বিঝু মানে বানা সুক নয়, থেপ থেপ চোগ’ পানিয়্য -দাঙগু ইনজেব চাঙমা

ক্যাপশন যোগ করুন

এচ্যে ১২ এপ্রিল ২০১৮ বাংলাদেজত ফুল বিঝু। কেল্যা মুর বিঝু পরে গজ্জে পচ্যে দিন। এ তিন দিন চাঙমাউনে বিঝু নাঙ দিলাক। তিবিরেউনে কন বৈসুক আ মারমাউনে কন সাংগ্রাই। আঘ দিনত বিঝু এলে চাঙমাউন খুজিয়ে তুবোল বেই যায়। থেয়্যা, নাধা বেগর মনত খুজি তুবোল ফাগোন’ আভা ধক বেই যার। মাজনউনে তারা খরাবি অজন রাঘেই বাঘি ধানুন ঘরে ঘরে ভাক গরি দুন ভিলি আমি এয বুড় বুড়ি মুহত্তুন শুনি। ভেইয়ে ভেইয়ে কধক দোল কোচপানা জীংকানি এল, এল আলুল্লো দুলুল্লো। কন’ জনে দুগত থেলে বেগে তারে এজাল দিদাক। মাত্তর ইক্যে! আমি তিবিরে রেয্যত এমএলএ দাঙগু সম্ভু লাল চাঙমা গান্নুত্তুন বেক অনুমান গরি পারি আমা চাঙমাউন কুধু কেনঝান আঘি। মা পেদত জাগা পেয় মাত্তর, পিত্তিমিত জাগা ন’ পের। সেনে দাঙগু সম্ভুলালর আভিল্যাচ -

পরা কবাল মহ্র বেড়েয়্যা মনান,

ন’ দ’ চাঙ তুয়োদ’ মুই, নিত্য বেরে পাঙ। ২

এ দেজত্তুন উদেজত উদেজত্তুন উদেজত

বানা বেরে পাঙ।

পরা কবাল মহ্র।ঐ

কন্না বুঝে ম’ ধক্যে, কন্না চিদে গরেহ্

কাপ্তে গধায় বর পর’ঙি বানেয়ে মরে্ \২

ডুবে দিল ভূই সাগিন ডুবে দিল স্ব সমবল

আহ্রি নিল ইত্তো হুদুম রাজ ঘরান্নো পানিত তল\

পর কবাল মুই সেনে

মুইদ’ মরে কঙ

লংগদু ঘরানি পুরি দেনা পর এধক্যে গরি ঝুপুর বানি আঘন।

মুইদ’ মরে কঙ।ঐ

ও! বর পরঙদ’ অরম্ননচলত ১৯৬৪ যিয়োন, খালিক এযবো..!

ছি ছি ঘি ঘি কোইনেই মরে ধাবে দুন

যাগোই যাগোই কোইনেই তারা জাগায়্য ন’ দুন\২

আহ্জি যিয়ে গিরিত্তি কধক সুগর,

সুক নেই সুক নেই ঘরত ভিলি ভেইউন  কোল গরন\

পর কবাল মুই সেনে

মুইদ’ মরে কঙ

মুইদ’ মরে কঙ।ঐ

এচ্যে ফেসবুকত দেঘা যিয়ে, ফুলে ফুলে গোদা পিত্তিমিআন রাঙেয়্যন। মনে কয় কন’ দুক নেই। আজলে আমি বেগে খবর পেই লংগদু[1] কধা। বানা সিআন নয়! বাংলাদেচ আমল পচ্যে ধরি কন’ বিঝু দোলে দালে ন’ কাদে। তিগুচ্যা আগাজর কালা মেঘ সান এক কিত্যেদি নয় এক কিত্যেদি এ্যাইল আগাচ্ছানরে কালা মেঘে

দিঘিনালাত ফুল ভাজানা

ঢাগি থায়, জুম্মউনর ভাগ্য। লংগদুত চাঙমাউনর ইক্যে ঘর নেই, অন বিঝু পালেদাক, ফুল ভাজেদাক। তারা বিঝু ন’ পালেবার রাজ দাগি দাগি কধন। মাত্তর, দুগর কধা আমা কানত কি সমে?

