄨𑄠𑄧𑄚𑄧𑄖𑄳𑄠 𑄃𑄟𑄨 𑄥𑄧𑄟𑄴𑄛𑄧𑄖𑄴𑄨 𑄖𑄧𑄉𑄬𑄢𑄴, 𑄥𑄬 𑄥𑄧𑄟𑄴𑄛𑄧𑄘𑄴 𑄡𑄪𑄚𑄨 𑄢𑄥𑄴𑄑𑄳𑄢𑄧, 𑄘𑄬𑄌𑄴, 𑄥𑄧𑄢𑄧𑄇𑄢𑄴 𑄢𑄧𑄈𑄳𑄠𑄬 𑄉𑄧𑄢𑄨 𑄚𑄧 𑄛𑄢𑄬, 𑄟 𑄝𑄮𑄚𑄪𑄚𑄧𑄢𑄬 𑄃𑄬 𑄃𑄭𑄚𑄴 𑄥𑄳𑄢𑄨𑄋𑄴𑄈𑄧𑄣 𑄝𑄦𑄨𑄚𑄨 𑄢𑄧𑄈𑄳𑄠𑄬 𑄉𑄧𑄢𑄨 𑄚𑄧 𑄛𑄢𑄬 𑄥𑄣𑄬𑄚𑄴 𑄥𑄬 𑄃𑄭𑄚𑄴 𑄥𑄳𑄢𑄨𑄋𑄴𑄈𑄧𑄣 𑄃𑄟𑄨 𑄚𑄧 𑄌𑄬𑄃𑄨𑅁 𑄃𑄟𑄨 𑄚𑄨𑄎𑄧𑄢𑄴 𑄚𑄨𑄢𑄛𑄧𑄖𑄴𑄖 𑄚𑄨𑄎𑄬 𑄘𑄨𑄝𑄧𑄁𑅁 𑄥𑄨𑄠𑄚𑄴 𑄡𑄪𑄚𑄨 𑄝𑄬𑄛𑄧𑄙𑄬 𑄦𑄧𑄠𑄴, 𑄥𑄨𑄠𑄚𑄴 𑄡𑄪𑄚𑄨 𑄃𑄧𑄉𑄧𑄚𑄧𑄖𑄳𑄢𑄚𑄴𑄖𑄳𑄢𑄨𑄇𑄴 𑄛𑄧𑄙𑄬 𑄦𑄧𑄠𑄴 𑄃𑄟𑄨 𑄥𑄨𑄠𑄚𑄴 𑄉𑄧𑄢𑄨𑄝𑄢𑄴 𑄎𑄪𑄉𑄧𑄣𑄴 𑄃𑄊𑄨𑅁”
𑄎𑄧𑄚𑄴 𑄖𑄳𑄢𑄨𑄛𑄪𑄢𑄘𑄊𑄨𑄢𑄴 𑄃𑄬 𑄇𑄧𑄙 𑄃𑄟 𑄢𑄥𑄴𑄑𑄳𑄢𑄧 𑄃 𑄥𑄧𑄟𑄏𑄧𑄖𑄳𑄠𑄭 𑄘𑄋𑄧𑄢𑄴 𑄃𑄪𑄌𑄴𑄇𑄢𑄨 𑄇𑄧𑄙𑅁 𑄡𑄧𑄇𑄳𑄠𑄬 𑄃𑄬𑄇𑄴𑄮 𑄌𑄉𑄣 𑄟𑄚𑄬𑄃𑄨𑄃𑄪𑄚𑄬 𑄚𑄨𑄎𑄧𑄢𑄴 𑄟𑄯𑄣𑄨𑄇𑄴 𑄚𑄨𑄢𑄛𑄧𑄖𑄴𑄖 𑄃 𑄌𑄁𑄥𑄢 𑄢𑄧𑄈𑄳𑄠𑄬𑄢𑄴 𑄃𑄭𑄚𑄨 𑄃 𑄉𑄧𑄕𑄧𑄖𑄚𑄴𑄖𑄳𑄢𑄨𑄇𑄴 𑄙𑄧𑄉𑄧𑄢𑄴 𑄃𑄪𑄉𑄪𑄢𑄬 𑄝𑄨𑄌𑄳𑄠𑄬𑄌𑄴 𑄦𑄎𑄨 𑄜𑄬𑄣𑄚𑄴, 𑄥𑄧𑄇𑄴𑄬 𑄥𑄨𑄠𑄚𑄴 𑄉𑄮𑄘 𑄘𑄬𑄏𑄧𑄢𑄴 𑄃𑄧𑄥𑄚𑄴𑄘𑄨 𑄟𑄪𑄠𑄮𑄖𑄴 𑄛𑄧𑄢𑄨 𑄡𑄠𑄴𑅁
𑄝𑄬𑄉𑄧𑄖𑄴𑄪𑄚𑄴 𑄝𑄬𑄌𑄴 𑄘𑄧𑄢𑄴𑄉𑄧𑄢𑄬 𑄛𑄮𑄃𑄨𑄘𑄳𑄠𑄚𑄴 𑄦𑄧𑄣𑄧𑄘𑄬 𑄥𑄧𑄚𑄴𑄖𑄪 𑄣𑄢𑄴𑄟 𑄚𑄧 𑄗𑄬𑄣𑄬 𑄃𑄬 𑄟𑄪𑄢𑄪𑄣𑄳𑄠 𑄌𑄉𑄣 𑄚𑄨𑄚𑄬𑄃𑄨 𑄖𑄢𑄴 𑄃𑄉𑄗𑄳𑄠 𑄃𑄪𑄌𑄴𑄇𑄢𑄨𑅁 𑄎𑄧𑄚𑄴 𑄖𑄳𑄢𑄨𑄛𑄪𑄢 𑄃𑄢𑄧 𑄇𑄧𑄣𑄴-
"𑄖𑄮𑄟𑄢𑄬 𑄃𑄪𑄌𑄴 𑄘𑄪𑄋𑄮𑄢𑄴, 𑄥𑄧𑄚𑄴𑄖𑄪 𑄣𑄢𑄴𑄟 𑄡𑄪𑄚𑄨 𑄟𑄪𑄢𑄨 𑄡𑄠𑄴 𑄥𑄧𑄇𑄴𑄬 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄴 𑄇𑄨 𑄙𑄧𑄇𑄴 𑄃𑄧𑄞𑄧 𑄥𑄧𑄇𑄳𑄠𑄬 𑄖𑄬 𑄖𑄪𑄟𑄨 𑄝𑄪𑄏𑄨 𑄛𑄢𑄨𑄝𑅁 𑄃𑄬 𑄥𑄧𑄚𑄴𑄖𑄪 𑄣𑄢𑄴𑄟𑄖𑄳𑄠𑄭 𑄃𑄬𑄌𑄳𑄠𑄬 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄴 𑄥𑄚𑄴𑄘𑄨 𑄗𑄨𑄘𑄧 𑄃𑄊𑄬𑅁 𑄡𑄬𑄘𑄨𑄚𑄴 𑄥𑄧𑄚𑄴𑄖𑄪 𑄣𑄢𑄴𑄟 𑄟𑄪𑄢𑄨 𑄡𑄬𑄝𑄧 𑄥𑄬𑄘𑄨𑄚𑄴 𑄘𑄨𑄊𑄨𑄝 𑄃𑄬 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄴 𑄃𑄢𑄴 𑄇𑄢𑄧𑄢𑄴 𑄦𑄚𑄴𑄎𑄟𑄬 𑄚𑄧 𑄗𑄬𑄝𑄧𑅁 𑄥𑄧𑄇𑄴𑄬 𑄝𑄪𑄏𑄨𑄝 𑄃𑄬 𑄝𑄁𑄣𑄟𑄬𑄌𑄴 𑄇𑄨 𑄝𑄧𑄎𑄧𑄁 𑄉𑄧𑄌𑄴𑄍𑄬𑅁 ….. 𑄝𑄎𑄳𑄠𑄬 𑄚𑄧 𑄗𑄇𑄴𑄮 𑄥𑄧𑄚𑄴𑄖𑄪 𑄣𑄢𑄴𑄟 𑄟𑄢𑄚𑄢𑄴𑅁 𑄃𑄨𑄠𑄚𑄴 𑄝𑄧𑄎𑄧𑄁 𑄇𑄟𑄴𑅁 𑄖𑄬 𑄝𑄎𑄨 𑄗𑄇𑄴𑄬 𑄃𑄟𑄢𑄴 𑄥𑄚𑄴𑄘𑄨 𑄗𑄨𑄘𑄧 𑄉𑄧𑄢 𑄛𑄧𑄢𑄨𑄝𑄧𑅁 𑄡𑄪𑄚𑄨 𑄖𑄬 𑄟𑄪𑄢𑄨 𑄡𑄠𑄴 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄴 𑄃𑄢𑄴 𑄇𑄧𑄚𑄧 𑄘𑄨𑄚𑄴 𑄥𑄚𑄴𑄘𑄨 𑄚𑄧 𑄃𑄧𑄞𑄧𑅁”
𑄃𑄬 𑄉𑄝𑄪𑄎𑄳𑄠 𑄌𑄬𑄣𑄝𑄮 𑄇𑄧𑄙𑄚𑄴 𑄛𑄮𑄖𑄴𑄛𑄮𑄖𑄳𑄠 𑄉𑄧𑄢𑄨 𑄜𑄪𑄘𑄨 𑄃𑄪𑄘𑄬, 𑄟𑄪𑄢𑄪𑄣𑄳𑄠 𑄌𑄉𑄣𑄖𑄴 𑄥𑄚𑄴𑄘𑄨 𑄃𑄬𑄡𑄧 𑄟𑄮𑄢𑄴𑄟𑄮𑄎𑄳𑄠 𑄥𑄪𑄘𑄧𑄣𑄮𑄃𑄨 𑄖𑄋𑄬𑄠𑄳𑄠 𑄃𑄊𑄬𑅁 𑄥𑄚𑄴𑄘𑄨𑄝𑄦𑄨𑄚𑄩𑄃𑄪𑄚𑄬 𑄦𑄖𑄳𑄠𑄢𑄴 𑄎𑄧𑄟 𑄘𑄬𑄚 𑄛𑄧𑄢𑄴 𑄃𑄬𑄌𑄳𑄠𑄬 𑄥𑄧𑄁 𑄸𑄿 𑄝𑄧𑄏𑄧𑄢𑄴 𑄞𑄨𑄘𑄨 𑄉𑄬𑄣𑄬𑄠𑄳𑄠𑄧 𑄥𑄚𑄴𑄘𑄨 𑄦𑄞 𑄚𑄧 𑄜𑄨𑄢𑄚𑄠𑄴 𑄉𑄝𑄪𑄎𑄳𑄠𑄃𑄪𑄚𑄴 𑄛𑄨𑄖𑄴 𑄘𑄬𑄠𑄣𑄧𑄖𑄴 𑄦𑄞𑄪𑄎𑄳𑄠𑅁 𑄎𑄧𑄚𑄴 𑄖𑄳𑄢𑄨𑄛𑄪𑄢 𑄥𑄧𑄢𑄴𑄇𑄢𑄧𑄢𑄬 𑄃𑄪𑄌𑄴 𑄘𑄨𑄚𑄬𑄃𑄨 𑄇𑄧𑄣𑄧, 𑄃𑄬 𑄃𑄧𑄇𑄴𑄖𑄧𑄖𑄴 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄧𑄢𑄴 𑄃𑄬 𑄘𑄪𑄇𑄴 𑄃 𑄢𑄇𑄴 𑄚𑄧 𑄝𑄪𑄏𑄨 𑄡𑄪𑄚𑄨 𑄞𑄝𑄧 𑄦𑄖𑄳𑄠𑄢𑄴𑄣𑄮𑄃𑄨 𑄢𑄧𑄞 𑄉𑄧𑄢 𑄡𑄬𑄝𑄧, 𑄥𑄣𑄬𑄚𑄴 𑄥𑄨𑄠𑄚𑄴 𑄃𑄧𑄞𑄧 “𑄘𑄋𑄧𑄢𑄴 𑄃𑄬𑄇𑄴𑄇𑄚𑄴 𑄝𑄧𑄎𑄧𑄁 𑄇𑄟𑄴𑅁"
𑄃𑄧𑄇𑄴𑄖𑄧 𑄦𑄮𑄢𑄬 𑄡𑄬𑄝𑄢𑄴 𑄃𑄉𑄬 𑄥𑄧𑄢𑄴𑄇𑄢𑄧𑄢𑄴 𑄃𑄪𑄌𑄴𑄖𑄴 𑄟𑄪𑄢𑄪𑄣𑄳𑄠 𑄃𑄬 𑄇𑄨𑄏𑄬𑄇𑄴 𑄃 𑄢𑄇𑄴 𑄇𑄧𑄖𑄴𑄖𑄟𑄚𑄴 𑄉𑄧𑄢𑄬𑄁 𑄦𑄣𑄬𑄭 𑄉𑄧𑄢𑄚𑅁 𑄘𑄧𑄋𑄚-𑄇𑄧𑄎𑄧𑄣 𑄝 𑄝𑄧𑄣𑄧𑄢𑄴 𑄞𑄏𑄬 𑄚𑄧𑄠𑄴, 𑄥𑄧𑄚𑄴𑄖𑄪 𑄣𑄢𑄴𑄟 𑄝𑄎𑄨 𑄗𑄇𑄴𑄬 𑄛𑄢𑄴𑄝𑄧𑄖𑄳𑄠𑄧 𑄌𑄪𑄖𑄴𑄨 𑄖𑄧𑄎𑄨𑄟𑄧𑄛𑄪𑄢𑄧 𑄉𑄧𑄢𑄨 𑄝𑄥𑄴𑄖𑄧𑄝𑄠𑄧𑄚𑄴 𑄃 𑄞𑄫𑄟𑄨 𑄇𑄧𑄟𑄨𑄥𑄧𑄚𑄧𑄢𑄴 𑄇𑄟𑄚 𑄦𑄖𑄴 𑄘𑄨𑄚𑄬𑄭 𑄝𑄚 𑄃𑄬 𑄟𑄪𑄢𑄪𑄣𑄳𑄠 𑄌𑄉𑄣 𑄇𑄪𑄘𑄨𑄚𑄴 𑄟𑄙𑄚𑄴 𑄝 𑄘𑄋𑄧𑄢𑄴 𑄘𑄧𑄏𑄖𑄴𑄪𑄚𑄴 𑄝𑄎𑄨 𑄛𑄢𑄬𑅁 𑄃 𑄇𑄧𑄘𑄧𑄇𑄣𑄴 𑄟𑄪𑄢𑄪𑄣𑄳𑄠 𑄌𑄉𑄣 𑄇𑄪 𑄃𑄉𑄪𑄚𑄴 𑄎𑄧𑄣𑄨𑄝𑄧? 𑄢𑄥𑄴𑄑𑄳𑄢𑄧𑄖𑄴𑄪𑄚𑄴 𑄃𑄨𑄠𑄚𑄧𑄢𑄴 𑄃𑄨𑄢𑄪𑄇𑄴 𑄢𑄧𑄞 𑄚𑄨𑄠 𑄛𑄧𑄢𑄨𑄝𑄧𑅁
𑄃𑄪𑄖𑄴𑄨𑄛𑄪𑄖𑄴𑄨𑄢𑄴 𑄣𑄢𑄳𑄦𑄬𑄃𑄨 𑄃 𑄣𑄧𑄇𑄴𑄜𑄧𑄇𑄧𑄢𑄴 𑄇𑄟𑄴
𑄟𑄚𑄬𑄃𑄨 𑄎𑄨𑄁𑄇𑄚𑄨 𑄦𑄙𑄚𑄴 𑄛𑄧𑄖𑄴 𑄇𑄧𑄚𑄧𑄘𑄨𑄚𑄴 𑄃𑄪𑄎𑄪 𑄚𑄧 𑄦𑄧𑄠𑄴𑅁 𑄃𑄟𑄨 𑄛𑄧𑄖𑄴𑄨𑄇𑄴 𑄎𑄧𑄚𑄬 𑄡𑄢𑄴 𑄡𑄢𑄴 𑄎𑄉𑄖𑄴 𑄗𑄬𑄚𑄬𑄃𑄨 𑄚𑄨𑄎𑄧𑄢𑄴 𑄞𑄉𑄧𑄢𑄴 𑄇𑄟𑄚𑄨 𑄉𑄧𑄢𑄨𑄝𑄢𑄴 𑄟𑄧𑄚𑄬 𑄛𑄧𑄢𑄚𑄬 𑄌𑄬𑄢𑄬𑄌𑄧𑄖 𑄉𑄧𑄢𑄨𑄢𑄴𑅁 𑄇𑄧𑄚𑄴 𑄎𑄧𑄚𑄬 𑄃𑄮𑄌𑄴 𑄉𑄧𑄢𑄨 𑄝𑄧𑄎𑄧𑄁 𑄝 𑄞𑄪𑄣𑄴 𑄚𑄧 𑄉𑄧𑄢𑄧𑄚𑄴, 𑄚𑄧 𑄉𑄧𑄢𑄧𑄚𑄴 𑄇𑄧𑄚𑄧𑄎𑄧𑄚𑄬 𑄇𑄢𑄧𑄢𑄬 𑄣𑄬𑄋𑄴𑅁 𑄖𑄪𑄃𑄧 𑄎𑄨𑄁𑄇𑄚𑄨 𑄃𑄬𑄙𑄧𑄇𑄳𑄠𑄬 𑄃𑄬𑄇𑄴𑄮𑄚𑄴 𑄃𑄧𑄘𑄴𑄞𑄪𑄖𑄴 𑄗𑄬𑄉𑄧𑄖𑄴 𑄛𑄧𑄢 𑄡𑄠𑄴, 𑄃𑄬𑄙𑄧𑄇𑄳𑄠𑄬𑄚𑄴 𑄘𑄨𑄚𑄴 𑄟𑄙𑄚𑄴𑄮 𑄟𑄪𑄠𑄮-𑄟𑄪𑄠𑄨 𑄦𑄧𑄃𑄨 𑄛𑄠𑄴 𑄥𑄨𑄠𑄮𑄖𑄴 𑄈𑄟𑄇𑄴𑄇𑄠𑄴 𑄌𑄨𑄚𑄧𑄛𑄧𑄌𑄳𑄠𑄬 𑄟𑄚𑄪𑄏𑄮𑄢𑄴 𑄃𑄨𑄙𑄪 𑄚𑄨𑄎𑄧𑄢𑄬 𑄃𑄧𑄛𑄧𑄢𑄙𑄨 𑄃𑄧𑄙𑄬 𑄌𑄮𑄇𑄴 𑄛𑄬𑄣𑄬 𑄛𑄬𑄣𑄬 𑄢𑄨𑄚𑄨 𑄌𑄚𑅁 𑄃𑄬𑄌𑄳𑄠𑄬 𑄦𑄧𑄠𑄧𑄘𑄴 𑄟𑄧 𑄎𑄨𑄁𑄇𑄚𑄨𑄖𑄴 𑄥𑄬 𑄃𑄉𑄗𑄳𑄠 𑄛𑄧𑄢𑄨𑄇𑄴𑄈𑄬 𑄘𑄨𑄚𑄴𑅁
𑄃𑄟𑄧𑄢 𑄥𑄧𑄝𑄭 𑄚𑄨𑄎𑄬𑄢𑄴 𑄚𑄨𑄎𑄬𑄢𑄴 𑄇𑄎𑄴 𑄇𑄧𑄢𑄧𑄍𑄨, 𑄚𑄨𑄎𑄬𑄢𑄴 𑄟𑄧𑄖𑄮 𑄇𑄧𑄢𑄬 𑄥𑄧𑄖𑄧𑄖𑄢𑄴 𑄥𑄗𑄬 𑄛𑄧𑄗𑄴 𑄌𑄧𑄣𑄧𑄍𑄨𑅁 𑄛𑄳𑄢𑄧𑄖𑄳𑄠𑄬𑄇𑄬𑄃𑄨 𑄚𑄨𑄎𑄴 𑄚𑄨𑄎𑄴 𑄚𑄨𑄠𑄧𑄖𑄨 𑄃𑄮 𑄇𑄧𑄢𑄴𑄖𑄧𑄝𑄳𑄠𑄬𑄢𑄴 𑄎𑄣𑄬 𑄝𑄧𑄚𑄴𑄘𑄨𑅁 𑄇𑄨𑄚𑄴𑄖𑄪 𑄚𑄨𑄠𑄧𑄖𑄨𑄢𑄴 𑄛𑄧𑄢𑄨𑄦𑄥𑄴 𑄃𑄬𑄟𑄧𑄚𑄧𑄃𑄨 𑄡𑄬, 𑄟𑄏𑄬𑄟𑄧𑄙𑄳𑄠𑄬 𑄚𑄨𑄎𑄬𑄢𑄴 𑄦𑄧𑄇𑄴 𑄝 𑄘𑄠𑄨𑄖𑄴𑄝𑄧 𑄛𑄣𑄧𑄚𑄴 𑄇𑄧𑄢𑄧𑄖𑄬 𑄉𑄨𑄠𑄬𑄃𑄮 𑄃𑄧𑄚𑄳𑄠𑄬𑄢𑄴 𑄌𑄮𑄈𑄬 𑄃𑄧𑄚𑄨𑄌𑄴𑄍𑄇𑄳𑄢𑄨𑄖𑄧𑄞𑄝𑄬𑄃𑄨 𑄃𑄧𑄛𑄧𑄢𑄙𑄩 𑄥𑄬𑄎𑄬 𑄡𑄬𑄖𑄬 𑄦𑄧𑄠𑄴𑅁 𑄃𑄧𑄗𑄧𑄌𑄴 𑄃𑄟𑄧𑄢 𑄝𑄧𑄢𑄝𑄧𑄢𑄴 𑄃𑄬𑄇𑄬 𑄃𑄧𑄛𑄧𑄢𑄬𑄢𑄴 𑄛𑄥𑄬 𑄍𑄨𑄣𑄟𑄴, 𑄥𑄪𑄈𑄴-𑄘𑄪𑄂𑄈𑄬 𑄃𑄬𑄇𑄖𑄴𑄟𑄧 𑄦𑄧𑄠𑄬𑄍𑄨 𑄃𑄬𑄝𑄧𑄁 𑄞𑄧𑄝𑄨𑄥𑄳𑄠𑄧𑄖𑄬𑄃𑄮 𑄝𑄧𑄢𑄝𑄧𑄢𑄴 𑄃𑄬𑄇𑄧𑄥𑄗𑄬𑄃𑄨 𑄗𑄇𑄧𑄝𑄮𑅁 𑄥𑄟𑄧𑄠𑄨𑄇𑄴 𑄇𑄮𑄚𑄮 𑄏𑄧𑄓𑄴 𑄝 𑄞𑄪𑄣𑄴 𑄝𑄮𑄏𑄝𑄪𑄏𑄨 𑄃𑄟𑄘𑄬𑄢𑄴 𑄃𑄬𑄃𑄨 𑄘𑄩𑄢𑄴𑄊𑄧𑄘𑄨𑄚𑄬𑄢𑄴 𑄃𑄖𑄴𑄟𑄨𑄇𑄴 𑄝𑄧𑄚𑄴𑄙𑄧𑄚𑄧𑄇𑄬 𑄍𑄨𑄀𑄓𑄬 𑄜𑄬𑄣𑄧𑄖𑄬 𑄛𑄢𑄬 𑄚𑅁
𑄃𑄨𑄢𑄪𑄇𑄴 “𑄉𑄝𑄪𑄢𑄧𑄖𑄴 𑄘𑄨𑄠𑄳𑄠 𑄟𑄌𑄧𑄖𑄧𑄢𑄴” 𑄟𑄖𑄴𑄮 𑄝𑄬𑄉𑄧𑄢𑄴 𑄝𑄪𑄉𑄧𑄖𑄴 𑄘𑄬𑄊𑄬 𑄚𑄧 𑄛𑄌𑄳𑄠𑄬 𑄃𑄬𑄇𑄴𑄇𑄚𑄴 𑄛𑄨𑄢𑄬 𑄎𑄧𑄚𑄧𑄟𑄴 𑄘𑄨𑄠𑄳𑄠𑅁 𑄃𑄬 𑄘𑄨𑄚𑄴 𑄟𑄙𑄚𑄴 𑄚𑄨𑄚𑄬𑄃𑄨 𑄃𑄬𑄌𑄳𑄠𑄬 𑄝𑄬𑄉𑄧𑄢𑄴 𑄝𑄪𑄉𑄧𑄖𑄴 𑄖𑄧𑄌𑄳𑄠 𑄃 𑄇𑄨𑄏𑄬𑄇𑄴 𑄢𑄧 𑄥𑄢𑄬𑄢𑄴𑅁 𑄟𑄌𑄧𑄖𑄧𑄢𑄴 𑄝𑄚 𑄃𑄬𑄇𑄴𑄇𑄚𑄴 𑄇𑄟𑄴 𑄚𑄧𑄠𑄴, 𑄃𑄨𑄠𑄚𑄴 𑄟𑄧𑄚𑄴 𑄢𑄬𑄉 𑄃 𑄥𑄧𑄟𑄏𑄧𑄢𑄴 𑄦𑄴𑄋𑄬𑄣𑄴𑅁 𑄡𑄧𑄈𑄳𑄠𑄬 𑄥𑄬 𑄦𑄋𑄬𑄣𑄧𑄖𑄴 𑄛𑄨𑄢𑄬 𑄜𑄪𑄘𑄬 𑄝 𑄞𑄬𑄎𑄣𑄴 𑄦𑄧𑄠𑄴, 𑄥𑄧𑄇𑄳𑄠𑄬 𑄣𑄮 𑄉𑄧𑄢𑄧𑄟𑄴 𑄃𑄧𑄞𑄴 𑄈𑄟𑄇𑄴𑄇𑄠𑄴𑅁 𑄃𑄬 𑄘𑄪𑄇𑄴 𑄝𑄚 𑄃𑄬𑄇𑄧𑄎𑄧𑄚𑄧𑄢𑄴 𑄚𑄧𑄠𑄴, 𑄃𑄨𑄠𑄚𑄴 𑄃𑄟 𑄥𑄧𑄟𑄏𑄧𑄢𑄴 𑄌𑄬𑄘𑄧𑄚𑄧𑄖𑄴 𑄃𑄬𑄇𑄴𑄇𑄚𑄴 𑄘𑄋𑄧𑄢𑄴 𑄊𑅁
𑄃𑄟𑄨 𑄝𑄬𑄇𑄴𑄪𑄚𑄬 𑄡𑄢𑄴 𑄡𑄬 𑄇𑄟𑄴 𑄉𑄧𑄢𑄨𑄢𑄴, 𑄚𑄨𑄎𑄧𑄢𑄴 𑄥𑄚𑄴 𑄉𑄧𑄢𑄨 𑄚𑄨𑄝𑄨𑄢𑄴 𑄉𑄧𑄢𑄨 𑄛𑄧𑄖𑄴 𑄦𑄙𑄨𑄢𑄴𑅁 𑄛𑄧𑄖𑄴𑄨𑄇𑄴 𑄡𑄢𑄴 𑄡𑄢𑄴 𑄞𑄉𑄳𑄠𑄧 𑄃 𑄇𑄟𑄴 𑄎𑄣𑄧𑄖𑄴 𑄝𑄚𑄴𑄘 𑄃𑄊𑄨𑅁 𑄟𑄖𑄴𑄧𑄢𑄴, 𑄞𑄉𑄳𑄠𑄧 𑄥𑄪𑄙𑄮𑄟𑄬 𑄃𑄧𑄇𑄴𑄖𑄬 𑄃𑄧𑄇𑄴𑄖𑄬 𑄚𑄨𑄎𑄧𑄢𑄴 𑄃𑄧𑄇𑄴 𑄝 𑄇𑄟𑄴 𑄉𑄧𑄢𑄧𑄘𑄬 𑄟𑄚𑄧𑄌𑄮𑄢𑄴 𑄌𑄮𑄊𑄧𑄖𑄴 𑄟𑄧𑄚𑄬 𑄚𑄧 𑄦𑄧𑄣𑄬𑄃𑄮 𑄃𑄧𑄛𑄢𑄙𑄨 𑄃𑄧𑄃𑄨 𑄛𑄠𑄴𑅁 𑄃𑄧𑄗𑄧𑄌𑄴 𑄃𑄟𑄨 𑄃𑄬𑄇𑄧𑄎𑄧𑄚𑄬 𑄃𑄢𑄴 𑄃𑄬𑄇𑄴 𑄎𑄧𑄚𑄧𑄢𑄴 𑄇𑄠𑄴 𑄃𑄬𑄣𑄧𑄁, 𑄥𑄪𑄊𑄧𑄢𑄴-𑄘𑄪𑄊𑄧𑄢𑄴 𑄃𑄧𑄇𑄴𑄖𑄧 𑄃𑄬𑄇𑄧𑄥𑄧𑄟𑄢𑄬 𑄇𑄟𑄴 𑄉𑄧𑄢𑄨𑄣𑄧𑄁 𑄃 𑄟𑄪𑄏𑄪𑄋𑄬 𑄘𑄨𑄚𑄧𑄖𑄧𑄃𑄮 𑄃𑄬𑄇𑄴 𑄥𑄧𑄟𑄢𑄬 𑄗𑄬𑄝𑄧𑄁𑅁 𑄈𑄇𑄴𑄮𑄚𑄳𑄠 𑄏𑄧𑄢𑄴 𑄝 𑄞𑄪𑄣𑄴 𑄝𑄪𑄏-𑄝𑄪𑄏𑄨 𑄃𑄟𑄢𑄴 𑄃𑄬 𑄢𑄬𑄋𑄝𑄮 𑄞𑄋𑄨 𑄡𑄬𑄃𑄨 𑄚𑄧 𑄛𑄢𑄬 𑄎𑄧𑄚𑄧𑄟𑄧𑄖𑄳𑄠𑄭𑅁
𑄃𑄬𑄌𑄳𑄠𑄬 𑄘𑄨𑄚𑄪𑄚𑄴 𑄦𑄧𑄠𑄧𑄘𑄴 𑄃𑄟𑄖𑄳𑄠𑄭 𑄃𑄬𑄇𑄴 𑄃𑄋𑄧𑄌𑄳𑄠 𑄃𑄚𑄴𑄘𑄢𑄴 𑄢𑄬𑄖𑄴, 𑄟𑄧𑄚𑄧𑄢𑄴 𑄇𑄧𑄎𑄧𑄣, 𑄖𑄧𑄌𑄳𑄠𑅁 𑄃𑄬𑄌𑄳𑄠𑄬 𑄦𑄧𑄠𑄧𑄘𑄴 𑄃𑄬 𑄘𑄨𑄚𑄧𑄟𑄙𑄚𑄴 𑄟𑄧𑄢𑄬 𑄃𑄬𑄙𑄧𑄇𑄳𑄠𑄬𑄚𑄴 𑄃𑄬𑄇𑄴𑄇𑄚𑄴 𑄇𑄒𑄧𑄉𑄢𑄧𑄖𑄴 𑄗𑄨𑄠𑄳𑄠 𑄢𑄊𑄬𑄝𑄢𑄴 𑄝𑄙𑄳𑄠𑄧 𑄉𑄧𑄌𑄴𑄍𑄬 𑄥𑄨𑄠𑄮𑄖𑄴 𑄟𑄧𑄢𑄴 𑄇𑄧𑄚𑄴 𑄃𑄧𑄥𑄧𑄖𑄴 𑄃𑄪𑄘𑄴𑄬𑄥𑄳𑄠𑄧 𑄚𑄧 𑄗𑄚𑄢𑄴 𑄛𑄧𑄢𑄧𑄠𑄳𑄠𑄧 𑄟𑄪𑄃𑄨 𑄃𑄧𑄛𑄧𑄢𑄙𑄨𑄥𑄚𑄴 𑄃𑄧𑄣𑄧𑄢𑄴 𑄃𑄧𑄃𑄨 𑄃𑄊𑄧𑄁𑅁 𑄟𑄖𑄴𑄧𑄢𑄴 𑄃𑄨𑄙𑄮𑄖𑄴 𑄢𑄊 𑄛𑄧𑄢𑄨𑄝𑄴, 𑄃𑄬 𑄈𑄇𑄴𑄮𑄚𑄳𑄠 𑄞𑄪𑄣𑄴 𑄝𑄪𑄏𑄴-𑄝𑄪𑄏𑄨 𑄝 𑄟𑄧𑄚𑄴 𑄢𑄬𑄉 𑄞𑄋𑄨 𑄜𑄬𑄣𑄚 𑄃𑄟 𑄃𑄢𑄁 𑄣𑄧𑄇𑄴𑄈𑄳𑄠𑄧 𑄚𑄧𑄠𑄴𑅁
”𑄃𑄟 𑄃𑄢𑄁 𑄇𑄟𑄴 𑄦𑄧𑄣𑄧𑄘𑄬 𑄃𑄪𑄪𑄖𑄴𑄧𑄛𑄪𑄖𑄴𑄨 𑄗𑄨𑄘𑄴 𑄉𑄧𑄢𑄚𑅁 𑄥𑄪𑄎𑄨 𑄈𑄨𑄠𑄳𑄠, 𑄖𑄧𑄌𑄳𑄠-𑄛𑄬𑄢𑄎𑄢𑄴 𑄈𑄝𑄬𑄠𑄳𑄠 𑄃 𑄃𑄧𑄥𑄧𑄖𑄴 𑄝𑄧𑄚𑄴𑄘𑄢𑄴 𑄝𑄋𑄬-𑄛𑄨𑄌𑄴𑄍𑄬 𑄗𑄨𑄠𑄳𑄠 𑄚𑄨𑄎𑄧𑄢𑄴 𑄃𑄢𑄁 𑄛𑄃𑄮𑄖𑄴𑄨 𑄃 𑄟𑄚𑄴 𑄍𑄨𑄚𑄨 𑄃𑄚𑄚 𑄃𑄟 𑄃𑄢𑄁 𑄣𑄢𑄬𑄃𑄨𑅁”
𑄃𑄬 𑄃𑄪𑄖𑄴𑄨𑄛𑄧𑄖𑄴𑄨 𑄣𑄢𑄬𑄠𑄧𑄖𑄴 𑄣𑄟𑄧𑄖𑄬 𑄡𑄪𑄚𑄨 𑄈𑄇𑄴𑄮𑄚𑄧𑄖𑄳𑄠𑄭 𑄇𑄢𑄧𑄢𑄴 𑄃𑄧𑄛𑄧𑄢𑄙𑄨 𑄍𑄧𑄣𑄧𑄁 𑄝𑄧𑄘𑄧𑄣 𑄛𑄧𑄢𑄬 𑄖𑄬 𑄥𑄬 𑄖𑄳𑄠𑄉𑄴 𑄝 𑄘𑄪𑄇𑄴 𑄟𑄚𑄨 𑄚𑄬𑄠𑄚 𑄥𑄨𑄠𑄚𑄴 𑄃𑄬𑄇𑄴 𑄝𑄝𑄧𑄖𑄳𑄠 𑄇𑄧𑄎𑄣𑄴𑅁 𑄃𑄬 𑄟𑄬𑄇𑄧𑄌𑄉 𑄈𑄇𑄴𑄮𑄚𑄳𑄠𑅁 𑄃𑄟𑄨 𑄃𑄢𑄴 𑄃𑄬𑄇𑄧𑄎𑄧𑄚𑄬 𑄃𑄢𑄴 𑄃𑄬𑄇𑄧𑄎𑄧𑄚𑄧𑄢𑄴 𑄦𑄖𑄴 𑄙𑄧𑄢𑄙𑄧𑄌𑄳𑄠𑄬 𑄉𑄧𑄢𑄨 𑄦𑄙𑄨𑄝𑄧𑄁𑅁 𑄃𑄬𑄇𑄧𑄎𑄧𑄚𑄬 𑄃𑄢𑄴 𑄃𑄬𑄇𑄧𑄎𑄧𑄚𑄧𑄢𑄴 𑄘𑄪𑄊𑄧𑄢𑄴 𑄇𑄠𑄴 𑄗𑄬𑄃𑄨 𑄙𑄧𑄢𑄳𑄠𑄴𑄧 𑄃 𑄃𑄟𑄧𑄚𑄧𑄢𑄴 𑄃𑄪𑄖𑄴𑄨𑄛𑄧𑄖𑄴𑄨 𑄛𑄮𑄃𑄨𑄘𑄳𑄠𑄚𑄬 𑄘𑄧𑄢𑄧𑄟𑄧𑄢𑄴 𑄗𑄬𑄃𑄨 𑄃𑄟𑄨 𑄃𑄬 𑄃𑄉𑄗𑄳𑄠 𑄈𑄬𑄚𑄴𑄮 𑄛𑄢𑄴 𑄉𑄧𑄢𑄨𑄝𑄴 𑄡𑄬𑄝𑄧𑄁𑅁 𑄘𑄨𑄚𑄬 𑄥𑄬𑄎𑄬 𑄃𑄟 𑄃𑄬 𑄎𑄧𑄙 𑄃 𑄃𑄪𑄖𑄴𑄨𑄛𑄧𑄖𑄴𑄨 𑄣𑄧𑄚 𑄎𑄨𑄖𑄴 𑄃𑄟𑄢𑄴 𑄝𑄬𑄉𑄧𑄖𑄴𑄪𑄚𑄴 𑄝𑄬𑄌𑄴 𑄘𑄋𑄧𑄢𑄴 𑄝𑄧𑄣𑄴𑅁
𑄟𑄬 𑄸𑄸, 𑄸𑄶𑄸𑄼
𑄌𑄋𑄴𑄟𑄃𑄪𑄚𑄧𑄢𑄴 𑄞𑄧𑄝𑄨𑄌𑄴𑄮𑄖𑄴 𑄌𑄋𑄴𑄟𑄃𑄪𑄚𑄧𑄢𑄴 𑄦𑄙𑄧𑄖𑄴
“𑄌𑄋𑄴𑄟𑄘𑄬𑄢𑄴
𑄞𑄧𑄝𑄨𑄥𑄳𑄠𑄧𑄖𑄴
𑄖𑄘𑄬𑄢𑄴
𑄚𑄨𑄎𑄬𑄘𑄬𑄢𑄴
𑄃𑄪𑄛𑄧𑄢𑄴
𑄚𑄨𑄢𑄴𑄞𑄧𑄢𑄴
𑄇𑄧𑄢𑄴𑄝𑄬”—
𑄃𑄬 𑄝𑄨𑄎𑄧𑄇𑄧𑄢𑄴
𑄟𑄪𑄣𑄪𑄇𑄴
𑄇𑄧𑄙𑄚𑄴
𑄇𑄮𑄃𑄨𑄠𑄬
𑄌𑄋𑄴𑄟
𑄢𑄎 𑄖𑄳𑄢𑄨𑄘𑄨𑄝𑄴
𑄢𑄠𑄴
(𑄖𑄝𑄨𑄖𑄴:
𑄢𑄬𑄉
𑄃𑄬𑄇𑄴𑄮
𑄓𑄪𑄇𑄪𑄟𑄬𑄚𑄴𑄑𑄴
𑄞𑄨𑄓𑄨𑄃𑄮)𑅁 𑄃 𑄥𑄬 𑄇𑄧𑄙 𑄙𑄧𑄉𑄬
𑄢𑄋𑄟𑄖𑄳𑄠
𑄝𑄨𑄘𑄨𑄠𑄨𑄠𑄬
𑄃𑄬𑄟𑄴𑄛𑄨,
𑄎𑄬𑄃𑄬𑄥𑄴𑄃𑄬𑄥𑄴
𑄉𑄧𑄢
𑄇𑄧𑄟𑄨𑄖𑄨
𑄃𑄬𑄎𑄣𑄴
𑄎𑄧𑄙𑄚𑄚𑄪
𑄥𑄪𑄚𑄚𑄪
𑄃𑄪𑄥𑄖𑄧𑄚𑄴
𑄖𑄣𑄪𑄘𑄢𑄴
𑄟𑄪𑄠𑄮𑄖𑄴𑄪𑄚𑄴
𑄌𑄋𑄟
𑄘𑄊𑄧
𑄇𑄧𑄙
𑄥𑄪𑄚
𑄡𑄨𑄠𑄬,
"𑄦𑄏𑄧
𑄍𑄧
𑄦𑄧𑄣𑄬
𑄞𑄏𑄨𑄝𑄧𑄁
𑄇𑄪𑄢𑄮
𑄍𑄧
𑄦𑄧𑄣𑄬
𑄙𑄪𑄝𑄨𑄝𑄧𑄁𑅁”
𑄟𑄚𑄪𑄌𑄴
𑄃𑄧𑄃𑄨
𑄛𑄢𑄨𑄣𑄬
𑄝𑄎𑄨𑄝𑄧𑄁
𑄚 𑄦𑄧𑄠𑄴
𑄥𑄧𑄟𑄧𑄠𑄧𑄢𑄴
𑄉𑄧𑄋𑄢𑄬
𑄞𑄧𑄌𑄴
𑄡𑄬𑄝𑄧𑄁𑅁
𑄃𑄬 𑄘𑄨𑄠𑄚𑄴 𑄇𑄧𑄙 𑄝𑄚 𑄥𑄧𑄣 𑄚𑄧𑄠𑄴; 𑄃𑄬 𑄃𑄬𑄇𑄴𑄮 𑄎𑄖𑄴 𑄍𑄁𑄍𑄢 𑄣𑄪𑄉𑄬 𑄡𑄚𑄢𑄴 𑄟𑄪𑄠𑄮𑄖𑄴𑄪𑄚𑄴 𑄚𑄨𑄎𑄧 𑄟𑄚𑄴 𑄚𑄨𑄚𑄬𑄃𑄨 𑄝𑄎𑄨 𑄗𑄚 𑄥𑄧𑄝𑄧𑄖𑄴𑅁 𑄃𑄬𑄇𑄴𑄮 𑄎𑄘𑄧𑄢𑄬 𑄃𑄨𑄙𑄮𑄖𑄴 𑄖𑄪𑄣𑄨 𑄘𑄬- 𑄟𑄚𑄴𑄏𑄮𑄢𑄴 𑄘𑄧𑄠𑄬 𑄚𑄧𑄠𑄴, 𑄚𑄨𑄎𑄧𑄢𑄴 𑄥𑄬𑄘𑄟𑄬 𑄗𑄨𑄠𑄬 𑄗𑄬𑄃𑄨 𑄞𑄧𑄝𑄨𑄌𑄴𑄍𑄮𑄖𑄴 𑄝𑄚𑄚𑄴𑅁 𑄦𑄎𑄢𑄴 𑄝𑄧𑄏𑄧𑄢𑄧𑄢𑄴 𑄝𑄨𑄎𑄧𑄇𑄴, 𑄢𑄨𑄘𑄨𑄥𑄪𑄙𑄮𑄟𑄴 𑄌𑄧𑄣𑄨 𑄃𑄬𑄡𑄚 𑄎𑄘𑄧𑄢𑄴 𑄟𑄪𑄏𑄪𑄋𑄬 𑄃𑄬 𑄇𑄧𑄙𑄚𑄨 𑄃𑄧𑄚𑄴𑄮 𑄡𑄬 𑄇𑄧𑄚𑄧 𑄥𑄧𑄟𑄧𑄠𑄧𑄖𑄴𑄪𑄚𑄴 𑄝𑄬𑄌𑄴 𑄊𑄮𑄢𑄴 𑄃 𑄥𑄖𑄴𑄇𑄟𑄴𑅁
𑄃𑄬𑄌𑄳𑄠𑄬 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄴 𑄟𑄮𑄚𑄴-𑄟𑄪𑄢𑄮𑄃𑄪𑄚𑄴 𑄃𑄧𑄣𑄧𑄢𑄴𑅁 𑄝𑄧𑄢𑄴𑄉𑄋𑄧 𑄖𑄪𑄝𑄮𑄣𑄴 𑄝𑄧𑄚𑄨𑄏𑄬𑄌𑄴 𑄃𑄨𑄢𑄨 𑄘𑄬, 𑄦𑄬𑄭𑄣𑄴 𑄖𑄢𑄪𑄟𑄴 𑄏𑄢𑄧𑄚𑄨 𑄛𑄪𑄎𑄮𑄢𑄴 𑄉𑄧𑄢𑄬- 𑄃𑄟𑄨 𑄇𑄨 𑄥𑄧𑄖𑄳𑄠𑄨 𑄚𑄨𑄎𑄧𑄢𑄴 𑄞𑄝𑄨𑄌𑄴𑄍𑄮𑄖𑄴 𑄚𑄨𑄎𑄬 𑄉𑄧𑄢𑄨 𑄛𑄢𑄨𑄢𑄴? 𑄚𑄠𑄨 𑄣𑄢𑄬 𑄣𑄢𑄬 𑄚𑄨𑄎𑄧𑄢𑄴 𑄥𑄨𑄋𑄮𑄖𑄴𑄪𑄚𑄴 𑄝𑄬𑄣𑄧𑄇𑄴 𑄃𑄧𑄃𑄨 𑄡𑄬𑄢𑄴?
𑄡𑄬 𑄎𑄖𑄴 𑄚𑄨𑄎𑄧𑄢𑄴 𑄞𑄌𑄴𑄍𑄚𑄧𑄢𑄬 𑄃𑄨𑄙𑄮𑄖𑄴 𑄖𑄪𑄣𑄨 𑄚𑄧 𑄛𑄢𑄬, 𑄚𑄨𑄎𑄧𑄢𑄴 𑄃𑄧𑄏𑄛𑄖𑄴 𑄌𑄧𑄌𑄴𑄡 𑄚𑄧 𑄉𑄧𑄢𑄬, 𑄚𑄨𑄎𑄧𑄢𑄴 𑄝𑄨𑄎𑄧𑄇𑄴 𑄈𑄧𑄝𑄧𑄢𑄴 𑄛𑄬𑄝𑄢𑄴 𑄃𑄃𑄮𑄌𑄴 𑄚𑄬𑄃𑄨- 𑄖𑄢𑄴 𑄟𑄏𑄢𑄢𑄴 𑄗𑄧𑄟𑄴 𑄃𑄬𑄇𑄴𑄘𑄨𑄚𑄴 𑄥𑄮𑄢𑄴𑄝𑄮 𑄥𑄮𑄢𑄴𑄝𑄮 𑄃𑄧𑄃𑄨 𑄡𑄠𑄴𑅁 𑄃𑄬𑄌𑄳𑄠𑄬 𑄚𑄪𑄃𑄧 𑄛𑄨𑄢𑄨𑄖𑄴𑄪𑄚𑄴 𑄃𑄬𑄇𑄴𑄮 𑄘𑄋𑄧𑄢𑄴 𑄇𑄧𑄖𑄴𑄖 𑄌𑄋𑄴𑄟 𑄞𑄌𑄴 𑄃𑄧𑄏𑄛𑄖𑄴 𑄦𑄧𑄉𑄧𑄢𑄬 𑄣𑄨𑄊𑄨 𑄚𑄧 𑄛𑄢𑄧𑄚𑄴; 𑄈𑄧𑄝𑄧𑄢𑄴 𑄚𑄧 𑄛𑄚𑄴 𑄉𑄮𑄎𑄬𑄚𑄴 𑄣𑄟, 𑄢𑄙𑄟𑄧𑄚𑄴 𑄙𑄧𑄚𑄴𑄛𑄪𑄘𑄨 𑄝𑄨𑄎𑄧𑄉𑄧𑄢𑄴 𑄇𑄧𑄙𑅁 𑄚𑄧 𑄌𑄨𑄚𑄧𑄚𑄧𑄁 𑄇𑄳𑄢𑄨𑄌𑄧𑄚𑄴𑄧 𑄇𑄨𑄥𑄮𑄢𑄴, 𑄌𑄪𑄕𑄩𑄣𑄣 𑄃 𑄚𑄮𑄠𑄢𑄟𑄧𑄢𑄬𑅁 𑄝𑄨𑄏𑄪 𑄃𑄪𑄖𑄴𑄥𑄧𑄝𑄧𑄖𑄴 𑄖𑄢 𑄃𑄨𑄙𑄪 𑄝𑄚 𑄚𑄌𑄴, 𑄉𑄚𑄴 𑄃 𑄢𑄧𑄁𑄖𑄟𑄏; 𑄃𑄧𑄗𑄧𑄌𑄴 𑄃𑄬 𑄞𑄨𑄘𑄨𑄢𑄬 𑄌𑄋𑄴𑄟 𑄎𑄘𑄧𑄢𑄴 𑄎𑄩𑄝𑄧𑄚𑄴 𑄘𑄧𑄢𑄴𑄥𑄧𑄚𑄴, 𑄇𑄮𑄌𑄴𑄛𑄚 𑄃 𑄌𑄬𑄘𑄧𑄚𑄧𑄢𑄴 𑄉𑄮𑄢𑄬𑄁 𑄣𑄢𑄬 𑄣𑄢𑄬 𑄌𑄧𑄢𑄴 𑄃𑄧𑄃𑄨 𑄃𑄬𑄡𑄬𑄢𑄴𑅁
𑄌𑄋𑄴𑄟 𑄥𑄧𑄟𑄌𑄴 𑄃𑄬𑄌𑄳𑄠𑄬 𑄌𑄬𑄢𑄧𑄇𑄨𑄗𑄳𑄠𑄖𑄴𑄪𑄚𑄴 𑄌𑄨𑄝𑄬 𑄃𑄬𑄡𑄬𑄢𑄴𑅁 𑄃𑄬𑄇𑄴 𑄇𑄨𑄗𑄳𑄠𑄘𑄨 𑄢𑄨𑄘𑄨𑄥𑄪𑄘𑄮𑄟𑄴 𑄉𑄨𑄣𑄨𑄛𑄴 𑄉𑄧𑄢𑄨 𑄘𑄬𑄚, 𑄡𑄨𑄠𑄮𑄖𑄴 𑄝𑄨𑄘𑄬𑄏𑄨 𑄢𑄨𑄘𑄨𑄥𑄪𑄙𑄮𑄟𑄴 𑄌𑄨𑄝𑄬𑄖𑄴 𑄌𑄋𑄴𑄟𑄃𑄪𑄚𑄬 𑄚𑄨𑄎𑄧 𑄞𑄌𑄴, 𑄌𑄨𑄚𑄴𑄛𑄧𑄌𑄳𑄠𑄬 𑄎𑄋𑄢𑄬 𑄙𑄧𑄢𑄬𑄢𑄴𑅁 𑄃𑄧𑄚𑄳𑄠𑄧𑄇𑄨𑄗𑄳𑄠𑄘𑄨 𑄃𑄙𑄪𑄚𑄨𑄇𑄧𑄖 𑄥𑄧𑄟𑄌𑄴 𑄚𑄋𑄬 𑄟𑄮𑄝𑄭𑄣𑄴 𑄞𑄧𑄢𑄴 𑄘𑄨𑄠𑄳𑄠 𑄞𑄮𑄇𑄴𑄝𑄘𑄩 𑄎𑄨𑄁𑄇𑄚𑄨𑄙𑄢 𑄃 𑄥𑄨𑄋𑄮𑄢𑄴 𑄚𑄬𑄭 𑄃𑄙𑄪𑄚𑄨𑄇𑄧𑄖 𑄣𑄪𑄞𑄧𑄖𑄴 𑄛𑄧𑄢𑄨 𑄉𑄞𑄪𑄎𑄳𑄠-𑄉𑄞𑄪𑄢𑄨 𑄚𑄨𑄎𑄧𑄢𑄴 𑄥𑄧𑄟𑄏𑄧𑄖𑄴𑄪𑄚𑄴 𑄘𑄪𑄢𑄧𑄖𑄴 𑄥𑄮𑄢𑄬 𑄡𑄘𑄧𑄚𑄴𑅁 𑄃 𑄢𑄎𑄴𑄚𑄩𑄖𑄨 – 𑄃𑄧𑄢𑄴𑄗𑄧𑄚𑄩𑄖𑄨 𑄚𑄚 𑄢𑄘𑄧𑄖𑄴 𑄟𑄚𑄬𑄭𑄃𑄪𑄚𑄴 𑄝𑄪𑄇𑄴 𑄞𑄋𑄨 𑄝𑄬𑄉𑄬 𑄝𑄨𑄘𑄬𑄌𑄴 𑄡𑄬𑄝𑄢𑄴 𑄌𑄨𑄘𑄬 𑄝𑄪𑄉𑄧𑄖𑄴 𑄦𑄞𑄧𑄢𑄬 𑄃𑄊𑄧𑄚𑄴𑅁
𑄝𑄨𑄎𑄧𑄉𑄧𑄖𑄴 𑄃𑄊𑄬- 𑄇𑄧𑄚𑄴 𑄎𑄖𑄴 𑄝𑄚 𑄎𑄧𑄚𑄧𑄥𑄧𑄁𑄈𑄳𑄠 𑄝𑄧𑄣𑄬 𑄗𑄨𑄉𑄨 𑄚𑄧 𑄗𑄚𑄴𑅁 𑄗𑄨𑄉𑄨 𑄗𑄚𑄴 𑄞𑄌𑄴, 𑄢𑄨𑄘𑄨𑄥𑄪𑄙𑄮𑄟𑄴 𑄝𑄨𑄎𑄧𑄇𑄴 𑄃 𑄚𑄨𑄎𑄧𑄢𑄴 𑄥𑄬𑄘𑄟𑄴𑄧 𑄃𑄪𑄉𑄪𑄢𑄬𑅁 𑄚𑄨𑄎𑄧𑄢𑄴 𑄌𑄨𑄚𑄴𑄛𑄧𑄌𑄳𑄠𑄬 𑄦𑄢𑄬𑄣𑄬 𑄟𑄚𑄪𑄌𑄴 𑄝𑄚 𑄞𑄪𑄉𑄮𑄣𑄧 𑄞𑄨𑄘𑄨𑄢𑄬 𑄗𑄚𑄴, 𑄎𑄖𑄴 𑄃𑄨𑄎𑄬𑄝𑄬 𑄚𑄧𑄠𑄴𑅁
𑄖𑄳𑄢𑄨𑄘𑄨𑄝𑄴 𑄢𑄠𑄴 𑄃 𑄃𑄪𑄥𑄖𑄧𑄚𑄴 𑄖𑄣𑄪𑄘𑄢𑄴 𑄇𑄧𑄙𑄚𑄨 𑄃𑄬𑄇𑄴𑄪𑄃𑄨 𑄉𑄌𑄴𑄍𑄢- 𑄚𑄨𑄎𑄧𑄢𑄴 𑄢𑄧𑄈𑄳𑄠𑄬 𑄚𑄨𑄎𑄬𑄖𑄴𑄪𑄚𑄴 𑄉𑄧𑄢 𑄛𑄧𑄢𑄨𑄝𑄧𑅁 𑄃𑄬 𑄇𑄟𑄚𑄴 𑄦𑄖𑄴 𑄦𑄬𑄢𑄬 𑄡𑄬𑄝𑄢𑄴 𑄇𑄧𑄚𑄧 𑄎𑄪 𑄚𑄬𑄃𑄨𑅁
𑄃 𑄥𑄨𑄠𑄚𑄧𑄢𑄴 𑄛𑄧𑄣𑄳𑄠 𑄥𑄧𑄢𑄴𑄖𑄧 𑄥𑄨𑄇𑄴𑄈𑄬𑅁 𑄊𑄧𑄢𑄬 𑄊𑄧𑄢𑄬 𑄌𑄋𑄴𑄟 𑄞𑄌𑄴, 𑄃𑄧𑄏𑄛𑄖𑄴 𑄌𑄧𑄌𑄴𑄡 𑄜𑄨𑄢𑄨 𑄃𑄚 𑄛𑄧𑄢𑄨𑄝𑄧𑅁 𑄚𑄨𑄎𑄧𑄢𑄴 𑄝𑄨𑄎𑄧𑄇𑄴, 𑄟𑄪𑄠𑄬 𑄟𑄪𑄠𑄬 𑄗𑄨𑄠𑄳𑄠 𑄇𑄧𑄙, 𑄥𑄦𑄨𑄖𑄳𑄠𑄧 𑄃 𑄎𑄘𑄧𑄢𑄴 𑄇𑄧𑄎𑄧𑄣𑄳𑄠𑄉𑄗 𑄚𑄪𑄃𑄧 𑄛𑄨𑄢𑄨 𑄃𑄨𑄙𑄪 𑄣𑄪𑄟𑄨 𑄘𑄨𑄠𑄳𑄠 𑄛𑄧𑄢𑄨𑄝𑄧𑅁 𑄣𑄪𑄟𑄬 𑄘𑄨𑄠𑄳𑄠 𑄛𑄧𑄢𑄨𑄝𑄧 𑄌𑄋𑄴𑄟 𑄇𑄧𑄝𑄨 𑄥𑄦𑄨𑄖𑄳𑄠𑄨𑄇𑄴𑄃𑄪𑄚𑄧𑄢𑄴 𑄇𑄟𑄴 𑄃 𑄎𑄨𑄁𑄇𑄚𑄨 𑄣𑄟𑅁 𑄛𑄳𑄢𑄧𑄡𑄪𑄇𑄴𑄖𑄨𑄢𑄬 𑄘𑄧𑄢𑄬𑄝𑄢𑄴 𑄚𑄬𑄭, 𑄝𑄧𑄢𑄧𑄁 𑄛𑄳𑄢𑄧𑄡𑄪𑄇𑄴𑄖𑄨𑄢𑄬 𑄦𑄖𑄳𑄠𑄢𑄴 𑄃𑄨𑄎𑄬𑄝𑄬 𑄣𑄢𑄴𑄌𑄢𑄴 𑄉𑄧𑄢 𑄛𑄧𑄢𑄨𑄝𑄧- 𑄌𑄋𑄴𑄟 𑄞𑄏𑄧𑄢𑄴 𑄝𑄧𑄃𑄨, 𑄃𑄳𑄠𑄛𑄴, 𑄜𑄨𑄣𑄨𑄟𑄴, 𑄛𑄒𑄉𑄧𑄢𑄴 𑄃 𑄃𑄪𑄢𑄴𑄝𑄮𑄖𑄘𑄬 𑄃𑄢𑄴𑄇𑄭𑄞𑄴 𑄥𑄬𑄚𑄴𑄑𑄢𑄴 𑄝𑄚 𑄛𑄧𑄢𑄨𑄝𑄧𑅁
𑄃𑄬 𑄛𑄧𑄢𑄬 𑄉𑄧𑄢𑄧𑄌𑄴, 𑄖𑄧𑄟𑄴𑄝 𑄖𑄧𑄟𑄴𑄝, 𑄉𑄮𑄎-𑄉𑄪𑄌𑄴𑄖𑄨 𑄝 𑄚𑄨𑄎𑄧𑄢𑄴 𑄦𑄞𑄨𑄣𑄳𑄠𑄏𑄧𑄖𑄴𑄪𑄚𑄴 𑄚𑄨𑄉𑄨𑄣𑄨 𑄃𑄬𑄃𑄨 𑄎𑄘𑄧𑄢𑄴 𑄞𑄣𑄬𑄘𑄨𑄖𑄳𑄠𑄭 𑄛𑄪𑄎𑄮𑄢𑄴 𑄃𑄬𑄇𑄴𑄇𑄚𑄴 𑄃𑄧𑄃𑄨 𑄛𑄧𑄢𑄨𑄝𑄧𑅁 𑄉𑄝𑄪𑄎𑄳𑄠-𑄉𑄞𑄪𑄢𑄨𑄃𑄪𑄚𑄧𑄢𑄴 𑄦𑄚𑄴𑄏𑄟𑄬 𑄝𑄧𑄃𑄨 𑄛𑄧𑄢𑄚, 𑄛𑄒𑄧𑄌𑄧𑄇𑄳𑄢𑄧, 𑄢𑄨𑄘𑄨𑄥𑄪𑄙𑄮𑄟𑄴 𑄎𑄧𑄙, 𑄝𑄨𑄖𑄧𑄢𑄴𑄇𑄧 𑄈𑄧𑄣 𑄃 𑄥𑄧𑄟𑄌𑄴 𑄞𑄣𑄬𑄘𑄨 𑄇𑄟𑄴 𑄉𑄧𑄢 𑄛𑄧𑄢𑄨𑄝𑄧𑅁 𑄖𑄬𑄋 𑄛𑄧𑄠𑄴𑄏𑄬 𑄝𑄘𑄬 𑄚𑄨𑄎𑄧𑄢𑄴 𑄟𑄚𑄴 𑄗𑄨𑄉𑄨 𑄚𑄧 𑄗𑄠𑄴, 𑄥𑄬𑄚𑄬 𑄥𑄧𑄟𑄨𑄖𑄨, 𑄌𑄨𑄉𑄮𑄚𑄴 𑄌𑄉𑄮𑄚𑄴 𑄃𑄪𑄘𑄳𑄠𑄮𑄇𑄴𑄖 𑄃 𑄃𑄬𑄇𑄴𑄎𑄧𑄚𑄬 𑄃𑄢𑄧 𑄃𑄬𑄇𑄴𑄎𑄧𑄚𑄧𑄢𑄬 𑄃𑄬𑄎𑄣𑄴 𑄘𑄬𑄚 𑄥𑄪𑄙𑄮𑄟𑄴 𑄝𑄚𑄚 𑄥𑄖𑄴𑄇𑄟𑄴𑅁 𑄇𑄧𑄙 𑄃𑄊𑄬, 𑄞𑄣𑄬𑄘𑄨 𑄃 𑄃𑄬𑄎𑄣𑄴 𑄦𑄖𑄴 𑄙𑄧𑄢 𑄙𑄧𑄎𑄳𑄠𑄬 𑄉𑄧𑄢𑄨 𑄦𑄙𑄬𑅁
𑄃𑄬 𑄛𑄧𑄢𑄬 𑄃𑄟𑄢𑄴 𑄡𑄨𑄠𑄬𑄚𑄴 𑄝𑄬𑄌𑄴 𑄉𑄧𑄢𑄧𑄌𑄴- 𑄝𑄨𑄏𑄪, 𑄉𑄩𑄖𑄴, 𑄚𑄌𑄴 𑄝 𑄃𑄪𑄞𑄧𑄉𑄩𑄖𑄴, 𑄣𑄟, 𑄛𑄣𑄃𑄪𑄚𑄴 𑄝𑄚 𑄇𑄧𑄚𑄧 𑄢𑄧𑄁𑄖𑄟𑄏𑄴 𑄈𑄧𑄣 𑄃𑄨𑄎𑄬𑄝𑄬 𑄌𑄬𑄣𑄬 𑄚𑄧 𑄃𑄧𑄞𑄧, 𑄃𑄨𑄉𑄪𑄚𑄴 𑄌𑄋𑄴𑄟 𑄎𑄘𑄧𑄢𑄴 𑄛𑄧𑄢𑄚𑄧𑄢𑄴 𑄞𑄌𑄴𑅁 𑄚𑄪𑄃𑄧 𑄛𑄨𑄢𑄨𑄝𑄮𑄢𑄬 𑄥𑄦𑄨𑄖𑄳𑄠𑄧, 𑄉𑄚𑄴, 𑄜𑄨𑄣𑄨𑄟𑄴 𑄃 𑄥𑄨𑄣𑄴𑄛𑄧𑄌𑄧𑄌𑄴𑄡𑄖𑄴 𑄚𑄨𑄎𑄧𑄢𑄴 𑄥𑄪𑄙𑄮𑄟𑄚𑄨 𑄖𑄪𑄣𑄨 𑄙𑄧𑄢𑄚 𑄃𑄪𑄌𑄴𑄮𑄟𑄨 𑄘𑄨𑄠𑄳𑄠 𑄛𑄧𑄢𑄨𑄝𑄧𑅁 𑄝𑄪𑄢𑄧𑄃𑄪𑄚𑄧𑄢𑄴 𑄎𑄨𑄁𑄇𑄚𑄨 𑄇𑄧𑄙, 𑄟𑄪𑄠𑄬 𑄟𑄪𑄠𑄬 𑄝𑄎𑄨 𑄗𑄨𑄠𑄳𑄠 𑄉𑄧𑄣𑄴𑄛𑄧 𑄃 𑄝𑄨𑄎𑄧𑄇𑄴 𑄗𑄮𑄝𑄬 𑄢𑄊 𑄛𑄧𑄢𑄨𑄝𑄧 𑄟𑄪𑄏𑄪𑄋𑄧𑄢𑄴 𑄛𑄨𑄢𑄨𑄃𑄪𑄚𑄧𑄖𑄳𑄠𑄭𑅁
𑄇𑄨𑄖𑄴𑄬, 𑄜𑄬𑄥𑄴𑄝𑄪𑄇𑄴, 𑄑𑄨𑄇𑄴𑄑𑄧𑄇𑄴, 𑄃𑄨𑄚𑄴𑄥𑄴𑄑𑄉𑄳𑄢𑄟𑄴 𑄝 𑄃𑄨𑄃𑄪𑄑𑄨𑄃𑄪𑄝𑄧𑄖𑄴 𑄇𑄧𑄚𑄧 𑄃𑄪𑄘𑄨𑄌𑄴 𑄝𑄘𑄬 𑄇𑄟𑄴 𑄉𑄧𑄢𑄨𑄣𑄬 𑄎𑄘𑄧𑄢𑄴 𑄞𑄧𑄝𑄨𑄌𑄴𑄍𑄮𑄖𑄴 𑄚𑄧 𑄟𑄨𑄣𑄨𑄝𑄧𑅁 𑄞𑄧𑄝𑄨𑄌𑄴𑄍𑄮𑄖𑄴 𑄟𑄨𑄣𑄨𑄝𑄮, 𑄛𑄒𑄉𑄢𑄧𑄖𑄴, 𑄝𑄧𑄃𑄨 𑄛𑄧𑄢𑄚𑄖𑄴, 𑄉𑄳𑄠𑄬𑄚𑄴 𑄌𑄧𑄌𑄴𑄡𑄖𑄴, 𑄢𑄨𑄘𑄨𑄥𑄪𑄙𑄮𑄟𑄴 𑄌𑄧𑄌𑄴𑄡𑄖𑄴 𑄃 𑄚𑄨𑄎𑄧𑄢𑄴 𑄌𑄨𑄚𑄴𑄛𑄧𑄌𑄳𑄠𑄬 𑄘𑄧𑄢𑄧𑄟𑄧𑄢𑄴 𑄉𑄧𑄢𑄨 𑄙𑄪𑄢𑄨 𑄢𑄊𑄬𑄣𑄬𑅁 𑄥𑄨𑄋𑄮𑄢𑄴 𑄝𑄘𑄬 𑄇𑄧𑄚𑄴𑄧 𑄝𑄳𑄢𑄨𑄇𑄴𑄈𑄧 𑄗𑄨𑄠𑄬 𑄗𑄬𑄃𑄨 𑄚𑄧 𑄛𑄢𑄧𑄚𑄴, 𑄗𑄨𑄇𑄴 𑄥𑄬𑄙𑄧𑄇𑄳𑄠𑄬 𑄉𑄧𑄢𑄨 𑄞𑄌𑄴 𑄝𑄘𑄬 𑄇𑄧𑄚𑄧 𑄎𑄖𑄴 𑄃𑄩𑄠𑄮𑄖𑄴 𑄣𑄟𑄴𑄝 𑄃𑄧𑄃𑄨 𑄚𑄧 𑄛𑄢𑄬𑅁
𑄖𑄳𑄢𑄨𑄘𑄨𑄝𑄴 𑄢𑄠𑄧𑄢𑄴 𑄇𑄧𑄙𑄚𑄴 𑄃𑄬𑄡𑄧 𑄘𑄋𑄧𑄢𑄴 𑄥𑄖𑄴𑄇𑄟𑄴 𑄃𑄨𑄎𑄬𑄝𑄬 𑄃𑄨𑄙𑄮𑄖𑄴 𑄢𑄊 𑄡𑄠𑄴- 𑄞𑄧𑄝𑄨𑄌𑄴𑄍𑄮𑄖𑄴 𑄇𑄧𑄚𑄧 𑄎𑄧𑄚𑄬 𑄇𑄢𑄴𑄢𑄬 𑄝𑄪𑄇𑄴𑄥𑄨𑄌𑄴 𑄚𑄧 𑄘𑄳𑄠𑄪𑄚𑄴, 𑄥𑄨𑄠𑄚𑄴 𑄍𑄨𑄚𑄨 𑄃𑄚 𑄛𑄧𑄢𑄬𑅁 𑄃 𑄃𑄪𑄥𑄖𑄧𑄚𑄴 𑄖𑄣𑄪𑄇𑄧𑄘𑄢𑄴 𑄥𑄬 𑄘𑄊𑄧 𑄇𑄧𑄙𑄚𑄴 𑄃𑄨𑄙𑄮𑄖𑄴 𑄖𑄪𑄣𑄨 𑄘𑄬- 𑄥𑄧𑄌𑄬𑄘𑄧𑄚𑄴 𑄟𑄚𑄪𑄌𑄴 𑄚𑄧 𑄦𑄧𑄣𑄬 𑄞𑄧𑄌𑄴 𑄡𑄬𑄝𑄧𑄁 𑄈𑄟𑄇𑄴𑄇𑄠𑄴𑅁
𑄥𑄬𑄚𑄬 𑄃𑄬𑄡𑄧 𑄃𑄧𑄇𑄴𑄖𑄧 𑄃𑄊𑄬 𑄚𑄨𑄎𑄧𑄢𑄬 𑄥𑄧𑄟𑄣𑄮𑄌𑄧𑄚 𑄉𑄧𑄢𑄚, 𑄚𑄨𑄎𑄧𑄢𑄬 𑄎𑄉𑄬 𑄖𑄪𑄣𑄧𑄚𑅁 𑄝𑄬𑄣𑄧𑄇𑄴 𑄚𑄧𑄠𑄴, 𑄎𑄧𑄙 𑄝𑄧𑄣𑄬 𑄦𑄙𑄚𑅁 𑄌𑄋𑄴𑄟 𑄞𑄌𑄴, 𑄃𑄧𑄏𑄛𑄖𑄴, 𑄃𑄪𑄢𑄧𑄚𑄴-𑄛𑄨𑄢𑄮𑄚𑄴, 𑄢𑄧𑄁𑄖𑄟𑄏, 𑄥𑄦𑄨𑄖𑄳𑄠𑄧 𑄃 𑄝𑄨𑄎𑄧𑄇𑄴- 𑄝𑄬𑄇𑄴 𑄎𑄘𑄧𑄢𑄴 𑄥𑄨𑄋𑄮𑄢𑄴 𑄦𑄖𑄳𑄠𑄢𑄴𑅁 𑄥𑄬 𑄦𑄖𑄳𑄠𑄢𑄴 𑄙𑄢𑄚 𑄇𑄟𑄚𑄴 𑄌𑄋𑄴𑄟𑄃𑄪𑄚𑄧𑄢𑄴𑅁
𑄇𑄨𑄖𑄴𑄬 𑄘𑄨𑄚𑄧𑄥𑄬𑄎𑄬, 𑄌𑄋𑄧𑄟𑄃𑄪𑄚𑄧𑄢𑄴 𑄞𑄧𑄝𑄨𑄌𑄴𑄍𑄮𑄖𑄴 𑄥𑄧𑄖𑄳𑄠𑄨𑄃𑄨 𑄌𑄋𑄧𑄟𑄃𑄪𑄚𑄧𑄢𑄴 𑄚𑄨𑄎𑄧𑄢𑄴 𑄦𑄙𑄧𑄖𑄴 𑄞𑄧𑄢𑄴 𑄘𑄨 𑄃𑄊𑄬𑅁
𑄝𑄨.𑄘𑄳𑄢𑄧: 𑄽𑄟𑄬 𑄸𑄶𑄸𑄼 𑄛𑄚𑄴𑄍𑄧𑄢𑄨𑄖𑄴 𑄃𑄬𑄇𑄴𑄮 𑄥𑄬𑄑𑄬𑄣𑄢𑄴 𑄝𑄋𑄣𑄴 𑄛𑄪𑄃𑄧 𑄃𑄨𑄟𑄧𑄚𑄴 𑄦𑄮𑄥𑄬𑄚𑄴 𑄚𑄋𑄬 𑄉𑄪𑄣𑄨𑄖𑄴 𑄟𑄪𑄢𑄨 𑄡𑄠𑄴𑅁 𑄖𑄬 𑄃𑄨𑄃𑄪𑄛𑄨𑄓𑄨𑄃𑄬𑄜𑄴 𑄉𑄧𑄕𑄧𑄖𑄚𑄴𑄖𑄳𑄢𑄨𑄇𑄧𑄢𑄧𑄢𑄴 𑄥𑄝𑄋𑄴𑄉𑄨𑅁 𑄝𑄧𑄢𑄟𑄧𑄖𑄴 𑄃𑄪𑄖𑄴𑄬 𑄖𑄢𑄬 𑄃𑄨𑄃𑄪𑄛𑄨𑄓𑄨𑄃𑄬𑄜𑄬 𑄟𑄢𑄬 𑄜𑄬𑄣𑄴𑄬𑅁 𑄃𑄬 𑄊𑄧𑄘𑄧𑄚𑄚𑄴 𑄝𑄬𑄉𑄧𑄢𑄴 𑄟𑄧𑄚𑄧𑄖𑄴 𑄏𑄉𑄪𑄣𑄪𑄇𑄴 𑄉𑄧𑄢𑄨 𑄘𑄨𑄠𑄳𑄠𑅁 𑄎𑄪𑄟𑄴𑄧 𑄢𑄎𑄴𑄚𑄩𑄖𑄨 𑄞𑄨𑄘𑄨𑄢𑄬 𑄃𑄬𑄇𑄴𑄮 𑄥𑄬𑄑𑄬𑄣𑄢𑄴 𑄝𑄋𑄣𑄴! 𑄥𑄬 𑄌𑄨𑄘𑄬𑄖𑄴𑄪𑄚𑄴 𑄟𑄧𑄢𑄴 𑄃𑄬 𑄣𑄬𑄊𑄚𑄴𑅁 𑄝𑄚 𑄉𑄧𑄕𑄧𑄖𑄖𑄚𑄴𑄖𑄳𑄢𑄨𑄇𑄧𑄖𑄴 𑄚𑄧𑄠𑄴, 𑄸𑄶𑄶𑄷 𑄥𑄣𑄧𑄖𑄴 𑄃𑄚𑄴𑄖𑄧𑄢𑄴 𑄝𑄧𑄢𑄪𑄠 𑄚𑄬𑄋 𑄃𑄬𑄇𑄴𑄮 𑄝𑄋𑄣𑄴 𑄃𑄨𑄃𑄪𑄛𑄨𑄓𑄨𑄣𑄬𑄜𑄴 𑄉𑄧𑄖𑄴𑄧 𑄣𑄉𑄧𑄖𑄴 𑄛𑄨𑄠𑄮𑄁𑅁
𑄟𑄪𑄏𑄪𑄋𑄬 𑄃𑄇𑄴𑄮𑄃𑄨 𑄎𑄚 𑄚𑄋𑄴 𑄦𑄧𑄣𑄧𑄘𑄬 𑄎𑄨𑄁𑄇𑄚𑄨
𑄦𑄬 𑄚𑄪𑄃𑄧 𑄛𑄨𑄢𑄨 𑄖𑄮𑄟𑄢𑄬 𑄇𑄧𑄋𑄧𑄢𑄴, 𑄃𑄨𑄁𑄢𑄬𑄎𑄨 𑄞𑄏𑄧𑄢𑄴 𑄘𑄨𑄝𑄬 𑄟𑄖𑄴 𑄃𑄊𑄧𑄚𑄴, 𑄇𑄮𑄣𑄳𑄠𑄑𑄢𑄣𑄴 𑄓𑄬𑄟𑄬𑄎𑄴 (Collateral Damage)𑅁 𑄃𑄨𑄠𑄚𑄴 𑄃𑄧𑄢𑄴𑄗𑄧 𑄟𑄧𑄚𑄬 𑄚𑄧 𑄌𑄬𑄣𑄬𑄠𑄳𑄠𑄧 𑄇𑄨𑄏𑄪 𑄈𑄪𑄘𑄨 𑄦𑄧𑄠𑄴𑅁 𑄡𑄪𑄘𑄴𑄙𑄧 𑄟𑄧𑄠𑄧𑄘𑄚𑄧𑄖𑄴 𑄃𑄬 𑄎𑄟 𑄟𑄖𑄴𑄮 𑄣𑄢𑄴𑄌𑄢𑄬 𑄃𑄬𑄌𑄳𑄠𑄬 𑄟𑄚𑄬𑄃𑄨 𑄎𑄨𑄁𑄇𑄚𑄨𑄖𑄴 𑄛𑄧𑄖𑄴𑄨𑄇𑄴 𑄘𑄋𑄧𑄢𑄴 𑄣𑄢𑄬𑄃𑄨𑄠𑄧𑄖𑄴 𑄍𑄝 𑄃𑄧𑄃𑄨 𑄃𑄊𑄬𑅁 𑄌𑄮𑄊𑄧 𑄃𑄚𑄴𑄘𑄧𑄣𑄬, 𑄈𑄧𑄝𑄧𑄢𑄴 𑄚𑄧 𑄛𑄬𑄠𑄬 𑄉𑄧𑄢𑄨 𑄡𑄬 𑄛𑄧𑄢𑄚𑄴 𑄛𑄬𑄣𑄚𑄴, 𑄡𑄬 𑄥𑄧𑄝𑄧𑄚𑄴 𑄞𑄋𑄬, 𑄡 𑄝𑄨𑄎𑄧𑄉𑄧𑄢𑄴 𑄛𑄖𑄖𑄴𑄪𑄚𑄴 𑄦𑄎𑄨 𑄡𑄠𑄴- 𑄥𑄨𑄠𑄚𑄴𑄠𑄳𑄠𑄧 𑄇𑄮𑄣𑄳𑄠𑄑𑄢𑄣𑄴 𑄓𑄬𑄟𑄬𑄎𑄴𑅁
𑄛𑄧𑄖𑄴𑄨𑄇𑄴 𑄘𑄋𑄧𑄢𑄴 𑄥𑄧𑄝𑄧𑄚𑄴 𑄃𑄬𑄇𑄴𑄮 𑄙𑄮𑄟𑄴𑄙𑄮𑄟𑄳𑄠 𑄦𑄋𑄳𑄠𑄬 𑄝𑄮𑄟𑄴𑄝𑅁 𑄖𑄬 𑄛𑄳𑄦𑄧𑄢𑄴 𑄍𑄨𑄘𑄨𑄝𑄖𑄳𑄠 𑄝𑄪𑄖𑄴𑄨 𑄛𑄪𑄢𑄬, 𑄖𑄬𑄣𑄴 𑄛𑄪𑄢𑄬, 𑄌𑄬𑄢𑄮 𑄇𑄨𑄗𑄳𑄠 𑄗𑄧 (𑄖𑄛𑄴) 𑄍𑄨𑄘𑄬𑅁 𑄉𑄳𑄠𑄣𑄨𑄣𑄨𑄃𑄮 𑄡𑄧𑄇𑄳𑄠𑄬 𑄇𑄧𑄣𑄧, “𑄖𑄳𑄠𑄪𑄃𑄧 𑄛𑄨𑄖𑄴𑄨𑄟𑄨 𑄊𑄪𑄢𑄬”. 𑄥𑄧𑄇𑄳𑄠𑄬 𑄖 𑄚𑄨𑄎𑄧𑄢𑄴 𑄎𑄨𑄁𑄇𑄚𑄨𑄖𑄴 𑄥𑄚𑄴𑄘𑄨, 𑄟𑄚𑄴, 𑄥𑄪𑄚𑄧𑄎𑄪𑄇𑄴- 𑄝𑄬𑄇𑄴 𑄃𑄬𑄣𑄧 𑄇𑄮𑄣𑄳𑄠𑄑𑄢𑄣𑄴 𑄓𑄬𑄟𑄬𑄎𑄴𑅁 𑄢𑄧𑄝𑄩𑄚𑄴𑄘𑄳𑄢𑄧𑄚𑄗𑄴 𑄎𑄧𑄟𑄨𑄘𑄢𑄨 𑄜𑄬𑄣𑄬 𑄥𑄚𑄴𑄘𑄨𑄚𑄨𑄇𑄬𑄖𑄧𑄚𑄴 𑄝𑄚𑄬𑄭 𑄡𑄬 𑄖𑄬𑄋 𑄈𑄪𑄘𑄨, 𑄃𑄨𑄖𑄴𑄮𑄇𑄪𑄘𑄪𑄟𑄧𑄖𑄴𑄪𑄚𑄴 𑄇𑄪 𑄇𑄧𑄙 𑄥𑄪𑄚𑄨 𑄛𑄨𑄠𑄬, 𑄥𑄨𑄠𑄚𑄴 𑄃𑄬𑄣𑄧 𑄖𑄢𑄴 𑄉𑄮𑄖𑄴𑄖𑄣𑄴 𑄛𑄨𑄖𑄴𑄨𑄟𑄨 𑄟𑄚𑄧𑄝𑄧𑄖𑄢𑄴 𑄥𑄧𑄝𑄧𑄚𑄧𑄢𑄴 𑄇𑄨𑄏𑄪 𑄈𑄪𑄘𑄨𑅁
𑄛𑄳𑄦𑄧𑄢𑄴 𑄡𑄬𑄙𑄧𑄇𑄴 𑄛𑄳𑄦𑄧𑄚𑄴 𑄛𑄮𑄖𑄴𑄛𑄮𑄖𑄳𑄠 𑄦𑄧𑄠𑄴, 𑄍𑄝 𑄥𑄬𑄙𑄧𑄇𑄴 𑄛𑄧𑄢𑄇𑄴 𑄛𑄧𑄢𑄇𑄴 𑄦𑄧𑄠𑄴𑅁 𑄝𑄨𑄎𑄧𑄉𑄬 𑄇𑄧𑄠𑄴, 𑄦𑄬𑄃𑄨𑄣𑄴 𑄃𑄉𑄏𑄧𑄖𑄴 𑄃𑄪𑄢𑄨𑄝𑄢𑄴 𑄙𑄢𑄏𑄬 𑄃𑄨𑄢𑄢𑄪𑄥𑄧𑄢𑄴 𑄙𑄪𑄃𑄮 𑄉𑄧𑄣𑄨 𑄡𑄨𑄠𑄬, 𑄥𑄙𑄨𑄚𑄧𑄖 𑄚𑄋𑄬 𑄝𑄬𑄣𑄚𑄴 𑄃𑄚𑄧𑄘𑄬 𑄡𑄬𑄚𑄬𑄃𑄨 𑄈𑄪𑄘𑄨𑄢𑄟𑄬 𑄜𑄥𑄨 𑄟𑄧𑄐𑄴𑄌𑄧𑄖𑄴 𑄃𑄪𑄘𑄨 𑄛𑄨𑄠𑄬𑅁 𑄘𑄋𑄧𑄢𑄴 𑄞𑄣𑄬𑄘𑄨 𑄇𑄟𑄴 𑄉𑄧𑄢𑄨𑄝𑄖𑄳𑄠 𑄉𑄬𑄣𑄬 𑄇𑄨𑄏𑄪 𑄥𑄢𑄴𑄗𑄧 𑄝 𑄘𑄧𑄠𑄬 𑄟𑄬𑄠𑄳𑄠 𑄦𑄖𑄴 𑄦𑄬𑄢𑄬 𑄡 𑄛𑄧𑄢𑄬𑅁
𑄝𑄧𑄢𑄧𑄉𑄋𑄴 𑄡𑄧𑄇𑄳𑄠𑄬 𑄥𑄧𑄟𑄪𑄘𑄳𑄢𑄧 𑄇𑄨𑄗𑄳𑄠 𑄝𑄬𑄃𑄨 𑄡𑄠𑄴 𑄥𑄧𑄇𑄳𑄠𑄬 𑄘𑄨𑄇𑄪𑄣𑄴 𑄞𑄋𑄬𑅁 𑄖𑄬 𑄚𑄧 𑄞𑄋𑄨𑄣𑄬 𑄝𑄧𑄢𑄴𑄉𑄋𑄴 𑄛𑄚𑄨 𑄚𑄣𑄬 𑄝𑄬𑄃𑄨 𑄡𑄬𑄃𑄨 𑄚𑄧 𑄛𑄢𑄬, 𑄘𑄧𑄎𑄳𑄠𑄬𑄖𑄴 𑄣𑄪𑄟𑄨 𑄚𑄧 𑄛𑄢𑄬𑅁 𑄎𑄘𑄧𑄢𑄴 𑄎𑄨𑄁𑄇𑄚𑄨𑄠𑄳𑄠𑄧 𑄗𑄨𑄇𑄴 𑄥𑄬𑄙𑄧𑄇𑄳𑄠𑄬𑄚𑄴𑅁 𑄞𑄏𑄧𑄢𑄴 𑄣𑄢𑄬𑄃𑄨𑄠𑄧𑄖𑄴 𑄟𑄨𑄍𑄨𑄣𑄧𑄖𑄴 𑄢𑄧𑄜𑄨𑄇𑄴-𑄥𑄣𑄟𑄴-𑄝𑄧𑄢𑄴𑄇𑄧𑄖𑄴𑄘𑄊𑄨 𑄣𑄮 𑄚𑄧 𑄘𑄨𑄘𑄇𑄴 𑄝𑄁𑄣 𑄞𑄌𑄴𑄍𑄚𑄴 𑄚𑄧 𑄃𑄧𑄘𑄧𑅁 𑄃𑄬𑄇𑄪𑄏𑄧𑄢𑄴 𑄥𑄬 𑄣𑄮 𑄃𑄬𑄣𑄧 𑄎𑄘𑄧𑄖𑄳𑄠𑄭 𑄘𑄋𑄧𑄢𑄴 𑄥𑄧𑄝𑄧𑄚𑄧𑄢𑄴 𑄇𑄮𑄣𑄳𑄠𑄑𑄢𑄣𑄴 𑄓𑄬𑄟𑄬𑄎𑄴- 𑄃𑄧𑄗𑄧𑄌𑄴 𑄥𑄬 𑄈𑄪𑄘𑄨 𑄃𑄪𑄉𑄪𑄢𑄬 𑄗𑄨𑄠𑄳𑄠 𑄃𑄊𑄬 𑄃𑄟 𑄌𑄨𑄚𑄴𑄛𑄧𑄌𑄳𑄠𑄬 𑄥𑄧𑄦𑄩𑄘𑄴 𑄟𑄨𑄚𑄢𑄴𑅁
𑄈𑄪𑄘𑄨𑄢𑄴 𑄘𑄧𑄢𑄬 𑄡𑄪𑄚𑄨 𑄇𑄧𑄣𑄧𑄟𑄴𑄝𑄏𑄧𑄢𑄬 𑄃𑄇𑄴𑄌𑄮𑄃𑄨 𑄢𑄊𑄬𑄘𑄧, 𑄥𑄣𑄬𑄚𑄴 𑄚𑄪𑄃𑄧 𑄟𑄧𑄦𑄘𑄬𑄌𑄴 𑄝𑄚𑄬 𑄚𑄧 𑄛𑄖𑄴𑄧𑅁 𑄡𑄪𑄚𑄨 𑄉𑄪𑄢𑄧 𑄃𑄧𑄝𑄖𑄳𑄠 𑄛𑄬𑄖𑄴 𑄛𑄨𑄢𑄬 𑄘𑄧𑄢𑄬𑄘𑄇𑄴 𑄥𑄣𑄬𑄚𑄴 𑄇𑄧𑄚𑄴 𑄉𑄪𑄢𑄧 𑄛𑄨𑄖𑄴𑄨𑄟𑄨 𑄟𑄪 𑄚𑄧 𑄘𑄬𑄊𑄨𑄘𑄇𑄴𑅁 𑄥𑄨𑄢𑄨𑄖𑄴𑄨 𑄛𑄧𑄖𑄴𑄨𑄇𑄴 𑄟𑄧𑄦𑄇𑄝𑄳𑄠𑄧 𑄢𑄧𑄎𑄧𑄚 𑄦𑄧𑄠𑄴 𑄇𑄨𑄏𑄪 𑄚 𑄇𑄨𑄏𑄪 𑄝𑄧 𑄜𑄬𑄣𑄬𑄚𑄬𑄃𑄨𑅁
𑄖𑄬 𑄇𑄮𑄣𑄳𑄠𑄑𑄢𑄣𑄴 𑄓𑄬𑄟𑄬𑄎𑄧𑄢𑄴 𑄚𑄋𑄬 𑄇𑄚𑄴 𑄦𑄧𑄣𑄬 𑄚𑄧 𑄃𑄧𑄞𑄧𑅁 𑄡𑄬 𑄥𑄬𑄚𑄛𑄧𑄘𑄨 𑄎𑄧𑄠𑄧𑄢𑄴 𑄟𑄖𑄴𑄧𑄣𑄬 𑄚𑄨𑄎𑄧𑄢𑄴 𑄥𑄰𑄚𑄳𑄠𑄧𑄃𑄪𑄚𑄧𑄢𑄬 𑄟𑄢𑄬 𑄜𑄬𑄣𑄠𑄴, 𑄖𑄬 𑄥𑄧𑄝𑄧𑄚𑄴𑄝𑄧𑄣 𑄚𑄧𑄠𑄴, 𑄖𑄬 𑄇𑄬𑄢𑄬𑄋 𑄝𑄧𑄣 𑄟𑄚𑄬𑄃𑄨𑅁 𑄘𑄋𑄧𑄢𑄴 𑄥𑄧𑄝𑄧𑄚𑄧𑄖𑄴 𑄚𑄩𑄘𑄨 𑄃𑄊𑄬𑅁 𑄉𑄩𑄖𑄖𑄴 𑄥𑄳𑄢𑄩𑄇𑄳𑄢𑄨𑄌𑄧𑄚𑄧 𑄃𑄧𑄢𑄴𑄎𑄪𑄚𑄧𑄢𑄬 𑄡𑄪𑄘𑄴𑄙𑄧 𑄉𑄧𑄢𑄨𑄝𑄖𑄳𑄠 𑄇𑄧𑄣𑄳, 𑄟𑄖𑄴𑄧𑄢𑄴 𑄦𑄖𑄳𑄠𑄢𑄴 𑄚𑄬𑄃𑄨, 𑄦𑄖𑄴𑄃𑄪𑄞𑄧 𑄉𑄧𑄌𑄴𑄍𑄬 𑄥𑄰𑄚𑄳𑄠𑄧𑄃𑄪𑄚𑄧𑄢𑄬 𑄚𑄧 𑄟𑄢𑄨𑄝𑄢𑄴 𑄟𑄚 𑄉𑄧𑄌𑄴𑄍𑄬𑅁
𑄥𑄬𑄚𑄬 𑄈𑄪𑄘𑄨 𑄦𑄧𑄞𑄧 𑄃𑄨𑄠𑄚𑄴 𑄟𑄚 𑄛𑄧𑄢𑄨𑄝𑄧, 𑄟𑄖𑄴𑄧𑄢𑄴 𑄈𑄪𑄘𑄨𑄠𑄚𑄧𑄢𑄬 𑄢𑄧𑄁𑄉𑄧𑄖𑄟𑄏 𑄉𑄧𑄢 𑄚𑄧 𑄡𑄬𑄝𑄧𑅁 𑄡𑄬 𑄝𑄮𑄟𑄴𑄝𑄣𑄮𑄃𑄨 𑄊𑄧𑄢𑄴 𑄛𑄪𑄢𑄬, 𑄥𑄬 𑄝𑄮𑄟𑄴𑄝 𑄟𑄢𑄚 𑄉𑄧𑄟𑄴𑅁 𑄥𑄧𑄝𑄧𑄚𑄧 𑄟𑄫𑄣𑄳𑄠𑄧 𑄘𑄨𑄠𑄳𑄠 𑄛𑄧𑄢𑄨𑄝𑄧 𑄟𑄖𑄴𑄧𑄢𑄴 𑄥𑄬 𑄟𑄫𑄣𑄳𑄠𑄧 𑄥𑄧𑄝𑄧𑄚𑄧𑄖𑄴𑄪𑄚𑄴 𑄝𑄬𑄌𑄴 𑄘𑄋𑄧𑄢𑄴 𑄚𑄧 𑄦𑄧𑄠𑄴𑅁
𑄝𑄧𑄖𑄴𑄝𑄳𑄢𑄨𑄇𑄴𑄈𑄧 𑄡𑄧𑄇𑄳𑄠𑄬 𑄘𑄋𑄧𑄢𑄴 𑄦𑄧𑄠𑄴 𑄥𑄧𑄇𑄳𑄠𑄬 𑄖𑄢𑄴 𑄍𑄝𑄖𑄴 𑄇𑄧𑄘𑄧 𑄥𑄧𑄖𑄴 𑄥𑄧𑄖𑄴 𑄣𑄪𑄘𑄨 𑄉𑄌𑄴 𑄞𑄧𑄌𑄴 𑄡𑄚𑄴𑅁 𑄖𑄳𑄠𑄪𑄃𑄧 𑄝𑄧𑄖𑄴𑄉𑄌𑄴𑄍𑄮 𑄦𑄞𑄨𑄣𑄳𑄠𑄌𑄴 𑄚𑄧 𑄈𑄠𑄴- 𑄇𑄨𑄖𑄴𑄬 𑄖𑄬 𑄈𑄧𑄝𑄧𑄢𑄴 𑄛𑄠𑄴, 𑄖𑄢𑄴 𑄙𑄬𑄣𑄳𑄠𑄬𑄖𑄴 𑄇𑄧𑄘𑄧 𑄥𑄧𑄖𑄴 𑄛𑄬𑄃𑄨𑄇𑄴 𑄝𑄳𑄦 𑄝𑄚𑄨𑄝𑄇𑄴, 𑄛𑄧𑄖𑄴𑄮𑄃𑄪𑄚𑄬 𑄦𑄧𑄢𑄚𑄴 𑄃𑄧𑄃𑄨 𑄎𑄬𑄢𑄬𑄝𑄇𑄴𑅁 𑄘𑄋𑄧𑄢𑄴 𑄥𑄧𑄝𑄧𑄚𑄴 𑄗𑄨𑄇𑄴 𑄥𑄬𑄙𑄧𑄇𑄳𑄠𑄬𑄚𑄴𑅁 𑄃𑄬𑄌𑄳𑄠𑄬 𑄌𑄨𑄉𑄮𑄚𑄴 𑄌𑄨𑄉𑄮𑄚𑄴 𑄟𑄧𑄚𑄧 𑄘𑄪𑄇𑄴, 𑄇𑄚𑄚, 𑄟𑄪 𑄛𑄬𑄎𑄬𑄣𑄁, 𑄈𑄪𑄘𑄨- 𑄃𑄬𑄇𑄴 𑄃𑄧𑄇𑄴𑄖𑄧𑄖𑄴 𑄘𑄋𑄧𑄢𑄴 𑄢𑄧𑄁𑄖𑄟𑄏 𑄃𑄧𑄞𑄧𑅁
𑄥𑄬𑄚𑄬 𑄃𑄧𑄇𑄴𑄖𑄧𑄠𑄚𑄴 𑄡𑄧𑄇𑄳𑄠𑄬 𑄘𑄉𑄬 𑄥𑄧𑄇𑄳𑄠𑄬 𑄌𑄨𑄉𑄮𑄚𑄴 𑄌𑄉𑄮𑄚𑄴 𑄣𑄞𑄴-𑄈𑄪𑄘𑄨 𑄈𑄧𑄖𑄨𑄠𑄚 𑄝𑄧𑄚𑄴 𑄢𑄊 𑄛𑄧𑄢𑄬𑅁 𑄇𑄨𑄖𑄴𑄬 𑄝𑄨𑄎𑄧𑄇𑄴 𑄇𑄧𑄚𑄧𑄘𑄨𑄚𑄴 𑄛𑄘𑄪𑄢𑄮 𑄃𑄨𑄎𑄬𑄝𑄬 𑄈𑄘𑄖𑄴 𑄃𑄨𑄙𑄮𑄖𑄴 𑄚𑄧 𑄢𑄊𑄠𑄴𑅁 𑄃𑄨𑄙𑄮𑄖𑄴 𑄢𑄊𑄠𑄴 𑄖𑄢𑄢𑄬, 𑄡𑄢 𑄇𑄮𑄣𑄳𑄠𑄑𑄢𑄣𑄴 𑄓𑄬𑄟𑄬𑄎𑄧𑄢𑄴 𑄢𑄋 𑄣𑄮 𑄛𑄧𑄙𑄬 𑄦𑄙𑄨 𑄥𑄧𑄝𑄧𑄚𑄚𑄧𑄢𑄬 𑄙𑄧𑄢𑄧𑄚𑄴𑅁
𑄥𑄧𑄝𑄧𑄚𑄴 𑄡𑄪𑄚𑄨 𑄦𑄨𑄟𑄣𑄧𑄠𑄴 𑄦𑄧𑄠𑄴, 𑄥𑄣𑄬𑄚𑄴 𑄗𑄬𑄋𑄧𑄖𑄴 𑄇𑄘 𑄇𑄧𑄝𑄮 𑄜𑄪𑄖𑄴𑄮𑄚𑄴 𑄉𑄪𑄚𑄨𑄣𑄬 𑄚𑄧 𑄃𑄧𑄞𑄧𑅁 𑄟𑄪𑄏𑄪𑄋𑄬 𑄃𑄇𑄴𑄮𑄃𑄨 𑄎𑄚 𑄚𑄋𑄴 𑄦𑄧𑄣𑄧𑄘𑄬 𑄎𑄨𑄁𑄇𑄚𑄨, 𑄥𑄣𑄳𑄠𑄬𑄋𑄧𑄖𑄴 𑄣𑄪𑄟𑄚 𑄚𑄋𑄴𑄎𑄘𑅁
