এত্থে এল এক রাজা। তার কন’ রাজকুমর আ কুমরি ন’ এল’। একদিন শিগেরে যেনেই এক্কো মিলে ছ’ ঝারত ইদু পেল। পেনেই ভারী খুজি রানিয়্য। খুজিয়ে রাজঘরত দাঙর এক্কান তামাশা অই যেল’।
সে মিলে ছবোরে তারা রাজকুমরি সান দাঙর দিঙর গরি গাভুর গরিলাক। ইক্যে বো দিবার অক্ত এনেই রাজা রাজ দাগি কল’- “এ পিত্তিমিত বেগত্তুন বেচ শক্তি, তেজ বলা তারলোই রাজকুমরিরে বো দিম”। মাত্তর, দিন, মাচ, বঝর ভিদি যেল’ কন’ জনে কু ন’ ধরন। সিত্তেই একদিনে রাজা মনে গরে বেগত্তুন বেচ শক্তিশালি বেলান। সে বেলানর ইদু যেল। বেলানে রাজা দিঘি ঝু জানেল আ কল- “কর্তা, কিত্তে এলে নিনা?” রাজা কল- এ পিত্তিমিত ম’ চোগত তুই বেগত্তুন বেচ বলি তত্তুন খামাক্কাই ম’ রাজকুমরিরে লোই পরিব। বেলান কল- কর্তা, মুই বলি নয়। মরে কাক্কে ঘেক্কানি ধাগি দে। সেধক্যে অলে তুই ঘেক চাগা ইদু যেই পারচ। রাজার মেক চাগা ইদু যেল আ তার মন তিরোজ’ কধা ভাঙি কল। মেক চাগাবো রাজা কধা শুনি কল- কর্তা! রাজকুমরিরে পানা দাঙর এক্কান ভাগ্য। ত’ কধা শুনি মুইয়্য খুজি। মাত্তর! পবনে মরে কাক্কে এ মাধাত্তুন ঐ মাধাত গরি রাঘার। তা সমারে বলে ন’ পারঙ। তুই পবন ইদু যা কর্তা।
রাজা পবন ইদু যেল’। পবনে কল- কর্তা মুই বেক্কানি ভচ গরি পারিলেয়্য মোনরে ধোজ্যা দি ন’ পারঙ। রাজা মোন্নু ইদু যেল। মোন্ন কল- মরে বাচউন্দোরবো ভেদা ভেদা গরে। রাজা আর’ বাচউন্দোব ইদু যেল। বাচউন্দোরব কল- মরে সাওতালুনে খান। শেজে রাজকুমরি সাওতাল ঘরত বো যেল। পরে রাজা খবর পেলদে সে রাজকুমরি এল সাওতাল ঝি।
ও ভাপ ভেই - মা বোন লক! আজলে আমিও কি পরাকবাল্যা জাত? বার বার কেনে আমি সে জাগানত আজার খের? বেক্কানি বুঝি পারি, কোই পারি, শিক্কে দিক্কেয় আগত্তুন ইক্যে বেচ ভালেদি অলং। কিত্তেই এধক ভুল গরির? সং অই ন’ পারির কন’ জাগানত? পরা খেলং, ধরা খেলং, লেঙ অলঙ, বেক আহ্’রেলং আর কি আহ্’রেবার চেই। দোল এ হিলচাদিগাঙ ছড়াছুড়িত পানি ন’ গঙায়, গঙে যাই জাত ভেইয়োর লো, মা-বোনর চোগপানি। ইত্তুন বেচ কি দুক থেই পারে? আঘে কধাক- ঝারত গেলে বাঘে খায়, ঘরত থেলে মগে পাই আ ইক্যে!!! ….??? সিত্তেই মুই দাগি বেড়াং - আমি সে ধুও ভাঙা পেইক, ...............................।
কোন মন্তব্য নেই:
একটি মন্তব্য পোস্ট করুন