বিঝু দ’ আজার দুগ থেলেয়্য এক্কা অলেয়্য মনত সুগ এযে। মাত্তর, সে সুক এধক গরেঙ নয়। তক পায়। আ দুকআন! মুর, গরেঙ। অন’ তক ন’ পায়। অনসুর বুক আঙে, তুজ’ আগুন সান আঙি আঙি যার। এচ্যে ফুল ভাঝানা অই পারে যাহাতে ১৪২৫ (বা:) বজরবো দোলে, সুগে কাদে যানা বর মাগানা এক্কান জু। বানা কি সিআন! এচ্যে পার্বত্য চুক্তি বাস্তবায়ন ন’ অনার আমা নেতাউন চের কত্তা অই ভেইয়ে ভেইয়ে কোল বাজেই হিলত লো নাল বোই গেল। ভেইউন ন’ কলেই বোনুনরে আহত তুলির। সিত্তুন সরান পেবার বর মাগানা এচ্যেএক্কো দিন।

বানা কি বর মাগিলে পায়, নিজ’ মনান পুরিষ্কার ন’ থেলে? লোভ দ’ বেগর থায়, চাহিদা বেগর থায়, আমা চাহিদাআনি আমা কধা ন’ শুনের। আমারে যোক্কো পাগলে ধচ্ছে পা ধরি যিয়ে। সিত্তেই আমি আমি ধালি ধালি দি দি গরির। কধক কা পেরাজার খেবঙ? কা পেরেজার কধক আ গায় সয়েবং? জাত ভেইয়োর না অন্য জাদর পেরেজার।

যা ওক, জাদর যনিু দুগর সাদা থায়, জাত্তো যুনি অক পদত থায় সালেন একদিন সুক পেব। এ সবন আ আঝা বুক বানি এ বিঝু আ নুয়ো বজর ওক জাদর মুক্তি বিঝু আ বজর। বেগর মঙ্গল ওক।  

---

[1] ১০ মাস আগে ২ জুন ২০১৭ খ্রি:নয়ন নাঙে এক্কো বাঙাল খাগাড়াছড়ি চে মেইলত কন্না মারে ফেলেস্ন সে পয়ধেনে পুরি দিয়্যা অয়্যা তিনান আদাম(বাত্যা পাড়া, তিন তিলা, মানিবিছড়া)। তারা কন বাবত্যা এক্কা ঝুপুর থাঙে থাঙে আঘন।

মন কধা:(ন’ কয়দ্যা কধা কোই পাঙর)

