সেধক্যে এক্কো মানেই পান্নো মা কধা কোই যায়। প্ল্যানিশনত পান্নো বাপ নাঙে এ মানেব’ থেদ’। তে একদিনে জুমচাব বেড়া যিয়্যা, কা ধানান বেচ দোল অয়্যা সে পোইদ্যানে। সোনার রঙর পাগানা ধানানি পিবির পিবির বোইয়েরে নাজে, মোন-মুড় ঝিমিত ঝিমিত জ¦লের সে সোনার রঙর পাগানা ধানর রঙে। তে নাঙেল পিদিত্তুন চেই আঘে। পাগানা ধানর তম্বাজে তা মনান আহ্’ওল-পাওল অই উদিল’।
অক্তমজিম ঘরত ফিরিল’। পান্নোমা নোন্যাশিল কুও জুর’ পানি কুত্তিবো আ দাবাবো বাজেয় আনি দিল’। লারে লারে দাবাবো তানে আ গপ দেও পান্নোবাবে। শিরেবো কাচ্ছোল’। চাইদ্যে শিরেবোত্তুন এক্কো ধান পচ্চে। খুইপ দোল। রূপ রঙর সান। দোলে খুউপ ফিরে ফাগে চেলাক দ্বি জনে। মাত্তর সিনি ন’ পারন। পান্নো বাবে মনে মনে ভাবের জুমত খুজিলে ভারি দোল অভ’। তে, পান্নো মারে ধান্নোরে দোলে সুমরি থোবার কুজোলি গরিল’। পান্নো মা দোলে সুমরি তল’।
অক্ত এনেই জুমত কাবি, পুরি, আরা কারি, আনুনি সুলি সে ধান্নো কুজিলাক। সে ধান্নোত্তুন ১৫/২০ বো ধান গাচ উদিলাক। সিত্তুন যা ধান পিয়োন সিউন বেক্কুন বিচধান গচ্চোন। তা মুজুঙে বঝর সেধক্যে গরি জুমত কুজিলাক। ইক্যে গরি ৪/৫ বঝর যাদে যাদে ৩০/৪০ আরি ধান উতপন্ন উয়োন।
সে ধান্নো এল’ বিনি ধান। নরম, তুম্বাচ, খাদে খুউপ গম। আদাম্যা-পাড়াল্যা মানুচ্চোনত্তুন আওচ এই যেল’ সে ধান্নো বীজ গরিবার। তারা সে ধান্নো নাঙান দি ন পারন। সেনে পান্নো মাত্তুন সে ধান্নো আনেøান কেনেই পান্নো মা বিনি ধান কন’। এচ্যে এ নাঙে এ এক্কো ধানত্তুন গোদা পিত্তিমিত ছিদি পজ্যে। আ সমাওে পান্নো মাও বিজক অই আঘে।
এ যে চেদন। এক্কো ধানত্তুন এচ্যে গোদা পিত্তিমিত। তে এ মানেইবোত্তুন আমার শিক্’খে লদে সালেন দুচ কি? সালেন আমি কি ন’ পারি আমা অঝাপাত্তো কোনা সেরেত্তুন নিঘিলেই বেগ বুগত, চিদত ছিদি দি’? তারা দ’ বেক্কুনদোই কুদুম জুরিবার দরপরাদন। ক’ দিন আর আন্দারত থেবাক। তারা দ’ পিত্তিমিআন ঘুরিবার সবন দেঘন। আঝা আঘে মানেউনর নিশুলি বুগত আহ্’ভর খেই সাতনাল সুধোলই বেড়াবেজ্যা গরি থেবার।
