এ ট্রেনিং খলাবো ফাংফগদাঙ গচ্ছে খাগাড়াছড়ি জেলা ক্ষুদ্র নৃ-গোষ্ঠী সাংস্কৃতিক ইনস্টিটিউতর মুর খাম সুনানু জিতেন চাঙমাদাঘি।আ ট্রেনার ইজেবে এল চাঙমা সাহিত্য বাহ্ গরা কমিতি জধানানু, সুনানু ইনজেব চাঙমা।
সুনানু জিতেন চাঙমা চাঙমা সাহিত্য বাহ্ কামানি বাঙিনি গরি কল’- চাঙমা সাহিত্য বাহ্ কামানি মর খুব গম লাগে। যে কামানি আমি এ জাগাত্তুন গরিবার কধা সে কামান চাঙমা সাহিত্য বাহ্ এজাল দের। এ ধগে কাম গরি যেই পারিলে ২০৩০ সালর ভিদিরে অঝাপাত্তোই সাহিত্য চচযা দাপদবা গরিবার আঝা রাঘেয়্যা।
মুমবাত্তি সান নিজে পুরি পহ্’র ছিদিবং, আগর বাত্তি নিজে আহ্’ঙি তুম্বাচ ধালিবং”- এ মুলুক কধা মুজুঙে রাঘেই চাঙমা সাহিত্য বাহ্ ২০৫০ ভিশন ওলেবাত্যা এ কামান আহ্’দত লোইয়ে। এচ্যে ২৩ জুন ২০২১ ইং বুধবার বেন্যা মাধান ১০ টা ট্রেনিং খলাবো আরগানি অলে বেল্যা মাধান ৪ টা সং থিদ’ অয়।
চাঙমা অনেই চাঙমা লেঘা ন’ পারি, চাংলা আ চাংলিশ ভাঝে ভরি যার, এ দুক্খান তোরি ন’ পারি ইরুক পিড়িউন জাগি উদিলাক। ইয়ান বাংলাদেঝত্যাই এক্কান সু-খবর।