২০০৮ সালত এ ঘরান তুল’ অয়্যা

মুই যক্কে চিগোন এলুঙ মুই দ্বি’চোগে দিক্খুন আমা ঘরানি পুরি যাদে। এক বার নয় সাত বার। শুনঙ রঞ্জন মণি কারবারি পারা সমুত্তুন হিলত সেটেলার বাঙালে আ আর্মিয়ে চাঙমা কাপ্পুন। সিত্তুন ধরি মর সবন এল মুই জাত্তোত্যাই কাম গরিম। সবন এল শান্তি বাহিনীত যেম। মাত্তর, শান্তি বাহিনীত যানা ন’ অয়। কিত্তেই, মুই এস.এস. সি পরিক্কে দেদ্যা ন’ দেদ্যা পার্বত্য চুক্তি অহ্ল। শান্তি বাহিনীউন ফিরি এলাক। পার্বত্য চুক্তি পর পি.সি.পি দ্বি কত্তা অহ্ল। জাত ভেইয়ে মারা মারি, ধরি নেযা নেযা আ মারে ফেলা ফেলি যক্যে গাভুর অই এল মুই মনে মনে ভাবঙ মুই ইক্যে কি কাম গরিম? শেজে এক্খান বুদ্ধি জুগোল অহ্ল। মর তিরোচ বা সবন জাদত্তেই কাম গরানা। বেক্খানি ভাবি চেলুঙ, মুরত পরি আমল গরি। ভাবদে ভাবদে চাঙগে আমা দলুন অন্যন্যা দাবী পয়ধেনে দ্বি’ মত থেলেয়্য ভাচ্চানত বেক্খুনে এক মত। সেনে ভাঝর কাম ১৫ সালত্তুন ধুরি এগামার গুরি গরি যাঙর।ইক্যে মুই গায় নয়, এক ঝাঁক সাহিত্য কাম্মো জুগোল অহ্লাক। বেগর চোগত মুহ্ত সবন চাঙমা সাহিত্যরে পিত্থিমীত বুগত ছিদি দেনা, বিশ্ব সাহিত্য ইজেবে চিনপুজ্যে গরানা। এ ধগে কাম চলি যার। বেগে এচ্যা বুড় মা-বাপর কধা ন’ ভাবি, চাগুরি কধা ন’ ভাবি, আমনর ঘর সংসারর কধা ন’ ভাবি বানা বানা দেচ্ছানরে আ জাত্তোরে কোচ পেনেই, লেঙে লেঙে, ফোঃপে ফোঃপে, অনা ভাদে নিআলঝি গরি কাম গত্তন।
ইক্যে ইয়োত আর’ কধা উদের। যা হিলত বুগত পিড়ে দে। কুচি কজমা বুগত তুজ’ আগুন আঙে। সালেন, মা মেদিনী কেনে, কারে নিনেই বুক বানিবো? ইয়ানি আমা নেতাউনত্তুন বুঝা পরিব। বেক্ পার্টি কর্মিউনরে দৃষ্টিভঙ্গি পয়ধেনে অনতত তিন মাজে একবার অলেয়্য ক্লাশ গরানা দরগার। নানাঙ বই পরানা দরগার চিগোন দাঙর কর্মীউনত্তুয়্য। সক্যে মানুচ দোলে চিনি পারিবাক।কধা ন’ উদিব। না’ অয় আমি আর’ দোল দোল পুঅ আহরেবঙ। কধা আঘে, যা যিয়ে জলের ভাজি যা আঘে লুহর আহ্জি। ইক্যে যারা বাজি আঘি, বেক্কুনর ইদু মর কুজোলী যারা সাহিত্য কাম গরত্তন তারারে সাধীনতা দেনা দরগার। মর বিশ্চেস তারা কাররে ক্ষতি ন’ গরিবাক বা সে ধক্যে চিন্তে নেই তারার। তারার এচ্যে দ্বি চোগত ঘুম নেই ইআন ভাবিনেই, মেলোচ মা ভাচ্ছানরে কেনে মদঙমাধাঙ গরিবাক। তারার চোগত - মুহ্ত সবন লুদুঙ মরা সহিত্যরে কেনে পিত্থিমীত ছিদি দিবাক। ইআন বাদে তারা কন সবন নেই।
এধক্যে সবনত্তুন আমি ২০ আজার চাঙমা লেঘা শিঘিবার বই হিলত মাগানা ছিদি দিবাত্তেই এক্কো “সাঙু- ২০১৭ ফগদাঙি পরিষদ” নাঙে জধা বানিলঙ। তা কাম বানা Sponsor তোগানা। আমি ২০ আজার জাগাত ৬ আজার বই ছাবেই পাচ্চেই।যারা এ বইবো ছাবাদে তেঙা এজাল দিলাক তারারে ইধোত গাদে রাঘেয়্যাই আ ভালেদি – পাত্তুরুতুরু জানের। ইক্যে সে বইয়্যন ছিদি দি ন’ পারির। কেনে কি গরিবং? দিঘীনালা, খাগাড়াছড়িম পানছড়ি, মালছড়ি আ রাঙামত্যা (জেলা পরিষদ) পত্তিক জন প্রতিনিধি দুয়োরত হুচ দিলং। কন জন প্রতিনিধি আমারে তেঙা ন’ দিলাক। তারা ইধু যাদে যা Sponsor দাগনিত যে তেঙা পিয়েই সিত্তুন ২০ আজার খরচ অই গেলাক। মাত্তর দুগর কধা অহ্লদে আশুতোষ দা(৫০০০) আ শতরুপা দি (৫০০০)বাদে কারজনরে উদ ন’ পেই। এমন কধা শুন্নেই “ম’ ঝিবো জন্ম দিন পেলে দি ন’ পারঙ আ তমারে.........” ।
শেজে বাবা মরে সেগুন গাচ বিজি বাত্তে হুম দিল। ৩২ গড়া। এ কামত্তেই নয়। ম’ ঘরান তুলিবাত্তে আ পোহরবো বানিবাত্তে। ২একর ৪০ ডিসিমেইল ভূই(বিল) আঘে সিয়োত গদা দিবাত্তে। মাত্তর, দুগর কধা বাবারে পরাহ্ দিলুঙ। ঘরত কামত ন’ লাগেই চাঙমা লেগা বইউন ছিদিদেনা আ চাঙমা লেঘা সার্টিফিকেট কোর্স আ কবিদ্যা জিতবাদত কামত লাগাঙর।

মিঙিনি চাগালাত পল্যে কবিদ্যা জিদিজিত্যে ফাংশান

চাঙমা জাদর বিজক যুনি রিনি চেই সে কালা মোন-মুড় সেরে রানি কুওত পচ্ছে বেল’ ছদক’ সান দেঘা যায়। বেল দুবন্দি এক্কা এক্কা বেল’ছদগে ঝিমিত ঝিমিত গরি জ্বলে সে ফেলে এস্যেই জীংকানি লামা। সে পূর্ব পুরম্নষর কধানি এস্যে ফাগোনোর মিধে মিধে বোইয়েরে কানে কানে কোই যায় তারার কধা। মাত্তর সে ভাচ বুঝ’ ন’ যায়।

সে রানি কুও সান নিঝেনী সেরে সেরে আমারে তিগুচ্যা ইধোত তুলি দ্যা আমা আদি ঘরপাদা জাগা চম্পক নগর। সে চম্পক নগরর চম্পকলিসমুত্তু ধর্মরাজা সাধেংগিরি, দেচ জয় গচ্ছে রাজা বিজয়গিরি আ কজাল(বীর) রাধামন, যারার আহ্ধানাত পিত্তিমীত ভুজোল বায়,