চেদন মানুজর দাঙর আহ্’ত্যার। চেদন নেই আমাত্তুন। সপ্পানত বানা লাভ তোগেই। লাভ ছারা কিচ্ছুন ন’ বুঝি। স্বার্থপর দুনিয়েত কারে কি বা কব’। নক অজল গরি কোই আমি বুদ্ধ জাতি, যুনিও জাদে চাঙমা অই। বুদ্ধ দ’ চাঙমা জাদত্তুন। রাজ কুমর এল’। এ রেজ্য, রাজ প্রাসাদ কিচ্ছু গম ন’ লাগি মানব মুক্তিত্যাই রাজ ঘর, দোল মোক, পুঅ আ ইত্তোকুদুম নিশি রেদোত ফেলে যেল’। সিয়ানও মানবর ধর্ম বৌদ্ধ ধর্ম বানেল। সে চাঙমা জাত অই আমি বানা লাভ তোগেই। এ লাভ তগানত্যাই এচ্যে আমি কুধু পুরি আঘি ভাবদে আনউদোর লাগে। অথচ দেঘি চোগ’ মুজুঙে পিত্তিমিআন নিজর আল্যাক (সাহিত্য), রিদিসুধোমলই মুঝুঙে আক্কোই যার। সে জাগাত আমি নিজত্তুন ওক্কোর, ভাচ থাগত্যা পর দোলে দোল অবার চেই। নিজ’ গীত থাগত্যা পরর গীত দাত ভাঙি জিল বেঙা অহ্’য় সং গলা ফাদি পেলেই। ইক্যে অহ্’ল কি চুচ্যাঙ্যা কা দাঘিরে মাদাদে দাত ভাঙি যেবার অক্ত। সেনত্যাই আমি পিচ্চে পরি, লেম পুরি আঘি। দেঘা যায় আমার বানা মুও ধাপ, মনর ধাপ নেই। নেই গরচ। সরকাস্যারে চেই থেলে কি আমি আমার জাদর লেঘা থিদব্বরী গরি পারিবং? তে দ’ মনে পরানে চেরেচতা গরি যার আমারে তারার জাদর সমারে মিজে দিবার। সিয়ান দিঘির, পারির বুঝি। সালেন মন পুজোর এযে কিত্যা এধক আহ্’ত থোঙ আঙুরো গরি চোক ফ্যালে ফ্যালে চেই আঘি? এ মেইত ন’ বুঝি না অয় চেদন নেই। দ্বিয়ানত্তুন এক্কান দুরি পারির। না মুই সিয়ান কদুং ন’ চাং। মুই কোম ক্যাপিটালিজমে আমারে লেদারা পুক সান খেই যার। এচ্যে সমাজর তেঙা বলা মানুচ বহুত দেঘা যায়। তারার মদ ভাঙ খাদে তেঙা থান মাত্তর এক্কো জাদর সাহিত্য বই কিনদে তেঙা ন’ থান। আ কন’ সাহিত্য জধারে মনত্তুন ছাগি তুলি কি ধন’ এজাল, কি মন’ এজাল ন’ দ্যুন। বানা মুঝুঙত পরিলে দোল কাম কোই তারা দায় ইরি যান। ইয়ানও আমা জাদও ফাজা অই এল’। এ ক্যাপিটালিজমত্যাই পিত্তিমি বুগত ১ম আ ২য় বিশ^ যুদ্ধ গমি যেল’। অমার সমাজত বারবাঙানে ঘর লাড়েই অই যার। যা আমা জাদত্যাই শুভ নয়। আমারেকি প্রেসিডেন্ট জন এফ কেনেডি কোইয়ে,
ÒAsk not what your
country can do for you, ask what you can do for your cantry..(দেচ তরে কি দি পারে ইয়ান পুজোর ন’ গচ্ছো তুই দেচ্ছানরে কি দি পারচ ইয়ান ভাব’)” এ কধাআন নিশুলি বুগত আহ্’ভেওে আমাত্তুন কাম গরি যা পরিব’। নিজ’ কধা নয়, দেচ আ সমাজর কধা ভাবি মুজুঙে আক্কোই যা পরিব’। দেচ বাজিলে সমাজ বাজে, সমাচ বাজিলে মানেই লক বাজন আ ওক্কোর, ভাচ, আল্যাক (সাহিত্য), রিদিসুধোম (সংস্কৃতি) থিদব্বরি অলে সমাচ মুজুঙে আক্কোই যায়। সিত্তেই নিজ’ ওক্কোর, ভাচ, সাহিত্য সংস্কৃতি ধরি রাঘান খামাক্কায় গরচ অই পচ্যে এ অক্তত।
কোন মন্তব্য নেই:
একটি মন্তব্য পোস্ট করুন