আভিল্যাচ

এত্থে এক আদাম। দিঘলী আদাম নাঙ তার। সে দিঘলী আদামত এল’ পরানি মা নাঙে এক্কো রানি মিলে। পরানি ক্লাশ ফাইভত লেঘা পরের। বেন্যা যাদি ঘুমত্তুন উদি তারা ঘরর কায় কুয়োবত্তুন পানি আনি দি’ কাম যেল’ পরানি মা।
ইন্দি পরানি বেন্যা এক্কা এক্কা বেল ছদক ফুদি এত্তে সানাত অংক গরের। অংক গত্তে গত্তে চাইদ্যা ভাত রানিবার অক্ত খরেই যার। তে কিজেখিচ্যা গরি ভাদে’ তাবাবো পাহ্’ত দিল’। মাত্তর ছরবো ধাগিবার ইধোত ন’ এল।এনে এনে আর অংক গরা বল’গি।
সে ভাদ’ তাবা যে পিলেবোলই দিয়্যা সিয়োত এক্কো বেঙ এল। পানি আন যক্যে এক্কা এক্কা গরম অই এযের বেঙগোই চিদে গরের ঝাম দিন্যাই যেব নিনা? আর ভাবেব না কাক্কে তে যেম্মোই। এধক্যে গত্তে গত্তে পানি আন যক্যে বেচ গর অল’ ফুদিল’ সক্যে তার ঝাম দিবার বল নেই। এনে এনে সিয়োতও বেঙগো মরি যেল’।
ও ভাপ ভেই-মা, বোল লক! আমা দজায়্য কি এ বেঙগোই সান নিনা? আমি কক্কে নিজ’ জাত্তোরে কোচপেবং, নিজ’ দেচ আনরে কোচ পেবং? না’ এ বেঙগো সান যক্যে বল থুম অভ’ সক্যে তে বুঝি পারিবং।

তুমি খবর প’? হিল চাদেগাঙ এ ধক্যে ন’ এল’। এ মিঙিনি বামত এধক্যে মানুচ ন’ এলাক। ইআন এল’ রিজেপ। বাক, ভালক, অহ্’রিং, চোঙরা, সাপ, পেইক বেক পরান বলাউন এলাক। এল’ এ্যাইল তারুম ঝার। ছরা-ছরিত পানি এল থেইপ থেইপ্যা। আ মাচ কাঙারা ঝালব্বর।
মাত্তর ইক্যে! বেক সাজা! মোন মুরহ্ তাককুল। ছরাহ্-ছুরিহ্ সাজা। এধক্যে গরি আমা মা-মাচ, ওক্কোরুনয়্য সাজা যাদন। এচ্যে যারা পর্বো
য়া তারা নিজ’ আমনর মা-ভাচ, শিঘিবার এধক ধরপরানা নেই। বেচ গরি দেঘা যাই যারা চাগুরি গরর তারার এক্কান কধা মরে ভারি বিচ লাগে দের -“চাঙমা লেঘা, নিজ’ লেঘা শিঘান দরগার মাত্তর! মুই শিঘিবার সময় ন’ পাঙ।”
মুই তারারে কোম- তুমি নিজ’ জাত্তোরে কোচ ন’ প’। জাদর কধা, দেঝর কধা ন’ ভাব’ সেনে তমার শিঘিবার সময় ন’ প’।
এধক্যে গরি তরেই যেলে কারত্তুন কিঝু গরা ন’ পরিব’ সে বেঙগো সান কাক্কে কাক্কে গত্তে গত্তে ইয়োতও পরান থুম অভ।