𑄣𑄧𑄁𑄉𑄧𑄘𑄪𑄢𑄴 𑄛𑄧𑄢 𑄍𑄬𑄭𑄠𑄮𑄢𑄴 𑄙𑄮𑄇𑄴𑄙𑄮𑄇𑄳𑄠𑄧 𑄎𑄬𑄘 𑄃𑄋𑄢𑄖𑄴𑄪𑄚𑄴 𑄎𑄧𑄚𑄧𑄟𑄴 𑄦𑄧𑄣𑄧- 𑄛𑄦𑄢𑄨 𑄍𑄖𑄳𑄢𑄧 𑄛𑄧𑄢𑄨𑄥𑄧𑄘𑄴
𑄺 𑄟𑄬 𑄷𑄿𑄾𑄿𑅁 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄧 𑄃𑄉𑄏𑄧𑄖𑄴 𑄢𑄋 𑄟𑄬𑄊𑄧𑄢𑄴 𑄝𑄪𑄇𑄴 𑄍𑄨𑄢𑄨 𑄝𑄬𑄣𑄴 𑄙𑄪𑄝𑄨 𑄥𑄎𑄧𑄚𑄳𑄠𑄧 𑄣𑄟𑄨𑄣𑄧𑅁 𑄣𑄧𑄁𑄉𑄧𑄘𑄪 𑄦𑄬𑄭𑄣𑄴 𑄟𑄮𑄚𑄴 𑄝𑄪𑄉𑄧𑄖𑄴 𑄛𑄨𑄢𑄴𑄞𑄧𑄢𑄴 𑄃𑄧𑄃𑄨 𑄃𑄪𑄘𑄨𑄣𑄧 𑄝𑄧𑄚 𑄝𑄧𑄚 𑄇𑄣 𑄙𑄪𑄟𑄧 𑄃 𑄥𑄧𑄝𑄥𑄣𑄴𑅁 𑄃𑄉𑄪𑄚𑄧 𑄎𑄨𑄣𑄧𑄖𑄴 𑄝𑄚 𑄊𑄧𑄢𑄴 𑄛𑄪𑄢𑄨 𑄚𑄧 𑄡𑄠𑄴- 𑄛𑄪𑄢𑄨 𑄉𑄬𑄣𑄧 𑄎𑄪𑄟𑄴𑄧 𑄎𑄘𑄧𑄢𑄴 𑄦𑄎𑄢𑄴 𑄝𑄧𑄏𑄧𑄢𑄴 𑄥𑄧𑄝𑄧𑄚𑄴, 𑄛𑄪𑄢𑄨 𑄡𑄬𑄣𑄧 𑄝𑄪𑄘𑄴𑄙𑄧 𑄛𑄧𑄝𑄨𑄖𑄳𑄢𑄧 𑄟𑄪, 𑄛𑄪𑄢𑄨 𑄡𑄬𑄣𑄧 𑄃𑄧𑄏𑄛𑄖𑄴𑅁 𑄘𑄪𑄙𑄧𑄢𑄴 𑄉𑄪𑄢𑄧 𑄇𑄚𑄚𑄨, 𑄟-𑄝𑄮𑄚𑄧𑄢𑄴 𑄟𑄧𑄢 𑄇𑄨𑄏𑄬𑄇𑄴 𑄃 𑄝𑄪𑄢𑄧𑄃𑄪𑄚𑄧𑄢𑄴 𑄝𑄧 𑄚𑄨𑄏𑄬𑄌𑄴 𑄟𑄨𑄏𑄨 𑄥𑄬 𑄘𑄨𑄚𑄴 𑄣𑄧𑄁𑄉𑄧𑄘𑄪 𑄦𑄞 𑄊𑄮𑄢𑄴 𑄃𑄧𑄃𑄨 𑄃𑄪𑄘𑄨𑄣𑄧𑅁
𑄝𑄨𑄎𑄧𑄇𑄴 𑄥𑄇𑄴𑄈𑄨, 𑄹𑄸 𑄎𑄧𑄚𑄴 𑄖𑄎 𑄛𑄧𑄢𑄚𑄴, 𑄷𑄷 𑄎𑄧𑄚𑄴 𑄣𑄮 𑄞𑄨𑄎𑄳𑄠𑄬 𑄇𑄨𑄠𑄬, 𑄿 𑄃𑄚𑄴 𑄃𑄘𑄟𑄴 (𑄖𑄨𑄚𑄴𑄖𑄨𑄣𑄬, 𑄟𑄚𑄨𑄇𑄴𑄎𑄮𑄢𑄴 𑄍𑄧𑄢, 𑄝𑄖𑄳𑄠𑄛𑄢, 𑄝𑄧𑄢𑄘𑄟𑄴, 𑄟𑄳𑄦𑄎𑄧𑄚𑄴 𑄛𑄢, 𑄥𑄮𑄚𑄬𑄭, 𑄝𑄋𑄧 𑄃𑄘𑄢𑄧𑄇𑄴𑄍𑄧𑄢, 𑄘𑄬𑄚𑄧 𑄃𑄘𑄢𑄧𑄇𑄴𑄍𑄧𑄢 𑄃 𑄇𑄧𑄢𑄧𑄣𑄳𑄠𑄍𑄧𑄢𑄨)- 𑄷𑄶𑄷𑄷𑄃𑄚𑄴 𑄊𑄧𑄢𑄴, 𑄸𑄃𑄚𑄴 𑄃𑄨𑄇𑄴𑄪𑄣𑄴 𑄃𑄨𑄇𑄴𑄪𑄣𑄴 (𑄥𑄮𑄚𑄭 𑄥𑄧𑄢𑄴𑄇𑄢𑄨 𑄛𑄳𑄢𑄗𑄧𑄟𑄢𑄨 𑄃𑄨𑄇𑄴𑄪𑄣𑄴 𑄃 𑄣𑄧𑄁𑄉𑄧𑄘𑄪 𑄥𑄧𑄢𑄴𑄇𑄢𑄨 𑄦𑄃𑄨 𑄃𑄨𑄇𑄴𑄪𑄣𑄴), 𑄼𑄃𑄚𑄴 𑄇𑄨𑄠𑄮𑄁 (𑄑𑄨𑄚𑄴𑄑𑄨𑄣 𑄝𑄧𑄚𑄧𑄝𑄨𑄦𑄢𑄴, 𑄟𑄧𑄚𑄮𑄢𑄧𑄟 𑄝𑄯𑄘𑄴𑄙𑄧 𑄝𑄨𑄦𑄢𑄴, 𑄃𑄑𑄧𑄢𑄧𑄇𑄧𑄍𑄧𑄢, 𑄘𑄧𑄥𑄧𑄝𑄧𑄣𑄴 𑄙𑄧𑄢𑄴𑄟𑄧𑄢𑄧𑄖𑄴𑄚𑄧 𑄝𑄯𑄘𑄴𑄙𑄧 𑄝𑄨𑄦𑄢𑄴, 𑄥𑄮𑄚𑄭 𑄝𑄯𑄘𑄴𑄙𑄧 𑄝𑄨𑄦𑄢𑄴, 𑄇𑄧𑄢𑄧𑄣𑄳𑄠𑄍𑄧𑄢𑄨 𑄝𑄯𑄘𑄴𑄙𑄧 𑄝𑄨𑄦𑄢𑄴, 𑄝𑄧𑄢𑄘𑄧𑄟𑄴 𑄝𑄯𑄘𑄴𑄙𑄧 𑄝𑄨𑄦𑄢𑄴)- 𑄃𑄨𑄠𑄚𑄨 𑄦𑄧𑄣𑄧 𑄢𑄥𑄴𑄑𑄳𑄢𑄧 𑄃𑄬𑄎𑄣𑄬 𑄥𑄬 𑄎𑄪𑄟𑄴𑄧𑄃𑄪𑄚𑄧𑄢𑄬 𑄍𑄢𑄚𑄘 𑄉𑄧𑄢𑄚𑄢𑄴 𑄇𑄟𑄧𑄢𑄴 𑄃𑄬𑄇𑄴𑄇𑄚𑄴 𑄇𑄟𑄴𑅁 𑄦𑄎𑄢𑄴 𑄦𑄎𑄢𑄴 𑄎𑄪𑄟𑄴𑄧 𑄛𑄪𑄃𑄧 𑄥𑄬𑄘𑄨𑄚𑄴 𑄚𑄨𑄎𑄧 𑄊𑄧𑄢𑄴𑄛𑄘𑄖𑄴𑄪𑄚𑄴 𑄙𑄬𑄭 𑄡𑄬𑄭 𑄛𑄚𑄴, 𑄇𑄧𑄚𑄧 𑄇𑄧𑄚𑄧 𑄎𑄧𑄚𑄴 𑄃𑄬𑄇𑄴𑄇 𑄚𑄨𑄛𑄧𑄢𑄴𑄞𑄖𑄳𑄠𑄭 𑄟𑄪𑄢𑄴𑄉𑄪𑄎𑄨𑄝𑄢𑄴 𑄇𑄘𑄖𑄢𑄧 𑄍𑄨𑄢𑄨 𑄃𑄮𑄛𑄢𑄧𑄖𑄴 𑄙𑄬𑄭 𑄡𑄚𑄴𑅁
𑄟𑄖𑄴𑄧𑄢𑄴 𑄛𑄧𑄢 𑄍𑄬𑄭𑄠𑄮𑄢𑄴 𑄖𑄧𑄣𑄬 𑄚𑄧 𑄛𑄧𑄢𑄬 𑄙𑄮𑄇𑄴𑄙𑄮𑄇𑄳𑄠𑄧 𑄎𑄬𑄘 𑄃𑄋𑄢𑅁 𑄣𑄧𑄁𑄉𑄧𑄘𑄪 𑄥𑄬 𑄛𑄧𑄢 𑄍𑄬𑄭𑄠𑄮𑄢𑄴 𑄃𑄋𑄢, 𑄥𑄧𑄦𑄩𑄘𑄧𑄢𑄴 𑄣𑄮 𑄞𑄨𑄎𑄳𑄠𑄬 𑄛𑄧𑄢 𑄟𑄘𑄨𑄖𑄴 𑄈𑄪𑄌𑄴 𑄘𑄨 𑄗𑄨𑄇𑄴 𑄷𑄼 𑄘𑄨𑄚𑄴 𑄛𑄧𑄢𑄴- 𑄸𑄶 𑄟𑄬, 𑄷𑄿𑄾𑄿- 𑄎𑄧𑄚𑄧𑄟𑄴 𑄦𑄧𑄠𑄴 𑄃𑄬𑄇𑄴𑄮 𑄘𑄳𑄢𑄮𑄦𑄧, 𑄃𑄬𑄇𑄴𑄮 𑄃𑄨𑄟𑄬, 𑄃𑄬𑄇𑄴𑄮 𑄝𑄮𑄟𑄴𑄝: 𑄛𑄦𑄢𑄨 𑄍𑄖𑄳𑄢𑄧 𑄛𑄧𑄢𑄨𑄥𑄧𑄘𑄴𑅁
𑄥𑄬 𑄟𑄨𑄍𑄨𑄣𑄧𑄖𑄴 𑄢𑄧 𑄥𑄌𑄳𑄠𑄬 𑄥𑄪𑄠𑄮𑄣𑄧𑄢𑄴 𑄛𑄧𑄣𑄳𑄠 𑄥𑄮𑄣𑄧𑄉𑄚𑄴, 𑄡𑄬 𑄘𑄬𑄠𑄣𑄧𑄖𑄴 𑄣𑄬𑄊 𑄦𑄧𑄠𑄬 𑄃𑄪𑄖𑄴𑄨𑄛𑄪𑄖𑄴𑄨 𑄇𑄧𑄙- 𑄃𑄬 𑄛𑄧𑄣𑄳𑄠 𑄣𑄭𑄚𑄴, 𑄥𑄬 𑄟𑄨𑄍𑄨𑄣𑄧𑄖𑄴 𑄃𑄇𑄴𑄮𑄃𑄨 𑄃𑄬𑄣𑄇𑄴 𑄇𑄧𑄣𑄬𑄎𑄴-𑄝𑄨𑄥𑄴𑄧𑄝𑄨𑄘𑄳𑄠𑄣𑄧𑄠𑄧𑄢𑄴 𑄛𑄧𑄢𑄴𑄝𑄮𑄠 𑄉𑄞𑄪𑄎𑄳𑄠 𑄣𑄧𑄉𑄬𑅁 𑄖𑄢 𑄥𑄧𑄝𑄧𑄖𑄴 𑄚𑄨𑄣𑄇𑄴- 𑄃𑄬 𑄣𑄮 𑄃𑄙𑄳𑄠 (𑄝𑄳𑄢𑄨𑄗) 𑄃𑄧𑄝𑄢𑄴 𑄚𑄧 𑄘𑄨𑄝𑄧𑄁𑅁
𑄃𑄬𑄌𑄳𑄠𑄬 𑄟𑄪𑄢𑄪𑄣𑄳𑄠 𑄌𑄉𑄣 𑄃𑄘𑄟𑄚𑄨 𑄃𑄢𑄴 𑄥𑄬 𑄃𑄉𑄧 𑄥𑄚𑄴 𑄌𑄮𑄇𑄴 𑄎𑄪𑄢𑄬𑄝𑄢𑄴, 𑄟𑄧𑄚𑄴 𑄉𑄧𑄣𑄬𑄝𑄢𑄴 𑄦𑄬𑄭𑄣𑄴 𑄖𑄢𑄪𑄟𑄴 𑄏𑄢𑄴 𑄚𑄬𑄭𑅁 𑄎𑄉-𑄎𑄧𑄟𑄨 𑄦𑄢𑄬𑄠𑄳𑄠 𑄟𑄚𑄬𑄃𑄨𑄃𑄪𑄚𑄧𑄢𑄴 𑄌𑄮𑄊𑄧𑄖𑄴 𑄖𑄢 𑄖𑄢 𑄎𑄪𑄚𑄨 𑄎𑄧𑄣𑄧𑄚𑄴, 𑄞𑄌𑄴 𑄦𑄢𑄬𑄠𑄳𑄠 𑄉𑄪𑄢𑄮𑄃𑄪𑄚𑄴 𑄟𑄖𑄴 𑄚𑄬𑄭𑅁 𑄃𑄪𑄚𑄴𑄧𑄠𑄧𑄚𑄴 𑄚𑄋𑄬 𑄦𑄣𑄴 𑄌𑄪𑄉𑄚 𑄦𑄧𑄠𑄴 𑄟𑄮𑄚𑄧 𑄝𑄪𑄉𑄧𑄖𑄴, 𑄃 𑄝𑄧𑄚𑄧 𑄝𑄥𑄴 𑄇𑄘𑄧𑄚𑄴 𑄃𑄘𑄨𑄟𑄴 𑄟𑄚𑄬𑄃𑄨𑄠𑄧𑄢𑄴 𑄛𑄪𑄃𑄧/𑄏𑄨𑅁
𑄖𑄳𑄠𑄪𑄃𑄧, 𑄝𑄪𑄇𑄴 𑄞𑄋 𑄃𑄬 𑄍𑄬𑄭𑄢𑄧𑄋𑄧 𑄟𑄪𑄢𑄮𑄖𑄴 𑄛𑄨𑄢𑄴𑄞𑄧𑄢𑄴 𑄟𑄪𑄏𑄪𑄋𑄬 𑄃𑄇𑄴𑄮𑄃𑄨 𑄃𑄬𑄡𑄬 𑄛𑄦𑄢𑄨 𑄍𑄖𑄳𑄢𑄧 𑄛𑄧𑄢𑄨𑄥𑄧𑄘𑄴𑅁 𑄥𑄬𑄚𑄬 𑄎𑄪𑄟𑄴𑄧 𑄟𑄚𑄬𑄭𑄃𑄪𑄚𑄧𑄢𑄴 𑄝𑄪𑄇𑄴 𑄞𑄧𑄢𑄬 𑄞𑄝𑄨𑄚𑄬𑄭, 𑄛𑄦𑄢𑄨 𑄍𑄖𑄳𑄢𑄧 𑄛𑄧𑄢𑄨𑄥𑄧𑄘𑄴 𑄥𑄬 𑄥𑄧𑄦𑄩𑄘𑄴 𑄢𑄨𑄕𑄴 𑄥𑄮𑄙𑄴 𑄉𑄧𑄢𑄨𑄝𑄧 𑄇𑄧𑄣𑄧𑄟𑄴𑄮𑄃𑄨, 𑄥𑄪𑄠𑄮𑄣𑄴 𑄃 𑄇𑄟𑄧𑄢𑄴 𑄥𑄬𑄢𑄬𑄘𑄨𑅁
𑄌𑄋𑄴𑄟, 𑄟𑄢𑄴𑄟, 𑄖𑄳𑄢𑄨𑄛𑄪𑄢, 𑄖𑄧𑄐𑄴𑄌𑄧𑄋𑄴𑄉𑄳𑄠, 𑄟𑄳𑄢𑄮, 𑄈𑄪𑄟𑄨- 𑄛𑄧𑄖𑄴𑄨𑄇𑄴 𑄎𑄘𑄧𑄢𑄴 𑄦𑄧𑄢𑄧𑄇𑄴 𑄃𑄬𑄌𑄳𑄠𑄬 𑄟𑄪𑄎𑄳𑄠𑄧 𑄡𑄬𑄭 𑄃𑄊𑄧𑄚𑄴𑅁 𑄟-𑄞𑄌𑄴 𑄦𑄧𑄢𑄧𑄇𑄴𑄪𑄚𑄴 𑄡𑄬𑄚𑄴 𑄣𑄧𑄁𑄉𑄧𑄘𑄪𑄢𑄴 𑄛𑄧𑄢 𑄍𑄬𑄭𑄠𑄧𑄢𑄴 𑄖𑄧𑄣𑄬 𑄛𑄧𑄌𑄳𑄠𑄬 𑄥𑄮𑄚𑄢𑄴 𑄟𑄮𑄦𑄧𑄢𑄴𑅁 𑄛𑄦𑄢𑄨 𑄍𑄖𑄳𑄢𑄧 𑄛𑄧𑄢𑄨𑄥𑄧𑄘𑄧𑄢𑄴 𑄃𑄨𑄙𑄪 𑄎𑄪𑄟𑄴𑄧 𑄟𑄚𑄬𑄭𑄠𑄧𑄢𑄴 𑄖𑄪𑄘𑄨: 𑄖𑄪𑄟𑄨 𑄥𑄬 𑄟𑄮𑄦𑄧𑄢𑄴 𑄇𑄪𑄢𑄬 𑄃𑄚𑄧, 𑄦𑄧𑄢𑄧𑄉𑄧𑄢𑄴 𑄟𑄨𑄍𑄨𑄣𑄧𑄖𑄴 𑄟 𑄞𑄌𑄴𑄍𑄚𑄧𑄢𑄬 𑄜𑄨𑄢𑄬 𑄘𑄪𑄠𑄮 𑄖 𑄦𑄢𑄬𑄠𑄳𑄠 𑄥𑄨𑄁𑄦𑄥𑄧𑄚𑄧𑄖𑄴𑅁 𑄃𑄬𑄇𑄴𑄮 𑄉𑄪𑄢𑄴 𑄥𑄧𑄈𑄳𑄠𑄬 𑄚𑄨𑄎𑄧𑄢𑄴 𑄦𑄧𑄢𑄧𑄉𑄬 '𑄟' 𑄣𑄨𑄊𑄨𑄝𑄢𑄴 𑄥𑄨𑄊𑄨𑄝𑄧, 𑄥𑄬 𑄘𑄨𑄚𑄴 𑄣𑄧𑄁𑄉𑄧𑄘𑄪𑄢𑄴 𑄃𑄬𑄇𑄴𑄮 𑄃𑄬𑄇𑄴𑄮 𑄃𑄖𑄴𑄗 𑄥𑄚𑄴𑄘𑄨 𑄛𑄬𑄝𑄇𑄴𑅁
𑄥𑄧𑄦𑄩𑄘𑄧𑄢𑄴 𑄚𑄋𑄚𑄨 𑄡𑄬 𑄝𑄚 𑄺 𑄟𑄬 𑄛𑄮𑄥𑄴𑄑𑄢𑄧 𑄝𑄧𑄚𑄴𑄘𑄩 𑄚𑄧 𑄗𑄠𑄴𑅁 𑄣𑄧𑄁𑄉𑄧𑄘𑄪, 𑄣𑄮𑄉𑄁, 𑄚𑄚𑄳𑄠𑄌𑄧𑄢𑄴, 𑄝𑄊𑄭𑄍𑄧𑄢𑄨. 𑄌𑄧𑄁𑄢𑄍𑄢𑄨 𑄥𑄪𑄟𑄪𑄖𑄴𑄧 𑄉𑄮𑄘 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄧— 𑄛𑄖𑄴𑄨𑄇𑄴 𑄣𑄮 𑄞𑄨𑄎𑄳𑄠𑄬 𑄛𑄧𑄠𑄴𑄙𑄬 𑄟𑄪𑄠𑄬 𑄟𑄪𑄠𑄬 𑄝𑄨𑄎𑄧𑄇𑄴, 𑄘𑄧𑄣𑄨𑄣𑄴 𑄃 𑄝𑄧𑄚𑄨𑄏𑄬𑄌𑄴 𑄗𑄮𑄝𑄬𑄭 𑄟𑄪𑄏𑄪𑄋𑄧𑄢𑄴 𑄛𑄨𑄢𑄳𑄦𑄨𑄖𑄳𑄠𑄃𑄨𑅁 𑄇𑄨𑄖𑄴𑄬 𑄡𑄬 𑄎𑄖𑄴 𑄝𑄨𑄎𑄧𑄇𑄴 𑄇𑄪𑄢𑄨 𑄜𑄬𑄣𑄠𑄴, 𑄥𑄬 𑄎𑄖𑄴 𑄖 𑄚𑄨𑄎𑄧𑄢𑄴 𑄌𑄨𑄚𑄴𑄛𑄧𑄌𑄳𑄠𑄬 𑄦𑄎𑄠𑄴𑅁
𑄇𑄬𑄚 𑄃𑄪𑄢𑄚 𑄚𑄧𑄠𑄴, 𑄥𑄪𑄠𑄮𑄣𑄴 𑄡𑄪𑄇𑄴𑄖𑄨𑄣𑄮𑄃𑄨 𑄟𑄮𑄚𑄴 𑄟𑄪𑄢𑄧𑄃𑄪𑄚𑄴 𑄎𑄉𑄧𑅁 𑄝𑄨𑄉𑄴𑄉𑄚𑄴, 𑄥𑄦𑄨𑄖𑄳𑄠𑄧, 𑄘𑄧𑄢𑄴𑄥𑄧𑄚𑄴 𑄃 𑄢𑄎𑄴𑄚𑄩𑄖𑄨𑄢𑄴 𑄦𑄖𑄳𑄠𑄢𑄧𑄣𑄮𑄃𑄨 𑄙𑄢𑄧 𑄎𑄪𑄟𑄴𑄧 𑄉𑄞𑄪𑄎𑄳𑄠-𑄉𑄞𑄪𑄢𑄨𑄢𑄬𑅁 𑄡𑄬𑄚𑄴 𑄝𑄨𑄥𑄴𑄧 𑄘𑄧𑄢𑄴𑄝𑄢𑄧𑄢𑄴 𑄟𑄙 𑄃𑄪𑄎𑄪 𑄉𑄧𑄢𑄨 𑄇𑄮𑄃𑄨 𑄛𑄢𑄬- 𑄃𑄟𑄨 𑄎𑄪𑄟𑄴𑄧, 𑄃𑄟𑄨 𑄟𑄚𑄪𑄌𑄴, 𑄃𑄟𑄢𑄴𑄠𑄳𑄠𑄧 𑄃𑄪𑄖𑄴𑄨𑄛𑄪𑄖𑄴𑄨 𑄃𑄊𑄬𑅁
𑄟𑄘𑄨 𑄃𑄟𑄢𑄴 𑄟𑅁 𑄥𑄬 𑄟𑄝𑄮𑄢𑄴 𑄃𑄪𑄖𑄴𑄨𑄛𑄪𑄖𑄴𑄨 𑄜𑄨𑄢𑄬 𑄃𑄚𑄨𑄝𑄖𑄳𑄠𑄭 𑄛𑄦𑄢𑄨 𑄍𑄖𑄳𑄢𑄧 𑄛𑄧𑄢𑄨𑄥𑄧𑄘𑄬 𑄃𑄧𑄃𑄨 𑄛𑄧𑄢𑄨𑄝𑄧 𑄘𑄧𑄢𑄧𑄟𑄧𑄢𑄴, 𑄇𑄢 𑄛𑄧𑄢𑄨𑄝𑄧 𑄢𑄨𑄝𑄬𑄁𑄘𑄧𑄢𑄧 𑄢𑄧𑅁 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄴 𑄌𑄪𑄇𑄴𑄖𑄨 𑄝𑄥𑄴𑄖𑄧𑄝𑄠𑄧𑄚𑄴, 𑄥𑄁𑄝𑄨𑄙𑄚𑄨𑄇𑄴 𑄥𑄨𑄇𑄳𑄢𑄨𑄖𑄨 𑄃 𑄚𑄨𑄎𑄧𑄢𑄴 𑄥𑄪𑄙𑄮𑄟𑄬 𑄌𑄧𑄣𑄨𑄝𑄢𑄴 𑄘𑄝𑄨𑄣𑄮𑄃𑄨 𑄢𑄎𑄴𑄛𑄧𑄖𑄴 𑄡𑄬𑄚𑄴 𑄇𑄧𑄚𑄧 𑄃𑄧𑄇𑄴𑄖𑄧 𑄃𑄧𑄣𑄧𑄢𑄴 𑄚𑄧 𑄦𑄧𑄠𑄴𑅁
𑄣𑄧𑄁𑄉𑄧𑄘𑄪𑄢𑄴 𑄍𑄬𑄭 𑄃𑄬𑄡𑄧 𑄝𑄮𑄃𑄨𑄠𑄬𑄢𑄴 𑄞𑄧𑄋𑄨 𑄝𑄬𑄢𑄢𑄴 𑄟𑄮𑄚𑄴-𑄟𑄪𑄢𑄧𑄖𑄴𑅁 𑄥𑄬 𑄍𑄬𑄭𑄠𑄧𑄢𑄴 𑄝𑄥𑄬 𑄟𑄨𑄏𑄨 𑄃𑄊𑄬 𑄖𑄧𑄟 𑄇𑄟𑄧𑄢𑄴 𑄃𑄨𑄟𑄬𑅁 𑄛𑄦𑄢𑄨 𑄍𑄖𑄳𑄢𑄧 𑄛𑄧𑄢𑄨𑄥𑄧𑄘𑄴 𑄡𑄪𑄚𑄨 𑄖 𑄎𑄧𑄚𑄧𑄟𑄧𑄢𑄴 𑄥𑄧𑄝𑄧𑄖𑄴 𑄇𑄪𑄢𑄨 𑄜𑄬𑄣𑄠𑄴, 𑄥𑄣𑄬 𑄥𑄧𑄦𑄩𑄘𑄧𑄢𑄴 𑄃𑄖𑄴𑄗 𑄃𑄢𑄧 𑄃𑄬𑄇𑄧𑄝𑄢𑄴 𑄟𑄪𑄢𑄨𑄝𑄧𑅁
𑄟𑄖𑄴𑄧𑄢𑄴 𑄡𑄬 𑄘𑄨𑄚𑄴 𑄟𑄪𑄢𑄪𑄣𑄳𑄠 𑄇𑄧𑄚𑄧 𑄉𑄞𑄪𑄎𑄳𑄠 𑄚𑄨𑄎𑄧𑄢𑄴 𑄦𑄧𑄢𑄧𑄇𑄴𑄮𑄃𑄨 𑄇𑄧𑄝𑄨𑄘𑄳𑄠 𑄣𑄨𑄊𑄨𑄝𑄧, 𑄡𑄬 𑄘𑄨𑄚𑄴 𑄇𑄧𑄚𑄧 𑄉𑄞𑄪𑄢𑄨 𑄚𑄨𑄎𑄧𑄢𑄴 𑄟 𑄞𑄏𑄬 𑄉𑄚𑄴 𑄉𑄬𑄭𑄝𑄧, 𑄡𑄬 𑄘𑄨𑄚𑄴 𑄟𑄨𑄍𑄨𑄣𑄧𑄖𑄴 𑄝𑄬𑄉𑄧𑄢𑄴 𑄃𑄇𑄴𑄧𑄣𑄬 “𑄎𑄪𑄟𑄴𑄧𑄣𑄳𑄠𑄚𑄴𑄓𑄴” 𑄟𑄖𑄴𑄮 𑄥𑄮𑄎𑄬𑄃𑄨 𑄃𑄪𑄘𑄬- 𑄥𑄬 𑄘𑄨𑄚𑄴 𑄣𑄧𑄁𑄉𑄧𑄘𑄪𑄢𑄴 𑄢𑄨𑄕𑄴 𑄥𑄪𑄎𑄨𑄝𑄢𑄴 𑄛𑄧𑄖𑄴 𑄈𑄪𑄣𑄧 𑄗𑄬𑄝𑄧𑅁
𑄥𑄧𑄇𑄴𑄬 𑄟𑄮𑄚𑄴-𑄟𑄪𑄢𑄧 𑄃𑄢𑄧 𑄦𑄬𑄭𑄣𑄬 𑄥𑄎𑄨𑄝𑄧𑅁 𑄇𑄨𑄖𑄴𑄬, 𑄣𑄮 𑄇𑄧𑄚𑄴 𑄘𑄨𑄚𑄴 𑄃𑄙𑄳𑄠 (𑄝𑄳𑄢𑄨𑄗) 𑄚𑄧 𑄦𑄧𑄠𑄴𑅁 𑄣𑄮 𑄝𑄨𑄌𑄴𑄝𑄨𑄎𑄨𑄘𑄨 𑄃𑄧𑄃𑄨 𑄜𑄨𑄢𑄨 𑄃𑄬𑄡𑄬, 𑄜𑄪𑄣𑄴 𑄃𑄧𑄃𑄨 𑄜𑄪𑄘𑄬, 𑄜𑄧𑄣𑄴 𑄃𑄧𑄃𑄨 𑄎𑄧𑄚𑄧𑄟𑄴 𑄘𑄬 𑄚𑄪𑄃𑄧 𑄝𑄬𑄣𑄴𑅁 𑄛𑄦𑄢𑄨 𑄍𑄖𑄳𑄢𑄧 𑄛𑄧𑄢𑄨𑄥𑄧𑄘𑄴 𑄖𑄪𑄟𑄨 𑄥𑄬 𑄚𑄪𑄃𑄧 𑄝𑄬𑄣𑄧 𑄍𑄧𑄘𑄧𑄇𑄴 𑄃𑄧𑄃𑄨 𑄗𑄬𑄝𑄢𑄴 𑄌𑄧 𑄃𑄨𑄠𑄚𑄴 𑄟𑄧𑄢𑄴 𑄇𑄪𑄎𑄮𑄣𑄨𑅁
𑄟𑄬-𑄺, 𑄸𑄶𑄸𑄼
𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄧𑄢𑄴 𑄃𑄘𑄨𑄝𑄥𑄩 𑄟𑄚𑄬𑄃𑄨: 𑄦𑄎𑄢𑄴 𑄝𑄧𑄏𑄧𑄢𑄧𑄢𑄴 𑄝𑄨𑄎𑄧𑄇𑄴 𑄃 𑄃𑄨𑄢𑄪𑄇𑄴 𑄞𑄝𑄧𑄚
𑄌𑄋𑄴𑄟
𑄢𑄎𑄴𑄝𑄧𑄁𑄥𑄧𑄢𑄴
𑄝𑄨𑄎𑄧𑄇𑄴
𑄇𑄧𑄚𑄧
𑄚𑄪𑄃𑄧
𑄦𑄣𑄬𑄃𑄨
𑄚𑄧𑄠𑄴,
𑄖𑄬 𑄃𑄨𑄠𑄚𑄴
𑄷𑄶 𑄥𑄧𑄘𑄧𑄉𑄧𑄖𑄴𑄪𑄚𑄴
𑄙𑄪𑄢𑄨
𑄃𑄬𑄇𑄴𑄇𑄚𑄴
𑄣𑄳𑄦𑄘𑄨𑄊𑄧𑄣𑄨
𑄢𑄎𑄴𑄖𑄚𑄴𑄖𑄳𑄢𑄨𑄇𑄴
𑄥𑄥𑄧𑄚𑄴
𑄙𑄧𑄇𑄴𑅁
𑄷𑄶𑄶𑄶-𑄷𑄶𑄸𑄶
𑄈𑄳𑄢𑄨.
𑄢𑄎 𑄝𑄨𑄎𑄧𑄠𑄴
𑄥𑄨𑄁
𑄃𑄬 𑄢𑄬𑄎𑄳𑄠𑄧
𑄗𑄨𑄘𑄧
𑄉𑄧𑄢𑄬𑅁
𑄝𑄳𑄢𑄨𑄑𑄨𑄥𑄴
𑄝𑄨𑄎𑄧𑄇𑄴
𑄣𑄬𑄊𑄨𑄠𑄳𑄠
𑄃𑄬𑄃𑄨𑄌𑄴.
𑄃𑄬𑄃𑄨𑄌𑄴.
𑄢𑄨𑄥𑄴𑄣𑄨
(H.H. Risley) 𑄖
𑄷𑄾𑄿𑄸
𑄥𑄣𑄧𑄖𑄴
𑄜𑄧𑄉𑄧𑄘𑄋𑄨
"The Tribes and Castes of Bengal" 𑄝𑄧𑄃𑄨𑄝𑄮𑄖𑄴
𑄛𑄧𑄢𑄇𑄴
𑄛𑄧𑄢𑄇𑄴
𑄉𑄧𑄢𑄨
𑄣𑄬𑄊
𑄃𑄊𑄬-
"𑄌𑄋𑄴𑄟𑄃𑄪𑄚𑄴
𑄛𑄢𑄴𑄝𑄧𑄖𑄳𑄠𑄧
𑄌𑄧𑄑𑄴𑄧𑄉𑄳𑄢𑄟𑄧𑄖𑄴
𑄝𑄬𑄉𑄧𑄖𑄴𑄪𑄚𑄴
𑄝𑄬𑄌𑄴
𑄛𑄪𑄢𑄧𑄚𑄨
𑄟𑄚𑄬𑄭
𑄃
𑄖𑄢
𑄚𑄨𑄎𑄧𑄢𑄬
𑄃𑄬
𑄌𑄉𑄣𑄖𑄴
𑄃𑄘𑄨
𑄝𑄧𑄏𑄧𑄖𑄴𑄨
𑄃𑄨𑄎𑄬𑄝𑄬
𑄘𑄝𑄨
𑄉𑄧𑄢𑄧𑄚𑄴,
𑄡𑄢𑄢𑄴
𑄷𑄶
𑄥𑄧𑄘𑄧𑄉𑄧𑄖𑄴𑄪𑄚𑄴
𑄙𑄪𑄢𑄨
𑄃𑄬𑄇𑄴𑄚𑄉𑄢𑄬
𑄢𑄎𑄴𑄝𑄧𑄁𑄥𑄧𑄢𑄴
𑄝𑄨𑄎𑄧𑄇𑄴
𑄃𑄊𑄬𑅁”
𑄓𑄧. 𑄚𑄉𑄬𑄚𑄴𑄘𑄳𑄢𑄧𑄚𑄗𑄴 𑄞𑄧𑄑𑄴𑄑𑄌𑄢𑄴𑄡𑄳𑄠𑄧 𑄖 "The Chakma Race" (𑄷𑄿𑄽𑄺) 𑄝𑄧𑄃𑄨𑄝𑄮𑄖𑄴 𑄃𑄬 𑄡𑄪𑄇𑄴𑄖𑄨𑄠𑄚𑄧𑄖𑄴 𑄃𑄢𑄧 𑄃𑄬𑄉𑄧𑄖𑄴𑄧𑄢𑄴 𑄉𑄧𑄌𑄴𑄍𑄬, "𑄌𑄋𑄴𑄟𑄃𑄪𑄚𑄴 𑄃𑄢𑄇𑄚𑄧𑄖𑄴𑄪𑄚𑄴 𑄃𑄬𑄥𑄳𑄠𑄬 𑄃𑄬 𑄌𑄉𑄣𑄖𑄴 𑄗𑄬𑄝𑄢𑄴 (𑄃𑄧𑄞𑄨𑄝𑄥𑄩) 𑄇𑄧𑄚𑄧 𑄟𑄚𑄬𑄭 𑄚𑄧𑄠𑄴𑅁 𑄝𑄧𑄢𑄧𑄁 𑄃𑄢𑄇𑄚𑄧𑄖𑄴𑄪𑄚𑄴 𑄡𑄬 𑄛𑄪𑄢𑄧𑄚𑄴 𑄝𑄨𑄎𑄧𑄉𑄧𑄢𑄴 𑄡𑄮𑄉𑄡𑄮𑄉𑄴, 𑄥𑄨𑄠𑄚𑄴 𑄃𑄬𑄣𑄧 𑄥𑄧𑄟𑄧𑄠𑄧𑄢𑄴 𑄣𑄧𑄇𑄴𑄜𑄧𑄇𑄴 𑄝𑄚𑅁 𑄖𑄢𑄢𑄴 𑄟𑄫𑄣𑄴 𑄥𑄧𑄞𑄳𑄠𑄧𑄖𑄢𑄴 𑄇𑄧𑄟𑄬𑄘𑄨 𑄷𑄶 𑄥𑄧𑄘𑄧𑄇𑄧𑄢𑄴 𑄥𑄧𑄁 𑄃𑄧𑄏𑄢𑄴𑅁"
𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄧𑄢𑄴 𑄃𑄧𑄚𑄳𑄠𑄧 𑄘𑄋𑄧𑄢𑄴 𑄟𑄚𑄬𑄭𑄃𑄪𑄚𑄧𑄢𑄴 𑄝𑄨𑄎𑄧𑄇𑄧𑄠𑄳𑄠𑄧 𑄌𑄋𑄴𑄟𑄃𑄪𑄚𑄧𑄢𑄴 𑄥𑄚𑄴 𑄛𑄪𑄢𑄧𑄚𑄮𑅁
• 𑄟𑄢𑄧𑄟: 𑄚𑄋𑄧𑄎𑄘 𑄟𑄚𑄬𑄭 𑄝𑄨𑄉𑄴𑄉𑄚𑄨 𑄓𑄧. 𑄉𑄨𑄠𑄥𑄴 𑄃𑄪𑄘𑄴𑄨𑄚𑄴 𑄌𑄯𑄙𑄪𑄢𑄨 (𑄷𑄿𑄿𑄸) 𑄘𑄬𑄊𑄬𑄣𑄧 𑄡𑄬, "𑄟𑄢𑄴𑄟𑄃𑄪𑄚𑄴 𑄟𑄫𑄣𑄧𑄖𑄴 𑄷𑄺 𑄥𑄧𑄖𑄝𑄴𑄘𑄩𑄖𑄴𑄪𑄚𑄴 𑄙𑄪𑄢𑄨 𑄃𑄬 𑄌𑄉𑄣𑄧𑄖𑄴 𑄃𑄊𑄧𑄚𑄴𑅁 𑄖𑄢𑄣𑄮𑄃𑄨 𑄃𑄢𑄇𑄚𑄧𑄢𑄴 𑄣𑄧𑄇𑄴𑄜𑄧𑄇𑄴 𑄟𑄫𑄣𑄧𑄖𑄴 𑄢𑄨𑄘𑄨𑄥𑄪𑄙𑄮𑄟𑄴 𑄃 𑄞𑄌𑄴, 𑄡𑄨𑄠𑄬𑄚𑄧𑄢𑄬 𑄝𑄳𑄦 𑄃𑄪𑄖𑄴𑄬 𑄝 𑄝𑄢𑄬𑄖𑄴𑄪𑄚𑄴 𑄃𑄬𑄥𑄳𑄠𑄬 𑄞𑄨𑄣𑄬 𑄇𑄮 𑄚𑄧 𑄡𑄠𑄴𑅁"
• 𑄖𑄳𑄢𑄨𑄛𑄪𑄢: 𑄝𑄨𑄎𑄧𑄇𑄴 𑄣𑄬𑄊𑄨𑄠𑄳𑄠 𑄥𑄨.𑄃𑄨. 𑄝𑄇𑄴𑄣𑄳𑄠𑄚𑄴𑄓𑄴 (𑄷𑄿𑄶𑄼) 𑄖 𑄉𑄳𑄠𑄎𑄬𑄑𑄨𑄠𑄢𑄧𑄖𑄴 𑄣𑄨𑄈𑄳𑄠𑄬, "𑄖𑄳𑄢𑄨𑄛𑄪𑄢𑄃𑄪𑄚𑄬 𑄝𑄳𑄢𑄨𑄑𑄨𑄥𑄴 𑄃𑄟𑄧𑄣𑄴 𑄃𑄢𑄴𑄇𑄚𑄨 𑄃𑄧𑄝𑄢𑄴 𑄝𑄧𑄦𑄪𑄖𑄴 𑄃𑄉𑄬𑄖𑄴𑄪𑄚𑄴 𑄙𑄪𑄢𑄨 𑄃𑄬 𑄌𑄉𑄣𑄖𑄴 𑄗𑄚𑄴𑅁 𑄥𑄧𑄁 𑄞𑄫𑄃𑄨𑄠𑄮 𑄖𑄨𑄝𑄨𑄢𑄬 𑄢𑄬𑄎𑄳𑄠𑄧 𑄥𑄧𑄟𑄢𑄬 𑄖𑄢𑄢𑄴 𑄣𑄧𑄇𑄴𑄜𑄧𑄇𑄴 𑄗𑄬𑄣𑄬𑄠𑄳𑄠𑄧 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄧𑄖𑄴 𑄖𑄢𑄢𑄴 𑄝𑄧𑄏𑄧𑄖𑄴𑄨 𑄝𑄧𑄦𑄪 𑄥𑄧𑄖𑄝𑄴𑄘𑄩𑄢𑄴𑅁"
• 𑄟𑄳𑄢𑄮: 𑄓𑄧𑄇𑄴𑄑𑄧𑄢𑄴 𑄢𑄧𑄝𑄢𑄴𑄑𑄴 𑄃𑄪𑄃𑄨𑄚𑄴𑄃𑄬𑄥𑄴𑄑𑄬𑄓𑄴 (𑄷𑄿𑄷𑄽) 𑄖 𑄉𑄧𑄝𑄬𑄥𑄧𑄕𑄖𑄴 𑄃𑄢𑄧 𑄃𑄟𑄧𑄇𑄴 𑄉𑄧𑄢𑄨𑄝𑄢𑄴 𑄖𑄧𑄗𑄳𑄠𑄧 𑄘𑄨𑄠𑄳𑄠𑅁 𑄖 𑄟𑄧𑄘𑄬, "𑄟𑄳𑄢𑄮𑄃𑄪𑄚𑄬 𑄟𑄧𑄚𑄬 𑄦𑄧𑄠𑄴 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄧𑄖𑄴 𑄛𑄪𑄢𑄧𑄚𑄮 𑄗𑄚𑄴 𑄉𑄧𑄢𑄨𑄠𑄳𑄠, "𑄡𑄢 𑄌𑄋𑄴𑄟𑄃𑄪𑄚𑄬 𑄃𑄬𑄭𑄝𑄢𑄴 𑄃𑄉𑄬𑄖𑄴𑄪𑄚𑄴 𑄙𑄪𑄢𑄨 𑄃𑄬 𑄟𑄪𑄢𑄪𑄣𑄳𑄠 𑄌𑄉𑄣𑄖𑄴 𑄗𑄚𑄴 𑄝𑄚𑄬𑄠𑄳𑄠𑄪𑄚𑄴𑅁"
𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄧𑄖𑄴 𑄝𑄚 𑄌𑄋𑄴𑄟, 𑄟𑄢𑄴𑄟𑄃𑄪𑄚𑄧𑄢𑄴 𑄗𑄚𑄴 𑄚𑄧𑄠𑄴, 𑄝𑄧𑄢𑄧𑄁 𑄃𑄨𑄠𑄮𑄖𑄴 𑄞𑄣𑄮𑄇𑄴𑄮 𑄎𑄖𑄴 𑄃 𑄞𑄏𑄧𑄢𑄴 𑄟𑄨𑄣𑄧𑄚𑄨 𑄗𑄚𑄴𑅁 𑄷𑄾𑄹𑄶 𑄃𑄬 𑄘𑄧𑄥𑄧𑄇𑄧𑄖𑄴 𑄝𑄳𑄠𑄛𑄧𑄑𑄨𑄥𑄴𑄑𑄴 𑄟𑄨𑄥𑄧𑄚𑄢𑄨 𑄢𑄬𑄇𑄧𑄢𑄴𑄓𑄧𑄖𑄴𑄪𑄚𑄴 𑄈𑄧𑄝𑄧𑄢𑄴 𑄛𑄬𑄭 𑄡𑄬, 𑄝𑄧𑄟𑄴 𑄟𑄚𑄬𑄃𑄨𑄃𑄪𑄚𑄴 𑄝𑄧𑄦𑄪𑄖𑄴 𑄃𑄉𑄧𑄖𑄴𑄪𑄚𑄴 𑄙𑄪𑄢𑄨 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄴 𑄘𑄧𑄉𑄨𑄚𑄴 𑄌𑄉𑄣𑄖𑄴 𑄗𑄚𑄴 𑄉𑄧𑄌𑄴𑄍𑄮𑄚𑄴𑅁 𑄓𑄧. 𑄥𑄥𑄨𑄢𑄴 𑄃𑄪𑄘𑄴𑄨𑄚𑄧𑄢𑄴 (𑄸𑄶𑄶𑄷) 𑄉𑄧𑄝𑄬𑄥𑄧𑄕 𑄟𑄧𑄘𑄬, 𑄈𑄪𑄟𑄨, 𑄈𑄨𑄠𑄁, 𑄣𑄪𑄥𑄭 𑄃 𑄃𑄧𑄚𑄳𑄠𑄚𑄳𑄠𑄧 𑄟𑄚𑄬𑄭𑄃𑄪𑄚𑄴 𑄃𑄬𑄡𑄚 𑄛𑄳𑄢𑄉𑄰𑄖𑄨𑄦𑄥𑄨𑄇𑄴 𑄡𑄪𑄉𑄧𑄢𑄴 𑄥𑄧𑄁 𑄃𑄬𑄣𑄇𑄴𑅁 𑄖𑄢 𑄞𑄌𑄴, 𑄢𑄨𑄘𑄨𑄥𑄪𑄙𑄮𑄟𑄴, 𑄃𑄪𑄢𑄧𑄚𑄴 𑄛𑄨𑄚𑄮𑄚𑄴, 𑄇𑄧𑄙 𑄇𑄧𑄚𑄴 𑄙𑄧𑄇𑄴 𑄝𑄬𑄇𑄴 𑄃𑄧𑄚𑄳𑄠𑄧𑄖𑄴𑄪𑄚𑄴 𑄝𑄬𑄣𑄧𑄇𑄴𑅁 𑄓𑄧. 𑄦𑄥𑄚𑄴 𑄃𑄦𑄧𑄟𑄬𑄘𑄴 (𑄸𑄶𑄶𑄾) 𑄖 𑄥𑄧𑄟𑄎𑄴𑄖𑄖𑄴𑄨𑄇𑄴 𑄉𑄧𑄝𑄬𑄥𑄧𑄕𑄖𑄴 𑄛𑄳𑄢𑄧𑄟𑄚𑄴 𑄉𑄧𑄌𑄴𑄍𑄬, 𑄖𑄧𑄚𑄴𑄌𑄧𑄁𑄋𑄳𑄠𑄬 𑄌𑄋𑄴𑄟 𑄞𑄏𑄧𑄖𑄴𑄪𑄚𑄴 𑄝𑄬𑄇𑄴𑄇𑄚𑄧𑄘𑄨 𑄝𑄬𑄣𑄧𑄇𑄴𑅁 𑄖𑄢 𑄞𑄌𑄴 𑄞𑄬𑄘𑄣𑄟𑄴 𑄃 𑄞𑄌𑄴 𑄎𑄮𑄢𑄚 𑄥𑄪𑄙𑄮𑄟𑄴𑄠𑄳𑄠𑄧 𑄃𑄊𑄬, 𑄡 𑄛𑄳𑄢𑄧𑄟𑄕𑄴 𑄉𑄧𑄢𑄬 𑄃𑄬 𑄛𑄧𑄖𑄴𑄨𑄇𑄴 𑄎𑄖𑄴 𑄚𑄨𑄎𑄧𑄢𑄴 𑄥𑄪𑄙𑄮𑄟𑄬 𑄃𑄨𑄙𑄪 𑄥𑄧𑄖𑄝𑄴𑄘𑄨 𑄛𑄧𑄢𑄴 𑄥𑄧𑄖𑄝𑄴𑄘𑄨 𑄗𑄨𑄉𑄨 𑄃𑄊𑄧𑄚𑄴𑅁
𑄃𑄨𑄢𑄪𑄇𑄴 𑄃𑄬𑄇𑄴𑄇𑄚𑄴 𑄝𑄧𑄎𑄧𑄁 𑄦𑄣𑄬𑄃𑄨 𑄌𑄧𑄣𑄬, 𑄝𑄧𑄈𑄴𑄖𑄨𑄠 𑄈𑄨𑄣𑄴𑄎𑄨𑄢𑄴 𑄝𑄁𑄣 𑄝𑄨𑄎𑄧𑄠𑄴 𑄉𑄧𑄢𑄚 𑄃𑄬 𑄌𑄉𑄣𑄖𑄴 𑄢𑄎𑄴𑄚𑄰𑄖𑄨𑄇𑄴 𑄙𑄧𑄇𑄴 𑄉𑄧𑄢𑄖𑄴𑄪𑄚𑄴 𑄙𑄪𑄢𑄨 𑄃𑄉 𑄥𑄧𑄁 𑄝𑄧𑄘𑄧𑄣𑄨 𑄡𑄨𑄠𑄬𑅁 𑄖𑄧𑄝𑄬 𑄛𑄪𑄢𑄧𑄚𑄨 𑄝𑄨𑄎𑄧𑄇𑄴 𑄣𑄬𑄊𑄨𑄠𑄳𑄠 𑄃𑄝𑄴𑄘𑄪𑄣𑄴 𑄇𑄧𑄢𑄨𑄟𑄴 (𑄷𑄿𑄿𑄸) 𑄖 "History of Bengal: Mughal Period" 𑄝𑄧𑄃𑄨𑄝𑄮𑄖𑄴 𑄛𑄧𑄢𑄇𑄴 𑄛𑄧𑄢𑄇𑄴 𑄉𑄧𑄢𑄨 𑄜𑄪𑄘𑄬 𑄖𑄪𑄣𑄳𑄠, 𑄝𑄧𑄈𑄴𑄖𑄨𑄠𑄢𑄴 𑄈𑄨𑄣𑄴𑄎𑄨𑄢𑄴 𑄃𑄧𑄞𑄨𑄡𑄚𑄧𑄢𑄴 𑄙𑄪𑄎𑄨 𑄃𑄬𑄣𑄧 𑄝𑄁𑄣 𑄃 𑄝𑄨𑄦𑄢𑄴𑅁 𑄉𑄮𑄘 𑄟𑄧𑄙𑄳𑄠𑄧𑄡𑄪𑄉𑄧𑄖𑄴 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄴 𑄃𑄘𑄨𑄝𑄥𑄨𑄃𑄪𑄚𑄴 𑄢𑄎𑄣𑄮𑄃𑄨 𑄥𑄥𑄨𑄖𑄴 𑄃𑄬𑄣𑄇𑄴 𑄃 𑄝𑄧𑄈𑄴𑄖𑄨𑄠𑄢𑄴 𑄈𑄨𑄣𑄴𑄎𑄨 𑄇𑄧𑄚𑄧𑄘𑄨𑄚𑄴 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄧𑄖𑄴 𑄈𑄪𑄌𑄴 𑄚𑄧 𑄘𑄬𑅁
𑄝𑄨𑄁𑄥𑄧 𑄥𑄧𑄖𑄝𑄴𑄘𑄨 𑄥𑄬𑄎𑄬𑄘𑄨 𑄉𑄧𑄢𑄨 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄴 𑄛𑄪𑄢𑄧𑄚𑄨 𑄃𑄟𑄧𑄣𑄧𑄖𑄴𑄪𑄚𑄴 𑄙𑄪𑄢𑄨 𑄌𑄧𑄣𑄨 𑄃𑄬𑄡𑄚 𑄥𑄪𑄙𑄮𑄟𑄴 𑄃𑄬𑄇𑄴𑄇𑄚𑄴 𑄎𑄉𑄪𑄣𑄪𑄉𑄧 𑄟𑄪𑄈𑄧𑄖𑄴 𑄛𑄧𑄢𑄬𑅁 𑄦𑄨𑄃𑄪𑄟𑄳𑄠𑄚𑄴 𑄢𑄃𑄨𑄑𑄴𑄥𑄴 𑄃𑄮𑄠𑄌𑄴 (𑄷𑄿𑄿𑄸) 𑄃 𑄃𑄳𑄠𑄟𑄴𑄚𑄬𑄥𑄴𑄑𑄨 𑄃𑄨𑄚𑄴𑄑𑄢𑄴𑄚𑄳𑄠𑄥𑄧𑄚𑄣𑄬𑄢𑄴 (𑄸𑄶𑄶𑄷) 𑄈𑄧𑄝𑄧𑄢𑄴 𑄟𑄧𑄎𑄨𑄟𑄴, 𑄾𑄶 𑄘𑄧𑄥𑄧𑄉𑄧𑄖𑄴 𑄢𑄥𑄴𑄑𑄳𑄢𑄧 𑄃𑄬𑄎𑄣𑄬 𑄦𑄎𑄢𑄴 𑄦𑄎𑄢𑄴 𑄝𑄋𑄣𑄴 𑄥𑄬𑄑𑄬𑄣𑄢𑄴 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄴 𑄝𑄧𑄏𑄧𑄖𑄨 𑄉𑄧𑄢𑄨 𑄘𑄨𑄠𑄳𑄠𑅁 𑄥𑄬𑄚𑄬 𑄃𑄘𑄨𑄝𑄥𑄩𑄃𑄪𑄚𑄴 𑄚𑄨𑄎𑄧 𑄎𑄉𑄖𑄴𑄪𑄚𑄴 𑄙𑄬𑄃𑄨 𑄡𑄬 𑄛𑄚𑄴𑅁 𑄥𑄬𑄑𑄬𑄣𑄢𑄴 𑄝𑄋𑄣𑄴 𑄝𑄧𑄏𑄧𑄖𑄴𑄨 𑄉𑄧𑄌𑄴𑄍𑄮 𑄝𑄚 𑄥𑄨𑄠𑄚𑄴 𑄚𑄧𑄠𑄴, 𑄖𑄢 𑄃𑄘𑄨𑄝𑄥𑄩𑄃𑄪𑄚𑄧𑄢𑄴 𑄎𑄉 𑄎𑄧𑄟𑄨 𑄦𑄢𑄨 𑄣𑄧𑄚𑄖𑄴𑄪𑄚𑄴 𑄙𑄪𑄢𑄨 𑄃𑄢𑄴𑄇𑄚𑄨 𑄉𑄧𑄢𑄨 𑄟𑄨𑄣𑄬𑄃𑄪𑄚𑄬 𑄝𑄧𑄣 𑄎𑄮𑄢𑄬 𑄏𑄝𑄚, 𑄍𑄧𑄣𑄬-𑄝𑄧𑄣𑄬 𑄙𑄪𑄢𑄨 𑄚𑄬𑄡𑄚, 𑄇𑄝𑄨 𑄟𑄢𑄨 𑄜𑄬𑄣𑄚, 𑄊𑄧𑄢𑄴-𑄘𑄪𑄃𑄧𑄢𑄴 𑄃𑄉𑄪𑄚𑄴 𑄝𑄎𑄬 𑄘𑄬𑄚𑄥𑄪𑄟𑄪𑄖𑄴𑄧 𑄇𑄧𑄘𑄧 𑄖𑄧𑄌𑄳𑄠 – 𑄛𑄬𑄢𑄬𑄥𑄢𑄴 𑄈𑄝𑄚 𑄗𑄪𑄟𑄴 𑄚𑄬𑄭𑅁 𑄟𑄨𑄏𑄬 𑄟𑄨𑄏𑄬 𑄟𑄟𑄴𑄣 𑄘𑄨𑄚𑄬𑄭 𑄊𑄧𑄢𑄴𑄍𑄢 𑄥𑄚𑄴 𑄟𑄚𑄧𑄝𑄙𑄨𑄇𑄢𑄴 𑄣𑄧𑄋𑄴𑄊𑄧𑄚𑄧𑄢𑄴 𑄊𑄧𑄘𑄧𑄚 𑄊𑄧𑄘𑄬𑄠𑄪𑄚𑄴𑅁
𑄛𑄳𑄢𑄧𑄜𑄬𑄥𑄧𑄢𑄴 𑄎𑄬𑄟𑄴𑄥𑄴 𑄎𑄬. 𑄜𑄳𑄢𑄨𑄓𑄢𑄴𑄥𑄴 (𑄸𑄶𑄶𑄸) 𑄃𑄬 𑄘𑄨𑄚𑄴𑄟𑄙𑄚𑄧𑄢𑄬 '𑄢𑄥𑄴𑄑𑄳𑄢𑄩𑄠𑄧 𑄛𑄳𑄢𑄨𑄥𑄴𑄒𑄧𑄛𑄮𑄥𑄧𑄇𑄧𑄖𑄠𑄴 𑄃𑄪𑄛𑄧𑄚𑄨𑄝𑄬𑄥𑄠𑄧𑄚𑄴' 𑄃𑄨𑄎𑄬𑄝𑄬 𑄖𑄧𑄣𑄴𑄝𑄨𑄌𑄴 𑄉𑄧𑄌𑄴𑄍𑄬𑅁 𑄖 𑄟𑄧𑄘𑄬, 𑄃𑄘𑄨𑄝𑄧𑄥𑄨𑄃𑄪𑄚𑄧𑄢𑄬 𑄃𑄧𑄞𑄨𑄝𑄥𑄨 𑄃𑄨𑄎𑄬𑄝𑄬 𑄛𑄳𑄢𑄧𑄟𑄚𑄧𑄖𑄳𑄠𑄭 𑄡𑄬 𑄢𑄎𑄴𑄚𑄰𑄖𑄨𑄇𑄴 𑄜𑄎 (𑄝𑄧𑄠𑄚𑄴) 𑄝𑄚 𑄦𑄧𑄠𑄬, 𑄥𑄨𑄠𑄚𑄴 𑄃𑄬𑄣𑄧 𑄖𑄢𑄢𑄴 𑄎𑄉𑄖𑄴𑄪𑄚𑄴 𑄙𑄬𑄭 𑄡𑄬𑄭 𑄛𑄚 “𑄈𑄬𑄟𑄴𑄘𑄬𑄟𑄴” (𑄃𑄯𑄛𑄧𑄚𑄨𑄝𑄬𑄥𑄠𑄧𑄚𑄴- 𑄣𑄬𑄘𑄬𑄢 𑄟𑄚𑄴𑄍𑄮 𑄃𑄪𑄉𑄪𑄢𑄬 𑄈𑄬𑄟𑄴𑄘𑄬𑄟𑄴 𑄉𑄧𑄢𑄚) 𑄉𑄧𑄢𑄚 𑄥𑄚𑄴 𑄃𑄬𑄇𑄴𑄇𑄚𑄴 𑄦𑄖𑄳𑄠𑄢𑄴 𑄝𑄚𑅁
𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄧𑄢𑄴 𑄃𑄘𑄨𑄝𑄥𑄨𑄃𑄪𑄚𑄧𑄢𑄴 𑄝𑄨𑄎𑄧𑄇𑄴 𑄇𑄧𑄚𑄧 𑄎𑄧𑄣𑄧𑄇𑄴𑄛𑄧𑄣𑄧𑄇𑄴 𑄦𑄣𑄬𑄭 𑄚𑄧𑄠𑄴, 𑄝𑄧𑄢𑄧𑄁 𑄃𑄨𑄠𑄚𑄴 𑄢𑄨𑄥𑄴𑄣𑄨, 𑄝𑄇𑄴𑄣𑄳𑄠𑄚𑄴𑄓𑄴 𑄝 𑄃𑄝𑄴𑄘𑄪𑄣𑄴 𑄇𑄧𑄟𑄨𑄢𑄧 𑄥𑄚𑄴 𑄛𑄧𑄕𑄴𑄓𑄨𑄇𑄴𑄃𑄪𑄚𑄧𑄢𑄴 𑄣𑄨𑄈𑄳𑄠𑄬 𑄝𑄨𑄎𑄧𑄇𑄴𑅁 𑄖𑄢𑄢𑄴 𑄚𑄨𑄎𑄧𑄢𑄴 𑄞𑄌𑄴, 𑄢𑄎𑄴𑄝𑄧𑄁𑄥𑄧 𑄃 𑄞𑄫𑄟𑄨𑄢𑄴 𑄃𑄪𑄖𑄴𑄨𑄛𑄪𑄖𑄴𑄨 𑄦𑄎𑄢𑄴 𑄝𑄧𑄏𑄧𑄢𑄴 𑄛𑄪𑄢𑄧𑄚𑄮𑅁 𑄃𑄬 𑄥𑄧𑄖𑄳𑄠𑄧𑄠𑄚𑄧𑄢𑄬 𑄟𑄚𑄨 𑄚𑄧 𑄣𑄧𑄚 𑄝𑄚 𑄝𑄨𑄎𑄧𑄇𑄴𑄇𑄚𑄧𑄢𑄬 𑄞𑄧𑄌𑄴 𑄚𑄬𑄡𑄚 𑄚𑄧𑄠𑄴, 𑄝𑄧𑄢𑄧𑄁 𑄃𑄨𑄠𑄚𑄴 𑄛𑄪𑄢𑄧𑄚𑄮 𑄥𑄧𑄞𑄳𑄠𑄧𑄖 𑄟𑄏𑄢𑄬 𑄉𑄧𑄎𑄨 𑄚𑄧 𑄣𑄧𑄚 𑄥𑄚𑄴𑅁 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄧𑄖𑄴 𑄥𑄚𑄴𑄘𑄨 𑄃 𑄞𑄣𑄬𑄘𑄨𑄖𑄳𑄠𑄭 𑄃𑄬 𑄛𑄪𑄢𑄧𑄚𑄮 𑄝𑄨𑄎𑄧𑄉𑄧𑄢𑄴 𑄥𑄧𑄖𑄳𑄠𑄧𑄠𑄚𑄴 𑄢𑄨𑄝𑄬𑄋𑄧𑄖𑄴𑄪𑄚𑄴 𑄉𑄪𑄎𑄨 𑄣𑄮𑄃𑄨 𑄃𑄘𑄨𑄝𑄥𑄨𑄃𑄪𑄚𑄧𑄢𑄴 𑄎𑄉 𑄎𑄧𑄟𑄨 𑄃𑄪𑄖𑄴𑄨𑄛𑄪𑄖𑄴𑄨 𑄃 𑄖𑄢 𑄛𑄪𑄢𑄧𑄚𑄮 𑄥𑄪𑄙𑄮𑄟𑄴 𑄢𑄧𑄈𑄳𑄠𑄬 𑄉𑄧𑄢𑄚 𑄈𑄟𑄇𑄴𑄇𑄠𑄴 𑄉𑄧𑄢𑄧𑄌𑄴 𑄃𑄊𑄬𑅁
𑄃𑄧𑄏𑄛𑄖𑄴: 𑄇𑄪𑄢𑄨 𑄜𑄬𑄣𑄬 𑄦𑄖𑄴 𑄃𑄪𑄞𑄧
𑄃𑄧𑄏𑄛𑄖𑄴 𑄚𑄨𑄚𑄬𑄭 𑄃𑄬𑄌𑄳𑄠𑄬 𑄃𑄬𑄇𑄴𑄇𑄚𑄴 𑄛𑄪𑄎𑄮𑄢𑄴- "𑄦𑄧𑄢𑄧𑄇𑄴 𑄗𑄬𑄚𑄬𑄭 𑄇𑄨 𑄣𑄞𑄴?”- 𑄃𑄨𑄠𑄚𑄴 𑄃𑄎𑄧𑄣𑄬 𑄝𑄬𑄉𑄧𑄖𑄴𑄪𑄚𑄴 𑄝𑄬𑄌𑄴 𑄇𑄨𑄠𑄬 𑄎𑄨𑄇𑄴𑄎𑄨𑄉𑄚 𑄛𑄪𑄎𑄮𑄢𑄧 𑄥𑄬𑄢𑄬 𑄃𑄬𑄇𑄴𑄇𑄚𑄴 𑄛𑄪𑄎𑄮𑄢𑄴𑅁 𑄇𑄨𑄖𑄴𑄬 𑄃𑄬 𑄛𑄪𑄎𑄮𑄢𑄧 𑄞𑄨𑄘𑄨𑄢𑄬 𑄣𑄪𑄉𑄨 𑄃𑄊𑄬 𑄃𑄬𑄇𑄴𑄮 𑄎𑄘𑄧𑄢𑄴 𑄥𑄨𑄋𑄮𑄢𑄴 𑄉𑄧𑄢𑄧𑄌𑄴 𑄚𑄬𑄭 𑄟𑄧𑄚𑄬 𑄉𑄧𑄢𑄚 𑄃𑄬𑄇𑄴𑄇𑄚𑄴 𑄟𑄧𑄚𑄴𑅁 𑄡𑄬 𑄎𑄖𑄴 𑄚𑄨𑄎𑄧𑄢𑄴 𑄦𑄧𑄢𑄧𑄇𑄴 𑄉𑄧𑄢𑄧𑄌𑄴 𑄟𑄧𑄚𑄬 𑄚𑄧 𑄉𑄧𑄢𑄬 𑄝 𑄞𑄝𑄬 𑄖𑄢𑄬 𑄃𑄢𑄴 𑄝𑄢𑄬𑄖𑄴𑄪𑄚𑄴 𑄞𑄧𑄌𑄴 𑄚𑄬𑄡 𑄚𑄧 𑄛𑄧𑄢𑄬- 𑄖𑄬 𑄚𑄨𑄎𑄬 𑄚𑄨𑄎𑄬 𑄝𑄨𑄎𑄧𑄉𑄧𑄖𑄴𑄪𑄚𑄴 𑄞𑄧𑄌𑄴 𑄡𑄠𑄴𑅁
𑄃𑄨𑄢𑄪𑄇𑄴 𑄝𑄧 𑄃𑄢𑄧 𑄘𑄧𑄢𑄧𑄉𑄧𑄢𑄬 𑄛𑄢𑅁 𑄌𑄋𑄴𑄟 𑄥𑄧𑄟𑄏𑄧𑄖𑄴 𑄘𑄋𑄧𑄢𑄴 𑄃𑄬𑄇𑄴𑄮 𑄇𑄧𑄖𑄴𑄖 𑄃𑄬𑄌𑄳𑄠𑄬 𑄚𑄨𑄎𑄧𑄢𑄴 𑄦𑄧𑄢𑄧𑄇𑄴 𑄚𑄧 𑄌𑄨𑄚𑄧𑄚𑄴𑅁 𑄃𑄨𑄠𑄚𑄴 𑄇𑄧𑄚𑄧 𑄥𑄪𑄘𑄪𑄢𑄪𑄋𑄮 𑄝𑄧𑄎𑄧𑄁 𑄚𑄧𑄠𑄴- 𑄃𑄨𑄠𑄚𑄴 𑄃𑄬𑄇𑄴𑄮 𑄎𑄖𑄴 𑄞𑄧𑄌𑄴 𑄡𑄬𑄝𑄢𑄴 𑄢𑄪𑄘𑄪𑄥𑄪𑄙𑄮𑄟𑄧𑄢𑄴 𑄥𑄢𑄴𑄑𑄨𑄜𑄨𑄇𑄬𑄑𑄴𑅁 𑄃 𑄡𑄢𑄢𑄬 𑄃𑄟𑄨 𑄥𑄧𑄌𑄬𑄘𑄧𑄚𑄴 𑄟𑄧𑄚𑄬 𑄉𑄧𑄢𑄨 𑄖𑄢 𑄥𑄬𑄢𑄬 𑄃𑄬𑄇𑄴𑄮 𑄘𑄋𑄧𑄢𑄴 𑄇𑄧𑄖𑄴𑄖𑄠𑄳𑄠𑄧 𑄃𑄨𑄖𑄴𑄪𑄚𑄴 𑄝𑄢𑄬 𑄚𑄬𑄭𑅁 𑄥𑄬𑄚𑄬 𑄃𑄢𑄴𑄥𑄣𑄴𑄮 𑄉𑄧𑄢𑄨 𑄛𑄪𑄎𑄮𑄢𑄴 𑄃𑄬𑄡𑄬- 𑄡𑄬 𑄚𑄨𑄎𑄧𑄢𑄴 𑄦𑄧𑄢𑄧𑄇𑄴 𑄚𑄧 𑄌𑄨𑄚𑄬 𑄃 𑄖𑄬 𑄇𑄬𑄚𑄬 𑄥𑄧𑄌𑄬𑄘𑄧𑄚𑄴 𑄦𑄧𑄣𑄴?
𑄃𑄬𑄇𑄴 𑄃𑄧𑄇𑄴𑄖𑄧 𑄃𑄬 𑄌𑄋𑄴𑄟 𑄎𑄖𑄴𑄮 𑄚𑄨𑄎𑄧𑄢𑄴 𑄦𑄧𑄢𑄧𑄉𑄬 𑄥𑄧𑄝𑄧𑄚𑄴 𑄝𑄪𑄚𑄨𑄘𑄧𑅁 𑄇𑄧𑄝𑄨𑄘𑄳𑄠, 𑄝𑄢𑄧𑄟𑄥𑄴, 𑄛𑄣 𑄃 𑄝𑄎𑄢𑄴 𑄜𑄧𑄢𑄴𑄘𑄧- 𑄝𑄬𑄇𑄴 𑄣𑄬𑄊𑄨𑄘𑄇𑄴 𑄚𑄨𑄎𑄧𑄢𑄴 𑄦𑄧𑄢𑄧𑄉𑄬𑅁 𑄞𑄌𑄴 𑄃𑄬𑄣𑄧 𑄎𑄩𑄝𑄧𑄚𑄧𑄢𑄴 𑄚𑄨𑄏𑄬𑄌𑄴 𑄃 𑄦𑄧𑄢𑄧𑄇𑄴𑄪𑄚𑄴 𑄃𑄬𑄣𑄇𑄴 𑄖𑄢𑄴 𑄇𑄨𑄠𑄬𑄍𑄝𑅁 𑄟𑄖𑄴𑄧𑄢𑄴 𑄃𑄬 𑄇𑄨𑄠𑄬𑄍𑄝 𑄣𑄢𑄬 𑄣𑄢𑄬 𑄝𑄬𑄣𑄧𑄇𑄴 𑄉𑄧𑄢𑄨𑄢𑄴𑅁 𑄌𑄋𑄴𑄟 𑄢𑄎𑄴 𑄊𑄧𑄢𑄧𑄖𑄴𑄪𑄚𑄴 – 𑄃𑄬 𑄝𑄨𑄎𑄧𑄇𑄴 𑄝𑄚𑄨𑄠𑄳𑄠 “𑄉𑄯𑄢𑄨𑄇” 𑄝𑄁𑄣𑄢𑄬 𑄉𑄧𑄢𑄴 𑄘𑄨𑄚𑄬𑄭 𑄜𑄧𑄉𑄧𑄘𑄋𑄴 𑄦𑄧𑄚𑄢𑄴 𑄃𑄬𑄌𑄳𑄠𑄬 𑄚𑄨𑄎𑄧 𑄞𑄌𑄴 – 𑄦𑄧𑄢𑄧𑄇𑄴 𑄣𑄢𑄴𑄌𑄢𑄴 𑄉𑄧𑄢𑄚 𑄌𑄨𑄋𑄬𑄣𑄬𑄋𑄬 𑄙𑄧𑄌𑄴𑄍𑄬𑅁 𑄃𑄘𑄪𑄢𑄴𑅁 𑄝𑄁𑄣 𑄝 𑄃𑄨𑄁𑄢𑄬𑄎𑄨 𑄥𑄨𑄊𑄚𑄴 𑄘𑄪𑄌𑄴 𑄚𑄧𑄠𑄴- 𑄟𑄖𑄴𑄧𑄢𑄴 𑄚𑄨𑄎𑄧𑄢𑄴 𑄦𑄧𑄢𑄧𑄇𑄴𑄪𑄚𑄴 𑄝𑄖𑄴 𑄘𑄨𑄚𑄬𑄭 𑄃𑄧𑄚𑄳𑄠𑄧 𑄞𑄌𑄴𑄍𑄮𑄃𑄨 𑄍𑄝 𑄥𑄚𑄴 𑄌𑄨𑄚𑄴𑄛𑄧𑄌𑄳𑄠𑄬 𑄖𑄧𑄉𑄚 𑄃𑄨𑄠𑄚𑄴 𑄈𑄟𑄇𑄴𑄇𑄠𑄴 𑄎𑄧𑄚𑄧𑄟𑄧𑄖𑄳𑄠𑄃𑄨 𑄦𑄪𑄘𑄨 𑄡𑄚𑅁
𑄃𑄬𑄌𑄳𑄠𑄬 𑄛𑄳𑄢𑄧𑄡𑄪𑄇𑄴𑄖𑄨 𑄡𑄪𑄉𑄧𑄖𑄴 𑄌𑄋𑄴𑄟 𑄦𑄧𑄢𑄧𑄇𑄴 𑄣𑄬𑄊𑄚 𑄞𑄢𑄨 𑄃𑄪𑄌𑄴𑄮𑅁 𑄓𑄨𑄎𑄨𑄑𑄣𑄴 𑄜𑄧𑄚𑄴𑄑𑄴, 𑄟𑄮𑄝𑄭𑄣𑄴, 𑄇𑄧𑄟𑄴𑄛𑄨𑄃𑄪𑄑𑄢𑄴- 𑄝𑄬𑄇𑄴 𑄦𑄙𑄧 𑄟𑄪𑄘𑄮 𑄞𑄨𑄘𑄨𑄢𑄬𑅁 𑄖𑄳𑄠𑄪𑄃𑄧 𑄃𑄟𑄨 𑄚𑄧 𑄣𑄨𑄊𑄨𑅁 𑄇𑄨𑄖𑄴𑄬, 𑄞𑄬𑄎𑄣𑄴 𑄛𑄳𑄢𑄧𑄡𑄪𑄇𑄴𑄖𑄨𑄖𑄴 𑄚𑄧𑄠𑄴, 𑄟𑄧𑄚𑄧𑄖𑄴𑅁 𑄡𑄬 𑄟𑄧𑄚𑄴 𑄚𑄨𑄎𑄧𑄢𑄴 𑄦𑄧𑄢𑄧𑄇𑄴 𑄉𑄧𑄢𑄧𑄌𑄴 𑄟𑄧𑄚𑄬 𑄚𑄧 𑄉𑄧𑄢𑄬, 𑄖𑄢𑄬 𑄃𑄢𑄴 𑄇𑄧𑄚𑄧 𑄛𑄳𑄢𑄧𑄡𑄪𑄇𑄴𑄖𑄨 𑄃𑄪𑄖𑄴𑄘𑄮𑄢𑄴 𑄉𑄧𑄢𑄨 𑄚𑄧 𑄛𑄢𑄬𑅁
𑄃𑄨𑄠𑄮𑄖𑄴 𑄘𑄪𑄌𑄴 𑄘𑄨 𑄘𑄨 𑄈𑄢 𑄃𑄨𑄇𑄴𑄬𑄖𑄴𑄪𑄚𑄴 𑄙𑄧𑄢𑄨 𑄚𑄧𑄠𑄴- 𑄢𑄥𑄴𑄑𑄳𑄢𑄧 𑄇𑄨𑄗𑄳𑄠, 𑄥𑄧𑄟𑄏𑄧𑄢𑄴 𑄇𑄨𑄗𑄳𑄠, 𑄘𑄧𑄞𑄇𑄘𑄨 𑄙𑄧𑄢𑄨𑄠𑄳𑄠 𑄇𑄨𑄗𑄳𑄠𑅁 𑄢𑄥𑄴𑄑𑄳𑄢𑄧 𑄌𑄮𑄊𑄧𑄖𑄴 𑄚𑄧 𑄝𑄎𑄠𑄴 𑄥𑄧𑄖𑄳𑄠𑄧, 𑄥𑄧𑄟𑄏𑄬 𑄉𑄧𑄢𑄧𑄌𑄴 𑄟𑄧𑄚𑄬 𑄚𑄧 𑄉𑄧𑄢𑄬 𑄃𑄨𑄠𑄚𑄴𑄠𑄳𑄠𑄧 𑄥𑄧𑄖𑄳𑄠𑄧𑅁 𑄟𑄖𑄴𑄧𑄢𑄴 𑄝𑄬𑄉𑄧𑄖𑄴𑄪𑄚𑄴 𑄝𑄬𑄌𑄴 𑄥𑄧𑄖𑄳𑄠𑄧 𑄦𑄧𑄣𑄧- 𑄃𑄟𑄨 𑄚𑄨𑄎𑄧𑄢𑄴 𑄛𑄧𑄢𑄎𑄧𑄠𑄴 𑄃𑄬𑄇𑄴𑄧𑄢𑄬 𑄥𑄪𑄘𑄪𑄢𑄪𑄋𑄮 𑄉𑄧𑄢𑄨 𑄟𑄚𑄨 𑄚𑄬𑄡𑄬𑄢𑄴𑅁 𑄚𑄨𑄎𑄬 𑄚𑄨𑄎𑄧𑄢𑄴 𑄞𑄌𑄴𑄍𑄚𑄧𑄢𑄬 𑄞𑄨𑄚𑄴 𑄞𑄌𑄴 𑄝𑄚𑄬 𑄜𑄬𑄣𑄬𑄣𑄧𑄁𑅁 𑄚𑄨𑄎𑄧 𑄞𑄌𑄴-𑄣𑄬𑄊 𑄥𑄨𑄊𑄚 𑄦𑄖𑄴 𑄃𑄪𑄞 𑄉𑄧𑄢𑄨𑄣𑄧𑄁𑅁 𑄃𑄬 𑄦𑄖𑄴 𑄃𑄪𑄞 𑄉𑄧𑄢𑄚𑄚𑄧𑄖𑄴𑄪𑄚𑄴 𑄘𑄧𑄢𑄴𑄉𑄧𑄢𑄬 𑄛𑄢 𑄃𑄢𑄴 𑄇𑄨𑄌𑄴𑄍𑄪 𑄚𑄬𑄃𑄨𑅁 𑄇𑄧𑄝𑄢𑄴 𑄚𑄬𑄃𑄨𑅁 𑄃𑄟𑄨 𑄃𑄣𑄌𑄴𑅁
𑄎𑄖𑄴-𑄘𑄬𑄌𑄴 𑄣𑄋𑄴 𑄡𑄪𑄚𑄨 𑄝𑄚 𑄇𑄧𑄙𑄖𑄴, 𑄘𑄨𑄝𑄧𑄥𑄧𑄖𑄴 𑄃 𑄥𑄮𑄣𑄧𑄉𑄚𑄧 𑄞𑄨𑄘𑄨𑄢𑄬 𑄗𑄠𑄴, 𑄥𑄣𑄬𑄚𑄴 𑄥𑄨𑄠𑄚𑄴 𑄝𑄚 𑄃𑄪𑄉𑄪𑄢𑄬 𑄃𑄪𑄉𑄪𑄢𑄬 𑄢𑄧𑄁𑄌𑄧𑄁𑄌𑄧𑄋𑄳𑄠𑄬 𑄝𑄘𑄬 𑄇𑄨𑄌𑄴𑄍𑄪 𑄚𑄧𑄠𑄴𑅁 𑄝 𑄚𑄨𑄎𑄧𑄢𑄬 𑄚𑄨𑄎𑄬 𑄜𑄉𑄨 𑄘𑄬𑄚𑅁 𑄚𑄨𑄎𑄧𑄢𑄴 𑄦𑄧𑄢𑄧𑄇𑄴, 𑄞𑄌𑄴 𑄎𑄨𑄁𑄇𑄚𑄨𑄖𑄴 𑄜𑄨𑄢𑄬 𑄚𑄧 𑄃𑄚𑄚 𑄟𑄚𑄬- 𑄚𑄨𑄎𑄧𑄢𑄴 𑄎𑄘𑄧𑄢𑄴 𑄝𑄨𑄎𑄧𑄇𑄴𑄇𑄚𑄧𑄢𑄬 𑄢𑄪𑄝𑄧 𑄊𑄧𑄢𑄧𑄖𑄴 𑄖𑄪𑄣𑄨 𑄘𑄬𑄚𑅁
𑄃𑄬𑄌𑄳𑄠𑄬 𑄛𑄪𑄎𑄮𑄢𑄴 𑄃𑄨𑄠𑄚𑄴 𑄃𑄢𑄴 𑄣𑄧𑄘𑄪𑄁 𑄟𑄧𑄢 𑄚𑄧𑄠𑄴𑅁 𑄛𑄪𑄎𑄮𑄢𑄚𑄴 𑄃𑄨𑄇𑄳𑄠𑄬 𑄟𑄪𑄏𑄪𑄋𑄴-𑄟𑄪𑄏𑄪𑄋𑄨 𑄉𑄧𑄢𑄨 𑄙𑄪𑄌𑄴 𑄟𑄧𑄢𑄬- 𑄃𑄟𑄨 𑄇𑄨 𑄃𑄟𑄧𑄚𑄬 𑄃𑄟𑄧𑄚𑄧𑄢𑄴 𑄦𑄧𑄢𑄧𑄇𑄴 𑄗𑄁𑄉𑄮𑄚𑄧 𑄇𑄚𑄨 𑄥𑄚𑄴 𑄝𑄚 𑄃𑄪𑄢𑄬 𑄘𑄨 𑄢𑄊𑄬𑄝𑄧𑄁? 𑄇𑄨𑄖𑄴𑄬 𑄥𑄧𑄖𑄳𑄠𑄧 𑄦𑄧𑄣𑄧𑄘𑄬, 𑄇𑄧𑄚𑄧 𑄎𑄖𑄴 𑄞𑄧𑄌𑄴 𑄡𑄘𑄬 𑄝𑄢𑄬𑄖𑄴𑄪𑄚𑄴 𑄥𑄮𑄢𑄟𑄬𑄢𑄴 𑄘𑄨 𑄚𑄧 𑄛𑄧𑄢𑄬, 𑄡𑄪𑄚𑄨 𑄥𑄬 𑄎𑄖𑄴 𑄚𑄨𑄎𑄬 𑄚𑄨𑄎𑄬 𑄞𑄌𑄴 𑄣𑄢𑄴𑄌𑄢𑄴 𑄚𑄧 𑄉𑄧𑄢𑄬 𑄝 𑄣𑄢𑄴𑄌𑄢𑄴 𑄉𑄧𑄢𑄨𑄝𑄢𑄴 𑄉𑄧𑄢𑄧𑄌𑄴 𑄉𑄧𑄢𑄨𑄝𑄢𑄴 𑄚𑄧 𑄌𑄠𑄴𑅁
𑄌𑄋𑄴𑄟 𑄦𑄧𑄢𑄧𑄇𑄴𑄪𑄚𑄴 𑄃𑄬𑄌𑄳𑄠𑄬 𑄃𑄟𑄢𑄴 𑄝𑄚 𑄃𑄬𑄇𑄴𑄮 𑄦𑄧𑄢𑄧𑄇𑄴 𑄚𑄧𑄠𑄴- 𑄃𑄨𑄠𑄚𑄴 𑄃𑄬𑄇𑄴𑄇𑄚𑄴 𑄛𑄧𑄢𑄨𑄇𑄴𑄈𑄬𑅁 𑄃𑄬 𑄛𑄧𑄢𑄨𑄇𑄴𑄈𑄬 𑄛𑄥𑄴 𑄚𑄧 𑄉𑄧𑄢𑄨𑄣𑄬, 𑄃𑄟𑄨 𑄣𑄢𑄬 𑄣𑄢𑄬 𑄝𑄚 𑄞𑄌𑄴 𑄦𑄢 𑄚𑄧 𑄃𑄧𑄝𑄧𑄁, 𑄝𑄨𑄎𑄧𑄇𑄴 𑄍𑄢 𑄢𑄨𑄝𑄬𑄁 𑄚𑄬𑄃𑄨 𑄃𑄬𑄇𑄴𑄮 𑄎𑄖𑄴 𑄃𑄧𑄝𑄧𑄁𑅁 𑄝𑄚 𑄚𑄋𑄬 𑄌𑄋𑄬 𑄌𑄋𑄴𑄟𑅁
- 𑄟𑄬 𑄶𑄷, 𑄸𑄶𑄸𑄼
𑄖𑄪𑄟𑄨 𑄎𑄘𑄧𑄢𑄴, 𑄘𑄬𑄏𑄧𑄢𑄴 𑄟𑄪𑄎𑄪𑄋𑄧𑄢𑄴 𑄘𑄨𑄚𑄴 𑄌𑄚𑄴
𑄞𑄌𑄴 𑄦𑄧𑄣𑄧𑄘𑄬 𑄃𑄬𑄇𑄴𑄮 𑄎𑄘𑄧𑄢𑄴 𑄛𑄧𑄢𑄚𑄴𑅁 𑄞𑄌𑄴 𑄚𑄧 𑄗𑄬𑄣𑄬 𑄎𑄘𑄧𑄢𑄴 𑄇𑄧𑄚𑄧 𑄌𑄨𑄚𑄴𑄛𑄧𑄌𑄳𑄠𑄬 𑄚𑄧 𑄗𑄠𑄴𑅁 𑄡𑄬 𑄎𑄘𑄧𑄢𑄴 𑄞𑄌𑄴 𑄚𑄬𑄃𑄨 𑄥𑄬 𑄎𑄖𑄴 𑄛𑄧𑄢𑄴𑄥𑄣𑄴𑄮 𑄥𑄚𑄴 𑄡𑄪𑄚𑄨 𑄝𑄎𑄨 𑄗𑄬𑄣𑄬𑄠𑄳𑄠𑄧𑅁 𑄥𑄧𑄇𑄳𑄠𑄬 𑄖𑄪𑄃𑄨 𑄌𑄋𑄴𑄟 𑄇𑄮𑄣𑄬 𑄚𑄧 𑄛𑄢𑄨𑄝𑄬𑅁 𑄥𑄧𑄇𑄳𑄠𑄬 𑄖𑄧 𑄥𑄦𑄨𑄖𑄳𑄠𑄧, 𑄢𑄨𑄘𑄨𑄥𑄪𑄘𑄮𑄟𑄴, 𑄝𑄨𑄎𑄧𑄇𑄴, 𑄛𑄎 𑄝𑄬𑄇𑄴 𑄞𑄧𑄌𑄴 𑄡𑄬𑄝𑄧𑄉𑄮𑄃𑄨𑅁 𑄖𑄪𑄟𑄨 𑄘𑄬𑄊𑄧𑄢𑄴 𑄛𑄧𑄖𑄴𑄨𑄇𑄴 𑄘𑄋𑄧𑄢𑄴 𑄎𑄖𑄴, 𑄥𑄥𑄧𑄇𑄴 𑄎𑄘𑄧𑄢𑄴 𑄛𑄎 𑄃𑄧𑄣𑄧𑄘𑄬 𑄌𑄨𑄉𑄮𑄚𑄴 𑄌𑄨𑄉𑄮𑄚𑄴 𑄎𑄖𑄴𑄮𑄚𑄧𑄢𑄬 𑄖𑄢 𑄣𑄧𑄉𑄬 𑄦𑄞𑄧𑄢𑄚𑅁 𑄖𑄢 𑄛𑄎𑄚𑄨 𑄍𑄧𑄣𑄬, 𑄝𑄧𑄣𑄬 𑄇𑄯𑄥𑄧𑄣𑄬 𑄌𑄨𑄉𑄮𑄚𑄴 𑄎𑄘𑄧 𑄃𑄨𑄙𑄪 𑄏𑄝𑄬 𑄘𑄬𑄚𑅁 𑄃𑄨𑄇𑄳𑄠𑄬 𑄛𑄨𑄖𑄴𑄨𑄟𑄩𑄖𑄴𑄪𑄚𑄴 𑄉𑄧𑄙𑄬𑄣𑄴 𑄉𑄧𑄙𑄬𑄣𑄴 𑄞𑄌𑄴 𑄣𑄪𑄊𑄨 𑄡𑄨𑄠𑄬, 𑄞𑄧𑄌𑄴 𑄡𑄨𑄠𑄬𑅁
𑄞𑄏𑄧𑄢𑄴
𑄇𑄝𑄨𑄣𑄴𑄃𑄪𑄚𑄬
𑄇𑄧𑄙𑄧𑄚𑄴-
𑄛𑄨𑄖𑄴𑄨𑄟𑄩𑄖𑄴
𑄼𑄿𑄷𑄸
𑄃𑄚𑄴
𑄞𑄌𑄴
𑄃𑄊𑄬𑅁
𑄃𑄨𑄖𑄴𑄪𑄚𑄴
𑄝𑄬𑄌𑄴
𑄞𑄉𑄬
𑄞𑄌𑄴
𑄃𑄊𑄬
𑄙𑄩𑄟𑄬
𑄙𑄩𑄟𑄬,
𑄟𑄧𑄢
𑄗𑄬𑄢𑄴
𑄗𑄬𑄢𑄴
𑄉𑄧𑄢𑄨𑅁
𑄡𑄨𑄃𑄚𑄴
𑄃𑄟𑄨
𑄇𑄮𑄃𑄨
𑄈𑄟𑄟𑄙𑄖𑄴
𑄈𑄌𑄳𑄠𑄬
𑄉𑄌𑄴𑅁
𑄥𑄨𑄖𑄴𑄬𑄃𑄨
𑄃𑄨𑄃𑄪𑄚𑄬𑄥𑄴𑄇𑄮
𑄃𑄪𑄌𑄴
𑄘𑄨𑄠𑄳𑄠-
𑄛𑄧𑄖𑄴𑄨𑄇𑄴
𑄷𑄺 𑄘𑄨𑄚𑄬
𑄃𑄬𑄇𑄴𑄇𑄚𑄴
𑄞𑄌𑄴
𑄛𑄨𑄖𑄴𑄨𑄟𑄩
𑄝𑄪𑄉𑄧𑄖𑄴𑄪𑄚𑄴
𑄞𑄧𑄌𑄴
𑄡𑄢𑄴𑅁
𑄡𑄨𑄃𑄚𑄨
𑄞𑄧𑄌𑄴
𑄡𑄢𑄴
𑄥𑄨𑄃𑄚𑄨
𑄦𑄧𑄣𑄧𑄘𑄬,
𑄡𑄢 𑄃𑄟𑄧𑄚𑄧𑄢𑄴
𑄞𑄌𑄴
𑄌𑄧𑄌𑄴𑄡
𑄚𑄧 𑄉𑄧𑄢𑄧𑄚𑄴
𑄃 𑄡𑄢 𑄻𑄶 𑄃𑄎𑄢𑄴
𑄇𑄧𑄟𑄴
𑄟𑄚𑄪𑄌𑄴
𑄃𑄊𑄧𑄚𑄴𑅁
𑄃𑄢𑄧
𑄇𑄮𑄃𑄨𑄠𑄬-
𑄡𑄪𑄚𑄨
𑄻𑄶 𑄃𑄎𑄢𑄴
𑄗𑄬𑄣𑄬𑄠𑄳𑄠𑄧
𑄉𑄪𑄢𑄧,
𑄇𑄢𑄧𑄎𑄳𑄠,
𑄉𑄞𑄪𑄎𑄳𑄠𑄃𑄪𑄚𑄬
𑄣𑄢𑄴𑄌𑄢𑄴
𑄚𑄧 𑄉𑄧𑄣𑄴𑄬
𑄥𑄬 𑄞𑄌𑄴𑄌𑄚𑄴
𑄈𑄟𑄇𑄴𑄇𑄠𑄴
𑄞𑄧𑄌𑄴
𑄡𑄬𑄝𑄧𑅁
𑄥𑄣𑄬
𑄃𑄟 𑄙𑄧𑄇𑄴
𑄇𑄨 𑄃𑄧𑄞𑄧?
