ব্রিটিশরা ১৮৬০ সালত পার্বত্য চট্টগ্রামরে দগল গরানা পর চন্দ্র ঘোণারে জেলা ইজেবে ফগদাঙ গচ্ছে। সক্যে সিধু এক্কান প্রাইমারি ইক্কুল থিদ’ গরে ১৮৬৩ সালত। সে প্রাইমারি ইক্কুলত ইংরেজি বাংলা সমারে চাঙমা আ বার্মিজ লেঘা চালু গরা অহ্’য়।
আ ১৯৩৭-৩৮ সালত হারবার্ট ফ্রেডারিক মিলারে রাঙ্গামাটি হাই ইক্কুলত প্রধান শিক্ষক আ পার্বত্য চট্টগ্রামত শিক্ষা বিভাগত ডাইরেক্টর বানেয়্যা(নিয়োগ দেয়া হয়)। তে অমহদ’ ক্ষমতাবান সেনে পার্বত্য চট্টগ্রামত ডেপুটি কমিশনারার তা আঞ্জামে লয়। সক্যে তেয়্য বঙ্গপ্রদেঝর শিক্ষা বিভাগর সচিবরে তা আঞ্জামে আনি ফ্রেডারিক মিলার পার্বত্য চট্টগ্রামত চাঙমা ভাচ চালু গচ্ছে। (সূত্র: পার্বত্য চট্টগ্রামের মেলা উৎসব- শরদিন্দু শেখর চাঙমা)
১৯০০ সালাত লুসাই হিল’রে জেলা (ইরুক মিজোরাম) গরানা পর ইংরেজউনে ইংরেজি সমারে মিজো ভাচ চালু গরি ইক্যে তারা বানা ইক্কুল কলেজত নয়, বিশ্ববিদ্যালয়তয়্য তারা ভাচ্ছোই লেঘা শিঘদন।
মাত্তর আমি! বানা ১৯৬০ সাল আ১৯৩৭-৩৮ সালত নয়, পাকিস্তান আমলত ১৯৫৯ সালতয়্য পাকিস্তান সরকারে চাঙমা লেঘা শিঘিবার ইক্কুলত জু গরি দিয়্যা। দুগর কধা আমা ন’ মিজিল্যা চেলাউনে সিয়ান গজি ন’ লন। তারা বাংলালোই লেঘা শিঘিবার কোই রাজবাড়িত ঝোল গরিলাক। আর ন’ অহ্’ল মা-ভাচ্ছোই লেঘা শিঘানা।
সক্যে দেঘা যিয়্যা গৈরিকা পত্রিকাত যে চাঙমা কবিদ্যা লেঘা অহ্’য় সিউন আর বাংলাদি ভাঙি দিয়্যা অহ্’য় মাত্তর, বাংলা লেঘানি কন’ দিন চাঙমাদি ভাচ বদল অদে দেঘা ন’ যায়।
এ পর এল’ বাংলা সরকার আমল। ১৯৯৭ সালত পার্বত্য চুক্তি নিজ’ মা-ভাচ্চোই লেঘা শিঘিবার লেঘা থেলেয়্য ২০১৭ সালত এনেই প্রাক-প্রাথমিকত বই পেলাক চাঙমা, মারমা, ককবরক, গারো আ সাদ্রি চিজিদাঘি। মাত্তর আমা মানেউনর এজ’ চেদন ন’ এযে।
গেল্লে ১৩ নভেম্বর ২০২০ ইং দিঘীনালা সাধনা টিলাত শুভ দানোত্তম কঠিন চীবন দান। চাঙমা ভাচ ফগদাঙিত্যাই চাঙমা সাহিত্য বাহ্’ত্তুন ভান্তেদাঘিরে চাঙমা লেঘা চার্ট আ চাঙমা সাহিত্য বাহ্ পাবলিশার্সর তপ্পেত্তুন পত্তম ফগদাঙি “ঘিলে ফুল” আ সাঙু (চাঙমা লেঘা শিঘিবার বই) আ সমারে যার এজালে চাঙমা সাহিত্য বাহ্ ২০ বঝরত কুচ দিল সে স্বগীয় পাহাড়ীকা চাঙমা উদিজে চীবর দান গরিবার সে শুভ দানোত্তম কঠিন চীবর দানত সরিত অহ্’লাক।
রাঙা খাদিয়্য ধোনা আ বর গাঙয়্য সানা সান গরি তারা ঘিলে ফুল বইবো সিধু কন’ বেজি পারন সে আঝায় নিলাক। সিয়োত যিবে কধা পজ্জনি/সঞ্চালন এল’ সুনানু নাটোরাম চাঙমা দাঘি। তারে এক্কান কাগোজ লেঘি (বাংলা ওক্কোর চাঙমা ভাচ) দিয়্যা তারে গজে দিয়্যা অইয়ে। মাত্তর ঘন্টা পার অই যার তার কন খবর নেই। ইয়োত লেঘা অইয়ে- চাঙমা সাহিত্য বাহ্ পাবলিশার্সত্তুন পত্তম ফগদাঙি “ঘিলে ফুল” ২১ ফেব্রুয়ারি ২০২০ ইং ফগদাঙ গরা অইয়ে। চাঙমা সাহিত্য বাহ্ এ বইউন বিজি বিজি নানান জাগাত (বান্দরবান, ঢাকা, রাঙামাত্যা আ খাগাড়াছড়ি আদামে আদামে )চাঙমা লেঘা শেঘায়। ............ এ ধক্যে গরি লেঘা অইয়ে।
পরে তারলোই আর ফুরমারা অলে তে কল মুই পড়ি ন’ যানঙ। পরে তারে আর’ মুয়েদি কোই দিলং, এ এ কারণ................। পরেদি আদলং পাদলং গরি কোই দিল- এ ঘিলে ফুল বইবো কন্না কন্না কিনিবো কিনি পারিবা।
এ চ’ বাপ ভেই - মা বোন লক! দুচ কারে দিবং? আমি কত্তমান নিজরে কোচ পেই? মুরত পরি, আমল গরি ভাবি চ’। ভাবিবার সময় এস্যে। কয় বার ভুল গরিবং? আমি বেগে খবর পেই- “স্বীয় ঐতিহ্য, ভাষা, সাহিত্য ও সংস্কৃতির মাধ্যমে একটি জাতির অস্তিত্ব রক্ষা হয়।”
এচ্যে মর পরম পূজ্য, ঝু ঝু পিয়্যা লাক শ্রীমৎ বুদ্ধ বংশ ভান্তেদাঘিরে এধক্যে মা ভাঝে লেঘা দেঘি আমি বুক অজল গরি কোই পারির- এচ্যে নয় কেল্যা খামাক্কাই পুগ মোন মাধাত রাঙা বেল আহ্’জিবো।
কোন মন্তব্য নেই:
একটি মন্তব্য পোস্ট করুন