মন কধা:(ন’ কয়দ্যা কধা কোই পাঙর)
২০০৮ সালত এ ঘরান তুল’ অয়্যা মুই যক্কে চিগোন এলুঙ মুই দ্বি ’ চোগে দিক্খুন আমা ঘরানি পুরি যাদে। এক বার নয় সাত বার। শুনঙ রঞ্জন মণি কারবারি পারা সমুত্তুন হিলত সেটেলার বাঙালে আ আর্মিয়ে চাঙমা কাপ্পুন। সিত্তুন ধরি মর সবন এল মুই জাত্তোত্যাই কাম গরিম। সবন এল শান্তি বাহিনীত যেম। মাত্তর , শান্তি বাহিনীত যানা ন ’ অয়। কিত্তেই , মুই এস . এস . সি পরিক্কে দেদ্যা ন ’ দেদ্যা পার্বত্য চুক্তি অহ্ল। শান্তি বাহিনীউন ফিরি এলাক। পার্বত্য চুক্তি পর পি . সি . পি দ্বি কত্তা অহ্ল। জাত ভেইয়ে মারা মারি , ধরি নেযা নেযা আ মারে ফেলা ফেলি যক্যে গাভুর অই এল মুই মনে মনে ভাবঙ মুই ইক্যে কি কাম গরিম ? শেজে এক্খান বুদ্ধি জুগোল অহ্ল। মর তিরোচ বা সবন জাদত্তেই কাম গরানা। বেক্খানি ভাবি চেলুঙ , মুরত পরি আমল গরি। ভাবদে ভাবদে চাঙগে আমা দলুন অন্যন্যা দাবী পয়ধেনে দ্বি ’ মত থেলেয়্য ভাচ্চানত বেক্খুনে এক মত। সেনে ভাঝর কাম ১৫ সালত্তুন ধুরি এগামার গুরি গরি যাঙর।ইক্যে মুই গায় নয় , এক ঝাঁক সাহিত্য ক...