𑄃𑄬𑄇𑄴𑄇𑄚𑄴
𑄇𑄧𑄙
𑄇𑄧𑄣𑄬
𑄝𑄪𑄏𑄨
𑄛𑄢𑄨𑄝𑄧𑄁𑅁
𑄥𑄨𑄃𑄚𑄴
𑄦𑄧𑄣𑄧𑄘𑄬-
𑄸𑄶𑄷𑄻
𑄥𑄣𑄧𑄢𑄴
𑄷𑄺 𑄜𑄬𑄝𑄳𑄢𑄧𑄠𑄢𑄨
𑄘𑄰𑄚𑄨𑄇𑄴
𑄥𑄧𑄟𑄧𑄇𑄣𑄴
𑄛𑄧𑄖𑄳𑄢𑄨𑄇
𑄢𑄎𑄩𑄝𑄴
𑄚𑄫𑄢𑄴
‘𑄌𑄇𑄴𑄟𑄘𑄬𑄢𑄴
𑄘𑄪𑄂𑄈𑄨𑄚𑄩
𑄝𑄧𑄢𑄴𑄕𑄧𑄟𑄣’
𑄚𑄋𑄬
𑄃𑄬𑄇𑄴𑄮
𑄉𑄧𑄝𑄬𑄥𑄧𑄕𑄟𑄫𑄣𑄧𑄇𑄴
𑄛𑄳𑄢𑄧𑄝𑄧𑄚𑄴𑄙𑄧
𑄣𑄨𑄇𑄴𑄬𑅁
𑄖𑄬 𑄛𑄢𑄴𑄝𑄧𑄖𑄳𑄠𑄧
𑄌𑄧𑄑𑄴𑄧𑄉𑄳𑄢𑄟𑄧𑄖𑄴
𑄚𑄚𑄋𑄴
𑄎𑄉𑄖𑄴
𑄊𑄪𑄢𑄨
𑄊𑄪𑄢𑄨
𑄌𑄋𑄴𑄟
𑄃𑄮𑄇𑄴𑄮𑄢𑄴
𑄣𑄢𑄴𑄌𑄢𑄴
𑄛𑄮𑄃𑄨𑄘𑄳𑄠𑄚𑄬
𑄃𑄬𑄇𑄴𑄇𑄚𑄴
𑄥𑄢𑄴𑄝𑄬
𑄌𑄣𑄬𑄠𑄬𑅁
𑄖𑄬 𑄣𑄨𑄇𑄴𑄬-
“𑄷𑄺-𑄸𑄹 𑄎𑄚𑄪𑄠𑄢𑄨
𑄖𑄨𑄚𑄴
𑄛𑄢𑄴𑄝𑄧𑄖𑄳𑄠𑄧
𑄎𑄬𑄣𑄖𑄴
𑄇𑄮𑄕-𑄇𑄪𑄕𑄨𑄖𑄴
𑄊𑄪𑄢𑄨𑄚𑄬𑄭
𑄃𑄬𑄚𑄴𑄑𑄨
𑄌𑄋𑄴𑄟
𑄥𑄚𑄴
𑄝𑄧𑄦𑄪𑄖𑄴
𑄌𑄋𑄴𑄟𑄣𑄮𑄃𑄨
𑄘𑄬𑄊
𑄦𑄧𑄠𑄴,
𑄡𑄢 𑄚𑄨𑄎𑄧
𑄃𑄮𑄇𑄴𑄮𑄢𑄴
𑄚𑄧 𑄌𑄨𑄚𑄧𑄚𑄴,
𑄚𑄧 𑄎𑄚𑄧𑄚𑄴𑅁
𑄃 𑄘𑄪𑄊𑄧
𑄇𑄧𑄙
𑄝𑄬𑄉𑄧𑄢𑄴
𑄟𑄚𑄴𑄝𑄧𑄣
𑄃𑄧𑄚𑄧𑄚𑄴𑄖𑄧
𑄝𑄨𑄦𑄢𑄩
𑄈𑄩𑄥,
𑄎𑄧𑄚𑄧𑄥𑄧𑄁𑄦𑄧𑄖𑄨
𑄥𑄧𑄟𑄨𑄖𑄨𑄢𑄴
𑄃𑄬𑄟𑄴𑄃𑄬𑄚𑄴
𑄣𑄢𑄴𑄟
𑄉𑄳𑄢𑄪𑄛𑄧𑄢𑄴
𑄛𑄳𑄢𑄧𑄙𑄚𑄴
𑄥𑄪𑄙𑄥𑄨𑄚𑄴𑄙𑄪
𑄈𑄩𑄥,
𑄛𑄢𑄴𑄝𑄧𑄖𑄳𑄠𑄧
𑄌𑄧𑄑𑄴𑄧𑄉𑄳𑄢𑄟𑄴
𑄚𑄉𑄧𑄢𑄨𑄇𑄴
𑄇𑄧𑄟𑄨𑄑𑄨𑄢𑄴
𑄎𑄧𑄙𑄚𑄚𑄪
𑄃 𑄢𑄋𑄟𑄖𑄳𑄠
𑄛𑄢𑄴𑄝𑄧𑄖𑄳𑄠𑄧
𑄎𑄬𑄣
𑄛𑄧𑄢𑄨𑄥𑄧𑄘𑄬𑄢𑄴
𑄥𑄝𑄬𑄇𑄴
𑄌𑄬𑄠𑄢𑄴𑄟𑄳𑄠𑄚𑄴
𑄉𑄯𑄖𑄧𑄟𑄴
𑄘𑄬𑄃𑄮𑄠𑄚𑄴,
𑄎𑄧𑄚𑄧𑄥𑄧𑄁𑄦𑄧𑄖𑄨
𑄥𑄧𑄟𑄨𑄖𑄨𑄢𑄴
𑄖𑄧𑄗𑄳𑄠𑄧
𑄃𑄮 𑄛𑄳𑄢𑄧𑄌𑄢𑄴
𑄥𑄧𑄟𑄴𑄛𑄘𑄧𑄇𑄴
𑄟𑄧𑄋𑄴𑄉𑄧𑄣𑄧𑄇𑄪𑄟𑄢𑄴
𑄌𑄇𑄴𑄟,
𑄎𑄪𑄟𑄴
𑄃𑄩𑄥𑄴𑄑𑄬𑄑𑄨𑄇𑄧𑄥𑄴
𑄇𑄃𑄪𑄚𑄴𑄥𑄨𑄣𑄬𑄢𑄴
𑄥𑄧𑄞𑄛𑄧𑄖𑄨
𑄟𑄨𑄦𑄨𑄢𑄴
𑄝𑄧𑄢𑄧𑄕𑄴
𑄌𑄇𑄴𑄟,
𑄥𑄧𑄦𑄧-𑄥𑄙𑄢𑄧𑄕𑄴
𑄥𑄧𑄟𑄴𑄛𑄘𑄧𑄇𑄴
𑄉𑄧𑄋𑄴𑄉𑄟𑄚𑄨𑄇𑄴
𑄌𑄇𑄴𑄟,
𑄖𑄧𑄗𑄳𑄠𑄧
𑄃𑄮 𑄉𑄧𑄝𑄬𑄥𑄧𑄕
𑄥𑄧𑄟𑄴𑄛𑄘𑄧𑄇𑄴
𑄖𑄪𑄥𑄢𑄴𑄥𑄪𑄞𑄳𑄢𑄧
𑄖𑄣𑄪𑄇𑄴𑄘𑄢𑄴,
𑄟𑄮𑄚𑄧𑄊𑄧𑄢𑄴
𑄥𑄨𑄥𑄪𑄥𑄧𑄘𑄧𑄚𑄬𑄢𑄴
𑄥𑄨𑄇𑄴𑄥𑄧𑄇𑄴
𑄃𑄮 𑄣𑄬𑄈𑄧𑄇𑄴
𑄟𑄳𑄢𑄨𑄖𑄴𑄨𑄇
𑄌𑄇𑄴𑄟,
𑄥𑄁𑄝𑄘𑄨𑄇𑄴-𑄣𑄬𑄈𑄧𑄇𑄴
𑄦𑄧𑄢𑄨𑄇𑄨𑄥𑄮𑄢𑄴
𑄌𑄇𑄴𑄟,
𑄥𑄁𑄝𑄘𑄨𑄇𑄴
𑄝𑄪𑄘𑄴𑄙𑄧𑄎𑄳𑄠𑄮𑄖𑄨
𑄌𑄇𑄴𑄟,
𑄃𑄘𑄨𑄝𑄥𑄩
𑄝𑄨𑄥𑄧𑄠𑄧𑄇𑄴
𑄉𑄧𑄝𑄬𑄥𑄧𑄇𑄴
𑄖𑄧𑄚𑄴𑄘𑄳𑄢
𑄌𑄇𑄴𑄟,
𑄃𑄘𑄨𑄝𑄥𑄩
𑄚𑄬𑄖
𑄘𑄩𑄛𑄠𑄧𑄚𑄴
𑄈𑄩𑄥,
𑄥𑄨𑄣𑄴𑄛𑄩
𑄇𑄣𑄠𑄧𑄚𑄴
𑄌𑄇𑄴𑄟
𑄃𑄮 𑄃𑄨𑄃𑄪𑄛𑄨𑄓𑄨𑄃𑄬𑄜𑄬𑄢𑄴
𑄥𑄧𑄁𑄉𑄧𑄒𑄧𑄇𑄴
𑄢𑄨𑄇𑄪
𑄌𑄇𑄴𑄟𑄥𑄧𑄦𑄧
𑄥𑄧𑄖𑄙𑄨𑄇𑄴
𑄛𑄧𑄢𑄴𑄝𑄮𑄠
𑄌𑄋𑄴𑄟
𑄘𑄊𑄩
𑄚𑄨𑄎𑄧
𑄃𑄮𑄇𑄴𑄮𑄢𑄧𑄣𑄮𑄃𑄨
𑄚𑄨𑄎𑄧
𑄚𑄋𑄚𑄴
𑄣𑄨𑄊𑄨
𑄚𑄧 𑄎𑄚𑄧𑄚𑄴𑅁
𑄝𑄚 𑄘𑄨 𑄎𑄧𑄚𑄬
𑄚𑄨𑄎𑄧
𑄚𑄋𑄴
𑄣𑄨𑄊𑄨
𑄛𑄌𑄴𑄮𑄚𑄴-
𑄃𑄬𑄇𑄴𑄎𑄧𑄚𑄴
𑄥𑄖𑄴𑄗𑄪𑄠/𑄥𑄨𑄇𑄴𑄈𑄧𑄇𑄴
𑄃 𑄣𑄬𑄊𑄨𑄠𑄳𑄠
𑄟𑄳𑄢𑄨𑄖𑄴𑄨𑄇
𑄌𑄋𑄴𑄟,
𑄃𑄧𑄚𑄳𑄠𑄧𑄎𑄧𑄚𑄴
𑄃𑄨𑄃𑄪𑄛𑄨𑄓𑄨𑄃𑄬𑄜𑄴
𑄚𑄬𑄖
𑄢𑄨𑄇𑄪
𑄌𑄋𑄴𑄟𑄘𑄉𑄩𑅁”
𑄥𑄬𑄎𑄬
𑄓𑄢𑄴𑄃𑄪𑄃𑄨𑄚𑄬𑄢𑄴
𑄞𑄏𑄬
𑄇𑄧𑄝𑄢𑄴
𑄌𑄋𑄴-
'survival of the fittest' 𑄝𑄁𑄣𑄠𑄴
‘𑄡𑄮𑄉𑄳𑄠𑄧𑄢𑄭
𑄑𑄨𑄇𑄬
𑄗𑄇𑄬'
𑄃 𑄌𑄋𑄴𑄟
𑄡𑄢𑄴
𑄥𑄬𑄘𑄟𑄴
𑄝𑄬𑄌𑄴
𑄖𑄬𑄠𑄳𑄠𑄧
𑄗𑄨𑄉𑄨
𑄗𑄠𑄴𑅁’
𑄎𑄪𑄟𑄴𑄧𑄃𑄪𑄚𑄧𑄢𑄴
𑄌𑄨𑄖𑄴-𑄇𑄧𑄣𑄴𑄎𑄳𑄠
(𑄃𑄧𑄥𑄴𑄖𑄨𑄖𑄴𑄧)
𑄢𑄧𑄇𑄴𑄇
𑄉𑄧𑄢𑄨𑄝𑄖𑄴𑄬
𑄚𑄨𑄎𑄧𑄢𑄴
𑄥𑄬𑄘𑄟𑄴
(𑄡𑄮𑄉𑄧𑄖)
𑄝𑄢𑄳𑄦
𑄛𑄧𑄢𑄨𑄝𑄧𑅁
𑄥𑄬𑄘𑄟𑄴
𑄝𑄧𑄣
𑄃𑄧𑄃𑄨
𑄃𑄪𑄘𑄧
𑄛𑄧𑄢𑄨𑄝𑄴𑅁
𑄥𑄬𑄘𑄟𑄴
𑄝𑄧𑄣,
𑄝𑄪𑄉𑄧𑄛𑄘
𑄙𑄧𑄢𑄧
𑄃𑄧𑄃𑄨
𑄛𑄧𑄢𑄨𑄝𑄧𑅁
𑄟𑄪𑄃𑄨
𑄃𑄨𑄢𑄪𑄇𑄴
𑄛𑄨𑄢𑄨𑄃𑄪𑄚𑄧𑄢𑄬
𑄇𑄧𑄋𑄧𑄢𑄴𑅁
𑄃𑄨𑄇𑄴𑄬
𑄌𑄬𑄢𑄴𑄝𑄮
𑄝𑄬𑄢𑄴𑄌𑄉
𑄞𑄨𑄘𑄨𑄢𑄬
𑄗𑄬𑄝𑄢𑄴
𑄥𑄧𑄟𑄧𑄠𑄴
𑄚𑄧𑄠𑄴𑅁
𑄃𑄬𑄡𑄧,
𑄌𑄧𑅁
𑄝𑄚 𑄌𑄮𑄇𑄴
𑄃𑄬𑄢𑄬
𑄌𑄬𑄭
𑄗𑄬𑄝𑄢𑄴
𑄥𑄧𑄟𑄧𑄠𑄴
𑄚𑄬𑄭𑅁
𑄃𑄬 𑄥𑄧𑄟𑄧𑄠𑄴𑄃𑄚𑄴
𑄎𑄉𑄨𑄃𑄪𑄘𑄨𑄝𑄢𑄴
𑄥𑄧𑄟𑄧𑄠𑄴𑅁
𑄝𑄨𑄥𑄴𑄧𑄢𑄬
𑄎𑄚𑄨𑄝𑄢𑄴
𑄥𑄧𑄟𑄧𑄠𑄴𑅁
𑄃𑄟 𑄟𑄙𑄎𑄪𑄙𑄮𑄃𑄪𑄚𑄧𑄢𑄴
𑄝𑄧𑄣𑄴
𑄛𑄧𑄢𑄨
𑄡𑄢𑄴𑅁
𑄖𑄢 𑄎𑄉𑄚𑄨𑄖𑄴
𑄖𑄮𑄟𑄖𑄴𑄪𑄚𑄴
𑄉𑄧𑄎𑄨
𑄣𑄮𑄃𑄨
𑄛𑄧𑄢𑄨𑄝𑄧𑅁
𑄃𑄬𑄌𑄳𑄠𑄬
𑄘𑄬𑄊𑄧𑄢𑄴
𑄘𑄧 𑄎𑄖𑄴𑄮
𑄇𑄧𑄖𑄴𑄧𑄟𑄚𑄴
𑄣𑄬𑄋𑄴
𑄃𑄧𑄃𑄨
𑄝𑄮𑄃𑄨
𑄃𑄊𑄬𑅁
𑄃𑄟 𑄥𑄦𑄨𑄖𑄳𑄠𑄧,𑄃𑄟 𑄢𑄨𑄘𑄨𑄥𑄪𑄘𑄮𑄟𑄴
(𑄥𑄧𑄁𑄥𑄴𑄇𑄳𑄢𑄨𑄖𑄨),
𑄃𑄟 𑄞𑄌𑄴, 𑄃𑄟 𑄃𑄮𑄇𑄴𑄮𑄢𑄴
𑄜𑄪𑄘𑄮
𑄃𑄋𑄢
𑄥𑄚𑄴
𑄙𑄩𑄟𑄬
𑄙𑄩𑄟𑄬
𑄉𑄧𑄢𑄨
𑄃𑄊𑄬𑅁
𑄃𑄟 𑄚𑄨𑄎𑄧𑄢𑄴
𑄌𑄨𑄚𑄴𑄛𑄧𑄌𑄳𑄠𑄬
𑄃𑄟𑄨
𑄘𑄨 𑄚𑄧 𑄛𑄢𑄨𑄢𑄴𑅁
𑄃𑄬 𑄘𑄬𑄌𑄴
𑄃𑄟𑄢𑄬
𑄟𑄧𑄚𑄬
𑄡 𑄌𑄠𑄴 𑄥𑄨𑄠𑄚𑄴
𑄉𑄧𑄢𑄬𑄢𑄴𑅁
𑄇𑄇𑄴𑄬
𑄝𑄋𑄴𑄉𑄣𑄩,
𑄇𑄇𑄴𑄬
𑄃𑄪𑄛𑄧𑄎𑄖𑄨,
𑄇𑄇𑄴𑄬
𑄛𑄦𑄢𑄨,
𑄇𑄇𑄴𑄬
𑄚𑄳𑄢𑄨𑄉𑄮𑄥𑄴𑄒𑄩
𑄌𑄨𑄚𑄴𑄛𑄧𑄌𑄳𑄠𑄬
𑄘𑄨 𑄡𑄢𑄴𑅁
𑄃 𑄃𑄟 𑄞𑄌𑄴𑄍𑄚𑄧𑄢𑄬𑄠𑄳𑄠𑄧
𑄇𑄇𑄴𑄬
𑄃𑄪𑄛𑄧𑄞𑄌𑄴
𑄝𑄚𑄬𑄘𑄬𑄢𑄴𑅁
𑄥𑄨𑄖𑄴𑄬𑄃𑄨
𑄃𑄟𑄖𑄴𑄪𑄚𑄴
𑄎𑄉𑄨
𑄃𑄪𑄘𑄧
𑄛𑄧𑄢𑄨𑄝𑄧𑅁
𑄃𑄬 𑄞𑄌𑄴 𑄃𑄟 𑄛𑄧𑄢𑄚𑄴,
𑄃𑄬 𑄞𑄌𑄴 𑄃𑄟 𑄟, 𑄃𑄟 𑄎𑄩𑄁𑄇𑄚𑄨𑅁
𑄖𑄪𑄟𑄨
𑄘𑄬𑄊𑄧𑄢𑄴-
𑄦𑄨𑄣𑄧𑄖𑄴
𑄟-𑄝𑄮𑄚𑄴,
𑄝𑄛𑄴-𑄞𑄬𑄃𑄨𑄠𑄮𑄢𑄴
𑄃𑄪𑄉𑄪𑄢𑄬
𑄖𑄧𑄌𑄳𑄠,
𑄛𑄬𑄢𑄬𑄌𑄢𑄴,
𑄇𑄧𑄥𑄴𑄑𑄧-𑄇𑄧𑄎𑄧𑄣
𑄈𑄘𑄧𑄚𑄴
𑄥𑄨𑄃𑄚𑄨
𑄖𑄪𑄟𑄨
𑄇𑄬𑄚𑄬
𑄌𑄮𑄇𑄴
𑄛𑄬𑄣𑄬
𑄛𑄬𑄣𑄬
𑄉𑄧𑄢𑄨
𑄌𑄬𑄭
𑄃𑄊𑄧?
𑄃𑄨𑄠𑄚𑄴
𑄘𑄧 𑄟𑄢𑄚 𑄥𑄧𑄁𑅁
𑄗𑄚𑄖𑄴𑄪𑄚𑄴
𑄚𑄧 𑄗𑄚 𑄉𑄧𑄟𑄴
𑄛𑄨𑄖𑄴𑄨𑄟𑄩𑄖𑄴𑅁
𑄖𑄮𑄟𑄢𑄴
𑄇𑄨 𑄢𑄧𑄇𑄴𑄖𑄧
𑄚𑄬𑄭?
𑄃𑄟𑄢𑄴
𑄘𑄧 𑄢𑄧𑄇𑄴𑄖𑄧
𑄃𑄊𑄬𑅁
𑄃𑄧𑄣𑄧𑄢𑄴
𑄉𑄧𑄢𑄨
𑄗𑄬𑄃𑄨
𑄚𑄧 𑄛𑄢𑄨𑄝𑄧𑄁𑅁
𑄡𑄬 𑄡𑄬𑄋𑄧𑄢𑄨
𑄛𑄢𑄬
𑄃𑄟𑄖𑄴𑄪𑄚𑄴
𑄣𑄢𑄬𑄃𑄨
𑄉𑄧𑄢𑄨
𑄡 𑄛𑄧𑄢𑄨𑄝𑄧𑅁
𑄞𑄚𑄴𑄖𑄬𑄃𑄪𑄚𑄧𑄢𑄬
𑄌𑄬𑄣𑄬𑄠𑄳𑄠𑄧
𑄝𑄪𑄇𑄴
𑄚𑄧 𑄞𑄧𑄢𑄬!
𑄖𑄢𑄠𑄳𑄠𑄧
𑄖𑄨𑄚𑄴
𑄌𑄬𑄢𑄴
𑄞𑄇𑄴!
𑄃 𑄝𑄚 𑄚𑄨𑄢𑄴𑄝𑄚𑄴-
𑄘𑄚𑄧
𑄇𑄧𑄙
𑄇𑄧𑄚𑄴𑅁
𑄘𑄬𑄌𑄴
𑄚𑄧 𑄗𑄬𑄣𑄬
𑄇𑄧𑄚𑄴
𑄎𑄧𑄚𑄬
𑄚𑄨𑄢𑄴𑄝𑄚𑄧𑄖𑄴
𑄡𑄬𑄭
𑄚𑄧 𑄛𑄢𑄨𑄝𑄇𑄴𑅁
𑄥𑄨𑄃𑄚𑄴
𑄖𑄢 𑄈𑄧𑄝𑄧𑄢𑄴
𑄛𑄬𑄣𑄬𑄠𑄳𑄠𑄧
𑄖𑄬𑄋
𑄘𑄚𑄴
𑄟𑄉𑄚
𑄇𑄧𑄙𑄚𑄨
𑄇𑄪𑄢𑄨
𑄜𑄬𑄣𑄬
𑄚𑄧 𑄛𑄢𑄧𑄚𑄴𑅁
𑄥𑄨𑄝𑄴
𑄌𑄧𑄢𑄧𑄕𑄬
𑄇𑄮𑄃𑄨𑄠𑄬-
“𑄉𑄏𑄧𑄖𑄴
𑄜𑄪𑄣𑄴
𑄚𑄧’ 𑄜𑄪𑄘𑄨𑄣𑄬
𑄟𑄧𑄙𑄪
𑄛𑄬𑄝𑄧𑄁
𑄇𑄪𑄙𑄪
𑄎𑄖𑄴
𑄚𑄧 𑄝𑄎𑄨𑄣𑄬
𑄙𑄧𑄢𑄴𑄟𑄧
𑄗𑄬𑄝𑄧
𑄇𑄪𑄙𑄪”
𑄃 𑄇𑄧𑄝𑄨,
𑄣𑄬𑄊𑄨𑄃𑄪𑄚𑄧𑄢𑄴
𑄇𑄧𑄙
𑄇𑄧𑄣𑄬
𑄝𑄪𑄇𑄴
𑄥𑄪𑄣𑄠𑄴𑅁
𑄖𑄢 𑄚𑄨𑄎𑄧𑄢𑄴
𑄞𑄌𑄴,
𑄃𑄮𑄇𑄴𑄮𑄢𑄴
𑄗𑄉𑄧𑄘𑄬
𑄛𑄧𑄢𑄧
𑄞𑄏𑄬
𑄥𑄦𑄨𑄖𑄳𑄠𑄧
𑄌𑄧𑄌𑄴𑄡-
𑄉𑄧𑄢𑄧𑄚𑄴
𑄉𑄧𑄖𑄴𑄧𑄚𑄴𑅁
𑄃𑄮 𑄚𑄪𑄠𑄮
𑄛𑄨𑄢𑄨,
𑄖𑄪𑄟𑄨
𑄎𑄘𑄧𑄢𑄴,
𑄘𑄬𑄏𑄧𑄢𑄴
𑄟𑄪𑄎𑄪𑄋𑄧𑄢𑄴
𑄘𑄨𑄚𑄴
𑄌𑄚𑄴𑅁
𑄖𑄧𑄟
𑄟𑄪 𑄌𑄬𑄭 𑄃𑄬𑄡𑄧
𑄝𑄎𑄨
𑄃𑄊𑄬
𑄦𑄨𑄣𑄴𑄌𑄘𑄨𑄉𑄋𑄴𑅁
𑄃𑄊𑄬
𑄟𑄨𑄋𑄨𑄚𑄨,
𑄌𑄬𑄋𑄬,
𑄇𑄎𑄣𑄧𑄋𑄴,
𑄜𑄬𑄚𑄨,
𑄥𑄧𑄁𑄈𑄴-𑄟𑄖𑄟𑄪𑄦𑄪𑄢𑄨
𑄃 𑄝𑄧𑄢𑄧𑄉𑄋𑄴𑅁
𑄥𑄨𑄖𑄴𑄬
𑄃𑄟𑄨
𑄜𑄬𑄥𑄧𑄝𑄪𑄉𑄧𑄖𑄴
𑄚𑄨𑄎𑄴’
𑄞𑄏𑄬,
𑄚𑄨𑄎𑄴’
𑄃𑄮𑄇𑄴𑄮𑄢𑄧𑄣𑄮𑄃𑄨
𑄣𑄨𑄊𑄨𑄝𑄧𑄁𑅁
𑄞𑄌𑄴
𑄢𑄧𑄇𑄴𑄬
𑄉𑄧𑄢𑄨𑄝𑄢𑄴
𑄡 𑄇𑄨𑄏𑄪
𑄉𑄧𑄢
𑄛𑄧𑄢𑄬
𑄈𑄟𑄇𑄴𑄇𑄭
𑄉𑄧𑄢𑄨𑄝𑄧𑄁-
𑄃𑄨𑄃𑄚𑄴
𑄃𑄮𑄇𑄴
𑄃𑄬𑄌𑄳𑄠𑄬
𑄃𑄟 𑄃𑄨𑄟𑄬
(𑄛𑄳𑄢𑄧𑄖𑄨𑄎𑄴𑄐)𑅁
𑄟𑄬 𑄷𑄽, 𑄸𑄶𑄷𑄽
𑄥𑄢𑄴𑄑𑄨𑄜𑄨𑄇𑄬𑄑𑄴𑄝𑄧𑄣 𑄥𑄧𑄟𑄌𑄴 𑄃 𑄃𑄨𑄚𑄴𑄎𑄬𑄛𑄴 𑄚𑄬𑄃𑄨 𑄢𑄥𑄴𑄑𑄳𑄢𑄧
𑄃𑄬 𑄥𑄧𑄟𑄏𑄧𑄖𑄴 𑄥𑄢𑄴𑄑𑄨𑄜𑄨𑄇𑄬𑄑𑄴 𑄝𑄧𑄣 𑄞𑄧𑄢𑄴𑄛𑄪𑄢𑄴, 𑄟𑄖𑄴𑄧𑄢𑄴 𑄃𑄨𑄚𑄴𑄎𑄬𑄛𑄴 𑄝𑄧𑄣 𑄚𑄬𑄃𑄨𑅁 𑄃𑄨𑄠𑄮𑄖𑄴 𑄛𑄧𑄢𑄨𑄇𑄴𑄈𑄬 𑄘𑄨𑄠𑄳𑄠 𑄃𑄊𑄧𑄚𑄴, 𑄥𑄨𑄊𑄨𑄠𑄳𑄠 𑄚𑄬𑄃𑄨; 𑄓𑄨𑄉𑄳𑄢𑄨 𑄃𑄊𑄬, 𑄟𑄫𑄣𑄴𑄝𑄮𑄙𑄴 𑄚𑄬𑄃𑄨𑅁 𑄃𑄬 𑄥𑄨𑄇𑄴𑄈𑄬 𑄚𑄬𑄃𑄨𑄇𑄬𑄚𑄬𑄭𑄥𑄨𑄇𑄴𑄈𑄬𑄢𑄴 𑄘𑄧𑄏 𑄃𑄬𑄌𑄳𑄠𑄬 𑄥𑄧𑄟𑄏𑄧𑄢𑄴 𑄘𑄧𑄢𑄴𑄉𑄧𑄢𑄬 𑄛𑄢 𑄝𑄧𑄢𑄴𑄝𑄧 𑄝𑄬𑄃𑄨 𑄡𑄢𑄴𑅁
𑄔𑄇𑄖𑄴 𑄃𑄬𑄇𑄴𑄮 𑄦𑄮𑄑𑄬𑄣𑄧𑄖𑄴𑄪𑄚𑄴 𑄷𑄺𑄺 𑄎𑄧𑄚𑄴 𑄟𑄨𑄣𑄬 𑄃𑄪𑄖𑄴𑄙𑄮𑄢𑄴 𑄉𑄧𑄢𑄧𑄚 𑄊𑄧𑄘𑄧𑄚 𑄚𑄪𑄃𑄧 𑄇𑄧𑄚𑄧 𑄊𑄧𑄘𑄧𑄚 𑄚𑄧𑄠𑄴 𑄃 𑄥𑄧𑄟𑄏𑄧𑄖𑄴 𑄃𑄬 𑄙𑄧𑄇𑄳𑄠𑄬𑄚𑄴 𑄚𑄧 𑄊𑄧𑄘𑄬 𑄃𑄬𑄙𑄳𑄠𑄧𑄇𑄴𑄠𑄳𑄠𑄧 𑄚𑄧𑄠𑄴- 𑄃𑄨𑄠𑄚𑄴 𑄃𑄬𑄇𑄴𑄇𑄚𑄴 𑄛𑄪𑄎𑄨 𑄡𑄨𑄠𑄳𑄠 𑄢𑄥𑄴𑄑𑄳𑄢𑄧𑄙𑄧𑄇𑄧𑄢𑄴 𑄣𑄁𑄘 𑄃𑄢𑄪𑄇𑄴𑅁 𑄜𑄬𑄥𑄴𑄝𑄪𑄇𑄧𑄖𑄴 𑄍𑄨𑄖𑄳𑄠𑄬 𑄖𑄧𑄗𑄳𑄠𑄧𑄟𑄧𑄎𑄨𑄟𑄴 𑄃𑄬 𑄞𑄨𑄘𑄨𑄢𑄬 𑄹𑄻 𑄎𑄧𑄚𑄴 𑄃𑄘𑄨𑄝𑄥𑄩 𑄟𑄨𑄣𑄬𑄃𑄊𑄧𑄚𑄴𑅁 𑄃𑄬 𑄖𑄧𑄗𑄳𑄠𑄧𑄠𑄚𑄴 𑄡𑄪𑄚𑄨 𑄥𑄧𑄖𑄳𑄠𑄧 𑄦𑄧𑄠𑄴, 𑄥𑄣𑄬𑄚𑄴 𑄥𑄨𑄠𑄚𑄴 𑄝𑄚 𑄣𑄌𑄴𑄉𑄧𑄢𑄬 𑄛𑄢 𑄚𑄧𑄠𑄴- 𑄃𑄨𑄠𑄚𑄴 𑄢𑄥𑄴𑄑𑄳𑄢𑄧 𑄝𑄨𑄜𑄧𑄣𑄧𑄢𑄴 𑄃𑄬𑄇𑄴𑄇𑄚𑄴 𑄘𑄧𑄣𑄨𑄣𑄴𑅁
𑄟𑄪𑄃𑄨
𑄃𑄬𑄇𑄴𑄮
𑄌𑄋𑄴𑄟
𑄃𑄨𑄎𑄬𑄝𑄬
𑄛𑄧𑄢𑄇𑄴𑄛𑄢𑄇𑄴
𑄉𑄧𑄢𑄨
𑄇𑄧𑄝𑄁
𑄌𑄋𑄴-
𑄌𑄋𑄴𑄟
𑄟𑄨𑄣𑄬𑄃𑄪𑄚𑄴
𑄞𑄮𑄉𑄧𑄢𑄴
𑄘𑄧𑄢𑄧𑄛𑄴
𑄚𑄧𑄠𑄴𑅁
𑄖𑄢 𑄈𑄘𑄪𑄚𑄨 𑄉𑄧𑄢𑄧𑄚𑄴,
𑄈𑄘𑄧𑄚𑄴𑅁
𑄖𑄢 𑄢𑄨𑄘𑄨𑄥𑄪𑄙𑄮𑄟𑄴
𑄃 𑄚𑄨𑄎𑄧𑄢𑄴
𑄟𑄚𑄴
𑄢𑄊𑄬𑄠𑄳𑄠
𑄘𑄋𑄧𑄢𑄴
𑄚𑄨𑄏𑄬𑄚𑄨𑅁
𑄝𑄬𑄚𑄳𑄠
𑄛𑄮𑄖𑄳𑄠
𑄊𑄪𑄟𑄧𑄖𑄴𑄪𑄚𑄴
𑄃𑄪𑄘𑄨
𑄉𑄋𑄧𑄖𑄴
𑄡𑄬𑄃𑄨
𑄊𑄧𑄢𑄴
𑄇𑄟𑄚𑄨
𑄉𑄪𑄌𑄴𑄉𑄌𑄴
𑄉𑄧𑄢𑄨
𑄃𑄢𑄧 𑄝𑄉𑄧 𑄇𑄟𑄧𑄖𑄴
𑄡𑄚𑄴𑅁
𑄝𑄚 𑄥𑄨𑄠𑄚𑄴
𑄚𑄧𑄠𑄴,
𑄚𑄨𑄎𑄧𑄢𑄴
𑄃𑄪𑄢𑄧𑄚𑄴-𑄛𑄨𑄢𑄮𑄚𑄚𑄨𑄠𑄳𑄠𑄧
𑄖𑄢 𑄝𑄪𑄚𑄧𑄚𑄴𑅁
𑄢𑄥𑄴𑄑𑄳𑄢𑄧𑄢𑄴
𑄃𑄬𑄎𑄣𑄬
𑄚𑄧𑄠𑄴-
𑄢𑄥𑄴𑄑𑄳𑄢𑄧
𑄦𑄬𑄣𑄜𑄬𑄣
𑄉𑄧𑄢𑄚𑄢𑄴
𑄛𑄧𑄢𑄴𑄠𑄳𑄠𑄧
𑄃𑄬 𑄥𑄧𑄟𑄌𑄴
𑄗𑄨𑄉𑄨
𑄃𑄊𑄬𑅁
𑄖𑄪𑄃𑄧
𑄛𑄪𑄎𑄮𑄢𑄴
𑄃𑄨𑄙𑄧𑄖𑄴
𑄃𑄪𑄘𑄬-
𑄃𑄬 𑄟𑄨𑄣𑄬𑄃𑄪𑄚𑄴
𑄥𑄧𑄖𑄳𑄠𑄨
𑄇𑄧𑄚𑄧 𑄃𑄧𑄛𑄧𑄢𑄙𑄴𑄌𑄧𑄇𑄳𑄢𑄧𑄖𑄴
𑄥𑄨𑄠𑄬𑄢𑄴
𑄦𑄧𑄃𑄨
𑄗𑄚𑄴,
𑄥𑄣𑄬𑄚𑄴
𑄥𑄬 𑄇𑄧𑄢𑄧𑄟𑄴
𑄇𑄢𑄴?
𑄇𑄧𑄢𑄧𑄟𑄴
𑄇𑄧𑄚𑄧 𑄟𑄨𑄣𑄬𑄢𑄴
𑄚𑄧𑄠𑄴;
𑄇𑄧𑄢𑄧𑄟𑄴
𑄢𑄥𑄴𑄑𑄳𑄢𑄧𑄢𑄴𑅁
𑄇𑄨𑄖𑄴𑄬
𑄃𑄬 𑄢𑄥𑄴𑄑𑄳𑄢𑄧
𑄘𑄫𑄢𑄴𑄚𑄨𑄘𑄨𑄢𑄬 𑄗𑄨𑄘𑄧 𑄉𑄧𑄌𑄴𑄍𑄬,
𑄛𑄨𑄖𑄴𑄮𑄟𑄧𑄢
𑄝𑄧𑄚𑄴𑄘𑄃𑄪𑄚𑄧𑄢𑄬
𑄢𑄧𑄈𑄳𑄠𑄬
𑄉𑄧𑄢𑄚𑄢𑄴
𑄝𑄨𑄜𑄧𑄣𑄴
𑄦𑄧𑄠𑄬
𑄃 𑄖𑄢𑄢𑄴
𑄛𑄨𑄖𑄴𑄮𑄟𑄧𑄢𑄚𑄧𑄢𑄬
𑄥𑄪𑄏𑄧𑄚
𑄦𑄖𑄳𑄠𑄢𑄴
𑄝𑄚𑄬𑄠𑄳𑄠𑅁
𑄃𑄨𑄠𑄚𑄴
𑄚𑄨𑄛𑄧𑄢𑄴𑄞
𑄚𑄬𑄃𑄨,
𑄚𑄳𑄠𑄠𑄴
𑄚𑄬𑄃𑄨-
𑄃𑄊𑄬
𑄝𑄚 𑄥𑄪𑄏𑄨𑄝𑄢𑄴
𑄣𑄭𑄥𑄬𑄚𑄴𑄥𑄴𑅁
𑄝𑄬𑄉𑄧𑄖𑄴𑄪𑄚𑄴 𑄝𑄬𑄌𑄴 𑄘𑄧𑄢𑄧𑄉𑄧𑄢𑄬𑄛𑄢 𑄛𑄮𑄃𑄨𑄘𑄳𑄠 𑄦𑄧𑄣𑄴, 𑄃𑄬 𑄢𑄥𑄴𑄑𑄳𑄢𑄧 𑄇𑄧𑄢𑄧𑄟𑄴 𑄃𑄨𑄢𑄨 𑄡𑄬𑄝𑄢𑄴 𑄛𑄧𑄖𑄪𑅁 𑄇𑄇𑄴𑄬 𑄌𑄨𑄚𑄧𑄛𑄧𑄌𑄳𑄠𑄬 𑄇𑄧𑄢𑄧𑄟𑄴 𑄌𑄝𑄨 𑄘𑄬 𑄞𑄪𑄇𑄴𑄖𑄧𑄞𑄮𑄉𑄨𑄢𑄬, 𑄇𑄇𑄴𑄬 𑄃𑄬𑄇𑄴𑄮 𑄛𑄪𑄢𑄴 𑄎𑄘𑄧𑄢𑄴 𑄢𑄨𑄘𑄨𑄥𑄪𑄙𑄮𑄟𑄧𑄖𑄴 𑄇𑄣𑄨 𑄣𑄨𑄞𑄨 𑄘𑄬𑅁 𑄃𑄨𑄠𑄚𑄴 𑄝𑄚 𑄃𑄧𑄚𑄳𑄠𑄠𑄴 𑄚𑄧𑄠𑄴- 𑄘𑄋𑄧𑄢𑄴 𑄃𑄧𑄛𑄧𑄢𑄙𑄴𑅁
𑄃𑄬𑄌𑄳𑄠𑄬 𑄃𑄟𑄨 𑄡𑄪𑄚𑄨 𑄦𑄧𑄣𑄧𑄢𑄴 𑄉𑄧𑄢𑄨 𑄗𑄬𑄃𑄨, 𑄥𑄣𑄬𑄚𑄴 𑄃𑄬 𑄃𑄧𑄣𑄧𑄢𑄴 𑄟𑄪𑄏𑄪𑄋𑄧𑄢𑄴 𑄘𑄨𑄚𑄧𑄖𑄳𑄠𑄭 𑄘𑄋𑄧𑄢𑄴 𑄃𑄧𑄛𑄧𑄢𑄙𑄴 𑄃𑄧𑄞𑄧𑅁 𑄢𑄥𑄴𑄑𑄳𑄢𑄧𑄖𑄴𑄪𑄚𑄴 𑄎𑄮𑄛𑄴 𑄣𑄮𑄃𑄨 𑄛𑄧𑄢𑄨𑄝𑄧, 𑄈𑄟𑄇𑄴𑄇𑄠𑄴 𑄘𑄨 𑄛𑄬𑄝𑄧𑅁 𑄟𑄨𑄣𑄬𑄃𑄪𑄚𑄧𑄢𑄬 𑄛𑄧𑄕𑄳𑄠𑄧 𑄝𑄚𑄚 𑄃𑄬 𑄈𑄌𑄳𑄠𑄬𑄖𑄴, 𑄛𑄨𑄖𑄴𑄮𑄟𑄧𑄢𑄢𑄬 𑄥𑄨𑄠𑄬𑄢𑄴 𑄝𑄚𑄚 𑄃𑄬 𑄢𑄥𑄴𑄑𑄳𑄢𑄧𑄈𑄌𑄳𑄠𑄬𑄖𑄴 𑄞𑄋𑄨 𑄚𑄧 𑄛𑄢𑄨𑄣𑄬- 𑄃𑄬 𑄥𑄧𑄟𑄏𑄧𑄖𑄴 𑄥𑄢𑄴𑄑𑄨𑄜𑄨𑄇𑄬𑄑𑄴𑄝𑄧𑄣 𑄃𑄬𑄇𑄴𑄘𑄨𑄚𑄴 𑄟𑄧𑄚𑄨𑄌𑄴𑄏𑄧𑄢𑄧 𑄥𑄨𑄚𑄴𑄘𑄬𑄝𑄌𑄴 𑄦𑄎𑄨 𑄡𑄬𑄝𑄧𑅁 𑄝𑄨𑄎𑄧𑄉𑄬 𑄥𑄬 𑄃𑄧𑄛𑄧𑄢𑄙𑄴 𑄇𑄧𑄚𑄧𑄘𑄨𑄚𑄴 𑄈𑄬𑄟 𑄚𑄧 𑄉𑄧𑄢𑄨𑄝𑄧𑅁
𑄃𑄧𑄏𑄛𑄖𑄴 𑄥𑄴𑄇𑄮𑄠𑄢𑄴: 𑄌𑄋𑄴𑄟 𑄞𑄌𑄴 𑄃 𑄢𑄨𑄘𑄨𑄥𑄪𑄙𑄮𑄟𑄴 𑄢𑄧𑄈𑄳𑄠𑄬 𑄃𑄬𑄇𑄴 𑄣𑄢𑄬𑄃𑄨𑄠𑄧𑄢𑄴 𑄦𑄙𑄚
𑄌𑄋𑄴𑄟 𑄞𑄌𑄴 𑄃 𑄝𑄧𑄢𑄴𑄕𑄧𑄟𑄣 𑄇𑄨𑄗𑄳𑄠𑄭 𑄃𑄧𑄖𑄣𑄨𑄠𑄬 𑄇𑄮𑄌𑄧𑄛𑄚 𑄃 𑄢𑄨𑄘𑄨𑄥𑄪𑄙𑄮𑄟𑄴 𑄙𑄧𑄢𑄨 𑄢𑄊𑄚 𑄘𑄋𑄧𑄢𑄴 𑄃𑄨𑄟𑄬 𑄚𑄨𑄚𑄬𑄃𑄨 𑄸𑄶𑄶𑄺 𑄥𑄣𑄧𑄖𑄴𑄪𑄚𑄴 𑄙𑄧𑄢𑄨 𑄟𑄧𑄢𑄴 𑄢𑄪𑄁𑄈𑄋𑄧𑄢𑄴 𑄥𑄬𑄢𑄬 𑄥𑄬𑄢𑄬 𑄣𑄟𑄴𑄝 𑄃𑄬𑄇𑄴𑄇𑄚𑄴 𑄛𑄧𑄖𑄴 𑄦𑄙𑄚 𑄃𑄢𑄧𑄇𑄚𑄨 𑄦𑄧𑄠𑄴𑅁 𑄌𑄧𑄁𑄢𑄍𑄧𑄢𑄨 𑄦𑄭 𑄃𑄨𑄇𑄴𑄪𑄣𑄴 𑄛𑄧𑄣𑄳𑄠 𑄌𑄋𑄧𑄟 𑄣𑄬𑄊 𑄥𑄨𑄊𑄚 𑄇𑄮𑄢𑄴𑄥𑄧 𑄌𑄣𑄪 𑄉𑄧𑄢𑄧𑄁𑅁 𑄃𑄬 𑄇𑄟𑄧𑄢𑄴 𑄙𑄢𑄟𑄧𑄎𑄨𑄟𑄴 𑄸𑄶𑄶𑄺-𑄸𑄶𑄶𑄻 𑄥𑄣𑄧𑄖𑄴 𑄝𑄎𑄬𑄃𑄨 𑄍𑄧𑄓 𑄝𑄬𑄥𑄧𑄢𑄧𑄇𑄢𑄨 𑄛𑄳𑄢𑄭𑄟𑄢𑄨 𑄃𑄨𑄇𑄴𑄪𑄣𑄧𑄖𑄴 𑄃𑄢𑄴 𑄘𑄨𑄝𑄬 𑄇𑄮𑄢𑄴𑄥𑄧 𑄦𑄖𑄴 𑄘𑄪𑄠𑄮𑄁𑅁 𑄟𑄖𑄴𑄧𑄢𑄴, 𑄃𑄐𑄴𑄌𑄧𑄣𑄨𑄇𑄴 𑄢𑄎𑄧𑄚𑄩𑄖𑄴 𑄝𑄧 𑄉𑄧𑄟𑄴 𑄚𑄧 𑄗𑄚𑄢𑄴 𑄃 𑄃𑄮𑄠𑄚𑄴 𑄃𑄨𑄣𑄬𑄞𑄬𑄚𑄴 𑄥𑄚𑄴 𑄇𑄪 𑄘𑄨𑄚𑄴 𑄟𑄙𑄚𑄧𑄖𑄴 𑄟𑄧𑄢𑄴 𑄃𑄬 𑄇𑄟𑄚𑄴 𑄝𑄧𑄚𑄴 𑄃𑄧𑄃𑄨 𑄡𑄠𑄴𑅁
𑄸𑄶𑄶𑄽 𑄥𑄣𑄴 𑄷𑄺 𑄜𑄬𑄝𑄳𑄢𑄪𑄠𑄢𑄨 𑄃𑄨𑄃𑄪𑄛𑄨𑄓𑄨𑄃𑄬𑄜𑄴 𑄃 𑄥𑄧𑄁𑄥𑄴𑄇𑄢𑄴 𑄃𑄬𑄇𑄴 𑄥𑄮𑄢 𑄟𑄬𑄃𑄨𑄢𑄧𑄖𑄴 𑄟𑄪𑄃𑄨 𑄣𑄬𑄁 𑄦𑄧𑄣𑄬 𑄈𑄉𑄢𑄍𑄧𑄓𑄨-𑄌𑄨𑄑𑄉𑄋𑄴 𑄼 𑄟𑄌𑄴 𑄌𑄨𑄇𑄨𑄖𑄴𑄥𑄳𑄠𑄖𑄴 𑄗𑄚𑄢𑄴 𑄛𑄧𑄢𑄴 𑄟𑄧 𑄝𑄮𑄚𑄴 𑄊𑄧𑄢𑄧𑄖𑄴 𑄝𑄦𑄴 𑄝𑄚𑄧𑄁𑅁 𑄖𑄢 𑄈𑄉𑄢𑄍𑄧𑄓𑄨 𑄇𑄪𑄘𑄪𑄇𑄧𑄍𑄧𑄢𑄨𑄖𑄴 𑄗𑄚𑄴𑅁 𑄥𑄨𑄙𑄪 𑄝𑄮𑄃𑄨 𑄚𑄧 𑄗𑄬𑄃𑄨 𑄇𑄧𑄠𑄬𑄇𑄴𑄮 𑄛𑄪𑄃𑄧 𑄛𑄧𑄢𑄚 𑄃𑄢𑄧𑄇𑄚𑄨 𑄉𑄧𑄢𑄧𑄁𑅁 𑄥𑄧𑄟𑄢𑄬 𑄖𑄢𑄢𑄬𑄠𑄳𑄠𑄧 𑄌𑄋𑄧𑄟 𑄣𑄬𑄊 𑄥𑄬𑄊𑄁𑅁 𑄥𑄨𑄙𑄪 𑄞𑄋 𑄝𑄧𑄏𑄧𑄢𑄧𑄝𑄮 𑄇𑄘𑄚 𑄛𑄧𑄢𑄴 𑄎𑄚𑄴𑄘𑄨 𑄟𑄪𑄢𑄮𑄖𑄴 𑄃𑄬𑄠𑄧𑄁𑅁 𑄥𑄨𑄠𑄚𑄴 𑄃𑄟 𑄃𑄘𑄟𑄧𑄢𑄴 𑄛𑄧𑄎𑄨𑄟𑄬 𑄷 𑄊𑄧𑄚𑄴𑄘 𑄦𑄙𑄚 𑄛𑄧𑄙𑄧𑄖𑄴𑅁 𑄎𑄚𑄴𑄘𑄨𑄟𑄪𑄢𑄮 𑄃𑄢𑄴 𑄃𑄬𑄇𑄴𑄇𑄚𑄴 𑄚𑄋𑄴 𑄇𑄧𑄢𑄮𑄃𑄨𑄖𑄧𑄣𑄨𑅁 𑄥𑄨𑄙𑄪 𑄸𑄶𑄶𑄾, 𑄿 𑄥𑄣𑄴 𑄝𑄚 𑄝𑄧𑄏𑄧𑄢𑄴 𑄣𑄇𑄴𑄬 𑄾 𑄦𑄎𑄢𑄴 𑄖𑄬𑄋𑄣𑄮𑄃𑄨 𑄛𑄳𑄢𑄭𑄞𑄬𑄑𑄴 𑄛𑄧𑄢𑄬 𑄘𑄨𑄚𑄴 𑄖𑄮𑄢𑄬𑄣𑄪𑄁𑅁 𑄛𑄧𑄣𑄳𑄠 𑄝𑄧𑄏𑄧𑄢𑄧𑄝𑄮 𑄟𑄪𑄃𑄨 𑄉𑄠𑄴 𑄗𑄬𑄣𑄬𑄠𑄳𑄠𑄧 𑄸𑄶𑄶𑄿 𑄥𑄣𑄧𑄖𑄴 𑄟𑄧 𑄣𑄧𑄉𑄧𑄢𑄴 𑄥𑄧𑄟𑄢𑄨𑄝𑄮 𑄡𑄠𑄴𑅁 𑄖𑄬𑄠𑄳𑄠𑄧 𑄛𑄉𑄧𑄣 𑄟𑄎𑄧𑄚𑄴 𑄛𑄢𑄖𑄴 𑄑𑄬𑄃𑄪𑄥𑄧𑄚𑄨 𑄉𑄧𑄢𑄬𑅁 𑄥𑄬 𑄝𑄧𑄏𑄧𑄢𑄴 𑄥𑄨𑄙𑄪 𑄇𑄘𑄚 𑄛𑄧𑄢𑄴 𑄖𑄢 𑄘𑄨𑄊𑄩𑄚𑄣𑄖𑄴 𑄊𑄧𑄢𑄴 𑄖𑄪𑄣𑄬𑄉𑄨 𑄃 𑄘𑄨𑄊𑄩𑄚𑄣𑄖𑄴 𑄃𑄬𑄠𑄧𑄚𑄴𑅁 𑄟𑄪𑄃𑄨 𑄥𑄨𑄖𑄴𑄪𑄚𑄴 𑄃𑄢𑄴 𑄥𑄨𑄝𑄧𑄋𑄴𑄉𑄧 𑄛𑄢𑄖𑄴 𑄑𑄬𑄃𑄪𑄥𑄧𑄚𑄨𑄖𑄳𑄠𑄭 𑄡𑄁𑅁 𑄸𑄻 𑄦𑄎𑄢𑄴 𑄖𑄬𑄋 𑄃𑄬𑄇𑄴 𑄝𑄧𑄏𑄧𑄢𑄬 𑄛𑄁𑅁 𑄃𑄬𑄙𑄧𑄇𑄳𑄠𑄬 𑄉𑄧𑄢𑄨 𑄌𑄬𑄃𑄨𑄢𑄧𑄝𑄮 𑄝𑄧𑄏𑄧𑄢𑄴 𑄟𑄮𑄚𑄧𑄖𑄴 𑄇𑄘𑄚 𑄛𑄧𑄢𑄴 𑄸𑄶𑄷𑄷 𑄥𑄣𑄧𑄖𑄴 𑄃𑄘𑄟𑄧𑄖𑄴 𑄜𑄨𑄢𑄨 𑄃𑄬𑄠𑄧𑄁𑅁 𑄟𑄧 𑄥𑄧𑄠𑄮𑄢𑄧𑄝𑄮 𑄥𑄪𑄥𑄩𑄣𑄴 𑄎𑄩𑄝𑄧𑄚𑄴 𑄌𑄋𑄧𑄟 (𑄦𑄬𑄓𑄧𑄟𑄳𑄠𑄚𑄴 𑄸𑄿 𑄚𑄧𑄁 𑄍𑄮𑄑𑄧𑄟𑄬𑄢𑄪𑄁 𑄟𑄪𑄃𑄨𑄎𑄴) 𑄥𑄧𑄁𑄥𑄴𑄇𑄢𑄴 𑄃 𑄃𑄨𑄃𑄪𑄜𑄨𑄓𑄨𑄃𑄬𑄜𑄧𑄣𑄮𑄃𑄨 𑄇𑄧𑄙𑄝𑄖𑄴𑄖 𑄇𑄮𑄃𑄨 𑄃𑄘𑄟𑄧𑄖𑄴 𑄜𑄨𑄢𑄨 𑄃𑄬𑄠𑄚𑅁 𑄃𑄨𑄇𑄳𑄠𑄬 𑄟𑄪𑄃𑄨 𑄡𑄧𑄘𑄧𑄝𑄧𑄘𑄬 𑄣𑄬𑄁𑅁 𑄦𑄙𑄧𑄖𑄴 𑄣𑄪𑄉𑄨𑄇𑄴 𑄝𑄘𑄬 𑄇𑄧𑄚𑄴 𑄇𑄨𑄗𑄳𑄠 𑄡𑄬𑄝𑄢𑄴 𑄥𑄬𑄘𑄟𑄴 𑄚𑄬𑄃𑄨𑅁 𑄛𑄧𑄎𑄳𑄠𑄬 𑄛𑄧𑄎𑄳𑄠𑄬 𑄚𑄪𑄃𑄧 𑄥𑄧𑄝𑄧𑄚𑄴 𑄝𑄪𑄚𑄧𑄁𑅁
𑄃𑄘𑄟𑄧𑄖𑄴
𑄜𑄨𑄢𑄨
𑄃𑄬𑄣𑄬
𑄟𑄧𑄢𑄴
𑄇𑄟𑄴
𑄛𑄳𑄢𑄭𑄞𑄬𑄑𑄴
𑄛𑄧𑄢𑄚𑅁
𑄥𑄬 𑄝𑄧𑄏𑄧𑄢𑄴
𑄹𑄸 𑄦𑄎𑄢𑄴
𑄖𑄬𑄋𑄣𑄮𑄃𑄨
𑄛𑄪𑄢𑄮
𑄃𑄬𑄇𑄧𑄝𑄧𑄏𑄧𑄢𑄴
𑄛𑄳𑄢𑄭𑄞𑄬𑄑𑄴
𑄛𑄧𑄢𑄚
𑄃𑄢𑄧𑄇𑄚𑄨
𑄉𑄧𑄢𑄧𑄁𑅁
𑄃𑄬 𑄛𑄳𑄢𑄭𑄞𑄬𑄑𑄴
𑄛𑄪𑄃𑄧/𑄏𑄨𑄃𑄪𑄚𑄬
𑄥𑄛𑄴𑄖𑄠𑄴
𑄃𑄬𑄇𑄧𑄘𑄨𑄚𑄴
𑄌𑄋𑄧𑄟
𑄣𑄬𑄊,
𑄝𑄧𑄇𑄴𑄖𑄧𑄝𑄳𑄠𑄧
𑄘𑄬𑄚,
𑄥𑄳𑄢𑄪𑄖𑄧𑄣𑄨𑄛𑄨
𑄥𑄪𑄟𑄪𑄖𑄴𑄧
𑄚𑄚𑄚𑄴
𑄇𑄨𑄏𑄪
𑄥𑄬𑄊𑄬𑄝𑄢𑄴
𑄌𑄁𑅁
𑄸𑄶𑄷𑄶
𑄥𑄣𑄴
𑄃𑄬𑄜𑄧𑄃𑄬𑄟𑄴
𑄈𑄧𑄝𑄧𑄢𑄧𑄖𑄴𑄪𑄚𑄴
𑄥𑄪𑄚𑄨𑄣𑄪𑄁
𑄝𑄁𑄣𑄘𑄬𑄌𑄴
𑄥𑄧𑄢𑄧𑄇𑄢𑄬
𑄃𑄚𑄴𑄖𑄧𑄢𑄴𑄎𑄖𑄨𑄇𑄴
𑄟𑄖𑄳𑄢𑄨𑄞𑄥
𑄃𑄨𑄚𑄧𑄥𑄴𑄑𑄨𑄑𑄨𑄃𑄪𑄑𑄴
𑄜𑄁𑄜𑄧𑄉𑄧𑄘𑄋𑄴
𑄉𑄧𑄢𑄬𑄢𑄴𑅁
𑄃𑄬 𑄜𑄧𑄉𑄧𑄘𑄋𑄨
𑄈𑄧𑄣𑄝𑄮𑄖𑄴
𑄢𑄎𑄧𑄘𑄉𑄨
𑄇𑄧𑄣𑄴,
𑄸𑄶𑄷𑄺
𑄥𑄣𑄧𑄖𑄴𑄪𑄚𑄴
𑄙𑄧𑄢𑄨
𑄟 𑄞𑄌𑄴𑄍𑄮𑄃𑄨
𑄃𑄨𑄇𑄴𑄪𑄣𑄴
𑄣𑄬𑄊
𑄥𑄨𑄊𑄚𑄴
𑄃𑄧𑄞𑄴𑅁
𑄃𑄬 𑄇𑄧𑄙 𑄥𑄪𑄚𑄨
𑄟𑄪𑄃𑄨
𑄗𑄨𑄇𑄴
𑄉𑄧𑄌𑄴𑄍𑄮𑄁,
𑄞𑄖𑄴
𑄟𑄧𑄎
𑄛𑄪𑄚𑄧𑄖𑄴
𑄝𑄚𑄨
𑄃𑄬𑄝𑄢𑄴
𑄌𑄋𑄧𑄟
𑄣𑄬𑄊
𑄥𑄬𑄊𑄚
𑄘𑄮𑄣𑄴
𑄃𑄬𑄇𑄴𑄮
𑄈𑄬𑄚𑄴𑅁
𑄃𑄬𑄢𑄴
𑄃𑄉𑄬𑄘𑄨
𑄥𑄬𑄊𑄬𑄣𑄬𑄠𑄳𑄠𑄧
𑄟𑄚𑄪𑄌𑄴𑄍𑄪𑄚𑄬
𑄃𑄬𑄙𑄧𑄇𑄴
𑄃𑄟𑄧𑄣𑄴
𑄚𑄧 𑄘𑄮𑄚𑄴𑅁
𑄃 𑄥𑄧𑄟𑄢𑄬
𑄝𑄉𑄚𑄴
𑄖𑄪𑄣𑄧𑄚
(𑄝𑄬𑄣𑄴,
𑄟𑄣𑄧𑄖,
𑄇𑄧𑄣)
𑄦𑄖𑄴
𑄘𑄨𑄣𑄪𑄁𑅁
𑄡𑄬𑄚𑄴
𑄇𑄟𑄴
𑄉𑄧𑄖𑄴𑄬
𑄎𑄪 𑄦𑄧𑄠𑄴𑅁
𑄸𑄶𑄷𑄺
𑄥𑄣𑄧𑄖𑄴
𑄃𑄬𑄃𑄨
𑄃𑄘𑄟𑄧𑄢𑄴
𑄝𑄧 𑄈𑄢𑄛𑄧𑄖𑄴𑄪𑄚𑄴
𑄈𑄢𑄛𑄴
𑄦𑄧𑄣𑄴𑅁
𑄟𑄧 𑄎𑄬𑄖𑄴𑄖
𑄥𑄧𑄢𑄧𑄣𑄴
𑄇𑄪𑄟𑄢𑄴,
𑄎𑄬𑄖𑄴𑄖𑄇𑄪𑄖𑄴
𑄞𑄬𑄃𑄨
𑄟𑄧𑄚𑄴𑄑𑄪
𑄌𑄋𑄧𑄟
𑄃 𑄞𑄬𑄃𑄨𑄛𑄪𑄖𑄴
𑄢𑄨𑄛𑄧𑄚𑄴
𑄌𑄋𑄧𑄟𑄘𑄊𑄨
𑄥𑄧𑄁𑄥𑄴𑄇𑄢𑄴
𑄘𑄧𑄣𑄧𑄖𑄴𑄪𑄚𑄴
𑄢𑄬𑄖𑄴
𑄥𑄧𑄁𑄞𑄉𑄧𑄖𑄴
𑄙𑄧𑄢𑄨
𑄚𑄨𑄣𑄇𑄴𑅁
𑄙𑄪𑄢𑄨
𑄚𑄨𑄣𑄴
𑄢𑄎𑄨𑄝𑄴
𑄝𑄝𑄪𑅁
𑄛𑄳𑄢𑄩𑄖𑄨
𑄈𑄨𑄥
𑄘 𑄟𑄧𑄢𑄬
𑄛𑄧𑄢𑄟𑄧𑄢𑄴𑄥𑄧
𑄘𑄨𑄣𑄴,
𑄘𑄨𑄊𑄩𑄚𑄣
𑄗𑄬𑄝𑄢𑄴𑅁
𑄘𑄨𑄚𑄴𑄮
𑄞𑄢𑄨
𑄝𑄬𑄐𑄴𑄎𑄪𑄇𑄴𑅁
𑄸𑄶𑄷𑄺
𑄥𑄣𑄧𑄖𑄴
𑄖 𑄥𑄧𑄣𑄣𑄮𑄃𑄨
𑄘𑄨𑄊𑄩𑄚𑄣𑄖𑄴
𑄃𑄬𑄣𑄪𑄁𑅁
𑄸𑄶𑄷𑄶
𑄥𑄣𑄧𑄖𑄴
𑄟𑄧 𑄣𑄧𑄉𑄧𑄢𑄴
𑄥𑄧𑄟𑄢𑄨𑄝𑄮
𑄎𑄉 𑄇𑄨𑄚𑄨
𑄊𑄧𑄢𑄴
𑄖𑄪𑄣𑄳𑄠
𑄘𑄨𑄊𑄩𑄚𑄣𑄖𑄴𑅁
𑄘𑄨𑄊𑄩𑄚𑄣𑄖𑄴
𑄃𑄬𑄢𑄬𑄠𑄳𑄠𑄧
𑄉𑄧𑄟𑄬
𑄗𑄬𑄝𑄢𑄴
𑄎𑄪 𑄚𑄬𑄃𑄨𑅁
𑄢𑄎𑄨𑄝𑄴
𑄝𑄝𑄪
𑄃𑄬𑄇𑄴𑄮
𑄉𑄳𑄢𑄟𑄩𑄚𑄴
𑄚𑄧𑄟𑄴𑄝𑄧𑄢𑄧𑄖𑄴𑄪𑄚𑄴
𑄇𑄧𑄣𑄴
𑄘𑄬𑅁
𑄢𑄨𑄥𑄨𑄞𑄴
𑄉𑄧𑄢𑄨
𑄚𑄧 𑄖𑄋𑄧𑄢𑄧𑄁𑅁
𑄇𑄧𑄣𑄴
𑄝𑄳𑄠𑄇𑄴
𑄉𑄧𑄢𑄨𑄣𑄬
𑄥𑄧𑄁𑄠𑄮𑄉𑄴
𑄚𑄬𑄃𑄨𑅁
𑄗𑄨𑄇𑄴
𑄃𑄢𑄴
𑄃𑄬𑄇𑄧𑄥𑄛𑄴𑄖
𑄛𑄧𑄢𑄴
𑄇𑄧𑄣𑄴
𑄘𑄨𑄣𑄴𑅁
𑄖𑄬 𑄟𑄧𑄢𑄬
𑄖𑄢𑄧𑄣𑄮𑄃𑄨
𑄘𑄬𑄊
𑄉𑄧𑄢𑄨𑄝𑄢𑄴
𑄇𑄧𑄙
𑄇𑄧𑄣𑄴
𑄌𑄧𑄁𑄓𑄍𑄧𑄓𑄨
𑄦𑄬𑄓𑄧𑄟𑄳𑄠𑄚𑄴
𑄛𑄢𑄖𑄴
𑄟𑄧 𑄥𑄮𑄠𑄧𑄚𑄴𑄘𑄨𑄝𑄮
𑄊𑄧𑄢𑄧𑄖𑄴𑅁
𑄥𑄨𑄙𑄪
𑄡𑄬𑄚𑄬
𑄈𑄧𑄝𑄧𑄢𑄴
𑄜𑄬𑄣𑄪𑄁
𑄃𑄢𑄴
𑄝𑄧𑄢𑄘𑄧𑄟𑄧𑄖𑄴
𑄡 𑄛𑄧𑄢𑄨𑄝𑄴𑅁
𑄝𑄧𑄢𑄘𑄧𑄟𑄴
𑄡𑄬𑄚𑄬𑄃𑄨
𑄈𑄧𑄝𑄧𑄢𑄴
𑄃𑄬𑄣𑄴
𑄌𑄟𑄨𑄚𑄨𑄍𑄧𑄢𑄖𑄴,
𑄌𑄟𑄨𑄚𑄨
𑄍𑄧𑄢𑄖𑄴
𑄡𑄘𑄬
𑄡𑄘𑄬
𑄃𑄢𑄴
𑄈𑄧𑄝𑄧𑄢𑄴
𑄃𑄬𑄣𑄴
𑄈𑄟𑄢𑄧𑄛𑄢𑄖𑄴
𑄡𑄚𑅁
𑄇𑄚𑄴
𑄛𑄘 𑄢𑄮𑄖𑄴𑅁
𑄊𑄟𑄴
𑄗𑄬𑄛𑄴
𑄗𑄬𑄛𑄴
𑄎𑄪𑄢𑄨
𑄛𑄧𑄢𑄬𑄢𑄴𑅁
𑄹 𑄊𑄧𑄚𑄴𑄘
𑄦𑄙𑄚
𑄛𑄧𑄢𑄴
𑄥𑄬𑄎𑄬
𑄌𑄟𑄨𑄚𑄨
𑄍𑄧𑄢
𑄇𑄢𑄧𑄝𑄎𑄳𑄠
𑄊𑄧𑄢𑄧𑄖𑄴
𑄡𑄚 𑄦𑄧𑄣𑄴𑅁
𑄥𑄨𑄠𑄮𑄖𑄴
𑄃𑄬𑄟𑄧𑄚𑄴
𑄇𑄪𑄇𑄧𑄙
𑄥𑄪𑄚
𑄦𑄧𑄠𑄬,
𑄝𑄝𑄠𑄳𑄠𑄧
𑄌𑄮𑄊𑄴
𑄛𑄚𑄨
𑄜𑄬𑄣𑄳𑄠𑅁
𑄼 𑄟𑄌𑄴 𑄊𑄧𑄢𑄴
𑄝𑄧𑄚𑄴𑄙𑄨
𑄃 𑄻𑄶 𑄦𑄎𑄢𑄴
𑄖𑄬𑄋
𑄎𑄪𑄢𑄨𑄟𑄚𑄴
𑄘𑄨 𑄃𑄢𑄴 𑄘𑄨𑄊𑄩𑄚𑄣𑄖𑄴
𑄜𑄨𑄢𑄨
𑄃𑄬𑄣𑄪𑄁𑅁
𑄃𑄘𑄟𑄧𑄖𑄴
𑄗𑄬𑄝𑄢𑄴
𑄃𑄢𑄴
𑄝𑄧𑄣𑄴
𑄚𑄬𑄃𑄨𑅁
𑄝𑄉𑄚𑄴
𑄉𑄧𑄢𑄚
𑄃𑄢𑄴
𑄚𑄧 𑄦𑄧𑄣𑄴𑅁
𑄝𑄚 𑄣𑄨𑄌𑄪
𑄃 𑄟𑄣𑄧𑄖
𑄝𑄉𑄚𑄴
𑄉𑄧𑄢𑄨𑄣𑄬
𑄈𑄘𑄨𑄠𑄳𑄠
𑄟𑄚𑄪𑄌𑄴
𑄚𑄧 𑄗𑄚𑄢𑄴
𑄝𑄉𑄚𑄚𑄨
𑄞𑄬𑄃𑄨𑄣𑄴
𑄉𑄧𑄢𑄨
𑄚𑄧 𑄛𑄢𑄚 𑄃𑄢𑄴 𑄖𑄬𑄋 𑄢𑄙𑄧𑄖𑄴
𑄛𑄧𑄢𑄨𑄣𑄪𑄁𑅁
𑄘𑄨𑄊𑄩𑄚𑄣𑄖𑄴
𑄃𑄬𑄣𑄬
𑄗𑄨𑄇𑄴
𑄉𑄧𑄢𑄧𑄁
𑄌𑄋𑄧𑄟
𑄣𑄬𑄊
𑄥𑄬𑄊𑄚
𑄇𑄟𑄴
𑄃𑄢𑄧𑄇𑄚𑄨
𑄉𑄧𑄢𑄨𑄣𑄧𑄁𑅁
𑄟𑄧𑄚𑄴
𑄌𑄨𑄃𑄮𑄟𑄳𑄠𑅁
𑄃𑄬𑄇𑄧𑄝𑄪𑄇𑄴
𑄌𑄨𑄘𑄬
𑄃𑄧𑄚𑄧𑄥𑄪𑄢𑄴𑅁
𑄇𑄧𑄇𑄴𑄬
𑄇𑄨 𑄦𑄧𑄠𑄴,
𑄖𑄢𑄧𑄛𑄧𑄢𑄧𑄃𑄮
𑄚𑄚𑄚𑄴
𑄃𑄧𑄚𑄧𑄖𑄧𑄚𑄧𑄢𑄴
𑄥𑄬𑄢𑄬
𑄥𑄬𑄢𑄬
𑄇𑄟𑄚𑄴
𑄌𑄣𑄬
𑄚𑄬𑄠
𑄛𑄧𑄢𑄨𑄝𑄴
𑄃𑄨𑄠𑄚𑄴
𑄟𑄧𑄢𑄴
𑄃𑄨𑄟𑄬𑅁
𑄟𑄧𑄚𑄴
𑄡𑄬 𑄘𑄪𑄇𑄴
𑄥𑄬 𑄇𑄧𑄙 𑄝𑄪𑄇𑄴
𑄍𑄨𑄢𑄨
𑄘𑄬𑄊𑄬𑄣𑄬𑄠𑄳𑄠𑄧
𑄖𑄨𑄢𑄮𑄌𑄴
𑄚𑄧 𑄟𑄧𑄢𑄬𑅁
𑄌𑄋𑄧𑄟
𑄣𑄬𑄊
𑄥𑄬𑄊𑄚
𑄇𑄟𑄚𑄴
𑄉𑄧𑄢𑄚
𑄞𑄣𑄧𑄇𑄴
𑄎𑄧𑄚𑄧𑄢𑄴
𑄥𑄧𑄟𑄢𑄬
𑄌𑄨𑄚𑄧𑄛𑄧𑄌𑄳𑄠𑄬
𑄦𑄧𑄣𑄴𑅁
𑄸𑄶𑄷𑄿
𑄥𑄣𑄧𑄖𑄴
𑄛𑄬𑄣𑄬𑄝𑄝𑄪
𑄷 𑄣𑄇𑄴 𑄖𑄬𑄋 𑄃𑄬𑄎𑄣𑄴
𑄘𑄨𑄣𑄴𑅁
𑄖𑄢𑄴
𑄃𑄬 𑄃𑄬𑄎𑄣𑄴
𑄘𑄬𑄚
𑄢𑄎𑄨𑄝𑄴
𑄝𑄝𑄪
𑄃𑄢𑄴
𑄖𑄧𑄌𑄳𑄠
𑄚𑄧 𑄣𑄉𑄠𑄴
𑄃𑄢𑄴
𑄟𑄧𑄢𑄬𑅁
𑄢𑄎𑄨𑄝𑄴
𑄝𑄝𑄪𑄖𑄴𑄪𑄚𑄴
𑄖𑄧𑄌𑄳𑄠
𑄚𑄧 𑄈𑄚𑄴 𑄃𑄬𑄙𑄧𑄇𑄳𑄠𑄬𑄚𑄴
𑄟𑄚𑄬𑄃𑄨
𑄚𑄬𑄃𑄨𑅁
𑄃𑄨𑄠𑄚𑄴
𑄟𑄬𑄢𑄪𑄁
𑄃𑄨𑄃𑄪𑄚𑄨𑄠𑄧𑄚𑄴
𑄘𑄧𑄉𑄨𑄚𑄴
𑄌𑄉𑄣𑄧𑄖𑄴
𑄃𑄧𑄟𑄧𑄦𑄧𑄘𑄴
𑄝𑄬𑄌𑄴
𑄉𑄧𑄌𑄴𑄍𑄬
𑄢𑄎𑄨𑄝𑄴
𑄝𑄝𑄪𑅁
𑄥𑄬 𑄃𑄬𑄎𑄣𑄴
𑄛𑄬𑄚𑄬𑄃𑄨
𑄝𑄪𑄉𑄴
𑄛𑄘 𑄘𑄧𑄢𑄴
𑄦𑄧𑄣𑄴𑅁
𑄌𑄨𑄘𑄬
𑄃𑄬𑄇𑄴𑄇𑄚𑄴
𑄃𑄬𑄣𑄴
𑄟𑄧𑄚𑄚𑄧𑄖𑄴𑅁
𑄘𑄨𑄊𑄩𑄚𑄣𑄖𑄴𑄪𑄚𑄴
𑄡𑄧𑄇𑄳𑄠𑄬
𑄞𑄏𑄧𑄢𑄴
𑄣𑄢𑄬𑄃𑄨
𑄃𑄢𑄧𑄇𑄚𑄨
𑄦𑄧𑄠𑄬
𑄃𑄨𑄠𑄮𑄖𑄴
𑄃𑄧𑄏𑄛𑄖𑄴
𑄥𑄴𑄇𑄮𑄠𑄢𑄴
𑄚𑄋𑄴
𑄘𑄨𑄝𑄢𑄴
𑄟𑄧𑄐𑄴𑄎𑄪𑄇𑄴
𑄉𑄧𑄢𑄧𑄁𑅁
𑄡𑄬𑄟𑄬𑄚𑄴
𑄌𑄨𑄘𑄬
𑄖𑄬𑄟𑄬𑄚𑄴
𑄇𑄟𑄴𑅁
𑄘𑄬𑄢𑄨
𑄚𑄧 𑄉𑄧𑄢𑄨
𑄛𑄧𑄣𑄳𑄠
𑄎𑄬𑄣
𑄛𑄧𑄢𑄨𑄥𑄧𑄘𑄧𑄢𑄴
𑄥𑄝𑄋𑄴𑄉𑄨
𑄥𑄪𑄚𑄚𑄪
𑄥𑄧𑄖𑄧𑄢𑄫𑄛
𑄌𑄋𑄧𑄟𑄖𑄴𑄪𑄚𑄴
𑄥𑄧𑄣
𑄌𑄁𑅁
𑄖 𑄥𑄨𑄙𑄪
𑄇𑄧𑄙
𑄟𑄬𑄣𑄨
𑄖𑄬 𑄥𑄧𑄁𑄥𑄴𑄇𑄢𑄪𑄚𑄧𑄣𑄮𑄃𑄨
𑄥𑄧𑄣
𑄉𑄧𑄢𑄨𑄝𑄢𑄴
𑄇𑄧𑄠𑄴𑅁
𑄃𑄨𑄇𑄳𑄠𑄬
𑄘𑄨𑄊𑄩𑄚𑄣
𑄥𑄧𑄁𑄥𑄴𑄇𑄢𑄴
𑄎𑄧𑄙𑄚𑄚𑄪
𑄥𑄪𑄚𑄚𑄪
𑄢𑄧𑄟𑄚𑄴
𑄌𑄋𑄧𑄟𑄭𑄙𑄪
𑄇𑄧𑄙
𑄟𑄬𑄣𑄧𑄁𑅁
𑄖𑄬𑄠𑄳𑄠𑄧
𑄃𑄬𑄇𑄴𑄇
𑄝𑄨𑄎𑄨𑄝𑄎𑄁
𑄉𑄧𑄢𑄚
𑄃𑄢𑄴
𑄇𑄟𑄚𑄴
𑄚𑄧 𑄦𑄧𑄠𑄴𑅁
𑄟𑄖𑄴𑄧𑄢𑄴
𑄝𑄪𑄉𑄧𑄢𑄴
𑄞𑄨𑄘𑄨𑄢𑄬
𑄃𑄧𑄚𑄧𑄥𑄪𑄢𑄴
𑄉𑄬𑄖𑄧𑄉𑄬𑄘𑄳𑄠𑄠𑄴𑅁
𑄇𑄬𑄚𑄬
𑄇𑄨 𑄉𑄧𑄢 𑄡𑄠𑄴 𑄞𑄝𑄧𑄁𑅁
𑄌𑄘𑄬
𑄌𑄘𑄬
𑄟𑄧 𑄟𑄙𑄃𑄪𑄉𑄪𑄢𑄬
𑄏𑄧𑄢𑄴
𑄝𑄮𑄃𑄨𑄠𑄬𑄢𑄴
𑄝𑄧𑄦𑄪𑄖𑄴
𑄉𑄧𑄋𑄬
𑄉𑄬𑄣𑄴𑅁
𑄣𑄧𑄉𑄧𑄢𑄴
𑄥𑄧𑄟𑄢𑄨
𑄦𑄎𑄬𑄣𑄪𑄁
𑄷𑄺 𑄜𑄬𑄝𑄳𑄢𑄪𑄠𑄢𑄨
𑄸𑄶𑄸𑄶
𑄥𑄣𑄧𑄖𑄴𑅁
𑄇𑄧𑄢𑄮𑄚
𑄃𑄬𑄣𑄴
𑄛𑄨𑄖𑄴𑄨𑄟𑄨
𑄝𑄪𑄉𑄧𑄖𑄴𑅁
𑄖𑄢𑄧𑄛𑄧𑄢𑄧𑄠𑄳𑄠𑄧
𑄃𑄟 𑄇𑄟𑄚𑄨
𑄟𑄧𑄦𑄴
𑄚𑄧 𑄦𑄧𑄠𑄴𑅁
𑄇𑄟𑄴
𑄌𑄧𑄣𑄨
𑄡𑄢𑄴𑅁
𑄸𑄶𑄸𑄸
𑄥𑄣𑄧𑄖𑄴
𑄝𑄨𑄏𑄪
𑄇𑄠𑄴
𑄇𑄪𑄠𑄬
𑄣𑄪𑄟𑄨𑄣𑄴𑅁
𑄃𑄢𑄴
𑄃𑄧𑄏𑄛𑄖𑄴
𑄥𑄴𑄇𑄮𑄠𑄢𑄴
𑄇𑄧𑄙
𑄚𑄪𑄃𑄧
𑄉𑄧𑄢𑄨
𑄢𑄧𑄟𑄚𑄴
𑄘𑄢𑄬
𑄃𑄨𑄙𑄮𑄖𑄴
𑄖𑄪𑄣𑄨
𑄘𑄨𑄣𑄪𑄁𑅁
𑄖𑄢𑄴
𑄇𑄧𑄙
𑄟𑄧𑄎𑄨𑄟𑄴
𑄇𑄧𑄝𑄈𑄣𑄩
𑄃𑄨𑄃𑄪𑄚𑄨𑄠𑄧𑄚𑄴
𑄌𑄬𑄠𑄢𑄧𑄟𑄳𑄠𑄚𑄴𑄬𑄢𑄬
𑄟𑄘𑄬𑄃𑄨
𑄷𑄽 𑄃𑄬𑄛𑄳𑄢𑄨𑄣𑄴
𑄸𑄶𑄸𑄸
𑄈𑄳𑄢𑄨.
𑄖𑄳𑄢𑄨𑄘𑄨𑄝𑄴
𑄘, 𑄣𑄨𑄑𑄧𑄚𑄴
𑄃 𑄟𑄪𑄃𑄨
𑄥𑄭𑄚𑄧𑄝𑄮𑄢𑄴𑄓𑄧𑄖𑄴𑄖𑄚𑄨
𑄘𑄨𑄣𑄧𑄁𑅁
𑄃𑄧𑄏𑄛𑄖𑄴
𑄥𑄴𑄇𑄮𑄠𑄢𑄴,
𑄘𑄨𑄊𑄩𑄚𑄣
– 𑄝𑄝𑄪𑄍𑄧𑄓
𑄢𑄮𑄓𑄴
𑄃 𑄘𑄨𑄊𑄩𑄚𑄣
– 𑄝𑄊𑄭𑄍𑄧𑄓𑄨
𑄃𑄪𑄛𑄧𑄎𑄬𑄣
𑄘𑄧𑄞𑄧𑄘
𑄛𑄧𑄖𑄴𑄖𑄚𑄧𑄖𑄴𑅁
𑄥𑄭𑄚𑄴
𑄝𑄮𑄢𑄴𑄓𑄧
𑄘𑄬𑄚
𑄖𑄨𑄚𑄴
𑄘𑄨𑄚𑄴
𑄛𑄧𑄢𑄴
𑄎𑄴𑄐𑄚𑄴
𑄌𑄋𑄧𑄟
𑄟𑄧𑄢𑄬
𑄇𑄧𑄣𑄴
𑄘𑄨𑄚𑄬𑄃𑄨
𑄇𑄧𑄣𑄴,
𑄥𑄭𑄚𑄴
𑄝𑄮𑄢𑄴𑄓𑄧𑄖𑄴𑄖𑄚𑄨
𑄃𑄨𑄇𑄳𑄠𑄬
𑄣𑄟𑄬
𑄚𑄬𑄠,
𑄻 𑄟𑄨𑄚𑄨𑄘𑄬𑅁
𑄟𑄪𑄃𑄨
𑄃𑄟𑄧𑄇𑄴!
𑄟𑄪𑄃𑄨
𑄥𑄧𑄇𑄳𑄠𑄬
𑄈𑄉𑄢
𑄍𑄧𑄓𑄨
𑄎𑄬𑄣
𑄛𑄧𑄢𑄨𑄥𑄧𑄘𑄧𑄖𑄴
𑄑𑄨𑄑𑄧𑄚𑄴
𑄘 𑄃𑄨𑄘𑄪
𑄃𑄬𑄇𑄴𑄇𑄚𑄴
𑄇𑄟𑄧𑄖𑄳𑄠𑄭
𑄡𑄬𑄣𑄪𑄁𑅁
𑄛𑄧𑄢𑄬
𑄖𑄳𑄢𑄨𑄘𑄨𑄝𑄴
𑄘𑄢𑄬
𑄥𑄬 𑄇𑄧𑄙 𑄎𑄚𑄬𑄣𑄪𑄁𑅁
𑄃𑄬𑄙𑄧𑄇𑄳𑄠𑄬 𑄉𑄧𑄢𑄨 𑄘𑄨𑄚𑄴 𑄖𑄮𑄢𑄬 𑄡𑄢𑄴, 𑄃𑄧𑄚𑄧𑄥𑄪𑄢𑄴 𑄞𑄝𑄧𑄁 𑄇𑄬𑄚𑄬 𑄇𑄨 𑄉𑄧𑄢 𑄡𑄠𑄴𑅁 𑄖𑄢𑄧𑄛𑄧𑄢𑄴 𑄇𑄧𑄠𑄬𑄇𑄴 𑄟𑄥𑄴 𑄛𑄧𑄢𑄬 𑄎𑄴𑄐𑄚𑄧𑄢𑄬 𑄇𑄧𑄣𑄪𑄁, 𑄖𑄪𑄟𑄨 𑄟𑄧𑄚𑄴 𑄉𑄧𑄢𑄨𑄣𑄬 𑄃𑄧𑄙𑄨𑄝𑄬𑄥𑄧𑄚𑄴 𑄘𑄊𑄨 𑄃𑄬𑄇𑄴𑄇𑄚𑄴 𑄥𑄨𑄢𑄧𑄇𑄝 𑄉𑄧𑄢𑄨𑄣𑄬 𑄛𑄢 𑄡𑄬𑄝𑄴𑅁 𑄃𑄨𑄠𑄮𑄖𑄴 𑄖𑄧 𑄚𑄋𑄚𑄧𑄃𑄮 𑄗𑄬𑄝𑄴𑅁 𑄟𑄖𑄴𑄧𑄢𑄴, 𑄦𑄬𑄘𑄮 𑄇𑄨𑄠𑄬𑄖𑄴 𑄇𑄪𑄉𑄪𑄢𑄬 𑄝𑄪𑄉𑄚 𑄝𑄘𑄬 𑄇𑄨 𑄃𑄊𑄬𑅁 𑄖𑄢 𑄘𑄧 𑄚𑄨𑄎𑄧𑄢𑄬 𑄚𑄧 𑄎𑄨𑄚𑄧𑄚𑄴𑅁 𑄟𑄧𑄚𑄬 𑄟𑄧𑄚𑄬 𑄞𑄝𑄧𑄋𑄴 𑄇𑄨 𑄉𑄧𑄢 𑄡𑄠𑄴𑅁 𑄟𑄨𑄑𑄨𑄁 𑄉𑄧𑄢𑄨 𑄃𑄬𑄇𑄴𑄇𑄚𑄴 𑄥𑄨𑄢𑄧𑄇𑄝 𑄉𑄧𑄢 𑄡𑄠𑄴 𑄚𑄬𑄚? 𑄗𑄨𑄇𑄴 𑄉𑄧𑄢𑄨𑄣𑄪𑄁, 𑄃𑄬𑄙𑄧𑄇𑄳𑄠𑄬 𑄉𑄧𑄢𑄨 𑄝𑄚 𑄥𑄨𑄠𑄚𑄧𑄘𑄮𑄃𑄨 𑄟𑄨𑄑𑄨𑄁 𑄘𑄉𑄨𑄣𑄬 𑄚𑄧’ 𑄃𑄬𑄝𑄇𑄴𑅁 𑄌𑄋𑄧𑄟 𑄝𑄧𑄃𑄨 𑄟𑄬𑄣 𑄃𑄬𑄇𑄴𑄇𑄚𑄴 𑄉𑄧𑄢𑄨 𑄛𑄢 𑄡𑄠𑄴 𑄚𑄬𑄚 𑄞𑄝𑄧𑄘𑄬 𑄃𑄧𑄣𑄴 𑄌𑄋𑄧𑄟 𑄝𑄧𑄃𑄨 𑄟𑄬𑄣𑅁 𑄃𑄪𑄘𑄴𑄬𑄥𑄳𑄠𑄧 𑄃𑄬𑄇𑄴𑄇𑄚𑄴, 𑄃𑄬𑄇𑄴𑄇𑄚𑄴 𑄃𑄧𑄙𑄨𑄝𑄬𑄥𑄧𑄚𑄴 𑄣𑄬𑄊𑄨 𑄦𑄣𑄧𑄝𑄨𑄘𑄬𑄚𑄴 𑄇𑄮𑄃𑄨 𑄥𑄭𑄚𑄴 𑄣𑄧𑄝𑄧𑄁𑅁 𑄖𑄧𑄝𑄬 𑄃𑄬 𑄝𑄧𑄃𑄨𑄟𑄬𑄣 𑄉𑄧𑄢𑄚 𑄃𑄢𑄳𑄠𑄴𑄧𑄟𑄨𑄖𑄳𑄢𑄧 𑄘𑄢𑄴 𑄟𑄧𑄚𑄧𑄢𑄴 𑄝𑄧𑄣𑄴 𑄘𑄨𑄠𑄳𑄠𑅁 𑄖𑄬𑄃𑄮 𑄛𑄧𑄣𑄳𑄠 𑄇𑄧𑄙 𑄟𑄬𑄣𑄳𑄠𑅁 𑄖 𑄟𑄪𑄠𑄮𑄖𑄴𑄪𑄚𑄴 𑄟𑄪𑄚𑄨 𑄟𑄧𑄢𑄴 𑄃𑄢𑄴 𑄘𑄴𑄝𑄨𑄉𑄪𑄚𑄴 𑄟𑄧𑄚𑄧𑄝𑄧𑄣𑄴 𑄝𑄢𑄨𑄣𑄴𑅁 𑄖𑄨𑄚𑄴 𑄘𑄨𑄚𑄴 𑄝𑄧𑄃𑄨 𑄟𑄬𑄣 𑄜𑄬𑄣𑄬𑄣𑄧𑄠𑄴𑅁 𑄃𑄨𑄠𑄚𑄴 𑄝𑄁𑄣𑄘𑄬𑄏𑄧𑄢𑄴 𑄛𑄧𑄣𑄳𑄠 𑄌𑄋𑄧𑄟 𑄝𑄧𑄃𑄨 𑄟𑄬𑄣𑅁 𑄸𑄶 𑄜𑄬𑄝𑄳𑄢𑄪𑄠𑄢𑄨 𑄜𑄁𑄜𑄧𑄉𑄧𑄘𑄋𑄴 𑄉𑄧𑄢𑄬 𑄃𑄢𑄳𑄠𑄴𑄧 𑄟𑄨𑄖𑄳𑄢𑄧 𑄘 𑄃 𑄚𑄧𑄇𑄧𑄝𑄌𑄳𑄠 𑄉𑄧𑄢𑄧𑄝 𑄃𑄬𑄣𑄴 𑄟𑄧𑄗𑄪𑄢 𑄝𑄨𑄇𑄥𑄴 𑄘𑅁
𑄟𑄖𑄴𑄧𑄢𑄴,
𑄡𑄢 𑄟𑄬𑄣𑄖𑄴
𑄝𑄧𑄣𑄚𑄳𑄠
𑄘𑄨𑄣𑄧𑄁
𑄖𑄢 𑄚𑄧’ 𑄃𑄬𑄠𑄚
𑄃𑄟𑄢𑄴
𑄃𑄢𑄴
𑄘𑄪𑄇𑄴
𑄞𑄢𑄨
𑄡𑄬𑄣𑄴𑅁
𑄃𑄟𑄢𑄴
𑄃𑄧𑄏𑄛𑄖𑄴
𑄥𑄴𑄇𑄮𑄠𑄢𑄴
𑄝𑄚 𑄡𑄬 𑄃𑄧𑄙𑄨𑄝𑄬𑄥𑄧𑄚𑄴
𑄃 𑄥𑄨𑄢𑄧𑄇𑄝
𑄦𑄧𑄠𑄬
𑄥𑄬 𑄇𑄉𑄮𑄌𑄴
𑄥𑄭𑄚𑄴
𑄖𑄪𑄣𑄴
𑄛𑄧𑄢𑄬𑄢𑄴𑅁
𑄸 𑄟𑄢𑄴𑄌𑄧
𑄎𑄴𑄐𑄚𑄧𑄖𑄴𑄪𑄚𑄴
𑄥𑄭𑄚𑄴
𑄣𑄧𑄝𑄖𑄳𑄠
𑄡𑄬𑄚𑄬
𑄥𑄭𑄚𑄴
𑄚𑄧 𑄘𑄬𑅁 𑄃𑄊𑄬 𑄟𑄚𑄧𑄌𑄳𑄠
𑄥𑄭𑄚𑄴
𑄘𑄨𑄣𑄬
𑄖𑄬 𑄘𑄨𑄝𑄴
𑄃𑄬 𑄇𑄧𑄙 𑄇𑄧𑄣𑄴𑅁
𑄃𑄟𑄨
𑄥𑄬𑄘𑄨𑄚𑄴
𑄥𑄪𑄣𑄮𑄇𑄧𑄥𑄧𑄥𑄩
𑄘𑄣𑄮𑄃𑄨
𑄝𑄧𑄑𑄧𑄖𑄧𑄣
𑄝𑄎𑄢𑄴
𑄙𑄧𑄢𑄴𑄟𑄧
𑄎𑄳𑄠𑄮𑄖𑄨
𑄘 𑄝𑄮𑄚𑄴𑄮
𑄘𑄮𑄉𑄚𑄴
𑄟𑄪𑄏𑄪𑄋𑄬
𑄃𑄬𑄉𑄧𑄖𑄴𑄧𑄢𑄴
𑄃𑄧𑄣𑄧𑄁𑅁
𑄹 𑄟𑄢𑄴𑄌𑄧
𑄾 𑄟𑄢𑄴𑄌𑄧
𑄸𑄶𑄸𑄼
𑄝𑄝𑄪𑄍𑄧𑄓𑄖𑄴𑄪𑄚𑄴
𑄊𑄧𑄢𑄬
𑄊𑄧𑄢𑄬
𑄡𑄬𑄃𑄨
𑄡𑄬𑄃𑄨
𑄥𑄭𑄚𑄴
𑄖𑄪𑄣𑄨𑄣𑄧𑄁𑅁
𑄝𑄬𑄇𑄴𑄪𑄚𑄬
𑄃𑄬𑄇𑄧𑄟𑄧𑄖𑄴
𑄘𑄮𑄣𑄴
𑄃𑄬𑄇𑄴𑄇𑄚𑄴
𑄇𑄟𑄴
𑄃𑄧𑄢𑄴𑅁
𑄝𑄬𑄇𑄴𑄪𑄚𑄧𑄖𑄴𑄪𑄚𑄴
𑄃𑄧𑄢𑄴𑄗𑄖𑄴
𑄘𑄨𑄊𑄩𑄚𑄣
𑄟𑄪𑄣𑄪𑄇𑄴
𑄟𑄪𑄣𑄪𑄇𑄴
𑄦𑄬𑄓𑄧𑄟𑄳𑄠𑄚𑄴,
𑄇𑄢𑄧𑄝𑄢𑄨,
𑄌𑄬𑄠𑄢𑄧𑄟𑄳𑄠𑄚𑄴,
𑄟𑄬𑄟𑄴𑄝𑄢𑄴,
𑄃𑄧𑄝𑄴:
𑄌𑄉𑄪𑄢𑄨𑄝𑄧𑄣,
𑄟𑄌𑄧𑄖𑄧𑄢𑄴,
𑄛𑄧𑄢𑄴𑄝𑄮𑄠,
𑄇𑄧𑄝𑄨,
𑄥𑄦𑄨𑄖𑄳𑄠𑄨𑄇𑄴
𑄥𑄪𑄟𑄪𑄖𑄴𑄧
𑄻𑄶 𑄎𑄧𑄚𑄧𑄖𑄴𑄪𑄚𑄴
𑄥𑄭𑄚𑄴
𑄣𑄧𑄁𑅁
𑄃𑄨𑄇𑄳𑄠𑄬
𑄃𑄢𑄴
𑄎𑄴𑄐𑄚𑄴
𑄃𑄨𑄙𑄪
𑄡𑄬𑄣𑄪𑄁𑅁
𑄇𑄨𑄖𑄴𑄬
𑄡𑄬 𑄎𑄉𑄚𑄧𑄖𑄴
𑄃𑄧𑄏𑄛𑄖𑄴
𑄥𑄴𑄇𑄮𑄠𑄢𑄴
𑄉𑄧𑄢
𑄦𑄧𑄢𑄴
𑄥𑄨𑄝𑄬
𑄇𑄧𑄝𑄈𑄣𑄩
𑄃𑄨𑄃𑄪𑄚𑄨𑄠𑄧𑄚𑄧𑄢𑄴
𑄌𑄬𑄠𑄢𑄧𑄟𑄳𑄠𑄚𑄴
𑄎𑄴𑄐𑄚𑄴
𑄌𑄋𑄧𑄟𑅁
𑄥𑄬𑄚𑄬
𑄖𑄢𑄬
𑄈𑄧𑄣𑄚𑄚𑄪
𑄉𑄨𑄢𑄨
𑄉𑄧𑄢𑄚
𑄖 𑄚𑄋𑄚𑄴
𑄘𑄨𑄠𑄳𑄠
𑄦𑄧𑄠𑄬𑅁
𑄡𑄧𑄇𑄳𑄠𑄬
𑄇𑄉𑄮𑄌𑄴𑄍𑄚𑄴
𑄚𑄬𑄉𑄬𑄣𑄬
𑄘𑄨𑄣𑄪𑄁
𑄇𑄧𑄣𑄴,
𑄖𑄧𑄟𑄢𑄬
𑄇𑄧𑄣𑄪𑄁𑄉𑄬
𑄟𑄧𑄢𑄬
𑄈𑄧𑄣𑄚𑄚𑄪
𑄚𑄧 𑄘𑄨𑄝𑄢𑄴𑅁
𑄃𑄧𑄚𑄳𑄠𑄧
𑄃𑄬𑄇𑄧𑄎𑄧𑄚𑄧𑄢𑄬
𑄘𑄨𑄝𑄢𑄴𑅁
𑄖𑄢𑄬
𑄟𑄪𑄃𑄨
𑄇𑄧𑄣𑄪𑄁,
𑄥𑄬 𑄇𑄧𑄙 𑄚𑄧 𑄃𑄬𑄣𑄴,
𑄃𑄬𑄣𑄴
𑄝𑄬𑄇𑄴𑄪𑄚𑄧𑄖𑄴𑄪𑄚𑄴
𑄥𑄭𑄚𑄴
𑄖𑄪𑄣𑄨𑄣𑄬
𑄟𑄪𑄃𑄨
𑄘𑄨𑄟𑄴𑅁
𑄃𑄬 𑄇𑄧𑄙 𑄇𑄧𑄣𑄬𑅁
𑄖𑄢𑄧𑄛𑄧𑄢𑄧𑄠𑄳𑄠𑄧
𑄃𑄢𑄴
𑄇𑄧𑄣𑄪𑄁,
𑄗𑄨𑄇𑄴
𑄃𑄊𑄬,
𑄖𑄬𑄟𑄴𑄟𑄋𑄧𑄖𑄴
𑄥𑄧𑄟𑄢𑄴
𑄝𑄧𑄘𑄚
𑄥𑄬 𑄥𑄭𑄚𑄴𑄮
𑄘𑄬𑅁
𑄟𑄧𑄚𑄬
𑄚𑄧 𑄇𑄧𑄠𑄴
𑄉𑄧𑄢𑄨
𑄥𑄭𑄚𑄴
𑄘𑄨𑄣𑄴𑅁
𑄘𑄠𑄧𑄖𑄴
𑄛𑄧𑄢𑄨𑄚𑄬𑄃𑄨𑅁
𑄷𑄶 𑄟𑄢𑄴𑄌𑄧
𑄘𑄨𑄊𑄩𑄚𑄣
𑄥𑄧𑄁𑄥𑄴𑄇𑄢𑄴
𑄃𑄧𑄜𑄨𑄏𑄧𑄖𑄴
𑄝𑄨𑄏𑄪
𑄟𑄬𑄣
𑄛𑄮𑄃𑄨𑄘𑄳𑄠𑄚𑄬
𑄖𑄬𑄟𑄴𑄟𑄁𑅁
𑄖𑄬𑄟𑄴𑄟𑄋𑄧𑄖𑄴
𑄝𑄬𑄇𑄴
𑄇𑄢𑄧𑄝𑄢𑄨,
𑄦𑄬𑄓𑄧𑄟𑄳𑄠𑄚𑄴
𑄘𑄉𑄨𑄣𑄇𑄴𑅁
𑄃𑄨𑄠𑄮𑄖𑄴
𑄟𑄧𑄢𑄧𑄠𑄳𑄠𑄧
𑄎𑄪 𑄦𑄧𑄠𑄬
𑄃𑄢𑄴
𑄇𑄨𑄏𑄪
𑄥𑄭𑄚𑄴
𑄣𑄧𑄝𑄢𑄴𑅁
𑄥𑄬𑄎𑄬
𑄝𑄨𑄇𑄥𑄴
𑄦𑄬𑄓𑄧𑄟𑄳𑄠𑄚𑄴𑄬
𑄃 𑄉𑄧𑄉𑄧𑄕𑄴
𑄝𑄨𑄇𑄥𑄴
𑄌𑄋𑄧𑄟
(𑄝𑄝𑄪𑄍𑄧𑄓
𑄃𑄨𑄃𑄪𑄚𑄨𑄠𑄧𑄚𑄴
𑄌𑄬𑄠𑄢𑄧𑄟𑄳𑄠𑄚𑄴)
𑄣𑄧𑄝𑄢𑄴
𑄡𑄬𑄚𑄬𑄃𑄨
𑄞𑄬𑄎𑄣𑄧𑄖𑄴
𑄛𑄧𑄢𑄨𑄣𑄪𑄁𑅁
𑄞𑄬𑄎𑄣𑄴
𑄦𑄧𑄣𑄧𑄘𑄬
𑄖𑄢 𑄇𑄧𑄠𑄴
𑄎𑄴𑄐𑄚𑄴
𑄌𑄋𑄧𑄟
𑄗𑄚𑄢𑄴
𑄖𑄢 𑄘𑄴𑄝𑄨𑄎𑄧𑄚𑄧𑄢𑄬
𑄇𑄨 𑄇𑄧𑄣𑄴
𑄚𑄧’ 𑄥𑄪𑄚𑄨𑄣𑄬𑄠𑄳𑄠𑄧
𑄦𑄣𑄬𑄃𑄨
𑄉𑄧𑄌𑄴𑄍𑄮𑄁,
𑄇𑄨𑄏𑄪
𑄃𑄬𑄇𑄴𑄇𑄚𑄴
𑄇𑄧𑄣𑄴𑅁
𑄥𑄬𑄚𑄬
𑄖𑄢 𑄘𑄴𑄝𑄨𑄎𑄧𑄚𑄬
𑄥𑄭𑄚𑄴
𑄚𑄧 𑄘𑄳𑄠𑄪𑄚𑄴𑅁
𑄛𑄧𑄢𑄬𑄘𑄨
𑄖𑄳𑄢𑄨𑄘𑄨𑄝𑄴
𑄘𑄣𑄮𑄃𑄨
𑄎𑄬𑄚𑄬𑄃𑄨
𑄝𑄨𑄇𑄥𑄴
𑄌𑄋𑄧𑄟𑄖𑄴𑄪𑄚𑄴
𑄥𑄭𑄚𑄴
𑄣𑄧𑄣𑄧𑄁𑅁
𑄃𑄬𑄙𑄧𑄇𑄳𑄠𑄬
𑄉𑄧𑄢𑄨
𑄡𑄘𑄬
𑄡𑄘𑄬
𑄸𑄹 𑄟𑄢𑄴𑄌𑄧
𑄘𑄨𑄊𑄩𑄚𑄣
– 𑄝𑄝𑄪𑄍𑄧𑄓
𑄃 𑄘𑄨𑄊𑄩𑄚𑄣
– 𑄝𑄊𑄭𑄍𑄧𑄓𑄨
𑄃𑄪𑄛𑄧𑄎𑄬𑄣
𑄘𑄧𑄞𑄧𑄘
𑄛𑄧𑄖𑄴𑄗𑄚𑄧𑄖𑄴
𑄖𑄨𑄚𑄴
𑄇𑄨𑄗𑄳𑄠𑄘𑄨
𑄖𑄨𑄚𑄚𑄴
𑄥𑄭𑄚𑄧𑄝𑄮𑄢𑄴𑄓𑄧
𑄘𑄨𑄣𑄧𑄁𑅁
𑄥𑄨𑄠𑄮𑄖𑄴
𑄌𑄋𑄧𑄟
𑄦𑄧𑄢𑄧𑄉𑄬
𑄃 𑄝𑄁𑄣 𑄦𑄧𑄢𑄧𑄉𑄬
𑄣𑄬𑄊
𑄃𑄊𑄬
“𑄃𑄧𑄏𑄛𑄖𑄴
𑄥𑄴𑄇𑄮𑄠𑄢𑄴𑅁
𑄝𑄬𑄌𑄴
𑄥𑄧𑄟𑄧𑄠𑄴
𑄚𑄧 𑄉𑄧𑄋𑄬𑄣𑄴𑅁
𑄢𑄬𑄖𑄴
𑄖𑄳𑄢𑄨𑄘𑄨𑄝𑄴
𑄘 𑄇𑄧𑄣𑄴𑅁
𑄥𑄧𑄇𑄳𑄠𑄬
𑄢𑄬𑄖𑄴
𑄿: 𑄺𑄺 𑄟𑄨𑄚𑄨𑄖𑄴𑅁
𑄎𑄴𑄐𑄚𑄴
𑄌𑄋𑄧𑄟
𑄚𑄠𑄨
𑄟𑄧𑄢𑄬
𑄇𑄧𑄣𑄴
𑄘𑄨𑄚𑄬𑄃𑄨
𑄚𑄧 𑄛𑄢𑄴𑅁
𑄟𑄪𑄃𑄨
𑄖𑄢𑄬
𑄇𑄧𑄣𑄴
𑄘𑄨𑄣𑄪𑄁𑅁
𑄚𑄧 𑄛𑄁𑅁 𑄥𑄬 𑄇𑄧𑄙 𑄃𑄢𑄴 𑄖𑄳𑄢𑄨𑄘𑄨𑄝𑄴
𑄘𑄢𑄬
𑄎𑄚𑄬𑄣𑄪𑄁𑅁
𑄿: 𑄻𑄿 𑄟𑄨𑄚𑄨𑄘𑄬
𑄃𑄢𑄴
𑄥𑄧𑄟𑄩𑄢𑄴
𑄌𑄋𑄧𑄟
𑄇𑄧𑄣𑄴𑅁
𑄥𑄧𑄟𑄩𑄢𑄴
𑄌𑄋𑄧𑄟
𑄥𑄧𑄁𑄥𑄴𑄇𑄢𑄧𑄢𑄴
𑄘𑄋𑄧𑄢𑄴
𑄇𑄝𑄨𑄘𑄳𑄠𑄋𑄴
𑄘𑄨𑄊𑄩𑄚𑄣
𑄗𑄚 𑄇𑄧𑄟𑄨𑄖𑄨𑅁
𑄖 𑄛𑄪𑄎𑄮𑄢𑄴
𑄥𑄭𑄚𑄴
𑄝𑄮𑄢𑄴𑄓𑄧𑄖𑄴𑄖𑄚𑄨
𑄇𑄧𑄚𑄳𑄚
𑄇𑄧𑄣𑄴
𑄚𑄬𑄚
𑄘𑄨𑄝𑄢𑄴?
