Hillor pojjan(হিলর্ পজ্জন)

  চাঙমাউন যুক যুক ধরি নানান তচ্যা, পেরাসানি খাদে খাদে পাজা-খাজ্যাক আ রিদিসুধোম যেধক্যে অভার কধা সেধক্যে নেই কলে চলে। কধ’ গেলে কন’ উজন্দি নেই। ভাচ, ওক্কোর পাজা-খাজ্যাক সেধক্যে ফগদাঙ ন’ অহ্’র। অন্যকিত্তেদি দেঘা যিয়ে চাঙমাউনর যুদ্ধ জয় গচ্ছে দাঙর দাঙর বিজক আঘে। আঘে, বৃটিশলোই যুদ্ধ জয় গরানা বুকপাদা ধর কধা। আমি সে খজাল(বীর) সর্দার রাধামনত্তুন ইয়ানয়্য শিক্কে পেই “ চেরেচতা গরিলে যে কন’ কাম ওলেই পারে, জয় গরি পারে।” আমি সে নমিজিল্যা চিদে চেদনত্তুন জাত্তোরে সরান  দিন্যাই চাঙমা সাহিত্যরে বিশ^ দরবারত পোতপোত্যা গরি রাঘেবার আঝা-সবন দেঘি চাঙমা সাহিত্য বাহ্ এচ্যে ২০ বঝর সং নিআলসি গরি কাম গরি যার।  এ  কামানি যারা মনর, ধনর এজাল দেদন তারারে চাঙমা সাহিত্য বাহ্ ইধোত গাদে রাঘায়, রাঘেব। সমারে চাঙমা সাহিত্য বাহ্ ২০৫০ ভিশন ওলেইবাত্তে নানাঙ তপ্পেলোই (শ্রেণী) তেম্মাং গরি যার। যনি ১ ডিসেম্বরত্তুন ধরি নানান তপ্পেলোই তেম্মাঙত বোইবার কধা থেলেয়্য নানান অনটনে সে পুরে পুরে তেম্মাঙত বোই পারা ন’ যায়।  গেল্লে ১১ ডিসেম্বর ২০২০ ইং শুক্করবারেত্তুন ধরি চাঙমা সাহিত্য বাহ্ এক্কো এওজি তম্বা লংগদু আর্য গি...