কী ধক্যে অক্ত
Injeb Changma · বিশ্চেচ গর’, এক্কা গম থেবার আঝায়লাই কধক কি মিলিই দিলুঙ- মিঙিনি গাঙর পারহ্’ত থিয়ে বোইয়ের’ নালে বল পচ্যে ঘামানি ভরেলুঙ, গঙের মরোঙত ধুবি ধোলুঙ দুক আ বাকভাগ্যা পাগানা রোদ’ কেলচ- তা পরে দোল ভালেদি সমাচ থিদ গরিবাত্তে আরগানি গরিলুঙ জীংকানি আহ্’দানা পত। থেলুঙ অনসুর সৎ- কাররে থগেম সে চিদে সবনতয়্য ন’ দিলুঙ জাগা, মা-ভাচ, অঝাপাত ভালেদিত্তাই কধক জাগা ঘুরিলুঙ, মাত্তর ভারি বুগত দুক লাগে - দি চোগত পনি জমে যক্যে দেঘঙ, শুনঙ- কন, চাঙমা লেঘা শিঘি কি গরিবং? সক্যে থেঙ মাদি ধঙগা ভাঙি অঘুর সাগরত যায় মিজি সমাজর রীদিসুদোম ভাঙি নিজর ভালেদি চিদে অই উদে তারে দমেবার দাঙর আ্’ত্যার- সক্যে নিজরে আর অলর গরি রাঘা যায়? নেই কন’ সিভিল ধর্যো- নেই ঈল, বানা ঝর ফুদত সান ঝুরি পরে দোল লকফক কোচপানা ভাঙি বুক আঙে সিদি পরে চেরো মক্যে আ দাগি আনে রেত সংভাগত দর গরে পা লো বান- সত্তি গরি কঙর, ইআনি দিঘি এমএন লারমা কধানিয়্য অয় ধীমে ধীমে!