𑄖𑄬 𑄈𑄧𑄝𑄧𑄢𑄴
𑄛𑄠𑄴
𑄇𑄧𑄚𑄳𑄚
𑄘𑄨𑄠𑄳𑄠𑅁
𑄇𑄧𑄟𑄴
𑄝𑄬𑄌𑄴
𑄥𑄨𑄠𑄚𑄴
𑄥𑄪𑄚𑄴𑄬𑅁
𑄃𑄟𑄨
𑄡𑄬 𑄥𑄬 𑄎𑄉𑄚𑄴
𑄃𑄧𑄏𑄛𑄖𑄴
𑄥𑄴𑄇𑄮𑄠𑄢𑄴
𑄝𑄚𑄬𑄢𑄴𑅁
𑄖𑄢𑄧𑄛𑄧𑄢𑄧𑄃𑄮
𑄖𑄧𑄌𑄳𑄠
𑄚𑄬𑄃𑄨
𑄉𑄧𑄢𑄨
𑄖𑄢𑄬
𑄥𑄬 𑄇𑄧𑄙 𑄇𑄧𑄣𑄪𑄁𑅁
𑄸𑄺 𑄟𑄢𑄴𑄌𑄧
𑄸𑄶𑄸𑄼,
𑄝𑄬𑄚𑄳𑄠𑄟𑄙𑄚𑄴
𑄷𑄷:𑄸 𑄟𑄨𑄚𑄨𑄖𑄴𑅁
𑄥𑄧𑄁𑄥𑄴𑄇𑄢𑄴
𑄛𑄨𑄥𑄨𑄛𑄨
𑄇𑄧𑄣𑄴𑅁
𑄖𑄬 𑄟𑄧𑄢𑄬
𑄥𑄧𑄁𑄥𑄴𑄇𑄢𑄴
𑄃𑄧𑄜𑄨𑄏𑄧𑄖𑄴
𑄡𑄬𑄝𑄢𑄴
𑄇𑄧𑄣𑄴𑅁
𑄃𑄚𑄴𑄘𑄌𑄴
𑄉𑄧𑄢𑄨𑄣𑄪𑄁
𑄎𑄴𑄐𑄚𑄴
𑄌𑄬𑄠𑄢𑄧𑄟𑄳𑄠𑄚𑄴𑄬
𑄇𑄧𑄢𑄧𑄟𑄴𑅁
𑄖𑄢𑄬
𑄇𑄧𑄣𑄪𑄁
𑄟𑄪𑄃𑄨
𑄃𑄬𑄖𑄴𑄬
𑄃𑄬𑄇𑄴𑄇
𑄘𑄬𑄢𑄨
𑄃𑄧𑄃𑄨
𑄛𑄢𑄬𑅁
𑄃𑄢𑄴
𑄇𑄧𑄣𑄴,
𑄷𑄷:𑄸𑄸 𑄟𑄨𑄚𑄨𑄘𑄬𑅁
𑄡𑄘𑄨
𑄡𑄬𑄝𑄢𑄴
𑄇𑄧𑄣𑄴𑅁
𑄘𑄬𑄢𑄨
𑄚𑄧 𑄉𑄧𑄢𑄨
𑄉𑄬𑄣𑄪𑄁𑅁
𑄃𑄧𑄜𑄨𑄥𑄧𑄖𑄴
𑄚𑄧𑄠𑄴,
𑄟𑄨𑄚𑄴𑄖𑄪
𑄘𑄮𑄉𑄢𑄴
𑄟𑄪𑄏𑄪𑄋𑄬𑅁
𑄖𑄢 𑄞𑄣𑄧𑄇𑄴
𑄎𑄧𑄚𑄴
𑄝𑄮𑄃𑄨
𑄃𑄊𑄧𑄚𑄴𑅁
𑄇𑄣𑄙𑄧𑄚𑄴
𑄘 𑄃 𑄎𑄴𑄐𑄚𑄴
𑄌𑄬𑄠𑄢𑄧𑄟𑄳𑄠𑄚𑄴𑄬
𑄥𑄧𑄢𑄬
𑄝𑄮𑄣𑄪𑄁𑅁
𑄇𑄣𑄙𑄧𑄚𑄴
𑄘 𑄛𑄧𑄢𑄬
𑄃𑄪𑄘𑄨
𑄃𑄬𑄣𑄬
𑄎𑄴𑄐𑄚𑄴
𑄇𑄧𑄙
𑄟𑄬𑄣𑄨𑄣𑄴𑅁
𑄡 𑄝𑄬𑄃𑄨𑄎𑄴𑄮𑄖𑄴
𑄉𑄧𑄢𑄨
𑄛𑄢𑄬
𑄉𑄧𑄢𑄨𑄢𑄴𑅁
𑄥𑄬𑄎𑄬
𑄇𑄧𑄣𑄴,
𑄟𑄪𑄃𑄨
𑄡𑄬𑄙𑄧𑄇𑄴
𑄘𑄨𑄚𑄴
𑄌𑄬𑄠𑄳𑄠𑄟𑄳𑄠𑄚𑄴
𑄗𑄁 𑄥𑄬𑄙𑄧𑄇𑄴
𑄘𑄨𑄚𑄴
𑄖𑄪𑄃𑄨
𑄟𑄧 𑄃𑄨𑄃𑄪𑄚𑄨𑄠𑄧𑄚𑄧𑄖𑄴
𑄇𑄟𑄧𑄉𑄧𑄢𑄨
𑄚𑄧’ 𑄛𑄢𑄨𑄝𑄬𑅁
𑄃𑄨𑄃𑄪𑄛𑄨𑄓𑄨𑄃𑄬𑄜𑄴,
𑄎𑄬𑄃𑄬𑄥𑄧𑄃𑄬𑄥𑄴
𑄉𑄧𑄢𑄧𑄣𑄮𑄃𑄨𑅁
𑄥𑄨𑄠𑄧𑄖𑄴
𑄥𑄟𑄨𑄣𑄬
𑄃𑄬𑄣𑄴𑅁
𑄖𑄬 𑄇𑄧𑄣𑄴,
𑄇𑄨 𑄃𑄧𑄏𑄛𑄖𑄴,
𑄖𑄧𑄏𑄛𑄖𑄴……𑅁 𑄛𑄧𑄢𑄬
𑄛𑄳𑄢𑄧𑄖𑄨
𑄈𑄩𑄥
𑄘 𑄟𑄘𑄨 𑄣𑄧𑅁 𑄖𑄬 𑄇𑄧𑄠𑄴,
𑄃𑄨𑄚𑄧𑄎𑄬𑄝𑄬
𑄡𑄬 𑄇𑄟𑄚𑄴
𑄉𑄧𑄢𑄬𑄢𑄴
𑄟𑄪𑄃𑄨
𑄇𑄧𑄟𑄴
𑄝𑄬𑄌𑄴
𑄈𑄧𑄝𑄧𑄢𑄴
𑄛𑄬𑄃𑄨,
𑄥𑄪𑄚𑄴𑄬𑄃𑄨𑅁
𑄥𑄬 𑄎𑄉𑄚𑄴
𑄡𑄪𑄚𑄨
𑄎𑄨𑄠
𑄥𑄴𑄇𑄮𑄠𑄢𑄴,
𑄦𑄘𑄨
𑄥𑄴𑄇𑄮𑄠𑄢𑄴
𑄃𑄧𑄃𑄨
𑄡𑄠𑄴?
𑄥𑄬 𑄇𑄧𑄢𑄧𑄟𑄚𑄴
(𑄘𑄠𑄴)
𑄖𑄪𑄟𑄨
𑄣𑄧𑄝?
𑄟𑄪𑄃𑄨
𑄥𑄨𑄠𑄮𑄖𑄴
𑄝𑄬𑄌𑄴
𑄚𑄧 𑄗𑄬𑄃𑄨
𑄊𑄧𑄢𑄧𑄖𑄴
𑄃𑄬𑄣𑄪𑄁𑅁
𑄃𑄬𑄖𑄴𑄬,
𑄢𑄧𑄟𑄚𑄴
𑄘𑄢𑄬
𑄃𑄬 𑄊𑄧𑄘𑄧𑄚𑄢𑄴
𑄇𑄧𑄙
𑄇𑄮𑄃𑄨
𑄃𑄬𑄣𑄪𑄁𑅁
𑄖𑄬 𑄥𑄧𑄣 𑄘𑄨𑄣𑄴,
𑄚𑄨𑄖𑄨𑄥𑄴
𑄝𑄝𑄪𑄢𑄬
𑄎𑄚𑄬𑄝𑄢𑄴𑅁
𑄊𑄧𑄢𑄧𑄖𑄴 𑄣𑄪𑄟𑄧𑄘𑄬 𑄚𑄧 𑄣𑄪𑄟𑄧𑄘𑄬 𑄘𑄴𑄝𑄨𑄎𑄧𑄚𑄴 𑄟𑄚𑄪𑄌𑄴 𑄃𑄬𑄣𑄇𑄴𑅁 𑄎𑄴𑄐𑄚𑄴 𑄌𑄋𑄧𑄟 𑄚𑄮𑄑𑄨𑄥𑄴 𑄛𑄘𑄬𑄣𑄴, 𑄹:𑄹𑄶 𑄟𑄨𑄚𑄨𑄘𑄬𑅁
𑄃𑄬 𑄊𑄧𑄘𑄧𑄚𑄚𑄴 𑄟𑄧𑄢𑄴 𑄃𑄬𑄇𑄴𑄇𑄚𑄴 𑄣𑄢𑄬𑄃𑄨 𑄃 𑄟 𑄞𑄏𑄧𑄢𑄴 𑄇𑄨𑄗𑄳𑄠 𑄟𑄧𑄢𑄴 𑄃𑄨𑄟𑄬𑄢𑄴 𑄃𑄬𑄇𑄴𑄇𑄚𑄴 𑄎𑄬𑄘 𑄘𑄧𑄣𑄨𑄣𑄴𑅁 𑄥𑄧𑄖𑄴 𑄝𑄙, 𑄃𑄧𑄛𑄧𑄟𑄚𑄴 𑄃 𑄈𑄪𑄘𑄨 𑄟𑄪𑄏𑄪𑄋𑄴-𑄟𑄪𑄏𑄪𑄋𑄨 𑄦𑄧𑄚𑄬𑄃𑄨𑄠𑄳𑄠𑄧 𑄃𑄧𑄏𑄛𑄖𑄴 𑄥𑄴𑄇𑄮𑄠𑄢𑄴 𑄃𑄬𑄇𑄴𑄇𑄠𑄳𑄠𑄧 𑄗𑄬𑄛𑄴 𑄚𑄧’ 𑄛𑄧𑄢𑄬𑅁 𑄃𑄬 𑄃𑄧𑄏𑄛𑄖𑄴 𑄥𑄴𑄇𑄮𑄠𑄢𑄴 𑄝𑄚 𑄃𑄬𑄇𑄴𑄇𑄚𑄴 𑄚𑄋𑄴 𑄚𑄧𑄠𑄴, 𑄃𑄨𑄠𑄚𑄴 𑄌𑄋𑄧𑄟 𑄞𑄏𑄧𑄢𑄴 𑄃 𑄢𑄨𑄘𑄨𑄥𑄪𑄙𑄮𑄟𑄧𑄣𑄠𑄴 𑄣𑄢𑄬𑄃𑄨𑄠𑄧𑄢𑄴 𑄟𑄏𑄢𑅁
𑄸𑄼 𑄟𑄢𑄴𑄌𑄧 𑄸𑄶𑄸𑄼𑅁 𑄥𑄧𑄁𑄥𑄴𑄇𑄢𑄧𑄢𑄴 𑄃𑄧𑄜𑄨𑄏𑄧𑄖𑄴 𑄖𑄳𑄢𑄨𑄘𑄨𑄝𑄴 𑄘 𑄥𑄪𑄟𑄪𑄖𑄴𑄧 𑄡𑄬𑄣𑄧𑄁𑅁 𑄚𑄮𑄑𑄨𑄥𑄧𑄢𑄴 𑄛𑄮𑄃𑄨𑄘𑄳𑄠𑄚𑄬 𑄇𑄧𑄙 𑄇𑄧𑄝𑄖𑄳𑄠𑅁 𑄃𑄧𑄜𑄨𑄏𑄧𑄖𑄴 𑄡𑄬𑄝𑄢𑄴 𑄃𑄊𑄬 𑄖𑄳𑄢𑄨𑄘𑄨𑄝𑄴 𑄘𑄣𑄮𑄃𑄨 𑄜𑄨𑄝𑄧𑄣𑄧𑄇𑄴 𑄃𑄧𑄣𑄧𑄁𑅁 𑄎𑄴𑄐𑄚𑄧𑄢𑄬 𑄟𑄨𑄚𑄴𑄖𑄪 𑄘𑄮𑄉𑄚𑄧𑄖𑄴 𑄘𑄬𑄊𑄨𑄚𑄬𑄃𑄨 𑄥𑄨𑄙𑄪 𑄉𑄬𑄣𑄪𑄁𑅁 𑄟𑄪𑄃𑄨 𑄟𑄧𑄚𑄬 𑄉𑄧𑄌𑄴𑄍𑄮𑄁 𑄖𑄬 𑄥𑄨𑄠𑄧𑄖𑄴 𑄃𑄊𑄬𑅁 𑄖 𑄏𑄪 𑄎𑄚𑄬 𑄛𑄪𑄎𑄮𑄢𑄴 𑄉𑄧𑄢𑄨𑄣𑄪𑄁 𑄖𑄳𑄢𑄨𑄘𑄨𑄝𑄴 𑄘𑄧 𑄇𑄧𑄙𑅁 𑄖𑄢 𑄥𑄨𑄠𑄮𑄖𑄴 𑄚𑄧𑄢𑄬𑄥𑄴 𑄝𑄝𑄪 𑄥𑄪𑄟𑄪𑄖𑄴𑄧 𑄞𑄣𑄧𑄇𑄴 𑄎𑄧𑄚𑄴 𑄃𑄊𑄧𑄚𑄴𑅁 𑄎𑄴𑄐𑄚𑄴 𑄇𑄧𑄣𑄴, 𑄖𑄧𑄢𑄬 𑄘𑄬𑄊𑄨𑄣𑄬 𑄟𑄧𑄢𑄴 𑄢𑄇𑄴 𑄃𑄪𑄘𑄬𑅁 𑄖𑄧𑄢𑄬 𑄛𑄧𑄖𑄴 𑄘𑄨𑄠𑄬𑄣𑄨 𑄟𑄠𑄴 𑄟𑄢𑄨𑄟𑄴𑅁 𑄟𑄪𑄃𑄨 𑄃𑄟𑄧𑄇𑄴𑅁 𑄇𑄧𑄚𑄴 𑄇𑄧𑄙 𑄚𑄧 𑄇𑄮𑄃𑄨 𑄃𑄧𑄜𑄨𑄏𑄧𑄖𑄴 𑄡𑄬𑄣𑄪𑄁𑅁
𑄃𑄧𑄜𑄨𑄏𑄧𑄖𑄴 𑄥𑄨𑄥𑄨𑄖𑄧𑄝𑄝𑄪, 𑄥𑄧𑄟𑄩𑄢𑄧𑄝𑄝𑄪 𑄃 𑄢𑄧𑄟𑄚𑄴 𑄘 𑄥𑄪𑄟𑄪𑄖𑄴𑄧 𑄟𑄬𑄢𑄪𑄁 𑄃𑄨𑄃𑄪𑄚𑄨𑄠𑄧𑄚𑄴 𑄌𑄬𑄠𑄟𑄳𑄠𑄚𑄴 𑄟𑄨𑄚, 𑄘𑄨𑄊𑄩𑄚𑄣 𑄃𑄨𑄃𑄪𑄚𑄨𑄠𑄧𑄚𑄴 𑄌𑄬𑄠𑄢𑄧𑄟𑄳𑄠𑄚𑄴 𑄌𑄧𑄚𑄴𑄘𑄳𑄢𑄧 𑄢𑄧𑄐𑄴𑄎𑄧𑄚𑄴 𑄌𑄋𑄧𑄟 𑄃 𑄝𑄝𑄪𑄍𑄧𑄓 𑄃𑄨𑄃𑄪𑄚𑄨𑄠𑄧𑄚𑄴 𑄌𑄬𑄠𑄢𑄧𑄟𑄳𑄠𑄚𑄴 𑄉𑄧𑄉𑄧𑄕𑄴 𑄝𑄨𑄇𑄥𑄴 𑄌𑄋𑄧𑄟 𑄘𑄊𑄨 𑄃𑄬𑄣𑄇𑄴𑅁 𑄇𑄧𑄙 𑄇𑄮𑄃𑄨 𑄝𑄪𑄏 𑄉𑄬𑄣𑄴, 𑄃𑄧𑄏𑄛𑄖𑄴 𑄥𑄴𑄇𑄮𑄠𑄢𑄴 𑄥𑄭𑄚𑄧𑄝𑄮𑄢𑄴𑄓𑄧 𑄎𑄴𑄐𑄚𑄴 𑄞𑄋𑄨 𑄘𑄨𑄠𑄳𑄠𑅁 𑄖𑄢𑄢𑄴 𑄝𑄧𑄢𑄟𑄧𑄖𑄴- 𑄷𑅁 𑄥𑄨𑄠𑄬𑄚𑄴 𑄚𑄋𑄚𑄴 𑄟𑄭𑄚𑄨 𑄢𑄨𑄥𑄮𑄢𑄴𑄑𑄧 𑄃 𑄇𑄧𑄚𑄴 𑄚𑄋𑄴 𑄃𑄧𑄃𑄨 𑄚𑄧 𑄛𑄢𑄬𑅁 𑄸𑅁 𑄥𑄭𑄚𑄧𑄝𑄮𑄢𑄴𑄓𑄧 𑄘𑄨𑄝𑄢𑄴 𑄃𑄉𑄬 𑄖𑄢𑄢𑄬 𑄎𑄚 𑄚𑄧 𑄦𑄧𑄠𑄴𑅁
𑄟𑄭𑄚𑄨 𑄢𑄨𑄥𑄮𑄢𑄴𑄑𑄧 𑄃𑄬𑄇𑄴𑄇𑄚𑄴 𑄘𑄮𑄉𑄚𑄴 𑄚𑄋𑄴𑅁 𑄥𑄨𑄠𑄚𑄴 𑄗𑄬𑄝𑄴𑅁 𑄝𑄬𑄇𑄴𑄪𑄚𑄬 𑄡𑄧𑄇𑄳𑄠𑄬 𑄥𑄭𑄚𑄴 𑄘𑄨𑄣𑄇𑄴 𑄃𑄢𑄴 𑄇𑄢𑄴 𑄎𑄧𑄚𑄧𑄢𑄬 𑄎𑄚𑄝𑄢𑄴 𑄇𑄧𑄙 𑄚𑄧 𑄚𑄧 𑄃𑄬𑄠𑄬𑄢𑄴𑅁 𑄇𑄨𑄗𑄳𑄠 𑄃𑄨𑄠𑄚𑄴 𑄇𑄢𑄧𑄢𑄴 𑄣𑄞𑄴 𑄚𑄬𑄃𑄨, 𑄎𑄪𑄟𑄴𑄧 𑄎𑄘𑄧𑄢𑄴 𑄇𑄟𑄴, 𑄎𑄪𑄟𑄴𑄧 𑄎𑄘𑄧𑄢𑄴 𑄣𑄞𑄴𑅁
𑄃𑄢𑄴 𑄝𑄪𑄏𑄧𑄘𑄬 𑄘𑄬𑄢𑄨 𑄚𑄬𑄃𑄨, 𑄖𑄢 𑄃𑄢𑄧𑄟𑄨𑄃𑄪𑄚𑄧𑄢𑄴 𑄟𑄪𑄇𑄧𑄛𑄖𑄴𑄨 𑄃𑄧𑄃𑄨 𑄇𑄟𑄴 𑄉𑄧𑄢𑄧𑄚𑄴𑅁 𑄡𑄪𑄚𑄨 𑄃𑄨𑄠𑄚𑄴 𑄏𑄧𑄣𑄧𑄇𑄧𑄛𑄧𑄣𑄧𑄇𑄴 𑄦𑄧𑄠𑄴, 𑄃𑄨𑄠𑄚𑄧𑄖𑄴𑄪𑄚𑄴 𑄛𑄮𑄖𑄧𑄛𑄮𑄖𑄳𑄠 𑄦𑄧𑄣𑄴𑅁 𑄃𑄚𑄥𑄚𑄴𑅁 𑄥𑄬 𑄥𑄧𑄟𑄢𑄬 𑄥𑄪𑄢𑄴 𑄟𑄬𑄣𑄬𑄣𑄴 𑄉𑄧𑄉𑄧𑄕𑄴 𑄝𑄨𑄇𑄥𑄴 𑄌𑄋𑄧𑄟𑅁 𑄈𑄧𑄝𑄧𑄢𑄴 𑄚𑄧 𑄛𑄁 𑄃𑄬 𑄙𑄧𑄇𑄳𑄠𑄬𑄚𑄴 𑄘𑄪𑄣𑄧𑄙𑄧𑄢𑄨𑄠𑄳𑄠𑄣𑄮𑄃𑄨 𑄎𑄘𑄧𑄢𑄴 𑄥𑄁𑄍𑄢 𑄇𑄬𑄚𑄬 𑄢𑄧𑄈𑄳𑄠𑄬 𑄉𑄧𑄢𑄚?
𑄟𑄪𑄢𑄪𑄣𑄳𑄠 𑄌𑄉𑄣𑄖𑄴 𑄟𑄧𑄢𑄴𑄓𑄚𑄨𑄎𑄧𑄟𑄴: 𑄢𑄨𑄘𑄨𑄥𑄪𑄙𑄮𑄟𑄴 𑄡𑄧𑄇𑄳𑄠𑄬 𑄛𑄧𑄕𑄳𑄠𑄧 𑄃𑄧𑄃𑄨 𑄃𑄪𑄘𑄬
𑄟𑄪𑄢𑄪𑄣𑄳𑄠 𑄌𑄉𑄣𑄖𑄴 𑄃𑄬𑄌𑄳𑄠𑄬 𑄡𑄬 𑄟𑄧𑄓𑄢𑄴𑄚𑄨𑄎𑄧𑄟𑄴 𑄘𑄬𑄊 𑄡𑄢𑄴, 𑄥𑄨𑄠𑄚𑄴 𑄃𑄎𑄧𑄣𑄬 𑄃𑄙𑄪𑄚𑄨𑄇𑄴 𑄃𑄧𑄝𑄢𑄴 𑄌𑄬𑄢𑄬𑄌𑄴𑄖 𑄚𑄧𑄠𑄴𑅁 𑄃𑄨𑄠𑄚𑄴 𑄦𑄧𑄣𑄧 𑄥𑄎𑄨𑄠𑄳𑄠 – 𑄉𑄮𑄎𑄨𑄠𑄳𑄠 𑄃𑄬𑄇𑄴𑄇𑄚𑄴 𑄚𑄪𑄃𑄧 𑄃𑄧𑄢𑄡𑄪𑄇𑄴𑅁 𑄝𑄢𑄬𑄖𑄴𑄪𑄚𑄴 𑄌𑄘𑄬 𑄌𑄮𑄇𑄴 𑄎𑄪𑄢𑄠𑄴, 𑄞𑄨𑄘𑄨𑄢𑄬 𑄞𑄨𑄘𑄨𑄢𑄬 𑄃𑄬𑄇𑄴𑄮 𑄎𑄘𑄧𑄢𑄬 𑄞𑄧𑄌𑄴 𑄚𑄬𑄉𑄬𑄝𑄢𑄴 𑄇𑄪𑄛𑄇𑄴𑅁
‘𑄢𑄪𑄑𑄴𑄥𑄴 𑄜𑄬𑄥𑄴𑄑𑄨𑄞𑄳𑄠𑄣𑄴’ 𑄃𑄬 𑄥𑄚𑄴 𑄜𑄁𑄥𑄚𑄚𑄨𑄖𑄴 𑄟𑄪𑄢𑄪𑄣𑄳𑄠 𑄢𑄨𑄘𑄨𑄥𑄪𑄙𑄮𑄟𑄴 𑄎𑄨𑄁𑄇𑄚𑄨 𑄇𑄧𑄖𑄴𑄖 𑄃𑄨𑄎𑄬𑄝𑄬 𑄚𑄧𑄠𑄴, 𑄟𑄧𑄐𑄴𑄌𑄧𑄢𑄴 𑄥𑄎𑄴 𑄃𑄨𑄎𑄬𑄝𑄬 𑄟𑄪 𑄘𑄬𑄊𑄠𑄴𑅁 𑄥𑄧𑄁𑄞𑄫𑄃𑄨𑄠𑄮𑄖𑄴𑄪𑄚𑄴 𑄃𑄚 𑄥𑄨𑄣𑄴𑄛𑄩𑄃𑄪𑄚𑄬 𑄃𑄬𑄭 𑄟𑄪𑄢𑄪𑄣𑄳𑄠 𑄌𑄉𑄣 𑄟𑄚𑄬𑄭𑄃𑄪𑄚𑄧𑄢𑄬 𑄥𑄬𑄊𑄚𑄴 𑄖𑄢 𑄢𑄨𑄘𑄨𑄥𑄪𑄙𑄮𑄟𑄴 𑄇𑄨𑄋𑄨𑄢𑄨 𑄘𑄬𑄊 𑄛𑄧𑄢𑄬𑅁 𑄃𑄨𑄠𑄮𑄖𑄴 𑄢𑄨𑄘𑄨𑄥𑄪𑄙𑄮𑄟𑄴 𑄃 𑄟𑄚𑄬𑄭𑄃𑄪𑄚𑄧𑄢𑄴 𑄘𑄨𑄚𑄴 𑄖𑄮𑄢𑄚 𑄚𑄧𑄠𑄴, 𑄃𑄨𑄠𑄚𑄴 𑄛𑄳𑄦𑄧𑄢𑄴, 𑄇𑄳𑄠𑄟𑄴𑄢 𑄃 𑄟𑄚𑄴𑄍𑄮𑄣𑄠𑄴 𑄝𑄚𑄬𑄠𑄳𑄠 𑄛𑄧𑄕𑄳𑄠𑄧𑅁
𑄃𑄬 𑄃𑄪𑄖𑄴𑄥𑄧𑄝𑄴𑄠𑄚𑄨 𑄃𑄘𑄨𑄝𑄥𑄩 𑄟𑄚𑄬𑄭𑄃𑄪𑄚𑄴 𑄟𑄚𑄪𑄌𑄴 𑄃𑄢𑄴 𑄟𑄚𑄪𑄌𑄴 𑄃𑄨𑄎𑄬𑄝𑄬 𑄚𑄧 𑄗𑄚𑄴𑅁 𑄖𑄢𑄢𑄴 𑄃𑄪𑄢𑄧𑄚𑄴 -𑄛𑄨𑄢𑄮𑄚𑄴, 𑄈𑄬𑄝𑄢𑄴, 𑄚𑄌𑄴, 𑄇𑄨𑄠𑄳𑄠, 𑄦𑄏𑄨– 𑄝𑄬𑄇𑄴𑄇𑄚𑄨 𑄃𑄬𑄗𑄧𑄚𑄨𑄇𑄴 𑄃𑄇𑄧𑄢𑄴𑄥𑄧𑄕𑄴” 𑄃𑄨𑄎𑄬𑄝𑄬 𑄝𑄬𑄎 𑄦𑄧𑄠𑄴𑅁 𑄌𑄋𑄴𑄟, 𑄟𑄢𑄴𑄟, 𑄖𑄨𑄝𑄨𑄢𑄬, 𑄛𑄁𑄇𑄮, 𑄟𑄳𑄢𑄮, 𑄈𑄪𑄟𑄨 ………. 𑄖𑄢 𑄡𑄬𑄚𑄴 𑄎𑄬𑄘 𑄟𑄚𑄪𑄌𑄴 𑄚𑄧𑄠𑄴, 𑄝𑄧𑄝𑄧𑄁 𑄌𑄮𑄇𑄴 𑄖𑄟𑄏𑄢𑄴 𑄘𑄧𑄢𑄧𑄛𑄴𑅁
𑄖𑄢 𑄇𑄧𑄙 𑄇𑄧𑄝𑄇𑄴 𑄥𑄬 𑄞𑄌𑄴𑄍𑄚𑄴𑄠𑄳𑄠𑄧 𑄖𑄢 𑄇𑄮𑄃𑄨 𑄚𑄧 𑄛𑄢𑄧𑄚𑄴𑅁 𑄇𑄨 𑄇𑄧𑄝𑄇𑄴, 𑄇𑄨 𑄇𑄮𑄃𑄨 𑄚𑄧 𑄛𑄢𑄨𑄝𑄇𑄴 – 𑄝𑄬𑄇𑄴 𑄃𑄉𑄬𑄙𑄧𑄢𑄨 𑄗𑄨𑄇𑄴 𑄉𑄧𑄢𑄨 𑄘𑄳𑄠𑄪𑄚𑄴𑅁 𑄡𑄬𑄚𑄴 𑄞𑄬𑄎𑄣𑄴 𑄚𑄧 𑄦𑄧𑄠𑄴 𑄛𑄢, 𑄡𑄬𑄚𑄴 𑄇𑄢𑄧𑄢𑄴 𑄟𑄧𑄚𑄧𑄖𑄴 𑄛𑄪𑄎𑄮𑄢𑄴 𑄚𑄧 𑄃𑄪𑄘𑄬𑅁 𑄥𑄪𑄠𑄮𑄣𑄴 𑄉𑄧𑄢𑄨𑄝𑄢𑄴 𑄎𑄉𑄚𑄨 𑄦𑄧𑄠𑄴 “𑄌𑄮𑄇𑄴 𑄎𑄪𑄢𑄚𑄨 𑄖𑄟𑄏” 𑄃 𑄥𑄬 𑄌𑄮𑄇𑄴 𑄎𑄪𑄢𑄚𑄨 𑄖𑄟𑄏𑄖𑄴 𑄃𑄉𑄪𑄚𑄴 𑄟𑄪𑄢𑄨 𑄡𑄠𑄴𑅁
𑄃𑄬 𑄥𑄁𑄥𑄴𑄇𑄳𑄢𑄨𑄖𑄨𑄢𑄴 𑄜𑄁𑄥𑄚𑄧𑄢𑄴 𑄎𑄪𑄉𑄧𑄣𑄴 𑄉𑄧𑄢𑄧𑄚𑄴 𑄃𑄬𑄇𑄴 𑄝𑄝𑄧𑄖𑄳𑄠𑄭 𑄃𑄬𑄣𑄨𑄑𑄴 𑄖𑄧𑄟𑄴𑄝- 𑄡𑄢 𑄝𑄨𑄘𑄬𑄏𑄧𑄖𑄴 𑄣𑄬𑄊 𑄛𑄧𑄢 𑄉𑄧𑄢𑄨 ‘𑄟𑄣𑄴𑄑𑄨𑄇𑄣𑄴𑄌𑄢𑄣𑄨𑄎𑄧𑄟𑄴’ 𑄥𑄨𑄊𑄨 𑄃𑄬𑄡𑄧𑄚𑄴, 𑄃𑄬𑄚'𑄎𑄨𑄃𑄮 𑄌𑄣𑄚𑄴, 𑄜𑄚𑄴𑄓𑄴 𑄃𑄚𑄧𑄚𑄴, 𑄃𑄪𑄖𑄴𑄥𑄧𑄝𑄴 𑄎𑄪𑄉𑄧𑄣𑄴 𑄉𑄧𑄢𑄧𑄚𑄴𑅁 𑄟𑄪𑄢𑄪𑄣𑄳𑄠 𑄌𑄉𑄣 𑄟𑄳𑄦𑄎𑄧𑄚𑄴𑄠𑄳𑄠𑄧 𑄚𑄧𑄠𑄴 𑄃 𑄚𑄙𑄠𑄳𑄠𑄧 𑄚𑄧𑄠𑄴 𑄃𑄬 𑄝𑄝𑄧𑄖𑄳𑄠 𑄖𑄧𑄟𑄴𑄝𑄝𑄮𑄢𑄬 𑄃𑄬 𑄌𑄮𑄇𑄴𑄎𑄪𑄢𑄚𑄨 𑄢𑄨𑄘𑄨𑄥𑄪𑄙𑄮𑄟𑄴𑄮𑄃𑄨 𑄟𑄧𑄚𑄴 𑄉𑄧𑄣𑄬 𑄘𑄳𑄠𑄪𑄚𑄴𑅁 𑄃𑄧𑄚𑄬𑄇𑄴 𑄣𑄬𑄊𑄨𑄠𑄳𑄠-𑄥𑄨𑄣𑄴𑄛𑄩𑄠𑄳𑄠𑄧 𑄥𑄨𑄠𑄚𑄨𑄖𑄴 𑄥𑄧𑄟𑄢𑄴 𑄝𑄧𑄘𑄧𑄚𑄴𑅁
𑄃𑄨𑄠𑄚𑄴 𑄝𑄬𑄉𑄧𑄖𑄴𑄪𑄚𑄴 𑄝𑄬𑄌𑄴 𑄚𑄇𑄴 𑄚𑄇𑄴 𑄙𑄧𑄁 𑄉𑄣𑄨𑄠𑄳𑄠𑅁 𑄡𑄢 𑄟𑄧𑄐𑄴𑄌𑄧𑄖𑄴 𑄗𑄨𑄠𑄳𑄠𑄚𑄬𑄭 𑄟𑄨𑄣𑄬𑄢𑄴 𑄃𑄪𑄖𑄴𑄨𑄛𑄪𑄖𑄴𑄨𑄢𑄴 𑄇𑄧𑄙 𑄇𑄧𑄚𑄴, 𑄖𑄢 𑄃𑄢𑄴 𑄃𑄬 𑄢𑄨𑄘𑄨𑄥𑄪𑄙𑄮𑄟𑄧 𑄝𑄎𑄢𑄧 𑄇𑄧𑄖𑄴𑄖 (𑄃𑄧𑄁𑄥𑄧)𑅁 𑄇𑄢 𑄟𑄨𑄣𑄬𑄝𑄘𑄧𑄢𑄴 𑄞𑄌𑄴 𑄚𑄬𑄡𑄚𑄴 𑄛𑄧𑄎𑄨𑄟𑄧𑄖𑄴𑄪𑄚𑄴, ‘𑄃𑄧𑄗𑄬𑄚𑄴𑄑𑄨𑄇𑄴’ 𑄌𑄨𑄚𑄧𑄛𑄧𑄌𑄳𑄠𑄬 𑄚𑄬𑄡𑄚𑄴 𑄟𑄪𑄢𑄪𑄣𑄳𑄠 𑄌𑄉𑄣𑄖𑄴𑄪𑄚𑄴, 𑄃 𑄟𑄨𑄙𑄬 𑄖𑄧𑄟𑄴𑄝𑄌𑄴 𑄚𑄬𑄡𑄚𑄴 𑄥𑄧𑄁𑄞𑄫𑄃𑄨𑄠𑄮𑄢𑄴 𑄢𑄨𑄘𑄨𑄥𑄪𑄙𑄮𑄟𑄧𑄖𑄴𑄪𑄚𑄴𑅁 𑄃𑄨𑄠𑄚𑄴 𑄝𑄚 𑄘𑄨𑄝𑄝𑄧𑄖𑄳𑄠 𑄜𑄎 𑄚𑄧𑄠𑄴- 𑄃𑄨𑄠𑄚𑄴 𑄢𑄎𑄴𑄚𑄰𑄖𑄨𑄇𑄧𑄢𑄴 𑄝𑄨𑄌𑄳𑄠𑄬𑄌𑄴 𑄞𑄋𑄚𑅁
𑄃𑄬 𑄢𑄨𑄘𑄨𑄥𑄪𑄙𑄮𑄟𑄴 𑄛𑄪𑄎𑄨𑄢𑄴 𑄝𑄨𑄛𑄧𑄇𑄴𑄬 𑄗𑄨𑄠𑄳𑄠 𑄚𑄧 𑄛𑄢𑄬, 𑄇𑄨𑄖𑄴𑄬 𑄖𑄬 𑄥𑄬 𑄚𑄨𑄎𑄬 𑄛𑄪𑄎𑄨𑄢𑄴 𑄞𑄏𑄧𑄢𑄴 𑄇𑄧𑄙 𑄇𑄧𑄚𑄴𑅁 𑄟𑄪𑄢𑄪𑄣𑄳𑄠 𑄌𑄉𑄣 𑄟𑄚𑄬𑄭𑄃𑄪𑄚𑄴 𑄛𑄧𑄖𑄴𑄨𑄇𑄴𑄘𑄨𑄚𑄴 𑄞𑄫𑄟𑄨, 𑄞𑄌𑄴, 𑄚𑄨𑄢𑄛𑄧𑄖𑄴𑄖 𑄃 𑄃𑄧𑄥𑄴𑄖𑄨𑄖𑄴𑄧𑄣𑄠𑄴 𑄣𑄢𑄬𑄃𑄨 𑄉𑄧𑄢𑄧𑄚𑄴- 𑄥𑄨𑄠𑄮𑄖𑄴 𑄥𑄨𑄣𑄴𑄛𑄩𑄃𑄪𑄚𑄧𑄢𑄴 𑄇𑄟𑄴 𑄇𑄨 𑄝𑄚 𑄃𑄪𑄖𑄴𑄥𑄧𑄝𑄴 𑄥𑄎𑄚?
𑄢𑄥𑄴𑄑𑄳𑄢𑄧 𑄡𑄪𑄇𑄴 𑄡𑄪𑄇𑄴 𑄙𑄧𑄢𑄨 𑄟𑄪𑄢𑄪𑄣𑄳𑄠 𑄌𑄉𑄣𑄖𑄴 𑄝𑄧𑄏𑄧𑄌𑄴𑄖𑄨 𑄝𑄚𑄚, 𑄃𑄢𑄴𑄟𑄨 𑄟𑄪𑄢𑄪𑄣𑄳𑄠 𑄌𑄉𑄣𑄖𑄴 𑄝𑄧𑄢𑄚 𑄃 𑄃𑄪𑄚𑄴𑄧𑄠𑄧𑄚𑄴 𑄚𑄋𑄬 𑄎𑄉 𑄇𑄢𑄨 𑄣𑄧𑄚 𑄌𑄧𑄣𑄬𑄢𑄴𑅁 𑄃𑄬𑄙𑄧𑄇𑄳𑄠𑄬 𑄘𑄨𑄚𑄴 𑄟𑄙𑄚𑄧𑄖𑄴𑄠𑄳𑄠𑄧 𑄥𑄨𑄣𑄴𑄛𑄩𑄃𑄪𑄚𑄧𑄢𑄴 𑄞𑄌𑄴 𑄃𑄣𑄘 𑄚𑄧 𑄦𑄧𑄣𑄬, 𑄖𑄢 𑄇𑄨 𑄥𑄧𑄖𑄳𑄠𑄨𑄇𑄢𑄧𑄢𑄴 𑄥𑄨𑄣𑄴𑄛𑄩 𑄦𑄧𑄚𑄴 𑄇𑄨𑄋𑄨𑄢𑄨?
𑄢𑄥𑄴𑄑𑄳𑄢𑄧 𑄡𑄬𑄚𑄴 𑄟𑄪𑄢𑄪𑄣𑄳𑄠 𑄌𑄉𑄣 𑄟𑄚𑄬𑄭𑄃𑄪𑄚𑄧𑄢𑄬 “𑄈𑄪𑄘𑄳𑄢𑄧 𑄚𑄪𑄉𑄮𑄥𑄴𑄒𑄩” 𑄝𑄚𑄬𑄠𑄳𑄠, 𑄗𑄨𑄇𑄴 𑄥𑄬𑄙𑄧𑄇𑄳𑄠𑄬𑄚𑄴 𑄉𑄧𑄢𑄨 𑄃𑄬 𑄥𑄁𑄥𑄴𑄇𑄳𑄢𑄨𑄖𑄨𑄇𑄴 𑄃𑄬𑄣𑄨𑄑𑄴 𑄟𑄪𑄢𑄪𑄣𑄳𑄠 𑄌𑄉𑄣𑄝𑄮𑄢𑄬 𑄝𑄚𑄬𑄣𑄇𑄴 𑄗𑄨𑄟𑄴𑅁 𑄚𑄨𑄌𑄨𑄘𑄬, 𑄘𑄮𑄣𑄴 𑄉𑄧𑄢𑄨 𑄝𑄎𑄢𑄧𑄖𑄴 𑄝𑄬𑄎𑄚 𑄥𑄚𑄴𑅁 𑄥𑄣𑄬𑄚𑄴 𑄥𑄥𑄧𑄇𑄴 𑄃 𑄃𑄬 𑄥𑄨𑄣𑄴𑄛𑄩𑄃𑄪𑄚𑄧𑄢𑄴 𑄥𑄬𑄢𑄬 𑄜𑄢𑄧𑄇𑄴𑄇𑄚𑄴 𑄇𑄪𑄙𑄪?
𑄢𑄨𑄘𑄨𑄥𑄪𑄙𑄮𑄟𑄴 𑄡𑄪𑄚𑄨 𑄟𑄪𑄇𑄴𑄖𑄨 𑄇𑄧𑄙 𑄚𑄧 𑄇𑄧𑄠𑄴, 𑄡𑄪𑄚𑄨 𑄇𑄪-𑄦𑄞𑄚𑄨 𑄚𑄧 𑄃𑄇𑄴𑄮𑄃𑄨- 𑄥𑄣𑄬𑄚𑄴 𑄥𑄨𑄠𑄚𑄴 𑄃𑄧𑄞𑄧 𑄝𑄚 𑄥𑄎𑄨𑄠𑄳𑄠 𑄊𑄧𑄢𑄴𑅁 𑄟𑄪𑄢𑄪𑄣𑄳𑄠 𑄌𑄉𑄣𑄖𑄴 𑄇𑄧𑄚𑄧 𑄃𑄪𑄖𑄴𑄥𑄧𑄝𑄴 𑄢𑄧𑄁𑄙𑄧𑄁 𑄉𑄧𑄢𑄨𑄝𑄢𑄴 𑄚𑄧𑄠𑄴𑅁 𑄟𑄪𑄢𑄪𑄣𑄳𑄠 𑄌𑄉𑄣 𑄦𑄧𑄣𑄧 𑄣𑄮 𑄉𑄋𑄴 𑄞𑄬𑄭 𑄡𑄬𑄭𑄠𑄳𑄠 𑄃𑄬𑄇𑄴 𑄢𑄎𑄴𑄚𑄰𑄖𑄨𑄇𑄴 𑄝𑄥𑄴𑄖𑄧𑄝𑄧𑄖𑅁 𑄃𑄬 𑄝𑄥𑄴𑄖𑄧𑄝𑄧𑄖𑄣𑄮𑄃𑄨 𑄟𑄪𑄏𑄪𑄋𑄧𑄢𑄴 𑄟𑄪𑄏𑄪𑄋𑄨 𑄃𑄧𑄃𑄨 𑄚𑄧 𑄛𑄢𑄨𑄣𑄬 𑄇𑄧𑄚𑄧 𑄟𑄧𑄢𑄴𑄓𑄚𑄨𑄎𑄧𑄟𑄴𑄠𑄳𑄠𑄧 𑄃𑄙𑄪𑄚𑄨𑄇𑄴 𑄚𑄧𑄠𑄴𑅁 𑄥𑄨𑄠𑄚𑄴 𑄝𑄚 𑄃𑄪𑄛𑄧𑄚𑄨𑄝𑄬𑄏𑄧𑄢𑄴 𑄚𑄪𑄃𑄧 𑄍𑄧𑄣𑄧𑄁𑅁
𑄇𑄮𑄃𑄨 𑄡𑄠𑄴, 𑄉𑄬𑄣𑄴𑄬 𑄷𑄽-𑄷𑄾 𑄃𑄬𑄛𑄳𑄢𑄨𑄣𑄴 𑄸𑄶𑄸𑄼 𑄈𑄳𑄢𑄨. 𑄝𑄨𑄏𑄪𑄢𑄴 𑄢𑄋𑄟𑄖𑄳𑄠 𑄢𑄎𑄴𑄝𑄓𑄨 𑄛𑄧𑄙𑄧𑄖𑄴 𑄥𑄝𑄢𑄁 𑄇𑄧𑄟𑄨𑄃𑄪𑄚𑄨𑄑𑄨 𑄥𑄬𑄚𑄴𑄑𑄢𑄧𑄖𑄴 '𑄘𑄳𑄠𑄧 𑄢𑄪𑄑𑄴𑄥𑄴 𑄜𑄬𑄥𑄴𑄑𑄨𑄞𑄳𑄠𑄣𑄴' (The Roots Festival) 𑄜𑄁𑄥𑄚𑄴 𑄎𑄪𑄉𑄧𑄣𑄴 𑄉𑄧𑄢𑄧𑄚𑄴𑅁 𑄥𑄨𑄠𑄮𑄖𑄴 𑄘𑄬𑄊 𑄡𑄨𑄠𑄬 𑄛𑄨𑄚𑄮𑄚𑄴 𑄘𑄨𑄚𑄬𑄃𑄨 𑄛𑄧𑄖𑄴𑄗𑄚𑄨 𑄥𑄎 𑄦𑄧𑄠𑄬𑅁
𑄝𑄰𑄥𑄝𑄨 𑄚𑄧𑄠𑄴, 𑄃𑄪𑄖𑄴𑄥𑄧𑄝𑄴 𑄃𑄮𑄇𑄴 𑄡𑄢𑄴 𑄡𑄢𑄴 𑄚𑄋𑄬
𑄌𑄮𑄖𑄴 𑄟𑄎𑄳𑄠𑄬 𑄇𑄚𑄴𑄛𑄘 𑄢𑄮𑄘𑄧𑄖𑄴 𑄡𑄧𑄈𑄳𑄠𑄬 𑄇𑄧𑄃𑄪𑄚𑄴 𑄘𑄨𑄊𑄮𑄣𑄴 𑄥𑄪𑄢𑄬 𑄇𑄪𑄢𑄮𑄚𑄖𑄴 𑄃𑄦𑄧𑄣𑄴 𑄛𑄦𑄧𑄣𑄴 𑄦𑄧𑄚𑄴, 𑄡𑄬𑄇𑄳𑄠𑄬 𑄟𑄮𑄚𑄴 𑄟𑄪𑄢𑄮 𑄖𑄢𑄪𑄟𑄴 𑄏𑄢𑄧𑄖𑄴 𑄦𑄬𑄃𑄨𑄣𑄴 𑄉𑄏𑄧 𑄏𑄪𑄝𑄮 𑄥𑄬𑄢𑄬𑄖𑄴𑄪𑄚𑄴 𑄇𑄮𑄉𑄨𑄣𑄴, 𑄇𑄖𑄴𑄮𑄣𑄴 𑄛𑄝𑄮𑄇𑄴 𑄃 𑄇𑄪𑄠𑄬 𑄛𑄬𑄃𑄨𑄉𑄧 𑄟𑄨𑄙𑄬 𑄥𑄪𑄢𑄬 𑄘𑄉𑄨 𑄡𑄠𑄴- 𑄗𑄨𑄇𑄴 𑄥𑄧𑄇𑄳𑄠𑄬 𑄚𑄇𑄴𑄥, 𑄢𑄨𑄝𑄬𑄇𑄴 𑄜𑄪𑄣𑄧 𑄖𑄪𑄟𑄴𑄝𑄏𑄬 𑄃 𑄖𑄧𑄢𑄨𑄁 𑄜𑄪𑄣𑄧 𑄙𑄪𑄛𑄴 𑄢𑄧𑄋𑄚𑄨 𑄇𑄮𑄃𑄨 𑄘𑄬 𑄎𑄪𑄟𑄴𑄧𑄃𑄪𑄚𑄧𑄢𑄴 𑄥𑄋𑄪 𑄘𑄪𑄃𑄧𑄢𑄧𑄖𑄴 𑄝𑄨𑄏𑄪, 𑄝𑄰𑄥𑄪, 𑄥𑄁𑄉𑄳𑄢𑄭, 𑄝𑄨𑄥𑄪, 𑄝𑄨𑄦𑄪, 𑄌𑄁𑄇𑄳𑄢𑄚𑄴, 𑄌𑄁𑄣𑄚𑄴, 𑄛𑄖 𑄣𑄪𑄟𑄨𑄣𑄧𑅁 𑄃𑄧𑄎𑄧𑄣𑄴 -𑄚𑄨𑄎𑄧, 𑄛𑄧𑄣𑄴𑄣-𑄛𑄪𑄣𑄴𑄨 𑄟𑄮𑄚𑄴-𑄟𑄪𑄢𑄴 𑄥𑄬𑄢𑄬 𑄃𑄬 𑄦𑄨𑄣𑄴 𑄌𑄘𑄨𑄉𑄋𑄧𑄖𑄴 𑄃𑄬 𑄃𑄬𑄇𑄴 𑄟𑄧𑄦𑄬𑄚𑄴𑄘𑄳𑄢𑄧 𑄈𑄬𑄚𑄴𑅁
𑄦𑄨𑄣𑄴 𑄌𑄘𑄨𑄉𑄋𑄧𑄢𑄴 𑄃𑄬 𑄥𑄨𑄢𑄨𑄥𑄪𑄙𑄮𑄟𑄴 𑄃𑄪𑄖𑄴𑄥𑄧𑄝𑄧𑄢𑄴 𑄛𑄢𑄧𑄖𑄴 𑄃𑄬𑄝𑄢𑄴 𑄜𑄪𑄘𑄨 𑄃𑄪𑄖𑄴𑄬 𑄚𑄪𑄃𑄧 𑄢𑄧𑄋𑄴𑅁 𑄝𑄁𑄣𑄘𑄬𑄌𑄴 𑄥𑄙𑄨𑄚𑄧𑄖𑄢𑄴 𑄛𑄧𑄢𑄧𑄖𑄴𑄪𑄚𑄴 𑄙𑄧𑄢𑄨 𑄦𑄨𑄣𑄴 𑄌𑄘𑄨𑄉𑄋𑄴 𑄝𑄨𑄏𑄪 𑄛𑄣 𑄦𑄧𑄠𑄴 𑄌𑄨𑄃𑄮𑄟𑄳𑄠 𑄉𑄧𑄢𑄨𑅁 𑄚𑄚𑄚𑄴 𑄞𑄬𑄎𑄣𑄧 𑄥𑄬𑄢𑄬 𑄝𑄨𑄏𑄪 𑄃𑄬𑄡𑄬𑅁 𑄃𑄬𑄝𑄢𑄴 𑄛𑄢𑄴𑄝𑄧𑄖𑄳𑄠𑄧 𑄟𑄚𑄴𑄖𑄳𑄢𑄩 𑄃𑄳𑄠𑄓𑄴. 𑄘𑄩𑄛𑄬𑄚𑄴 𑄘𑄬𑄃𑄮𑄠𑄚𑄬 𑄃𑄬𑄇𑄴𑄇𑄚𑄴 𑄇𑄧𑄙𑄠𑄴 𑄦𑄨𑄣𑄧𑄢𑄴 𑄟𑄚𑄬𑄃𑄨𑄠𑄧𑄢𑄴 𑄝𑄪𑄉𑄧𑄖𑄴 𑄚𑄪𑄃𑄧 𑄃𑄏𑄠𑄴 𑄜𑄪𑄣𑄴 𑄜𑄪𑄘𑄨 𑄡𑄢𑄴𑅁
𑄿 𑄃𑄬𑄛𑄳𑄢𑄨𑄣𑄴 𑄸𑄶𑄸𑄼 𑄥𑄧𑄌𑄨𑄝𑄣𑄧𑄠𑄧𑄖𑄴 𑄛𑄳𑄢𑄬𑄥𑄴 𑄝𑄳𑄢𑄨𑄜𑄨𑄋𑄬 𑄛𑄢𑄴𑄝𑄧𑄖𑄳𑄠𑄧 𑄟𑄧𑄚𑄴𑄖𑄳𑄢𑄩 𑄥𑄪𑄚𑄚𑄪 𑄘𑄩𑄛𑄬𑄚𑄴 𑄘𑄬𑄝𑄚𑄬 𑄛𑄧𑄢𑄇𑄴 𑄛𑄧𑄢𑄇𑄴 𑄉𑄧𑄢𑄨 𑄇𑄮𑄃𑄨𑄠𑄬, 𑄃𑄨𑄇𑄳𑄠𑄬𑄖𑄴𑄪𑄚𑄴 𑄙𑄧𑄢𑄨 𑄃𑄢𑄴 “𑄝𑄰𑄥𑄝𑄨” 𑄚𑄧𑄠𑄴, 𑄛𑄧𑄖𑄴𑄨𑄇𑄴 𑄎𑄘𑄬 𑄖𑄢𑄴 𑄚𑄨𑄎𑄧𑄢𑄴 𑄞𑄏𑄬 𑄝𑄨𑄏𑄪 𑄛𑄣𑄬𑄝𑄇𑄴𑅁 𑄃𑄬 𑄇𑄧𑄙𑄚𑄴 𑄦𑄨𑄣𑄴 𑄌𑄘𑄨𑄉𑄋𑄴 𑄝𑄨𑄎𑄧𑄇𑄴 𑄡𑄬𑄚𑄴 𑄝𑄧 𑄚𑄨𑄏𑄬𑄌𑄴 𑄜𑄬𑄣𑄬 𑄇𑄨𑄠𑄬 𑄛𑄘𑄧𑄣𑄴 𑄦𑄧𑄣𑄴𑅁 𑄇𑄨𑄖𑄴𑄬 “𑄝𑄰𑄥𑄝𑄨” 𑄚𑄋𑄚𑄴 𑄝𑄚 𑄖𑄨𑄚𑄴𑄮 𑄎𑄘𑄧𑄢𑄴 𑄟𑄏𑄢 𑄜𑄪𑄘𑄬 𑄃𑄪𑄘𑄬, 𑄃𑄧𑄗𑄧𑄌𑄴 𑄦𑄨𑄣𑄴 𑄌𑄘𑄨𑄉𑄋𑄧𑄢𑄴 𑄷𑄷 𑄝𑄮 𑄎𑄘𑄧𑄢𑄴 𑄃𑄪𑄖𑄴𑄥𑄧𑄝𑄴- 𑄚𑄚𑄚𑄴 𑄞𑄌𑄴, 𑄚𑄚𑄚𑄴 𑄥𑄪𑄙𑄮𑄟𑄴𑅁
𑄟𑄧𑄚𑄴𑄖𑄳𑄢𑄩 𑄇𑄧𑄚 𑄚𑄪𑄃𑄧 𑄉𑄧𑄢𑄨 𑄢𑄬𑄁 𑄘𑄨 𑄃𑄪𑄘𑄨𑄣𑄧, 𑄝𑄨𑄏𑄪, 𑄝𑄰𑄥𑄪, 𑄥𑄁𑄉𑄳𑄢𑄭, 𑄝𑄨𑄥𑄪, 𑄝𑄨𑄦𑄪, 𑄌𑄁𑄇𑄳𑄢𑄚𑄴, 𑄌𑄁𑄣𑄚𑄴, 𑄛𑄖𑄥𑄪𑄟𑄪𑄖𑄴𑄧 𑄛𑄧𑄖𑄴𑄨𑄇𑄴 𑄎𑄘𑄬 𑄚𑄨𑄎𑄧𑄢𑄴 𑄚𑄋𑄴𑅁 𑄚𑄋𑄴 𑄃𑄬 𑄝𑄧𑄘𑄧𑄣𑄚 𑄝𑄚 𑄟𑄖𑄴 𑄥𑄮𑄢𑄴 𑄉𑄧𑄢𑄚 𑄚𑄧𑄠𑄴, 𑄃𑄨𑄠𑄚𑄴 𑄚𑄨𑄏𑄬𑄚𑄨, 𑄝𑄨𑄎𑄧𑄇𑄴 𑄃 𑄃𑄪𑄖𑄴𑄨𑄛𑄧𑄖𑄴𑄨 𑄚𑄪𑄃𑄧 𑄉𑄧𑄢𑄨 𑄗𑄨𑄘𑄧 𑄉𑄧𑄢𑄚𑅁 𑄚𑄋𑄴 𑄦𑄎𑄨 𑄉𑄬𑄣𑄬 𑄃𑄪𑄖𑄴𑄥𑄧𑄝𑄴𑄠𑄳𑄠𑄧 𑄣𑄢𑄬 𑄣𑄢𑄬 𑄦𑄎𑄨 𑄡𑄠𑄴- 𑄃𑄬 𑄞𑄬𑄘𑄧𑄖𑄴𑄪𑄚𑄴 𑄟𑄧𑄚𑄴𑄖𑄳𑄢𑄩 𑄇𑄧𑄙𑄚𑄴 𑄞𑄢𑄨 𑄉𑄧𑄢𑄨 𑄢𑄧𑄁 𑄍𑄨𑄘𑄨 𑄘𑄨𑄠𑄳𑄠𑅁
𑄃𑄬 𑄛𑄳𑄢𑄬𑄥𑄴 𑄝𑄳𑄢𑄨𑄜𑄨𑄋𑄧𑄖𑄴 𑄟𑄧𑄚𑄴𑄖𑄳𑄢𑄩 𑄃𑄢𑄧 𑄃𑄨𑄋𑄴𑄉𑄨𑄖𑄴 𑄘𑄨𑄠𑄳𑄠, 𑄛𑄳𑄢𑄧𑄙𑄚𑄴𑄟𑄧𑄚𑄴𑄖𑄳𑄢𑄩 𑄖𑄢𑄬𑄇𑄴 𑄢𑄧𑄦𑄧𑄟𑄚𑄬 𑄦𑄨𑄣𑄴 𑄌𑄘𑄨𑄉𑄋𑄧𑄢𑄴 𑄢𑄨𑄘𑄨𑄥𑄪𑄙𑄮𑄟𑄴 𑄢𑄧𑄈𑄳𑄠𑄬 𑄉𑄧𑄢𑄨𑄝𑄢𑄴 𑄛𑄧𑄢𑄇𑄴 𑄛𑄧𑄢𑄇𑄴 𑄉𑄧𑄢𑄨 𑄞𑄋𑄨 𑄇𑄮𑄃𑄨𑄠𑄬 𑄚𑄠𑄨, 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄴 𑄌𑄪𑄇𑄴𑄖𑄨 𑄃 𑄥𑄚𑄴𑄖𑄨 𑄥𑄳𑄢𑄨𑄋𑄴𑄈𑄧𑄣 𑄢𑄧𑄈𑄳𑄠𑄬 𑄉𑄧𑄢𑄨𑄝𑄢𑄴 𑄥𑄧𑄢𑄴𑄉𑄢𑄬 𑄚𑄚𑄚𑄴 𑄇𑄟𑄴 𑄦𑄙𑄧𑄖𑄴 𑄣𑄮𑄃𑄨𑄠𑄬 𑄞𑄨𑄣𑄬𑅁 𑄖𑄬 𑄃𑄢𑄧 𑄇𑄧𑄣𑄧, ”𑄈𑄪𑄛𑄴 𑄡𑄘𑄨 𑄟𑄘𑄨 𑄥𑄪𑄈𑄧𑄝𑄧𑄢𑄴 𑄃𑄬𑄝𑄧”- 𑄃𑄬 𑄇𑄧𑄙𑄣𑄮𑄃𑄨 𑄝𑄪𑄇𑄴 𑄝𑄚𑄨 𑄘𑄨𑄠𑄳𑄠𑅁 𑄃𑄬 𑄥𑄪𑄈𑄧𑄝𑄧𑄢𑄴 𑄃𑄛𑄖𑄧𑄖𑄴 𑄃𑄬𑄇𑄴𑄇𑄚𑄴 𑄃𑄨𑄟𑄬, 𑄖𑄧𑄝𑄬 𑄦𑄨𑄣𑄧𑄢𑄴 𑄟𑄚𑄬𑄃𑄨𑄃𑄪𑄚𑄬 𑄈𑄧𑄝𑄧𑄢𑄴 𑄛𑄚𑄴, 𑄃𑄨𑄟𑄬𑄠𑄳𑄠𑄧 𑄇𑄧𑄚𑄧 𑄇𑄧𑄚𑄧 𑄃𑄧𑄇𑄴𑄖𑄧𑄖𑄴 𑄃𑄏 𑄝𑄨𑄌𑄴𑄝𑄨𑄎𑄨𑄘𑄨 𑄌𑄢𑄠𑄴𑅁
𑄟𑄧𑄚𑄴𑄖𑄳𑄢𑄧𑄕𑄣𑄧𑄠𑄧𑄖𑄴𑄪𑄚𑄴 𑄖𑄨𑄚𑄴 𑄘𑄨𑄚𑄧𑄢𑄴 𑄢𑄥𑄴𑄑𑄳𑄢𑄧 𑄇𑄟𑄴-
|
𑄛𑄪𑄢𑄴 |
𑄃𑄪𑄖𑄴𑄥𑄧𑄝𑄴 |
𑄃𑄪𑄘𑄨𑄌𑄴 |
|
𑄷𑄸 𑄃𑄬𑄛𑄳𑄢𑄨𑄣𑄴 |
𑄜𑄪𑄣𑄴 𑄝𑄨𑄏𑄪 |
𑄉𑄋𑄧𑄖𑄴 𑄜𑄪𑄣𑄴 𑄉𑄮𑄎𑄚 |
|
𑄷𑄹 𑄃𑄬𑄛𑄳𑄢𑄨𑄣𑄴 |
𑄟𑄫𑄢𑄴 𑄝𑄨𑄏𑄪 |
𑄛𑄎𑄧𑄚𑄴 𑄖𑄮𑄚𑄴 𑄢𑄚𑄚 𑄃 𑄉𑄧𑄢𑄧𑄝 𑄣𑄬𑄝𑄨𑄠𑄧𑄖𑄴 |
|
𑄷𑄺 𑄃𑄬𑄛𑄳𑄢𑄨𑄣𑄴 |
𑄉𑄮𑄎𑄳𑄠𑄛𑄮𑄎𑄳𑄠 𑄘𑄨𑄚𑄴 |
𑄝𑄪𑄓𑄴-𑄝𑄪𑄓𑄨𑄖𑄴𑄪𑄚𑄴 𑄥𑄬𑄛𑄧𑄝𑄧𑄖𑄴𑄖 𑄣𑄧𑄚 |
𑄛𑄢𑄴𑄝𑄧𑄖𑄳𑄠𑄧 𑄟𑄧𑄚𑄴𑄖𑄳𑄢𑄩 𑄃𑄳𑄠𑄓𑄴. 𑄘𑄩𑄛𑄬𑄚𑄴 𑄘𑄬𑄝𑄚𑄴 𑄖 𑄇𑄧𑄙𑄖𑄴 𑄛𑄢𑄴𑄝𑄧𑄖𑄳𑄠𑄧 𑄟𑄚𑄪𑄏𑄧𑄣𑄠𑄴 𑄃𑄬𑄇𑄴𑄇𑄚𑄴 “𑄘𑄮𑄣𑄴 𑄈𑄧𑄝𑄧𑄢𑄴” 𑄃𑄊𑄬 𑄞𑄨𑄣𑄬 𑄃𑄨𑄎𑄨𑄢𑄬 𑄘𑄨𑄠𑄳𑄠𑅁 𑄛𑄳𑄢𑄧𑄙𑄚𑄴𑄟𑄧𑄚𑄴𑄖𑄳𑄢𑄩 𑄖𑄢𑄬𑄇𑄴 𑄢𑄧𑄦𑄧𑄟𑄚𑄴 𑄥𑄧𑄣 𑄘𑄨𑄠𑄳𑄠 𑄛𑄢𑄴𑄝𑄧𑄖𑄳𑄠𑄧 𑄌𑄪𑄇𑄴𑄖𑄨 𑄝𑄥𑄴𑄖𑄧𑄝𑄠𑄧𑄚𑄴 𑄃 𑄥𑄚𑄴𑄘𑄨-𑄥𑄳𑄢𑄨𑄋𑄴𑄈𑄧𑄣 𑄢𑄧𑄈𑄳𑄠𑄬 𑄉𑄧𑄢𑄚 𑄥𑄧𑄢𑄴𑄇𑄢𑄧𑄢𑄴 𑄡 𑄡 𑄎𑄪𑄉𑄧𑄣𑄴 𑄉𑄧𑄢𑄨𑄝𑄢𑄴𑅁 𑄃𑄬 𑄚𑄪𑄃𑄧 𑄃𑄏 𑄛𑄳𑄦𑄧𑄢𑄴 𑄍𑄨𑄘𑄨 𑄘𑄨𑄠𑄳𑄠 𑄦𑄨𑄣𑄧𑄖𑄴 𑄇𑄮𑄚-𑄇𑄪𑄚𑄨, 𑄊𑄮𑄚-𑄊𑄪𑄚𑄨 𑄥𑄬𑄢𑄬𑅁 𑄚𑄨𑄎𑄧𑄢𑄴 𑄢𑄨𑄘𑄨𑄥𑄪𑄙𑄮𑄟𑄴 𑄢𑄧𑄈𑄳𑄠𑄬 𑄉𑄧𑄢𑄚 𑄣𑄢𑄬𑄃𑄨𑄠𑄧𑄢𑄴 𑄥𑄧𑄟𑄢𑄬 𑄥𑄧𑄟𑄢𑄬 𑄢𑄎𑄴𑄚𑄰𑄖𑄨𑄇𑄴, 𑄦𑄨𑄣𑄴 𑄌𑄘𑄨𑄉𑄋𑄧𑄢𑄴 𑄃𑄪𑄖𑄴𑄨𑄛𑄪𑄖𑄴𑄨 𑄗𑄨𑄘𑄧 𑄉𑄧𑄢𑄨𑄝𑄢𑄴 𑄛𑄧𑄖𑄴 𑄘𑄧𑄛𑄴𑄘𑄧𑄞 𑄉𑄧𑄢𑄨 𑄛𑄢𑄬𑅁
𑄝𑄨𑄎𑄧𑄉𑄧𑄢𑄴 𑄇𑄝𑄬 𑄇𑄝𑄬 𑄝𑄨𑄏𑄪 𑄍𑄪𑄑𑄨 𑄚𑄨𑄚𑄬𑄃𑄨 𑄦𑄨𑄣𑄴 𑄌𑄘𑄨𑄉𑄋𑄧𑄖𑄴 𑄝𑄪𑄉𑄧𑄖𑄴 𑄃𑄬𑄇𑄴 𑄝𑄝𑄧𑄖𑄳𑄠 𑄘𑄪𑄇𑄴 𑄊𑄮𑄢𑄴 𑄉𑄧𑄢𑄬𑅁 𑄝𑄳𑄢𑄨𑄑𑄨𑄥𑄴 𑄃𑄟𑄧𑄣𑄧𑄖𑄴 𑄃𑄬𑄇𑄴 𑄟𑄌𑄴 𑄍𑄪𑄑𑄨 𑄗𑄬𑄣𑄬 𑄥𑄨𑄠𑄚𑄴 𑄣𑄢𑄬 𑄣𑄢𑄬 𑄞𑄧𑄌𑄴 𑄡𑄘𑄬 𑄡𑄘𑄬 𑄛𑄇𑄨𑄥𑄴𑄖𑄚𑄴 𑄃𑄟𑄧𑄣 𑄻-𑄷𑄶 𑄘𑄨𑄚𑄴 𑄃 𑄃𑄨𑄢𑄪𑄇𑄴 𑄝𑄁𑄣𑄘𑄬𑄌𑄴 𑄥𑄧𑄢𑄴𑄉𑄢𑄧𑄢𑄴 𑄃𑄟𑄧𑄣𑄧𑄖𑄴 𑄷-𑄹 𑄘𑄨𑄚𑄴 𑄍𑄪𑄑𑄨 𑄛𑄠𑄴 𑄡𑄠𑄴𑅁
𑄎𑄪𑄟𑄴𑄧𑄃𑄪𑄚𑄧𑄢𑄴 𑄥𑄧𑄟𑄏𑄧𑄢𑄴 𑄘𑄋𑄧𑄢𑄴 𑄃𑄪𑄖𑄴𑄥𑄧𑄝𑄧𑄢𑄬 𑄝𑄰𑄥𑄝𑄨 𑄝𑄧𑄣𑄧𑄘𑄬 𑄡𑄢𑄴 𑄡𑄢𑄴 𑄎𑄘𑄧𑄢𑄴 𑄞𑄏𑄬 𑄘𑄉𑄚 𑄢𑄥𑄴𑄑𑄳𑄢𑄧 𑄟𑄪𑄣𑄪𑄉𑄧𑄖𑄴𑄪𑄚𑄴 𑄥𑄪𑄚𑄚 𑄃𑄪𑄖𑄴𑄥𑄧𑄝𑄴 𑄍𑄪𑄑𑄨 𑄝𑄢𑄚 𑄃𑄬𑄇𑄴𑄇𑄚𑄴 𑄟𑄯𑄣𑄨𑄇𑄴 𑄘𑄝𑄩𑅁 𑄃𑄬 𑄃𑄪𑄖𑄴𑄥𑄧𑄝𑄧𑄖𑄴 𑄝𑄚 𑄟𑄧𑄚𑄴 𑄈𑄪𑄎𑄨 𑄝 𑄝𑄨𑄚𑄮𑄘𑄧𑄚𑄴 𑄚𑄧𑄠𑄴, 𑄃𑄨𑄝𑄬 𑄃𑄬𑄇𑄴𑄮 𑄎𑄘𑄧𑄢𑄴 𑄟𑄚𑄴, 𑄇𑄮𑄌𑄴𑄛𑄚, 𑄝𑄨𑄌𑄳𑄠𑄬𑄌𑄴, 𑄝𑄨𑄎𑄧𑄇𑄴 𑄃 𑄢𑄨𑄘𑄨𑄥𑄪𑄙𑄮𑄟𑄴 𑄟𑄨𑄏𑄨 𑄃𑄊𑄬𑅁
𑄦𑄨𑄣𑄴 𑄌𑄘𑄨𑄉𑄋𑄧𑄖𑄴 𑄃𑄨𑄇𑄳𑄠𑄬 𑄟𑄮𑄚𑄴-𑄟𑄪𑄢𑄮, 𑄍𑄧𑄢-𑄉𑄋𑄬 𑄝𑄨𑄏𑄪, 𑄝𑄰𑄥𑄪 𑄝 𑄥𑄁𑄉𑄳𑄢𑄭 𑄢𑄧𑄠𑄬 𑄉𑄪𑄎𑄪𑄢𑄬𑄢𑄴𑅁 𑄝𑄰𑄥𑄝𑄨𑄖𑄴𑄪𑄚𑄴 𑄚𑄨𑄊𑄨𑄣𑄨 𑄃𑄬𑄡𑄚 𑄃𑄬 𑄚𑄪𑄃𑄧 𑄦𑄙𑄚 𑄎𑄪𑄟𑄴𑄧 𑄎𑄘𑄧𑄢𑄴 𑄞𑄣𑄧𑄇𑄴 𑄝𑄧𑄏𑄧𑄢𑄴 𑄎𑄧𑄟𑄬𑄠𑄳𑄠𑄧 𑄘𑄪𑄇𑄴𑄇𑄚𑄨 𑄛𑄚𑄨 𑄃𑄧𑄃𑄨 𑄡𑄬𑄣𑄧𑅁 𑄦𑄨𑄣𑄴 𑄌𑄘𑄨𑄉𑄋𑄧𑄢𑄴 𑄷𑄷 𑄝𑄮 𑄎𑄘𑄧𑄢𑄴 𑄡𑄢𑄴 𑄡𑄢𑄴 𑄢𑄨𑄘𑄨𑄥𑄪𑄙𑄮𑄟𑄴 𑄟𑄧𑄚𑄴 𑄘𑄨𑄚𑄬𑄃𑄨 𑄃𑄟𑄧𑄣𑄴 𑄉𑄧𑄢𑄚 𑄢𑄥𑄴𑄑𑄳𑄢𑄧 𑄃𑄬 𑄇𑄟𑄚𑄨 𑄝𑄁𑄣𑄘𑄬𑄏𑄧𑄢𑄴 𑄛𑄪𑄢𑄧𑄚𑄧𑄢𑄴 𑄥𑄪𑄙𑄮𑄟𑄴 𑄞𑄚𑄴𑄘𑄣𑄴𑄝𑄮𑄢𑄬 𑄃𑄢𑄧 𑄖𑄧𑄎𑄨𑄟𑄧𑄛𑄪𑄢𑄴 𑄉𑄧𑄢𑄨𑄣𑄧𑅁 𑄃𑄨𑄇𑄳𑄠𑄬 𑄦𑄨𑄣𑄴 𑄌𑄘𑄨𑄉𑄋𑄧𑄢𑄴 𑄌𑄮𑄇𑄴 𑄥𑄬 “𑄥𑄪-𑄈𑄧𑄝𑄧𑄢𑄴” 𑄟𑄖𑄴𑄮 𑄃𑄨𑄚𑄴𑄘𑄨, 𑄡𑄨𑄠𑄬𑄚𑄴 𑄦𑄧𑄠𑄧𑄘𑄴𑄧 𑄥𑄚𑄴𑄘𑄨 𑄃 𑄘𑄮𑄣𑄴 𑄞𑄣𑄬𑄘𑄨𑄖𑄳𑄠𑄭 𑄃𑄬𑄇𑄴𑄇𑄚𑄴 𑄚𑄪𑄃𑄧 𑄝𑄬𑄣𑄴 𑄃𑄪𑄘𑄚 𑄈𑄧𑄝𑄧𑄢𑄴 𑄚𑄨 𑄃𑄬𑄝𑄧𑅁
𑄟𑄖𑄴 (𑄥𑄧𑄝𑄴𑄘𑄧), 𑄃𑄪𑄖𑄴𑄥𑄧𑄝𑄴 𑄃 𑄌𑄨𑄚𑄴𑄛𑄧𑄌𑄳𑄠𑄬 𑄢𑄎𑄴𑄚𑄨𑄖𑄨
𑄃𑄬𑄇𑄴𑄮 𑄃𑄪𑄖𑄴𑄥𑄧𑄝𑄴 𑄝𑄚 𑄟𑄧𑄚𑄧 𑄈𑄪𑄎𑄨 𑄢𑄊𑄬𑄝𑄢𑄴 𑄚𑄧𑄠𑄴, 𑄃𑄨𑄠𑄚𑄴 𑄃𑄬𑄇𑄴𑄮 𑄎𑄘𑄧𑄢𑄴 𑄚𑄨𑄏𑄬𑄚𑄨, 𑄞𑄌𑄴 𑄃 𑄌𑄨𑄚𑄴𑄛𑄧𑄌𑄳𑄠𑄬 𑄝𑄨𑄎𑄧𑄇𑄴 𑄝𑄪𑄉𑄨 𑄚𑄬𑄡𑄚𑅁 𑄟𑄮𑄚𑄴-𑄟𑄪𑄢𑄮 𑄃 𑄥𑄧𑄁 𑄞𑄫𑄃𑄨𑄠𑄮𑄖𑄴 𑄚𑄚 𑄃𑄘𑄨𑄝𑄥𑄩𑄃𑄪𑄚𑄬 𑄝𑄨𑄏𑄪 𑄃𑄪𑄖𑄴𑄥𑄧𑄝𑄧𑄠𑄳𑄠𑄧 𑄥𑄬𑄙𑄧𑄇𑄳𑄠𑄬𑄚𑄴- 𑄡𑄨𑄠𑄮𑄖𑄴 𑄢𑄨𑄖𑄴 𑄝𑄧𑄘𑄧𑄣𑄚 𑄥𑄧𑄟𑄢𑄬 𑄥𑄧𑄟𑄢𑄬 𑄟𑄚𑄪𑄏𑄧𑄢𑄴 𑄝𑄨𑄌𑄳𑄠𑄬𑄌𑄴, 𑄎𑄩𑄝𑄧𑄚𑄴 𑄘𑄧𑄢𑄴𑄥𑄧𑄚𑄴 𑄃 𑄢𑄨𑄘𑄨𑄥𑄪𑄙𑄮𑄟𑄴 𑄚𑄪𑄃𑄧 𑄉𑄧𑄢𑄨 𑄉𑄬𑄭𑄌𑄴 𑄃𑄪𑄘𑄬𑅁 𑄌𑄋𑄴𑄟𑄃𑄪𑄚𑄬 𑄝𑄨𑄏𑄪, 𑄟𑄢𑄴𑄟 𑄃 𑄌𑄇𑄴𑄃𑄪𑄚𑄬 𑄥𑄁𑄉𑄳𑄢𑄭, 𑄖𑄨𑄝𑄨𑄢𑄬𑄃𑄪𑄚𑄬 𑄝𑄰𑄥𑄪𑄇𑄴 𑄝 𑄝𑄰𑄥𑄪, 𑄖𑄧𑄐𑄴𑄌𑄧𑄋𑄴𑄉𑄳𑄠𑄃𑄪𑄚𑄬 𑄝𑄨𑄥𑄪, 𑄉𑄪𑄢𑄴𑄈 𑄃 𑄃𑄧𑄦𑄧𑄟𑄨𑄠𑄃𑄪𑄚𑄬 𑄝𑄨𑄦𑄪, 𑄟𑄧𑄢𑄴𑄮𑄃𑄪𑄚𑄬 𑄥𑄁𑄇𑄳𑄢𑄚𑄴, 𑄈𑄪𑄟𑄨𑄃𑄪𑄚𑄬 𑄥𑄁𑄇𑄳𑄢𑄭, 𑄥𑄃𑄮𑄖𑄣𑄧𑄃𑄪𑄚𑄬 𑄛𑄖 𑄛𑄧𑄖𑄴𑄨𑄇𑄴 𑄚𑄋𑄴 𑄚𑄨𑄎𑄧𑄢𑄴 𑄛𑄪𑄢𑄧𑄚𑄮 𑄥𑄨𑄢𑄨𑄥𑄪𑄙𑄮𑄟𑄧𑄢𑄴 𑄙𑄧𑄢𑄨 𑄢𑄊𑄚 𑄃𑄬𑄇𑄴𑄇𑄚𑄴 𑄘𑄪𑄃𑄧𑄢𑄴 𑄈𑄪𑄣𑄨 𑄘𑄬𑅁
𑄟𑄖𑄴𑄧𑄢𑄴, 𑄥𑄧𑄟𑄧𑄠𑄧𑄢𑄴 𑄉𑄧𑄋𑄢𑄬 𑄘𑄬𑄊 𑄡𑄨𑄠𑄬, 𑄃𑄪𑄖𑄴𑄥𑄧𑄝𑄧𑄖𑄴𑄪𑄚𑄴 𑄟𑄖𑄴𑄮 𑄚𑄨𑄚𑄬𑄭 𑄇𑄧𑄙 𑄝𑄖𑄴𑄖 𑄃𑄪𑄘𑄬𑅁 "𑄝𑄰𑄥𑄝𑄨” 𑄃𑄬 𑄖𑄨𑄚𑄴𑄮 𑄦𑄧𑄢𑄧𑄇𑄴 𑄚𑄨𑄚𑄬𑄭 𑄃𑄬𑄌𑄳𑄠𑄬 𑄝𑄨𑄖𑄧𑄢𑄴𑄇𑄧, 𑄟𑄧𑄚𑄴𑄉𑄧𑄎 𑄇𑄧𑄙 𑄃 𑄢𑄎𑄴𑄚𑄩𑄖𑄨 𑄇𑄧𑄙 𑄝𑄖𑄴𑄖 𑄝𑄨𑄏𑄪 𑄃𑄞 𑄥𑄧𑄟𑄢𑄬 𑄊𑄪𑄢𑄬𑄢𑄴𑅁 𑄇𑄧𑄚𑄧 𑄎𑄧𑄚𑄬 𑄇𑄧𑄚𑄴𑄧 𑄃𑄬𑄇𑄴𑄥𑄧𑄟𑄧𑄠𑄴 𑄍𑄖𑄳𑄢𑄧 𑄢𑄎𑄴𑄚𑄩𑄖𑄨 𑄦𑄖𑄴 𑄙𑄪𑄢𑄨, 𑄇𑄧𑄚𑄧 𑄎𑄧𑄚𑄬 𑄇𑄧𑄚𑄴 𑄃𑄨𑄝𑄬 𑄖𑄢𑄴 𑄃𑄉𑄬, 𑄎𑄪𑄟𑄴𑄧 𑄎𑄘𑄧𑄢𑄴 𑄟𑄨𑄣𑄨𑄎𑄪𑄣𑄨 𑄢𑄨𑄘𑄨𑄥𑄪𑄙𑄮𑄟𑄧𑄢𑄴 𑄃𑄃𑄮𑄌𑄴𑅁 𑄝𑄨𑄎𑄧𑄉𑄧𑄢𑄴 𑄃𑄬 𑄖𑄧𑄢𑄴𑄇𑄧 𑄃𑄪𑄝𑄚𑄴 𑄝𑄧𑄎𑄧𑄁, 𑄃𑄪𑄝𑄚𑄴 𑄗𑄨𑄇𑄴 𑄖𑄧𑄣𑄧𑄌𑄧𑄝𑄨𑄌𑄴 𑄉𑄧𑄢𑄨𑄝𑄖𑄳𑄠 𑄃𑄬 𑄣𑄬𑄊𑄚𑄴 𑄚𑄧𑄠𑄴, 𑄝𑄧𑄢𑄧𑄁 𑄛𑄪𑄎𑄮𑄢𑄚𑄴 𑄃𑄧𑄚𑄳𑄠𑄧 𑄇𑄨𑄗𑄳𑄠𑄘𑄨𑅁
𑄟𑄧𑄢𑄴 𑄟𑄪𑄣𑄧𑄇𑄴 𑄇𑄧𑄙𑄚𑄴 𑄦𑄧𑄣𑄧𑄘𑄬, 𑄃𑄬𑄇𑄴𑄮 𑄥𑄧𑄁𑄟𑄨𑄣𑄧𑄚𑄨 𑄝 𑄃𑄬𑄉𑄧𑄖𑄴𑄧𑄢𑄨 𑄟𑄖𑄴 𑄣𑄢𑄴𑄌𑄢𑄴 𑄉𑄧𑄢𑄨𑄝𑄢𑄴 𑄡𑄬𑄚𑄬𑄃𑄨 𑄃𑄟𑄨 𑄇𑄨 𑄣𑄢𑄬 𑄣𑄢𑄬 𑄚𑄨𑄎𑄧𑄢𑄴 𑄚𑄋𑄚𑄨 𑄦𑄎𑄬 𑄜𑄬𑄣𑄬𑄢𑄴 𑄚𑄬𑄚? 𑄝𑄨𑄎𑄧𑄉𑄬 𑄇𑄧𑄠𑄴, 𑄌𑄨𑄚𑄴𑄛𑄧𑄌𑄳𑄠𑄬 𑄛𑄧𑄣𑄳𑄠 𑄦𑄧𑄢𑄧𑄇𑄴𑄮 𑄞𑄧𑄌𑄴 𑄡𑄠𑄴 𑄞𑄏𑄧𑄖𑄴𑄪𑄚𑄴𑅁 𑄡𑄧𑄈𑄳𑄠𑄬 𑄚𑄋𑄴 𑄝𑄧𑄘𑄧𑄣𑄬, 𑄥𑄧𑄇𑄳𑄠𑄬 𑄖𑄢𑄴 𑄚𑄨𑄏𑄬𑄚𑄨𑄠𑄳𑄠𑄧 𑄣𑄢𑄬 𑄣𑄢𑄬 𑄏𑄨𑄣𑄨𑄟𑄨𑄣𑄨 𑄃𑄧𑄃𑄨 𑄡𑄠𑄴𑅁
𑄃𑄬𑄌𑄳𑄠𑄬 “𑄝𑄰𑄥𑄝𑄨” 𑄚𑄋𑄚𑄴 𑄡𑄬𑄘𑄧𑄇𑄴 𑄝𑄬𑄌𑄴 𑄣𑄢𑄴𑄌𑄢𑄴 𑄦𑄧𑄢𑄴, 𑄥𑄬𑄙𑄧𑄇𑄴 𑄝𑄬𑄌𑄴 𑄃𑄚𑄴𑄘𑄧𑄣𑄴 𑄃𑄧𑄃𑄨 𑄡𑄢𑄴 𑄝𑄨𑄏𑄪, 𑄥𑄁𑄉𑄳𑄢𑄭, 𑄝𑄰𑄥𑄪, 𑄝𑄨𑄦𑄪, 𑄝𑄨𑄥𑄪, 𑄌𑄁𑄇𑄳𑄢𑄭 𑄝 𑄛𑄖𑅁 𑄃𑄨𑄠𑄚𑄴 𑄃𑄬𑄇𑄴𑄇𑄚𑄴 𑄎𑄨𑄁𑄇𑄚𑄨 𑄚𑄧 𑄘𑄨𑄈𑄳𑄠𑄬 𑄢𑄨𑄘𑄨𑄥𑄪𑄙𑄮𑄟𑄧 𑄍𑄝- 𑄡𑄨𑄠𑄮𑄖𑄴 𑄃𑄬𑄉𑄧𑄖𑄴𑄨𑄢𑄨 𑄚𑄋𑄬 𑄃𑄢𑄋𑄚𑄴𑄠𑄳𑄠𑄧 𑄞𑄧𑄌𑄴 𑄡𑄬𑄝𑄢𑄴 𑄘𑄋𑄧𑄢𑄴 𑄘𑄧𑄢𑄴 𑄗𑄠𑄴𑅁 𑄃𑄬𑄉𑄧𑄖𑄴𑄧𑄢𑄴 𑄉𑄧𑄢𑄧𑄌𑄴 𑄃𑄊𑄬, 𑄎𑄧𑄙 𑄦𑄧𑄚𑄢𑄴 𑄉𑄧𑄢𑄧𑄌𑄴 𑄃𑄊𑄬, 𑄟𑄖𑄴𑄧𑄢𑄴 𑄥𑄬 𑄃𑄬𑄉𑄧𑄖𑄴𑄧𑄢𑄴, 𑄎𑄧𑄙 𑄃𑄬𑄇𑄴 𑄢𑄧𑄋𑄬 𑄥𑄎𑄬𑄣𑄬 𑄥𑄨𑄠𑄚𑄴 𑄃𑄎𑄧𑄣𑄴 𑄘𑄮𑄣𑄚𑄴 𑄜𑄪𑄘𑄨 𑄚𑄧 𑄃𑄪𑄘𑄬𑅁 𑄢𑄧𑄁𑄝𑄬𑄢𑄧𑄋𑄬 𑄦𑄧𑄣𑄬 𑄌𑄘𑄬𑄃𑄮 𑄌𑄮𑄇𑄴 𑄎𑄪𑄢𑄠𑄴 𑄃 𑄟𑄧𑄚𑄴 𑄉𑄧𑄣𑄬𑅁
𑄃𑄨𑄢𑄪𑄇𑄴 𑄘𑄨𑄚𑄴 𑄟𑄙𑄚𑄧𑄢𑄴 𑄈𑄧𑄝𑄧𑄢𑄴 𑄝𑄬𑄉𑄬 𑄛𑄬𑄭- 𑄝𑄬𑄇𑄴 𑄎𑄉𑄚𑄨𑄖𑄴 𑄃𑄉𑄳𑄢𑄥𑄧𑄚𑄴 𑄌𑄧𑄣𑄬𑄢𑄴 𑄘𑄧𑄛𑄴𑄘𑄧𑄞 𑄉𑄧𑄢𑄨𑅁 𑄞𑄌𑄴, 𑄦𑄧𑄢𑄧𑄇𑄴, 𑄢𑄨𑄘𑄨𑄥𑄪𑄙𑄮𑄟𑄴- 𑄇𑄧𑄚𑄴 𑄃𑄬𑄇𑄴𑄇𑄚𑄴 𑄃𑄬 𑄝𑄢𑄬𑄘𑄨 𑄚𑄧𑄠𑄴𑅁 𑄃𑄬 𑄃𑄉𑄳𑄢𑄥𑄧𑄚𑄧𑄢𑄴 𑄟𑄳𑄦𑄧 𑄉𑄧𑄢𑄨𑄝𑄖𑄳𑄠 𑄃𑄟𑄖𑄴𑄪𑄚𑄴 𑄣𑄉𑄨𑄝𑄧 𑄥𑄧𑄌𑄬𑄘𑄧𑄚𑄴𑅁 𑄟𑄧𑄚𑄴𑄉𑄧𑄎𑄣𑄮𑄃𑄨 𑄇𑄟𑄴 𑄚𑄧 𑄃𑄧𑄞𑄧, 𑄇𑄢𑄴𑄢𑄬 𑄘𑄋𑄧𑄢𑄴 𑄇𑄧𑄙𑄣𑄮𑄃𑄨 𑄚𑄧𑄠𑄴- 𑄝𑄧𑄢𑄧𑄁 𑄝𑄨𑄎𑄧𑄉𑄧𑄢𑄴 𑄃𑄇𑄴𑄧𑄣𑄧𑄣𑄮𑄃𑄨 𑄃𑄧𑄎𑄧𑄚𑄴 𑄉𑄧𑄢𑄨 𑄇𑄧𑄙 𑄇𑄧𑄚𑅁
𑄃𑄬 𑄟𑄙𑄚𑄧𑄖𑄴 𑄛𑄢𑄴𑄝𑄧𑄖𑄳𑄠𑄧 𑄟𑄧𑄚𑄴𑄖𑄳𑄢𑄩 𑄥𑄪𑄚𑄚𑄪 𑄘𑄩𑄛𑄬𑄚𑄴 𑄘𑄬𑄝𑄚𑄧𑄢𑄴 𑄥𑄧𑄣𑄠𑄚𑄴 𑄞𑄢𑄨 𑄥𑄖𑄴𑄇𑄟𑄴- 𑄃𑄪𑄖𑄴𑄥𑄧𑄝𑄴 𑄃𑄮𑄇𑄴 𑄡𑄢𑄴 𑄡𑄢𑄴 𑄚𑄨𑄎𑄧𑄢𑄴 𑄞𑄏𑄬 𑄃 𑄚𑄋𑄬𑅁 𑄝𑄰𑄥𑄝𑄨 𑄚𑄋𑄬 𑄃𑄬𑄇𑄴𑄮 𑄍𑄘𑄨𑄖𑄴 𑄍𑄝 𑄖𑄧𑄣𑄬 𑄚𑄧𑄠𑄴𑅁 𑄇𑄨𑄖𑄴𑄬 𑄟𑄖𑄴𑄪𑄚𑄴 𑄇𑄧𑄚𑄧 𑄇𑄧𑄚𑄧 𑄃𑄧𑄇𑄴𑄖𑄧𑄖𑄴 𑄞𑄢𑄨 𑄘𑄧𑄢𑄴𑄉𑄧𑄢𑄬 𑄛𑄢 𑄃𑄧𑄃𑄨 𑄃𑄪𑄘𑄧𑄚𑄴, 𑄡𑄧𑄈𑄳𑄠𑄬 𑄖 𑄌𑄨𑄚𑄴𑄛𑄧𑄌𑄳𑄠𑄬 𑄎𑄉𑄚 𑄘𑄧𑄋𑄧𑄣𑄴 𑄉𑄧𑄢𑄨𑄝𑄢𑄴 𑄃𑄢𑄴𑄇𑄚𑄨 𑄦𑄧𑄠𑄴𑅁
𑄟𑄪𑄭 𑄝𑄨𑄌𑄳𑄠𑄬𑄌𑄴 𑄉𑄧𑄢𑄧𑄁, 𑄢𑄨𑄘𑄨𑄥𑄪𑄙𑄮𑄟𑄴 𑄇𑄧𑄚𑄧 𑄃𑄬𑄇𑄴𑄇𑄚𑄴 𑄎𑄉𑄖𑄴 𑄗𑄨𑄢𑄴 𑄉𑄧𑄢𑄨 𑄚𑄧 𑄗𑄠𑄴, 𑄥𑄨𑄠𑄚𑄴 𑄥𑄧𑄟𑄧𑄠𑄧𑄢𑄴 𑄉𑄧𑄋𑄢𑄬 𑄝𑄧𑄘𑄧𑄣𑄨 𑄡𑄠𑄴, 𑄉𑄧𑄎𑄨 𑄣𑄧𑄚 – 𑄝𑄖𑄴 𑄘𑄬𑄚𑄖𑄴𑄪𑄚𑄴 𑄝𑄎𑄨 𑄗𑄠𑄴𑅁 𑄇𑄪𑄝𑄚𑄴 𑄉𑄧𑄎𑄨 𑄣𑄧𑄝𑄧𑄁, 𑄃 𑄇𑄪𑄝𑄚𑄴 𑄜𑄬𑄣𑄬 𑄘𑄨𑄝𑄧𑄁 𑄥𑄨𑄠𑄚𑄴 𑄚𑄧𑄇𑄴𑄝𑄌𑄴 𑄉𑄧𑄢𑄨𑄝𑄢𑄴 𑄥𑄧𑄟𑄧𑄠𑄴 𑄛 𑄚𑄧 𑄡𑄠𑄴𑅁 𑄖𑄧𑄝𑄬 𑄥𑄨𑄠𑄚𑄴 𑄚𑄧𑄇𑄴𑄝𑄌𑄴 𑄉𑄧𑄢𑄨𑄝𑄢𑄴 𑄇𑄟𑄚𑄴 𑄚𑄪𑄃 𑄛𑄨𑄢𑄨𑄃𑄪𑄚𑄧𑄢𑄴𑅁 𑄃𑄟 𑄇𑄟𑄴 𑄦𑄧𑄣𑄧𑄘𑄬, 𑄚𑄨𑄎𑄧𑄢𑄴 𑄞𑄌𑄴, 𑄦𑄧𑄢𑄧𑄇𑄴 𑄃 𑄢𑄨𑄘𑄨𑄥𑄪𑄙𑄮𑄟𑄚𑄨 𑄘𑄮𑄣𑄬 𑄉𑄧𑄢𑄨 𑄖𑄧𑄣𑄴𑄝𑄨𑄌𑄴 𑄉𑄧𑄢𑄨 𑄃𑄙𑄪𑄚𑄨𑄇𑄧𑄖𑄢𑄴 𑄥𑄧𑄟𑄢𑄬 𑄣𑄬𑄝𑄬𑄘𑄬 𑄘𑄬𑄚𑅁
𑄇𑄧𑄙𑄝𑄖𑄴𑄖 𑄃𑄮𑄇𑄴, 𑄝𑄨𑄢𑄴𑄖𑄧𑄇𑄴 𑄃𑄮𑄇𑄴- 𑄟𑄖𑄴𑄧𑄢𑄴 𑄥𑄨𑄠𑄚𑄴 𑄡𑄬𑄚𑄴 𑄟𑄧𑄚𑄴 𑄇𑄘-𑄇𑄘𑄨 𑄝 𑄜𑄢𑄧𑄉𑄧𑄢𑄴 𑄦𑄧𑄖𑄳𑄠𑄢𑄴 𑄚𑄧 𑄦𑄧𑄠𑄴 𑄛𑄢𑅁 𑄇𑄨𑄖𑄴𑄬 𑄃𑄪𑄖𑄴𑄥𑄧𑄝𑄧𑄢𑄴 𑄟𑄫𑄣𑄴 𑄥𑄪𑄢𑄴 𑄦𑄧𑄣𑄧𑄘𑄬 𑄇𑄮𑄎𑄳𑄠 𑄚𑄧 𑄃𑄧𑄃𑄨 𑄛𑄢𑄬 𑄛𑄢𑅁 𑄃𑄪𑄖𑄴𑄥𑄧𑄝𑄴 𑄟𑄚𑄬 𑄟𑄨𑄣𑄧𑄚𑄨, 𑄟𑄖𑄴𑄧𑄢𑄴 𑄥𑄨𑄠𑄚𑄴𑄃𑄬𑄉𑄧𑄖𑄴𑄧𑄢𑄴 𑄃𑄧𑄃𑄨 𑄛𑄬𑄝𑄧 𑄚𑄨𑄎𑄧𑄢𑄴 𑄚𑄋𑄬 𑄚𑄨𑄎𑄧𑄢𑄴 𑄌𑄨𑄚𑄴𑄛𑄧𑄌𑄳𑄠𑄬𑄣𑄮𑄃𑄨𑅁
𑄣𑄮𑄉𑄁 𑄛𑄢𑄧𑄖𑄴 𑄗𑄨𑄠𑄬𑄚𑄬𑄭
𑄃𑄬𑄌𑄳𑄠𑄬 𑄷𑄶 𑄃𑄬𑄛𑄳𑄢𑄨𑄣𑄴𑅁
𑄃𑄬𑄌𑄳𑄠𑄬 𑄃𑄬𑄙𑄧𑄇𑄳𑄠𑄬𑄚𑄴 𑄃𑄬𑄇𑄴𑄮 𑄘𑄨𑄚𑄧𑄢𑄴 𑄇𑄧𑄙 𑄇𑄮𑄃𑄨 𑄛𑄧𑄢𑄬𑄢𑄴, 𑄡𑄬 𑄘𑄨𑄚𑄧𑄖𑄴 𑄟𑄪𑄢𑄪𑄣𑄳𑄠 𑄌𑄉𑄣𑄖𑄴 𑄝𑄚 𑄟𑄮𑄚𑄴-𑄟𑄪𑄢𑄮 𑄚𑄧 𑄃𑄬𑄣𑄇𑄴- 𑄟𑄪𑄢𑄪𑄣𑄳𑄠 𑄌𑄉𑄣𑄖𑄴 𑄃𑄬𑄣𑄧 𑄏𑄨𑄚𑄴𑄘𑄪𑄢𑄪𑄇𑄴-𑄇𑄨𑄚𑄴𑄘𑄪𑄢𑄪𑄇𑄴 𑄃𑄬𑄇𑄴 𑄘𑄋𑄧𑄢𑄴 𑄚𑄨𑄎𑄬𑄚𑄨, 𑄝𑄨𑄎𑄧𑄇𑄴𑅁
𑄟𑄮𑄚𑄴-𑄟𑄪𑄢𑄮, 𑄉𑄌𑄴-𑄝𑄏𑄧𑄢𑄴 𑄥𑄬𑄢𑄬 𑄈𑄉𑄢𑄍𑄧𑄢𑄨 𑄛𑄚𑄴𑄍𑄧𑄢𑄨 𑄃𑄪𑄛𑄧𑄎𑄬𑄣𑄖𑄴 𑄃𑄬𑄇𑄴𑄇𑄚𑄴 𑄉𑄋𑄴 𑄃𑄊𑄬- 𑄣𑄮𑄉𑄋𑄴𑅁 𑄌𑄬𑄋𑄬 𑄉𑄋𑄚𑄴 𑄡𑄨𑄠𑄮𑄖𑄴 𑄣𑄪𑄉𑄨 𑄡𑄨𑄠𑄬 𑄣𑄮𑄉𑄋𑄴 𑄃 𑄛𑄪𑄎𑄧𑄉𑄋𑄴𑅁 𑄥𑄬 𑄣𑄮𑄉𑄋𑄧𑄖𑄴 𑄝𑄁𑄣𑄘𑄬𑄏𑄧𑄢𑄴 𑄥𑄥𑄧𑄇𑄴 𑄉𑄮𑄥𑄴𑄒𑄩𑄠𑄬 𑄌𑄋𑄴𑄟𑄃𑄪𑄚𑄧𑄢𑄬 𑄊𑄨𑄢𑄬𑄖𑄴 𑄢𑄊𑄬𑄠𑄬𑅁 𑄖 𑄚𑄋𑄴 𑄉𑄪𑄌𑄴𑄍𑄧𑄉𑄳𑄢𑄟𑄴𑅁 𑄣𑄮𑄉𑄋𑄴 𑄛𑄢𑄧𑄖𑄴𑅁 𑄦𑄬𑄭𑄣𑄴 𑄟𑄮𑄚𑄴 𑄟𑄪𑄢𑄮 𑄥𑄬𑄢𑄬 𑄃𑄬 𑄃𑄘𑄟𑄧𑄖𑄴 𑄍𑄧𑄥𑄧 𑄉𑄨𑄢𑄨 𑄃𑄬𑄣𑄇𑄴𑅁 𑄛𑄧𑄖𑄴𑄨𑄇𑄴 𑄘𑄨𑄚𑄴 𑄝𑄬𑄣𑄴 𑄃𑄪𑄘𑄧𑄚𑄴𑄘𑄨 𑄛𑄬𑄃𑄨𑄉𑄧 𑄇𑄨𑄏𑄨𑄇𑄴 𑄇𑄎𑄉𑄬 𑄎𑄉𑄨 𑄃𑄪𑄘𑄧𑄚𑄴 𑄃𑄘𑄟𑄧 𑄉𑄪𑄢𑄧𑄃𑄪𑄚𑄴𑅁 𑄇𑄟𑄴𑄮 𑄣𑄧𑄉𑄬 𑄡𑄢𑄴 𑄡𑄢𑄴 𑄇𑄟𑄧𑄖𑄴 𑄡𑄚𑄴 𑄃𑄬𑄙𑄧𑄇𑄳𑄠𑄬 𑄉𑄧𑄢𑄨 𑄝𑄧𑄚𑄴𑄘𑄨 𑄎𑄨𑄁𑄇𑄚𑄨 𑄃𑄬𑄇𑄴𑄝𑄪𑄇𑄴 𑄌𑄨𑄘𑄬𑄣𑄮𑄃𑄨 𑄘𑄨𑄚𑄴𑄮 𑄖𑄮𑄢𑄬 𑄢𑄬𑄖𑄴 𑄦𑄧𑄠𑄴, 𑄃𑄢𑄧 𑄛𑄳𑄦𑄧𑄢𑄴 𑄦𑄧𑄠𑄴𑅁
𑄃𑄧𑄇𑄴𑄖𑄧 𑄷𑄶𑄿𑄸 𑄥𑄣𑄴𑅁 𑄥𑄧𑄟𑄢𑄨𑄇𑄴 𑄥𑄥𑄧𑄚𑄴 𑄛𑄧𑄖𑄧𑄚𑄴 𑄦𑄧𑄚𑄢𑄴 𑄛𑄧𑄢𑄴 𑄘𑄬𑄏𑄧𑄖𑄴 𑄚𑄪𑄃𑄧 𑄢𑄎𑄴𑄚𑄰𑄇𑄨𑄖𑄴 𑄛𑄧𑄠𑄴𑄙𑄬𑄖𑄴 𑄥𑄧𑄟𑄬𑄣𑄧𑅁 𑄚𑄨𑄢𑄴𑄝𑄌𑄧𑄚𑄧𑄖𑄴 𑄎𑄨𑄘𑄨𑄣𑄧 𑄝𑄨𑄃𑄬𑄚𑄴𑄛𑄨, 𑄛𑄳𑄢𑄧𑄙𑄚𑄴𑄟𑄧𑄚𑄴𑄖𑄳𑄢𑄩 𑄝𑄬𑄉𑄧𑄟𑄴 𑄈𑄣𑄬𑄘𑄎𑄨𑄠𑅁 𑄦𑄨𑄣𑄴 𑄌𑄘𑄨𑄉𑄋𑄧𑄢𑄴 𑄟𑄚𑄬𑄃𑄨𑄃𑄪𑄚𑄧𑄢𑄴 𑄎𑄨𑄁𑄇𑄚𑄨 𑄟𑄖𑄴𑄧𑄢𑄴 𑄥𑄬 𑄛𑄧𑄢𑄨𑄝𑄧𑄢𑄴𑄖𑄧𑄚𑄧𑄢𑄴 𑄦𑄞 𑄃 𑄛𑄳𑄦𑄧𑄢𑄴 𑄚𑄧 𑄣𑄪𑄟𑄬𑅁
𑄊𑄧𑄘𑄧𑄚 𑄃𑄢𑄴𑄇𑄚𑄨 𑄦𑄧𑄣𑄧 𑄃𑄬𑄇𑄴𑄇𑄚𑄴 𑄌𑄨𑄉𑄮𑄚𑄴 𑄊𑄧𑄘𑄧𑄚𑄖𑄴𑄪𑄚𑄴𑅁 𑄃𑄘𑄟𑄧𑄖𑄴𑄪𑄚𑄴 𑄃𑄬𑄇𑄴𑄇 𑄘𑄪𑄢𑄧𑄖𑄴 𑄘𑄨𑄎𑄧𑄚𑄴 𑄌𑄋𑄴𑄟 𑄇𑄢𑄧𑄌𑄳𑄠𑄬 𑄟𑄨𑄣𑄬 𑄊𑄌𑄴 𑄈𑄝 𑄡𑄨𑄠𑄮𑄚𑄴𑅁 𑄥𑄬 𑄇𑄠𑄴 𑄇𑄪𑄢𑄬 𑄇𑄧𑄚𑄧𑄎𑄧𑄚𑄴 𑄚𑄧 𑄃𑄬𑄣𑄇𑄴𑅁 𑄖𑄢 𑄊𑄌𑄴 𑄇𑄝𑄚 𑄃𑄟𑄧𑄣𑄴 𑄜𑄪𑄘𑄨 𑄃𑄬𑄖𑄴𑄬 𑄥𑄨𑄠𑄮𑄖𑄴 𑄣𑄪𑄟𑄨𑄣𑄇𑄴 𑄘𑄨𑄎𑄧𑄚𑄴 𑄉𑄝𑄪𑄎𑄳𑄠 𑄥𑄬𑄑𑄬𑄣𑄢𑄴 𑄝𑄋𑄣𑄴𑅁 𑄖𑄢 𑄟𑄨𑄣𑄬𑄃𑄪𑄚𑄧𑄢𑄬 𑄦𑄬𑄢𑄬𑄠𑄳𑄠 𑄞𑄌𑄴 𑄇𑄧𑄙 𑄇𑄮𑄃𑄨 𑄙𑄧𑄢𑄧𑄚𑄴𑅁 𑄥𑄨𑄠𑄮𑄚𑄴 𑄇𑄧𑄙𑄬 𑄇𑄧𑄙𑄬 𑄏𑄝𑄬𑄝𑄢𑄴 𑄌𑄬𑄣𑄬 𑄟𑄨𑄣𑄬𑄃𑄪𑄚𑄬 𑄝𑄎𑄨𑄝𑄖𑄳𑄠 𑄦𑄙𑄧 𑄖𑄉𑄧𑄣𑄚𑄴 𑄝𑄨𑄎𑄧𑄘𑄬 𑄝𑄨𑄎𑄧𑄘𑄬 𑄝𑄋𑄣𑄳𑄠 𑄇𑄨𑄠𑄬𑄖𑄴 𑄣𑄉𑄬𑅁 𑄛𑄧𑄢𑄬 𑄈𑄉𑄢𑄍𑄧𑄢𑄨 𑄦𑄥𑄴𑄛𑄖𑄣𑄧𑄖𑄴 𑄟𑄪𑄢𑄨 𑄡𑄠𑄴 𑄥𑄬 𑄥𑄬𑄑𑄬𑄣𑄢𑄴 𑄝𑄋𑄣𑄴𑄮𑅁
𑄃𑄬 𑄟𑄪𑄢𑄨 𑄡𑄚𑄢𑄴 𑄃𑄬𑄇𑄴𑄮 𑄚𑄑𑄧𑄇𑄴 𑄝𑄚 𑄦𑄧𑄣𑄧𑅁 𑄖𑄢𑄢𑄴 𑄝𑄧𑄢𑄟𑄧𑄖𑄴 𑄉𑄪𑄌𑄴𑄧𑄉𑄳𑄢𑄟𑄧𑄖𑄴 𑄥𑄚𑄴𑄖𑄨 𑄝𑄦𑄨𑄚𑄩 𑄝𑄳𑄦 𑄝𑄚𑄬𑄠𑄳𑄠𑄧𑄚𑄴𑅁 𑄖𑄢 𑄝𑄋𑄣𑄳𑄠𑄢𑄬 𑄟𑄢𑄬 𑄜𑄬𑄣𑄴𑄮𑄚𑄴𑅁
𑄷𑄶 𑄃𑄬𑄛𑄳𑄢𑄨𑄣𑄴 𑄘𑄨𑄝𑄪𑄎𑄳𑄠𑅁 𑄇𑄧𑄠𑄬𑄥𑄧 𑄥𑄬𑄑𑄬𑄣𑄢𑄴 𑄝𑄋𑄣𑄴 𑄃 𑄖𑄢 𑄥𑄧𑄟𑄢𑄬 𑄦𑄖𑄳𑄠𑄢𑄴𑄝𑄧𑄣 𑄞𑄨𑄓𑄨𑄛𑄨, 𑄃𑄚𑄴𑄥𑄢𑄴 𑄃 𑄝𑄨𑄓𑄨𑄃𑄢𑄴 𑄃𑄨𑄢𑄪𑄇𑄴 𑄚𑄋𑄴 𑄝𑄨𑄎𑄨𑄝𑄨– 𑄉𑄪𑄌𑄴𑄍𑄧𑄉𑄳𑄢𑄟𑄧𑄖𑄴 𑄥𑄧𑄟𑄚𑄴𑅁 𑄦𑄪𑄟𑄴 𑄘𑄨𑄣𑄇𑄴 𑄝𑄬𑄇𑄴𑄪𑄚𑄬 𑄊𑄧𑄢𑄴 𑄞𑄨𑄘𑄨𑄢𑄬 𑄥𑄧𑄟𑄬 𑄗𑄬𑄝𑄢𑄴𑅁
𑄎𑄬𑄢𑄬 𑄃𑄢𑄴𑄇𑄚𑄨 𑄦𑄧𑄣𑄧 𑄙𑄧𑄁𑄥𑄧𑅁
𑄃𑄬𑄇𑄴𑄇𑄚𑄴 𑄃𑄬𑄇𑄴𑄇𑄚𑄴 𑄉𑄧𑄢𑄨 𑄉𑄧𑄢𑄧𑄖𑄴 𑄃𑄉𑄪𑄚𑄴 𑄝𑄎𑄬 𑄘𑄨𑄣𑄇𑄴𑅁 𑄡𑄢 𑄊𑄧𑄢𑄧𑄖𑄴𑄪𑄚𑄴 𑄚𑄨𑄉𑄨𑄣𑄨 𑄡𑄬𑄝𑄢𑄴 𑄌𑄬𑄣𑄇𑄴 𑄖𑄢𑄢𑄬 𑄃𑄢𑄴 𑄜𑄨𑄢𑄨 𑄃𑄬𑄃𑄨 𑄚𑄧 𑄛𑄢𑄧𑄚𑄴𑅁 𑄇𑄧𑄚𑄴 𑄎𑄧𑄚𑄬 𑄝𑄪𑄚𑄴𑄘𑄪𑄇𑄴 𑄟𑄢𑄨 𑄟𑄢𑄬 𑄜𑄬𑄣𑄬𑄣𑄇𑄴, 𑄇𑄧𑄚𑄴 𑄎𑄧𑄚𑄬𑄢𑄬 𑄖𑄉𑄧𑄣𑄴 𑄇𑄧𑄛𑄴 𑄘𑄨 𑄘𑄨 𑄃 𑄇𑄢𑄧𑄢𑄬 𑄟𑄪𑄉𑄮𑄢𑄬 𑄟𑄪𑄉𑄮𑄢𑄬 𑄟𑄢𑄬 𑄜𑄬𑄣𑄬𑄣𑄇𑄴𑅁 𑄃 𑄇𑄧𑄚𑄧 𑄎𑄧𑄚𑄬 𑄊𑄧𑄢𑄴 𑄞𑄨𑄘𑄨𑄢𑄬𑄖𑄴𑄪𑄚𑄴 𑄚𑄨𑄉𑄨𑄣𑄨 𑄚𑄧 𑄛𑄢𑄨 𑄎𑄬𑄘 𑄝𑄘𑄬 𑄃𑄉𑄪𑄚𑄧𑄖𑄴 𑄛𑄪𑄢𑄨 𑄡𑄬𑄭 𑄟𑄪𑄢𑄨 𑄉𑄬𑄣𑄇𑄴𑅁 𑄉𑄪𑄢𑄧-𑄝𑄪𑄢𑄧, 𑄉𑄝𑄪𑄎𑄳𑄠-𑄇𑄢𑄧𑄎𑄳𑄠𑄬 𑄇𑄧𑄚𑄧𑄎𑄧𑄚𑄴 𑄃𑄬 𑄘𑄧𑄏𑄖𑄴𑄪𑄚𑄴 𑄥𑄧𑄢𑄚𑄴 𑄚𑄧 𑄛𑄚𑄴𑅁
𑄊𑄧𑄘𑄧𑄚 𑄎𑄉𑄖𑄴𑄪𑄚𑄴 𑄝𑄚 𑄸𑄻𑄶 𑄟𑄨𑄑𑄢𑄴 𑄘𑄪𑄢𑄧𑄖𑄴 𑄝𑄨𑄓𑄨𑄃𑄢𑄴 𑄇𑄳𑄠𑄟𑄴𑄛𑄴𑅁 𑄡𑄢 𑄚𑄨𑄢𑄛𑄧𑄖𑄴𑄖 𑄘𑄨𑄝𑄢𑄴 𑄃𑄊𑄧𑄚𑄴 𑄖𑄢 𑄥𑄬 𑄥𑄬𑄑𑄬𑄣𑄢𑄴 𑄝𑄋𑄣𑄪𑄚𑄴 𑄥𑄧𑄟𑄢𑄬 𑄥𑄧𑄟𑄢𑄴 𑄝𑄪𑄘𑄨 𑄌𑄋𑄴𑄟𑄃𑄪𑄚𑄧𑄢𑄬 𑄟𑄢𑄬 𑄜𑄬𑄣𑄴𑄮𑅁
𑄃𑄬 𑄊𑄧𑄘𑄧𑄚𑄖𑄴 𑄇𑄧𑄎𑄧𑄚𑄴 𑄟𑄪𑄢𑄨 𑄉𑄬𑄣𑄇𑄴 𑄥𑄨𑄠𑄚𑄴 𑄇𑄧𑄚𑄴 𑄃𑄨𑄎𑄬𑄛𑄴 𑄚𑄬𑄭𑅁 𑄖 𑄎𑄬𑄢𑄬 𑄘𑄨𑄚𑄴 𑄈𑄉𑄢𑄍𑄧𑄢𑄨 𑄃𑄬𑄥𑄴𑄗𑄚𑄨𑄠𑄧 𑄥𑄧𑄢𑄴𑄇𑄢𑄴 𑄛𑄧𑄢𑄨𑄥𑄧𑄘𑄧𑄢𑄴 𑄌𑄬𑄠𑄢𑄴𑄟𑄳𑄠𑄚𑄴 𑄥𑄧𑄟𑄩𑄢𑄧𑄚𑄴 𑄘𑄬𑄃𑄮𑄠𑄚𑄬 𑄊𑄧𑄘𑄧𑄚 𑄌 𑄉𑄬𑄣𑄬 𑄖𑄢𑄬 𑄝𑄬𑄇𑄴𑄇𑄚𑄴 𑄌𑄬𑄝𑄢𑄴 𑄚𑄧 𑄘𑄳𑄠𑄪𑄚𑄴𑅁 𑄖𑄬 𑄷𑄹𑄾 𑄎𑄧𑄚𑄴 𑄟𑄧𑄢 𑄘𑄬𑄈𑄳𑄠𑄬 𑄞𑄨𑄣𑄬 𑄇𑄧𑄣𑄴𑅁 𑄃 𑄃𑄢𑄧 𑄃𑄬𑄇𑄴𑄮 𑄝𑄋𑄣𑄴 𑄓𑄇𑄴𑄖𑄧𑄢𑄴 𑄖𑄬 𑄹𑄶𑄶 𑄎𑄧𑄚𑄴 𑄥𑄧𑄁 𑄉𑄪𑄢𑄨 𑄛𑄌𑄳𑄠𑄬𑅁 𑄃 𑄟𑄧𑄚𑄴 𑄈𑄢𑄛𑄴 𑄃𑄧𑄃𑄨 𑄃𑄬𑄡𑄚𑄢𑄴 𑄉𑄪𑄚𑄨 𑄚𑄧 𑄛𑄢𑄬𑅁
𑄻𑄻𑄶 𑄥𑄚𑄴 𑄊𑄧𑄢𑄴 𑄛𑄪𑄢𑄨 𑄡𑄬𑄃𑄨 𑄍𑄬𑄃𑄨 𑄦𑄧𑄠𑄴𑅁 𑄡𑄢 𑄝𑄎𑄨 𑄃𑄬𑄣𑄇𑄴 𑄖𑄢 𑄝𑄁𑄣𑄘𑄬𑄌𑄴 𑄙𑄪𑄎𑄨 𑄛𑄢𑄴 𑄃𑄧𑄃𑄨 𑄞𑄢𑄧𑄘𑄧𑄖𑄴 𑄙𑄬𑄃𑄨 𑄡𑄬𑄣𑄇𑄴𑅁 𑄷𑄿𑄿𑄽 𑄥𑄣𑄧𑄖𑄴 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄴 𑄌𑄪𑄇𑄴𑄖𑄨 𑄛𑄧𑄢𑄴 𑄖𑄢 𑄝𑄚 𑄇𑄧𑄠𑄬𑄇𑄴𑄎𑄧𑄚𑄴 𑄜𑄨𑄢𑄨 𑄃𑄬𑄃𑄨 𑄛𑄢𑄧𑄚𑄴𑅁 𑄟𑄖𑄴𑄧𑄢𑄴 𑄖𑄢 𑄜𑄨𑄢𑄨 𑄃𑄬𑄣𑄬𑄠𑄳𑄠𑄧 𑄖𑄢 𑄎𑄉 𑄎𑄧𑄟𑄨 𑄃𑄬𑄡𑄧 𑄜𑄬𑄢𑄧𑄖𑄴 𑄚𑄧 𑄛𑄚𑄴𑅁
𑄃𑄬 𑄌𑄋𑄴𑄟 𑄇𑄝𑄨 𑄟𑄢𑄬 𑄜𑄬𑄣𑄚 𑄘𑄧𑄢𑄴𑄉𑄧𑄢𑄬 𑄛𑄢 𑄊𑄧𑄘𑄧𑄚 𑄃𑄪𑄘𑄨 𑄃𑄬𑄣𑄧 Amnesty International 𑄃𑄬 𑄛𑄳𑄢𑄧𑄘𑄨𑄝𑄬𑄘𑄧𑄚𑄧𑄖𑄴 𑄃 𑄝𑄨𑄛𑄴𑄣𑄧𑄝𑄴 𑄢𑄧𑄦𑄧𑄟𑄚𑄧𑄢𑄴 𑄣𑄬𑄊 “𑄛𑄦𑄢𑄬 𑄝𑄨𑄛𑄧𑄚𑄴𑄧 𑄎𑄧𑄚𑄧𑄛𑄧𑄘𑄴” 𑄝𑄧𑄃𑄨𑄝𑄮𑄖𑄴 𑄡𑄢 𑄊𑄧𑄘𑄧𑄚 𑄉𑄧𑄘𑄧𑄘𑄬 𑄘𑄬𑄊𑄨𑄣𑄇𑄴𑅁
𑄊𑄧𑄘𑄧𑄚𑄢𑄴 𑄇𑄧𑄠𑄬𑄇𑄴𑄘𑄨𑄚𑄧𑄢𑄴 𑄞𑄨𑄘𑄨𑄢𑄬 𑄔𑄇𑄖𑄴𑄪𑄚𑄴 𑄥𑄁𑄝𑄘𑄨𑄇𑄴, 𑄃𑄭𑄚𑄧𑄎𑄩𑄝𑄩 𑄃 𑄟𑄚𑄧𑄝𑄙𑄨𑄇𑄢𑄧 𑄇𑄧𑄢𑄴𑄟𑄩𑄃𑄪𑄚𑄧𑄢𑄴 𑄃𑄬𑄇𑄴𑄮 𑄖𑄧𑄟𑄴𑄝 𑄣𑄮𑄉𑄋𑄧𑄖𑄴 𑄃𑄬𑄝𑄢𑄴 𑄌𑄬𑄢𑄬𑄌𑄴𑄖 𑄉𑄧𑄢𑄧𑄚𑄴𑅁 𑄥𑄬 𑄖𑄧𑄟𑄴𑄝𑄖𑄴 𑄃𑄬𑄣𑄧 𑄃𑄚𑄪 𑄟𑄪𑄦𑄟𑄴𑄧𑄘𑄴, 𑄥𑄢 𑄦𑄮𑄥𑄬𑄚𑄧𑄢𑄴 𑄥𑄚𑄴 𑄝𑄧𑄚𑄴𑄘𑅁 𑄟𑄖𑄴𑄧𑄢𑄴 𑄛𑄚𑄧𑄍𑄧𑄢𑄨 𑄃𑄢𑄴𑄟𑄨 𑄇𑄳𑄠𑄟𑄴𑄛𑄧𑄖𑄴𑄪𑄚𑄴 𑄝𑄢 𑄡𑄬𑄃𑄨 𑄚𑄧 𑄛𑄢𑄧𑄚𑄴𑅁 𑄃𑄢𑄴𑄟𑄨𑄃𑄪𑄚𑄬 𑄃𑄨𑄢𑄨 𑄚𑄧 𑄘𑄳𑄠𑄪𑄚𑄴 𑄣𑄮𑄉𑄋𑄧𑄖𑄴𑅁
𑄥𑄬 𑄃𑄧𑄇𑄴𑄖𑄧𑄖𑄴 𑄟𑄮𑄚𑄴-𑄟𑄪𑄢𑄮𑄖𑄴 𑄝𑄨𑄏𑄪 𑄃𑄞 𑄝𑄢𑄴𑅁 𑄝𑄨𑄏𑄪 𑄛𑄣𑄬𑄝𑄢𑄴 𑄎𑄪𑄉𑄧𑄣𑄴 𑄃𑄧𑄘𑄧𑄚𑄴𑅁 𑄟𑄖𑄴𑄧𑄢𑄴 𑄃𑄬 𑄘𑄪𑄊𑄧𑄖𑄴𑄪𑄚𑄴 𑄛𑄦𑄢𑄨 𑄍𑄖𑄳𑄢𑄧 𑄛𑄧𑄢𑄨𑄥𑄧𑄘𑄴 𑄃 𑄎𑄪𑄟𑄴𑄧 𑄎𑄖𑄴𑄮 𑄝𑄨𑄏𑄪 𑄚𑄧 𑄛𑄬𑄣𑄬𑄝𑄢𑄴 𑄢𑄎𑄴𑄘𑄉𑄧𑄚𑄨 𑄘𑄨𑄣𑄇𑄴𑅁 𑄝𑄨𑄏𑄪 𑄛𑄣 𑄚𑄧 𑄦𑄧𑄠𑄴 𑄃𑄢𑄴𑅁 𑄈𑄪𑄎𑄨 𑄎𑄉𑄖𑄴 𑄣𑄟𑄨 𑄃𑄬𑄣𑄧 𑄟𑄧𑄢𑄟𑄧𑄌𑄳𑄠𑄬 𑄘𑄪𑄇𑄴𑅁
𑄃𑄬𑄡𑄧 𑄛𑄧𑄖𑄴𑄨𑄇𑄴 𑄝𑄧𑄏𑄧𑄢𑄴 𑄝𑄨𑄏𑄪 𑄃𑄬𑄡𑄬𑅁 𑄃𑄟𑄨 𑄃𑄪𑄖𑄴𑄥𑄧𑄛𑄴 𑄉𑄧𑄢𑄨𑅁 𑄟𑄖𑄴𑄧𑄢𑄴 𑄜𑄪𑄣𑄴 𑄝𑄨𑄏𑄪 𑄘𑄨𑄚𑄧𑄖𑄴 𑄣𑄮𑄉𑄋𑄧𑄖𑄴 𑄇𑄧𑄠𑄬𑄇𑄴 𑄜𑄪𑄘𑄧 𑄌𑄮𑄊𑄧 𑄛𑄚𑄨 𑄟𑄨𑄏𑄬 𑄘𑄨𑄃𑄨𑅁
𑄃𑄬𑄌𑄳𑄠𑄬𑄖𑄴𑄪𑄚𑄴 𑄙𑄪𑄢𑄨 𑄹𑄺 𑄝𑄧𑄏𑄧𑄢𑄴 𑄃𑄉𑄬, 𑄃𑄬 𑄘𑄨𑄚𑄧𑄖𑄴 𑄛𑄚𑄴𑄍𑄧𑄢𑄨 𑄣𑄮𑄉𑄋𑄧𑄖𑄴 𑄌𑄋𑄴𑄟𑄃𑄪𑄚𑄧𑄢𑄴 𑄣𑄮 𑄚𑄣𑄬 𑄝𑄬𑄃𑄨 𑄡𑄠𑄴, 𑄢𑄋 𑄦𑄧𑄠𑄴 𑄣𑄮𑄉𑄋𑄴 𑄛𑄢𑄴𑅁 𑄥𑄨𑄚𑄴𑄘𑄬𑄝𑄏𑄬 𑄚𑄇𑄴𑄥, 𑄢𑄨𑄝𑄬𑄇𑄴 𑄜𑄪𑄣𑄧 𑄖𑄪𑄟𑄴𑄝𑄌𑄴 𑄙𑄬𑄭 𑄡𑄬𑄣𑄧𑅁 𑄥𑄨𑄚𑄴𑄘𑄬𑄝𑄌𑄴 𑄍𑄨𑄘𑄨 𑄛𑄧𑄌𑄳𑄠𑄬 𑄌𑄬𑄢𑄮𑄛𑄣𑅁 𑄇𑄮𑄇𑄨𑄣𑄴 𑄢𑄧 𑄟𑄳𑄦𑄧 𑄦𑄧𑄠𑄬, 𑄌𑄬𑄢𑄮𑄇𑄨𑄗𑄳𑄠 𑄃𑄧𑄣𑄧𑄢𑄴𑅁 𑄝𑄚 𑄇𑄧 𑄝𑄮 𑄚𑄨𑄉𑄪𑄌𑄴 𑄚𑄨𑄉𑄪𑄌𑄴 𑄉𑄧𑄢𑄨 𑄇𑄪𑄢𑄨 𑄡𑄧𑄠𑄴𑅁 𑄦𑄞𑄨𑄣𑄳𑄠𑄌𑄴 𑄖𑄢𑄴 𑄟𑄚𑄬𑄭 𑄚𑄧 𑄗𑄬𑄣𑄬 𑄖𑄢𑄢𑄴𑄠𑄳𑄠𑄧 𑄌𑄨𑄖𑄴 𑄚𑄧 𑄞𑄨𑄎𑄨𑄝𑄮𑅁
𑄃𑄨𑄢𑄪𑄇𑄴 𑄝𑄋𑄣𑄴 𑄥𑄧𑄟𑄎𑄳𑄠, 𑄖𑄮𑄟 𑄥𑄨𑄙𑄪 𑄇𑄪𑄎𑄮𑄣𑄨, 𑄃𑄬 𑄊𑄧𑄘𑄧𑄚𑄚𑄴 𑄃𑄨𑄙𑄮𑄖𑄴 𑄢𑄊𑄧𑅁 𑄃𑄨𑄠𑄚𑄴 𑄖𑄮𑄟𑄢𑄴 𑄇𑄧𑄚𑄴 𑄃𑄧𑄛𑄧𑄢𑄙𑄴 𑄚𑄧𑄠𑄴, 𑄟𑄖𑄴𑄧𑄢𑄴 𑄝𑄨𑄎𑄧𑄇𑄴 𑄘𑄠𑄨𑅁 𑄇𑄨 𑄉𑄧𑄢𑄨𑄝 𑄈𑄧𑄝𑄧𑄢𑄴 𑄚𑄧 𑄛𑄧- 𑄝𑄚 𑄇𑄪𑄢𑄨 𑄚𑄧 𑄜𑄬𑄣𑄬𑄝𑅁
𑄣𑄮𑄉𑄁 𑄚𑄋𑄬 𑄃𑄬𑄇𑄴𑄇𑄚𑄴 𑄉𑄋𑄴 𑄃𑄊𑄬𑅁 𑄥𑄬 𑄘𑄨𑄚𑄴 𑄥𑄬 𑄚𑄋𑄴 𑄝𑄚 𑄃𑄧𑄢𑄴𑄗𑄧 𑄚𑄧 𑄃𑄬𑄣𑄧, 𑄃𑄬𑄣𑄧 𑄝𑄥𑄴𑄖𑄧𑄝𑄧𑄖𑅁 𑄉𑄧𑄎𑄳𑄠𑄬𑄛𑄧𑄎𑄳𑄠𑄬 𑄘𑄨𑄚𑄧𑄢𑄴 𑄻 𑄘𑄨𑄚𑄴 𑄃𑄊𑄬, 𑄃𑄬𑄇𑄴 𑄜𑄪𑄘𑄧 𑄌𑄮𑄊𑄧 𑄛𑄚𑄨 𑄜𑄬𑄣𑄬𑄝- 𑄖𑄮𑄟 𑄇𑄧𑄠𑄬𑄇𑄴𑄥𑄧 𑄌𑄋𑄴𑄟 𑄞𑄬𑄃𑄨𑄠𑄧𑄢𑄴 𑄃𑄨𑄙𑄮𑄖𑄴 𑄖𑄪𑄣𑄨𑄚𑄬𑄃𑄨𑅁 𑄃𑄨𑄠𑄚𑄴 𑄘𑄧 𑄉𑄧𑄢𑄨 𑄛𑄢𑄨𑄝 𑄈𑄟𑄇𑄴𑄇𑄠𑄴𑅁
𑄃𑄬𑄌𑄳𑄠𑄬 𑄹𑄺 𑄝𑄧𑄏𑄧𑄢𑄴 𑄦𑄧𑄣𑄧 𑄣𑄮𑄉𑄋𑄧𑄖𑄴 𑄝𑄋𑄣𑄬 𑄌𑄋𑄴𑄟 𑄇𑄝𑄚𑅁 𑄃𑄢𑄧 𑄘𑄳𑄦𑄨 𑄘𑄨𑄚𑄴 𑄎𑄬𑄢𑄬 𑄝𑄨𑄏𑄪𑅁 𑄟𑄖𑄴𑄧𑄢𑄴 𑄥𑄬 𑄝𑄨𑄏𑄪𑄢𑄴 𑄉𑄧𑄋𑄢𑄬 𑄦𑄬𑄘𑄬𑄘𑄨 𑄃𑄬𑄡𑄧 𑄚𑄨𑄃𑄦𑄧𑄣𑄴𑄏𑄨 𑄉𑄧𑄢𑄨 𑄞𑄬𑄃𑄨 𑄡𑄢𑄴 𑄣𑄮𑄉𑄁𑅁
𑄖𑄧𑄗𑄳𑄠𑄧: 𑄎𑄪𑄟𑄴𑄧 𑄥𑄧𑄁𑄝𑄘𑄴 𑄝𑄪𑄣𑄬𑄑𑄨𑄚𑄴𑅁
𑄈𑄧𑄘 𑄃𑄉𑄪𑄚𑄴 𑄃 𑄌𑄋𑄴𑄟 𑄥𑄧𑄟𑄎𑄴
𑄌𑄋𑄴𑄟 𑄞𑄏𑄬 𑄈𑄧𑄘 𑄃𑄧𑄢𑄴𑄗𑄧 𑄃𑄧𑄥𑄪𑄞𑄧 𑄝 𑄃𑄧𑄟𑄧𑄋𑄴𑄉𑄧𑄣𑄴𑅁 𑄈𑄧𑄘 𑄃𑄉𑄪𑄚𑄴 𑄣𑄪𑄢𑄮 𑄦𑄧𑄣𑄧𑄘𑄬 𑄃𑄧𑄥𑄪𑄞𑄧 𑄃𑄉𑄪𑄚𑄧𑄢𑄴 𑄣𑄪𑄢𑄮𑅁 𑄃𑄘𑄟𑄧𑄖𑄴 𑄃𑄬𑄇𑄴𑄇𑄚𑄴 𑄇𑄧𑄙 𑄞𑄢𑄨 𑄉𑄧𑄢𑄨 𑄌𑄧𑄣𑄬 𑄇𑄢𑄧𑄢𑄬 𑄃𑄧𑄟𑄧𑄋𑄴𑄉𑄧𑄣𑄴 𑄙𑄧𑄇𑄴 𑄘𑄬𑄊𑄨𑄣𑄬 𑄖𑄢𑄬 𑄈𑄧𑄘 𑄃𑄉𑄪𑄚𑄴 𑄣𑄪𑄢𑄮 𑄥𑄧𑄟𑄢𑄬 𑄦𑄣𑄬𑄭 𑄉𑄧𑄢𑄧𑄚𑄴𑅁 𑄇𑄢𑄧𑄢𑄴 𑄇𑄟𑄚𑄨 𑄃𑄧𑄟𑄧𑄋𑄴𑄉𑄧𑄣𑄴 𑄘𑄬𑄊𑄨𑄣𑄬 𑄃𑄨𑄝𑄬 𑄈𑄧𑄘 𑄃𑄉𑄪𑄚𑄴 𑄣𑄪𑄢𑄮 𑄃𑄧𑄞𑄧 𑄃𑄬 𑄇𑄧𑄙𑄚𑄴 𑄇𑄧𑄚𑄴𑅁 𑄘𑄮𑄣𑄬 𑄉𑄧𑄢𑄨 𑄝𑄮𑄏𑄬𑄭 𑄇𑄧𑄣𑄬, 𑄃𑄬 𑄇𑄧𑄙, 𑄃𑄮 𑄇𑄧𑄙 𑄇𑄮𑄭 𑄃𑄘𑄟 𑄇𑄮𑄣𑄴 𑄝 𑄏𑄮𑄣𑄴 𑄝𑄎𑄬 𑄘𑄨𑄣𑄬 𑄈𑄧𑄘 𑄃𑄉𑄪𑄚𑄴 𑄣𑄪𑄢𑄮 𑄇𑄧𑄚𑄴𑅁 𑄃𑄨𑄠𑄚𑄴 𑄢𑄨𑄘𑄨𑄥𑄪𑄙𑄮𑄟𑄴 𑄟𑄏𑄢 𑄡𑄬 𑄥𑄧𑄟𑄏𑄴 𑄞𑄨𑄘𑄨𑄢𑄬 𑄦𑄋𑄬, 𑄇𑄨𑄏𑄪 𑄝𑄧𑄎𑄧𑄁 𑄃𑄧𑄢𑄴𑅁
𑄃𑄟 𑄌𑄋𑄴𑄟 𑄥𑄧𑄟𑄌𑄴𑄠𑄳𑄠𑄧 𑄇𑄨 𑄃𑄬𑄌𑄳𑄠𑄬 𑄥𑄬 𑄈𑄧𑄘 𑄃𑄉𑄪𑄚𑄧𑄢𑄴 𑄙𑄧𑄇𑄳𑄠𑄬𑄚𑄴 𑄃𑄧𑄢𑄴? 𑄃𑄟𑄨 𑄾𑄶% 𑄥𑄨𑄇𑄴𑄈𑄨𑄖𑄴 𑄘𑄝𑄨 𑄉𑄧𑄢𑄨, 𑄃𑄧𑄗𑄧𑄌𑄧 𑄉𑄮𑄘 𑄥𑄧𑄟𑄌𑄴 𑄇𑄧𑄖𑄴𑄖 𑄇𑄧𑄖𑄴𑄖, 𑄃𑄧𑄝𑄨𑄌𑄳𑄠𑄬𑄌𑄴, 𑄥𑄳𑄦𑄧𑄢𑄴𑄗𑄧 𑄃𑄉𑄪𑄚𑄴𑅁 𑄥𑄣𑄬𑄚𑄴 𑄃𑄬 𑄥𑄨𑄇𑄴𑄈𑄬 𑄇𑄨 𑄃𑄎𑄧𑄣𑄬 𑄎𑄘𑄧𑄢𑄴 𑄦𑄋𑄬𑄣𑄴 𑄘𑄧𑄢𑄧𑄟𑄧𑄢𑄴 𑄃𑄧𑄢𑄴, 𑄚𑄠𑄨 𑄃𑄟𑄨 𑄝𑄚 𑄥𑄢𑄴𑄑𑄨𑄜𑄨𑄇𑄬𑄑𑄴 𑄣𑄮𑄢𑄴?
𑄥𑄨𑄇𑄴𑄈𑄬 𑄟𑄚𑄬 𑄝𑄚 𑄛𑄧𑄢𑄨 𑄛𑄢𑄚 𑄝 𑄓𑄨𑄉𑄳𑄢𑄨 𑄣𑄧𑄚 𑄚𑄧𑄠𑄴𑅁 𑄢𑄧𑄝𑄩𑄚𑄴𑄘𑄳𑄢𑄧𑄚𑄗𑄴 𑄇𑄮𑄃𑄨𑄠𑄬, 𑄥𑄨𑄇𑄴𑄈𑄬 𑄦𑄧𑄣𑄧 𑄥𑄨𑄠𑄚𑄴 𑄡 𑄃𑄟𑄢𑄬 𑄝𑄚 𑄖𑄧𑄗𑄳𑄠𑄧 𑄚𑄧 𑄘𑄬, 𑄎𑄨𑄁𑄇𑄚𑄨𑄣𑄮𑄃𑄨 𑄘𑄋𑄧𑄢𑄴 𑄢𑄬𑄉 𑄘𑄬𑄠𑄴𑅁
|
𑄘𑄨𑄇𑄴 |
𑄥𑄢𑄴𑄑𑄨𑄜𑄨𑄇𑄬𑄑𑄴𑄝𑄧𑄣 |
𑄃𑄎𑄧𑄣𑄴 𑄥𑄨𑄇𑄴𑄈𑄨𑄖𑄴 |
|
𑄌𑄮𑄇𑄴 𑄘𑄬𑄚 |
𑄌𑄉𑄧𑄢𑄨 𑄃 𑄛𑄧𑄘𑄴 𑄝𑄚 𑄟𑄧𑄢𑄴 |
𑄘𑄠𑄨𑄖𑄴𑄧 𑄃 𑄣𑄮𑄝𑄨𑄠𑄧𑄖𑄴 (𑄥𑄬𑄝) 𑄉𑄧𑄢𑄚 𑄟𑄧𑄢𑄴 𑄇𑄟𑄴 |
|
𑄥𑄧𑄟𑄏𑄧𑄢𑄴 𑄇𑄟𑄴 |
𑄟𑄪𑄭 𑄜𑄢𑄧𑄇𑄴, 𑄟𑄪𑄭 𑄘𑄋𑄧𑄢𑄴 𑄟𑄚𑄨 |
𑄟𑄪𑄭 𑄥𑄧𑄟𑄏𑄧𑄢𑄴 𑄃𑄬𑄇𑄴𑄎𑄧𑄚𑄴, 𑄥𑄧𑄟𑄏𑄧𑄢𑄴 𑄞𑄬𑄎𑄣𑄴 𑄝𑄬𑄉𑄧𑄢𑄴 |
|
𑄞𑄬𑄎𑄣𑄴 𑄘𑄬𑄊𑄨𑄣𑄬 |
𑄛𑄧𑄇𑄴𑄈𑄧 𑄚𑄨𑄬𑄚𑄭 𑄃𑄉𑄪𑄚𑄧𑄖𑄴 𑄊𑄨 𑄙𑄣𑄧𑄚𑄴 |
𑄡𑄪𑄇𑄴𑄖𑄨 𑄘𑄨𑄚𑄬𑄭 𑄃𑄉𑄪𑄚𑄴 𑄟𑄢𑄬𑄝𑄢𑄴 𑄌𑄬𑄢𑄬𑄌𑄴𑄖 𑄉𑄧𑄢𑄧𑄚𑄴 |
|
𑄢𑄨𑄘𑄨𑄥𑄪𑄙𑄮𑄟𑄴 |
𑄛𑄪𑄢𑄧𑄚𑄮 𑄝𑄬𑄇𑄴 𑄥𑄪𑄙𑄮𑄟𑄴 𑄝𑄖𑄴, 𑄚𑄧𑄠𑄴 𑄟𑄚𑄴𑄌𑄴𑄮𑄢𑄬 𑄝𑄬𑄋𑄚 |
𑄥𑄨𑄋𑄮𑄢𑄴 𑄌𑄨𑄚𑄮𑄚𑄴, 𑄥𑄧𑄟𑄢𑄧𑄢𑄴 𑄉𑄧𑄋𑄢𑄬 𑄚𑄨𑄎𑄧 𑄥𑄪𑄙𑄮𑄟𑄴 𑄗𑄨𑄇𑄴 𑄢𑄊𑄬𑄭 𑄌𑄧𑄣𑄧𑄚𑄴 |
|
𑄜𑄧𑄣𑄜𑄧𑄣𑄴 |
𑄚𑄨𑄎𑄧𑄢𑄴 𑄞𑄣𑄬𑄘𑄨, 𑄥𑄧𑄟𑄌𑄴 𑄡𑄬 𑄃𑄧𑄞𑄧 𑄃𑄮𑄇𑄴 |
𑄚𑄨𑄎𑄧𑄢𑄴 𑄃 𑄥𑄧𑄟𑄏𑄧𑄢𑄴 𑄞𑄣𑄬𑄘𑄨 𑄃𑄬𑄇𑄴 𑄥𑄧𑄟𑄢𑄬 𑄃𑄇𑄴𑄮𑄃𑄨 𑄚𑄬𑄡𑄚𑄴 |
𑄃𑄬𑄌𑄳𑄠𑄬 𑄌𑄋𑄴𑄟 𑄥𑄧𑄟𑄏𑄧𑄖𑄴 𑄏𑄇𑄴 𑄏𑄇𑄴 𑄉𑄳𑄢𑄳𑄠𑄎𑄪𑄠𑄬𑄑𑄴, 𑄟𑄥𑄴𑄑𑄢𑄴𑄥𑄴, 𑄛𑄨𑄃𑄬𑄭𑄌𑄴𑄓𑄨𑅁 𑄟𑄖𑄴𑄧𑄢𑄴 𑄃𑄘𑄟𑄧𑄢𑄴 𑄘𑄳𑄦𑄨 𑄊𑄧𑄢𑄧𑄢𑄴 𑄇𑄮𑄣𑄴 𑄇𑄮𑄎𑄳𑄠𑄬 𑄞𑄋𑄨 𑄘𑄨𑄝𑄖𑄳𑄠 𑄥𑄨𑄇𑄴𑄈𑄨𑄘𑄧𑄃𑄪𑄚𑄴 𑄃𑄇𑄴𑄮𑄃𑄨 𑄚𑄧 𑄃𑄬𑄡𑄧𑄚𑄴𑅁 𑄞𑄮𑄑𑄴 𑄃𑄬𑄣𑄬 𑄥𑄨𑄇𑄴𑄈𑄨𑄖𑄧 𑄉𑄞𑄪𑄎𑄳𑄠𑄃𑄪𑄚𑄴 𑄡𑄢𑄴 𑄡𑄢𑄴 𑄘𑄧𑄣𑄧𑄢𑄴 𑄛𑄮𑄥𑄴𑄑𑄢𑄴 𑄣𑄉𑄚𑄴𑅁 𑄙𑄧𑄢𑄴𑄟𑄧 𑄈𑄧𑄣 𑄥𑄨𑄇𑄴𑄈𑄨𑄖𑄴𑄧𑄃𑄪𑄚𑄬 𑄃𑄬𑄇𑄴𑄎𑄧𑄚𑄬 𑄃𑄢𑄧 𑄃𑄬𑄇𑄴𑄎𑄧𑄚𑄧𑄢𑄬 𑄇𑄪𑄖𑄴𑄪𑄢𑄨 𑄟𑄘𑄧𑄚𑄴, 𑄟𑄘𑄨𑄖𑄴 𑄖𑄧𑄣𑄬 𑄉𑄢𑄠𑄴𑅁 𑄥𑄣𑄬𑄚𑄴 𑄓𑄨𑄉𑄳𑄢𑄨 𑄗𑄬𑄚𑄬𑄭 𑄇𑄨 𑄃𑄟𑄨 𑄦𑄋𑄬𑄣𑄴 𑄃𑄪𑄎𑄪 𑄉𑄧𑄢𑄨 𑄢𑄊𑄬𑄃𑄨 𑄛𑄢𑄨𑄢𑄴?
𑄈𑄧𑄘 𑄃𑄉𑄪𑄚𑄴-
𑄷𑅁 𑄢𑄎𑄴𑄚𑄰𑄖𑄨𑄉𑄧𑄢𑄴 𑄜𑄢𑄧𑄇𑄴: 𑄃𑄬𑄇𑄴 𑄃𑄧𑄇𑄴𑄖𑄧𑄖𑄴 𑄎𑄪𑄟𑄴𑄧 𑄎𑄖𑄩𑄠𑄧𑄝𑄘𑄴 𑄃𑄬𑄣𑄧 𑄃𑄬𑄇𑄴 𑄎𑄧𑄙𑄢𑄴 𑄟𑄧𑄚𑄴𑄖𑄳𑄢𑄧𑅁 𑄃𑄨𑄇𑄳𑄠𑄬 𑄃𑄬𑄇𑄴𑄮 𑄥𑄨𑄣𑄧𑄖𑄴 𑄖𑄧𑄣𑄬 𑄃𑄬𑄇𑄴𑄮 𑄇𑄋𑄢𑅁 𑄃𑄬𑄇𑄴𑄇𑄚𑄴 𑄃𑄘𑄟𑄧𑄖𑄴 𑄹/𑄺𑄝𑄮 𑄘𑄧𑄣𑄴𑅁 𑄝𑄬𑄉𑄬 𑄌𑄬𑄣 𑄃𑄧𑄝𑄢𑄴 𑄌𑄚𑄴, 𑄚𑄨𑄢𑄮𑄟𑄪𑄠𑄮𑄖𑄴 𑄇𑄟𑄴 𑄉𑄧𑄢𑄨𑄠𑄬 𑄚𑄬𑄃𑄨𑅁 𑄥𑄬𑄚𑄬 𑄟𑄚𑄴𑄌𑄳𑄠𑄬 𑄥𑄬 𑄎𑄪 𑄛𑄚𑄴𑅁 𑄃𑄨𑄠𑄚𑄴 𑄈𑄧𑄘 𑄃𑄉𑄪𑄚𑄴, 𑄇𑄨𑄖𑄴𑄬 𑄊𑄧𑄢𑄴 𑄛𑄪𑄢𑄨𑄣𑄬 𑄝𑄬𑄇𑄴 𑄛𑄪𑄢𑄨 𑄡𑄠𑄴𑅁
𑄸𑅁 𑄚𑄬𑄠𑄣𑄳𑄠 - 𑄚𑄙 𑄜𑄢𑄧𑄇𑄴: 𑄣𑄬𑄊 𑄛𑄧𑄢 𑄥𑄨𑄊𑄨 𑄌𑄉𑄪𑄢𑄨 𑄛𑄬𑄣𑄬 𑄃𑄘𑄟𑄴 𑄍𑄢𑄨, 𑄥𑄧𑄦𑄧𑄢𑄧𑄖𑄴 𑄝𑄳𑄦 𑄝𑄚𑄧𑄚𑄴𑅁 𑄖𑄬𑄋 𑄦𑄧𑄣𑄬 𑄃𑄨𑄖𑄴𑄮 𑄇𑄪𑄘𑄪𑄟𑄴, 𑄃𑄘𑄟𑄳𑄠 𑄛𑄢𑄣𑄳𑄠 𑄇𑄪𑄢𑄨 𑄜𑄬𑄣𑄬𑄭𑅁 𑄉𑄧𑄢𑄨𑄝𑄴-𑄙𑄧𑄚𑄨 𑄊𑄨𑄢𑄬 𑄖𑄬𑄋𑄬𑄢 𑄘𑄨, 𑄡 𑄃𑄉𑄬𑄘𑄨 𑄌𑄋𑄴𑄟 𑄥𑄧𑄟𑄏𑄧𑄖𑄴 𑄃𑄬𑄙𑄧𑄇𑄳𑄠𑄬𑄚𑄴 𑄣𑄁𑄖 𑄚𑄧 𑄃𑄬𑄣𑄧𑅁 𑄘𑄮𑄣𑄴 𑄎𑄪𑄟𑄧𑄝𑄧𑄣 𑄢𑄨𑄘𑄨𑄥𑄪𑄙𑄮𑄟𑄴 𑄞𑄋𑄨 𑄃𑄨𑄇𑄳𑄠𑄬 𑄡 𑄟𑄪𑄏𑄪𑄋𑄚𑄴 𑄖𑄬 𑄌𑄚 𑄃𑄬𑄙𑄧𑄇𑄳𑄠𑄬𑄚𑄴 𑄦𑄧𑄣𑄧𑅁
𑄹𑅁 𑄙𑄧𑄢𑄴𑄟𑄧 𑄜𑄢𑄧𑄇𑄴: 𑄝𑄯𑄘𑄴𑄙𑄧 𑄙𑄧𑄢𑄴𑄟𑄧 𑄌𑄋𑄴𑄟𑄃𑄪𑄚𑄧𑄢𑄴 𑄛𑄧𑄢𑄚𑄧 𑄥𑄚𑄴𑅁 𑄟𑄖𑄴𑄧𑄢𑄴, 𑄃𑄨𑄇𑄳𑄠𑄬 𑄗𑄬𑄢𑄧𑄝𑄘𑄴, 𑄝𑄧𑄚𑄧𑄝𑄨𑄦𑄢𑄴-𑄝𑄯𑄘𑄴𑄙𑄧 𑄝𑄨𑄦𑄢𑄴, 𑄝𑄧𑄚𑄴 𑄞𑄚𑄴𑄖𑄬 𑄘𑄋𑄧𑄢𑄴 𑄥𑄨𑄥𑄳𑄠𑄧 𑄇𑄧𑄚𑄴𑄚, 𑄇𑄧𑄚𑄴 𑄞𑄚𑄴𑄖𑄬𑄝𑄮 𑄝𑄬𑄌𑄴 𑄘𑄋𑄧𑄢𑄴, 𑄇𑄧𑄚𑄴𑄚 𑄃𑄧𑄢𑄧𑄦𑄧𑄖𑄴, 𑄊𑄳𑄠𑄁𑄊𑄧𑄢𑄴 𑄥𑄨𑄏𑄨-𑄃𑄧𑄥𑄨𑄏𑄨 𑄃𑄨𑄠𑄚𑄨 𑄢𑄮𑄉𑄧𑄚𑄨 𑄦𑄧𑄣𑄇𑄴𑅁 𑄜𑄬𑄥𑄴𑄝𑄪𑄇𑄧𑄖𑄴 𑄥𑄨𑄇𑄴𑄈𑄨𑄖𑄴 𑄛𑄪𑄃𑄧/𑄏𑄨𑄃𑄪𑄚𑄬 𑄇𑄪𑄖𑄴𑄪𑄢𑄨 𑄟𑄘-𑄟𑄘𑄨𑅁 𑄙𑄧𑄢𑄴𑄟𑄧 𑄥𑄚𑄴𑄖𑄨 𑄇𑄧𑄙 𑄇𑄧𑄠𑄴, 𑄃𑄟𑄨 𑄙𑄧𑄢𑄴𑄟𑄧𑄠𑄚𑄧𑄘𑄮𑄃𑄨 𑄃𑄧𑄥𑄚𑄴𑄘𑄨 𑄘𑄉𑄨 𑄃𑄚𑄨𑄢𑄴𑅁 𑄃𑄨𑄠𑄚𑄴 𑄈𑄧𑄘 𑄃𑄉𑄪𑄚𑄴𑅁
𑄺𑅁 𑄥𑄧𑄟𑄏𑄧𑄢𑄴 𑄜𑄢𑄧𑄇𑄴: 𑄘𑄧𑄣𑄴, 𑄃𑄪𑄛𑄧𑄘𑄧𑄣𑄴, 𑄉𑄮𑄎-𑄉𑄮𑄥𑄴𑄒𑄨 𑄚𑄨𑄚𑄬𑄭 𑄝𑄚𑄚, 𑄝𑄢𑄴 𑄉𑄧𑄢𑄚, 𑄎𑄘𑄬-𑄝𑄬𑄎𑄘𑄬 𑄞𑄬𑄎𑄣𑄴𑅁 𑄃𑄨𑄇𑄳𑄠𑄬 𑄝𑄨𑄏𑄪, 𑄝𑄰𑄥𑄪, 𑄥𑄁𑄉𑄳𑄢𑄭 𑄥𑄚𑄴 𑄃𑄪𑄖𑄴𑄥𑄧𑄝𑄧𑄖𑄴 𑄢𑄎𑄴𑄚𑄰𑄖𑄨𑄇𑄧𑄢𑄴 𑄝𑄬𑄚𑄢𑄴 𑄖𑄚𑄖𑄚𑄨 𑄦𑄧𑄠𑄴𑅁
𑄇𑄬𑄚𑄬 𑄃𑄬𑄙𑄧𑄇𑄳𑄠𑄬 𑄦𑄧𑄠𑄴-
𑄥𑄨𑄋𑄮𑄢𑄴 𑄇𑄝 (𑄟𑄫𑄣𑄴𑄝𑄮𑄙𑄴𑄦𑄩𑄚𑄴) 𑄥𑄨𑄇𑄴𑄈: 𑄃𑄟𑄢𑄬 𑄃𑄨𑄇𑄴𑄪𑄣𑄴 𑄇𑄧𑄣𑄬𑄎𑄬 𑄝𑄚 𑄚𑄧𑄟𑄴𑄝𑄧𑄢𑄴 𑄘𑄬, 𑄟𑄚𑄪𑄌𑄴 𑄚𑄧 𑄝𑄚𑄠𑄴𑅁 𑄎𑄪𑄟𑄴𑄧 𑄎𑄘𑄧𑄢𑄴 𑄝𑄨𑄎𑄧𑄇𑄴, 𑄉𑄧𑄌𑄴𑄎𑄧𑄁 𑄉𑄏𑄧𑄢𑄴 𑄌𑄬𑄘𑄧𑄚, 𑄃𑄪𑄝𑄧𑄉𑄩𑄖𑄴 – 𑄃𑄨𑄠𑄚𑄨 𑄃𑄨𑄇𑄴𑄪𑄣𑄴 𑄛𑄧𑄢𑄨𑄝𑄢𑄴 𑄝𑄧𑄃𑄨𑄠𑄮𑄖𑄴 𑄚𑄬𑄃𑄨𑅁 𑄥𑄬𑄚𑄬 𑄥𑄨𑄋𑄮𑄢𑄴 𑄇𑄝 𑄥𑄨𑄇𑄴𑄈𑄨𑄖𑄴 𑄃𑄧𑄃𑄨 𑄡𑄘𑄧𑄚𑄴𑅁
𑄚𑄨𑄎𑄧𑄢𑄴 𑄞𑄣𑄬𑄖𑄴 𑄌𑄬𑄃𑄨𑄠𑄬: 𑄝𑄨𑄌𑄴𑄥𑄧𑄠𑄚𑄧𑄢𑄴 𑄡𑄪𑄉𑄧𑄖𑄴 ”𑄟𑄪𑄃𑄨” 𑄘𑄋𑄧𑄢𑄴, ”𑄃𑄟𑄨” 𑄌𑄨𑄉𑄮𑄚𑄴 𑄃𑄧𑄃𑄨 𑄡𑄨𑄠𑄬𑅁 𑄥𑄬 𑄥𑄢𑄴𑄑𑄨𑄜𑄨𑄇𑄬𑄑𑄴 “𑄟𑄪𑄃𑄨” 𑄢𑄧𑄝𑄮𑄢𑄬 𑄃𑄢𑄧 𑄙𑄢𑄧 𑄉𑄧𑄌𑄴𑄍𑄬𑅁
𑄘𑄧𑄞𑄇𑄘𑄨 𑄣𑄢𑄨𑄠𑄳𑄠 𑄚𑄬𑄃𑄨: 𑄃𑄢𑄁 𑄟𑄪𑄢𑄪𑄝𑄴𑄨, 𑄇𑄢𑄴𑄝𑄢𑄨, 𑄦𑄬𑄓𑄴𑄟𑄳𑄠𑄚𑄧𑄢𑄴 𑄎𑄉𑄖𑄴 𑄃𑄨𑄇𑄳𑄠𑄬 𑄜𑄬𑄥𑄴𑄝𑄪𑄇𑄧𑄢𑄴 𑄚𑄬𑄖𑅁 𑄡𑄢 𑄘𑄋𑄧𑄢𑄴 𑄘𑄋𑄧𑄢𑄴 𑄢𑄧 𑄉𑄧𑄢𑄨 𑄇𑄧𑄙 𑄇𑄮𑄃𑄨 𑄛𑄢𑄧𑄚𑄴 𑄖𑄢 𑄥𑄬 𑄘𑄋𑄧𑄢𑄴 𑄌𑄬𑄣𑅁 𑄡𑄢 𑄚𑄨𑄢𑄮𑄟𑄮𑄖𑄴 𑄇𑄟𑄴 𑄉𑄧𑄢𑄨𑄠𑄳𑄠, 𑄉𑄳𑄠𑄬𑄚𑄨 𑄖𑄢𑄢𑄴 𑄘𑄟𑄴 𑄇𑄧𑄟𑄨 𑄡𑄨𑄠𑄳𑄠𑅁
𑄚𑄨𑄎𑄬 𑄝𑄎𑄚: 𑄥𑄧𑄟𑄌𑄴 𑄉𑄬𑄣𑄬 𑄡𑄮𑄇𑄴, 𑄟𑄪𑄃𑄨 𑄉𑄧𑄟𑄴 𑄃𑄊𑄧𑄁- 𑄃𑄬𑄙𑄧𑄇𑄳𑄠𑄬 𑄞𑄝𑄚𑅁 𑄥𑄨𑄇𑄴𑄈𑄨𑄖𑄴 𑄟𑄚𑄬𑄃𑄨𑄃𑄪𑄚𑄴 𑄝𑄬𑄉𑄧𑄖𑄴𑄪𑄚𑄴 𑄝𑄬𑄌𑄴 𑄃𑄬 𑄖𑄧𑄟𑄴𑄝𑄖𑄴 𑄃𑄊𑄧𑄚𑄴, 𑄘𑄬𑄊𑄨𑄣𑄬𑄠𑄳𑄠𑄧 𑄇𑄨𑄌𑄴𑄍𑄪 𑄚𑄧 𑄇𑄧𑄚𑄴𑅁
𑄈𑄧𑄘 𑄃𑄉𑄪𑄚𑄧𑄢𑄴 𑄎𑄨𑄣𑄴 𑄝𑄧𑄣𑄨 𑄃𑄧𑄃𑄨 𑄃𑄪𑄘𑄬 𑄥𑄧𑄇𑄳𑄠𑄬, 𑄡𑄧𑄇𑄳𑄠𑄬 𑄎𑄘𑄧𑄢𑄴 𑄦𑄋𑄬𑄣𑄧 𑄇𑄘 𑄎𑄋𑄢𑄬 𑄙𑄧𑄢𑄬𑅁 𑄥𑄢𑄴𑄑𑄨𑄜𑄨𑄇𑄬𑄑𑄴 𑄥𑄧𑄇𑄳𑄠𑄬 𑄝𑄬𑄢𑄴𑄌𑄉𑄖𑄴 𑄌𑄮𑄇𑄴 𑄎𑄪𑄢𑄠𑄴 𑄝𑄚, 𑄟𑄧𑄚𑄧𑄖𑄴 𑄛𑄳𑄦𑄧𑄢𑄴 𑄚𑄧 𑄍𑄨𑄘𑄠𑄴𑅁 𑄃𑄬 𑄃𑄉𑄪𑄚𑄴 𑄟𑄢𑄬𑄝𑄖𑄳𑄠 𑄦𑄧𑄣𑄬 𑄥𑄨𑄇𑄴𑄈𑄚𑄧𑄢𑄬 𑄝𑄚 𑄇𑄣𑄨 𑄃𑄮𑄇𑄴𑄮𑄢𑄧𑄖𑄴𑄪𑄚𑄴 𑄥𑄮𑄢𑄚𑄴 𑄘𑄨𑄚𑄬𑄃𑄨 𑄢𑄨𑄝𑄬𑄋𑄧𑄖𑄴𑄪𑄚𑄴 𑄃𑄨𑄟𑄬 𑄉𑄧𑄢 𑄛𑄧𑄢𑄨𑄝𑄧𑅁 𑄥𑄧𑄝𑄧𑄖𑄴 𑄚𑄬𑄡 𑄛𑄧𑄢𑄨𑄝𑄧, 𑄟𑄙 𑄃𑄪𑄎𑄪 𑄉𑄧𑄢𑄨 𑄢𑄊𑄬𑄝𑄢𑄴, 𑄦𑄖𑄴 𑄘𑄋𑄧𑄢𑄴 𑄉𑄧𑄢𑄨𑄝𑄢𑄴 𑄃 𑄥𑄨𑄋𑄮𑄢𑄴 𑄃𑄧𑄇𑄴𑄮𑄝𑄬 𑄃𑄎 𑄉𑄧𑄢𑄨 𑄙𑄧𑄢𑄨𑄝𑄢𑄴𑅁
𑄏𑄢𑄧𑄖𑄴 𑄃𑄉𑄪𑄚𑄴 𑄝𑄎𑄨𑄣𑄬 𑄘𑄋 𑄉𑄬𑄣𑄬 𑄝𑄬𑄉𑄧𑄖𑄴𑄪𑄚𑄴 𑄃𑄉𑄬 𑄚𑄨𑄎𑄧 𑄊𑄧𑄢𑄚𑄴 𑄢𑄧𑄈𑄳𑄠𑄬 𑄉𑄧𑄢 𑄛𑄧𑄢𑄬𑅁 𑄗𑄨𑄇𑄴 𑄥𑄬𑄙𑄧𑄇𑄳𑄠𑄬 𑄥𑄧𑄟𑄏𑄧𑄢𑄴 𑄈𑄧𑄘 𑄃𑄉𑄪𑄚𑄴 𑄟𑄢𑄬𑄝𑄢𑄴 𑄦𑄧𑄣𑄬 𑄛𑄧𑄣𑄳𑄠 𑄚𑄨𑄎𑄧𑄢𑄴 𑄟𑄧𑄚𑄧𑄢𑄴 𑄃𑄚𑄴𑄙𑄢𑄴 𑄘𑄪𑄢𑄴 𑄉𑄧𑄢 𑄛𑄧𑄢𑄨𑄝𑄧𑅁
𑄎𑄪𑄟𑄴 𑄟𑄘𑄨𑄖𑄴 𑄡𑄬 𑄛𑄪𑄃𑄧𑄝𑄮 𑄎𑄧𑄚𑄧𑄟𑄴 𑄦𑄧𑄠𑄴, 𑄖 𑄟𑄪𑄠𑄮𑄖𑄴 𑄛𑄧𑄣𑄳𑄠 𑄜𑄪𑄘𑄬 𑄟 𑄞𑄌𑄴𑅁 𑄖 𑄇𑄚𑄧𑄖𑄴 𑄛𑄧𑄣𑄳𑄠 𑄡𑄬 𑄟𑄧𑄚𑄴𑄖𑄳𑄢𑄧𑄝𑄮 𑄥𑄧𑄟𑄬 𑄢𑄙𑄟𑄧𑄚𑄴-𑄙𑄧𑄚𑄧𑄛𑄪𑄘𑄨 𑄇𑄦𑄨𑄚𑄨𑅁 𑄝𑄨𑄥𑄴𑄧𑄃𑄨𑄇𑄴𑄪𑄣𑄧𑄢𑄴 𑄟𑄧𑄠𑄴𑄘𑄚𑄧𑄖𑄴 𑄦𑄙𑄨𑄣𑄬𑄠𑄳𑄠𑄧 𑄖 𑄈𑄪𑄌𑄴 𑄡𑄬𑄚𑄴 𑄇𑄪𑄢𑄨 𑄚𑄧 𑄜𑄬𑄣𑄢𑄴 𑄉𑄧𑄌𑄴𑄎𑄧𑄁 𑄉𑄏𑄧 𑄖𑄧𑄣𑄬 𑄙𑄪𑄣𑄴𑅁 𑄡𑄬 𑄥𑄨𑄇𑄴𑄈𑄬 𑄖𑄢𑄬 𑄥𑄨𑄋𑄮𑄢𑄧𑄖𑄴𑄪𑄚𑄴 𑄃𑄪𑄉𑄪𑄢𑄬 𑄃𑄚𑄬, 𑄥𑄬 𑄥𑄨𑄇𑄴𑄈𑄬 𑄥𑄬 𑄦𑄋𑄬𑄣𑄧𑄇𑄘 𑄚𑄧𑄠𑄴, 𑄖𑄬 𑄘𑄧 𑄃𑄘𑄪𑄢𑄴𑅁
𑄚𑄨𑄎𑄧𑄢𑄬 𑄞𑄢𑄴, 𑄟𑄧 𑄝𑄨𑄘𑄳𑄠 𑄇𑄨 𑄝𑄚 𑄃𑄟𑄧𑄚𑄧𑄢𑄴 𑄢𑄧𑄁𑄖𑄏𑄖𑄳𑄠𑄭, 𑄚𑄠𑄨 𑄡𑄬 𑄟𑄮𑄚𑄴-𑄟𑄪𑄢𑄧 𑄃𑄟𑄢𑄬 𑄛𑄣𑄬-𑄘𑄪𑄣𑄬 𑄃𑄚𑄴𑄬 𑄖 𑄇𑄧𑄌𑄴𑄎𑄧 𑄥𑄪𑄎𑄨𑄝𑄢𑄴𑄣𑄠𑄴? 𑄡𑄬 𑄇𑄧𑄣𑄧𑄟𑄴 𑄙𑄧𑄢𑄨𑄣𑄧𑄁, 𑄥𑄬 𑄇𑄧𑄣𑄧𑄟𑄴 𑄘𑄨𑄚𑄬𑄭 𑄇𑄨 𑄃𑄟𑄨 𑄝𑄚 𑄘𑄧𑄢𑄴𑄈𑄥𑄴𑄖𑄧 𑄣𑄬𑄊𑄨𑄝𑄧𑄁, 𑄚𑄠𑄨 𑄎𑄘𑄧𑄢𑄴 𑄝𑄨𑄎𑄧𑄇𑄴𑄠𑄳𑄠𑄧 𑄣𑄬𑄊𑄨𑄝𑄧𑄁? 𑄌𑄘𑄨 (𑄝𑄮𑄟𑄴𑄝) 𑄚𑄨𑄎𑄬 𑄚𑄧 𑄎𑄧𑄣𑄨𑄣𑄬 𑄖𑄬 𑄇𑄨 𑄛𑄢𑄬 𑄛𑄳𑄦𑄧𑄢𑄴 𑄍𑄨𑄘𑄨?
𑄎𑄘𑄧𑄢𑄴 𑄝𑄧𑄑𑄴𑄉𑄌𑄴 𑄎𑄧𑄚𑄧𑄟𑄴 𑄦𑄧𑄠𑄴 𑄊𑄧𑄢𑄴 𑄃𑄪𑄘𑄮𑄚𑄧𑄖𑄴𑅁 𑄡𑄬 𑄊𑄧𑄢𑄧𑄢𑄴 𑄛𑄪𑄃𑄧/𑄏𑄨𑄢𑄬 𑄝𑄚 𑄙𑄝 𑄘𑄬𑄚 𑄥𑄬𑄊𑄚 𑄦𑄧𑄠𑄴, 𑄘𑄪𑄇𑄴-𑄥𑄪𑄊𑄧𑄢𑄴 𑄞𑄇𑄴 𑄣𑄧𑄚 𑄟𑄧𑄚𑄴𑄖𑄳𑄢𑄧 𑄥𑄬𑄊 𑄚𑄧 𑄦𑄧𑄠𑄴 𑄥𑄬 𑄊𑄧𑄢𑄧𑄢𑄴 𑄈𑄧𑄘 𑄃𑄉𑄪𑄚𑄴 𑄣𑄪𑄢𑄮 𑄎𑄧𑄚𑄧𑄟𑄴 𑄦𑄧𑄠𑄴𑅁
𑄥𑄎𑄧𑄚𑄳𑄠 𑄣𑄟𑄨 𑄃𑄬𑄣𑄬 𑄎𑄪𑄚𑄨 𑄛𑄪𑄉𑄧𑄢𑄴 𑄛𑄳𑄦𑄧𑄢𑄬 𑄃𑄎𑄪-𑄞𑄬𑄝𑄬 𑄇𑄧𑄢𑄧𑄖𑄴 𑄝𑄧𑄎𑄧𑄚𑄴 𑄌𑄨𑄎𑄨 𑄘𑄊𑄨𑅁 𑄥𑄪𑄚𑄴𑄘𑄮𑄇𑄴, 𑄇𑄬𑄚𑄬 𑄃𑄪𑄞𑄧𑄉𑄩𑄖𑄴 𑄉𑄬𑄃𑄨 𑄃𑄟 𑄛𑄫𑄢𑄴𑄝𑄧𑄛𑄪𑄢𑄪𑄥𑄴𑄃𑄪𑄚𑄬 𑄘𑄪𑄇𑄴𑄈𑄚𑄨 𑄛𑄚𑄨 𑄉𑄧𑄢𑄧𑄚𑄴𑅁 𑄎𑄚𑄴𑄘𑄮𑄇𑄴, 𑄝𑄨𑄏𑄪 𑄟𑄚𑄬 𑄚𑄪𑄃𑄧 𑄃𑄪𑄢𑄧𑄚𑄴-𑄛𑄨𑄢𑄧𑄚𑄴 𑄚𑄧𑄠𑄴, 𑄜𑄪𑄣𑄴 𑄉𑄮𑄎𑄬𑄃𑄨 𑄛𑄪𑄢𑄧𑄚𑄴 𑄝𑄧𑄏𑄧𑄢𑄧𑄢𑄴 𑄘𑄪𑄇𑄴𑄈𑄚𑄨 𑄝𑄎𑄬𑄃𑄨 𑄘𑄬𑄚, 𑄎𑄘𑄨𑄢𑄴 𑄥𑄨𑄢𑄨𑄥𑄪𑄙𑄮𑄟𑄴 𑄢𑄊𑄬𑄭 𑄃𑄙𑄪𑄥𑄨𑄇𑄴 𑄡𑄪𑄉𑄧𑄖𑄴 𑄚𑄧𑄟𑄚𑅁 𑄝𑄪𑄏𑄮𑄘𑄮𑄇𑄴, 𑄇𑄨𑄠𑄮𑄋𑄧𑄖𑄴 𑄘𑄚𑄴 𑄘𑄨𑄚𑄬 𑄝𑄚 𑄛𑄫𑄕𑄳𑄠𑄧 𑄚𑄧 𑄦𑄧𑄠𑄴, 𑄡𑄪𑄚𑄨 𑄃𑄘𑄟𑄖𑄴 𑄉𑄪𑄢𑄧𑄃𑄪𑄚𑄴 𑄛𑄬𑄖𑄴 𑄦𑄋𑄪𑄘𑄨 𑄦𑄋𑄪𑄘𑄨 𑄗𑄬𑄃𑄨 𑄛𑄚𑄴 𑄃 𑄖𑄢𑄢𑄴 𑄇𑄚𑄚 𑄇𑄚𑄧𑄖𑄴 𑄚𑄧 𑄥𑄧𑄟𑄬𑄣𑄬𑅁
𑄟𑄰𑄖𑄳𑄢𑄩, 𑄇𑄧𑄢𑄪𑄕, 𑄟𑄪𑄘𑄨𑄖, 𑄃𑄪𑄛𑄬𑄇𑄴𑄈 𑄃𑄬 𑄌𑄬𑄢𑄚𑄴 𑄘𑄧𑄢𑄧𑄛𑄴 𑄡𑄪𑄚𑄨 𑄉𑄨𑄢𑄨𑄢𑄴 𑄥𑄨𑄇𑄴𑄈𑄢𑄴 𑄞𑄨𑄖𑄴𑄨 𑄚𑄧 𑄦𑄧𑄠𑄴, 𑄥𑄣𑄬𑄚𑄴 𑄟𑄮𑄚𑄴 𑄛 𑄛 𑄓𑄨𑄉𑄳𑄢𑄨 𑄗𑄬𑄣𑄬𑄠𑄳𑄠𑄧 𑄃𑄟𑄨 𑄘𑄮𑄣𑄴 𑄈𑄌𑄳𑄠𑄬𑄖𑄴𑄪𑄚𑄴 𑄃𑄪𑄢𑄨 𑄛𑄧𑄢𑄨 𑄡𑄬𑄝𑄧𑄁𑅁
𑄌𑄋𑄴𑄟 𑄥𑄧𑄟𑄏𑄧𑄖𑄴 𑄃𑄬𑄇𑄴 𑄥𑄧𑄟𑄧𑄠𑄴 𑄎𑄧𑄙𑄢𑄴 𑄝𑄨𑄕 𑄥𑄪𑄢𑄴 𑄝𑄎𑄨𑄘𑄧𑅁 𑄃𑄬𑄌𑄳𑄠𑄬 𑄥𑄬 𑄝𑄩𑄕 𑄖𑄢𑄴 𑄍𑄨𑄚𑄨 𑄡𑄨𑄠𑄬𑅁 𑄘𑄧𑄣𑄴, 𑄃𑄪𑄛𑄧𑄘𑄧𑄣𑄴, 𑄉𑄮𑄎-𑄉𑄮𑄥𑄴𑄒𑄩, 𑄉𑄪𑄢𑄪𑄝𑄘𑄴, 𑄝𑄪𑄘𑄴𑄙𑄧, 𑄝𑄧𑄚𑄧 𑄇𑄮𑄣𑄴-𑄇𑄮𑄎𑄳𑄠𑄠𑄴 𑄇𑄧𑄖𑄴𑄖𑄖𑄴𑄪𑄚𑄴 𑄇𑄧𑄖𑄴𑄖 𑄃𑄧𑄃𑄨 𑄃𑄊𑄧𑄚𑄴𑅁 𑄈𑄧𑄘 𑄃𑄉𑄪𑄚𑄴 𑄃𑄬 𑄇𑄮𑄣𑄴-𑄇𑄮𑄎𑄳𑄠 𑄥𑄪𑄉𑄮𑄚𑄧 𑄘𑄢𑄴𑄝𑄮 𑄃𑄉𑄪𑄚𑄴 𑄞𑄮𑄟𑄴𑄞𑄮𑄚𑄬𑄃𑄨 𑄦𑄋𑄬𑄢𑄴𑅁
𑄦𑄬 𑄥𑄨𑄇𑄴𑄈𑄨𑄖𑄧 𑄛𑄧𑄢𑄴𑄝𑄮𑄠𑄣𑄧𑄇𑄴, 𑄖𑄮𑄟 𑄣𑄬𑄊𑄣𑄮𑄃𑄨 𑄟𑄳𑄦𑄧 𑄉𑄧𑄢𑄧 𑄃𑄬 𑄝𑄨𑄌𑄴𑄝𑄮𑄟𑄴𑅁 𑄜𑄬𑄥𑄴𑄝𑄪𑄇𑄧𑄢𑄴 𑄢𑄬𑄎𑄳𑄠𑄧𑄖𑄴 𑄡𑄧𑄈𑄳𑄠𑄬 𑄘𑄬𑄊𑄧 𑄃𑄬𑄇𑄴 𑄞𑄬𑄭 𑄃𑄢𑄧 𑄃𑄬𑄇𑄴 𑄞𑄬𑄭𑄠𑄧𑄢𑄬 𑄇𑄪 𑄇𑄧𑄙 𑄇𑄧𑄢𑄴, 𑄖𑄪𑄭 𑄥𑄨𑄠𑄮𑄖𑄴 𑄖𑄧 𑄃𑄨𑄚𑄴𑄎𑄬𑄝𑄧 𑄢𑄬𑄉 𑄘𑄬𑅁 𑄃𑄪𑄖𑄴𑄥𑄧𑄝𑄧𑄢𑄴 𑄃𑄪𑄘𑄮𑄚𑄧𑄖𑄴 𑄡𑄧𑄈𑄳𑄠𑄬 𑄘𑄬𑄊𑄧𑄢𑄴 𑄢𑄎𑄴𑄚𑄩𑄖𑄨 𑄝𑄝𑄧𑄘 𑄃𑄪𑄢𑄬𑄢𑄴, 𑄖𑄪𑄭 𑄥𑄨𑄠𑄮𑄖𑄴 𑄢𑄨𑄘𑄨𑄥𑄪𑄙𑄮𑄟𑄧𑄢𑄴 𑄎𑄪𑄚𑄧 𑄛𑄳𑄦𑄧𑄢𑄴 𑄍𑄨𑄘𑄨 𑄘𑄬𑅁 𑄃𑄨𑄙𑄮𑄖𑄴 𑄢𑄊𑄧, 𑄃𑄋𑄪𑄣𑄴 𑄃𑄪𑄝𑄧 𑄉𑄧𑄢𑄨𑄣𑄬 𑄃𑄉𑄪𑄚𑄴 𑄝𑄢𑄬, 𑄦𑄖𑄴𑄎𑄪𑄢𑄴 𑄉𑄧𑄢𑄨𑄣𑄬 𑄃𑄉𑄪𑄚𑄴 𑄟𑄧𑄢𑄬𑅁
𑄝𑄨𑄏𑄪𑄖𑄴 𑄛𑄎𑄧𑄚𑄴 𑄹𑄹-𑄹𑄻 𑄛𑄧𑄖𑄴𑄮𑄃𑄨 𑄢𑄚𑄨𑄣𑄬 𑄥𑄮𑄠𑄧𑄖𑄴 𑄦𑄧𑄠𑄴, 𑄗𑄨𑄇𑄴 𑄚𑄚𑄚𑄴 𑄟𑄧𑄖𑄴 𑄃𑄬𑄉𑄧𑄖𑄴𑄧𑄢𑄴 𑄉𑄧𑄢𑄨𑄣𑄬 𑄎𑄖𑄴 𑄟𑄧𑄦𑄧𑄖𑄴 𑄦𑄧𑄠𑄴𑅁 𑄚𑄚𑄚𑄴 𑄟𑄧𑄖𑄴 𑄗𑄮𑄇𑄴, 𑄦𑄨𑄁𑄥𑄬 𑄚𑄧𑄠𑄴𑅁
𑄃𑄟 𑄃𑄨𑄇𑄴𑄪𑄣𑄴, 𑄝𑄨𑄥𑄴𑄧 𑄃𑄨𑄇𑄴𑄪𑄣𑄴 𑄡𑄬𑄚𑄴 𑄝𑄚 𑄚𑄧𑄟𑄴𑄝𑄧𑄢𑄧𑄢𑄴 𑄇𑄢𑄴𑄈𑄚 𑄚𑄧 𑄦𑄧𑄠𑄴𑅁 𑄡𑄨𑄠𑄮𑄖𑄴 𑄥𑄧𑄢𑄧𑄥𑄳𑄦𑄧𑄖𑄩𑄢𑄴 𑄥𑄧𑄟𑄢𑄬 𑄡𑄬𑄚𑄴 𑄇𑄧𑄣𑄴𑄛𑄧𑄖𑄧𑄢𑄪𑄠𑄳𑄠𑄧 𑄝𑄧𑄣𑄴 𑄛𑄨𑄠𑄬 𑄉𑄧𑄢𑄨 𑄗𑄠𑄴𑅁
𑄃𑄨𑄇𑄴𑄪𑄣𑄴 𑄝𑄧𑄃𑄨𑄠𑄮𑄢𑄴 𑄛𑄘𑄖𑄴 𑄗𑄮𑄇𑄴 𑄢𑄋 𑄣𑄮𑄠𑄬 𑄞𑄨𑄎𑄨 𑄡𑄨𑄠𑄬 𑄎𑄪𑄟𑄴 𑄝𑄨𑄎𑄧𑄇𑄴𑅁 𑄗𑄮𑄇𑄴 𑄌𑄋𑄴𑄟 𑄢𑄎𑄃𑄪𑄚𑄧𑄢𑄴 𑄛𑄣, 𑄗𑄮𑄇𑄴, 𑄟𑄚𑄧𑄝𑄬𑄚𑄴𑄘𑄳𑄢𑄧 𑄚𑄢𑄠𑄧𑄚𑄴 𑄣𑄢𑄧𑄟 𑄥𑄧𑄝𑄧𑄚𑄧𑄢𑄴 𑄇𑄧𑄙𑅁 𑄛𑄧𑄢𑄴𑄝𑄮𑄠 𑄡𑄧𑄈𑄳𑄠𑄬 𑄥𑄬𑄇𑄴𑄥𑄧𑄛𑄨𑄠𑄧𑄢𑄴 𑄛𑄧𑄢𑄨𑄝𑄴, 𑄥𑄧𑄈𑄳𑄠𑄬 𑄡𑄬𑄚𑄴 𑄖𑄬 𑄥𑄨𑄝𑄧𑄌𑄧𑄢𑄧𑄕𑄧𑄢𑄬 𑄌𑄨𑄚𑄬𑅁 𑄡𑄧𑄈𑄳𑄠𑄬 𑄖𑄬 𑄚𑄨𑄃𑄪𑄑𑄧𑄚𑄧𑄢𑄬 𑄝𑄢𑄧𑄝𑄢𑄴 𑄃𑄨𑄙𑄮𑄖𑄴 𑄖𑄪𑄣𑄨𑄝𑄴, 𑄥𑄧𑄇𑄳𑄠𑄬 𑄡𑄬𑄚𑄴 𑄖𑄬 𑄚𑄨𑄎𑄧𑄢𑄴 𑄎𑄘𑄧𑄢𑄴 𑄚𑄪𑄃𑄧 𑄉𑄧𑄢𑄨 𑄎𑄉𑄨𑄝𑄢𑄴 𑄛𑄧𑄖𑄴 𑄖𑄮𑄉𑄠𑄴𑅁
𑄇𑄨𑄠𑄮𑄋𑄧𑄢𑄴 𑄈𑄧𑄣 𑄝𑄚 𑄙𑄧𑄢𑄴𑄟𑄧 𑄎𑄉 𑄚𑄧𑄠𑄴, 𑄃𑄮𑄇𑄴 𑄉𑄳𑄠𑄬𑄚𑄧𑄢𑄴 𑄈𑄪𑄣𑄴 𑄃𑄬𑄇𑄴𑄮 𑄟𑄖𑄴𑅁 𑄥𑄛𑄴𑄖 𑄝𑄨𑄘𑄨 𑄡𑄘𑄬 𑄝𑄮𑄎𑄧𑄇𑄴 𑄉𑄳𑄠𑄬𑄚𑄧𑄌𑄧𑄇𑄳𑄢𑄧𑅁 𑄥𑄨𑄇𑄴𑄈𑄨𑄖𑄴 𑄉𑄞𑄪𑄎𑄳𑄠𑄧, 𑄛𑄧𑄢𑄴𑄝𑄮𑄠𑄃𑄪𑄚𑄬 𑄥𑄬𑄊𑄘𑄮𑄇𑄴 𑄃𑄙𑄧𑄚𑄨𑄇𑄴 𑄝𑄨𑄎𑄴𑄐𑄚𑄴 𑄃 𑄟𑄪𑄢𑄧𑄝𑄴𑄨𑄃𑄪𑄚𑄬 𑄥𑄬𑄊𑄘𑄮𑄇𑄴 𑄎𑄨𑄁𑄇𑄚𑄨𑄖𑄴 𑄡 𑄣𑄉𑄧𑄖𑄴 𑄛𑄨𑄠𑄮𑄚𑄴𑅁 𑄃𑄬𑄙𑄧𑄇𑄬𑄚𑄴 𑄛𑄢𑄧𑄎𑄢𑄬 𑄈𑄧𑄘 𑄃𑄉𑄪𑄚𑄴 𑄝𑄧𑄘𑄧𑄣𑄬 𑄉𑄳𑄠𑄬𑄚𑄧𑄢𑄴 𑄝𑄮𑄟𑄴𑄝 𑄎𑄧𑄣𑄨𑄝𑄴𑅁
𑄥𑄨𑄇𑄴𑄈 𑄡𑄪𑄚𑄨 𑄛𑄬𑄖𑄴𑄮𑄟𑄧𑄢 𑄦𑄧𑄠𑄴 𑄥𑄣𑄬𑄚𑄴 𑄥𑄬 𑄥𑄨𑄇𑄴𑄈 𑄚𑄧𑄟𑄧𑄚𑄧𑄥𑄪𑄇𑄴𑅁 𑄦𑄋𑄬𑄣𑄴 𑄚𑄧 𑄣𑄧𑄋𑄚 𑄦𑄧𑄣𑄧𑄘𑄬 𑄟𑄪 𑄛𑄧𑄦𑄴’𑄢𑄧 𑄉𑄧𑄢𑄚𑅁
𑄟𑄘𑄨 𑄃𑄟 𑄟𑅁 𑄥𑄬 𑄟𑄢𑄬 𑄃𑄪𑄖𑄴𑄬𑄣𑄁𑄖 𑄦𑄧𑄣𑄬 𑄃𑄧𑄣𑄧𑄢𑄴 𑄉𑄧𑄢𑄨 𑄗𑄚 𑄥𑄨𑄠𑄚𑄴 𑄇𑄨 𑄝𑄨𑄘𑄳𑄠? 𑄥𑄧𑄁𑄝𑄨𑄙𑄚𑄧𑄢𑄴 𑄛𑄘𑄖𑄴 𑄃𑄟𑄢𑄴 𑄃𑄪𑄖𑄴𑄨𑄛𑄪𑄖𑄴𑄨 𑄇𑄧𑄙 𑄚𑄧 𑄗𑄬𑄣𑄬 𑄇𑄧𑄣𑄧𑄟𑄴 𑄇𑄣𑄨 𑄘𑄨𑄚𑄬𑄃𑄨 𑄇𑄨 𑄃𑄧𑄞𑄴? 𑄛𑄢𑄴𑄝𑄧𑄖𑄳𑄠𑄧 𑄌𑄪𑄇𑄴𑄖𑄨 𑄡𑄪𑄚𑄨 𑄝𑄥𑄴𑄖𑄧𑄝𑄠𑄧𑄚𑄴 𑄚 𑄦𑄧𑄠𑄴 𑄝 𑄝𑄚 𑄃𑄏𑄠𑄴 𑄃𑄏𑄠𑄴 𑄘𑄨𑄚𑄴 𑄉𑄧𑄋𑄬 𑄡𑄠𑄴 𑄥𑄣𑄬𑄚𑄴 𑄃𑄬 𑄓𑄨𑄉𑄳𑄢𑄨 𑄚𑄨𑄚𑄬𑄃𑄨 𑄇𑄨 𑄃𑄧𑄞𑄧?
𑄦𑄬 𑄛𑄧𑄢𑄴𑄝𑄮𑄠, 𑄖𑄪𑄟𑄨 𑄝𑄳𑄠𑄧𑄝𑄧𑄥𑄠𑄨 𑄦𑄧, 𑄝𑄨𑄎𑄴𑄐𑄚𑄨 𑄦𑄧, 𑄟𑄖𑄴𑄧𑄢𑄴 𑄝𑄬𑄉𑄴 𑄃𑄉𑄬 𑄞𑄝 𑄛𑄧𑄢𑄨𑄝𑄴 𑄟𑄪𑄃𑄨 𑄎𑄘𑄧𑄢𑄴 𑄌𑄪𑄉𑄨𑄘𑄢𑄴; 𑄖𑄮𑄟 𑄟𑄮𑄚𑄴-𑄟𑄪𑄢𑄴, 𑄖𑄮𑄟 𑄟 𑄞𑄌𑄴, 𑄖𑄮𑄟 𑄃𑄧𑄥𑄳𑄦𑄧𑄖𑄴𑄧𑅁 𑄘𑄧𑄌𑄴𑄍𑄚𑄴 𑄌𑄉𑄪𑄢𑄨 𑄛𑄨𑄎𑄨𑄘𑄬 𑄙𑄝 𑄘𑄬𑄚𑄖𑄴𑄪𑄚𑄴 𑄃𑄬𑄇𑄴𑄇 𑄇𑄟𑄴 𑄃𑄢𑄚 𑄉𑄧𑄢𑄧𑄌𑄴 𑄡 𑄝𑄬𑄉𑄧𑄢𑄴 𑄃𑄪𑄛𑄧𑄉𑄢𑄴 𑄦𑄧𑄠𑄴𑅁 𑄇𑄨𑄖𑄴𑄬 𑄝𑄬𑄚𑄳𑄠-𑄝𑄬𑄣𑄳𑄠 𑄃𑄨𑄙𑄬 𑄛𑄘 𑄜𑄬𑄣𑄬 𑄛𑄢𑄚 𑄃𑄨𑄠𑄚𑄴 𑄃𑄬𑄇𑄴𑄇𑄚𑄴 𑄞𑄧𑄢𑄴𑅁
𑄇𑄧𑄙 𑄃𑄊𑄬, ”𑄡𑄬 𑄃𑄉𑄪𑄚𑄴 𑄝𑄎𑄬 𑄘𑄬𑄠𑄴 𑄖𑄬 𑄃𑄉𑄪𑄚𑄴 𑄟𑄢𑄬𑄝𑄢𑄴 𑄖𑄢𑄴 𑄛𑄚𑄨 𑄈𑄪𑄟𑄴 𑄗𑄠𑄴𑅁” 𑄌𑄋𑄴𑄟 𑄥𑄧𑄟𑄏𑄧𑄢𑄴 𑄃𑄬 𑄈𑄧𑄘 𑄃𑄉𑄪𑄚𑄴 𑄃𑄟𑄨 𑄝𑄎𑄬 𑄘𑄨𑄠𑄳𑄠𑄃𑄨 𑄃𑄟 𑄣𑄮𑄞𑄧𑄖𑄴, 𑄃𑄟𑄢𑄴 𑄖𑄬𑄁𑄖𑄋𑄧𑄖𑄴 𑄃𑄨𑄙𑄮𑄖𑄴 𑄚𑄬𑄃𑄨 𑄉𑄧𑄢𑄨𑅁
𑄥𑄬𑄚𑄬 𑄥𑄬 𑄃𑄉𑄪𑄚𑄴 𑄟𑄢𑄚 𑄇𑄟𑄴 𑄃𑄟𑄢𑄴 𑄝𑄬𑄉𑄧𑄢𑄴𑅁 𑄛𑄚𑄨 𑄈𑄪𑄟𑄴𑄮 𑄃𑄟 𑄝𑄨𑄘𑄳𑄠𑅁 𑄟𑄖𑄴𑄧𑄢𑄴 𑄈𑄪𑄟𑄴𑄮 𑄡𑄪𑄚𑄨 𑄌𑄪𑄘𑄧 (𑄈𑄣𑄨) 𑄦𑄧𑄠𑄴, 𑄝𑄚 𑄝𑄢𑄬𑄘𑄨 𑄌𑄮𑄇𑄴 𑄥𑄮𑄞 𑄗𑄠𑄴 𑄥𑄣𑄬𑄚𑄴 𑄃𑄉𑄪𑄚𑄴 𑄚𑄧 𑄟𑄪𑄢𑄨𑄝𑄧𑅁 𑄈𑄪𑄟𑄴𑄮 𑄞𑄧𑄢𑄧𑄚𑄴 𑄉𑄧𑄢 𑄛𑄧𑄢𑄨𑄝𑄧 𑄇𑄟𑄧𑄢𑄴 𑄉𑄪𑄚𑄬, 𑄎𑄧𑄙𑄝𑄧𑄣𑄴 𑄛𑄚𑄨𑄠𑄬, 𑄚𑄨𑄎𑄧𑄢𑄴 𑄌𑄨𑄚𑄴𑄛𑄧𑄌𑄳𑄠𑄬𑄢𑄴 𑄚𑄮𑄚𑄴𑄬 𑄥𑄨𑄣𑄧 𑄛𑄚𑄨𑄣𑄮𑄃𑄨𑅁
𑄝𑄨𑄘𑄳𑄠 𑄡𑄬𑄘𑄨𑄚𑄴 𑄦𑄋𑄬𑄣𑄴 𑄘𑄧𑄢𑄴 𑄉𑄧𑄢𑄚 𑄥𑄧𑄝𑄧𑄖𑄴 𑄚𑄨𑄝𑄧, 𑄥𑄬𑄘𑄨𑄚𑄴 𑄈𑄧𑄘 𑄃𑄉𑄪𑄚𑄚𑄴 𑄃𑄧𑄃𑄨 𑄡𑄬𑄝𑄧 𑄙𑄪𑄚𑄨𑄢𑄴 𑄃𑄉𑄪𑄚𑄴𑅁 𑄡𑄬 𑄃𑄉𑄪𑄚𑄴 𑄊𑄧𑄢𑄴 𑄚𑄧 𑄛𑄪𑄢𑄬𑅁 𑄡𑄬 𑄃𑄉𑄪𑄚𑄴 𑄎𑄢𑄴 𑄇𑄘𑄨 𑄡𑄠𑄴, 𑄞𑄖𑄴 𑄢𑄚𑄧𑄚𑄴 𑄃 𑄃𑄚𑄴𑄙𑄢𑄚𑄴 𑄙𑄬𑄃𑄨 𑄡𑄬𑄃𑄨 𑄛𑄧𑄖𑄴 𑄘𑄬𑄊𑄠𑄴𑅁
𑄃𑄬𑄡𑄧, 𑄥𑄬 𑄥𑄪𑄞𑄧 𑄃𑄉𑄪𑄚𑄧𑄢𑄴 𑄃𑄏𑄠𑄴 𑄃𑄟𑄨 𑄝𑄬𑄉𑄬 𑄡𑄢𑄴 𑄡𑄢𑄴 𑄈𑄪𑄟𑄴 𑄇𑄧𑄢𑄧𑄖𑄴 𑄣𑄮𑄃𑄨𑅁
𑄥𑄚𑄴𑄖𑄨𑄖𑄳𑄠𑄭 𑄥𑄪𑄈𑄧𑄝𑄧𑄢𑄴, 𑄚𑄠𑄨 𑄛𑄪𑄢𑄧𑄚𑄴 𑄊 𑄃𑄪𑄉𑄪𑄢𑄬 𑄚𑄪𑄃𑄧 𑄢𑄧𑄁 𑄣𑄨𑄞𑄨 𑄘𑄬𑄚?
“𑄛𑄢𑄴𑄝𑄧𑄖𑄳𑄠𑄧
𑄌𑄧𑄑𑄴𑄧𑄉𑄳𑄢𑄟𑄬
𑄥𑄚𑄴𑄖𑄨
𑄌𑄪𑄇𑄴𑄖𑄨
𑄚𑄨𑄠𑄬
𑄥𑄪𑄈𑄧𑄝𑄧𑄢𑄴
𑄃𑄥𑄧𑄝𑄬”—
𑄛𑄢𑄴𑄝𑄧𑄖𑄳𑄠𑄧
𑄟𑄧𑄚𑄴𑄖𑄳𑄢𑄩
𑄃𑄳𑄠𑄓𑄴.
𑄘𑄩𑄛𑄬𑄚𑄴
𑄘𑄬𑄃𑄮𑄠𑄚𑄴𑄘𑄊𑄨
𑄇𑄮𑄃𑄨𑄠𑄬
𑄇𑄧𑄙𑄚𑄴
𑄿 𑄃𑄬𑄛𑄳𑄢𑄨𑄣𑄴
𑄸𑄶𑄸𑄼
𑄈𑄧𑄝𑄧𑄢𑄧𑄢𑄴
𑄥𑄧𑄟𑄇𑄣𑄴
𑄈𑄧𑄝𑄧𑄢𑄧
𑄇𑄉𑄮𑄎𑄧𑄢𑄴
𑄥𑄨𑄢𑄮𑄚𑄟𑄚𑄴
𑄃𑄬𑄇𑄴
𑄜𑄪𑄘𑄮
𑄢𑄮𑄖𑄴
𑄃𑄧𑄃𑄨
𑄏𑄪𑄢𑄨
𑄛𑄧𑄢𑄬𑅁
𑄃𑄧𑄗𑄧𑄌𑄧
𑄥𑄬 𑄢𑄮𑄖𑄴
𑄦𑄨𑄣𑄧𑄢𑄴
𑄖𑄢𑄪𑄟𑄧𑄖𑄴
𑄚𑄧 𑄣𑄪𑄟𑄬𑅁
𑄥𑄨𑄙𑄪
𑄡𑄪𑄇𑄴
𑄡𑄪𑄇𑄴
𑄙𑄧𑄢𑄨
𑄎𑄧𑄟
𑄦𑄧𑄠𑄬
𑄇𑄣 𑄍𑄝, 𑄝𑄧 𑄚𑄨𑄏𑄬𑄌𑄴
𑄃 𑄚𑄧 𑄥𑄪𑄉𑄬𑄃𑄨𑄠𑄬
𑄣𑄮 𑄘𑄇𑄴𑅁
𑄝𑄁𑄣𑄘𑄬𑄏𑄧𑄖𑄴
𑄚𑄪𑄃𑄧
𑄢𑄋 𑄝𑄬𑄣𑄚𑄴
𑄃𑄪𑄘𑄚
𑄥𑄧𑄟𑄢𑄬
𑄎𑄪𑄟𑄴𑄧
𑄎𑄘𑄧𑄢𑄴
𑄟𑄙 𑄃𑄪𑄉𑄪𑄢𑄬
𑄡𑄬 𑄢𑄥𑄴𑄑𑄳𑄢𑄧
𑄚𑄋𑄧𑄣𑄴
𑄜𑄣𑄴
𑄜𑄬𑄣𑄴𑄬
𑄖 𑄜𑄧𑄥𑄧𑄣𑄴
𑄇𑄨 𑄥𑄧𑄖𑄳𑄠𑄨
𑄥𑄚𑄴𑄖𑄨?
𑄚 𑄥𑄬 𑄚𑄋𑄧𑄣𑄧𑄢𑄴
𑄛𑄧𑄖𑄴𑄨𑄇𑄴
𑄖𑄚𑄴
𑄖𑄢𑄢𑄴
𑄥𑄳𑄦𑄧𑄢𑄴𑄉𑄧𑄞𑄫𑄟𑄨
𑄣𑄢𑄬
𑄣𑄢𑄬
𑄍𑄧𑄝𑄥𑄣𑄴
𑄥𑄚𑄴
𑄃𑄧𑄣𑄧𑄢𑄴
𑄃𑄧𑄃𑄨
𑄃𑄊𑄬?
𑄥𑄚𑄴𑄘𑄨
𑄇𑄧𑄚𑄴
𑄟𑄧𑄐𑄴𑄌𑄧𑄖𑄴
𑄟𑄭𑄇𑄴𑄮𑄃𑄨
𑄢𑄎𑄴𑄘𑄉𑄧𑄚𑄨
𑄛𑄧𑄋𑄧𑄇𑄴𑄖𑄨
𑄚𑄧𑄠𑄴𑅁
𑄥𑄚𑄴𑄘𑄨
𑄇𑄧𑄚𑄧
𑄛𑄳𑄢𑄧𑄉𑄴𑄉𑄛𑄧𑄚𑄧𑄢𑄴
𑄣𑄬𑄊
𑄇𑄧𑄚𑄧
𑄛𑄬𑄢
𑄚𑄧𑄠𑄴𑅁
𑄥𑄚𑄴𑄘𑄨
𑄦𑄧𑄣𑄧
𑄥𑄬 𑄉𑄋𑄴, 𑄡 𑄚𑄳𑄠𑄠𑄧𑄖𑄴𑄪𑄚𑄴
𑄚𑄨𑄉𑄨𑄣𑄨
𑄥𑄧𑄟𑄴𑄟𑄚𑄧
𑄟𑄮𑄚𑄴-𑄟𑄪𑄢𑄴
𑄜𑄢𑄨
𑄃𑄬𑄃𑄨
𑄚𑄨𑄎𑄧𑄢𑄴
𑄌𑄨𑄚𑄴𑄛𑄧𑄌𑄳𑄠𑄬
𑄘𑄧𑄎𑄳𑄠𑄬𑄖𑄴
𑄟𑄨𑄏𑄬𑅁
𑄡𑄧𑄇𑄳𑄠𑄬 𑄝𑄨𑄎𑄬𑄢𑄴 𑄚𑄬𑄭 𑄢𑄬𑄖𑄴 𑄗𑄪𑄟𑄴 𑄚𑄧 𑄦𑄧𑄠𑄴, 𑄡𑄧𑄇𑄳𑄠𑄬 𑄚𑄨𑄎𑄧𑄞𑄫𑄟𑄨 𑄛𑄧𑄢𑄧𑄝𑄥𑄩𑄥𑄚𑄴 𑄝𑄎 𑄛𑄧𑄢𑄬, 𑄡𑄧𑄈𑄳𑄠𑄬 𑄟 𑄞𑄏𑄧𑄢𑄴 𑄟𑄖𑄴𑄪𑄚𑄴 𑄢𑄥𑄴𑄑𑄳𑄢𑄧 𑄘𑄪𑄃𑄧𑄢𑄧𑄖𑄴 𑄙𑄪𑄌𑄴 𑄟𑄢𑄨 𑄜𑄨𑄢𑄨 𑄃𑄬𑄡𑄬- 𑄥𑄧𑄇𑄳𑄠𑄬 𑄥𑄚𑄴𑄘𑄨 𑄟𑄖𑄴𑄮 𑄝𑄚 𑄃𑄬𑄇𑄴𑄮 𑄢𑄧 𑄝𑄚𑅁 𑄖 𑄞𑄨𑄘𑄨𑄢𑄬 𑄛𑄧𑄢𑄚𑄴 𑄚𑄧 𑄗𑄠𑄴𑅁
𑄛𑄢𑄴𑄖𑄳𑄠𑄧 𑄟𑄧𑄚𑄴𑄖𑄳𑄢𑄩 𑄇𑄧𑄠𑄴, 𑄛𑄳𑄢𑄧𑄙𑄚𑄴𑄟𑄧𑄚𑄴𑄖𑄳𑄢𑄩 𑄖𑄢𑄬𑄇𑄴 𑄢𑄧𑄦𑄧𑄟𑄚𑄴 𑄡𑄢𑄴 𑄡𑄢𑄴 𑄙𑄧𑄇𑄴-𑄜𑄎, 𑄈𑄌𑄳𑄠𑄬𑄖𑄴, 𑄢𑄨𑄘𑄨𑄥𑄪𑄙𑄮𑄟𑄴 𑄢𑄧𑄈𑄳𑄠𑄬 𑄉𑄧𑄢𑄨𑄝𑄢𑄴 𑄦𑄪𑄟𑄴 𑄘𑄨𑄠𑄳𑄠𑅁 𑄖𑄬 𑄇𑄧𑄣𑄧, “𑄛𑄦𑄢𑄨-𑄝𑄋𑄣𑄨 𑄞𑄬𑄘𑄞𑄬𑄘𑄴 𑄚𑄬𑄃𑄨𑅁” 𑄃𑄦, 𑄇𑄨 𑄃𑄬 𑄟𑄨𑄙𑄬 𑄇𑄧𑄙𑄢𑄴 𑄇𑄢𑄴 𑄟𑄧𑄚𑄴 𑄚𑄧 𑄉𑄧𑄣𑄬!
𑄟𑄖𑄴𑄧𑄢𑄴 𑄦𑄨𑄣𑄧𑄢𑄴 𑄝𑄪𑄉𑄧𑄖𑄴 𑄇𑄚𑄴 𑄛𑄘𑄨 𑄥𑄪𑄚𑄧𑅁 𑄝𑄧𑄢𑄴𑄉𑄋𑄴 𑄇𑄨 𑄦𑄬𑄭𑄖𑄴𑄏𑄝𑄧𑄢𑄴 𑄚𑄬𑄃𑄨 𑄉𑄧𑄢𑄨 𑄇𑄧𑄣𑄴𑄇𑄧𑄣𑄴 𑄉𑄠𑄴? 𑄥𑄎𑄬𑄉𑄧𑄢𑄴 𑄟𑄬𑄇𑄴𑄇𑄚𑄨 𑄖𑄨 𑄃𑄬𑄡𑄧 𑄣𑄌𑄴-𑄘𑄧𑄢𑄴 𑄚𑄬𑄃𑄨 𑄉𑄧𑄢𑄨 𑄎𑄪𑄟𑄧𑄊𑄧𑄢𑄧𑄖𑄴 𑄣𑄟𑄨 𑄃𑄬𑄠𑄬?
𑄛𑄧𑄖𑄴𑄗𑄧𑄟𑄬 𑄦𑄨𑄣𑄧𑄢𑄴 𑄟𑄮𑄚𑄴-𑄟𑄪𑄢𑄮𑄃𑄪𑄚𑄴 𑄃𑄣𑄘 𑄇𑄧𑄙𑅁 𑄡𑄨𑄠𑄮𑄖𑄴 𑄟𑄧𑄚𑄴𑄉𑄮𑄎𑄣𑄮𑄃𑄨 𑄎𑄉-𑄎𑄧𑄟𑄨 𑄇𑄢𑄨 𑄣𑄧𑄚𑄴, 𑄡𑄨𑄠𑄮𑄖𑄴 “𑄚𑄨𑄢𑄛𑄧𑄖𑄴𑄖” 𑄚𑄋𑄬 𑄣𑄪𑄠𑄮𑄣𑄧𑄃𑄨 𑄝𑄚𑄬𑄠𑄳𑄠 𑄈𑄬𑄢𑄛𑄴 𑄥𑄪𑄙𑄮𑄟𑄧 𑄃𑄪𑄘𑄮𑄚𑄧𑄖𑄴 𑄏𑄪𑄣𑄨 𑄏𑄪𑄣𑄨 𑄗𑄠𑄴, 𑄥𑄨𑄠𑄮𑄖𑄴 𑄞𑄬𑄘𑄞𑄬𑄘𑄴 𑄚𑄬𑄃𑄨 𑄃𑄬 𑄇𑄧𑄙𑄚𑄴 𑄢𑄎𑄧𑄚𑄩𑄘𑄨𑄢𑄴 𑄥𑄮𑄚𑄢𑄴 𑄢𑄧𑄋𑄧𑄢𑄴 𑄝𑄚𑄬𑄠𑄳𑄠 𑄃𑄬𑄇𑄴𑄮 𑄜𑄳𑄢𑄬𑄟𑄴 𑄃𑄢𑄪𑄇𑄴 𑄃𑄧𑄃𑄨 𑄡𑄠𑄴𑅁 𑄥𑄬 𑄃𑄢𑄪𑄉𑄧 𑄞𑄨𑄘𑄨𑄢𑄬 𑄇𑄧𑄚𑄴 𑄛𑄧𑄢𑄚𑄴 𑄚𑄬𑄃𑄨𑅁
𑄷𑄿𑄿𑄽, 𑄓𑄨𑄥𑄬𑄟𑄴𑄝𑄧𑄢𑄴 𑄸𑅁 𑄃𑄬𑄇𑄴𑄮 𑄇𑄧𑄣𑄧𑄟𑄴, 𑄃𑄬𑄇𑄴𑄇𑄚𑄴 𑄇𑄉𑄮𑄌𑄴 𑄃𑄬𑄇𑄴𑄗𑄪𑄛𑄴 𑄥𑄧𑄝𑄧𑄚𑄴𑅁 𑄛𑄢𑄴𑄝𑄧𑄖𑄳𑄠𑄧 𑄌𑄪𑄇𑄴𑄖𑄨 𑄥𑄳𑄦𑄧𑄇𑄴𑄈𑄧𑄢𑄴 𑄦𑄧𑄣𑄧𑅁 𑄟𑄮𑄚𑄴-𑄟𑄪𑄢𑄴, 𑄍𑄧𑄢-𑄉𑄋𑄴 𑄞𑄛𑄳𑄠𑄬, 𑄃𑄨𑄠𑄮𑄖𑄴 𑄖𑄢 𑄃𑄚𑄴𑄙𑄢𑄴 𑄣𑄟𑄴𑄝 𑄢𑄬𑄖𑄴 𑄗𑄪𑄟𑄴 𑄃𑄧𑄃𑄨 𑄡𑄬𑄝𑄧𑅁
𑄃𑄧𑄗𑄧𑄌𑄧 𑄸𑄾 𑄌𑄮 𑄛𑄨𑄣𑄁 𑄇𑄣𑄴 𑄛𑄢𑄴 𑄃𑄧𑄃𑄨 𑄉𑄬𑄣𑄧𑅁 𑄌𑄪𑄇𑄴𑄖𑄨 𑄦𑄧𑄢𑄧𑄇𑄴𑄪𑄚𑄴 𑄇𑄉𑄮𑄏𑄴 𑄃𑄢𑄴𑄊𑄘𑄖𑄴 𑄝𑄚𑄳𑄠𑄬 𑄃𑄧𑄃𑄨 𑄃𑄊𑄧𑄚𑄴𑅁 𑄞𑄫𑄟𑄨 𑄇𑄧𑄟𑄨𑄥𑄧𑄚𑄴 𑄚𑄋𑄬 𑄟𑄪𑄠𑄮𑄖𑄴 𑄦𑄏𑄨 𑄚𑄬𑄃𑄨, 𑄇𑄟𑄴 𑄚𑄬𑄃𑄨𑅁 𑄖 𑄑𑄬𑄝𑄨𑄣𑄧𑄖𑄴 𑄎𑄧𑄟 𑄦𑄧𑄠𑄬 𑄦𑄎𑄢𑄴 𑄦𑄎𑄢𑄴 𑄘𑄧𑄢𑄴𑄈𑄥𑄴𑄖𑄧 𑄊𑄪𑄚𑄴 𑄛𑄧𑄢𑄨 𑄛𑄪𑄢𑄧𑄚𑄴 𑄃𑄧𑄃𑄨 𑄡𑄢𑄴𑅁 𑄌𑄪𑄇𑄴𑄖𑄨 𑄝𑄥𑄴𑄖𑄧𑄝𑄠𑄧𑄚𑄴 𑄃𑄏 𑄃𑄬𑄡𑄧 𑄘𑄪𑄢𑄴 𑄃𑄉𑄏𑄧 𑄟𑄮𑄚𑄴 𑄌𑄪𑄉𑄧𑄖𑄴 𑄟𑄬𑄊𑄧𑄥𑄚𑄴 𑄞𑄎𑄨 𑄝𑄬𑄢𑄢𑄴𑅁 𑄙𑄧𑄢𑄨 𑄛 𑄚𑄧 𑄡𑄢𑄴𑅁 𑄃 𑄃𑄧𑄗𑄨𑄘𑄧 𑄇𑄳𑄠𑄟𑄴𑄛𑄧𑄃𑄚𑄨 𑄗𑄨𑄘𑄧 𑄦𑄧𑄘𑄬 𑄦𑄧𑄘𑄬 𑄟𑄪𑄢𑄪𑄣𑄳𑄠 𑄃𑄧𑄞𑄨𑄙𑄚𑄧𑄖𑄴 𑄚𑄪𑄃𑄧 𑄟𑄖𑄴 𑄜𑄪𑄘𑄬 𑄖𑄪𑄣𑄬𑄢𑄴𑅁
𑄃𑄬 𑄏𑄨𑄚𑄴𑄘𑄪𑄢𑄪𑄇𑄴-𑄇𑄨𑄚𑄴𑄘𑄪𑄢𑄪𑄇𑄴 𑄝𑄧 𑄟𑄪𑄏𑄪𑄋𑄬 𑄗𑄨𑄠𑄬 𑄃𑄢𑄧 𑄡𑄧𑄈𑄳𑄠𑄬 “𑄥𑄪𑄈𑄧𑄝𑄧𑄢𑄴” 𑄃𑄬 𑄓𑄧𑄟𑄴𑄢𑄪 𑄝𑄎𑄬 𑄥𑄧𑄈𑄳𑄠𑄬 𑄦𑄨𑄣𑄴 𑄌𑄘𑄨𑄉𑄋𑄴 𑄉𑄨𑄢𑄴𑄉𑄨𑄢𑄬𑄃𑄨 𑄃𑄪𑄘𑄬𑅁 𑄞𑄪𑄎𑄮𑄣𑄴 𑄝𑄠𑄴𑅁 𑄃𑄨𑄠𑄚𑄴 𑄟𑄧𑄚𑄬 𑄦𑄧𑄠𑄴 𑄚𑄪𑄃𑄧 𑄉𑄌𑄴𑄍𑄢, 𑄚𑄠𑄨 𑄛𑄪𑄢𑄧𑄚𑄴 𑄛𑄣𑄖𑄴 𑄃𑄢𑄧 𑄚𑄪𑄃𑄧 𑄉𑄧𑄢𑄨 𑄢𑄬𑄁 𑄖𑄪𑄣𑄬𑄢𑄴?
𑄥𑄚𑄴𑄘𑄨𑄢𑄧𑄠𑄳𑄠𑄧 𑄢𑄧𑄁 𑄃𑄊𑄬𑅁 𑄡𑄪𑄚𑄨 𑄥𑄚𑄴𑄘𑄨 𑄢𑄧𑄁 𑄦𑄧𑄠𑄴 𑄃𑄬𑄇𑄴𑄢𑄧𑄋𑄳𑄠, 𑄡𑄪𑄚𑄨 𑄥𑄚𑄴𑄘𑄨 𑄃𑄧𑄢𑄴𑄗𑄧 𑄦𑄧𑄠𑄴 𑄝𑄬𑄇𑄴𑄪𑄚𑄴 𑄙𑄧𑄇𑄬 𑄥𑄎𑄬 𑄚𑄬𑄡𑄚, 𑄡𑄪𑄚𑄨 𑄥𑄚𑄴𑄘𑄨 𑄚𑄋𑄴 𑄦𑄧𑄠𑄴 𑄢𑄥𑄴𑄑𑄳𑄢𑄧𑄢𑄴 𑄦𑄚𑄴𑄏𑄟𑄬 𑄥𑄨𑄋𑄮𑄣𑄧𑄢𑄬 𑄜𑄪𑄣𑄴 𑄘𑄨𑄚𑄬𑄃𑄨 𑄥𑄎𑄚- 𑄥𑄣𑄬𑄚𑄴 𑄥𑄬 𑄥𑄚𑄴𑄘𑄨 𑄎𑄪𑄟𑄴𑄧𑄃𑄪𑄚𑄧𑄢𑄴 𑄣𑄠𑄴 𑄥𑄚𑄴𑄘𑄨 𑄚𑄧𑄠𑄴𑅁 𑄥𑄨𑄠𑄚𑄴 𑄇𑄝𑄨𑄣𑄴 𑄦𑄙𑄬 𑄝𑄚𑄬𑄠𑄳𑄠 𑄃𑄧𑄞𑄨𑄥𑄛𑄴𑅁
𑄎𑄪𑄟𑄴𑄧𑄃𑄪𑄚𑄧𑄢𑄴 𑄥𑄚𑄴𑄘𑄨 𑄃𑄧𑄚𑄴𑄮 𑄝𑄝𑄧𑄖𑄳𑄠𑅁 𑄖𑄢𑄢𑄴 𑄥𑄚𑄴𑄘𑄨 𑄦𑄧𑄣𑄧 𑄎𑄪𑄟𑄴 𑄛𑄪𑄢𑄚 𑄃𑄉𑄪𑄚𑄴 𑄟𑄧𑄢𑄚 𑄛𑄧𑄢𑄴 𑄚𑄨𑄌𑄨𑄘𑄬 𑄉𑄧𑄢𑄨 𑄊𑄪𑄟𑄴 𑄡𑄚𑅁 𑄖𑄢𑄢𑄴 𑄥𑄚𑄴𑄘𑄨 𑄦𑄧𑄣𑄴 𑄚𑄨𑄎𑄧𑄢𑄴 𑄝𑄉𑄚𑄧𑄢𑄴 𑄃𑄟𑄴 𑄉𑄏𑄧𑄢𑄴 𑄚𑄨𑄎𑄧𑄢𑄴 𑄚𑄚𑄪 𑄈𑄧𑄣𑄚𑅁 𑄖𑄢𑄢𑄴 𑄥𑄚𑄴𑄘𑄨 𑄦𑄧𑄣𑄧 𑄝𑄨𑄏𑄪, 𑄝𑄰𑄥𑄪, 𑄥𑄁𑄉𑄳𑄢𑄭, 𑄌𑄁𑄇𑄳𑄢𑄭𑄚𑄧𑄟𑄴 𑄝𑄨𑄦𑄪, 𑄝𑄨𑄥𑄪 𑄝𑄪𑄚𑄴𑄘𑄪𑄉𑄧𑄢𑄴 𑄍𑄝 𑄝𑄘𑄬 𑄚𑄎𑄧𑄢𑄴 𑄃𑄧𑄙𑄨𑄉𑄢𑄴𑅁 𑄖𑄢𑄢𑄴 𑄥𑄚𑄴𑄘𑄨 𑄦𑄧𑄣𑄧 𑄃𑄘𑄣𑄧𑄘𑄧𑄖𑄴 𑄚𑄨𑄎𑄧𑄢𑄴 𑄞𑄌𑄴𑄮𑄃𑄨 𑄇𑄚𑄚 𑄃𑄧𑄢𑄴𑄗𑄧 𑄝𑄪𑄏𑄨 𑄛𑄢𑄚𑅁
𑄥𑄚𑄴𑄘𑄨 𑄚𑄧 𑄃𑄬𑄡𑄬 𑄞𑄥𑄧𑄚𑄧𑄖𑄴𑅁 𑄥𑄚𑄴𑄘𑄨 𑄃𑄬𑄡𑄬 𑄜𑄨𑄢𑄬 𑄘𑄬𑄚𑄖𑄴𑅁 𑄥𑄚𑄴𑄘𑄨 𑄃𑄬𑄡𑄬 𑄎𑄉 𑄎𑄧𑄟𑄨𑄖𑄴 𑄚𑄚𑄪 𑄜𑄨𑄢𑄬 𑄘𑄨𑄣𑄬𑅁 𑄥𑄚𑄴𑄘𑄨 𑄃𑄬𑄡𑄬 𑄌𑄪𑄇𑄴𑄖𑄨 𑄛𑄧𑄖𑄴𑄨𑄇𑄴 𑄦𑄧𑄢𑄧𑄇𑄴𑄮𑄢𑄬 𑄟𑄮𑄚𑄴-𑄟𑄪𑄢𑄧𑄖𑄴, 𑄍𑄧𑄢-𑄉𑄋𑄴, 𑄟𑄚𑄪𑄏𑄧𑄢𑄴 𑄊𑄧𑄢𑄬 𑄊𑄧𑄢𑄬 𑄛𑄧𑄢𑄚𑄴 𑄘𑄨𑄣𑄬𑅁 𑄥𑄚𑄴𑄘𑄨 𑄃𑄬𑄡𑄬 𑄡𑄧𑄈𑄳𑄠𑄬 𑄢𑄥𑄴𑄑𑄳𑄢𑄧 𑄦𑄨𑄣𑄴 𑄌𑄘𑄨𑄉𑄋𑄴 𑄞𑄬𑄎𑄣𑄴 𑄌𑄮𑄊𑄬 𑄚𑄧 𑄌𑄬𑄃𑄨 𑄥𑄧𑄟𑄴𑄛𑄧𑄘𑄴 𑄌𑄮𑄊𑄬 𑄌𑄬𑄣𑄬𑅁 𑄡𑄧𑄈𑄳𑄠𑄬 𑄖𑄬 𑄝𑄪𑄏𑄨𑄝𑄮, 𑄝𑄁𑄣𑄘𑄬𑄏𑄧𑄢𑄴 𑄟𑄚𑄴𑄌𑄨𑄖𑄳𑄢𑄧 𑄝𑄚 𑄥𑄧𑄁𑄞𑄫𑄃𑄨𑄠𑄧𑄖𑄴 𑄦𑄬𑄃𑄨𑄣𑄴 𑄚𑄧𑄠𑄴, 𑄦𑄨𑄣𑄴 𑄌𑄘𑄨𑄉𑄋𑄴 𑄟𑄮𑄚𑄴 𑄟𑄧𑄢𑄮𑄖𑄴 𑄗𑄪𑄛𑄴 𑄗𑄪𑄛𑄴 𑄜𑄪𑄣𑄴 𑄜𑄪𑄘𑄧𑄚𑄴𑅁
𑄃𑄬 𑄥𑄧𑄖𑄳𑄠𑄧 𑄝𑄘𑄬 𑄡𑄬 𑄇𑄧𑄚𑄧 𑄥𑄪𑄈𑄧𑄝𑄧𑄢𑄴 𑄝𑄚 𑄛𑄪𑄢𑄧𑄚𑄴 𑄊 𑄃𑄪𑄉𑄪𑄢𑄬 𑄇𑄇𑄴𑄈𑄮𑄚𑄧𑄖𑄳𑄠𑄭 𑄚𑄪𑄃𑄧 𑄘𑄢𑄪 𑄣𑄬𑄞𑄬𑄘𑄬 𑄘𑄬𑄚𑅁 𑄣𑄬𑄞𑄬𑄘𑄬 𑄘𑄨𑄣𑄬 𑄊 𑄙𑄉𑄨 𑄛𑄢𑄬, 𑄟𑄖𑄴𑄧𑄢𑄴 𑄞𑄨𑄘𑄨𑄢𑄬 𑄛𑄪𑄎𑄨 𑄡𑄠𑄴𑅁 𑄃 𑄥𑄬 𑄛𑄧𑄎 𑄈𑄇𑄴𑄌𑄳𑄠 𑄝𑄌𑄴 𑄃𑄬𑄇𑄴𑄘𑄨𑄚𑄴 𑄝𑄨𑄎𑄧𑄉𑄧𑄢𑄴 𑄛𑄘𑄖𑄴 𑄣𑄬𑄊 𑄗𑄬𑄝𑄧-
𑄥𑄙𑄨𑄚𑄧𑄖𑄢𑄴 𑄛𑄧𑄢𑄧𑄖𑄴𑄪𑄚𑄴 𑄃𑄬𑄇𑄴𑄮 𑄎𑄘𑄧𑄢𑄴 𑄟𑄙 𑄃𑄪𑄉𑄪𑄢𑄬 𑄦𑄣𑄴 𑄌𑄪𑄉 𑄦𑄧𑄠𑄬𑅁 𑄃 𑄖𑄢𑄢𑄴 𑄥𑄧𑄢𑄴𑄉𑄧𑄞𑄫𑄟𑄨𑄢𑄬 𑄣𑄢𑄬 𑄣𑄢𑄬 𑄥𑄧𑄝𑄥𑄣𑄴 𑄝𑄚 𑄦𑄧𑄠𑄬𑅁 𑄊 𑄉𑄧𑄟𑄴 𑄃𑄧𑄝𑄖𑄳𑄠 𑄦𑄧𑄣𑄬 𑄃𑄉𑄬 𑄣𑄬𑄞𑄬𑄣𑄴 𑄘𑄬𑄚𑄠𑄚𑄴 𑄥𑄮𑄢𑄬 𑄛𑄬𑄝𑄧𑅁 𑄛𑄳𑄦𑄧𑄢𑄴 𑄃 𑄦𑄞 𑄈𑄬𑄣𑄨 𑄛𑄢𑄬 𑄛𑄢 𑄉𑄧𑄢 𑄛𑄧𑄢𑄨𑄝𑄧𑅁 𑄖𑄬 𑄝𑄚 𑄥𑄚𑄴𑄖𑄨 𑄚𑄋𑄬 𑄜𑄪𑄣𑄴 𑄜𑄪𑄘𑄨𑄝𑄇𑄴𑅁
𑄖𑄧𑄝𑄬 𑄃𑄏𑄚𑄨 𑄃𑄬𑄡𑄧 𑄉𑄬𑄭𑄌𑄴 𑄃𑄪𑄘𑄬 𑄛𑄢𑄴𑄝𑄧𑄖𑄳𑄠𑄧 𑄌𑄪𑄇𑄴𑄖𑄨 𑄝𑄥𑄴𑄖𑄧𑄝𑄠𑄧𑄚𑄴 𑄇𑄧𑄚𑄧 𑄃𑄬𑄇𑄴 𑄈𑄬𑄚𑄧𑄖𑄴 𑄈𑄟𑄇𑄴𑄇𑄠𑄴 𑄃𑄧𑄃𑄨 𑄛𑄬𑄝𑄧𑅁 𑄈𑄟𑄇𑄴𑄇𑄠𑄴 𑄃𑄧𑄝𑄧𑅁
𑄘𑄨𑄊𑄩𑄚𑄣 𑄃𑄉𑄏𑄧𑄖𑄴 𑄝𑄨𑄏𑄪 𑄢𑄧𑄁
𑄝𑄨𑄏𑄪 𑄃𑄬𑄡𑄬 𑄝𑄚 𑄇𑄳𑄠𑄣𑄬𑄚𑄴𑄓𑄢𑄴 𑄛𑄘𑄖𑄴 𑄚𑄧𑄠𑄴, 𑄝𑄨𑄏𑄪 𑄃𑄬𑄡𑄬 𑄚𑄨𑄏𑄬𑄚𑄨𑄖𑄴, 𑄥𑄨𑄋𑄮𑄢𑄧𑄖𑄴, 𑄣𑄮 𑄚𑄣𑄬 𑄝𑄬𑄃𑄨 𑄡𑄨𑄠𑄬 𑄃𑄬𑄇𑄴 𑄝𑄨𑄎𑄧𑄇𑄴 𑄃𑄧𑄃𑄨𑅁 𑄘𑄨𑄊𑄩𑄚𑄣 𑄃𑄉𑄏𑄧𑄖𑄴 𑄡𑄧𑄈𑄳𑄠𑄬 𑄢𑄧𑄋𑄨𑄚𑄴 𑄝𑄬𑄣𑄪𑄚𑄴 𑄃𑄪𑄢𑄨 𑄃𑄪𑄘𑄨𑄣𑄇𑄴, 𑄥𑄧𑄈𑄳𑄠𑄬 𑄥𑄨𑄠𑄚𑄴 𑄝𑄚 𑄃𑄬𑄇𑄴𑄇𑄚𑄴 𑄟𑄬𑄣 𑄜𑄁𑄜𑄧𑄉𑄧𑄘𑄋𑄴 𑄚𑄧 𑄃𑄬𑄣𑄧; 𑄃𑄬𑄣𑄧 𑄥𑄧𑄖𑄴 𑄥𑄧𑄖𑄴 𑄝𑄧𑄏𑄧𑄢𑄧𑄢𑄴 𑄥𑄧𑄁𑄉𑄳𑄢𑄟𑄴 , 𑄗𑄨𑄉𑄬 𑄗𑄬𑄝𑄢𑄴 𑄣𑄢𑄬𑄃𑄨 𑄃 𑄌𑄋𑄴𑄟 𑄎𑄘𑄧𑄢𑄴 𑄃𑄬𑄇𑄴𑄇𑄚𑄴 𑄘𑄋𑄧𑄢𑄴 𑄞𑄋𑄨 𑄚𑄧 𑄇𑄮𑄃𑄨𑄠𑄬 𑄚𑄨𑄏𑄬𑄚𑄨𑅁
𑄾 𑄃𑄬𑄛𑄳𑄢𑄨𑄣𑄴 𑄸𑄶𑄸𑄼 𑄈𑄳𑄢𑄨. 𑄝𑄬𑄚𑄳𑄠 𑄟𑄙𑄚𑄴 𑄷𑄶 𑄌𑄮 𑄝𑄎𑄨 𑄘𑄨𑄊𑄩𑄚𑄣 𑄖𑄢𑄝𑄧𑄚𑄳𑄠 𑄦𑄭 𑄃𑄨𑄇𑄴𑄪𑄣𑄧𑄖𑄴 “𑄥𑄨𑄇𑄴𑄈 𑄃 𑄞𑄧𑄝𑄨𑄥𑄳𑄠𑄧𑄖𑄴” 𑄥𑄬𑄟𑄨𑄚𑄢𑄴 𑄗𑄪𑄟𑄴 𑄉𑄧𑄢𑄚 𑄛𑄧𑄢𑄴 𑄝𑄬𑄣𑄳𑄠 𑄟𑄙𑄚𑄴 𑄘𑄨𑄊𑄩𑄚𑄣 𑄝𑄨𑄏𑄪 𑄟𑄬𑄣𑄖𑄴 𑄥𑄧𑄟𑄢𑄴 𑄝𑄧𑄘𑄧𑄁𑅁 𑄻:𑄹𑄶 𑄟𑄨𑄚𑄨𑄘𑄬 𑄝𑄨𑄏𑄪 𑄟𑄬𑄣 𑄜𑄁𑄜𑄧𑄉𑄧𑄘𑄋𑄴 𑄉𑄧𑄢 𑄦𑄧𑄠𑄴𑅁 𑄺:𑄹𑄶 𑄟𑄨𑄚𑄨𑄘𑄬 𑄥𑄧𑄁𑄥𑄴𑄇𑄢𑄴 𑄇𑄳𑄢𑄬𑄚𑄴𑄘𑄩𑄠𑄴 𑄚𑄬𑄖 𑄥𑄪𑄚𑄚𑄪 𑄝𑄨𑄟𑄧𑄣𑄴 𑄇𑄚𑄴𑄖𑄨 𑄌𑄋𑄴𑄟 𑄟𑄬𑄣𑄖𑄴 𑄣𑄪𑄟𑄬𑄉𑄨𑅁 𑄖𑄢𑄬 𑄎𑄧𑄠𑄴 𑄙𑄪𑄣𑄴 𑄛𑄨𑄘𑄨 𑄛𑄨𑄘𑄨 𑄝𑄨𑄏𑄪 𑄟𑄬𑄣𑄖𑄴 𑄚𑄬𑄡 𑄦𑄧𑄠𑄴𑅁 𑄟𑄪𑄃𑄨 𑄖𑄢𑄬 𑄃𑄟 𑄜𑄧𑄉𑄧𑄘𑄋𑄨 𑄝𑄧𑄃𑄨𑄣𑄮𑄃𑄨 𑄣𑄮𑄝𑄨𑄠𑄧𑄖𑄴 𑄉𑄧𑄢𑄨𑄣𑄪𑄁𑅁 𑄈𑄧𑄝𑄧𑄢𑄴 𑄛𑄁 𑄖𑄢 𑄛𑄧𑄢𑄨 𑄚𑄧 𑄛𑄢𑄧𑄚𑄴𑅁 𑄖𑄢𑄴𑄛𑄧𑄢𑄴𑄠𑄳𑄠𑄧 𑄘𑄨𑄣𑄪𑄁 𑄃𑄨𑄠𑄚𑄴 𑄞𑄝𑄨𑄚𑄬 𑄖𑄢 𑄡𑄬𑄚𑄴 𑄈𑄧𑄝𑄧𑄢𑄴 𑄛𑄚 𑄃𑄟𑄢𑄴 𑄌𑄋𑄴𑄟 𑄛𑄧𑄖𑄳𑄢𑄨𑄇 𑄜𑄧𑄉𑄧𑄘𑄋𑄴 𑄦𑄧𑄠𑄴𑅁 𑄃𑄬 𑄃𑄧𑄇𑄴𑄖𑄧𑄖𑄴 𑄺:𑄺𑄺 𑄟𑄨𑄚𑄨𑄘𑄬 𑄥𑄧𑄟𑄩𑄢𑄴 𑄌𑄋𑄴𑄟 𑄟𑄧𑄐𑄴𑄌𑄧𑄖𑄴 𑄃𑄪𑄘𑄨 𑄟𑄭𑄇𑄧𑄘𑄨 𑄇𑄮 𑄘𑄬𑄢𑄴, 𑄃𑄟 𑄃𑄨𑄙𑄪 𑄣𑄪𑄟𑄨𑄣𑄧𑄉𑄨 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄧𑄖𑄴 𑄃𑄬𑄇𑄴𑄟𑄖𑄳𑄢𑄧 𑄣𑄧𑄢𑄳𑄦𑄇𑄪 𑄉𑄧𑄕𑄧𑄖𑄚𑄴𑄖𑄳𑄢𑄨𑄇𑄴 𑄥𑄧𑄁𑄉𑄧𑄒𑄧𑄚𑄴 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄴 𑄎𑄧𑄚𑄧𑄥𑄧𑄁𑄦𑄧𑄖𑄨 𑄥𑄧𑄟𑄨𑄖𑄨 𑄇𑄬𑄚𑄴𑄘𑄳𑄢𑄩𑄠𑄴 𑄇𑄧𑄟𑄨𑄑𑄨 𑄥𑄧𑄞𑄛𑄧𑄖𑄨 𑄥𑄪𑄚𑄚𑄪 𑄝𑄨𑄟𑄧𑄣𑄴 𑄇𑄚𑄴𑄖𑄨 𑄌𑄋𑄴𑄟, 𑄥𑄝𑄬𑄇𑄴 𑄟𑄣𑄴𑄍𑄧𑄢𑄨 𑄃𑄪𑄛𑄧𑄎𑄬𑄣 𑄌𑄬𑄠𑄟𑄳𑄠𑄚𑄴𑅁 𑄇𑄇𑄴𑄧𑄚𑄴 𑄛𑄧𑄢𑄴 𑄌𑄋𑄴𑄟 𑄢𑄎 𑄥𑄪𑄚𑄚𑄪 𑄝𑄳𑄠𑄧𑄢𑄨𑄥𑄴𑄑𑄢𑄴 𑄘𑄬𑄝𑄥𑄩𑄥𑄴 𑄢𑄠𑄴 𑄣𑄪𑄟𑄨𑄣𑄬 𑄃𑄟 𑄜𑄁𑄥𑄚𑄚𑄴 𑄃𑄢𑄴𑄇𑄚𑄨 𑄃𑄧𑄞𑄴𑅁 𑄃𑄨𑄠𑄮𑄖𑄴 𑄟𑄧𑄢𑄴 𑄛𑄪𑄎𑄮𑄢𑄴 𑄃𑄬𑄡𑄬, 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄴 𑄎𑄧𑄚𑄧𑄥𑄧𑄁𑄦𑄧𑄖𑄨 𑄥𑄧𑄟𑄨𑄖𑄨 𑄘𑄳𑄝𑄨𑄝𑄬 𑄇𑄧𑄖𑄴𑄖𑅁 𑄃𑄬𑄇𑄴𑄮 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄴 𑄎𑄧𑄚𑄧𑄥𑄧𑄁𑄦𑄧𑄖𑄨 𑄥𑄧𑄟𑄨𑄖𑄨 (𑄟𑄪𑄣𑄴), 𑄃𑄢𑄧 𑄃𑄬𑄇𑄴𑄮 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄴 𑄎𑄧𑄚𑄧𑄥𑄧𑄁𑄦𑄧𑄖𑄨 𑄥𑄧𑄟𑄨𑄖𑄨 𑄥𑄧𑄁𑄥𑄴𑄇𑄢𑄴 𑄚𑄋𑄬 𑄸𑄶𑄷𑄶 𑄥𑄣𑄧𑄖𑄴 𑄘𑄨𑄊𑄨𑄚𑄣 𑄝𑄧𑄢𑄘𑄧𑄟𑄴 𑄦𑄃𑄨 𑄃𑄨𑄇𑄴𑄪𑄣𑄴 𑄟𑄘𑄧𑄖𑄴 𑄜𑄧𑄉𑄧𑄘𑄋𑄴 𑄦𑄧𑄠𑄴𑅁 𑄛𑄧𑄢𑄬 𑄥𑄧𑄁𑄥𑄴𑄇𑄢𑄴 𑄚𑄋𑄴 𑄝𑄧𑄘𑄧𑄣𑄬 𑄃𑄬𑄟𑄴.𑄃𑄬𑄚𑄴. 𑄣𑄢𑄴𑄟 𑄉𑄳𑄢𑄪𑄛𑄴 𑄚𑄋𑄴 𑄘𑄳𑄠𑄪𑄚𑄴𑅁 𑄃𑄨𑄇𑄳𑄠𑄬 𑄝𑄚 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄴 𑄎𑄧𑄚𑄧𑄥𑄧𑄁𑄦𑄧𑄖𑄨 𑄥𑄧𑄟𑄨𑄖𑄨 𑄇𑄧𑄚𑄴 𑄇𑄨𑄖𑄴𑄬𑅃
𑄌𑄘𑄬 𑄌𑄘𑄬 𑄻:𑄹𑄶 𑄟𑄨𑄚𑄨𑄖𑄴 𑄝𑄎𑄚 𑄥𑄧𑄟𑄢𑄬 𑄢𑄎 𑄣𑄪𑄟𑄨𑄣𑄧𑅁 𑄎𑄧𑄠𑄴 𑄙𑄳𑄦𑄧𑄚𑄨 𑄃 𑄙𑄪𑄣𑄴 𑄛𑄨𑄘𑄨 𑄛𑄨𑄘𑄨 𑄢𑄎𑄢𑄬 𑄌𑄬𑄠𑄢𑄧𑄖𑄴 𑄝𑄎𑄚 𑄦𑄧𑄠𑄴𑅁 𑄃𑄢𑄴𑄇𑄚𑄨 𑄦𑄧𑄣𑄧 𑄜𑄁𑄥𑄚𑄴𑅁 𑄥𑄪𑄚𑄚𑄪 𑄝𑄨𑄟𑄧𑄣𑄴 𑄇𑄚𑄴𑄖𑄨 𑄌𑄋𑄴𑄟 𑄝𑄬𑄣𑄪𑄚𑄴 𑄃𑄪𑄢𑄬 𑄘𑄨𑄚𑄬𑄃𑄨 𑄝𑄨𑄏𑄪 𑄟𑄬𑄣 – 𑄸𑄶𑄸𑄼 𑄜𑄁𑄜𑄧𑄉𑄧𑄘𑄋𑄴 𑄉𑄧𑄢𑄬𑅁 𑄜𑄁𑄥𑄚𑄴 𑄈𑄧𑄣𑄝𑄮𑄖𑄴 𑄈𑄧𑄣𑄚𑄚𑄪 𑄉𑄨𑄢𑄨 𑄉𑄧𑄢𑄬 𑄝𑄮𑄠𑄣𑄴𑄈𑄣𑄩 𑄃𑄨𑄃𑄪𑄚𑄨𑄠𑄧𑄚𑄴 𑄌𑄬𑄠𑄢𑄴𑄟𑄳𑄠𑄚𑄴 𑄥𑄪𑄚𑄚𑄪 𑄌𑄧𑄠𑄧𑄕𑄴 𑄝𑄨𑄇𑄥𑄴 𑄌𑄋𑄴𑄟 𑄃 𑄈𑄧𑄣 𑄛𑄧𑄌𑄴𑄎𑄧𑄚𑄴 𑄉𑄨𑄢𑄨 𑄉𑄧𑄢𑄬 𑄥𑄪𑄚𑄚𑄪 𑄥𑄧𑄟𑄩𑄢𑄴 𑄌𑄋𑄴𑄟 (𑄥𑄧𑄁𑄥𑄴𑄇𑄢𑄴 𑄉𑄳𑄢𑄪𑄛𑄧𑄢𑄴 𑄘𑄨𑄊𑄩𑄚𑄣 𑄙𑄬𑄣 𑄘𑄋𑄧𑄢𑄴 𑄇𑄝𑄨𑄘𑄳𑄠𑄋𑄴)𑅁
𑄜𑄁𑄜𑄧𑄉𑄧𑄘𑄋𑄴 𑄃𑄧𑄇𑄴𑄖𑄧𑄖𑄴 𑄝𑄨𑄟𑄧𑄣𑄴 𑄇𑄚𑄴𑄖𑄨 𑄌𑄋𑄴𑄟 𑄇𑄧𑄣𑄧, 𑄝𑄨𑄏𑄪 𑄟𑄚𑄬 𑄝𑄚 𑄟𑄧𑄚𑄧𑄢𑄴 𑄈𑄪𑄎𑄨 – 𑄦𑄏𑄨 𑄃𑄪𑄝𑄧𑄣𑄴𑄛𑄣𑄴 𑄚𑄧𑄠𑄴; 𑄝𑄨𑄏𑄪 𑄟𑄚𑄬 𑄃𑄬𑄇𑄴𑄮 𑄝𑄨𑄎𑄧𑄇𑄴𑅁 𑄖 𑄉𑄧𑄣𑄖𑄴𑄪𑄚𑄴 𑄚𑄨𑄉𑄨𑄣𑄨 𑄃𑄬𑄡𑄬 𑄃𑄬𑄇𑄴𑄇𑄚𑄴 𑄥𑄧𑄖𑄳𑄠𑄧 𑄇𑄧𑄙- “𑄌𑄋𑄴𑄟 𑄡𑄨𑄙𑄪, 𑄝𑄨𑄏𑄪 𑄥𑄨𑄙𑄪”𑅁 𑄃𑄬 𑄇𑄧𑄙𑄚𑄧𑄖𑄴 𑄃𑄊𑄬 𑄃𑄬 𑄟𑄮𑄚𑄴-𑄟𑄪𑄢𑄴, 𑄍𑄧𑄢-𑄉𑄋𑄧𑄢𑄴 𑄟𑄚𑄬𑄃𑄨 𑄚𑄨𑄦𑄣𑄴𑄏𑄨 𑄣𑄢𑄬𑄃𑄨𑄠𑄧𑄢𑄴 𑄇𑄧𑄙𑅁 𑄃𑄬𑄇𑄴 𑄃𑄧𑄇𑄴𑄖𑄧𑄖𑄴 𑄘𑄨𑄊𑄩𑄚𑄣 𑄃𑄬𑄣𑄧 𑄃𑄧𑄊𑄪𑄢𑄴 𑄏𑄢𑄴, 𑄢𑄨𑄎𑄬𑄛𑄴- 𑄝𑄊𑄴, 𑄞𑄣𑄪𑄇𑄴, 𑄥𑄛𑄴𑄥𑄪𑄟𑄪𑄖𑄴𑄧 𑄘𑄧𑄢𑄴𑄉𑄧𑄢𑄬 𑄛𑄢 𑄦𑄬𑄟𑄚𑄧𑄢𑄴 𑄝𑄳𑄦, 𑄘𑄧𑄢𑄴 𑄃 𑄌𑄨𑄃𑄮𑄟𑄳𑄠 𑄃𑄬𑄇𑄴𑄇𑄚𑄴 𑄎𑄉𑅁 𑄝𑄊𑄴, 𑄞𑄣𑄪𑄉𑄧𑄢𑄴 𑄟𑄪𑄏𑄪𑄋𑄧𑄖𑄴 𑄛𑄧𑄢𑄨 𑄇𑄧𑄎𑄧𑄚𑄴 𑄟𑄚𑄪𑄌𑄴 𑄟𑄧𑄢𑄨 𑄛𑄬𑄣𑄇𑄴 𑄖 𑄃𑄨𑄎𑄬𑄛𑄴 𑄚𑄬𑄃𑄨𑅁 𑄖𑄳𑄠𑄪𑄃𑄧 𑄟𑄚𑄪𑄌𑄴𑄍𑄮𑄚𑄬 𑄃𑄬 𑄎𑄉𑄖𑄴 𑄝𑄳𑄦 𑄝𑄚𑄨𑄣𑄇𑄴𑅁 𑄚𑄚𑄚𑄴 𑄏𑄧𑄢𑄴 𑄝𑄮𑄃𑄨𑄠𑄬𑄢𑄴 𑄃 𑄥𑄬 𑄇𑄪 𑄘𑄨𑄚𑄴 𑄟𑄙𑄚𑄴 𑄥𑄧𑄟𑄢𑄬 𑄣𑄢𑄬𑄃𑄨 𑄉𑄧𑄢𑄨 𑄃𑄊𑄛𑄴 𑄞𑄫𑄃𑄨 𑄞𑄋𑄨 𑄙𑄚𑄴 𑄞𑄫𑄃𑄨 𑄝𑄚𑄬𑄃𑄨 𑄎𑄨𑄁𑄇𑄚𑄨 𑄖𑄮𑄢𑄬𑄝𑄢𑄴 𑄌𑄋𑄴𑄟𑄃𑄪𑄚𑄬 𑄃𑄬𑄇𑄴𑄇𑄚𑄴 𑄗𑄬𑄝𑄢𑄴 𑄝𑄧 𑄝𑄚𑄬𑄣𑄇𑄴𑅁 𑄃𑄬𑄡𑄧 𑄚𑄚𑄚𑄴 𑄏𑄧𑄢𑄴-𑄝𑄮𑄃𑄨𑄠𑄬 𑄥𑄬𑄢𑄬 𑄥𑄬𑄢𑄬 𑄝𑄎𑄨 𑄃𑄊𑄧𑄚𑄴𑅁 𑄃𑄬 𑄝𑄎𑄨 𑄗𑄚 𑄘𑄋𑄧𑄢𑄴 𑄃𑄨𑄟𑄬𑄣𑄮𑄃𑄨 𑄖𑄢 𑄃𑄬𑄌𑄳𑄠𑄬 𑄝𑄨𑄏𑄪 𑄟𑄬𑄣 𑄜𑄁𑄜𑄧𑄉𑄧𑄘𑄋𑄴 𑄉𑄧𑄖𑄴𑄧𑄚𑄴𑅁
𑄌𑄋𑄴𑄟 𑄢𑄎 𑄝𑄳𑄠𑄢𑄨𑄥𑄴𑄑𑄢𑄴 𑄘𑄬𑄝𑄥𑄩𑄥𑄴 𑄢𑄠𑄧𑄢𑄴 𑄇𑄧𑄙𑄖𑄴𑄪𑄚𑄴 𑄃𑄪𑄘𑄨 𑄃𑄬𑄡𑄬 𑄝𑄨𑄎𑄧𑄉𑄧𑄢𑄴 𑄉𑄧𑄢𑄬𑄋𑄧𑄢𑄴 𑄛𑄧𑄠𑄴𑄙𑄬𑅁 𑄖𑄬 𑄛𑄪𑄢𑄧𑄚𑄨 𑄘𑄨𑄚𑄴 𑄃𑄨𑄙𑄮𑄖𑄴 𑄖𑄪𑄣𑄨 𑄇𑄧𑄠𑄴- 𑄷𑄿𑄷𑄺 𑄥𑄣𑄧𑄢𑄴 𑄊𑄧𑄘𑄧𑄚, 𑄢𑄎 𑄞𑄫𑄝𑄧𑄚𑄴 𑄟𑄮𑄦𑄧𑄚𑄴 𑄢𑄠𑄴 𑄃𑄟𑄧𑄣𑄧𑄖𑄴 𑄝𑄳𑄢𑄨𑄑𑄨𑄥𑄧𑄃𑄪𑄚𑄬 𑄟𑄨𑄋𑄨𑄚𑄨 𑄢𑄨𑄎𑄬𑄝𑄧𑄖𑄴 𑄎𑄪𑄟𑄴 𑄚𑄧 𑄇𑄝𑄨𑄝𑄢𑄴 𑄟𑄚 𑄉𑄧𑄢𑄧𑄚𑄴𑅁 𑄡𑄢 𑄎𑄪𑄟𑄴 𑄇𑄝𑄚𑄴 𑄖𑄢 𑄝𑄚𑄨 𑄚𑄨𑄝𑄢𑄴 𑄥𑄰𑄚𑄳𑄠𑄧 𑄛𑄘𑄬𑄝𑄢𑄴 𑄌𑄬𑄣𑄬 𑄌𑄋𑄴𑄟 𑄢𑄎 𑄝𑄪𑄇𑄴𑄘𑄧𑄢𑄧 𑄉𑄧𑄢𑄨 𑄇𑄮𑄃𑄨𑄠𑄬, 𑄥𑄰𑄚𑄳𑄠𑄧 𑄚𑄧 𑄣𑄉𑄨𑄝𑄧, 𑄃𑄨𑄠𑄚𑄴 𑄟𑄪𑄃𑄨 𑄥𑄟𑄬𑄣𑄬𑄟𑄴𑅁 𑄥𑄬 𑄎𑄘𑄧𑄢𑄴 𑄟𑄚𑄧 𑄇𑄧𑄙𑄖𑄴𑄪𑄚𑄴 𑄎𑄧𑄚𑄧𑄟𑄴 𑄦𑄧𑄠𑄴 𑄥𑄪𑄠𑄮𑄣𑄴𑅁 𑄥𑄚𑄴𑄖𑄪 𑄌𑄋𑄴𑄟 (𑄇𑄢𑄧𑄝𑄢𑄨) 𑄇𑄧𑄙 𑄟𑄧𑄎𑄨𑄟𑄴 𑄎𑄪𑄟𑄴𑄝𑄧𑄣𑄃𑄪𑄚𑄬 𑄖𑄘𑄨 𑄃𑄪𑄘𑄧𑄚𑄴𑅁 𑄥𑄬𑄎𑄬 𑄝𑄳𑄢𑄨𑄑𑄨𑄥𑄴 𑄥𑄧𑄢𑄴𑄉𑄢𑄬 𑄎𑄪𑄟𑄴 𑄇𑄝𑄚 𑄟𑄚𑄨 𑄣𑄮𑄃𑄨 𑄛𑄠𑄴𑅁 𑄥𑄨𑄖𑄴𑄪𑄚𑄴 𑄙𑄪𑄢𑄨 𑄟𑄨𑄋𑄨𑄚𑄨 𑄌𑄉𑄣 𑄌𑄋𑄴𑄟 𑄗𑄨𑄘𑄧 𑄉𑄧𑄢𑄨 𑄝𑄳𑄦 𑄝𑄚𑄧𑄚𑄴𑅁 𑄟𑄪𑄃𑄪𑄎𑄧 𑄦𑄧𑄠𑄴 𑄃 𑄌𑄋𑄴𑄟 𑄥𑄢𑄴𑄇𑄬𑄣𑄧 𑄞𑄨𑄘𑄨𑄢𑄬 𑄥𑄧𑄟𑄬 𑄃𑄬 𑄟𑄨𑄋𑄨𑄚𑄨 𑄌𑄉𑄣𑄝𑄮𑅁 𑄃𑄬 𑄟𑄘𑄨 𑄛𑄬𑄣𑄧 𑄖𑄢𑄴 𑄉𑄨𑄢𑄮𑄌𑄴, 𑄟𑄚𑄪𑄌𑄴𑄍𑄪𑄚𑄬 𑄛𑄬𑄣𑄇𑄴 𑄖𑄢𑄴 𑄚𑄚𑄪𑅁 𑄇𑄧𑄢𑄴𑄖𑄝𑄝𑄪 𑄥𑄚𑄴𑄖𑄪 𑄇𑄢𑄴𑄝𑄢𑄨 𑄚𑄋𑄬 𑄃𑄬𑄇𑄴𑄮 𑄞𑄥𑄴𑄇𑄢𑄴𑄡𑄳𑄠𑄧 𑄝𑄚𑄬𑄝𑄢𑄴 𑄥𑄧𑄣 𑄘𑄬𑄠𑄴𑅁
𑄌𑄋𑄴𑄟 𑄢𑄎 𑄃𑄢𑄧 𑄇𑄧𑄠𑄴, 𑄥𑄧𑄟𑄧𑄠𑄴 𑄝𑄧𑄘𑄧𑄣𑄨 𑄡𑄨𑄠𑄬, 𑄛𑄨𑄢𑄨𑄠𑄳𑄠𑄧 𑄝𑄧𑄘𑄧𑄣𑄨 𑄡𑄢𑄴𑅁 𑄃𑄧𑄚𑄬𑄉𑄬 𑄚𑄪𑄃𑄧 𑄛𑄨𑄢𑄨𑄢𑄬 𑄚𑄨𑄚𑄬𑄃𑄨 𑄝𑄪𑄇𑄴 𑄞𑄋𑄨 𑄜𑄬𑄣𑄚𑄴𑅁 𑄟𑄖𑄴𑄧𑄢𑄴 𑄖𑄢𑄴 𑄃𑄏𑄠𑄴 𑄝𑄪𑄇𑄴 𑄞𑄧𑄢𑄬𑅁 𑄖 𑄌𑄮𑄊𑄧𑄖𑄴 𑄃𑄨𑄢𑄪𑄇𑄴 𑄛𑄨𑄢𑄨𑄝𑄮 𑄃𑄉𑄧𑄖𑄴𑄪𑄚𑄴 𑄝𑄬𑄌𑄴 𑄇𑄝𑄨𑄣𑄴, 𑄉𑄳𑄠𑄬𑄚𑄨 𑄃 𑄥𑄧𑄌𑄬𑄘𑄧𑄚𑄴𑅁 𑄢𑄎 𑄟𑄧𑄚𑄨𑄇, 𑄢𑄨𑄖𑄪𑄛𑄫𑄢𑄴𑄕, 𑄢𑄫𑄛𑄴𑄚 𑄌𑄋𑄴𑄟𑄘𑄊𑄨𑄢𑄬 𑄃𑄪𑄘𑄦𑄧𑄢𑄧𑄚𑄴 𑄘𑄨𑄚𑄬𑄃𑄨 𑄇𑄧𑄣𑄧, 𑄟𑄧𑄚𑄨𑄇, 𑄢𑄨𑄖𑄪𑄛𑄫𑄢𑄴𑄕, 𑄢𑄫𑄛𑄴𑄚 𑄌𑄋𑄴𑄟𑄘𑄊𑄨 𑄢𑄋-𑄦𑄬𑄃𑄨𑄣𑄴 𑄝𑄝𑄧𑄘 𑄦𑄙𑄧𑄖𑄴 𑄉𑄧𑄢𑄨 𑄘𑄬𑄏𑄬 𑄝𑄨𑄘𑄬𑄏𑄧𑄖𑄴 𑄞𑄧𑄋𑄧𑄘𑄧𑄚𑄴 𑄃𑄉𑄧 𑄘𑄨𑄚𑄧𑄖𑄴 𑄥𑄬𑄙𑄧𑄇𑄳𑄠𑄬𑄚𑄴 𑄘𑄬𑄊 𑄚𑄧 𑄡𑄠𑄴𑅁 𑄝 𑄥𑄪𑄢 𑄇𑄳𑄢𑄨𑄌𑄴𑄚𑄧 𑄌𑄋𑄴𑄟𑄘𑄊𑄨 𑄖𑄢 𑄝𑄚 𑄃𑄬𑄇𑄴𑄮 𑄝𑄧𑄚𑄴𑄘 𑄚𑄧𑄠𑄴, 𑄖𑄢 𑄃𑄬𑄇𑄴𑄮 𑄎𑄘𑄧𑄢𑄴 𑄝𑄮𑄟𑄴𑄝, 𑄃𑄬𑄇𑄴𑄮 𑄎𑄘𑄧𑄢𑄴 𑄝𑄨𑄎𑄧𑄉𑄧𑄢𑄴 𑄃𑄬𑄃𑄮𑄎𑄨𑅁 𑄸𑄶𑄸𑄺, 𑄻 𑄃𑄉𑄧𑄥𑄴𑄑𑄴 𑄛𑄧𑄢𑄴 𑄘𑄨𑄊𑄩𑄚𑄣, 𑄈𑄉𑄢𑄍𑄧𑄢𑄨, 𑄉𑄪𑄃𑄨𑄟𑄢, 𑄢𑄋𑄟𑄖𑄳𑄠 𑄡𑄧𑄈𑄳𑄠𑄬 𑄃𑄉𑄪𑄚𑄧 𑄎𑄨𑄣𑄴 𑄞𑄧𑄠𑄧𑄖𑄴 𑄞𑄧𑄠𑄧𑄖𑄴 𑄎𑄧𑄣𑄬𑄢𑄴 𑄥𑄧𑄇𑄳𑄠𑄬 𑄦𑄎𑄢𑄴 𑄦𑄎𑄢𑄴 𑄚𑄪𑄃𑄧 𑄛𑄨𑄢𑄨𑄝𑄮 𑄢𑄎𑄴 𑄛𑄧𑄙𑄧𑄖𑄴 𑄣𑄟𑄨 𑄃𑄬𑄣𑄇𑄴, 𑄚𑄳𑄠𑄠𑄴, 𑄃𑄧𑄙𑄨𑄉𑄢𑄴 𑄃 𑄌𑄁𑄥𑄢 𑄢𑄧𑄈𑄳𑄠𑄬 𑄛𑄧𑄇𑄴𑄈𑄬𑅁
𑄝𑄨𑄏𑄪𑄢𑄴 𑄟𑄚𑄧𑄝𑄨𑄇𑄴 𑄘𑄧𑄢𑄴𑄥𑄧𑄚𑄴 𑄃𑄬 𑄇𑄧𑄙𑄚𑄴 𑄃𑄢𑄧 𑄛𑄮𑄖𑄴𑄛𑄮𑄖𑄳𑄠 𑄉𑄧𑄢𑄨 𑄜𑄪𑄘𑄨 𑄃𑄪𑄘𑄬, 𑄃𑄬𑄇𑄴 𑄥𑄧𑄟𑄧𑄠𑄴 𑄝𑄨𑄏𑄪 𑄟𑄚𑄬 𑄣𑄮𑄝𑄨𑄠𑄧𑄖𑄴, 𑄝𑄪𑄢𑄴-𑄝𑄪𑄢𑄨𑄢𑄬 𑄉𑄘𑄚, 𑄦𑄥𑄴-𑄇𑄪𑄢𑄮 𑄃𑄘𑄢𑄴 𑄘𑄬𑄚, 𑄚𑄬𑄠𑄳𑄠-𑄚𑄙 𑄟𑄚𑄴𑄌𑄮𑄢𑄬 𑄙𑄚𑄴-𑄌𑄮𑄣𑄴 𑄞𑄇𑄴 𑄉𑄧𑄢𑄨 𑄘𑄨𑄚𑄬𑄃𑄨 𑄃𑄬𑄎𑄣𑄴 𑄘𑄬𑄚𑅁 𑄃𑄬 𑄃𑄬𑄎𑄣𑄚𑄨, 𑄃𑄬 𑄥𑄧𑄟𑄏𑄧𑄢𑄴 𑄢𑄬𑄉𑄠𑄳𑄠𑄧 𑄃𑄬𑄣𑄧 𑄝𑄨𑄏𑄪 𑄃𑄎𑄧𑄣𑄴 𑄛𑄧𑄢𑄚𑄴𑅁 𑄃𑄪𑄖𑄴𑄥𑄧𑄝𑄧𑄢𑄴 𑄙𑄧𑄇𑄴-𑄢𑄧𑄁 𑄝𑄧𑄘𑄧𑄣𑄨 𑄡𑄬𑄃𑄨 𑄛𑄢𑄬, 𑄥𑄧𑄟𑄧𑄠𑄧𑄢𑄴 𑄥𑄧𑄟𑄢𑄬 𑄥𑄪𑄙𑄮𑄟𑄴𑄠𑄳𑄠𑄧 𑄝𑄧𑄘𑄧𑄣𑄨 𑄛𑄢𑄬, 𑄟𑄖𑄴𑄧𑄢𑄴 𑄃𑄬 𑄟𑄫𑄣𑄳𑄠𑄧𑄝𑄮𑄙𑄴 𑄦𑄎𑄨 𑄉𑄬𑄣𑄬 𑄝𑄨𑄏𑄪 𑄝𑄚 𑄃𑄬𑄇𑄴𑄇𑄚𑄴 𑄍𑄧𑄣𑄧𑄁 𑄃𑄧𑄃𑄨 𑄗𑄬𑄝𑄧- 𑄛𑄧𑄢𑄚𑄴 𑄚𑄬𑄃𑄨 𑄃𑄬𑄇𑄴 𑄜𑄁𑄥𑄚𑄴𑅁
𑄇𑄮𑄃𑄨 𑄡𑄠𑄴, 𑄸𑄶𑄷𑄿 𑄈𑄳𑄢𑄨. 𑄌𑄋𑄴𑄟 𑄥𑄦𑄨𑄖𑄳𑄠𑄧 𑄃𑄬𑄇𑄓𑄬𑄟𑄨 𑄃𑄃𑄮𑄎𑄬 𑄘𑄨𑄊𑄩𑄚𑄣 𑄝𑄨𑄏𑄪 𑄟𑄬𑄣 𑄃𑄢𑄴𑄇𑄚𑄨 𑄦𑄧𑄠𑄴, 𑄡 𑄃𑄬𑄡𑄧 𑄙𑄢𑄘𑄨𑄊𑄧𑄣𑄨 𑄌𑄧𑄣𑄨 𑄡𑄢𑄴𑅁 𑄘𑄨𑄊𑄩𑄚𑄣 𑄝𑄨𑄏𑄪 𑄟𑄬𑄣 𑄝𑄚 𑄃𑄬𑄇𑄴𑄇𑄚𑄴 𑄈𑄪𑄎𑄨 𑄜𑄁𑄥𑄚𑄴 𑄚𑄧𑄠𑄴, 𑄃𑄬 𑄃𑄬𑄇𑄴 𑄝𑄎𑄨 𑄗𑄨𑄠𑄬 𑄝𑄨𑄎𑄧𑄇𑄴, 𑄃𑄬𑄇𑄴 𑄙𑄢𑄘𑄨𑄊𑄧𑄣𑄨 𑄣𑄢𑄬𑄃𑄨 𑄃 𑄟𑄪𑄏𑄪𑄋𑄬 𑄛𑄨𑄢𑄨𑄃𑄪𑄚𑄴 𑄃𑄨𑄙𑄪 𑄃𑄬𑄇𑄴𑄇𑄚𑄴 𑄇𑄪𑄎𑄮𑄣𑄨-
𑄥𑄨𑄋𑄮𑄢𑄴 𑄇𑄪𑄢𑄨 𑄚𑄧 𑄜𑄬𑄣𑄴𑄮, 𑄇𑄨𑄖𑄴𑄬 𑄥𑄨𑄋𑄮𑄢𑄧𑄢𑄴 𑄃𑄊𑄬 𑄖𑄮𑄟 𑄌𑄨𑄚𑄴𑄛𑄧𑄌𑄳𑄠𑄬, 𑄖𑄮𑄟 𑄝𑄧𑄣𑄴, 𑄖𑄮𑄟 𑄝𑄨𑄏𑄪𑅁
|
𑄃𑄧𑄇𑄴𑄈𑄧𑄢𑄴 𑄌𑄋𑄴𑄟 𑄎𑄖𑄴 |
𑄝𑄨𑄎𑄧𑄉𑄧𑄢𑄴 𑄖𑄬𑄉𑄬 𑄖𑄬𑄉𑄬 𑄇𑄨𑄏𑄪 𑄎𑄖𑄴 𑄎𑄧𑄚𑄧𑄟𑄴 𑄦𑄧𑄣𑄧𑄝𑄚 𑄗𑄨𑄉𑄨 𑄗𑄬𑄝𑄖𑄳𑄠𑄭 𑄚𑄧𑄠𑄴, 𑄝𑄧𑄢𑄧𑄁 𑄚𑄚𑄚𑄴 𑄏𑄧𑄢𑄴 𑄝𑄮𑄃𑄨𑄠𑄬𑄢𑄴 𑄉𑄧𑄋𑄬 𑄘𑄨 𑄇𑄧𑄝𑄣𑄧𑄖𑄴 𑄖𑄨𑄣𑄧𑄇𑄴𑄧 𑄜𑄪𑄘𑄧 𑄘𑄨𑄝𑄖𑄳𑄠𑅁 𑄌𑄋𑄴𑄟 𑄎𑄖𑄴𑄮 𑄥𑄬𑄙𑄧𑄇𑄳𑄠𑄬 𑄃𑄬𑄇𑄴𑄮 𑄎𑄖𑄴 𑄖𑄢 𑄇𑄢𑄧𑄢𑄴 𑄛𑄧𑄢𑄧𑄢𑄴 𑄖𑄧𑄣𑄧𑄖𑄴 𑄗𑄬𑄝𑄢𑄴 𑄚𑄧 𑄌𑄚𑄴𑅁 𑄘𑄧𑄋𑄬 𑄚𑄧 𑄛𑄌𑄳𑄠𑄬 𑄛𑄧𑄢𑄚𑄴 𑄌𑄨𑄟𑄮𑄢𑄴 𑄃𑄬𑄇𑄴 𑄃𑄧𑄇𑄴𑄈𑄧𑄢𑄴 𑄚𑄋𑄴 𑄌𑄋𑄴𑄟𑅁 𑄡𑄬 𑄎𑄘𑄧𑄢𑄴 𑄣𑄮 𑄥𑄨𑄢𑄬𑄃𑄨 𑄥𑄨𑄢𑄬𑄃𑄨 𑄝𑄠𑄴 𑄘𑄳𑄢𑄮𑄦𑄧 𑄃 𑄇𑄧𑄎𑄣𑄧𑄢𑄴 𑄣𑄮 𑄙𑄢𑄴, 𑄖𑄢𑄢𑄴 𑄝𑄨𑄚𑄬𑄌𑄴 𑄚𑄬𑄭𑅁 𑄃𑄬𑄌𑄳𑄠𑄬 𑄘𑄨𑄚𑄴𑄟𑄙𑄚𑄬 𑄇𑄧𑄢𑄴, 𑄥𑄬 𑄢𑄨𑄕𑄴 𑄥𑄪𑄎𑄨𑄝𑄢𑄴, 𑄚𑄨𑄎𑄧 𑄞𑄌𑄴, 𑄦𑄧𑄢𑄧𑄇𑄴 𑄃 𑄢𑄨𑄘𑄨𑄥𑄪𑄙𑄮𑄟𑄚𑄧𑄢𑄬 𑄎𑄳𑄦𑄧𑄣𑄴𑄎𑄳𑄦𑄧𑄣𑄳𑄠 𑄉𑄧𑄢𑄨 𑄢𑄊𑄬𑄚𑄬𑄃𑄨𑅁
𑄌𑄋𑄴𑄟 𑄎𑄘𑄧𑄢𑄴 𑄝𑄨𑄎𑄧𑄇𑄴 𑄥𑄪𑄘𑄪𑄢𑄪𑄋𑄮 𑄃𑄬𑄇𑄴𑄇𑄚𑄴 𑄇𑄉𑄮𑄌𑄴 𑄚𑄧𑄠𑄴, 𑄃𑄨𑄠𑄚𑄴 𑄖𑄨𑄉𑄪𑄌𑄳𑄠 𑄣𑄢𑄬𑄠𑄧𑄢𑄴 𑄃𑄬𑄇𑄴 𑄟𑄧𑄦𑄇𑄝𑄳𑄠𑄧𑅁 𑄟𑄮𑄉𑄧𑄣𑄴 𑄗𑄬𑄋𑄴 𑄙𑄪𑄟𑄴𑄙𑄪𑄟𑄚𑄨 𑄃 𑄝𑄳𑄢𑄨𑄑𑄨𑄥𑄧𑄢𑄴 𑄇𑄪𑄌𑄣𑄴 𑄇𑄧𑄚𑄧 𑄇𑄨𑄌𑄴𑄍𑄪𑄠𑄬 𑄃𑄬 𑄟𑄪𑄢𑄮𑄣𑄳𑄠 𑄟𑄚𑄬𑄭𑄃𑄪𑄚𑄧𑄢𑄬 𑄦𑄋𑄬𑄣𑄴 𑄉𑄪𑄎𑄮𑄁 𑄉𑄧𑄢𑄨 𑄘𑄨 𑄚𑄧 𑄛𑄢𑄧𑄚𑄴𑅁 𑄛𑄇𑄨𑄥𑄴𑄖𑄚𑄴 𑄃𑄟𑄧𑄣𑄧𑄖𑄴 𑄇𑄛𑄴𑄖𑄬𑄠𑄚𑄴 𑄉𑄮𑄙 𑄘𑄨𑄚𑄬𑄃𑄨 𑄊𑄧𑄢𑄴𑄛𑄘 𑄎𑄉 𑄛𑄚𑄨𑄠𑄬 𑄙𑄪𑄝𑄬 𑄘𑄨𑄣𑄬𑄠𑄳𑄠𑄧 𑄖𑄢 𑄃𑄢𑄧 𑄜𑄨𑄚𑄨𑄇𑄴𑄥𑄴 𑄛𑄬𑄭𑄉𑄧 𑄥𑄚𑄴 𑄎𑄉𑄨 𑄃𑄪𑄖𑄴𑄮𑄚𑄴𑅁 𑄛𑄧𑄢𑄬𑄘𑄨 𑄥𑄙𑄨𑄚𑄴 𑄝𑄁𑄣𑄘𑄬𑄏𑄧𑄖𑄴𑄠𑄳𑄠𑄧 𑄣𑄇𑄴 𑄣𑄇𑄴 𑄝𑄋𑄣𑄴 𑄥𑄧𑄟𑄬 𑄘𑄨𑄚𑄬𑄃𑄨 𑄃𑄬 𑄌𑄋𑄴𑄟 𑄎𑄖𑄴𑄮𑄢𑄬 𑄞𑄧𑄌𑄴 𑄚𑄬𑄉𑄬𑄝𑄢𑄴 𑄝𑄢𑄴𑄝𑄋𑄚𑄬 𑄌𑄬𑄢𑄬𑄌𑄴𑄖 𑄉𑄧𑄢 𑄦𑄧𑄠𑄴𑅁 𑄟𑄖𑄴𑄧𑄢𑄴, 𑄉𑄧𑄚𑄴𑄘𑄧𑄌𑄧𑄇𑄳𑄢𑄧 𑄎𑄣𑄴 𑄍𑄨𑄚𑄨 𑄷𑄿𑄿𑄽 𑄥𑄣𑄧𑄖𑄴 ”𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄴 𑄌𑄪𑄇𑄴𑄖𑄨” 𑄉𑄧𑄖𑄴𑄬 𑄝𑄙𑄳𑄠𑄧 𑄃𑄧𑄃𑄨 𑄛𑄠𑄴 𑄝𑄁𑄣𑄘𑄬𑄌𑄴 𑄥𑄧𑄢𑄴𑄉𑄢𑄬𑅁 𑄢𑄎𑄨 𑄦𑄧𑄠𑄴, 𑄎𑄉 𑄃 𑄟𑄚𑄪𑄏𑄧𑄢𑄴 𑄃𑄧𑄙𑄨𑄉𑄢𑄴 𑄜𑄬𑄢𑄧𑄖𑄴 𑄘𑄨𑄝𑄢𑄴𑅁
𑄃𑄟𑄢𑄴 𑄃𑄬 𑄚𑄨𑄎𑄧𑄢𑄴 𑄌𑄨𑄚𑄴𑄛𑄧𑄌𑄳𑄠𑄬 𑄢𑄧𑄈𑄳𑄠𑄬 𑄣𑄢𑄬𑄭𑄠𑄧𑄖𑄴 𑄝𑄬𑄉𑄧𑄖𑄴𑄪𑄚𑄴 𑄝𑄬𑄌𑄴 𑄗𑄚𑄬𑄗𑄧𑄟𑄧𑄉𑄬 (𑄙𑄳𑄢𑄪𑄛𑄧𑄘𑄩) 𑄃 𑄢𑄨𑄬𑄝𑄁 𑄘𑄧𑄢𑄧 𑄇𑄨𑄏𑄬𑄇𑄴 𑄃𑄪𑄖𑄴𑄬 𑄟𑄧𑄦𑄚𑄴 𑄥𑄧𑄁𑄥𑄧𑄘𑄧𑄖𑄴𑅁 𑄡𑄧𑄇𑄳𑄠𑄬 𑄃𑄬𑄇𑄴𑄮 𑄎𑄖𑄴 𑄌𑄨𑄚𑄴𑄛𑄧𑄌𑄳𑄠𑄬 𑄘𑄨𑄚𑄬𑄭 𑄘𑄬𑄏𑄧𑄢𑄴 𑄌𑄨𑄉𑄮𑄚𑄴 𑄌𑄨𑄉𑄮𑄚𑄴 𑄎𑄖𑄴𑄪𑄚𑄧𑄢𑄬 𑄞𑄧𑄌𑄴 𑄚𑄬𑄉𑄬𑄝𑄢𑄴 𑄌𑄬𑄢𑄬𑄌𑄴𑄖 𑄉𑄧𑄖𑄴𑄧𑄚𑄴 𑄥𑄧𑄇𑄳𑄠𑄬 𑄎𑄪𑄟𑄴𑄧 𑄎𑄘𑄧𑄢𑄴 𑄛𑄖𑄴𑄧𑄣𑄨 𑄃𑄬𑄟𑄴𑄃𑄬𑄚𑄴 𑄣𑄢𑄴𑄟 𑄢𑄎𑄴𑄘𑄉𑄨 𑄘𑄨 𑄇𑄧𑄣𑄧, 𑄃𑄟𑄨 𑄃𑄬𑄇𑄴𑄎𑄧𑄚𑄴 𑄌𑄋𑄴𑄟𑅁 𑄃𑄟𑄢𑄴 𑄦𑄧𑄢𑄧𑄇𑄴, 𑄞𑄌𑄴 𑄃𑄊𑄬, 𑄃𑄊𑄬 𑄢𑄨𑄘𑄨𑄥𑄪𑄙𑄮𑄟𑄴𑅁 𑄃𑄟𑄨 𑄇𑄧𑄚𑄧𑄘𑄨𑄚𑄴 𑄚𑄨𑄎𑄧𑄢𑄬 𑄝𑄋𑄣𑄴 𑄃𑄨𑄎𑄬𑄝𑄬 𑄌𑄨𑄚𑄴𑄛𑄧𑄌𑄳𑄠𑄬 𑄚𑄧 𑄘𑄨𑄃𑄨𑅁
𑄖𑄢𑄴 𑄃𑄬 𑄢𑄎𑄴𑄘𑄉𑄧𑄚𑄨 𑄝𑄚 𑄃𑄬𑄇𑄴𑄮 𑄟𑄖𑄴 𑄚𑄧𑄠𑄴, 𑄃𑄨𑄠𑄚𑄴 𑄃𑄬𑄣𑄧 𑄦𑄎𑄢𑄴 𑄝𑄧𑄏𑄧𑄢𑄧𑄢𑄴 𑄙𑄪𑄢𑄨 𑄛𑄣𑄬-𑄘𑄪𑄣𑄬 𑄃𑄚𑄳𑄠𑄬 𑄢𑄨𑄘𑄨𑄥𑄪𑄙𑄮𑄟𑄧𑄢𑄴 𑄝𑄢𑄴 𑄉𑄧𑄢𑄚 𑄃 𑄎𑄘𑄧𑄢𑄴 𑄌𑄁𑄍𑄢 𑄢𑄧𑄈𑄳𑄠𑄬 𑄉𑄧𑄢𑄚 𑄘𑄋𑄧𑄢𑄴 𑄃𑄨𑄟𑄬𑅁 𑄖𑄬 𑄥𑄨𑄊𑄬𑄃𑄨 𑄡𑄨𑄠𑄬, 𑄚𑄉𑄧𑄢𑄨𑄇𑄴 𑄃 𑄎𑄖𑄴 𑄃𑄬𑄇𑄴 𑄚𑄧𑄠𑄴𑅁 𑄃𑄟𑄨 𑄃𑄬 𑄘𑄬𑄏𑄧𑄢𑄴 𑄚𑄉𑄧𑄢𑄨𑄇𑄴 𑄟𑄖𑄴𑄧𑄢𑄴 𑄃𑄟𑄢𑄴 𑄝𑄪𑄉𑄧𑄢𑄴 𑄢𑄨𑄝𑄬𑄋𑄧𑄖𑄴 𑄞𑄌𑄴 𑄃 𑄦𑄧𑄢𑄧𑄇𑄴 𑄃𑄊𑄬𑅁 𑄣𑄢𑄴𑄟 𑄥𑄬 𑄙𑄮𑄇𑄴𑄙𑄮𑄇𑄳𑄠 𑄈𑄌𑄳𑄠𑄬𑄖𑄴 𑄃𑄟 𑄚𑄮𑄣𑄮𑄢𑄨𑄖𑄴 𑄝𑄬𑄃𑄨 𑄡𑄢𑄴𑅁
𑄃𑄬𑄇𑄴𑄮 𑄎𑄘𑄧𑄢𑄴 𑄌𑄨𑄚𑄴𑄛𑄧𑄌𑄳𑄠𑄬 𑄟𑄨𑄏𑄨 𑄗𑄠𑄴 𑄖𑄢𑄴 𑄞𑄏𑄧𑄖𑄴𑅁 𑄃𑄟 𑄦𑄧𑄢𑄧𑄇𑄴𑄪𑄚𑄴 𑄝𑄚 𑄇𑄧𑄠𑄬𑄇𑄴𑄈𑄚𑄴 𑄘𑄇𑄴 𑄚𑄧𑄠𑄴, 𑄝𑄧𑄢𑄧𑄁 𑄃𑄨𑄠𑄚𑄨 𑄃𑄟𑄢𑄴 𑄛𑄫𑄢𑄴𑄝𑄧𑄛𑄪𑄢𑄪𑄏𑄧𑄢𑄴 𑄌𑄨𑄘𑄬 𑄃 𑄉𑄳𑄠𑄬𑄚𑄧𑄢𑄴 𑄃𑄢𑄪𑄇𑄴𑅁 𑄡𑄧𑄈𑄳𑄠𑄬 𑄇𑄧𑄚𑄴 𑄇𑄨𑄌𑄴𑄍𑄪 𑄝𑄧𑄣𑄬 𑄝𑄧𑄣𑄬 𑄝𑄪𑄉𑄬 𑄘𑄨𑄠𑄳𑄠 𑄦𑄧𑄠𑄴 𑄥𑄧𑄇𑄳𑄠𑄬 𑄎𑄖𑄴 𑄢𑄧𑄈𑄳𑄠𑄬 𑄉𑄧𑄢𑄨𑄝𑄢𑄴 𑄉 𑄢𑄧𑄈𑄳𑄠𑄬 𑄦𑄧𑄠𑄴 𑄞𑄌𑄴𑅁 𑄚𑄨𑄎𑄧𑄢𑄴 𑄢𑄨𑄘𑄨𑄥𑄪𑄙𑄮𑄟𑄧𑄖𑄴𑄪𑄚𑄴 𑄥𑄮𑄢𑄬 𑄡𑄚 𑄟𑄚𑄬 𑄦𑄧𑄣𑄧 𑄚𑄨𑄎𑄧𑄢𑄴 𑄥𑄨𑄋𑄮𑄢𑄴 𑄇𑄝𑄨 𑄜𑄬𑄣𑄚𑅁 𑄥𑄬𑄚𑄬 𑄦𑄧𑄢𑄧𑄇𑄴 𑄝𑄚 𑄘𑄮𑄣𑄴 𑄉𑄧𑄢𑄨 𑄥𑄎𑄬 𑄢𑄊𑄬𑄭 𑄟𑄚𑄴𑄍𑄮𑄢𑄬 𑄘𑄬𑄊𑄬𑄝𑄢𑄴 𑄚𑄧𑄠𑄴, 𑄖𑄢𑄬 𑄥𑄦𑄨𑄖𑄳𑄠𑄬𑄢𑄴 𑄟𑄫𑄣𑄴𑄙𑄢𑄖𑄴 𑄃 𑄃𑄙𑄪𑄚𑄨𑄇𑄴 𑄉𑄳𑄠𑄬𑄚𑄧𑄢𑄴 𑄌𑄧𑄌𑄴𑄡 𑄉𑄧𑄎𑄨 𑄣𑄧𑄚𑅁
𑄃𑄮 𑄟𑄪𑄏𑄪𑄋𑄧𑄢𑄴 𑄘𑄨𑄚𑄧𑄢𑄴 𑄎𑄘𑄧𑄢𑄴 𑄛𑄖𑄴𑄗𑄪𑄣𑄨𑄃𑄪𑄚𑄴, 𑄖𑄪𑄟𑄨 𑄝𑄚 𑄃𑄬𑄇𑄴 𑄃𑄬𑄇𑄴𑄮 𑄛𑄧𑄢𑄴𑄝𑄮𑄠 𑄚𑄧𑄠𑄴, 𑄖𑄪𑄟𑄨 𑄦𑄧𑄣 𑄎𑄘𑄧𑄢𑄴 𑄝𑄢𑄴 𑄉𑄧𑄢𑄨𑄝𑄢𑄴 𑄟𑄏𑄢𑄴 𑄃 𑄦𑄢𑄬𑄠𑄳𑄠 𑄃𑄪𑄖𑄴𑄨𑄛𑄪𑄖𑄴𑄨 𑄜𑄨𑄢𑄬 𑄃𑄚𑄨𑄝𑄢𑄴 𑄣𑄧𑄢𑄴𑄝𑄮𑅁
𑄃𑄙𑄪𑄚𑄨𑄇𑄴 𑄉𑄳𑄠𑄬𑄚𑄴-𑄝𑄨𑄉𑄴𑄉𑄚𑄧𑄢𑄴 𑄚𑄨𑄎𑄧𑄢𑄬 𑄛𑄌𑄴𑄦𑄖𑄳𑄠𑄢𑄴 𑄝𑄚𑄨 𑄥𑄎𑄬 𑄢𑄊𑄬𑄝𑄢𑄴, 𑄟𑄖𑄴𑄧𑄢𑄴 𑄟𑄧𑄚𑄧𑄢𑄴 𑄢𑄨𑄝𑄬𑄋𑄧𑄖𑄴 𑄝𑄚𑄨 𑄢𑄊𑄧 𑄥𑄬 𑄛𑄪𑄢𑄧𑄚𑄴 𑄘𑄮𑄣𑄴 𑄟𑄪𑄢𑄪𑄣𑄳𑄠 𑄌𑄉𑄣 𑄥𑄪𑄢𑄴𑅁
𑄚𑄨𑄎𑄧𑄢𑄴 𑄝𑄨𑄎𑄧𑄇𑄴 𑄃 𑄦𑄧𑄢𑄧𑄇𑄴 𑄚𑄨𑄚𑄬𑄃𑄨 𑄚𑄨𑄝𑄨𑄢𑄴 𑄉𑄧𑄢𑄨 𑄛𑄧𑄢-𑄥𑄪𑄚 𑄉𑄧𑄢𑄴, 𑄡𑄬𑄚𑄴 𑄇𑄧𑄚𑄴 𑄟𑄨𑄏𑄬 𑄖𑄧𑄗𑄳𑄠𑄧 𑄖𑄧𑄟 𑄥𑄨𑄋𑄮𑄢𑄴 𑄃𑄪𑄉𑄪𑄢𑄨 𑄜𑄬𑄣𑄬 𑄚𑄧 𑄛𑄢𑄬𑅁
𑄌𑄋𑄴𑄟 𑄎𑄘𑄧𑄢𑄴 𑄛𑄧𑄖𑄴𑄨𑄇𑄴 𑄛𑄪𑄃𑄧/𑄏𑄨𑄢𑄴 𑄥𑄨𑄢𑄬𑄢𑄴 𑄡𑄬 𑄣𑄮 𑄝𑄬𑄃𑄨 𑄡𑄠𑄴, 𑄥𑄨𑄠𑄚𑄴 𑄇𑄧𑄚𑄧 𑄛𑄧𑄢𑄎𑄧𑄠𑄴 𑄚𑄧 𑄟𑄚𑄬𑅁 𑄡𑄢 𑄝𑄢𑄴𑄝𑄋𑄚𑄬 𑄟𑄧𑄢𑄧𑄚𑄧𑄛𑄧𑄙𑄧𑄖𑄴𑄪𑄚𑄴 𑄜𑄨𑄢𑄨 𑄃𑄬𑄣𑄇𑄴 𑄖𑄢𑄢𑄬 𑄞𑄧𑄌𑄴 𑄚𑄬𑄉𑄬𑄝𑄢𑄴 𑄇𑄢𑄧𑄢𑄴 𑄥𑄙𑄳𑄠𑄧 𑄚𑄬𑄃𑄨𑅁 𑄃𑄨𑄇𑄳𑄠𑄬 𑄃𑄧𑄇𑄴𑄖𑄧𑄠𑄚𑄴 𑄚𑄨𑄎𑄧𑄢𑄬 𑄌𑄨𑄚𑄨𑄝𑄢𑄴, 𑄚𑄨𑄎𑄧𑄢𑄴 𑄈𑄌𑄳𑄠𑄬𑄖𑄴𑄮𑄃𑄨 𑄝𑄨𑄌𑄴𑄧𑄘𑄧𑄢𑄴𑄝𑄢𑄧𑄖𑄴 𑄝𑄪𑄇𑄴 𑄃𑄧𑄎𑄧𑄣𑄴 𑄉𑄧𑄢𑄨 𑄜𑄪𑄘𑄬 𑄖𑄪𑄣𑄨𑄝𑄢𑄴𑅁 𑄣𑄢𑄴𑄟 𑄥𑄬 𑄝𑄪𑄉𑄧𑄛𑄘 𑄘𑄧𑄢𑄧 𑄟𑄧𑄚𑄚𑄧𑄢𑄬 𑄝𑄪𑄉𑄧𑄖𑄴 𑄝𑄚𑄨 𑄖𑄪𑄟𑄨 𑄟𑄪𑄏𑄪𑄋𑄬 𑄃𑄇𑄴𑄮𑄃𑄨 𑄡𑄧; 𑄃 𑄃𑄨𑄙𑄮𑄖𑄴 𑄢𑄊𑄧, 𑄇𑄧𑄎𑄣𑄴 𑄎𑄖𑄴 𑄇𑄧𑄚𑄧𑄘𑄨𑄚𑄴 𑄛𑄧𑄖𑄴 𑄚𑄧 𑄦𑄎𑄠𑄴, 𑄖𑄢 𑄚𑄪𑄃𑄧 𑄛𑄧𑄖𑄴 𑄜𑄧𑄢𑄚𑄴𑅁 𑄥𑄨𑄇𑄴𑄈 𑄝𑄚 𑄎𑄨𑄁𑄇𑄚𑄨 𑄘𑄮𑄣𑄬 𑄉𑄧𑄋𑄬𑄝𑄢𑄴 𑄚𑄧𑄠𑄴,𑄥𑄨𑄇𑄴𑄈𑄬 𑄦𑄧𑄣𑄧 𑄚𑄨𑄎𑄧𑄢𑄴 𑄌𑄨𑄚𑄴𑄛𑄧𑄌𑄳𑄠𑄬 𑄜𑄪𑄘𑄨 𑄖𑄪𑄣𑄨𑄝𑄢𑄴 𑄝𑄮𑄟𑄴𑄝𑅁 𑄝𑄨𑄎𑄧𑄇𑄴 𑄖𑄮𑄟𑄴 𑄇𑄨𑄗𑄳𑄠 𑄌𑄬𑄃𑄨 𑄃𑄊𑄬, 𑄟𑄪𑄏𑄪𑄋𑄬 𑄘𑄨𑄚𑄧𑄖𑄳𑄠𑄭 𑄖𑄮𑄟𑄢𑄬 𑄚𑄋𑄴 𑄙𑄧𑄢𑄨 𑄘𑄉𑄬𑄢𑄴𑅁 𑄃𑄇𑄴𑄮𑄃𑄨 𑄡𑄧- 𑄞𑄏𑄧𑄖𑄳𑄠𑄭, 𑄢𑄨𑄘𑄨𑄥𑄪𑄙𑄮𑄟𑄧𑄖𑄳𑄠𑄭, 𑄎𑄘𑄧𑄢𑄴 𑄟𑄚𑄴 𑄙𑄧𑄢𑄨 𑄢𑄊𑄬𑄝𑄖𑄳𑄠𑄭𑅁
𑄢𑄥𑄴𑄑𑄳𑄢𑄧𑄢𑄴 𑄞𑄌𑄴 𑄃𑄊𑄬, 𑄃𑄘𑄨𑄝𑄥𑄩𑄃𑄪𑄚𑄴 𑄞𑄌𑄴 𑄚𑄬𑄃𑄨
𑄢𑄥𑄴𑄑𑄳𑄢𑄧 𑄇𑄧𑄙 𑄇𑄧𑄠𑄴𑅁 𑄥𑄧𑄁𑄝𑄨𑄙𑄚𑄧𑄢𑄴 𑄇𑄧𑄙 𑄇𑄧𑄠𑄴𑅁 𑄃𑄪𑄚𑄴𑄧𑄠𑄧𑄚𑄧𑄢𑄴 𑄇𑄧𑄙 𑄇𑄧𑄠𑄴𑅁 𑄟𑄖𑄴𑄧𑄢𑄴 𑄝𑄁𑄣𑄘𑄬𑄏𑄧𑄢𑄴 𑄃𑄘𑄨𑄝𑄥𑄩𑄃𑄪𑄚𑄴 𑄡𑄧𑄇𑄳𑄠𑄬 𑄇𑄧𑄙 𑄇𑄧𑄝𑄢𑄴 𑄌𑄚𑄴, 𑄥𑄧𑄇𑄳𑄠𑄬 𑄢𑄥𑄴𑄑𑄳𑄢𑄧 𑄇𑄚𑄧𑄖𑄴𑄖𑄪𑄣𑄧𑄙𑄨𑄝𑄬 𑄘𑄨 𑄗𑄠𑄴𑅁 𑄇𑄨𑄖𑄴𑄬 𑄖𑄢 𑄡𑄬 𑄞𑄌𑄴𑄍𑄮𑄃𑄨 𑄇𑄧𑄙 𑄇𑄧𑄚𑄴, 𑄥𑄬 𑄞𑄌𑄴 𑄢𑄥𑄴𑄑𑄳𑄢𑄧𑄢𑄴𑄇𑄧𑄚𑄧𑄉𑄧𑄢𑄧𑄌𑄴 𑄚𑄬𑄃𑄨, 𑄣𑄞𑄴 𑄚𑄬𑄃𑄨, 𑄈𑄪𑄘𑄳𑄢𑄧 𑄚𑄳𑄢𑄨 𑄉𑄮𑄥𑄴𑄒𑄩𑄢𑄴 𑄞𑄌𑄴, 𑄃𑄬𑄙𑄧𑄇𑄳𑄠𑄬𑄚𑄴 𑄍𑄧𑄣𑄧𑄁 𑄝 𑄍𑄧𑄉𑄧𑄣𑄃𑄨𑄠𑄚𑄨𑄖𑄢𑄢𑄴 𑄃𑄬𑄇𑄴𑄟𑄖𑄳𑄢𑄧 𑄌𑄨𑄚𑄴𑄛𑄧𑄌𑄳𑄠𑄬𑅁
𑄃𑄚𑄴𑄖𑄧𑄢𑄴𑄎𑄖𑄨𑄇𑄴 𑄉𑄧𑄕𑄧𑄟𑄙𑄳𑄠𑄧𑄟𑄴 The Guardian 𑄇𑄧𑄠𑄴, 𑄟𑄪𑄏𑄪𑄋𑄬𑄘𑄨 𑄸𑄷𑄶𑄶 𑄥𑄣𑄧 𑄞𑄨𑄘𑄨𑄢𑄬 𑄛𑄨𑄖𑄴𑄨𑄟𑄨𑄖𑄴𑄪𑄚𑄴 𑄇𑄧𑄟𑄬𑄘𑄨 𑄖𑄨𑄚𑄴 𑄦𑄎𑄢𑄴 𑄞𑄌𑄴 𑄞𑄧𑄌𑄴 𑄡𑄬𑄝𑄧𑅁 𑄃𑄬 𑄞𑄧𑄝𑄨𑄥𑄳𑄠𑄧𑄘𑄴𑄝𑄕𑄩 𑄇𑄧𑄚𑄴 𑄘𑄪𑄢𑄴 𑄘𑄬𑄏𑄧𑄢𑄴 𑄛𑄧𑄌𑄴𑄎𑄧𑄚𑄴 𑄚𑄧𑄠𑄴; 𑄃𑄨𑄠𑄚𑄴 𑄝𑄁𑄣𑄘𑄬𑄏𑄧𑄢𑄴 𑄝𑄥𑄴𑄖𑄧𑄝𑄧𑄖𑅁 𑄇𑄨𑄖𑄴𑄬 𑄃𑄬 𑄢𑄥𑄴𑄑𑄳𑄢𑄧 𑄃𑄧𑄝𑄧𑄦𑄬𑄣, 𑄥𑄨𑄇𑄴𑄈-𑄚𑄩𑄘𑄨 𑄃𑄬𑄇𑄴𑄌𑄮𑄇𑄴 𑄇𑄚𑄴 𑄃 𑄛𑄳𑄢𑄧𑄥𑄥𑄧𑄚𑄧𑄢𑄴 𑄃𑄃𑄮𑄌𑄴 𑄚𑄧 𑄗𑄚𑄢𑄴 𑄃𑄘𑄨𑄝𑄥𑄩 𑄞𑄌𑄴𑄍𑄚𑄨 𑄛𑄧𑄖𑄴𑄨𑄇𑄴 𑄘𑄨𑄚𑄴 𑄃𑄬𑄇𑄴𑄇 𑄃𑄬𑄇𑄴𑄇 𑄉𑄧𑄢𑄨 𑄟𑄬𑄣𑄮𑄟𑄌𑄴 𑄃𑄧𑄃𑄨 𑄡𑄢𑄴𑅁
𑄞𑄏𑄧𑄢𑄴 𑄉𑄧𑄝𑄬𑄥𑄧𑄇𑄴 𑄥𑄧𑄁𑄥𑄴𑄗 Summer Institute of Linguistics 𑄇𑄮𑄃𑄨 𑄘𑄬𑄢𑄴, 𑄛𑄨𑄖𑄴𑄨𑄟𑄨 𑄃𑄬𑄙𑄧𑄇𑄳𑄠𑄬𑄚𑄴 𑄞𑄌𑄴 𑄻𑄷𑄠𑄚𑄴 𑄡𑄨𑄠𑄬𑄚𑄨 𑄇𑄧𑄙 𑄇𑄮𑄃𑄨𑄠𑄬 𑄝𑄚 𑄃𑄬𑄇𑄴𑄎𑄧𑄚𑄴 𑄝𑄎𑄨 𑄃𑄊𑄬𑅁 𑄥𑄣𑄬𑄚𑄴 𑄛𑄪𑄎𑄮𑄢𑄴 𑄃𑄬𑄡𑄬, 𑄝𑄁𑄣𑄘𑄬𑄏𑄧𑄖𑄴 𑄇𑄧𑄠𑄴𑄃𑄚𑄴 𑄞𑄌𑄴 𑄃𑄬 𑄖𑄪𑄎𑄨𑄖𑄴 𑄥𑄧𑄟𑄬𑄢𑄴? 𑄢𑄥𑄴𑄑𑄳𑄢𑄧 𑄇𑄨 𑄥𑄬 𑄃𑄨𑄎𑄬𑄛𑄴 𑄉𑄧𑄌𑄴𑄍𑄬?
𑄚𑄨𑄙𑄪𑄢𑄴 𑄃𑄨𑄎𑄬𑄛𑄴, 𑄛𑄨𑄖𑄴𑄨𑄟𑄨𑄖𑄴 𑄝𑄎𑄨 𑄃𑄊𑄬 𑄞𑄏𑄧𑄖𑄴𑄪𑄚𑄴 𑄝𑄚 𑄼% 𑄞𑄏𑄧𑄢𑄴 𑄇𑄧𑄙 𑄇𑄧𑄚𑄴 𑄉𑄮𑄘 𑄛𑄨𑄖𑄴𑄨𑄟𑄨𑄖𑄴 𑄿𑄺% 𑄟𑄚𑄪𑄌𑄴 𑄃 𑄝𑄉𑄨 𑄿𑄺% 𑄞𑄏𑄧𑄢𑄴 𑄇𑄧𑄙 𑄇𑄧𑄚𑄴 𑄇𑄧𑄚𑄴 𑄝𑄚 𑄼% 𑄟𑄚𑄪𑄌𑄴𑅁 𑄝𑄁𑄣𑄘𑄬𑄏𑄧𑄢𑄴 𑄃𑄘𑄨𑄝𑄥𑄩𑄃𑄪𑄚𑄧𑄢𑄴 𑄞𑄌𑄴𑄍𑄚𑄨𑄠𑄳𑄠𑄧 𑄃𑄬 𑄟𑄬𑄢 𑄟𑄬𑄢 𑄿𑄺% 𑄖𑄧𑄟𑄴𑄝𑄖𑄴𑅁 𑄥𑄧𑄁𑄈𑄳𑄠𑄠𑄴 𑄖𑄢 𑄝𑄬𑄌𑄴 𑄦𑄧𑄣𑄬𑄠𑄳𑄠𑄧, 𑄟𑄖𑄴𑄧𑄢𑄴, 𑄢𑄥𑄴𑄑𑄳𑄢𑄧 𑄈𑄬𑄟𑄧𑄖 𑄖𑄢 𑄃𑄨𑄙𑄪 𑄥𑄫𑄚𑄳𑄠𑄧𑅁
𑄝𑄁𑄣𑄘𑄬𑄏𑄧𑄢𑄴 𑄦𑄨𑄣𑄴 𑄌𑄘𑄨𑄉𑄋𑄧𑄢𑄴 𑄝 𑄥𑄧𑄁𑄞𑄫𑄃𑄨𑄠𑄮 𑄃𑄘𑄨𑄝𑄥𑄩 𑄌𑄉𑄣𑄖𑄴 𑄎𑄧𑄚𑄧𑄟𑄴 𑄦𑄧𑄚𑄢𑄴 𑄃𑄬𑄇𑄴𑄮 𑄉𑄪𑄢𑄧 𑄡𑄧𑄈𑄳𑄠𑄬 𑄃𑄨𑄇𑄴𑄪𑄣𑄧𑄖𑄴 𑄡𑄠𑄴, 𑄥𑄧𑄇𑄳𑄠𑄬 𑄖𑄢𑄴 𑄛𑄧𑄣𑄳𑄠 𑄛𑄧𑄢𑄳𑄦𑄚 𑄦𑄧𑄠𑄴 𑄃𑄨𑄖𑄴𑄮𑄇𑄪𑄘𑄪𑄟𑄴 𑄍𑄢 𑄃𑄘𑄟𑄧𑄖𑄴 𑄗𑄚 𑄥𑄚𑄴𑅁 𑄟𑄞𑄌𑄴𑄮𑄃𑄨 𑄚𑄧𑄠𑄴- 𑄖 𑄃𑄪𑄉𑄪𑄢𑄬 𑄝𑄪𑄉𑄬 𑄘𑄨𑄠𑄳𑄠 𑄦𑄧𑄠𑄴 𑄈𑄬𑄟𑄧𑄖 𑄝𑄧𑄣 𑄞𑄌𑄴𑅁 𑄉𑄪𑄢𑄧𑄝𑄮 𑄥𑄨𑄊𑄬, 𑄚𑄨𑄎𑄧𑄢𑄴 𑄞𑄌𑄴𑄍𑄚𑄴 𑄃𑄧𑄇𑄬𑄎𑄮, 𑄝𑄚 𑄊𑄧𑄢𑄧𑄖𑄴 𑄇𑄧𑄚, 𑄣𑄬𑄟𑄴 𑄛𑄧𑄌𑄳𑄠𑄬𑅁 𑄃𑄬𑄙𑄧𑄇𑄳𑄠𑄬 𑄉𑄧𑄢𑄨 𑄢𑄥𑄴𑄑𑄳𑄢𑄧 𑄛𑄨𑄢𑄨𑄢𑄴 𑄛𑄧𑄢𑄴 𑄛𑄨𑄢𑄨 𑄥𑄬𑄊𑄠𑄴, 𑄚𑄨𑄎𑄧𑄢𑄬 𑄃𑄣𑄘 𑄃𑄬𑄇𑄴𑄮 𑄎𑄘𑄧𑄢𑄴 𑄟𑄧𑄚𑄬𑄭 𑄃𑄨𑄎𑄬𑄝𑄬 𑄈𑄟𑄴 𑄚𑄧 𑄈𑄚𑅁
Living Tongues Institute for Endangered Languages-𑄃𑄬 𑄉𑄧𑄝𑄬𑄥𑄧𑄇𑄴 Gregory Anderson 𑄇𑄧𑄠𑄴, “𑄇𑄧𑄚𑄧 𑄎𑄖𑄴 𑄟𑄧𑄚𑄬 𑄉𑄧𑄢𑄬 𑄖 𑄞𑄌𑄴𑄍𑄚𑄴 𑄖𑄬𑄋 𑄇𑄟𑄚 𑄃 𑄥𑄧𑄟𑄌𑄴 𑄞𑄣𑄬𑄘𑄨 𑄇𑄟𑄧𑄖𑄴 𑄝𑄙 𑄥𑄧𑄇𑄳𑄠𑄬 𑄥𑄬 𑄞𑄌𑄴𑄍𑄚𑄴 𑄞𑄧𑄌𑄴 𑄡𑄬𑄝𑄢𑄴 𑄛𑄧𑄙𑄬 𑄦𑄙𑄬𑅁” 𑄝𑄁𑄣𑄘𑄬𑄌𑄴 𑄢𑄥𑄴𑄑𑄳𑄢𑄧 𑄃𑄬𑄙𑄧𑄇𑄳𑄠𑄬𑄚𑄴 𑄝𑄧 (𑄛𑄧𑄢𑄨𑄝𑄬𑄥𑄴) 𑄚𑄨𑄎𑄬 𑄝𑄚𑄬𑄃𑄨 𑄘𑄨𑄠𑄳𑄠𑅁 𑄌𑄉𑄧𑄢𑄨, 𑄃𑄘𑄣𑄧𑄖𑄴, 𑄛𑄳𑄢𑄧𑄥𑄥𑄧𑄚𑄴, 𑄥𑄨𑄇𑄴𑄈- 𑄝𑄬𑄇𑄴𑄇𑄚𑄨𑄖𑄴 𑄃𑄘𑄨𑄝𑄥𑄩 𑄞𑄏𑄧𑄢𑄴 𑄟𑄏𑄢 𑄚𑄬𑄃𑄨𑅁 𑄥𑄣𑄬𑄚𑄴 𑄟𑄚𑄪𑄌𑄴 𑄇𑄨𑄋𑄨𑄢𑄨 𑄥𑄨𑄊𑄨𑄝𑄇𑄴 𑄡𑄬 𑄖𑄢𑄢𑄴 𑄟 𑄞𑄌𑄴𑄍𑄚𑄴 𑄟𑄫𑄣𑄳𑄠𑄧 𑄃𑄊𑄬?
𑄃𑄬𑄇𑄴𑄮 𑄉𑄪𑄢𑄴 𑄡𑄧𑄈𑄳𑄠𑄬 𑄇𑄚𑄬, 𑄖𑄬 𑄇𑄮𑄃𑄨 𑄚𑄧 𑄛𑄢𑄬 𑄖 𑄘𑄪𑄊𑄧𑄢𑄴 𑄇𑄧𑄙, 𑄛𑄨𑄢𑄬 𑄛𑄚 𑄇𑄧𑄙𑅁 𑄢𑄥𑄴𑄑𑄳𑄢𑄧 𑄝𑄚𑄬𑄣𑄧 𑄃𑄘𑄨𑄝𑄥𑄩𑄃𑄪𑄚𑄧𑄢𑄬 𑄥𑄬 𑄙𑄧𑄇𑄳𑄠𑄬𑄚𑄴𑅁 𑄖𑄢 𑄇𑄨𑄏𑄬𑄇𑄴 𑄇𑄢𑄧𑄚𑄴, 𑄇𑄇𑄳𑄠𑄬 𑄎𑄉-𑄎𑄧𑄟𑄨𑄣𑄠𑄴, 𑄇𑄇𑄳𑄠𑄬 𑄞𑄏𑄧𑄢𑄧𑄣𑄠𑄴, 𑄇𑄇𑄳𑄠𑄬 𑄌𑄋𑄴𑄍𑄢 (𑄃𑄧𑄥𑄴𑄖𑄨𑄖𑄴𑄝𑄧) 𑄣𑄠𑄴𑅁 𑄟𑄖𑄴𑄧𑄢𑄴 𑄢𑄥𑄴𑄑𑄳𑄢𑄧 𑄥𑄬 𑄇𑄚𑄚, 𑄇𑄨𑄏𑄬𑄇𑄴𑄃𑄪𑄚𑄴 “𑄃𑄪𑄚𑄴𑄧𑄠𑄧𑄚𑄴-𑄝𑄨𑄢𑄮𑄙𑄩”, “𑄝𑄨𑄌𑄴𑄍𑄨𑄚𑄴𑄧𑄖𑄝𑄘𑄩”, “𑄃𑄧𑄡𑄮𑄇𑄴𑄖𑄨𑄇𑄴 𑄘𑄝𑄨” 𑄇𑄮𑄃𑄨 𑄘𑄧𑄋𑄬 𑄢𑄊𑄠𑄴𑅁
𑄞𑄌𑄴𑄚𑄬𑄃𑄨 𑄟𑄚𑄬𑄭 𑄟𑄚𑄬 𑄢𑄎𑄴𑄚𑄰𑄖𑄨𑄇𑄧𑄖𑄴 𑄟𑄬𑄣𑄮𑄟𑄌𑄴 𑄟𑄚𑄬𑄃𑄨𑅁 𑄡𑄢𑄴 𑄞𑄌𑄴 𑄚𑄬𑄃𑄨, 𑄖𑄢𑄴 𑄝𑄨𑄎𑄧𑄇𑄴 𑄚𑄧 𑄗𑄠𑄴 𑄢𑄥𑄴𑄑𑄳𑄢𑄧 𑄈𑄘𑄖𑄴𑅁 𑄖𑄢 𑄉𑄳𑄠𑄬𑄚𑄧𑄢𑄬 𑄇𑄮 𑄇𑄧𑄠𑄴 𑄣𑄮𑄇𑄧𑄇𑄧𑄙, 𑄖 𑄘𑄧𑄢𑄴𑄥𑄧𑄚𑄚𑄧𑄢𑄬 𑄇𑄮 𑄇𑄧𑄠𑄴 𑄇𑄪𑄛𑄬𑄎-𑄇𑄪𑄈𑄌𑄳𑄠𑄬𑄖𑄴 (𑄇𑄪𑄥𑄧𑄁𑄥𑄴𑄇𑄢𑄴)𑅁 𑄃𑄬𑄙𑄧𑄇𑄳𑄠𑄬𑄚𑄴 𑄉𑄧𑄢𑄨 𑄢𑄥𑄴𑄑𑄳𑄢𑄧 𑄃𑄘𑄨𑄝𑄥𑄩𑄃𑄪𑄚𑄧𑄢𑄬 𑄟𑄚𑄪𑄌𑄴 𑄚𑄧𑄠𑄴, 𑄞𑄬𑄎𑄣𑄳𑄠 𑄝𑄚𑄠𑄴𑅁
𑄃𑄧𑄗𑄧𑄌𑄴 𑄝𑄨𑄎𑄧𑄉𑄧𑄖𑄴 𑄛 𑄡𑄠𑄴, 𑄞𑄌𑄴 𑄜𑄨𑄢𑄬 𑄃𑄚𑄨 𑄛𑄢𑄬𑅁 𑄦𑄨𑄝𑄳𑄢𑄪 𑄃 𑄃𑄭𑄚𑄪 𑄞𑄌𑄴 𑄃𑄬𑄌𑄳𑄠𑄬 𑄝𑄎𑄨 𑄃𑄊𑄬𑅁 𑄇𑄨𑄖𑄴𑄬 𑄢𑄥𑄴𑄑𑄳𑄢𑄧 𑄥𑄨𑄠𑄚𑄴 𑄞𑄢𑄴 𑄣𑄮𑄃𑄨𑄠𑄬𑅁 𑄝𑄁𑄣𑄘𑄬𑄏𑄧𑄖𑄴 𑄇𑄨𑄖𑄳𑄠𑄬 𑄥𑄨𑄠𑄚𑄴 𑄉𑄧𑄢𑄨 𑄛𑄢 𑄚𑄧 𑄡𑄢𑄴? 𑄇𑄨𑄖𑄳𑄠𑄬 𑄃𑄬𑄡𑄧 𑄃𑄘𑄨𑄝𑄥𑄩 𑄞𑄏𑄧𑄢𑄴 𑄥𑄨𑄇𑄴𑄈𑄃𑄚𑄧𑄢𑄬 𑄏𑄪𑄉𑄨 𑄟𑄧𑄚𑄬 𑄉𑄧𑄢𑄬? 𑄇𑄨𑄖𑄳𑄠𑄬 𑄥𑄧𑄁𑄝𑄨𑄙𑄚𑄧𑄖𑄴 𑄝𑄧𑄦𑄪𑄖𑄴𑄧𑄝𑄘𑄴 𑄝𑄚 𑄇𑄉𑄧𑄎𑄮 𑄛𑄘𑄖𑄴?
𑄃𑄘𑄨𑄝𑄥𑄩𑄃𑄪𑄚𑄧𑄢𑄴 𑄞𑄌𑄴𑄍𑄚𑄨 𑄢𑄧𑄈𑄳𑄠𑄬 𑄉𑄧𑄢𑄨𑄝𑄢𑄴 𑄇𑄧𑄚𑄧 𑄇𑄪𑄎𑄮𑄣𑄨 𑄉𑄧𑄢𑄚 𑄚𑄧𑄠𑄴𑅁 𑄃𑄨𑄠𑄚𑄴 𑄢𑄥𑄴𑄑𑄳𑄢𑄧𑄢𑄴 𑄇𑄟𑄴𑅁 𑄥𑄖𑄴𑄇𑄟𑄴𑅁 𑄟𑄞𑄌𑄴𑄍𑄮𑄃𑄨 𑄥𑄨𑄊𑄚, 𑄛𑄳𑄢𑄧𑄥𑄥𑄧𑄚𑄬 𑄟𑄚𑄨 𑄚𑄬𑄡𑄚, 𑄉𑄧𑄝𑄬𑄥𑄧𑄕 𑄃 𑄣𑄬𑄊𑄚 𑄌𑄧𑄌𑄴𑄡 𑄎𑄪 𑄉𑄧𑄢𑄨 𑄘𑄬𑄚, 𑄃𑄨𑄠𑄚𑄨 𑄝𑄬𑄇𑄴 𑄢𑄎𑄴𑄚𑄰𑄖𑄨𑄉𑄧𑄢𑄴 𑄢𑄧𑄞 𑄝𑄘𑄬 𑄞𑄌𑄴 𑄚𑄧 𑄝𑄎𑄬𑅁
𑄢𑄥𑄴𑄑𑄳𑄢𑄧 𑄡𑄪𑄚𑄨 𑄥𑄧𑄖𑄳𑄠𑄨 𑄝𑄧𑄦𑄪𑄞𑄏𑄧𑄢𑄴, 𑄝𑄧𑄦𑄪 𑄎𑄘𑄧𑄢𑄴 𑄦𑄧𑄞𑄢𑄴 𑄝𑄪𑄉𑄧𑄛𑄧𑄘 𑄘𑄧𑄢𑄧 𑄦𑄧𑄠𑄴, 𑄥𑄣𑄬𑄚𑄴 𑄖𑄢𑄴 𑄃𑄉𑄬 𑄃𑄘𑄨𑄝𑄥𑄩 𑄞𑄌𑄴𑄍𑄚𑄨 𑄜𑄨𑄢𑄬𑄭 𑄘𑄨𑄠𑄳𑄠 𑄛𑄧𑄢𑄨𑄝𑄧𑅁 𑄚 𑄦𑄧𑄣𑄬 𑄃𑄬𑄇𑄴𑄘𑄨𑄚𑄴 𑄝𑄨𑄎𑄧𑄉𑄬 𑄛𑄪𑄎𑄮𑄢𑄴 𑄉𑄧𑄢𑄨𑄝𑄧, 𑄖𑄮𑄟 𑄃𑄪𑄚𑄴𑄧𑄠𑄧𑄚𑄴 𑄇𑄢𑄧𑄢𑄴 𑄞𑄌𑄴𑄍𑄮 𑄣𑄬𑄊 𑄦𑄧𑄠𑄬 𑄃 𑄇𑄢𑄴 𑄇𑄢𑄴 𑄞𑄌𑄴 𑄞𑄧𑄌𑄴 𑄚𑄬𑄉𑄚 𑄦𑄧𑄠𑄬?
𑄞𑄌𑄴 𑄟𑄧𑄢𑄨 𑄉𑄬𑄣𑄬 𑄃𑄬𑄇𑄴𑄮 𑄎𑄖𑄴 𑄛𑄨𑄖𑄴𑄨𑄟𑄨𑄖𑄴𑄪𑄚𑄴 𑄦𑄎𑄨 𑄡𑄠𑄴𑅁 𑄖𑄢𑄴 𑄇𑄧𑄚𑄴 𑄟𑄏𑄢𑄴 𑄚𑄧 𑄗𑄠𑄴𑅁
𑄎𑄘𑄧𑄢𑄴 𑄥𑄨𑄋𑄮𑄢𑄴 𑄃𑄧𑄏𑄛𑄖𑄴: 𑄈𑄪𑄁𑄈𑄋𑄴 𑄛𑄧𑄖𑄴 𑄃 𑄣𑄉𑄧𑄖𑄴 𑄛𑄬𑄃𑄨𑄠𑄬 𑄊𑄧𑄘𑄧𑄚
𑄎𑄧𑄣𑄴𑄝𑄠𑄫 𑄛𑄧𑄢𑄨𑄝𑄧𑄢𑄴𑄖𑄧𑄚𑄧𑄢𑄴 𑄥𑄧𑄟𑄢𑄬 𑄥𑄧𑄟𑄢𑄬 𑄛𑄨𑄖𑄴𑄨𑄟𑄧𑄢𑄴 𑄙𑄧𑄇𑄴𑄠𑄳𑄠𑄧 𑄝𑄧𑄘𑄧𑄣𑄨 𑄡𑄢𑄴- 𑄃𑄬 𑄇𑄧𑄙𑄚𑄴 𑄎𑄬𑄭𑄇𑄴𑄎𑄬𑄭𑄇𑄴𑅁 𑄟𑄚𑄪𑄏𑄧𑄢𑄴 𑄌𑄨𑄘𑄬 𑄌𑄧𑄌𑄴𑄡, 𑄇𑄟𑄴 𑄉𑄧𑄢𑄚 𑄜𑄎𑄚𑄨 𑄃𑄇𑄮𑄌𑄴𑄛𑄛𑄨𑄡𑄬 𑄙𑄧𑄁𑄉𑄣𑄚𑄴 𑄥𑄚𑄴 𑄝𑄧𑄘𑄧𑄣𑄨 𑄡𑄬 𑄛𑄢𑄬 𑄥𑄨𑄠𑄚𑄴 𑄸𑄺 𑄝𑄧𑄏𑄧𑄢𑄴 𑄥𑄧𑄁 𑄇𑄟𑄴 𑄚𑄧 𑄉𑄧𑄢𑄨𑄘𑄪𑄁 𑄛𑄚𑄨 𑄟𑄪𑄢𑄮𑄖𑄴 𑄗𑄬𑄃𑄨 𑄡𑄬𑄣𑄪𑄚𑄴𑅁 𑄸𑄶𑄶𑄺 𑄥𑄣𑄧𑄖𑄴 𑄡𑄧𑄈𑄳𑄠𑄬 𑄌𑄋𑄴𑄟 𑄞𑄌𑄴-𑄃𑄧𑄏𑄛𑄖𑄴𑄃 𑄥𑄦𑄨𑄖𑄳𑄠𑄧 𑄢𑄧𑄈𑄳𑄠𑄬𑄉𑄧𑄢𑄚𑄃𑄬 𑄛𑄧𑄝𑄨𑄖𑄳𑄢𑄧 𑄝𑄳𑄢𑄧𑄖𑄴 𑄚𑄨𑄚𑄬𑄃𑄨 𑄣𑄧𑄖𑄴 𑄘𑄬𑄚 𑄃𑄢𑄴𑄇𑄚𑄨 𑄉𑄧𑄢𑄧𑄁, 𑄥𑄧𑄇𑄳𑄠𑄬 𑄞𑄛𑄴𑄮𑄋𑄴𑄦𑄨𑄣𑄧𑄢𑄴 𑄃𑄐𑄴𑄌𑄧𑄣𑄨𑄇𑄴 𑄘𑄧𑄣𑄪𑄚𑄴 𑄃𑄧𑄚𑄳𑄠𑄧 𑄛𑄮𑄃𑄨𑄘𑄳𑄠𑄚𑄬 𑄖𑄬𑄁𑄖𑄁𑄗𑄬𑄣𑄬𑄠𑄳𑄠𑄧 𑄞𑄌𑄴, 𑄃𑄮𑄇𑄴𑄮𑄢𑄴 𑄃 𑄥𑄧𑄁𑄥𑄴𑄇𑄳𑄢𑄨𑄖𑄨 𑄎𑄉𑄚𑄧𑄖𑄴 𑄝𑄬𑄇𑄴𑄪𑄚𑄬 𑄃𑄬𑄇𑄴𑄇𑄚𑄴 𑄉𑄋𑄧𑄖𑄴 𑄟𑄨𑄣𑄨𑄝𑄧𑄁𑅁 𑄟𑄖𑄴𑄧𑄢𑄴, 𑄊𑄘𑄪 (𑄃𑄧𑄞𑄨𑄇𑄴𑄈𑄧𑄖) 𑄇𑄣𑄴𑄮𑄋𑄮 𑄇𑄧𑄢𑄴- 𑄉𑄧𑄟𑄴 𑄟𑄚𑄴𑄍𑄮𑄢𑄴𑄍𑄧𑄣𑄧𑄁 𑄙𑄧𑄎𑄳𑄠𑄬 𑄟𑄚𑄪𑄏𑄧𑄢𑄴 𑄖𑄢𑄢𑄴 𑄃𑄢𑄁 𑄙𑄧𑄇𑄴 𑄌𑄨𑄚𑄧𑄘𑄬 𑄣𑄟𑄴𑄝 𑄃𑄬𑄇𑄴𑄮 𑄈𑄬𑄚𑄴 𑄥𑄧𑄁𑄃𑄉𑄪𑄚𑄧𑄖𑄴 𑄛𑄪𑄢𑄚 𑄉𑄧𑄢𑄧𑄌𑄴𑅁
𑄟𑄧𑄢𑄴 𑄃𑄬 𑄦𑄙𑄚𑄢𑄴 𑄝𑄨𑄌𑄴𑄝𑄨𑄎𑄨𑄘𑄨 𑄌𑄢𑄬𑄣𑄪𑄁 𑄸𑄶𑄶𑄺 𑄥𑄣𑄧𑄖𑄴𑅁 𑄟𑄬𑄢𑄪𑄁, 𑄌𑄧𑄁𑄢𑄍𑄧𑄢𑄨 𑄦𑄭 𑄃𑄨𑄇𑄴𑄪𑄣𑄧𑄖𑄴 𑄌𑄋𑄴𑄟 𑄣𑄬𑄊 𑄥𑄢𑄴𑄑𑄨𑄜𑄨𑄇𑄬𑄑𑄴 𑄇𑄮𑄢𑄴𑄥𑄴 𑄛𑄧𑄣𑄳𑄠 𑄝𑄳𑄠𑄌𑄴 𑄃𑄢𑄴𑄇𑄚𑄨 𑄉𑄧𑄢𑄚𑄣𑄮𑄃𑄨 𑄡𑄬 𑄝𑄮𑄟𑄴𑄝 𑄎𑄣 𑄦𑄧𑄠𑄴, 𑄥𑄨𑄠𑄚𑄴 𑄣𑄢𑄬 𑄣𑄢𑄬 𑄝𑄎𑄬𑄃𑄨𑄍𑄧𑄢 𑄥𑄧𑄢𑄴𑄇𑄢𑄨 𑄛𑄳𑄢𑄭𑄟𑄢𑄨 𑄃𑄨𑄇𑄴𑄪𑄣𑄴 𑄥𑄪𑄟𑄪𑄖𑄴𑄧 𑄚𑄚𑄚𑄴 𑄥𑄇𑄨𑄚𑄧𑄖𑄴 𑄍𑄨𑄘𑄨 𑄛𑄧𑄢𑄬𑅁 𑄸𑄶𑄶𑄼 𑄥𑄣𑄴 𑄡𑄧𑄈𑄳𑄠𑄬 𑄎𑄬𑄃𑄬𑄥𑄴𑄃𑄬𑄥𑄴 𑄞𑄋𑄨 𑄡𑄢𑄴 𑄃 𑄘𑄬𑄏𑄧𑄖𑄴 𑄷/𑄷𑄷 𑄃𑄬 𑄎𑄪𑄢𑄪𑄢𑄨 𑄃𑄧𑄝𑄧𑄥𑄴𑄗 𑄎𑄢𑄨 𑄦𑄧𑄠𑄴 𑄥𑄧𑄇𑄳𑄠𑄬 𑄌𑄬𑄢𑄮𑄇𑄨𑄗𑄳𑄠 𑄘𑄨𑄚𑄴𑄟𑄙 𑄉𑄧𑄟𑄴 𑄚𑄧 𑄗𑄚𑄢𑄴 𑄟𑄧 𑄇𑄟𑄚𑄧𑄖𑄴𑄠𑄳𑄠𑄧 𑄃𑄨𑄠𑄚𑄧𑄢𑄴 𑄇𑄪-𑄍𑄝 𑄛𑄧𑄢𑄬𑅁 𑄸𑄶𑄶𑄽 𑄥𑄣𑄧𑄖𑄴 𑄷𑄺 𑄜𑄬𑄝𑄳𑄢𑄪𑄠𑄢𑄨 𑄎𑄨𑄁𑄇𑄚𑄨𑄖𑄴 𑄃𑄬𑄇𑄴𑄇𑄚𑄴 𑄘𑄋𑄧𑄢𑄴 𑄘𑄧𑄏 𑄣𑄉𑄧𑄖𑄴 𑄛𑄁𑅁 𑄣𑄬𑄁 𑄦𑄧𑄚𑄢𑄴 𑄛𑄧𑄢𑄴𑄠𑄳𑄠𑄧 𑄇𑄪𑄘𑄪𑄇𑄧𑄍𑄧𑄢𑄨𑄖𑄴 𑄟𑄧 𑄝𑄮𑄚𑄴𑄮 𑄥𑄧𑄚𑄇𑄴𑄮 𑄊𑄧𑄢𑄧𑄖𑄴 𑄛𑄧𑄣𑄳𑄠 𑄗𑄬𑄃𑄨 𑄛𑄁𑅁 𑄇𑄨𑄠𑄬 𑄃 𑄟𑄧𑄚𑄧𑄖𑄴 𑄉𑄧𑄟𑄴 𑄚𑄧 𑄗𑄬𑄣𑄬𑄠𑄳𑄠𑄧 𑄌𑄋𑄴𑄟 𑄣𑄬𑄊 𑄥𑄬𑄊𑄚 𑄇𑄟𑄚𑄴 𑄚𑄧 𑄍𑄢𑄧𑄁𑅁 𑄥𑄨𑄖𑄴𑄪𑄚𑄴 𑄎𑄚𑄴𑄘𑄨 𑄟𑄪𑄢𑄧, 𑄥𑄨𑄝𑄧𑄋𑄴𑄉𑄧 𑄛𑄢𑄖𑄴 (𑄸𑄶𑄶𑄾- 𑄸𑄶𑄷𑄶) 𑄚𑄚𑄚𑄴 𑄏𑄧𑄢𑄴 𑄝𑄮𑄃𑄨𑄠𑄬𑄢𑄴 𑄉𑄧𑄟𑄚 𑄛𑄧𑄢𑄴 𑄃𑄘𑄟𑄧𑄖𑄴 𑄜𑄨𑄢𑄨 𑄃𑄬𑄡𑄧𑄁𑅁 𑄘𑄨𑄚𑄴 𑄟𑄙𑄚𑄴 𑄉𑄧𑄟𑄴 𑄚𑄧 𑄗𑄚𑄢𑄴 𑄸𑄶𑄷𑄺 𑄥𑄣𑄧𑄖𑄴 𑄘𑄨𑄊𑄩𑄚𑄣𑄖𑄴 𑄗𑄨𑄘𑄴 𑄉𑄧𑄢𑄨 𑄝𑄳𑄦 𑄝𑄚𑄧𑄁𑅁
𑄸𑄶𑄷𑄻 𑄥𑄣𑄧𑄖𑄴𑄪𑄚𑄴 𑄡 𑄝𑄧𑄣𑄴 𑄃𑄊𑄬 𑄌𑄋𑄴𑄟 𑄣𑄬𑄊 𑄥𑄬𑄊𑄚 𑄇𑄟𑄧𑄖𑄴 𑄣𑄟𑄨𑄣𑄪𑄁𑅁 𑄣𑄧𑄇𑄴𑄈𑄳𑄠𑄧 𑄃𑄬𑄇𑄴𑄇𑄚𑄴- 𑄌𑄋𑄴𑄟 𑄞𑄌𑄴, 𑄃𑄧𑄏𑄛𑄖𑄴 𑄃 𑄥𑄦𑄨𑄖𑄳𑄠𑄧𑄢𑄬 𑄚𑄪𑄃𑄧 𑄉𑄧𑄢𑄨 𑄎𑄉𑄬 𑄖𑄪𑄣𑄧𑄚𑅁 𑄃𑄬 𑄦𑄙𑄚𑄖𑄴 𑄞𑄣𑄧𑄇𑄴 𑄎𑄧𑄚𑄧𑄖𑄴𑄪𑄚𑄴 𑄚𑄮𑄚𑄬𑄃𑄨, 𑄇𑄮𑄌𑄴𑄛𑄚 𑄃 𑄙𑄧𑄚𑄧𑄢𑄴-𑄟𑄧𑄚𑄧𑄢𑄴 𑄃𑄬𑄎𑄣𑄴 𑄛𑄬𑄚𑄬𑄃𑄨 𑄃𑄬𑄖𑄴𑄪𑄢𑄧𑄖𑄴 𑄃𑄬𑄃𑄨 𑄛𑄢 𑄡𑄨𑄠𑄬𑅁 𑄥𑄧𑄟𑄢𑄬 𑄃𑄬𑄇𑄴𑄏𑄇𑄴 𑄞𑄌𑄴 𑄇𑄮𑄌𑄴𑄛𑄨𑄠𑄬 𑄛𑄧𑄢𑄴𑄝𑄮𑄠 𑄛𑄬𑄚𑄬𑄃𑄨 𑄝𑄬𑄉𑄧𑄢𑄴 𑄃𑄬𑄎𑄣𑄬 𑄷𑄼 𑄦𑄎𑄢𑄴 𑄟𑄚𑄴𑄍𑄮𑄢𑄬 𑄌𑄋𑄴𑄟 𑄣𑄬𑄊 𑄥𑄬𑄊 𑄛𑄢 𑄡𑄨𑄠𑄬𑅁 𑄃𑄟 𑄃𑄬 𑄇𑄟𑄖𑄴 𑄃𑄬𑄚𑄴𑄎𑄨𑄃𑄮, 𑄥𑄧𑄟𑄌𑄴 𑄞𑄣𑄬𑄘𑄨 𑄎𑄧𑄙 𑄌𑄮𑄊𑄧𑄖𑄴 𑄛𑄧𑄢𑄚 𑄚𑄚𑄚𑄴 𑄇𑄨𑄗𑄳𑄠𑄖𑄴𑄪𑄚𑄴𑄠𑄳𑄠𑄧 𑄟𑄚𑄴 𑄛 𑄡𑄨𑄠𑄬𑅁 𑄟𑄖𑄴𑄧𑄢𑄴, 𑄃𑄬𑄙𑄧𑄇𑄳𑄠𑄬 𑄃𑄬𑄎𑄣𑄴 - 𑄞𑄣𑄬𑄘𑄨 𑄗𑄚𑄢𑄴 𑄛𑄧𑄢𑄴𑄠𑄳𑄠𑄧 𑄣𑄪𑄉𑄨 𑄃𑄊𑄬 𑄇𑄨𑄏𑄪 𑄘𑄪𑄊𑄧𑄢𑄴 𑄛𑄣𑅁 𑄡𑄨𑄠𑄬𑄚𑄴 𑄇𑄧𑄝𑄢𑄴 𑄟𑄧𑄚𑄬 𑄚𑄧 𑄇𑄧𑄣𑄬𑄠𑄳𑄠𑄧 𑄝𑄨𑄎𑄧𑄉𑄧𑄢𑄴 𑄉𑄧𑄢𑄧𑄎𑄬 𑄥𑄨𑄠𑄚𑄨 𑄇𑄧𑄚 𑄥𑄖𑄴𑄇𑄟𑄴 𑄞𑄨𑄣𑄬 𑄟𑄧𑄚𑄬 𑄉𑄧𑄢𑄧𑄁𑅁
𑄷𑄶 𑄃𑄬𑄛𑄳𑄢𑄨𑄣𑄴 𑄸𑄶𑄷𑄻 𑄥𑄣𑄧𑄖𑄴 𑄖𑄬𑄟𑄴𑄟𑄋𑄴 𑄟𑄧𑄎𑄨𑄟𑄴 𑄃𑄪𑄖𑄴𑄧𑄢𑄴 𑄢𑄬𑄁𑄇𑄡𑄳𑄠 𑄦𑄃𑄨 𑄃𑄨𑄇𑄴𑄪𑄣𑄧𑄖𑄴 𑄌𑄋𑄴𑄟 𑄣𑄬𑄊 𑄇𑄮𑄢𑄴𑄥𑄴 𑄜𑄧𑄉𑄧𑄘𑄋𑄴 𑄉𑄧𑄢 𑄡𑄬𑄬𑄚𑄭 𑄇𑄧𑄚𑄧 𑄛𑄧𑄢𑄴𑄝𑄮𑄠 𑄣𑄉𑄧𑄖𑄴 𑄚𑄧 𑄛𑄬𑄭𑅁 𑄃𑄨𑄇𑄴𑄪𑄣𑄧 𑄦𑄬𑄓𑄴𑄟𑄌𑄴𑄖𑄧𑄢𑄴 𑄥𑄪𑄚𑄚𑄪 𑄥𑄪𑄟𑄧𑄚𑄴 𑄌𑄋𑄴𑄟 𑄣𑄮𑄃𑄨 𑄇𑄧𑄙 𑄇𑄮𑄚𑄬𑄭 𑄈𑄧𑄝𑄧𑄢𑄴 𑄛𑄬𑄣𑄧𑄁, 𑄖𑄬 𑄇𑄢𑄧𑄢𑄬 𑄎𑄚𑄬 𑄚𑄧 𑄘𑄬𑅁 𑄇𑄧𑄙 𑄃𑄬𑄣𑄧 𑄖𑄬 𑄃𑄨𑄇𑄴𑄪𑄣𑄧 𑄛𑄪𑄃𑄧-𑄏𑄨𑄃𑄪𑄚𑄧𑄢𑄬 𑄎𑄚𑄬 𑄘𑄨𑄝𑄧 𑄃 𑄃𑄟𑄖𑄳𑄠 𑄞𑄘𑄧𑄢𑄴 𑄎𑄪𑄉𑄧𑄣𑄴 𑄉𑄧𑄢𑄨𑄝𑄧𑅁 𑄃𑄟𑄨 𑄇𑄇𑄴𑄇 𑄃𑄚𑄧𑄚𑄴𑄘𑄧𑄟𑄮𑄦𑄧𑄚𑄴 𑄥𑄪𑄟𑄪𑄖𑄴𑄧 𑄡𑄬𑄣𑄧𑄁 𑄥𑄬 𑄘𑄨𑄚𑄴𑅁
𑄸𑄺 𑄓𑄨𑄥𑄬𑄟𑄴𑄝𑄧𑄢𑄴 𑄸𑄶𑄷𑄻 𑄘𑄨𑄊𑄩𑄚𑄣 𑄥𑄁𑄥𑄴𑄇𑄳𑄢𑄨𑄖𑄨𑄇𑄴 𑄃𑄬𑄇𑄓𑄬𑄟𑄨 𑄦𑄧𑄣𑄧𑄖𑄴 𑄹𑄿𑄽 𑄎𑄧𑄚𑄴 𑄛𑄧𑄢𑄴𑄝𑄮𑄠𑄢𑄬 𑄌𑄋𑄴𑄟 𑄣𑄬𑄊 𑄥𑄢𑄴𑄑𑄨𑄜𑄨𑄇𑄬𑄑𑄴 𑄘𑄬𑄚 𑄈𑄧𑄣𑄝𑄮𑄖𑄴 𑄃𑄬𑄇𑄴𑄇𑄚𑄴 𑄘𑄨𑄚𑄴𑄟𑄙𑄚𑄴𑄣𑄮𑄃𑄨 𑄟𑄪𑄏𑄧𑄋𑄴-𑄟𑄪𑄎𑄪𑄋𑄨 𑄦𑄧𑄁𑅁 𑄓𑄨𑄎𑄨𑄃𑄬𑄜𑄴𑄃𑄭𑄃𑄪𑄚𑄧𑄢𑄬 𑄥𑄨𑄞𑄨 𑄃 𑄥𑄢𑄴𑄑𑄨𑄜𑄨𑄇𑄬𑄑𑄧𑄢𑄴 𑄜𑄧𑄑𑄮 𑄇𑄧𑄛𑄨 𑄘𑄬𑄚𑄢𑄴 𑄛𑄧𑄢𑄴𑄠𑄳𑄠𑄧 𑄉𑄧𑄝𑄬𑄥𑄧𑄇𑄴 𑄇𑄇𑄴𑄇 𑄃𑄚𑄧𑄚𑄴𑄘𑄧 𑄟𑄮𑄦𑄧𑄚𑄴 𑄊𑄧𑄢𑄧𑄖𑄴 𑄝𑄬𑄚𑄳𑄠 𑄛𑄮𑄖𑄳𑄠 𑄡𑄬𑄚𑄬𑄃𑄨 𑄖𑄧𑄗𑄳𑄠𑄧 𑄌 𑄡𑄚𑄴 𑄡𑄨𑄠𑄬𑄚𑄴 𑄃𑄟𑄢𑄴 𑄘𑄮𑄣𑄴 𑄇𑄟𑄚𑄧𑄖𑄴 𑄛𑄪𑄎𑄮𑄢𑄴 𑄎𑄧𑄚𑄧𑄟𑄴 𑄘𑄨𑄠𑄳𑄠𑅁
𑄃𑄬 𑄃𑄉𑄬 𑄷𑄷 𑄥𑄬𑄛𑄴𑄑𑄬𑄟𑄴𑄝𑄧𑄢𑄴 𑄸𑄶𑄷𑄻 𑄈𑄳𑄢𑄨. 𑄟𑄬𑄢𑄪𑄁, 𑄣𑄟𑄴𑄝𑄍𑄧𑄢 𑄥𑄧𑄢𑄴𑄇𑄢𑄨 𑄛𑄳𑄢𑄭𑄟𑄢𑄨 𑄃𑄨𑄇𑄴𑄪𑄣𑄴 𑄟𑄌𑄴𑄖𑄧𑄢𑄴 𑄥𑄪𑄚𑄚𑄪 𑄘𑄩𑄛𑄁𑄥𑄪 𑄌𑄋𑄴𑄟 𑄃𑄨𑄇𑄴𑄪𑄣𑄴 𑄢𑄪𑄟𑄴 𑄚𑄧 𑄘𑄬 𑄌𑄋𑄴𑄟 𑄣𑄬𑄊 𑄥𑄬𑄊𑄬𑄝𑄢𑄴𑅁 𑄃 𑄸𑄾 𑄃𑄬𑄛𑄳𑄢𑄨𑄣𑄴 𑄸𑄶𑄷𑄾 𑄥𑄣𑄖𑄴𑄠𑄳𑄠𑄧 𑄝𑄝𑄪𑄍𑄧𑄢 𑄦𑄭 𑄃𑄨𑄇𑄴𑄪𑄣𑄴 𑄦𑄬𑄓𑄴𑄟𑄌𑄴𑄖𑄧𑄌𑄳𑄠 “𑄑𑄬𑄝𑄨𑄣𑄴 𑄞𑄋𑄨 𑄜𑄬𑄣𑄬𑄝𑄇𑄴” 𑄍𑄧𑄣𑄧𑄚 𑄘𑄨𑄚𑄬𑄃𑄨 𑄢𑄪𑄟𑄴 𑄚𑄧 𑄘𑄬𑄚𑄢𑄴 𑄌𑄨𑄉𑄮𑄚𑄴 𑄟𑄧𑄚𑄧𑄢𑄴 𑄌𑄨𑄚𑄴𑄛𑄧𑄌𑄳𑄠𑄬 𑄘𑄨𑄠𑄳𑄠𑅁 𑄡𑄨𑄠𑄬𑄚𑄴 𑄖𑄖𑄴𑄪𑄚𑄴 𑄃𑄏 𑄉𑄧𑄢 𑄚𑄧 𑄡𑄠𑄴𑅁
𑄸𑄶𑄷𑄽, 𑄸𑄷 𑄜𑄬𑄝𑄳𑄢𑄪𑄠𑄢𑄨 𑄝𑄝𑄪𑄍𑄧𑄢 𑄜𑄳𑄢𑄬𑄚𑄴𑄓𑄴𑄥𑄨𑄛𑄴 𑄃𑄨𑄇𑄴𑄪𑄣𑄧𑄖𑄴 𑄌𑄋𑄴𑄟 𑄣𑄬𑄊 𑄥𑄢𑄴𑄑𑄨𑄜𑄨𑄇𑄬𑄑𑄴 𑄇𑄮𑄢𑄴𑄥𑄴 𑄜𑄁𑄜𑄧𑄉𑄧𑄘𑄋𑄴 𑄜𑄁𑄥𑄚𑄚𑄧𑄖𑄴 𑄚𑄧𑄇𑄴𑄝𑄌𑄳𑄠 𑄉𑄧𑄢𑄴𑄝 𑄘𑄨𑄊𑄩𑄚𑄣 𑄃𑄪𑄛𑄧𑄎𑄬𑄣 𑄚𑄨𑄢𑄴𑄝𑄦𑄩 𑄇𑄧𑄢𑄴𑄟𑄧𑄇𑄧𑄢𑄴𑄖 𑄥𑄬𑄈𑄴 𑄥𑄧𑄦𑄨𑄘𑄪𑄣𑄴 𑄃𑄨𑄥𑄴𑄣𑄟𑄴 𑄃 𑄜𑄁𑄜𑄧𑄉𑄧𑄘𑄋𑄴 𑄉𑄧𑄢𑄧𑄝 𑄘𑄨𑄊𑄩𑄚𑄣 𑄃𑄪𑄛𑄧𑄎𑄬𑄣 𑄌𑄬𑄠𑄢𑄴𑄟𑄳𑄠𑄚𑄴 𑄥𑄪𑄚𑄚𑄪 𑄚𑄧𑄝𑄧 𑄇𑄧𑄟𑄧𑄣𑄴 𑄌𑄋𑄴𑄟𑄢𑄴 𑄚𑄋𑄚𑄴 𑄝𑄳𑄠𑄚𑄢𑄧𑄖𑄴 𑄣𑄬𑄊 𑄗𑄬𑄚𑄬𑄃𑄨 𑄝𑄝𑄪𑄍𑄧𑄢 𑄃𑄪𑄃𑄨𑄚𑄨𑄠𑄧𑄚𑄧𑄢𑄴 𑄝𑄨𑄘𑄨 𑄡𑄨𑄠𑄬 𑄌𑄬𑄠𑄟𑄳𑄠𑄚𑄴 𑄥𑄪𑄚𑄚𑄪 𑄛𑄧𑄢𑄨𑄖𑄮𑄥𑄴 𑄌𑄋𑄴𑄟 𑄖 𑄚𑄋𑄚𑄴 𑄚𑄧 𑄗𑄚𑄢𑄴 𑄢𑄇𑄴 𑄉𑄧𑄢𑄨 𑄜𑄁𑄥𑄚𑄧𑄖𑄴𑄪𑄚𑄴 𑄃𑄪𑄘𑄨 𑄡𑄬𑄣𑄧 𑄃 𑄦𑄪𑄟𑄴𑄇𑄨𑄠𑄳𑄠𑄧 𑄘𑄨 𑄡𑄬𑄣𑄧𑅁 𑄃𑄧𑄗𑄧𑄌𑄧 𑄖𑄢𑄬 𑄃𑄟𑄨 𑄝𑄧𑄣𑄚𑄳𑄠𑄧 𑄘𑄨𑄠𑄳𑄠 𑄚𑄧 𑄦𑄧𑄠𑄴𑅁 𑄡 𑄃𑄬𑄇𑄴𑄮 𑄝𑄪𑄏𑄨𑄠𑄳𑄠 𑄟𑄚𑄴𑄌𑄳𑄠𑄖𑄴𑄪𑄚𑄴 𑄥𑄨𑄠𑄚𑄴 𑄛𑄬𑄝𑄢𑄴 𑄚𑄧 𑄌𑄬𑄃𑄨𑅁
𑄸𑄶𑄷𑄽, 𑄃𑄬𑄛𑄳𑄢𑄨𑄣𑄴 𑄻 𑄣𑄧𑄇𑄴𑄈𑄩𑄍𑄧𑄓𑄨 𑄃𑄪𑄛𑄧𑄎𑄬𑄣 𑄛𑄨𑄝𑄨𑄥𑄨 𑄃𑄨𑄇𑄴𑄪𑄣𑄧𑄖𑄴 𑄌𑄋𑄴𑄟 𑄣𑄬𑄊 𑄥𑄢𑄴𑄑𑄨𑄜𑄨𑄇𑄬𑄑𑄴 𑄇𑄮𑄢𑄴𑄥𑄴 𑄜𑄁𑄜𑄧𑄉𑄧𑄘𑄋𑄴 𑄈𑄧𑄣𑄝𑄮𑄖𑄴 𑄚𑄧𑄇𑄴𑄝𑄌𑄳𑄠 𑄉𑄧𑄢𑄴𑄝 𑄃𑄨𑄎𑄬𑄝𑄬 𑄃𑄪𑄛𑄧𑄎𑄬𑄣 𑄌𑄬𑄠𑄟𑄳𑄠𑄚𑄴 𑄥𑄪𑄚𑄚𑄪 𑄥𑄪𑄛𑄢𑄴 𑄎𑄳𑄠𑄮𑄖𑄨 𑄌𑄋𑄴𑄟𑄢𑄬 𑄝𑄧𑄣𑄚𑄳𑄠 𑄘𑄨 𑄡𑄬𑄚𑄬𑄃𑄨 𑄛𑄳𑄢𑄧𑄘𑄩𑄛𑄴 𑄘 𑄃𑄨𑄎𑄴𑄮𑄖𑄴 𑄟𑄢 𑄈𑄬𑄣𑄧 𑄥𑄧𑄟𑄢𑄬 𑄟𑄧𑄢𑄬𑄃𑄮 𑄜𑄮𑄚𑄬 𑄚𑄚𑄚𑄴 𑄇𑄪 𑄇𑄧𑄙 𑄥𑄪𑄚𑄬 𑄘𑄨𑄣𑄴𑅁 𑄛𑄧𑄢𑄬 𑄥𑄨𑄠𑄚𑄴 𑄟𑄨𑄒𑄪𑄚𑄴 𑄘 𑄃𑄬𑄎𑄣𑄬 𑄇𑄮𑄢𑄴𑄥𑄴 𑄃𑄧𑄇𑄴𑄖𑄧𑄟𑄧𑄎𑄨𑄟𑄴 𑄃𑄢𑄴𑄇𑄚𑄨 𑄉𑄧𑄢 𑄦𑄧𑄠𑄴𑅁 𑄷𑄺 𑄎𑄚𑄪𑄠𑄢𑄨 𑄸𑄶𑄷𑄿 𑄈𑄳𑄢𑄨. 𑄟𑄣𑄴𑄍𑄧𑄢𑄨 𑄇𑄧𑄣𑄬𑄎𑄧𑄖𑄴 𑄌𑄋𑄴𑄟 𑄣𑄬𑄊 𑄇𑄮𑄢𑄴𑄥𑄴 𑄉𑄧𑄢𑄚 𑄛𑄮𑄃𑄨𑄘𑄳𑄠𑄚𑄬 𑄇𑄧𑄣𑄬𑄎𑄧𑄖𑄴𑄪𑄚𑄴 𑄦𑄪𑄟𑄴 𑄚𑄨𑄚𑄬𑄃𑄨 𑄇𑄧𑄣𑄬𑄎𑄧 𑄟𑄘𑄧𑄖𑄴 𑄖𑄬𑄟𑄴𑄟𑄋𑄧𑄖𑄴 𑄝𑄮𑄎𑄨𑅁 𑄥𑄨𑄠𑄮𑄖𑄴 𑄍𑄖𑄳𑄢𑄧𑄣𑄩𑄢𑄴 𑄇𑄧𑄠𑄬𑄇𑄴𑄮 𑄛𑄪𑄃𑄧 𑄡𑄬𑄚𑄬𑄃𑄨 𑄖𑄬𑄟𑄴𑄟𑄁 𑄚𑄧 𑄉𑄧𑄢𑄨𑄝𑄢𑄴 𑄟𑄚 𑄉𑄧𑄢𑄧𑄚𑄴 𑄃 𑄃𑄟 𑄛𑄬𑄣𑄬𑄇𑄢𑄴𑄓𑄴 𑄟𑄬𑄣 𑄟𑄢𑄨 𑄜𑄬𑄣𑄬 𑄘𑄳𑄠𑄪𑄚𑄴𑅁
𑄸𑄶𑄸𑄺, 𑄷𑄶 𑄓𑄨𑄥𑄬𑄟𑄴𑄝𑄧𑄢𑄴 𑄝𑄝𑄪𑄍𑄧𑄢 𑄃𑄨𑄃𑄪𑄚𑄨𑄠𑄧𑄚𑄴 𑄛𑄧𑄢𑄨𑄥𑄧𑄘𑄧𑄢𑄴 𑄌𑄬𑄠𑄢𑄴𑄟𑄳𑄠𑄚𑄴 𑄥𑄪𑄚𑄚𑄪 𑄉𑄧𑄉𑄧𑄕𑄴 𑄝𑄨𑄇𑄥𑄴 𑄌𑄋𑄴𑄟𑄖𑄴𑄪𑄚𑄴 𑄃𑄬𑄎𑄣𑄧 𑄖𑄬𑄋 (𑄿𑄶𑄶𑄶) 𑄌 𑄡𑄬𑄚𑄬𑄃𑄨 (𑄥𑄢𑄴𑄑𑄨𑄜𑄨𑄇𑄬𑄑𑄴 𑄘𑄬𑄚 𑄜𑄁𑄥𑄚𑄧𑄢𑄴 𑄛𑄮𑄃𑄨𑄘𑄳𑄠𑄚𑄬) 𑄇𑄧𑄣𑄧, “𑄘𑄩𑄛𑄪𑄣𑄧𑄇𑄴𑄈𑄧 𑄗𑄬𑄣𑄬 𑄟𑄪𑄃𑄨 𑄚𑄧 𑄗𑄬𑄭𑄟𑄴𑅁” 𑄃𑄬 𑄇𑄧𑄙𑄚𑄴 𑄟𑄧𑄢𑄬 𑄞𑄢𑄨 𑄉𑄧𑄢𑄨 𑄣𑄬𑄁 𑄉𑄧𑄌𑄴𑄍𑄬𑅁 𑄃𑄬𑄙𑄧𑄇𑄳𑄠𑄬𑄚𑄴 𑄉𑄧𑄢𑄨 𑄸𑄶𑄸𑄻 𑄝𑄨𑄏𑄪 𑄃 𑄥𑄦𑄨𑄖𑄳𑄠𑄧 𑄟𑄬𑄣 𑄚𑄚𑄳𑄠𑄌𑄧𑄢𑄧𑄖𑄴 𑄉𑄧𑄢𑄨 𑄛𑄢 𑄚𑄧 𑄡𑄠𑄴 𑄢𑄎𑄴𑄚𑄰𑄖𑄨𑄇𑄴 𑄍𑄧𑄣𑄧𑄚𑄣𑄮𑄃𑄨 (𑄃𑄧𑄎𑄪𑄦𑄖𑄴) 𑄎𑄪𑄉𑄧𑄣𑄴 𑄉𑄧𑄢𑄨 𑄛𑄢 𑄚𑄧 𑄡𑄠𑄴𑅁 𑄸𑄶𑄸𑄼, 𑄃𑄧𑄇𑄴𑄑𑄮𑄝𑄧𑄢𑄴 𑄸𑄺 𑄝𑄬𑄣𑄳𑄠 𑄟𑄙𑄚𑄴 𑄘𑄳𑄦𑄧𑄎𑄧𑄚𑄴 𑄟𑄚𑄪𑄌𑄴 𑄛𑄘𑄬𑄣𑄧 𑄘𑄨𑄊𑄩𑄚𑄣 𑄇𑄧𑄝𑄈𑄣𑄩 𑄃𑄨𑄃𑄪𑄚𑄨𑄠𑄧𑄚𑄴 𑄌𑄬𑄠𑄟𑄳𑄠𑄚𑄴 𑄚𑄧𑄣𑄬𑄎𑄴 𑄌𑄋𑄴𑄟, 𑄃𑄧𑄏𑄛𑄖𑄴 𑄃𑄬𑄥𑄴𑄇𑄮𑄠𑄢𑄴 𑄥𑄭𑄚𑄧𑄝𑄮𑄢𑄴𑄓𑄴 𑄘𑄨𑄚𑄬𑄃𑄨𑅁 𑄃𑄨𑄠𑄚𑄨 𑄟 𑄞𑄏𑄧𑄢𑄴 𑄣𑄢𑄬𑄭 𑄇𑄟𑄧𑄖𑄴 𑄃𑄬𑄙𑄧𑄇𑄳𑄠𑄬𑄚𑄴 𑄝𑄙𑄣𑄮𑄃𑄨 𑄟𑄪𑄠𑄮𑄟𑄪𑄠𑄨 𑄇𑄧𑄚𑄢𑄴 𑄌𑄨𑄘𑄧𑄖𑄴 𑄊 𑄦𑄧𑄞𑄧 𑄞𑄝𑄨 𑄛𑄢 𑄚𑄧 𑄡𑄠𑄴𑅁
𑄟𑄧𑄢𑄴 𑄃𑄬 𑄣𑄬𑄊𑄚𑄴 𑄇𑄢𑄧𑄖𑄳𑄠𑄭 𑄝𑄧𑄢𑄟𑄧𑄖𑄴 𑄚𑄬𑄃𑄨, 𑄃𑄨𑄠𑄚𑄴 𑄟𑄘𑄧𑄖𑄴 𑄇𑄟𑄴 𑄉𑄧𑄢𑄚 𑄘𑄋𑄧𑄢𑄴 𑄊𑄘𑄪𑅁 𑄣𑄬𑄊𑄚𑄴 𑄝𑄚 𑄟𑄧 𑄚𑄨𑄎𑄧𑄢𑄴 𑄊𑄘𑄪𑄢𑄴 𑄢𑄨𑄝𑄬𑄁 𑄚𑄧𑄠𑄴, 𑄃𑄨𑄠𑄚𑄴 𑄉𑄬𑄌𑄳𑄠𑄬 𑄡𑄬 𑄞𑄨𑄚𑄴 𑄞𑄌𑄴𑄝𑄧𑄣𑄃𑄪𑄚𑄴 𑄟 𑄞𑄌𑄴 𑄢𑄧𑄈𑄳𑄠𑄬 𑄇𑄟𑄚𑄧𑄖𑄴 𑄡𑄬𑄘𑄧𑄇𑄴 𑄃𑄃𑄮𑄎𑄨, 𑄃𑄟 𑄥𑄧𑄟𑄏𑄧𑄢𑄴 𑄝𑄧𑄚𑄴𑄘𑄃𑄪𑄚𑄧𑄢𑄴 𑄇𑄨𑄏𑄪 𑄟𑄚𑄪𑄌𑄴 𑄥𑄬𑄙𑄧𑄇𑄴 𑄉𑄧𑄢𑄧𑄌𑄴 𑄟𑄧𑄚𑄬 𑄚𑄧 𑄉𑄧𑄢𑄧𑄚𑄴𑅁
𑄟 𑄞𑄌𑄴 𑄝𑄚 𑄇𑄧𑄠𑄬𑄇𑄴𑄮 𑄢𑄧 𑄣𑄮𑄃𑄨 𑄟𑄖𑄴 𑄚𑄧𑄠𑄴, 𑄃𑄨𑄠𑄚𑄴 𑄃𑄬𑄇𑄴𑄮 𑄎𑄘𑄧𑄢𑄴 𑄘𑄋𑄧𑄢𑄴 𑄌𑄨𑄚𑄴𑄛𑄧𑄌𑄳𑄠𑄬, 𑄝𑄨𑄎𑄧𑄇𑄴 𑄃 𑄥𑄨𑄋𑄮𑄢𑄧𑄢𑄴, 𑄚𑄧𑄇𑄴𑄇𑄪𑄚𑄴𑄘𑄨 𑄥𑄌𑄴𑅁 𑄃𑄬 𑄝𑄨𑄌𑄳𑄠𑄬𑄌𑄴 𑄝𑄪𑄉𑄧𑄖𑄴 𑄉𑄧𑄢𑄨 𑄡 𑄝𑄙 𑄃𑄬𑄡𑄮𑄇𑄴 𑄟 𑄞𑄌𑄴 𑄢𑄧𑄈𑄳𑄠𑄬 𑄣𑄢𑄬𑄠𑄧𑄖𑄴 𑄣𑄢𑄬𑄃𑄨 𑄉𑄧𑄢𑄨 𑄡𑄬𑄃𑄨𑄟𑄴, 𑄉𑄮𑄘 𑄎𑄨𑄁𑄇𑄚𑄨𑄥𑄧𑄁𑅁
𑄌𑄘𑄨𑄉𑄋𑄴 𑄍𑄢 𑄛𑄣: 𑄌𑄋𑄴𑄟 𑄟𑄪𑄠𑄬 𑄟𑄪𑄠𑄬 𑄇𑄧𑄙 (𑄣𑄮𑄇𑄧𑄥𑄦𑄨𑄖𑄳𑄠𑄧), 𑄝𑄨𑄎𑄧𑄉𑄧𑄢𑄴 𑄛𑄧𑄢𑄧𑄁 𑄃 𑄃𑄨𑄢𑄪𑄇𑄴 𑄘𑄨𑄚𑄴𑄟𑄙𑄚𑄧𑄢𑄴 𑄢𑄬𑄉
𑄌𑄋𑄴𑄟𑄃𑄪𑄚𑄧𑄢𑄴
𑄟𑄪𑄠𑄬
𑄟𑄪𑄠𑄬
𑄝𑄎𑄨
𑄗𑄬𑄠𑄳𑄠
𑄃𑄬𑄇𑄴𑄮
𑄛𑄣
“𑄌𑄘𑄨𑄉𑄋𑄴
𑄍𑄢𑄛𑄣”
𑄃𑄬𑄇𑄴𑄮
𑄥𑄖𑄴𑄇𑄟𑄳𑄠
𑄉𑄨𑄘𑄧𑄢𑄴
𑄥𑄪𑄢𑄬
𑄢𑄮𑄎𑄨𑄠𑄳𑄠
𑄛𑄣, 𑄡𑄨𑄠𑄬𑄚𑄴
𑄌𑄘𑄨𑄉𑄋𑄴
𑄌𑄉𑄣𑄖𑄴𑄪𑄚𑄴
𑄙𑄬𑄃𑄨
𑄛𑄚 𑄚𑄨𑄏𑄬𑄚𑄨
𑄝𑄨𑄎𑄧𑄉𑄧𑄢𑄴
𑄜𑄪𑄘𑄨
𑄃𑄪𑄘𑄬𑅁
𑄃𑄬 𑄣𑄬𑄊𑄚𑄧𑄖𑄴
𑄌𑄘𑄨𑄉𑄋𑄴
𑄍𑄢 𑄛𑄣𑄝𑄮
𑄃𑄬𑄇𑄴𑄮
𑄟𑄪𑄠𑄬
𑄟𑄪𑄠𑄬
𑄝𑄎𑄨
𑄗𑄬𑄠𑄳𑄠
𑄉𑄨𑄖𑄴
𑄃𑄨𑄎𑄬𑄝𑄬
𑄚𑄧𑄠𑄴,
𑄃𑄨𑄝𑄬
𑄃𑄬𑄇𑄴𑄮
𑄢𑄨𑄘𑄨𑄥𑄪𑄙𑄮𑄟𑄧
𑄚𑄨𑄏𑄬𑄚𑄨
𑄃 𑄛𑄪𑄢𑄮𑄚𑄴
𑄝𑄨𑄎𑄧𑄉𑄧𑄢𑄴
𑄟𑄏𑄢
𑄃𑄨𑄎𑄬𑄝𑄬
𑄖𑄧𑄣𑄴𑄝𑄨𑄌𑄴
𑄉𑄧𑄢
𑄦𑄧𑄠𑄬𑅁
𑄥𑄧𑄟𑄢𑄬
𑄉𑄬𑄣𑄴𑄬
𑄻𑄺 𑄝𑄧𑄏𑄧𑄢𑄴
𑄦𑄨𑄣𑄴
𑄌𑄘𑄨𑄉𑄋𑄧𑄢𑄴
𑄌𑄋𑄴𑄟𑄃𑄪𑄚𑄴
𑄊𑄧𑄢𑄧𑄛𑄘
𑄎𑄉 𑄍𑄢𑄨 𑄡𑄚𑄢𑄴
𑄥𑄧𑄟𑄢𑄬
𑄃𑄬 𑄛𑄣𑄝𑄮
𑄢𑄨𑄝𑄬𑄋𑄧𑄖𑄴
𑄡𑄬 𑄟𑄨𑄣𑄴
𑄣𑄬𑄝𑄬𑄘𑄬
𑄃𑄊𑄬
𑄥𑄨𑄠𑄚𑄴
𑄃𑄣𑄬𑄭
𑄉𑄧𑄢𑄨
𑄜𑄪𑄘𑄨
𑄖𑄪𑄣𑄨𑄝𑄢𑄴
𑄌 𑄦𑄧𑄠𑄬𑅁
𑄚𑄨𑄎𑄬
𑄇𑄧𑄙
𑄇𑄧𑄚
𑄃 𑄃𑄨𑄢𑄪𑄇𑄴
𑄊𑄧𑄘𑄧𑄚𑄟𑄧𑄎𑄨𑄟𑄴
𑄣𑄬𑄊𑄚𑄧𑄖𑄴
𑄡𑄪𑄇𑄴𑄖𑄨
𑄘𑄨𑄠𑄳𑄠
𑄦𑄧𑄠𑄴
𑄡𑄬, 𑄌𑄘𑄨𑄉𑄋𑄴
𑄍𑄢 𑄛𑄣 𑄃𑄎𑄧𑄣𑄬
𑄃𑄬𑄇𑄴𑄮
𑄎𑄖𑄴
𑄞𑄧𑄌𑄴
𑄚𑄨𑄉𑄬𑄝𑄢𑄴
𑄥𑄪𑄙𑄮𑄟𑄴
𑄝𑄚𑄚,
𑄡 𑄝𑄨𑄘𑄨
𑄡𑄨𑄠𑄬
𑄃 𑄃𑄨𑄢𑄪𑄇𑄴
𑄘𑄨𑄚𑄴𑄟𑄙𑄚𑄴
𑄃𑄣𑄬𑄭
𑄉𑄧𑄢𑄨
𑄛 𑄡𑄨𑄠𑄬𑅁
________________________________________
𑄟𑄪𑄠𑄬
𑄟𑄪𑄠𑄬
𑄝𑄎𑄨
𑄗𑄨𑄠𑄳𑄠
𑄇𑄧𑄚𑄧
𑄇𑄧𑄙,
𑄇𑄧𑄚𑄧
𑄎𑄘𑄧𑄢𑄴
𑄝𑄚 𑄌𑄨𑄖𑄴𑄎𑄪𑄢𑄮𑄚𑄨
𑄟𑄧𑄚𑄴
𑄉𑄮𑄣𑄧𑄚𑄨
𑄙𑄧𑄇𑄴
𑄉𑄧𑄢𑄨
𑄜𑄧𑄉𑄧𑄘𑄋𑄴
𑄉𑄧𑄢𑄚
𑄚𑄧𑄠𑄴,
𑄃𑄨𑄠𑄮𑄖𑄴
𑄖𑄢𑄢𑄴
𑄝𑄨𑄎𑄧𑄇𑄴,
𑄘𑄧𑄢𑄴,
𑄥𑄧𑄝𑄧𑄚𑄴,
𑄃𑄏 𑄃 𑄟𑄧𑄚𑄧𑄛𑄨𑄢𑄬
𑄖𑄪𑄣𑄨
𑄙𑄧𑄢𑄚𑅁
𑄌𑄋𑄴𑄟
𑄥𑄧𑄟𑄏𑄧𑄖𑄴
𑄛𑄨𑄢𑄨𑄢𑄴
𑄛𑄧𑄢𑄴
𑄛𑄨𑄢𑄨
𑄌𑄧𑄣𑄨
𑄃𑄬𑄡𑄬𑄢𑄴
“𑄌𑄘𑄨𑄉𑄋𑄴
𑄍𑄢 𑄛𑄣” 𑄥𑄬𑄙𑄧𑄇𑄳𑄠𑄬𑄚𑄴
𑄃𑄬𑄇𑄴𑄮
𑄟𑄪𑄠𑄬
𑄟𑄪𑄠𑄬
𑄝𑄎𑄨
𑄗𑄨𑄠𑄳𑄠
𑄉𑄩𑄖𑄴,
𑄡 𑄌𑄘𑄨𑄉𑄋𑄴
𑄌𑄉𑄣𑄖𑄴𑄪𑄚𑄴
𑄝 𑄛𑄪𑄢𑄧𑄚𑄮
𑄝𑄨𑄎𑄧𑄉𑄧
𑄎𑄉𑄖𑄴𑄪𑄚𑄴
𑄛𑄧𑄢𑄧𑄋𑄨
𑄡𑄬𑄃𑄨
𑄛𑄚 𑄚𑄨𑄢𑄮𑄟𑄮𑄖𑄴
𑄚𑄨𑄏𑄬𑄚𑄨
𑄟𑄨𑄏𑄨
𑄃𑄊𑄬 𑄌𑄋𑄴𑄟𑄃𑄪𑄚𑄧𑄢𑄴𑅁
𑄃𑄬
𑄣𑄬𑄊𑄚𑄧𑄢𑄴
𑄃𑄪𑄘𑄴𑄬𑄥𑄳𑄠𑄧
𑄦𑄧𑄣𑄧
"𑄌𑄘𑄨𑄉𑄋𑄴
𑄍𑄢 𑄛𑄣" 𑄃𑄬𑄇𑄴𑄮
𑄥𑄦𑄨𑄖𑄳𑄠𑄨𑄇𑄴
𑄟𑄏𑄢
𑄃𑄨𑄎𑄬𑄝𑄬
𑄚𑄧𑄠𑄴,
𑄃𑄨𑄝𑄬 𑄌𑄋𑄴𑄟 𑄥𑄧𑄟𑄏𑄧𑄢𑄴
𑄃𑄬𑄇𑄴𑄇𑄚𑄴
𑄛𑄪𑄢𑄧𑄚𑄨
𑄘𑄧𑄣𑄨𑄣𑄴
𑄃𑄨𑄎𑄬𑄝𑄬
𑄘𑄬𑄊𑄚𑅁
𑄥𑄬 𑄥𑄧𑄟𑄢𑄬
𑄃𑄨𑄢𑄪𑄇𑄴
𑄦𑄨𑄣𑄴
𑄌𑄘𑄨𑄉𑄋𑄧𑄢𑄴
𑄌𑄋𑄴𑄟𑄃𑄪𑄚𑄬
𑄊𑄧𑄢𑄴𑄛𑄘
𑄜𑄬𑄣𑄬
𑄙𑄬𑄃𑄨
𑄛𑄚𑄢𑄴
𑄥𑄧𑄟𑄢𑄬
𑄃𑄬 𑄉𑄩𑄘𑄧𑄢𑄴
𑄃𑄢𑄪𑄇𑄴
𑄟𑄨𑄣𑄴
𑄃 𑄜𑄢𑄧𑄇𑄴𑄈𑄚𑄴
𑄖𑄧𑄣𑄧𑄝𑄨𑄌𑄴
𑄉𑄧𑄢𑄚𑅁
________________________________________
𑄌𑄋𑄴𑄟
𑄥𑄧𑄟𑄏𑄧𑄖𑄴
𑄃𑄬𑄇𑄴𑄇𑄚𑄴
𑄝𑄨𑄌𑄳𑄠𑄬𑄌𑄴
𑄛𑄨𑄢𑄨𑄢𑄴
𑄛𑄧𑄢𑄴
𑄛𑄨𑄢𑄨
𑄌𑄧𑄣𑄨
𑄃𑄬𑄡𑄬𑄢𑄴,
𑄌𑄘𑄨𑄉𑄋𑄴
𑄍𑄢 𑄛𑄣 𑄡𑄨𑄠𑄮𑄖𑄴-𑄥𑄨𑄠𑄮𑄖𑄴
𑄉𑄬𑄃𑄨
𑄚𑄧 𑄛𑄢𑄧𑄚𑄴𑅁
𑄖𑄢𑄢𑄴
𑄝𑄨𑄌𑄳𑄠𑄬𑄌𑄴
𑄟𑄧𑄎𑄨𑄟𑄴,
𑄇𑄧𑄚𑄴
𑄃𑄘𑄟𑄧𑄖𑄴
𑄃𑄬 𑄛𑄣𑄝𑄮
𑄉𑄬𑄣𑄬
𑄥𑄬 𑄃𑄘𑄟𑄚𑄴
𑄍𑄢 𑄛𑄧𑄢𑄨
𑄡𑄠𑄴𑅁
𑄃𑄘𑄟𑄧𑄖𑄴𑄪𑄚𑄴
𑄝𑄬𑄇𑄴𑄪𑄚𑄴
𑄛𑄧𑄢𑄧𑄋𑄨
𑄡𑄬𑄃𑄨
𑄛𑄚𑄴𑅁
𑄥𑄬𑄚𑄬
𑄃𑄬 𑄛𑄣 𑄃𑄧𑄟𑄧𑄋𑄴𑄉𑄧𑄣𑄴
𑄃𑄨𑄎𑄬𑄝𑄬
𑄃𑄬𑄇𑄴𑄇𑄚𑄴
𑄥𑄪𑄙𑄮𑄟𑄴
𑄃𑄊𑄬𑅁
𑄃𑄬 𑄥𑄪𑄙𑄮𑄟𑄧𑄖𑄴𑄪𑄚𑄴 𑄘𑄬𑄊 𑄡𑄨𑄠𑄬, 𑄃𑄬 𑄝𑄝𑄧𑄖𑄳𑄠 𑄝𑄨𑄌𑄳𑄠𑄬𑄌𑄴 𑄥𑄪𑄘𑄪𑄢𑄪𑄋𑄮 𑄉𑄧𑄢𑄨 𑄣𑄟𑄴𑄝 𑄃𑄬𑄇𑄴𑄇𑄚𑄴 𑄇𑄨𑄖𑄴𑄬 (𑄛𑄧𑄌𑄴𑄎𑄧𑄚𑄴) 𑄎𑄧𑄚𑄧𑄟𑄴 𑄦𑄧𑄠𑄴𑅁 𑄎𑄬𑄭𑄇𑄴𑄎𑄬𑄭𑄇𑄴 𑄉𑄧𑄢𑄨 𑄙𑄬𑄃𑄨 𑄛𑄚 𑄚𑄨𑄏𑄬𑄚𑄨 𑄥𑄧𑄟𑄧𑄠𑄴 𑄉𑄧𑄋𑄢𑄬 𑄊𑄧𑄘𑄧𑄚 𑄟𑄏𑄢 𑄃𑄧𑄃𑄨 𑄟𑄚𑄴𑄌𑄳𑄠𑄬 𑄟𑄧𑄚𑄧𑄖𑄴 𑄦𑄞𑄧𑄢𑄴 𑄈𑄬𑄃𑄨 𑄝𑄨𑄌𑄳𑄠𑄬𑄌𑄴 𑄎𑄧𑄚𑄧𑄟𑄴 𑄦𑄧𑄠𑄴𑅁 𑄌𑄘𑄨𑄉𑄋𑄴 𑄍𑄢 𑄛𑄣𑄝𑄮𑄠𑄳𑄠𑄧 𑄥𑄬𑄙𑄧𑄇𑄳𑄠𑄬 𑄃𑄬𑄇𑄴𑄇𑄚𑄴 𑄊𑄧𑄘𑄧𑄚 𑄞𑄨𑄣𑄬 𑄦𑄣𑄬 𑄉𑄧𑄢 𑄡𑄠𑄴𑅁
________________________________________
𑄉𑄬𑄣𑄴𑄬
𑄻𑄺 𑄝𑄧𑄏𑄧𑄢𑄬
𑄌𑄋𑄧𑄟𑄃𑄪𑄚𑄴
𑄝𑄢𑄧𑄝𑄋𑄚𑄬
𑄛𑄧𑄢𑄧𑄋𑄨
𑄝 𑄙𑄬𑄃𑄨
𑄡𑄚 𑄊𑄧𑄘𑄧𑄚
𑄟𑄪𑄏𑄪𑄋𑄴-𑄟𑄪𑄏𑄪𑄋𑄨
𑄃𑄧𑄃𑄨
𑄃𑄬𑄣𑄇𑄴𑅁
𑄃𑄬 𑄃𑄧𑄇𑄴𑄖𑄧𑄖𑄴
𑄇𑄧𑄘𑄴
𑄃𑄘𑄟𑄴
𑄍𑄢𑄨
𑄃𑄧𑄚𑄳𑄠𑄧
𑄇𑄨𑄗𑄳𑄠
𑄙𑄬𑄃𑄨
𑄡𑄬𑄃𑄨
𑄛𑄬𑄣𑄇𑄴
𑄖𑄢𑄴
𑄇𑄧𑄚𑄴
𑄃𑄨𑄎𑄬𑄝𑄴
𑄚𑄬𑄃𑄨𑅁
𑄖𑄧𑄝𑄬
𑄃𑄨𑄠𑄚𑄴
𑄇𑄮𑄃𑄨
𑄛𑄢 𑄡𑄢 𑄙𑄬𑄃𑄨
𑄡𑄬 𑄚𑄧 𑄛𑄚𑄴 𑄝 𑄛𑄧𑄢𑄧𑄋𑄨
𑄃𑄧𑄃𑄨
𑄚𑄧 𑄛𑄚𑄴 𑄖𑄢 𑄟 𑄝𑄝𑄧𑄢𑄴
𑄛𑄬𑄘𑄧𑄖𑄧𑄃𑄮
𑄎𑄧𑄚𑄧𑄟𑄴
𑄚𑄧 𑄦𑄧𑄚𑄴𑅁
𑄡𑄢 𑄎𑄧𑄚𑄧𑄟𑄴
𑄦𑄧𑄣𑄇𑄴
𑄖𑄢 𑄈𑄟𑄇𑄴𑄇𑄠𑄴
𑄙𑄬𑄃𑄨
𑄡𑄬𑄃𑄨
𑄛𑄨𑄠𑄮𑄚𑄴,
𑄚𑄨𑄎𑄧𑄢𑄴
𑄊𑄧𑄢𑄴𑄛𑄘
𑄎𑄉, 𑄊𑄧𑄢𑄴
𑄃 𑄚𑄨𑄎𑄧
𑄇𑄟𑄴
𑄃𑄨𑄢𑄨
𑄘𑄨𑄚𑄬𑄃𑄨𑅁
𑄥𑄧𑄟𑄢𑄴
𑄉𑄧𑄢𑄨
𑄛𑄨𑄠𑄮𑄚𑄴
𑄘𑄪𑄊𑄧𑄢𑄴
𑄘𑄋𑄧𑄢𑄴
𑄝𑄪𑄉𑄨𑅁
𑄃
𑄚𑄨𑄎𑄧𑄢𑄴
𑄘𑄬𑄌𑄴
𑄜𑄬𑄣𑄬
𑄞𑄢𑄧𑄘𑄧𑄖𑄴
𑄥𑄧𑄖𑄴
𑄥𑄧𑄖𑄴
𑄉𑄨𑄢𑄨
𑄷𑄶-𑄷𑄸 𑄝𑄧𑄏𑄧𑄢𑄴
𑄥𑄧𑄁
𑄥𑄧𑄢𑄧𑄚𑄢𑄴𑄗𑄩
𑄎𑄨𑄁𑄇𑄚𑄨
𑄖𑄮𑄢𑄬
𑄛𑄨𑄠𑄮𑄚𑄴𑅁
𑄡𑄢 𑄘𑄬𑄌𑄴𑄇𑄪𑄣𑄧𑄖𑄴
𑄚𑄚𑄚𑄴
𑄎𑄉𑄖𑄴
𑄙𑄬𑄃𑄨
𑄡𑄬𑄃𑄨,
𑄛𑄮𑄣𑄳𑄠
𑄡𑄬𑄃𑄨
𑄎𑄨𑄁𑄇𑄚𑄨
𑄖𑄮𑄢𑄬𑄣𑄇𑄴
𑄖𑄢𑄢𑄴
𑄚𑄧 𑄃𑄬𑄣𑄇𑄴
𑄚𑄨𑄛𑄧𑄢𑄴𑄞𑅁
𑄇𑄧𑄘𑄧
𑄃𑄧𑄥𑄪𑄊𑄬
𑄝 𑄌𑄨𑄉𑄮𑄚𑄴
𑄃𑄬𑄇𑄴𑄇
𑄝𑄬𑄙𑄨𑄣𑄮𑄃𑄨𑄠𑄳𑄠𑄧
𑄟𑄪𑄢𑄨
𑄛𑄨𑄠𑄮𑄚𑄴𑅁
𑄃𑄬 𑄙𑄬𑄃𑄨
𑄛𑄚 𑄝 𑄛𑄮𑄣𑄳𑄠
𑄡𑄚 𑄖𑄢𑄢𑄴
𑄎𑄨𑄁𑄇𑄚𑄨𑄖𑄴
𑄘𑄋𑄧𑄢𑄴
𑄃𑄬𑄇𑄴𑄇𑄚𑄴
𑄘𑄧𑄏𑅁
𑄃𑄨𑄠𑄮𑄖𑄴
𑄇𑄧𑄝𑄢𑄴
𑄣𑄇𑄴
𑄝 𑄌𑄬𑄝𑄢𑄴
𑄃𑄊𑄬,
𑄡𑄬 𑄃𑄘𑄟𑄚𑄨𑄖𑄴𑄪𑄚𑄴
𑄛𑄧𑄢𑄧𑄋𑄨
𑄝 𑄙𑄬𑄃𑄨
𑄡𑄬𑄃𑄨
𑄛𑄬𑄣𑄇𑄴
𑄥𑄬 𑄃𑄘𑄟𑄚𑄨𑄖𑄴
𑄇𑄨 𑄌𑄘𑄨𑄉𑄋𑄧𑄢𑄴
𑄍𑄢 𑄛𑄣 𑄉 𑄦𑄧𑄠𑄬-
𑄃𑄬𑄙𑄧𑄇𑄳𑄠𑄬
𑄇𑄧𑄚𑄴
𑄛𑄳𑄢𑄧𑄟𑄚𑄴
𑄚𑄬𑄃𑄨𑅁
𑄇𑄧𑄝𑄢𑄴
𑄌𑄋𑄧𑄢𑄴,
𑄟𑄚𑄧𑄌𑄳𑄠𑄬
𑄡𑄬 𑄝𑄨𑄌𑄳𑄠𑄬𑄌𑄴
𑄉𑄧𑄢𑄧𑄚𑄴,
𑄌𑄘𑄨𑄉𑄋𑄴
𑄍𑄢 𑄛𑄣 𑄉𑄬𑄃𑄨𑄣𑄬
𑄃𑄘𑄟𑄴
𑄍𑄢 𑄛𑄧𑄢𑄬
𑄥𑄬 𑄥𑄧𑄟𑄢𑄬
𑄃𑄨𑄢𑄪𑄇𑄴
𑄝𑄨𑄎𑄧𑄉𑄧𑄖𑄴
𑄖 𑄇𑄧𑄚𑄴
𑄟𑄨𑄣𑄴
𑄚𑄬𑄃𑄨𑅁
𑄌𑄘𑄨𑄉𑄋𑄴
𑄍𑄢 𑄛𑄣𑄖𑄴
𑄡𑄬 𑄃𑄘𑄟𑄴
– 𑄎𑄉 𑄍𑄢𑄨 𑄛𑄚 𑄡𑄬 𑄘𑄪𑄊𑄧𑄢𑄴
𑄣𑄟 𑄃𑄢𑄪𑄇𑄴
𑄛 𑄡𑄠𑄴 𑄥𑄨𑄠𑄚𑄴
𑄃𑄨𑄢𑄪𑄇𑄴
𑄦𑄨𑄣𑄴
𑄌𑄘𑄨𑄉𑄋𑄧𑄢𑄴
𑄝𑄁𑄣𑄘𑄬𑄌𑄴
𑄃𑄟𑄧𑄣𑄴
𑄉𑄧𑄟𑄨
𑄡𑄨𑄠𑄬
𑄊𑄧𑄘𑄧𑄚𑄚𑄨
𑄘𑄋𑄧𑄢𑄴
𑄟𑄨𑄣𑄴
𑄃𑄊𑄬𑅁
𑄇𑄮𑄃𑄨
𑄛𑄢𑄨
𑄣𑄧𑄁𑄉𑄧𑄘𑄪
𑄊𑄧𑄘𑄧𑄚
𑄌𑄋𑄴𑄟
𑄥𑄧𑄟𑄏𑄧𑄖𑄴
𑄃𑄬 𑄝𑄝𑄧𑄖𑄳𑄠
𑄚𑄪𑄃𑄧
𑄃𑄬𑄇𑄴𑄇𑄚𑄴
𑄊𑄧𑄘𑄧𑄚
𑄖𑄧𑄣𑄴𑄝𑄨𑄌𑄴
𑄉𑄧𑄢𑄨
𑄛𑄢𑄨𑅁
𑄡𑄪𑄚𑄨
𑄃𑄬 𑄊𑄧𑄘𑄧𑄚𑄚𑄨𑄣𑄮𑄃𑄨
𑄚𑄪𑄃𑄧
𑄉𑄧𑄢𑄨
𑄇𑄧𑄚𑄴
𑄉𑄩𑄖𑄴
𑄝 𑄛𑄣 𑄢𑄧𑄎 𑄦𑄧𑄠𑄴-
𑄙𑄧𑄢𑄨
𑄛𑄢𑄨,
"𑄣𑄧𑄁𑄉𑄧𑄘𑄪
𑄛𑄣” 𑄥𑄣𑄬𑄚𑄴
𑄥𑄨𑄠𑄚𑄴
𑄟𑄧𑄚𑄬
𑄦𑄧𑄠𑄴
𑄌𑄘𑄨𑄉𑄋𑄴
𑄍𑄢 𑄛𑄣𑄝𑄮𑄥𑄚𑄴
𑄇𑄨𑄠𑄬
𑄎𑄨𑄇𑄴𑄎𑄨𑄉𑄚
𑄃 𑄌𑄨𑄖𑄴𑄛𑄪𑄢
𑄛𑄢 𑄘𑄋𑄧𑄢𑄴
𑄊𑄧𑄘𑄧𑄚
𑄃𑄧𑄞𑄧𑅁
𑄃𑄨𑄖𑄴𑄪𑄚𑄴
𑄝𑄪𑄏𑄨
𑄛𑄢𑄬,
𑄣𑄮𑄇𑄴𑄥𑄦𑄨𑄖𑄳𑄠𑄧
𑄝𑄚 𑄝𑄨𑄘𑄨
𑄡𑄨𑄠𑄬
𑄘𑄨𑄚𑄧𑄢𑄴
𑄚𑄨𑄏𑄬𑄚𑄨
𑄚𑄧𑄠𑄴,
𑄝𑄧𑄢𑄧𑄁
𑄃𑄨𑄢𑄪𑄇𑄴
𑄘𑄨𑄚𑄴𑄟𑄙𑄚𑄧𑄢𑄴
𑄥𑄧𑄟𑄢𑄬
𑄥𑄁𑄥𑄴𑄇𑄳𑄢𑄨𑄖𑄨𑄇𑄴
𑄘𑄋𑄧𑄢𑄴
𑄟𑄨𑄣𑄴
𑄃𑄊𑄬𑅁
________________________________________
𑄃𑄬 𑄣𑄬𑄊𑄚𑄧𑄖𑄴
𑄃𑄬𑄇𑄴
𑄟𑄚𑄬𑄭
𑄇𑄧𑄙
𑄇𑄧𑄝𑄢𑄴
𑄌𑄋𑄧𑄢𑄴𑅁
𑄖 𑄇𑄧𑄙𑄖𑄴𑄪𑄚𑄴
𑄜𑄪𑄘𑄨
𑄃𑄪𑄘𑄨𑄝𑄧
𑄌𑄋𑄴𑄟
𑄥𑄧𑄟𑄏𑄧𑄢𑄴
𑄥𑄪𑄇𑄴
𑄘𑄧𑄊𑄧𑄢𑄴
𑄢𑄧𑄁𑅁
𑄣𑄧𑄁𑄉𑄧𑄘𑄪
𑄝𑄟𑄧𑄖𑄴
𑄖𑄨𑄚𑄧𑄖𑄨𑄣
𑄃𑄧𑄘𑄟𑄧𑄢𑄴
𑄇𑄢𑄴𑄝𑄢𑄨
𑄃𑄥𑄴𑄳𑄦𑄚𑄩
𑄇𑄪𑄟𑄢𑄴
𑄌𑄋𑄴𑄟𑅁
𑄝𑄧𑄠𑄧𑄌𑄴
𑄥𑄧𑄇𑄳𑄠𑄬
(𑄸𑄶𑄷𑄽)
𑄼𑄶 𑄝𑄧𑄏𑄧𑄢𑄴
𑄃𑄧𑄃𑄨
𑄛𑄢𑄬𑅁
𑄖𑄬 𑄖 𑄎𑄨𑄁𑄇𑄚𑄨
𑄉𑄧𑄟𑄨
𑄡𑄨𑄠𑄬
𑄇𑄧𑄙
𑄞𑄋𑄨
𑄇𑄧𑄣𑄧𑅁
𑄘𑄪𑄊𑄧𑄖𑄴
𑄗𑄬𑄣𑄬𑄠𑄳𑄠𑄧
𑄃𑄧𑄚𑄴𑄥𑄪𑄢𑄴
𑄦𑄏𑄨
𑄈𑄪𑄎𑄨
𑄗𑄬𑄝𑄢𑄴
𑄌𑄠𑄴𑅁
𑄷𑄿𑄾𑄿
𑄥𑄣𑄧𑄖𑄴
𑄺 𑄟𑄬 𑄛𑄧𑄣𑄳𑄠
𑄖 𑄊𑄧𑄢𑄚𑄴
𑄛𑄪𑄢𑄨
𑄡𑄠𑄴𑅁
𑄥𑄧𑄟𑄢𑄬
𑄖𑄢 𑄃𑄘𑄟𑄧𑄚𑄴𑅁
𑄃𑄏, 𑄥𑄧𑄝𑄧𑄚𑄴
𑄝𑄬𑄇𑄴
𑄛𑄪𑄢𑄨
𑄡𑄬𑄃𑄨
𑄍𑄬𑄃𑄨
𑄦𑄧𑄚𑄢𑄴
𑄛𑄧𑄢𑄴𑄠𑄳𑄠𑄧
𑄖𑄳𑄦𑄬
𑄃𑄢𑄧
𑄚𑄪𑄃𑄧
𑄉𑄧𑄢𑄨
𑄝𑄬𑄇𑄴𑄇𑄚𑄨
𑄉𑄧𑄢𑄨𑄣𑄧𑅁
𑄟𑄙 𑄊𑄟𑄴 𑄗𑄬𑄋𑄧𑄖𑄴
𑄜𑄬𑄣𑄬
𑄣𑄢𑄬
𑄣𑄢𑄬
𑄃𑄢𑄧
𑄊𑄧𑄢𑄴,
𑄝𑄉𑄚𑄴
𑄝𑄬𑄇𑄴
𑄗𑄨𑄘𑄧𑄛𑄴𑄝𑄧𑄢𑄴
𑄉𑄧𑄢𑄨
𑄎𑄨𑄁𑄇𑄚𑄨
𑄝𑄬𑄣𑄴
𑄙𑄪𑄝𑄧𑄚𑄴𑄘𑄨
𑄃𑄧𑄇𑄴𑄖𑄧𑄖𑄴
𑄃𑄢𑄴
𑄃𑄬𑄇𑄴
𑄘𑄋𑄧𑄢𑄴
𑄘𑄧𑄏
𑄈𑄬𑄣𑄧𑅁
𑄃𑄢𑄧
𑄛𑄧𑄢
𑄈𑄬𑄣𑄇𑄴
𑄸𑄶𑄷𑄽,
𑄸 𑄎𑄧𑄚𑄴𑅁
𑄃𑄘𑄟𑄴
𑄛𑄧𑄢𑄴
𑄃𑄘𑄟𑄴
𑄛𑄪𑄢𑄨
𑄘𑄨𑄣𑄇𑄴
𑄥𑄬𑄑𑄬𑄣𑄢𑄴
𑄝𑄋𑄣𑄪𑄚𑄬𑅁
𑄙𑄬𑄃𑄨
𑄉𑄬𑄣𑄇𑄴,
𑄛𑄮𑄣𑄳𑄠
𑄉𑄬𑄣𑄇𑄴
𑄃 𑄟𑄪𑄢𑄨
𑄉𑄬𑄣𑄇𑄴
𑄝𑄋𑄣𑄧
𑄦𑄙𑄧𑄖𑄴𑅁
𑄃𑄬 𑄇𑄧𑄙𑄚𑄨
𑄟𑄪𑄠𑄮𑄖𑄴
𑄗𑄪𑄘𑄮𑄖𑄴
𑄚𑄧 𑄝𑄎𑄳𑄠𑄬
𑄉𑄧𑄢𑄨
𑄃𑄬𑄇𑄴
𑄚𑄨𑄏𑄬𑄌𑄬
𑄇𑄧𑄣𑄧𑅁
𑄖 𑄞𑄨𑄘𑄨𑄢𑄬
𑄡𑄬 𑄝𑄪𑄇𑄴
𑄞𑄋 𑄖𑄪𑄝𑄮𑄣𑄴,
𑄘𑄨𑄇𑄴𑄇𑄞𑄪𑄣𑄴
𑄥𑄨𑄠𑄚𑄴
𑄝𑄪𑄏𑄨
𑄛𑄢 𑄡𑄠𑄴𑅁
𑄖𑄬 𑄃𑄢𑄴 𑄝𑄪𑄇𑄴
𑄝𑄚𑄨
𑄚𑄧 𑄛𑄢𑄬𑅁
𑄖𑄬 𑄃𑄢𑄴 𑄛𑄳𑄦𑄧𑄢𑄧
𑄟𑄪 𑄚𑄧 𑄘𑄬𑄊𑄬𑄢𑄴,
𑄃𑄚'𑄙𑄢𑄴 𑄝𑄘𑄬𑅁
𑄃𑄨𑄠𑄚𑄨𑄖𑄴𑄪𑄚𑄴
𑄘𑄬𑄊
𑄡𑄠𑄴,
𑄙𑄬𑄃𑄨
𑄛𑄚 𑄝 𑄛𑄧𑄢𑄧𑄋𑄨
𑄡𑄚 𑄝𑄚 𑄞𑄨𑄣𑄬
𑄢𑄎𑄴𑄚𑄰𑄖𑄨𑄇𑄴
𑄝 𑄛𑄳𑄢𑄧𑄥𑄥𑄧𑄚𑄨𑄇𑄴
𑄊𑄧𑄘𑄧𑄚
𑄚𑄧𑄠𑄴,
𑄃𑄨𑄠𑄚𑄴
𑄃𑄬𑄇𑄴𑄮
𑄎𑄘𑄧𑄢𑄴
𑄥𑄧𑄟𑄧𑄠𑄴,
𑄞𑄧𑄝𑄨𑄥𑄳𑄠𑄧𑄖𑄴
𑄃 𑄥𑄁𑄍𑄢
𑄣𑄪𑄉𑄬
𑄘𑄬𑄚𑅁
𑄌𑄘𑄨𑄉𑄋𑄴
𑄍𑄢 𑄛𑄣 𑄌𑄋𑄴𑄟
𑄥𑄧𑄟𑄏𑄧𑄢𑄴
𑄃𑄬𑄇𑄴𑄮
𑄟𑄪𑄣𑄪𑄇𑄴
𑄚𑄧𑄇𑄴𑄝𑄌𑄳𑄠
𑄉𑄩𑄘𑄧𑄢𑄴
𑄛𑄣 𑄦𑄧𑄣𑄬𑄠𑄳𑄠𑄧
𑄃𑄨𑄠𑄚𑄴
𑄙𑄧𑄇𑄴
𑄝𑄚 𑄢𑄨𑄘𑄨𑄥𑄪𑄙𑄮𑄟𑄴
𑄚𑄧𑄠𑄴𑅁
𑄃𑄨𑄠𑄚𑄴
𑄃𑄬𑄇𑄴𑄮
𑄎𑄘𑄧𑄢𑄴
𑄝𑄨𑄎𑄧𑄇𑄴
𑄝 𑄚𑄨𑄏𑄬𑄚𑄨,
𑄡𑄨𑄠𑄬𑄚𑄴
𑄝𑄢𑄴𑄝𑄋𑄚𑄬
𑄚𑄨𑄎𑄧𑄢𑄴
𑄊𑄧𑄢𑄧𑄛𑄘
𑄎𑄉𑄖𑄴𑄪𑄚𑄴
𑄙𑄬𑄃𑄨
𑄛𑄮𑄣𑄳𑄠
𑄡𑄬𑄃𑄨
𑄛𑄚 𑄉𑄧𑄟𑄨
𑄡𑄢𑄴𑅁
𑄝𑄥𑄴𑄖𑄧𑄝𑄴
𑄃𑄨𑄖𑄨𑄦𑄏𑄧𑄢𑄴
𑄛𑄣 𑄉𑄚 𑄥𑄧𑄟𑄢𑄬
𑄙𑄬𑄃𑄨
𑄛𑄮𑄣𑄳𑄠
𑄛𑄚𑄢𑄴
𑄇𑄧𑄚𑄴
𑄣𑄧𑄇𑄴𑄜𑄧𑄇𑄴
𑄚𑄧 𑄗𑄬𑄣𑄬𑄠𑄳𑄠𑄧,
𑄙𑄬𑄃𑄨
𑄛𑄮𑄣𑄳𑄠
𑄛𑄚 𑄣𑄟𑄴𑄝
𑄣𑄮𑄇𑄧𑄉𑄩𑄘𑄨
𑄎𑄧𑄚𑄧𑄟𑄴
𑄘𑄨𑄠𑄳𑄠𑅁
𑄃𑄬 𑄣𑄬𑄊𑄚𑄴 𑄖𑄧𑄣𑄴𑄝𑄨𑄌𑄴 𑄉𑄧𑄢𑄨 𑄛𑄮𑄖𑄴𑄛𑄮𑄖𑄳𑄠 𑄦𑄧𑄠𑄴 𑄡𑄬, 𑄌𑄘𑄨𑄉𑄋𑄴 𑄍𑄢 𑄛𑄣 𑄝𑄚 𑄝𑄨𑄘𑄨 𑄡𑄨𑄠𑄬 𑄘𑄨𑄚𑄧𑄢𑄴 𑄇𑄦𑄨𑄚𑄩 𑄚𑄧𑄠𑄴, 𑄃𑄨𑄠𑄚𑄴 𑄃𑄨𑄢𑄪𑄇𑄴 𑄘𑄨𑄚𑄧𑄖𑄴 𑄝𑄎𑄨 𑄗𑄨𑄠𑄳𑄠 𑄘𑄋𑄧𑄢𑄴 𑄘𑄧𑄣𑄨𑄣𑄴𑅁 𑄛𑄪𑄎𑄮𑄢𑄴 𑄃𑄬𑄡𑄬, 𑄃𑄬 𑄛𑄣 𑄇𑄨 𑄟𑄪𑄎𑄪𑄋𑄬𑄘𑄨 𑄝𑄚 𑄃𑄢𑄧 𑄉𑄧𑄟𑄨 𑄡𑄬𑄝𑄧𑅃 𑄚 𑄇𑄧𑄚𑄧 𑄃𑄬𑄇𑄴 𑄃𑄧𑄇𑄴𑄖𑄧𑄖𑄴 𑄃𑄨𑄠𑄚𑄴 𑄝𑄨𑄎𑄧𑄉𑄧𑄢𑄴 𑄘𑄋𑄧𑄢𑄴 𑄚𑄨𑄏𑄬𑄚𑄨 𑄃𑄧𑄃𑄨 𑄃𑄪𑄘𑄨𑄝𑄧?
𑄟𑄪𑄭 𑄘𑄬𑄊𑄧𑄋𑄧𑄢𑄴 𑄌𑄋𑄴𑄟 𑄞𑄌𑄴 𑄦𑄎𑄨 𑄡𑄢𑄴
𑄌𑄋𑄴𑄟 𑄞𑄌𑄴𑄍𑄚𑄴 𑄦𑄎𑄨 𑄡𑄘𑄬 𑄘𑄬𑄊𑄧𑄋𑄧𑄢𑄴 𑄃𑄘𑄨𑄇𑄳𑄠 𑄉𑄧𑄢𑄨 𑄚𑄧𑄠𑄴, 𑄃 𑄇𑄧𑄚𑄴 𑄎𑄧𑄚𑄬 𑄚𑄧 𑄌𑄘𑄧𑄚𑄴 𑄦𑄎𑄨 𑄡𑄮𑄇𑄴𑅁 𑄟𑄖𑄴𑄧𑄢𑄴 𑄦𑄎𑄨 𑄡𑄢𑄴𑅁 𑄟𑄪𑄃𑄨 𑄘𑄬𑄊𑄨𑄣𑄪𑄁, 𑄞𑄌𑄴 𑄇𑄨𑄋𑄨𑄚𑄨 𑄣𑄢𑄬 𑄣𑄢𑄬 𑄣𑄬𑄘 𑄃 𑄟𑄬𑄣𑄮𑄟𑄌𑄴 𑄃𑄧𑄃𑄨 𑄃𑄬𑄡𑄬𑅁 𑄇𑄧𑄙 𑄇𑄧𑄙𑄬 𑄎𑄨𑄣𑄴 𑄞𑄬𑄋, 𑄘𑄘𑄧𑄘𑄨 𑄝𑄧 𑄡𑄠𑄴𑅁 𑄃 𑄃𑄬𑄇𑄴 𑄈𑄬𑄚𑄧𑄖𑄴 𑄟𑄳𑄦 𑄦𑄧𑄠𑄴𑅁
𑄟𑄪𑄃𑄨 𑄌𑄨𑄉𑄮𑄚𑄴 𑄃𑄧𑄇𑄴𑄖𑄧𑄖𑄴 𑄝𑄬𑄉𑄧𑄢𑄴 𑄊𑄧𑄢𑄬 𑄊𑄧𑄢𑄬 𑄥𑄪𑄝𑄪𑄣𑄴 𑄌𑄋𑄴𑄟 𑄞𑄏𑄬 𑄇𑄧𑄙 𑄇𑄧𑄙𑄇𑄴𑅁 𑄊𑄧𑄢𑄧𑄖𑄴, 𑄃𑄪𑄘𑄮𑄚𑄧𑄖𑄴, 𑄉𑄋𑄧𑄖𑄴 𑄝𑄬𑄇𑄴 𑄎𑄉𑄚𑄨𑄖𑄴 𑄃𑄬 𑄞𑄌𑄴𑄍𑄮𑄃𑄨 𑄦𑄏𑄨𑄘𑄇𑄴, 𑄇𑄮𑄣𑄴-𑄇𑄧𑄎𑄳𑄠 𑄝𑄎𑄬𑄘𑄇𑄴, 𑄛𑄧𑄌𑄴𑄎𑄧𑄚𑄴 𑄇𑄧𑄙𑄇𑄴, 𑄚𑄚𑄚𑄴 𑄉𑄧𑄛𑄴 𑄟𑄢𑄨𑄘𑄧𑄇𑅁 𑄝𑄚 𑄙𑄧𑄢𑄙𑄧𑄢𑄨 𑄉𑄧𑄢𑄨𑄘𑄇𑄴, 𑄇𑄚𑄨𑄘𑄇𑄴 𑄃 𑄃𑄏𑄨𑄘𑄇𑄴𑅁 𑄇𑄧𑄚𑄧 𑄃𑄘𑄣 𑄞𑄌𑄴 𑄛𑄢𑄚 𑄉𑄧𑄢𑄧𑄌𑄴 𑄚𑄧 𑄃𑄬𑄣𑄧, 𑄞𑄌𑄴 𑄥𑄧𑄇𑄳𑄠𑄬 𑄝𑄎𑄨 𑄗𑄬𑄝𑄢𑄴 𑄦𑄝𑄬𑄣𑄧𑄖𑄴 𑄗𑄠𑄴𑅁
𑄟𑄖𑄴𑄧𑄢𑄴, 𑄃𑄨𑄇𑄴𑄪𑄣𑄴 𑄡𑄧𑄇𑄳𑄠𑄬 𑄥𑄧𑄟𑄬𑄣𑄪𑄁 𑄝𑄪𑄏𑄨 𑄛𑄢𑄨𑄣𑄪𑄁, 𑄃𑄬 𑄞𑄏𑄧𑄢𑄴 𑄇𑄧𑄚𑄧 𑄎𑄉 𑄚𑄬𑄃𑄨𑅁 𑄇𑄬𑄣𑄏𑄧𑄖𑄴 𑄌𑄋𑄴𑄟 𑄞𑄏𑄧𑄢𑄴 𑄇𑄧𑄚𑄧 𑄟𑄏𑄢 𑄚𑄬𑄃𑄨𑅁 𑄛𑄒𑄳𑄠𑄧 𑄝𑄧𑄃𑄨 𑄚𑄬𑄃𑄨, 𑄚𑄬𑄃𑄨 𑄛𑄧𑄢𑄨𑄇𑄴𑄈𑄬𑅁 𑄟𑄌𑄴𑄖𑄧𑄌𑄳𑄠 𑄚𑄧 𑄛𑄢𑄬𑅁 𑄛𑄢𑄨𑄣𑄬 𑄃𑄬𑄙𑄧𑄇𑄴 𑄉𑄧𑄢𑄧𑄌𑄴 𑄟𑄧𑄚𑄬 𑄚𑄧 𑄉𑄧𑄢𑄬𑅁 𑄟𑄪𑄃𑄨 𑄡𑄧𑄇𑄳𑄠𑄬 𑄞𑄪𑄣𑄬 𑄇𑄧𑄚𑄧 𑄌𑄋𑄴𑄟 𑄟𑄖𑄴 𑄇𑄧𑄁, 𑄥𑄧𑄇𑄳𑄠𑄬 𑄦𑄏𑄧𑄚𑄴, 𑄝𑄇𑄴 𑄝𑄇𑄴 𑄦𑄏𑄨 𑄘𑄳𑄠𑄪𑄚𑄴𑅁 𑄇𑄧𑄚𑄧 𑄎𑄧𑄚𑄬 𑄇𑄠𑄴 𑄃𑄬𑄚𑄬 𑄇𑄧𑄙𑄧, 𑄃𑄬𑄙𑄧𑄇𑄳𑄠𑄬𑄚𑄴 𑄉𑄧𑄢𑄨 𑄇𑄧𑄙 𑄇𑄧𑄣𑄬 𑄚𑄧 𑄃𑄧𑄞𑄧𑅁
𑄥𑄬 𑄘𑄨𑄚𑄴 𑄛𑄧𑄣𑄳𑄠 𑄝𑄪𑄏𑄨𑄣𑄪𑄁, 𑄃𑄟 𑄞𑄌𑄴𑄍𑄚𑄴 𑄝𑄧𑄎𑄧𑄁𑅁
𑄟𑄪𑄃𑄨 𑄣𑄢𑄬 𑄣𑄢𑄬 𑄌𑄋𑄴𑄟 𑄞𑄏𑄬 𑄇𑄧𑄙 𑄇𑄧𑄝𑄢𑄴 𑄇𑄧𑄟𑄬 𑄘𑄪𑄋𑄮𑄢𑄴𑅁 𑄞𑄝𑄧𑄋𑄧𑄢𑄴 𑄞𑄨𑄚𑄴 𑄞𑄏𑄬 𑄇𑄧𑄙 𑄇𑄮𑄟𑄴𑅁 𑄃𑄟𑄧𑄚𑄧𑄢𑄴 𑄞𑄌𑄴𑄍𑄚𑄴 𑄃𑄧𑄃𑄨 𑄡𑄢𑄴, 𑄊𑄧𑄢𑄴 𑄞𑄨𑄘𑄨𑄢𑄬 𑄣𑄪𑄉𑄬 𑄢𑄊𑄚 𑄇𑄧𑄚𑄧 𑄘𑄧𑄢𑄧𑄛𑄴𑅁 𑄛𑄮𑄣𑄴𑄬 𑄢𑄊𑄬𑄝𑄢𑄴 𑄇𑄧𑄚𑄧 𑄝𑄧𑄎𑄧𑄁 𑄘𑄧𑄢𑄧𑄛𑄴𑅁 𑄃𑄧𑄗𑄧𑄌𑄴 𑄥𑄬 𑄞𑄌𑄴𑄍𑄮𑄃𑄨 𑄟𑄟 𑄟𑄧𑄢𑄬 𑄘𑄉𑄨𑄘𑄧, 𑄥𑄬 𑄞𑄌𑄴𑄍𑄮𑄃𑄨 𑄟𑄟 𑄘𑄪𑄇𑄴 𑄃 𑄦𑄝𑄨𑄣𑄳𑄠𑄌𑄴 𑄈𑄬𑄘𑄧𑅁
𑄟𑄪𑄃𑄨 𑄘𑄋𑄧𑄢𑄴 𑄃𑄧𑄃𑄨𑄚𑄬 𑄘𑄬𑄊𑄨𑄣𑄪𑄁, 𑄌𑄋𑄴𑄟 𑄟𑄨𑄣𑄬𑄃𑄪𑄚𑄴 𑄝𑄧𑄘𑄧𑄣𑄨 𑄡𑄚𑄴𑅁 𑄥𑄧𑄁𑄥𑄢𑄧 𑄞𑄍𑄴 𑄝𑄧𑄘𑄧𑄣𑄚𑄴𑅁 𑄌𑄨𑄎𑄨𑄘𑄊𑄨𑄢𑄴 𑄞𑄌𑄴 𑄝𑄧𑄘𑄧𑄣𑄚𑄴𑅁 𑄌𑄨𑄎𑄨𑄘𑄊𑄨 𑄃𑄢𑄴 𑄌𑄋𑄴𑄟 𑄞𑄏𑄬 𑄇𑄧𑄙 𑄚𑄧 𑄇𑄧𑄚𑄴𑅁 𑄟𑄟 𑄚𑄧 𑄥𑄬𑄊𑄠𑄴𑅁 𑄇𑄧𑄚𑄧𑄎𑄧𑄚𑄬 𑄥𑄨𑄊𑄨𑄝𑄢𑄴 𑄥𑄦𑄧𑄥𑄴 𑄚𑄧 𑄛𑄚𑄴𑅁 𑄇𑄨𑄖𑄴𑄬, 𑄝𑄬𑄉𑄬 𑄈𑄧𑄝𑄧𑄢𑄴 𑄛𑄚𑄴 𑄃𑄬 𑄞𑄏𑄬 𑄌𑄉𑄪𑄢𑄨 𑄚𑄧 𑄃𑄧𑄞𑄧, 𑄛𑄧𑄢𑄨𑄇𑄴𑄈𑄬𑄖𑄴 𑄛𑄥𑄴 𑄉𑄧𑄢 𑄚𑄧 𑄡𑄬𑄝𑄧, 𑄥𑄧𑄦𑄧𑄢𑄧𑄖𑄴 𑄗𑄨𑄉𑄨 𑄗𑄬𑄃𑄨 𑄚𑄧 𑄛𑄢𑄨𑄝𑄧𑅁 𑄝𑄬𑄉𑄧𑄖𑄴𑄪𑄚𑄴 𑄝𑄬𑄌𑄴 𑄘𑄋𑄧𑄢𑄴 𑄇𑄧𑄙 𑄇𑄧𑄣𑄧𑄘𑄬, 𑄛𑄧𑄢𑄧 𑄎𑄖𑄴 𑄣𑄧𑄘𑄧𑄚𑄴𑅁 𑄝𑄮 𑄡𑄘𑄧𑄚𑄴 𑄛𑄧𑄢𑄧𑄎𑄘𑄧𑄖𑄴𑅁 𑄝𑄮 𑄃𑄚𑄧𑄘𑄧𑄚𑄴 𑄛𑄧𑄢𑄧𑄎𑄖𑄴𑄖𑄪𑄚𑄴𑅁 𑄌𑄋𑄴𑄟 𑄞𑄌𑄴 𑄥𑄨𑄠𑄚𑄴 𑄖𑄢 𑄞𑄌𑄴 𑄚𑄧𑄠𑄴𑅁
𑄃𑄨𑄠𑄚𑄴 𑄉𑄧𑄁𑄖𑄪𑄣𑄨 𑄦𑄙𑄬𑄢𑄴𑅁 𑄇𑄢𑄧𑄖𑄴𑄪𑄚𑄴 𑄃𑄪𑄌𑄴 𑄘𑄨𑄠𑄳𑄠 𑄚𑄧 𑄛𑄧𑄢𑄬𑄢𑄴𑅁 𑄢𑄥𑄴𑄑𑄳𑄢𑄧 𑄃𑄟𑄢𑄬 𑄝𑄮𑄏𑄬 𑄘𑄨𑄠𑄳𑄠𑅁
𑄃𑄟𑄨 𑄝𑄁𑄣𑄘𑄬𑄏𑄧 𑄞𑄏𑄧𑄢𑄴 𑄣𑄢𑄬𑄠𑄧𑄢𑄴 𑄇𑄧𑄙 𑄝𑄪𑄇𑄴 𑄃𑄧𑄎𑄧𑄣𑄴 𑄉𑄧𑄢𑄨 𑄇𑄮-𑄇𑄨 𑄉𑄧𑄢𑄨𑅁 𑄟𑄖𑄴𑄧𑄢𑄴, 𑄥𑄬 𑄢𑄥𑄴𑄑𑄳𑄢𑄧 𑄌𑄋𑄴𑄟 𑄞𑄌𑄴𑄍𑄮𑄃𑄨 𑄃𑄨𑄇𑄴𑄪𑄣𑄧𑄖𑄴 𑄣𑄬𑄊 𑄥𑄨𑄊𑄨 𑄛𑄬𑄝𑄢𑄴 𑄇𑄧𑄚𑄧 𑄎𑄪 𑄚𑄬𑄃𑄨𑅁 𑄃𑄨𑄇𑄴𑄪𑄣𑄧𑄖𑄴 𑄟𑄧𑄢𑄴 𑄟 𑄞𑄌𑄴 𑄚𑄬𑄃𑄨𑅁 𑄇𑄧𑄚𑄴 𑄟𑄌𑄴𑄖𑄧𑄢𑄴 𑄚𑄬𑄃𑄨 𑄃 𑄟𑄌𑄴𑄖𑄧𑄢𑄴 𑄘𑄨𑄝𑄢𑄴 𑄇𑄧𑄚𑄧 𑄉𑄧𑄢𑄧𑄌𑄴 𑄚𑄬𑄃𑄨𑅁 𑄥𑄬𑄚𑄬 𑄌𑄋𑄴𑄟 𑄉𑄪𑄢𑄧𑄃𑄪𑄚𑄴 𑄛𑄧𑄖𑄴𑄨𑄇𑄴𑄘𑄨𑄚𑄴 𑄞𑄝𑄨 𑄛𑄚𑄴- 𑄖𑄬 𑄇𑄨 𑄚𑄨𑄎𑄧𑄢𑄴 𑄞𑄌𑄴𑄍𑄮𑄃𑄨 𑄗𑄬𑄝𑄧, 𑄚 𑄞𑄧𑄝𑄨𑄥𑄳𑄠𑄧𑄖𑄴𑄠𑄚𑄴 𑄝𑄏𑄨 𑄚𑄨𑄝𑄧?
𑄇𑄧𑄠𑄬𑄇𑄴 𑄝𑄧𑄏𑄧𑄢𑄴 𑄃𑄉𑄬𑄘𑄨 ”𑄝𑄧𑄚𑄨𑄇𑄴𑄝𑄢𑄴𑄖” 𑄚𑄋𑄬 𑄃𑄪𑄢𑄴𑄝𑄮𑄖𑄘𑄬 𑄈𑄧𑄝𑄧𑄢𑄴 𑄇𑄉𑄮𑄎𑄧 𑄃𑄬𑄇𑄴𑄇𑄚𑄴 𑄣𑄬𑄊 𑄟𑄘𑄬𑄣𑄪𑄁𑅁 𑄛𑄇𑄨𑄥𑄴𑄖𑄚𑄴 𑄟𑄪𑄢𑄮𑄣𑄳𑄠 𑄌𑄉𑄣𑄖𑄴 𑄝𑄘𑄬𑄥𑄨 𑄞𑄏𑄧𑄢𑄴 𑄉𑄧𑄣𑄴𑄛𑄧𑅁 𑄃𑄬𑄗𑄴𑄚𑄮𑄣𑄧𑄉𑄴 𑄥𑄬 𑄞𑄌𑄴𑄍𑄚𑄴 𑄞𑄧𑄌𑄴 𑄡𑄨𑄠𑄬 𑄇𑄮𑄃𑄨𑄠𑄬 𑄸𑄶𑄷𑄾 𑄥𑄣𑄧𑄖𑄴 𑄝𑄨𑄝𑄨𑄥𑄨 𑄘𑄬𑄊𑄬𑄣𑄧, 𑄃𑄬𑄡𑄧 𑄖𑄨𑄚𑄴𑄎𑄧𑄚𑄴 𑄟𑄚𑄪𑄌𑄴 𑄝𑄎𑄨 𑄃𑄊𑄧𑄚𑄴, 𑄡𑄢 𑄥𑄬 𑄞𑄌𑄴𑄍𑄮𑄃𑄨 𑄇𑄧𑄙 𑄇𑄧𑄚𑄴𑅁 𑄥𑄨𑄖𑄴𑄪𑄚𑄴 𑄃𑄬𑄇𑄴𑄎𑄧𑄚𑄴 𑄚𑄋𑄴 𑄢𑄧𑄦𑄨𑄟𑄴𑄉𑄪𑄣𑄴𑅁 𑄖𑄬 𑄇𑄧𑄣𑄧, ”𑄃𑄬𑄇𑄴 𑄛𑄨𑄢𑄨 𑄃𑄉𑄬 𑄃𑄬𑄇𑄴𑄇𑄚𑄴 𑄃𑄘𑄟𑄧𑄖𑄴 𑄝𑄘𑄬𑄥𑄨 𑄞𑄌𑄴𑄍𑄮𑄃𑄨 𑄇𑄧𑄙 𑄇𑄧𑄙𑄇𑄴𑅁 𑄣𑄢𑄴𑄌𑄢𑄴 𑄉𑄧𑄢𑄨𑄘𑄇𑄴𑅁 𑄃𑄬𑄇𑄴 𑄃𑄧𑄇𑄴𑄖𑄧𑄖𑄴 𑄟𑄧𑄢𑄧𑄖𑄴𑄪𑄚𑄬 𑄃𑄧𑄘𑄬-𑄇𑄘𑄬 𑄃𑄘𑄟𑄧𑄖𑄴𑄪𑄚𑄴 𑄃𑄧𑄚𑄳𑄠𑄧 𑄎𑄘𑄧𑄢𑄴 𑄟𑄨𑄣𑄬 𑄣𑄮𑄃𑄨 𑄙𑄧𑄢𑄧𑄚𑄴𑅁 𑄃𑄬 𑄟𑄨𑄣𑄬𑄃𑄪𑄚𑄴 𑄖𑄮𑄠𑄣𑄨 𑄞𑄏𑄬 𑄇𑄧𑄙 𑄇𑄧𑄚𑄴𑅁 𑄖𑄢 𑄛𑄪𑄃𑄧/𑄏𑄨𑄃𑄪𑄚𑄴 𑄖𑄢 𑄟 𑄞𑄏𑄬 (𑄖𑄮𑄠𑄣𑄨) 𑄇𑄧𑄙 𑄇𑄧𑄚𑄴𑅁 𑄥𑄬𑄚𑄬 𑄃𑄟 𑄞𑄌𑄴𑄍𑄚𑄴 𑄞𑄧𑄌𑄴 𑄡𑄬𑄣𑄧𑅁”
𑄥𑄬 𑄣𑄬𑄊𑄚𑄴 𑄛𑄧𑄢𑄨 𑄌𑄚𑄢𑄴 𑄛𑄧𑄢𑄴 𑄃𑄢𑄴 𑄊𑄪𑄟𑄴 𑄡𑄬𑄃𑄨 𑄚𑄧 𑄛𑄢𑄧𑄁𑅁 𑄇𑄨𑄖𑄴𑄬 𑄟𑄪𑄃𑄨 𑄈𑄧𑄝𑄧𑄢𑄧𑄁 𑄛𑄁, 𑄌𑄋𑄴𑄟 𑄞𑄏𑄧𑄢𑄴 𑄞𑄧𑄝𑄨𑄥𑄳𑄠𑄧𑄖𑄴 𑄗𑄨𑄇𑄴 𑄝𑄘𑄬𑄥𑄨 𑄞𑄏𑄧𑄢𑄴 𑄙𑄧𑄇𑄴 𑄗𑄨𑄠𑄳𑄠 𑄃𑄊𑄬𑅁
𑄃𑄬𑄌𑄳𑄠𑄬 𑄟𑄪𑄃𑄨 𑄡𑄧𑄈𑄳𑄠𑄬 𑄘𑄬𑄊𑄧𑄋𑄧𑄢𑄴, 𑄇𑄧𑄚𑄧 𑄌𑄋𑄴𑄟 𑄌𑄨𑄎𑄨 𑄖𑄬 𑄚𑄨𑄎𑄬 𑄥𑄪𑄝𑄪𑄣𑄴 𑄌𑄋𑄴𑄟 𑄇𑄧𑄙 𑄇𑄮𑄃𑄨 𑄚𑄧 𑄛𑄢𑄬𑄢𑄴 𑄥𑄨𑄠𑄚𑄴 𑄖𑄢𑄬 𑄘𑄪𑄌𑄴 𑄘𑄨𑄝𑄢𑄴 𑄚𑄧𑄠𑄴𑅁 𑄟𑄪𑄃𑄨 𑄢𑄥𑄴𑄑𑄳𑄢𑄧𑄢𑄬 𑄘𑄪𑄌𑄴 𑄘𑄳𑄠𑄪𑄁𑅁 𑄟𑄪𑄃𑄨 𑄃𑄬 𑄥𑄧𑄟𑄏𑄧𑄢𑄬 𑄘𑄪𑄌𑄴 𑄘𑄳𑄠𑄪𑄁, 𑄡𑄨𑄠𑄚𑄴 𑄃𑄟𑄢𑄬 𑄥𑄬𑄊𑄬𑄠𑄳𑄠 – 𑄚𑄨𑄎𑄧𑄢𑄴 𑄟 𑄞𑄌𑄴𑄍𑄚𑄴 𑄇𑄧𑄙𑄬 𑄣𑄎𑄚𑅁
𑄞𑄌𑄴 𑄞𑄧𑄌𑄴 𑄉𑄬𑄣𑄬 𑄝𑄚 𑄞𑄨𑄣𑄬 𑄟𑄖𑄴 𑄦𑄎𑄨 𑄡𑄚𑄴 𑄥𑄨𑄠𑄚𑄴 𑄚𑄧𑄠𑄴𑅁 𑄟𑄚𑄪𑄏𑄧𑄢𑄴 𑄝𑄨𑄎𑄧𑄇𑄴𑄠𑄳𑄠𑄧 𑄦𑄎𑄨 𑄡𑄠𑄴𑅁 𑄚𑄨𑄎𑄧𑄢𑄴 𑄞𑄝𑄧𑄚 𑄦𑄎𑄨 𑄡𑄠𑄴𑅁 𑄟𑄪𑄃𑄨 𑄡𑄧𑄇𑄳𑄠𑄬 𑄥𑄪𑄝𑄪𑄣𑄴 𑄌𑄋𑄴𑄟 𑄞𑄌𑄴 𑄇𑄮𑄃𑄨 𑄚𑄧 𑄛𑄢𑄧𑄁 𑄥𑄧𑄇𑄳𑄠𑄬 𑄟𑄧𑄚𑄬 𑄉𑄧𑄢𑄧𑄁, 𑄟𑄪𑄃𑄨 𑄟𑄚𑄪𑄌𑄴 𑄚𑄧𑄠𑄴𑅁 𑄚𑄧𑄠𑄴, 𑄖𑄧𑄎𑄨𑄟𑄧𑄛𑄪𑄢𑄧𑅁 𑄟𑄪𑄃𑄨 𑄌𑄨𑄇𑄴𑄌𑄨𑄇𑄳𑄠 𑄛𑄁𑅁 𑄝𑄮𑄚 𑄝𑄮𑄚 𑄎𑄢𑄧 𑄇𑄘 𑄃𑄪𑄘𑄧𑄚𑄴𑅁 𑄇𑄨𑄖𑄴𑄬, 𑄃𑄟𑄨 𑄡𑄪𑄚𑄨 𑄚𑄧 𑄝𑄧𑄘𑄧𑄣𑄨 𑄥𑄣𑄬𑄚𑄴 𑄃𑄬𑄇𑄴𑄘𑄨𑄚𑄴 𑄦𑄧𑄠𑄧𑄘𑄧 𑄇𑄧𑄚𑄧 𑄃𑄬𑄇𑄴 𑄥𑄁𑄝𑄘𑄨𑄇𑄴 𑄃𑄬𑄃𑄨 𑄇𑄧𑄝𑄧- ”𑄃𑄬 𑄞𑄏𑄧𑄢𑄴 𑄥𑄬𑄌𑄴 𑄝𑄧𑄇𑄴𑄖 𑄇𑄧𑄚𑄴𑄚?
𑄟𑄪𑄃𑄨 𑄚𑄧 𑄌𑄁, 𑄌𑄋𑄴𑄟 𑄎𑄘𑄧𑄢𑄴 𑄛𑄧𑄌𑄴𑄎𑄧𑄚𑄚𑄴 𑄝𑄘𑄬𑄥𑄨 𑄞𑄌𑄴𑄍𑄚𑄧𑄢𑄴 𑄥𑄚𑄴 𑄃𑄮𑄇𑄴𑅁
𑄃𑄬 𑄣𑄬𑄊𑄖𑄴 𑄇𑄢𑄧𑄢𑄬 𑄝𑄧𑄖𑄴𑄚𑄋𑄴 𑄝 𑄘𑄪𑄌𑄴 𑄘𑄨𑄝𑄖𑄳𑄠 𑄚𑄧 𑄣𑄬𑄊𑄨𑄣𑄪𑄁𑅁 𑄣𑄬𑄊𑄨𑄣𑄪𑄁, 𑄃𑄨𑄙𑄮𑄖𑄴 𑄖𑄪𑄣𑄨 𑄘𑄨𑄝𑄖𑄳𑄠, 𑄥𑄧𑄟𑄧𑄠𑄴 𑄗𑄇𑄳𑄠𑄬 𑄃𑄬 𑄘𑄪𑄇𑄴𑄇𑄚𑄴 𑄝𑄪𑄏𑄨𑄝𑄢𑄴𑅁 𑄞𑄌𑄴 𑄝𑄎𑄚 𑄝𑄚 𑄢𑄨𑄘𑄨𑄥𑄪𑄙𑄮𑄟𑄴 𑄚𑄧𑄠𑄴, 𑄟𑄚𑄪𑄌𑄴 𑄝𑄎𑄚𑅁
𑄌𑄋𑄴𑄟 𑄎𑄘𑄧𑄢𑄴 𑄘𑄪𑄈𑄳𑄠𑄬 𑄦𑄧𑄢𑄧𑄇𑄴: 𑄣𑄟𑄴𑄝 𑄣𑄢𑄬𑄃𑄨, 𑄗𑄧𑄉𑄚 𑄃 𑄟𑄪𑄏𑄪𑄋𑄬 𑄘𑄋𑄧𑄢𑄴 𑄃𑄏
𑄸𑄶𑄷𑄻 𑄥𑄣𑄧𑄢𑄴 𑄷𑄺 𑄜𑄬𑄝𑄳𑄢𑄧𑄠𑄢𑄨 𑄘𑄰𑄚𑄨𑄇𑄴 𑄥𑄧𑄟𑄧𑄇𑄣𑄧𑄖𑄴 𑄃𑄬𑄇𑄴𑄇𑄚𑄴 𑄣𑄬𑄊- “𑄌𑄇𑄴𑄟𑄘𑄬𑄢𑄴 𑄘𑄪𑄂𑄈𑄨𑄚𑄩 𑄝𑄧𑄢𑄴𑄕𑄧𑄟𑄣” 𑄚𑄋𑄬 𑄣𑄬𑄊𑄬 𑄥𑄁𑄝𑄘𑄨𑄇𑄴 𑄃 𑄣𑄬𑄊𑄨𑄠𑄳𑄠 𑄢𑄎𑄨𑄝𑄴 𑄚𑄫𑄢𑄴𑅁 𑄃𑄬 𑄣𑄬𑄊𑄚 𑄌𑄋𑄴𑄟 𑄎𑄘𑄧𑄢𑄴 𑄞𑄌𑄴 𑄃 𑄦𑄧𑄢𑄧𑄉𑄧𑄢𑄴 𑄃𑄨𑄢𑄪𑄇𑄴 𑄘𑄨𑄚𑄴 𑄟𑄙𑄚𑄧𑄖𑄴 𑄇𑄬𑄏𑄚𑄴 𑄃𑄊𑄬 𑄥𑄨𑄠𑄚𑄴 𑄜𑄪𑄘𑄬 𑄖𑄪𑄣𑄳𑄠𑅁 𑄣𑄬𑄊𑄚𑄴 𑄟𑄘𑄬𑄣𑄬 𑄇𑄨𑄠𑄬 𑄎𑄨𑄇𑄴𑄎𑄨𑄉𑄬 𑄃𑄪𑄘𑄨 𑄝𑄧𑄚 𑄝𑄚𑄧 𑄎𑄢𑄧 𑄇𑄘 𑄃𑄪𑄘𑄧𑄚𑄴𑅁 𑄃𑄬𑄇𑄴𑄮 𑄎𑄘𑄧𑄢𑄴 𑄉𑄧𑄢𑄴𑄝𑄧 𑄖 𑄝𑄨𑄎𑄧𑄇𑄴, 𑄞𑄌𑄴, 𑄃𑄰𑄖𑄨𑄦𑄳𑄠𑄧 𑄃 𑄢𑄨𑄘𑄨𑄥𑄪𑄙𑄮𑄟𑄴- 𑄝𑄬𑄇𑄴𑄇𑄚𑄨𑄢𑄴 𑄉𑄧𑄢 𑄖𑄢𑄴 𑄦𑄧𑄢𑄧𑄉𑄧𑄖𑄴𑅁 𑄃𑄧𑄗𑄧𑄌𑄧 𑄥𑄧𑄟𑄧𑄠𑄧𑄢𑄴 𑄉𑄧𑄋𑄢𑄬 𑄥𑄬 𑄦𑄧𑄢𑄧𑄇𑄴 𑄃𑄬𑄌𑄳𑄠𑄬 𑄌𑄋𑄴𑄟 𑄎𑄘𑄧𑄢𑄧𑄖𑄳𑄠𑄭 𑄎𑄧𑄚𑄧𑄟𑄴 𑄘𑄪𑄈𑄳𑄠𑄬𑅁
𑄢𑄎𑄨𑄝𑄴 𑄚𑄫𑄢𑄴 𑄖 𑄣𑄬𑄊𑄖𑄴 𑄇𑄧𑄣𑄬𑄎𑄴 𑄛𑄧𑄢𑄴𑄝𑄮𑄠 𑄃𑄬𑄚𑄴𑄖𑄨 𑄌𑄋𑄴𑄟 𑄥𑄧𑄟𑄢𑄬 𑄘𑄬𑄊 𑄦𑄧𑄚𑄢𑄴 𑄊𑄘𑄪 (𑄃𑄧𑄞𑄨𑄇𑄴𑄈𑄧𑄖) 𑄖𑄪𑄣𑄨 𑄙𑄧𑄌𑄳𑄠𑄬𑅁 𑄌𑄋𑄴𑄟 𑄞𑄏𑄬 𑄇𑄧𑄙 𑄇𑄮𑄃𑄨 𑄛𑄢𑄨𑄣𑄬𑄠𑄳𑄠𑄧 𑄚𑄨𑄎𑄧𑄢𑄴 𑄦𑄧𑄢𑄧𑄇𑄴 𑄣𑄨𑄊𑄨 𑄚𑄧 𑄛𑄢𑄚𑄢𑄴 𑄃𑄬𑄚𑄴𑄖𑄨 𑄌𑄋𑄴𑄟 𑄣𑄎𑄬 𑄟𑄪𑄢𑄨𑄝𑄢𑄴 𑄃𑄧𑄇𑄴𑄖𑄧𑅁 𑄃𑄬 𑄣𑄎𑄚 𑄃𑄬𑄇𑄴𑄮 𑄛𑄨𑄢𑄨𑄢𑄴 𑄟𑄧𑄢 𑄇𑄨𑄎𑄬𑄇𑄴𑅁 𑄝𑄧𑄢𑄴𑄇𑄧𑄣𑄧𑄖𑄴𑄪𑄚𑄴 𑄢𑄋𑄟𑄖𑄳𑄠𑄖𑄴 𑄣𑄬𑄊 𑄥𑄨𑄊𑄨𑄝𑄖𑄳𑄠 𑄃𑄬𑄡𑄚 𑄃𑄬𑄚𑄴𑄖𑄨 𑄛𑄧𑄌𑄴𑄎𑄧𑄚𑄚𑄴 𑄝𑄚 𑄖𑄢𑄴 𑄚𑄨𑄎𑄧𑄢𑄴 𑄚𑄧𑄠𑄴, 𑄃𑄨𑄠𑄚𑄴 𑄌𑄋𑄴𑄟 𑄎𑄘𑄧𑄢𑄴 𑄖𑄢𑄴 𑄃𑄢𑄁 𑄛𑄧𑄖𑄴𑄗𑄧𑄟𑄴 (𑄝𑄥𑄴𑄖𑄧𑄝𑄴) 𑄌𑄬𑄋𑄬𑄢𑅁
𑄸𑄶𑄷𑄻 𑄥𑄣𑄧𑄖𑄴 𑄷𑄺 – 𑄸𑄹 𑄎𑄚𑄪𑄠𑄢𑄨 𑄖𑄬 (𑄢𑄎𑄨𑄝𑄴 𑄚𑄪𑄢𑄴) 𑄦𑄨𑄣𑄴 𑄌𑄘𑄨𑄉𑄋𑄧𑄖𑄴 𑄖𑄨𑄚𑄴 𑄎𑄬𑄣𑄖𑄴 (𑄢𑄋𑄧𑄟𑄖𑄳𑄠, 𑄝𑄚𑄴𑄘𑄧𑄢𑄧𑄝𑄚𑄴 𑄃 𑄈𑄉𑄢𑄍𑄧𑄢𑄨) 𑄊𑄪𑄢𑄨 𑄥𑄧𑄘𑄧𑄃𑄪𑄉𑄪𑄢𑄬 𑄥𑄨𑄇𑄴𑄈𑄨𑄖𑄧 𑄝𑄧𑄚𑄴𑄘 𑄥𑄧𑄟𑄢𑄬 𑄇𑄧𑄙 𑄇𑄧𑄠𑄴𑅁 𑄖 𑄥𑄬𑄢𑄬 𑄃𑄬𑄣𑄇𑄴 𑄌𑄋𑄴𑄟 𑄥𑄧𑄟𑄏𑄧𑄢𑄴 𑄟𑄚𑄳𑄠𑄧 𑄃𑄧𑄚𑄧𑄚𑄴𑄖𑄧𑄝𑄨𑄦𑄢𑄩 𑄈𑄩𑄥, 𑄃𑄬𑄟𑄧𑄃𑄬𑄚𑄴 𑄣𑄢𑄧𑄟 𑄉𑄳𑄢𑄪𑄛𑄧𑄢𑄴 𑄥𑄪𑄙𑄥𑄨𑄚𑄴𑄙𑄪 𑄈𑄩𑄥, 𑄛𑄢𑄴𑄝𑄧𑄖𑄳𑄠𑄧 𑄌𑄧𑄑𑄴𑄧𑄉𑄳𑄢𑄟𑄴 𑄚𑄉𑄧𑄢𑄨𑄇𑄴 𑄇𑄧𑄟𑄨𑄑𑄨𑄢𑄴 𑄎𑄧𑄙𑄚𑄚𑄪 𑄃 𑄢𑄋𑄟𑄖𑄳𑄠 𑄛𑄢𑄴𑄝𑄧𑄖𑄳𑄠𑄧 𑄎𑄬𑄣 𑄛𑄧𑄢𑄨𑄥𑄧𑄘𑄧𑄢𑄴 𑄝𑄨𑄘𑄨 𑄡𑄨𑄠𑄳𑄠 𑄌𑄬𑄠𑄢𑄧𑄟𑄳𑄠𑄚𑄴 𑄉𑄯𑄖𑄧𑄟𑄴 𑄘𑄬𑄃𑄮𑄠𑄚𑄴, 𑄎𑄧𑄚𑄧𑄥𑄧𑄁𑄦𑄧𑄖𑄨 𑄥𑄧𑄟𑄨𑄖𑄨𑄢𑄴 𑄖𑄧𑄗𑄳𑄠𑄧 𑄃 𑄜𑄧𑄉𑄧𑄘𑄋𑄨 𑄇𑄝𑄨𑄘𑄳𑄠𑄋𑄴 𑄟𑄧𑄋𑄴𑄉𑄧𑄣𑄧𑄇𑄪𑄟𑄢𑄴 𑄌𑄇𑄴𑄟, 𑄎𑄪𑄟𑄴 𑄃𑄩𑄥𑄴𑄗𑄬𑄑𑄨𑄇𑄴𑄥𑄴 𑄇𑄃𑄪𑄚𑄴𑄥𑄨𑄣𑄧𑄢𑄴 𑄎𑄧𑄙𑄚𑄚𑄪 𑄟𑄨𑄦𑄨𑄢𑄴 𑄝𑄧𑄢𑄧𑄕𑄴 𑄌𑄋𑄴𑄟, 𑄃𑄬𑄎𑄣𑄴 𑄇𑄝𑄨𑄘𑄳𑄠𑄋𑄴 𑄉𑄧𑄋𑄴𑄉𑄟𑄚𑄨𑄇𑄴 𑄌𑄋𑄴𑄟, 𑄖𑄧𑄗𑄳𑄠𑄧 𑄃𑄮 𑄉𑄧𑄝𑄬𑄥𑄧𑄕 𑄇𑄝𑄨𑄘𑄳𑄠𑄋𑄴 𑄖𑄪𑄥𑄢𑄴𑄥𑄪𑄞𑄳𑄢𑄧 𑄖𑄣𑄪𑄇𑄴𑄘𑄢𑄴, 𑄟𑄮𑄚𑄧𑄊𑄧𑄢𑄴 𑄥𑄨𑄥𑄪𑄥𑄧𑄘𑄧𑄚𑄧𑄢𑄴 𑄟𑄌𑄴𑄖𑄧𑄢𑄴 𑄃 𑄣𑄬𑄊𑄨𑄠𑄳𑄠 𑄟𑄳𑄢𑄨𑄖𑄴𑄨𑄇 𑄌𑄋𑄴𑄟, 𑄥𑄁𑄝𑄘𑄨𑄇𑄴-𑄣𑄬𑄊𑄨𑄠𑄳𑄠 𑄦𑄧𑄢𑄨𑄇𑄨𑄥𑄮𑄢𑄴 𑄌𑄇𑄴𑄟, 𑄥𑄁𑄝𑄘𑄨𑄇𑄴 𑄝𑄪𑄘𑄴𑄙𑄧𑄎𑄳𑄠𑄮𑄖𑄨 𑄌𑄇𑄴𑄟, 𑄃𑄘𑄨𑄝𑄥𑄩 𑄝𑄨𑄥𑄧𑄠𑄧𑄇𑄴 𑄉𑄧𑄝𑄬𑄥𑄧𑄇𑄴 𑄖𑄧𑄚𑄴𑄘𑄳𑄢 𑄌𑄋𑄴𑄟, 𑄃𑄘𑄨𑄝𑄥𑄩 𑄚𑄬𑄖 𑄘𑄩𑄛𑄠𑄧𑄚𑄴 𑄈𑄩𑄥, 𑄥𑄨𑄣𑄴𑄛𑄩 𑄇𑄣𑄠𑄧𑄚𑄴 𑄌𑄋𑄴𑄟 𑄃 𑄃𑄨𑄃𑄪𑄛𑄨𑄓𑄨𑄃𑄬𑄜𑄬𑄢𑄴 𑄥𑄧𑄁𑄉𑄧𑄒𑄧𑄇𑄴 𑄢𑄨𑄇𑄪 𑄌𑄋𑄴𑄟𑄘𑄊𑄨𑅁
𑄃𑄬 𑄛𑄧𑄌𑄴𑄎𑄧𑄚𑄚𑄧𑄖𑄴 𑄝𑄧 𑄚𑄨𑄏𑄬𑄌𑄴 𑄃𑄬𑄡𑄬 𑄖𑄧𑄗𑄳𑄠𑄧𑄠𑄚𑄴 𑄦𑄧𑄣𑄧𑄘𑄬, 𑄚𑄨𑄎𑄧𑄢𑄴 𑄦𑄧𑄢𑄧𑄇𑄴𑄮𑄃𑄨 𑄚𑄋𑄴 𑄣𑄨𑄊𑄨 𑄛𑄢𑄧𑄚𑄴 𑄝𑄚 𑄘𑄨𑄎𑄧𑄚𑄴𑅁 𑄃𑄬𑄇𑄴𑄮 𑄟𑄳𑄢𑄨𑄖𑄴𑄨𑄇 𑄌𑄋𑄴𑄟 𑄃 𑄃𑄢𑄴 𑄃𑄬𑄇𑄴𑄮 𑄢𑄨𑄇𑄪 𑄌𑄋𑄴𑄟𑅁 𑄃𑄧𑄚𑄧𑄚𑄴𑄖𑄧𑄝𑄨𑄦𑄢𑄩 𑄈𑄩𑄥, 𑄥𑄪𑄙𑄥𑄨𑄚𑄴𑄙𑄪 𑄈𑄩𑄥 𑄃 𑄉𑄯𑄖𑄧𑄟𑄴 𑄘𑄬𑄃𑄮𑄠𑄚𑄴𑄘𑄊𑄨 𑄇𑄧𑄣𑄇𑄴—𑄌𑄨𑄉𑄮𑄚𑄴 𑄇𑄣𑄧𑄖𑄴 𑄥𑄨𑄊𑄨𑄣𑄬𑄠𑄳𑄠𑄧 𑄃𑄨𑄇𑄳𑄠𑄬 𑄣𑄢𑄴𑄌𑄢𑄴 𑄉𑄧𑄢𑄨 𑄚𑄧 𑄎𑄚𑄧𑄢𑄴𑅁
𑄃𑄨𑄠𑄚𑄴 𑄇𑄧𑄚𑄧 𑄢𑄖𑄴 (𑄥𑄧𑄁𑄇𑄧𑄑𑄴) 𑄚𑄧𑄠𑄴; 𑄣𑄟𑄴𑄝 𑄃𑄬𑄇𑄴𑄇𑄚𑄴 𑄝𑄨𑄎𑄧𑄇𑄴𑅁 𑄝𑄳𑄢𑄨𑄑𑄨𑄥𑄴 𑄥𑄥𑄧𑄚𑄴 𑄃𑄟𑄧𑄣𑄧𑄖𑄴 𑄷𑄾𑄼𑄷 𑄥𑄣𑄧𑄖𑄴 𑄌𑄧𑄚𑄴𑄘𑄳𑄢𑄧𑄊𑄮𑄚 𑄝𑄮𑄓𑄨𑄁 𑄃𑄨𑄇𑄴𑄪𑄣𑄧𑄖𑄴 𑄝𑄁𑄣 𑄃𑄨𑄁𑄢𑄬𑄎𑄨 𑄥𑄧𑄟𑄢𑄬 𑄌𑄋𑄴𑄟 𑄃 𑄟𑄢𑄴𑄟 𑄞𑄌𑄴 𑄌𑄣𑄪 𑄃𑄬𑄣𑄧𑅁 𑄖 𑄎𑄬𑄢𑄬𑄘𑄨 𑄢𑄋𑄟𑄖𑄳𑄠𑄖𑄴 𑄟𑄨𑄣𑄚𑄴 𑄥𑄛𑄳𑄠𑄬 𑄌𑄣𑄪 𑄉𑄧𑄌𑄴𑄍𑄬 𑄃 𑄷𑄿𑄻𑄿 𑄥𑄣𑄧𑄖𑄴 𑄚𑄮𑄠𑄢𑄟𑄴 𑄌𑄋𑄴𑄟 𑄣𑄬𑄊 "𑄌𑄇𑄴𑄟𑄢𑄴 𑄛𑄧𑄖𑄴𑄗𑄧𑄟𑄴 𑄥𑄨𑄇𑄴𑄈" 𑄝𑄧𑄃𑄨𑄝𑄮 𑄥𑄧𑄇𑄳𑄠𑄬 𑄛𑄫𑄢𑄴𑄝𑄧 𑄛𑄇𑄨𑄥𑄴𑄖𑄚𑄴 𑄥𑄨𑄇𑄴𑄈 𑄝𑄮𑄢𑄴𑄓𑄧𑄖𑄴𑄪𑄚𑄴 𑄛𑄒𑄳𑄠𑄧 𑄝𑄧𑄃𑄨 𑄃𑄨𑄎𑄬𑄝𑄬 𑄘𑄨𑄋𑄨𑄢𑄨 𑄛𑄠𑄴𑅁 𑄟𑄖𑄴𑄧𑄢𑄴, 𑄚𑄧 𑄟𑄨𑄎𑄨𑄣𑄳𑄠 (𑄥𑄟𑄧𑄚𑄴𑄖𑄧) 𑄥𑄧𑄟𑄏𑄧𑄖𑄳𑄠𑄭 𑄟 𑄞𑄌𑄴𑄍𑄮 𑄣𑄬𑄊 𑄥𑄨𑄊𑄚 𑄎𑄪 𑄚𑄧 𑄦𑄧𑄠𑄴 𑄥𑄪𑄘𑄪𑄢𑄪𑄋𑄮𑄢𑄴 𑄝𑄧𑄚𑄴𑄘𑄃𑄪𑄚𑄧𑄢𑄴𑅁
𑄣𑄟𑄴𑄝 𑄣𑄢𑄬𑄃𑄨 𑄉𑄧𑄢𑄚 𑄛𑄧𑄢𑄴 𑄷𑄿𑄿𑄽 𑄥𑄣𑄧𑄖𑄴 𑄛𑄢𑄴𑄝𑄧𑄖𑄳𑄠𑄧 𑄌𑄪𑄇𑄴𑄖𑄨 𑄃 𑄸𑄶𑄷𑄶 𑄥𑄣𑄧𑄖𑄴 𑄎𑄖𑄩𑄠𑄴 𑄥𑄨𑄇𑄴𑄈 𑄚𑄨𑄖𑄨𑄟𑄣 𑄟 𑄞𑄌𑄴𑄍𑄮𑄃𑄨 𑄣𑄬𑄊 𑄥𑄨𑄊𑄨𑄝𑄢𑄴 𑄇𑄧𑄙 𑄗𑄬𑄣𑄬𑄠𑄳𑄠𑄧 𑄥𑄨𑄠𑄚𑄧𑄢𑄴 𑄌𑄮𑄊𑄧𑄖𑄴 𑄝𑄬𑄎 𑄛𑄢 𑄇𑄧𑄚𑄧 𑄇𑄟𑄴 𑄚𑄬𑄃𑄨𑅁 𑄸𑄶𑄷𑄽 𑄥𑄣𑄧𑄖𑄴 𑄛𑄌𑄴𑄍𑄮 𑄃𑄘𑄨𑄝𑄥𑄩 𑄞𑄏𑄧𑄢𑄴 𑄝𑄧𑄃𑄨 𑄍𑄝 𑄦𑄧𑄣𑄬𑄠𑄳𑄠𑄧 𑄥𑄨𑄠𑄚𑄴 𑄇𑄟𑄧𑄢𑄴 𑄇𑄧𑄚𑄧 𑄉𑄧𑄁 𑄚𑄬𑄃𑄨𑅁 𑄡𑄬 𑄛𑄳𑄦𑄧𑄢𑄴 𑄍𑄨𑄘𑄨𑄝𑄢𑄴 𑄇𑄧𑄙 𑄃𑄬𑄣𑄧 𑄥𑄨𑄠𑄚𑄴 𑄃𑄬𑄡𑄧 𑄇𑄣 𑄟𑄬𑄊𑄬 𑄙𑄉𑄨 𑄃𑄊𑄬𑅁
𑄃𑄬 𑄘𑄪𑄇𑄴 𑄡𑄪𑄚𑄨 𑄃𑄨𑄢𑄪𑄇𑄴 𑄛𑄨𑄢𑄨 𑄝𑄪𑄏𑄨 𑄚 𑄛𑄢𑄧𑄚𑄴, 𑄥𑄣𑄬𑄚𑄴 𑄌𑄋𑄴𑄟 𑄞𑄌𑄴 𑄃 𑄦𑄧𑄢𑄧𑄇𑄴 𑄇𑄧𑄚𑄴 𑄃𑄬𑄇𑄴 𑄈𑄬𑄚𑄧𑄖𑄴 𑄃𑄙𑄪𑄚𑄨𑄇𑄴 𑄥𑄧𑄟𑄏𑄧𑄖𑄴𑄪𑄚𑄴 𑄥𑄮𑄢𑄬 𑄡𑄬𑄃𑄨 𑄎𑄘𑄪 𑄊𑄧𑄢𑄧𑄖𑄴 𑄗𑄚𑄴 𑄃𑄧𑄞𑄧𑅁 𑄃𑄨𑄢𑄪𑄇𑄴 𑄘𑄬𑄊 𑄡𑄠𑄴, 𑄉𑄧𑄢𑄧𑄌𑄴 𑄟𑄧𑄎𑄨𑄟𑄴 𑄟𑄚𑄴𑄌𑄳𑄠𑄬 𑄌𑄨𑄚𑄴, 𑄎𑄛𑄚𑄴, 𑄃𑄨𑄁𑄢𑄬𑄎𑄨 𑄥𑄪𑄟𑄪𑄖𑄴𑄧 𑄚𑄚 𑄞𑄌𑄴 𑄥𑄨𑄊𑄧𑄘𑄧𑄚𑄴𑅁 𑄃𑄨𑄠𑄚𑄴 𑄥𑄧𑄖𑄳𑄠𑄧𑅁 𑄟𑄖𑄴𑄧𑄢𑄴 𑄃𑄬 𑄉𑄧𑄢𑄧𑄌𑄴 𑄝𑄚 𑄖𑄬𑄋 𑄇𑄟𑄬𑄝𑄢𑄴 𑄚𑄧𑄠𑄴; 𑄝𑄬𑄉𑄧𑄖𑄴𑄪𑄚𑄴 𑄝𑄬𑄌𑄴 𑄘𑄋𑄧𑄢𑄴 𑄇𑄧𑄙 𑄦𑄧𑄣𑄧𑄘𑄬 𑄎𑄘𑄧𑄢𑄴 𑄡𑄬 𑄌𑄨𑄚𑄴𑄛𑄧𑄌𑄳𑄠𑄬𑄢𑄴 𑄥𑄨𑄋𑄮𑄢𑄴 𑄘𑄧𑄢𑄧 𑄉𑄧𑄢𑄚𑅁 𑄃 𑄖𑄢𑄴 𑄛𑄧𑄣𑄳𑄠 𑄥𑄧𑄢𑄴𑄖𑄧 𑄦𑄧𑄣𑄧𑄘𑄬 𑄚𑄨𑄎𑄧𑄢𑄴 𑄞𑄌𑄴 𑄃 𑄦𑄧𑄢𑄧𑄉𑄧𑄢𑄴 𑄉𑄳𑄠𑄬𑄚𑄴 𑄣𑄧𑄚𑅁
𑄖𑄳𑄠𑄪𑄃𑄧 𑄃𑄬𑄡𑄧 𑄝𑄪𑄇𑄴 𑄞𑄧𑄢𑄬𑅁 𑄃𑄬𑄌𑄳𑄠𑄬 𑄛𑄳𑄢𑄧𑄡𑄪𑄇𑄴𑄖𑄨 𑄃𑄟 𑄦𑄙𑄧𑄖𑄴 𑄟𑄪𑄘𑄮𑄖𑄴𑅁 𑄃𑄬𑄇𑄴 𑄃𑄧𑄇𑄴𑄖𑄧𑄖𑄴 𑄦𑄧𑄢𑄧𑄇𑄴 𑄣𑄢𑄴𑄌𑄢𑄴 𑄉𑄧𑄢𑄚 𑄃𑄉𑄗𑄳𑄠 𑄗𑄬𑄣𑄬𑄠𑄳𑄠𑄧 𑄃𑄨𑄇𑄳𑄠𑄬 𑄓𑄨𑄎𑄨𑄑𑄣𑄧𑄢𑄴 𑄚𑄣𑄬 𑄃𑄪𑄌𑄴𑄮 𑄃𑄧𑄃𑄨 𑄃𑄬𑄣𑄧𑅁 𑄥𑄬𑄚𑄬 𑄝𑄨𑄌𑄳𑄠𑄬𑄌𑄴 𑄉𑄧𑄢𑄨 𑄛𑄢𑄨, 𑄃𑄪𑄢𑄪𑄇𑄴 𑄛𑄨𑄨𑄢𑄨𑄝𑄱 𑄌𑄬𑄣𑄬 𑄃𑄬 𑄘𑄪𑄈𑄳𑄠𑄬 𑄦𑄧𑄢𑄧𑄇𑄴𑄪𑄚𑄧𑄢𑄬 𑄢𑄦𑄪𑄘𑄧𑄎𑄖𑄴𑄪𑄚𑄴 𑄟𑄪𑄇𑄴𑄖𑄨 𑄘𑄨 𑄛𑄢𑄧𑄚𑄴𑅁 𑄞𑄌𑄴 𑄝𑄎𑄨𑄣𑄬 𑄎𑄖𑄴 𑄝𑄎𑄬 𑄃 𑄦𑄧𑄢𑄧𑄇𑄴 𑄝𑄎𑄨𑄣𑄬 𑄞𑄌𑄴𑄍𑄚𑄴 𑄈𑄟𑄇𑄴𑄇𑄠𑄴 𑄥𑄧𑄢𑄚𑄴 𑄛𑄠𑄴𑅁
𑄚𑄨𑄎𑄧𑄢𑄴 𑄦𑄧𑄢𑄧𑄇𑄴 𑄛𑄪𑄢𑄨 𑄜𑄬𑄣𑄬 𑄛𑄧𑄢𑄴 𑄦𑄧𑄢𑄧𑄇𑄴 𑄣𑄢𑄴𑄌𑄢𑄴: 𑄝𑄬-𑄥𑄧𑄘𑄧𑄢𑄴 𑄎𑄪𑄟𑄴𑄧 𑄢𑄎𑄴𑄚𑄩𑄖𑄨
𑄎𑄪𑄟𑄴𑄧 𑄎𑄘𑄧𑄢𑄴 𑄟𑄪𑄏𑄪𑄋𑄬 𑄘𑄨𑄚𑄪𑄚𑄴 𑄡𑄬 𑄃𑄚𑄴𑄙𑄢𑄴 𑄣𑄟𑄨 𑄃𑄬𑄡𑄬𑄢𑄴- 𑄥𑄨𑄠𑄚𑄴 𑄝𑄪𑄏𑄨𑄝𑄢𑄴 𑄘𑄋𑄧𑄢𑄴 𑄃𑄇𑄴𑄧𑄣𑄴 𑄚𑄧 𑄣𑄉𑄬 𑄝 𑄉𑄧𑄢𑄧𑄌𑄴 𑄚𑄬𑄭𑅁 𑄉𑄧𑄢𑄧𑄌𑄴 𑄝𑄚 𑄚𑄨𑄎𑄧 𑄇𑄨𑄗𑄳𑄠 𑄃𑄟𑄧𑄣𑄴 𑄘𑄨 𑄢𑄨𑄚𑄨 𑄌𑄚, 𑄞𑄝𑄚𑅁 𑄃𑄬𑄌𑄳𑄠𑄬 𑄎𑄪𑄟𑄴𑄧 𑄥𑄧𑄟𑄌𑄴 𑄝𑄢𑄴 𑄉𑄧𑄢𑄚𑄖𑄴 𑄛𑄁𑄇𑅁 𑄝𑄪𑄇𑄴 𑄃𑄧𑄎𑄧𑄣𑄴 𑄉𑄧𑄢𑄨 𑄇𑄮𑄃𑄨- “𑄃𑄟𑄢𑄴 𑄞𑄌𑄴 𑄃𑄊𑄬, 𑄃𑄟𑄢𑄴 𑄢𑄨𑄘𑄨𑄥𑄪𑄙𑄮𑄟𑄴 𑄃𑄊𑄬, 𑄃𑄟𑄢𑄴 𑄃𑄰𑄖𑄨𑄦𑄳𑄠𑄧 𑄃𑄊𑄬 𑄃 𑄃𑄊𑄬 𑄝𑄨𑄎𑄧𑄇𑄴𑅁” 𑄟𑄖𑄴𑄧𑄢𑄴 𑄃𑄬 𑄢𑄧 𑄍𑄢𑄨 𑄇𑄧𑄚𑄢𑄴 𑄞𑄨𑄘𑄨𑄢𑄬 𑄃𑄊𑄬 𑄃𑄬𑄇𑄴𑄇𑄚𑄴 𑄘𑄧𑄢𑄴𑄉𑄧𑄢𑄬 𑄛𑄢 𑄢𑄎𑄴𑄚𑄰𑄖𑄨𑄇𑄴 𑄃 𑄥𑄧𑄟𑄏𑄧𑄢𑄴 𑄃𑄧𑄞𑄣𑄬𑄖𑄳𑄠 𑄇𑄟𑄴𑅁
𑄛𑄪𑄎𑄮𑄢𑄴
𑄝𑄚 𑄃𑄬𑄇𑄴𑄇𑄚𑄴-
𑄃𑄬 𑄦𑄧𑄢𑄧𑄇𑄴
𑄃𑄎𑄧𑄣𑄴
𑄚𑄚𑄪
𑄇𑄧𑄚𑄴𑄚? 𑄥𑄧𑄟𑄎𑄧𑄢𑄴
𑄇𑄧𑄠𑄴𑄎𑄧𑄚𑄬
𑄟𑄘𑄬
𑄛𑄢𑄧𑄚𑄴,
𑄣𑄨𑄊𑄨
𑄝 𑄎𑄨𑄁𑄇𑄚𑄨
𑄉𑄧𑄋𑄢𑄬
𑄣𑄢𑄴𑄌𑄢𑄴
𑄉𑄧𑄢𑄨
𑄛𑄢𑄧𑄚𑄴?
𑄡𑄪𑄚𑄨
𑄈𑄪𑄛𑄴
𑄇𑄧𑄟𑄴
𑄟𑄚𑄴𑄌𑄳𑄠
𑄣𑄢𑄴𑄌𑄢𑄴
𑄉𑄧𑄢𑄧𑄚𑄴
𑄥𑄣𑄬𑄚𑄴
𑄃𑄬 𑄝𑄢𑄴 𑄉𑄧𑄢𑄚
𑄝 𑄝𑄪𑄇𑄴
𑄃𑄧𑄎𑄧𑄣𑄴
𑄉𑄧𑄢𑄚
𑄇𑄨𑄖𑄴𑄬?
𑄃𑄨𑄠𑄚𑄴
𑄇𑄨 𑄚𑄨𑄎𑄧𑄢𑄴
𑄌𑄨𑄚𑄴𑄛𑄧𑄌𑄳𑄠𑄬
𑄘𑄬𑄚,
𑄚 𑄚𑄨𑄎𑄧𑄢𑄴
𑄦𑄧𑄢𑄧𑄇𑄴
𑄚𑄧 𑄛𑄢𑄨 𑄇𑄮𑄃𑄨
𑄇𑄮𑄃𑄨 𑄛𑄧𑄢𑄧 𑄦𑄧𑄢𑄧𑄇𑄴
𑄣𑄢𑄴𑄌𑄢𑄴
𑄉𑄧𑄢𑄚𑄢𑄴
𑄝𑄬-𑄥𑄧𑄘𑄧𑄢𑄴
𑄌𑄨𑄘𑄬?
𑄞𑄌𑄴
𑄃 𑄦𑄧𑄢𑄧𑄇𑄴
𑄇𑄧𑄚𑄧 𑄃𑄧𑄣𑄧𑄁𑄇𑄢𑄴
𑄚𑄧𑄠𑄴,
𑄝𑄚 𑄥𑄮𑄉𑄚𑄧𑄢𑄴
𑄃 𑄝𑄬𑄢𑄧𑄖𑄴 𑄖𑄋𑄬 𑄢𑄊
𑄡𑄠𑄴𑅁
𑄃𑄨𑄠𑄚𑄴
𑄘𑄧 𑄈𑄬𑄟𑄧𑄖
𑄛𑄪𑄎𑄮𑄢𑄴
𑄥𑄧𑄟𑄢𑄬
𑄣𑄨𑄛𑄳𑄠𑅁
𑄡𑄬 𑄎𑄖𑄴 𑄚𑄨𑄎𑄧𑄢𑄴
𑄞𑄌𑄴𑄍𑄮𑄃𑄨
𑄣𑄬𑄊
𑄥𑄨𑄉𑄚
𑄚𑄨𑄥𑄴𑄌𑄨𑄖𑄴 𑄉𑄧𑄢𑄨
𑄚𑄧 𑄛𑄢𑄬, 𑄚𑄨𑄎𑄧𑄢𑄴
𑄦𑄧𑄢𑄧𑄇𑄴𑄃𑄪𑄚𑄴
𑄢𑄬𑄎𑄳𑄠𑄧
𑄃 𑄥𑄧𑄟𑄏𑄧𑄢𑄴
𑄇𑄟𑄧𑄖𑄴
𑄗𑄨𑄘𑄧 𑄉𑄧𑄢𑄨
𑄚𑄧 𑄛𑄢𑄬- 𑄥𑄬 𑄎𑄖𑄴 𑄟𑄫𑄣𑄧𑄖𑄧 𑄛𑄧𑄢𑄧𑄖𑄧𑄣𑄧𑄖𑄴
𑄗𑄬𑄃𑄨
𑄛𑄚𑄴𑅁
𑄎𑄪𑄟𑄴𑄧
𑄥𑄧𑄟𑄌𑄴
𑄃𑄬𑄌𑄳𑄠𑄬
𑄥𑄬 𑄛𑄧𑄢𑄧𑄖𑄧𑄣𑄧𑄖𑄴
𑄗𑄬𑄃𑄨
𑄟𑄚𑄴𑄌𑄴𑄍𑄮𑄢𑄴
𑄟𑄪 𑄇𑄨𑄗𑄳𑄠
𑄌𑄬𑄃𑄨
𑄃𑄊𑄬𑅁
𑄝𑄬𑄉𑄧𑄖𑄴𑄪𑄚𑄴 𑄝𑄬𑄌𑄴 𑄘𑄋𑄧𑄢𑄴 𑄣𑄌𑄴 𑄉𑄧𑄢𑄬 𑄛𑄢 𑄇𑄧𑄙- 𑄟 𑄞𑄌𑄴𑄍𑄮 𑄣𑄬𑄊 𑄥𑄨𑄊𑄨 𑄛𑄚𑄠𑄚𑄴 𑄚𑄨𑄥𑄴𑄌𑄨𑄖𑄴 𑄉𑄧𑄢𑄨 𑄚𑄧 𑄛𑄢𑄚𑅁 𑄃𑄨𑄠𑄚𑄴 𑄇𑄧𑄚𑄴 𑄢𑄨𑄘𑄨𑄥𑄪𑄙𑄮𑄟𑄧𑄢𑄴 𑄟𑄬𑄣𑄮𑄟𑄌𑄴 𑄚𑄧𑄠𑄴, 𑄃𑄨𑄠𑄚𑄴 𑄢𑄎𑄧𑄚𑄰𑄖𑄨𑄇𑄧𑄢𑄴 𑄞𑄬𑄘𑄟𑄴 𑄛𑄚𑄧𑄎𑅁 𑄛𑄨𑄢𑄨𑄢𑄴 𑄛𑄧𑄢𑄴 𑄛𑄨𑄢𑄨 𑄛𑄢𑄴 𑄃𑄧𑄃𑄨 𑄡𑄬𑄣𑄧, 𑄟𑄖𑄴𑄧𑄢𑄴 𑄉𑄪𑄢𑄧𑄃𑄪𑄚𑄧𑄖𑄳𑄠𑄭 𑄚𑄨𑄎𑄧𑄢𑄴 𑄟 𑄞𑄌𑄴𑄍𑄮𑄃𑄨 𑄃𑄨𑄇𑄴𑄪𑄣𑄴 𑄛𑄧𑄢𑄨𑄝𑄢𑄴 𑄝𑄧𑄃𑄨, 𑄟𑄌𑄴𑄖𑄧𑄢𑄴 𑄘𑄬𑄚, 𑄃𑄨𑄇𑄴𑄪𑄣𑄧𑄖𑄴 𑄛𑄧𑄢𑄚 𑄛𑄮𑄃𑄨𑄘𑄳𑄠𑄚𑄬 𑄃𑄬𑄇𑄴𑄇𑄃𑄮 𑄖𑄨𑄣𑄨 𑄚𑄧 𑄛𑄢𑄨𑅁 𑄃𑄧𑄗𑄧𑄌𑄧 𑄥𑄧𑄞, 𑄟𑄨𑄑𑄨𑄁-𑄟𑄨𑄍𑄨𑄣𑄧𑄖𑄴 𑄟𑄪 𑄜𑄬𑄚 𑄃𑄧𑄠𑄴𑄥𑄧𑄁 𑄞𑄌𑄴, 𑄥𑄦𑄨𑄖𑄳𑄠𑄧, 𑄢𑄨𑄘𑄨𑄥𑄪𑄙𑄮𑄟𑄧𑄢𑄴 𑄇𑄧𑄙 𑄇𑄧𑄙𑄬 𑄇𑄧𑄙𑄬 𑄣𑄬𑄘 𑄃𑄧𑄃𑄨𑅁
𑄃𑄬𑄌𑄳𑄠𑄬 𑄎𑄪𑄟𑄴𑄧 𑄌𑄨𑄎𑄨𑄃𑄪𑄚𑄴 𑄃𑄧𑄚𑄴𑄮 𑄞𑄌𑄴𑄍𑄮𑄃𑄨 𑄥𑄧𑄝𑄧𑄚𑄴 𑄘𑄬𑄊𑄚 𑄥𑄨𑄊𑄧𑄘𑄧𑄚𑄴, 𑄃𑄧𑄚𑄴𑄮 𑄦𑄧𑄢𑄧𑄇𑄴𑄮𑄃𑄨 𑄚𑄨𑄎𑄧 𑄚𑄋𑄴 𑄣𑄨𑄊𑄨𑄝𑄢𑄴 𑄥𑄨𑄊𑄧𑄘𑄧𑄚𑄴𑅁 𑄢𑄥𑄴𑄑𑄳𑄢𑄧 𑄥𑄬 𑄞𑄌𑄴𑄍𑄮𑄃𑄨 𑄥𑄬𑄊𑄢𑄴- 𑄥𑄨𑄠𑄚𑄴 𑄖 𑄞𑄌𑄴 𑄃 𑄦𑄧𑄢𑄧𑄇𑄴 𑄚𑄧𑄠𑄴𑅁 𑄃 𑄃𑄟𑄨 𑄖𑄟𑄎 𑄌𑄬𑄃𑄨𑄠𑄳𑄠 𑄟𑄚𑄪𑄏𑄧𑄢𑄴 𑄙𑄧𑄇𑄴 𑄏𑄪𑄢𑄨 𑄏𑄪𑄢𑄨 𑄌𑄮𑄇𑄴 𑄛𑄬𑄣𑄬 𑄛𑄬𑄣𑄬 𑄌𑄬𑄃𑄨 𑄗𑄬𑄃𑄨𑅁 𑄃 𑄥𑄧𑄞, 𑄟𑄨𑄍𑄨𑄣𑄴, 𑄟𑄨𑄑𑄨𑄋𑄧𑄖𑄴 𑄇𑄨𑄏𑄬𑄇𑄴 𑄇𑄢𑄨 𑄇𑄮𑄃𑄨, “𑄃𑄟 𑄞𑄌𑄴𑄍𑄚𑄴 𑄦𑄎𑄨 𑄡𑄢𑄴𑅁” 𑄞𑄌𑄴 𑄦𑄎𑄨 𑄚𑄧 𑄡𑄠𑄴 𑄖𑄢𑄬 𑄦𑄎𑄨 𑄡𑄬𑄝𑄖𑄳𑄠𑄭 𑄎𑄪 𑄉𑄧𑄢𑄨 𑄘𑄨𑄠𑄳𑄠 𑄦𑄧𑄠𑄴𑅁
𑄃𑄨𑄠𑄧𑄖𑄴 𑄝𑄚 𑄢𑄥𑄴𑄑𑄳𑄢𑄧 𑄘𑄠𑄴 𑄚𑄧𑄠𑄴- 𑄎𑄪𑄟𑄴𑄧 𑄢𑄎𑄴𑄚𑄰𑄖𑄨𑄇𑄧𑄢𑄧𑄠𑄳𑄠𑄧 𑄘𑄠𑄴 𑄃𑄊𑄬𑅁 𑄡𑄢 𑄝𑄧𑄏𑄧𑄢𑄴 𑄛𑄧𑄢𑄴 𑄝𑄧𑄏𑄧𑄢𑄴 𑄃𑄧𑄙𑄨𑄉𑄢𑄧𑄢𑄴 𑄇𑄧𑄙 𑄇𑄧𑄚𑄴, 𑄖𑄢 𑄇𑄨 𑄃𑄬𑄇𑄴𑄝𑄢𑄧𑄃𑄮 𑄚𑄨𑄎𑄧 𑄦𑄧𑄢𑄧𑄇𑄴 𑄥𑄨𑄊𑄨𑄝𑄢𑄴-𑄣𑄬𑄊𑄨𑄝𑄢𑄴 𑄌𑄬𑄃𑄨𑄠𑄮𑄚𑄴? 𑄚𑄠𑄨 𑄃𑄨𑄠𑄚𑄨 𑄝𑄚 𑄢𑄎𑄴𑄚𑄰𑄖𑄨𑄇𑄧𑄢𑄴 𑄇𑄧𑄙 𑄝𑄖𑄴𑄖 𑄃𑄧𑄃𑄨 𑄃𑄊𑄬? 𑄢𑄨𑄘𑄨𑄥𑄪𑄙𑄮𑄟𑄴 𑄢𑄧𑄈𑄳𑄠𑄬 𑄡𑄪𑄚𑄨 𑄝𑄚 𑄖𑄟𑄏 (𑄃𑄪𑄖𑄴𑄥𑄧𑄝𑄴) 𑄛𑄮𑄥𑄴𑄑𑄢𑄴 𑄃 𑄥𑄮𑄣𑄧𑄉𑄚𑄧𑄢𑄴 𑄟𑄧𑄙𑄳𑄠𑄬 𑄗𑄠𑄴, 𑄥𑄨𑄠𑄚𑄴 𑄢𑄎𑄴𑄚𑄩𑄖𑄨 𑄚𑄧𑄠𑄴- 𑄥𑄨𑄠𑄚𑄴 𑄝𑄚 𑄟𑄥𑄴𑄌𑄴𑄍𑄮𑄢𑄬 𑄘𑄬𑄊𑄚 𑄚𑄑𑄧𑄇𑄴𑅁
𑄝𑄬𑄉𑄧𑄖𑄴𑄪𑄚𑄴 𑄝𑄬𑄌𑄴 𑄘𑄧𑄢𑄴𑄉𑄧𑄢𑄬 𑄛𑄢 𑄇𑄧𑄙 𑄦𑄧𑄣𑄧𑄘𑄬, 𑄚𑄨𑄎𑄧𑄢𑄴 𑄦𑄧𑄢𑄧𑄇𑄴, 𑄞𑄌𑄴 𑄗𑄉𑄧𑄘𑄬 𑄝𑄬-𑄥𑄧𑄘𑄧𑄢𑄴 𑄉𑄧𑄢𑄨 𑄛𑄧𑄢𑄴 𑄦𑄧𑄢𑄧𑄇𑄴 𑄞𑄌𑄴 𑄣𑄢𑄧𑄌𑄢𑄴 𑄉𑄧𑄢𑄚 𑄚𑄪𑄃𑄧 𑄛𑄨𑄢𑄨𑄢𑄬 𑄘𑄨 𑄡𑄬𑄢𑄴, 𑄡𑄬𑄢𑄴 𑄥𑄬𑄊𑄬𑅁 𑄃𑄟𑄨 𑄖𑄢𑄢𑄬 𑄥𑄬𑄊𑄬𑄢𑄴 𑄝𑄚 𑄝𑄢𑄴 𑄉𑄧𑄢𑄚 𑄟𑄖𑄴𑄧𑄢𑄴, 𑄚𑄧 𑄥𑄬𑄊𑄬𑄢𑄴 𑄣𑄢𑄴𑄌𑄢𑄴 𑄝 𑄣𑄢𑄬𑄃𑄨 𑄉𑄧𑄢𑄚𑅁 𑄥𑄬𑄊𑄬𑄢𑄴 𑄝𑄚 𑄝𑄨𑄘𑄨 𑄡𑄨𑄠𑄬 𑄘𑄨𑄚𑄪𑄚𑄴 𑄃𑄨𑄙𑄮𑄖𑄴 𑄖𑄪𑄣𑄧𑄚𑄢𑄴, 𑄚𑄧 𑄥𑄬𑄊𑄬𑄢𑄴 𑄃𑄨𑄖𑄴𑄪𑄚𑄴 𑄚𑄨𑄉𑄨𑄣𑄨 𑄃𑄬𑄝𑄢𑄴, 𑄛𑄧𑄢𑄨𑄝𑄧𑄢𑄴𑄖𑄧𑄚𑄴 𑄉𑄧𑄢𑄨𑄝𑄢𑄴𑅁
𑄃𑄪𑄎𑄪
𑄇𑄧𑄙,
𑄡𑄬 𑄥𑄧𑄟𑄌𑄴
𑄚𑄨𑄎𑄧𑄢𑄴
𑄦𑄧𑄢𑄧𑄇𑄴𑄪𑄚𑄧𑄢𑄬
𑄥𑄨𑄊𑄨𑄝𑄢𑄴
𑄞𑄌𑄴
𑄉𑄧𑄢𑄨
𑄚𑄧 𑄛𑄢𑄧𑄚𑄴, 𑄥𑄬
𑄥𑄧𑄟𑄌𑄴
𑄟𑄪𑄏𑄪𑄋𑄬
𑄃𑄋𑄧𑄌𑄳𑄠
𑄢𑄬𑄖𑄴
𑄃𑄬𑄝𑄧𑅁
𑄝𑄢𑄴
𑄉𑄧𑄢𑄨𑄣𑄬
𑄥𑄬 𑄃𑄋𑄧𑄌𑄳𑄠
𑄙𑄉𑄨
𑄛𑄢 𑄚𑄧 𑄡𑄠𑄴, 𑄚𑄧 𑄛𑄢𑄬 𑄇𑄘𑄬𑄃𑄨𑅁
𑄥𑄧𑄟𑄧𑄠𑄴
𑄃𑄬𑄣𑄧 𑄛𑄪𑄎𑄮𑄢𑄴
𑄉𑄧𑄢𑄨𑄝𑄢𑄴,
𑄃𑄟𑄨
𑄇𑄨 𑄥𑄧𑄖𑄳𑄠𑄨
𑄃𑄟 𑄦𑄧𑄢𑄧𑄇𑄴
𑄌𑄬𑄃𑄨,
𑄚𑄋𑄨
𑄝𑄚 𑄖 𑄚𑄋𑄴 𑄣𑄢𑄌𑄢
𑄉𑄧𑄢𑄨
𑄢𑄎𑄴𑄚𑄰𑄖𑄨𑄇𑄴
𑄃 𑄥𑄧𑄟𑄏𑄧𑄢𑄴
𑄘𑄠𑄧𑄖𑄴𑄪𑄚𑄴 𑄝𑄎𑄨𑄝𑄢𑄴 𑄌𑄬𑄃𑄨?
𑄃𑄬 𑄛𑄪𑄎𑄮𑄢𑄴
𑄎𑄮𑄛𑄴
𑄚𑄧 𑄝𑄧𑄘𑄧𑄣𑄨𑄣𑄬,
𑄎𑄪𑄟𑄴𑄧𑄃𑄪𑄚𑄧𑄢𑄴
𑄟𑄪𑄏𑄪𑄋𑄧𑄢𑄴
𑄘𑄨𑄚𑄪𑄚𑄴
𑄚𑄧 𑄝𑄧𑄘𑄧𑄣𑄨𑄝𑄇𑄴𑅁
𑄃𑄚𑄴𑄙𑄢𑄴
𑄝𑄚 𑄃𑄧𑄚𑄴𑄙𑄢𑄴
𑄣𑄟𑄨
𑄃𑄬𑄝𑄧𑅁
𑄦𑄨𑄣𑄴 𑄌𑄘𑄨𑄉𑄋𑄧𑄖𑄴 𑄥𑄨𑄇𑄴𑄈 𑄃𑄚𑄴𑄘𑄮𑄣𑄧𑄚𑄴 𑄃𑄰𑄖𑄨𑄦𑄳𑄠𑄧 𑄃 𑄚𑄨𑄎𑄧𑄢𑄴 𑄌𑄨𑄚𑄴𑄛𑄧𑄎𑄳𑄠𑄬𑄢𑄴 𑄢𑄖𑄴 (𑄥𑄧𑄁𑄇𑄧𑄑𑄴)
𑄃𑄨𑄢𑄪𑄇𑄴 𑄃𑄬𑄇𑄴𑄇𑄚𑄴 𑄃𑄪𑄌𑄴𑄮𑄟𑄨 𑄇𑄟𑄴 𑄃𑄟𑄢𑄬 𑄚𑄪𑄃𑄧 𑄉𑄧𑄢𑄨 𑄝𑄪𑄇𑄴 𑄝𑄚𑄨 𑄘𑄬𑄢𑄴, 𑄘𑄬𑄢𑄴 𑄞𑄧𑄢𑄬𑄃𑄥𑄧𑄝𑄧𑄚𑄴𑄘𑄬𑄊𑄬𑄝𑄪𑄇𑄴𑄝𑄚𑄨𑄘𑄬𑄢𑄴𑅁 𑄦𑄎𑄢𑄴 𑄘𑄪𑄊𑄧𑄢𑄴 𑄥𑄬𑄢𑄬𑄠𑄳𑄠𑄧 𑄥𑄨𑄃𑄬𑄃𑄨𑄥𑄴𑄑𑄨 𑄎𑄪𑄟𑄴𑄧 𑄝𑄬𑄣𑄓𑄴𑄓𑄮𑄚𑄢𑄴 𑄥𑄮𑄥𑄭𑄑𑄨, 𑄎𑄪𑄟𑄴 𑄃𑄬𑄇𑄓𑄬𑄟𑄨, 𑄎𑄪𑄟𑄴𑄧 𑄥𑄨𑄇𑄴𑄥𑄢𑄴𑄗𑄩 𑄛𑄧𑄢𑄨𑄝𑄢𑄴𑄥𑄪𑄟𑄪𑄖𑄴𑄧 𑄇𑄧𑄠𑄬𑄇𑄴𑄮 𑄥𑄧𑄟𑄏𑄧𑄢𑄴 𑄇𑄟𑄴 𑄉𑄧𑄢𑄨𑄠𑄳𑄠 𑄎𑄧𑄙 𑄥𑄨𑄇𑄴𑄈 𑄇𑄳𑄠𑄟𑄴𑄛𑄬𑄭𑄚𑄴 𑄃𑄢𑄴𑄇𑄚𑄨 𑄉𑄧𑄌𑄴𑄍𑄬𑅁 𑄷𑄾 𑄟𑄢𑄴𑄌𑄴𑄸𑄶𑄸𑄼 𑄈𑄳𑄢𑄨. (𑄺 𑄌𑄮𑄖𑄴 𑄷𑄺𑄹𑄸 𑄝𑄁𑄣) 𑄝𑄪𑄙𑄧𑄝𑄢𑄴 𑄥𑄨𑄃𑄬𑄃𑄨𑄥𑄴𑄑𑄨 𑄎𑄪𑄟𑄴𑄧 𑄝𑄬𑄣𑄓𑄴 𑄓𑄮𑄚𑄢𑄴 𑄥𑄮𑄥𑄭𑄑𑄨 𑄉𑄳𑄠𑄬𑄚𑄧𑄢𑄴 𑄝𑄢𑄬𑄁 𑄛𑄒𑄉𑄢𑄧𑄖𑄴 𑄖𑄢 𑄥𑄬𑄟𑄨𑄚𑄢𑄴 𑄃 𑄇𑄪𑄃𑄨𑄎𑄴 𑄎𑄨𑄖𑄴𑄝𑄖𑄴 𑄎𑄪𑄉𑄧𑄣𑄴 𑄉𑄧𑄢𑄧𑄚𑄴𑅁 𑄥𑄨𑄠𑄮𑄖𑄴 𑄷𑄾 𑄎𑄧𑄚𑄴 𑄛𑄧𑄢𑄴𑄝𑄮𑄠 𑄡𑄢 𑄚𑄚𑄚𑄴 𑄛𑄰𑄚𑄋𑄨 𑄝𑄨𑄌𑄴𑄥𑄧𑄃𑄨𑄇𑄴𑄪𑄣𑄧𑄖𑄴 𑄛𑄧𑄢𑄧𑄚𑄴𑅁
𑄃𑄬 𑄇𑄟𑄚𑄴 𑄘𑄬𑄊𑄨 𑄇𑄧𑄚𑄴’𑄎𑄧𑄚𑄬 𑄇𑄨 𑄈𑄪𑄎𑄨 𑄚𑄧 𑄃𑄧𑄃𑄨 𑄗𑄬𑄃𑄨 𑄛𑄢𑄚 𑄞𑄢𑄨 𑄃𑄉𑄗𑄳𑄠𑅁 𑄃𑄨𑄠𑄚𑄴 𑄝𑄚 𑄃𑄬𑄇𑄴𑄇𑄚𑄴 𑄟𑄨𑄣𑄧𑄚𑄨 𑄈𑄧𑄣 𑄚𑄧𑄠𑄴, 𑄃𑄨𑄠𑄚𑄴 𑄦𑄨𑄣𑄴 𑄌𑄘𑄨𑄉𑄋𑄧𑄢𑄴 𑄛𑄪𑄢𑄮𑄚𑄴 𑄥𑄪𑄙𑄮𑄟𑄴, 𑄥𑄨𑄇𑄴𑄈 𑄃𑄰𑄖𑄨𑄦𑄳𑄠𑄬𑄢𑄴 𑄙𑄮𑄇𑄴𑄙𑄧𑄇𑄳𑄠𑄬 𑄇𑄨𑄖𑄴𑄬 (𑄉𑄧𑄣𑄴𑄛𑄧)𑅁 𑄃𑄬 𑄌𑄉𑄣𑄖𑄴 𑄥𑄨𑄇𑄴𑄈 𑄎𑄉 𑄝𑄢𑄚 𑄝𑄨𑄎𑄧𑄇𑄴 𑄝𑄧𑄦𑄪𑄖𑄴 𑄛𑄪𑄢𑄧𑄚𑄴 𑄃 𑄝𑄢𑄴 𑄉𑄧𑄢𑄬 𑄛𑄢𑅁 𑄌𑄋𑄴𑄟𑄃𑄪𑄚𑄴 𑄃𑄬𑄇𑄴𑄇𑄚𑄴 𑄥𑄪𑄙𑄮𑄟𑄴, 𑄖𑄢 𑄣𑄬𑄊 𑄛𑄧𑄢 𑄛𑄢𑄨𑄣𑄬 𑄝𑄮𑄃𑄨 𑄚𑄧 𑄗𑄚𑄴𑅁 𑄃𑄨𑄇𑄴𑄪𑄣𑄴 𑄈𑄪𑄣𑄧𑄚𑄴 𑄝 𑄝𑄚𑄚𑄴 𑄖𑄢𑄢𑄴 𑄉𑄧𑄢𑄧𑄎𑄬𑅁 𑄥𑄬𑄚𑄬 𑄌𑄋𑄴𑄟 𑄟𑄧𑄦𑄇𑄝𑄳𑄠𑄧 𑄣𑄬𑄊𑄨𑄠𑄳𑄠 𑄇𑄧𑄝𑄨 𑄟𑄪𑄇𑄪𑄚𑄴𑄘𑄧 𑄌𑄋𑄴𑄟 “𑄦𑄨𑄣𑄧𑄑𑄳𑄢𑄬𑄇𑄴𑄥𑄧𑄢𑄴 𑄘𑄪𑄇𑄴 𑄘𑄪𑄇𑄴” 𑄝𑄧𑄃𑄨𑄝𑄮𑄖𑄴 𑄣𑄬𑄊𑄨𑄣𑄧-
”…………………………
𑄇𑄳𑄢𑄨𑄥𑄴𑄕𑄧 𑄇𑄨𑄥𑄮𑄢𑄴
𑄌𑄋𑄴𑄟
𑄡𑄬𑄇𑄴𑄈𑄬 𑄃𑄨𑄚𑄨𑄥𑄴𑄛𑄬𑄇𑄴𑄑𑄧𑄢𑄴
𑄦𑄧𑄣𑄧’,
𑄖𑄢𑄴 𑄡𑄧𑄘𑄧𑄚𑄬 𑄃𑄬 𑄎𑄬𑄣𑄖𑄴 𑄥𑄨𑄇𑄴𑄈 𑄝𑄢𑄨 𑄉𑄬𑄣𑄧
𑄚𑄚 𑄎𑄉 𑄊𑄪𑄢𑄨 𑄊𑄪𑄢𑄨
𑄎𑄉𑄠𑄴 𑄎𑄉𑄠𑄴 𑄃𑄨𑄇𑄴𑄪𑄣𑄴 𑄉𑄧𑄢𑄨,
𑄥𑄨𑄇𑄴𑄈 𑄈𑄬𑄖𑄳𑄢𑄧 𑄎𑄪𑄟𑄴𑄧𑄃𑄪𑄚𑄧𑄢𑄴 𑄖𑄢𑄴 𑄃𑄧𑄝𑄧𑄘𑄚𑄴
𑄃𑄬 𑄎𑄬𑄣𑄢𑄴 𑄟𑄚𑄴𑄥𑄳𑄠𑄬 𑄖𑄢𑄬 𑄛𑄪𑄢𑄨 𑄚𑄧 𑄜𑄬𑄣𑄚𑄴𑅁
…………………………………………
𑄃𑄪𑄚𑄨𑄥𑄴 𑄥𑄧𑄖𑄧𑄇𑄧 𑄥𑄬𑄌𑄴 𑄛𑄧𑄡𑄳𑄠𑄧𑄚𑄴𑄖𑄧
𑄌𑄋𑄴𑄟
𑄥𑄧𑄟𑄎𑄧𑄖𑄴
𑄣𑄪𑄢𑄩𑄃𑄪𑄚𑄬𑄃𑄨 𑄃𑄬𑄇𑄴𑄌𑄬𑄑𑄨𑄠 𑄙𑄧𑄢𑄴𑄟𑄧 𑄇𑄧𑄢𑄴𑄟𑄧 𑄇𑄟𑄧𑄖𑄴𑅁
𑄝𑄨𑄥𑄴 𑄥𑄧𑄖𑄧𑄇𑄧 𑄥𑄪𑄢𑄪 𑄦𑄧𑄣𑄧
𑄌𑄋𑄴𑄟 𑄞𑄨𑄇𑄴𑄈𑄪 𑄘𑄬𑄊 𑄉𑄬𑄣𑄧,
𑄃𑄬 𑄥𑄬𑄢𑄬 𑄃𑄬𑄇𑄴𑄎𑄧𑄚𑄴 𑄦𑄧𑄣𑄧 𑄛𑄳𑄢𑄨𑄠𑄧𑄢𑄧𑄢𑄴𑄖𑄧𑄚𑄧 𑄚𑄋𑄴,
𑄥𑄳𑄦𑄧𑄙𑄧𑄢𑄴𑄟𑄧𑄢𑄴 𑄃𑄪𑄚𑄴𑄧𑄖𑄨𑄣𑄠𑄴 𑄉𑄧𑄢𑄨 𑄡𑄨𑄠𑄳𑄠𑄬 𑄇𑄟𑄴𑅁
𑄡𑄨𑄠𑄧𑄖𑄴 𑄡𑄨𑄠𑄬 𑄥𑄨𑄠𑄧𑄖𑄴 𑄖𑄬 𑄝𑄧𑄦𑄪 𑄥𑄨𑄥𑄳𑄠𑄧 𑄉𑄧𑄢𑄨𑄘𑄧,
𑄉𑄧𑄢𑄨𑄝𑄴 𑄉𑄧𑄚𑄳𑄠 𑄛𑄪𑄃𑄧𑄃𑄪𑄚𑄧𑄢𑄬 𑄖𑄬 𑄣𑄬𑄊 𑄛𑄧𑄢 𑄥𑄨𑄉𑄬𑄘𑄧𑅁
𑄢𑄎𑄴𑄉𑄪𑄢𑄪 𑄡𑄬𑄇𑄴𑄈𑄬 𑄦𑄧𑄣𑄧
𑄉𑄮𑄑 𑄥𑄢𑄴𑄇𑄬𑄣𑄴 𑄊𑄪𑄢𑄨 𑄝𑄬𑄢𑄬𑄣𑄧,
𑄎𑄉𑄠𑄴 𑄎𑄉𑄠𑄴 𑄇𑄨𑄠𑄧𑄋𑄴 𑄝𑄧𑄥𑄬𑄚𑄳𑄠𑄠𑄴 𑄙𑄧𑄢𑄴𑄟𑄧 𑄝𑄢𑄬𑄃𑄨 𑄘𑄨𑄠𑄳𑄠𑄬,
𑄥𑄨𑄥𑄳𑄠𑄧 𑄛𑄳𑄢𑄧𑄥𑄨𑄥𑄳𑄠𑄧 𑄟𑄨𑄣𑄨 𑄝𑄨𑄢𑄑𑄴 𑄞𑄨𑄇𑄴𑄈𑄪 𑄥𑄧𑄁𑄊𑄧 𑄝𑄚𑄬𑄠𑄳𑄠𑄬𑅁