যারার কধাত হুয়োঙ গুজুরে, যারার রেঙে থুপ থুপ ফুল ফুধন, যারা লাড়েই গত্তে গত্তে লুমি গেলাক রোয়াং দেজত।

সে জয়র দিনুন ইধোত তুলি তুলি, মুজুঙে আক্কোই যাদে যাদে

এচ্যে চাঙমা সাহিত্য বাহ্ ১৮ বজর বয়োজত পত্থম মিঙিনিত চাগালাত দাঙর বিদ্যা ঘর দিঘীনালা ডিগ্রি কলেজত ‘‘কবিদ্যা জিদিজিত্যে ফাংশান’’ জুগোল গরিলং।

তুদি ইনজেব চাঙমা

দগিন পচিমেত্তুন
কালা মেঘে ঢাগি আনের
হিলর এ্যাইল আগাচ্ছান,
কি অহ্ভ’, কি গরিবঙ
ঘর দুয়োর চেলে ভাঙা ভাঙা।

বাদিয়্যা কয়দ্যা আশি,
জারোলে কয়দি শত,
কুমোজো গাচ্ছো দাগি কয়
কেল্যা কধা আন এচ্যা কি কচ?
১৯৮৩ সালত,
সে কুমোজো গাচ্ছো কাবি দিলাক,
ইক্যে,
চিগোন-চাগোন গাজে বাজে
থান ন’ মানের আর।
যে গাজ’ ফুলত্তুন ফল ধরি
উদিবাক নুয়ো গাচ,
সে গাচ্ছো আহ্ধ দিলে
দাঙদাঙ্যে অহ্ভ হিল চাদেগাঙ।
সক্যে,
কন’ গাচ-বাচ ন’ থেলে
কোই অয় মুরুভূমি,
কন’ পরান বলা বাজি ন’ পারিবাক
যা পরিব’ এদেচ সারি।
ভাবি চ’ বুঝি চ’ মুরত পরি,
খামাক্কাই,
মিলে জাত্তো বাজা পরিব।
ইআন মর বেগ ইধু তুদি।

রাঙামাটিতে ইউপিডিএফের সহযোগী সংগঠনের দুই নেত্রীকে অপহরণ

  রাঙামাটি প্রতিনিধি ১৮ মার্চ ২০১৮, ১৩:৫৯ | অনলাইন সংস্করণ

947Shares

রাঙামাটি সদর উপজেলায় ইউনাইটেড পিপলস ডেমোক্রেটিক ফ্রন্টের (ইউপিডিএফ) সহযোগী সংগঠনের দুই নারী নেত্রীকে অপহরণ করেছে দুর্বৃত্তরা। এ ছাড়া যুব ফোরামের সভাপতি ধর্মসিং চাকমা গুলিবিদ্ধ হয়েছেন।
রোববার সকালে রাঙামাটি-খাগড়াছড়ি সড়কের পাশে অবস্থিত একটি আবাসিক এলাকায় এ ঘটনা ঘটে। ঘটনার পর থেকে এলাকায় থমথমে অবস্থা বিরাজ করছে।
অপহৃত দুই নারী হলেন- মন্টি চাকমা ও দয়াসোনা চাকমা। মন্টি হিল উইমেন ফেডারেশনের কেন্দ্রীয় কমিটির সাধারণ সম্পাদক আর দয়াসোনা ফেডারেশনের রাঙামাটি জেলা শাখার সাধারণ সম্পাদক।
জানা গেছে, সকাল ৯টার দিকে আবাসিক এলাকার একটি বাড়িতে ওই দুই নারী নেত্রীসহ যুব ফোরামের সভাপতি ধর্মসিং চাকমা ও রাঙামাটি জেলা শাখার পাহাড়ি ছাত্র পরিষদের সভাপতি কুনেন্দু চাকমা খাওয়ার প্রস্তুতি নিচ্ছিলেন। এ সময় ৮-১০ জন অস্ত্রধারী হামলা চালায়। দুর্বৃত্তরা ওই বাড়িটি পুড়িয়ে দেয়। দুর্বৃত্তরা গুলি ছুড়লে ধর্মসিংয়ের পায়ে লাগে।
কুনেন্দু চাকমা বলেন, আমরা চার কর্মী বাসায় খাওয়া-দাওয়া করার জন্য প্রস্তুতি নিচ্ছিলাম। এ সময় হঠাৎ করে আমাদের ওপর হামলা চালায় ৮-১০ অস্ত্রধারী। আমি ও ধর্মসিং পালিয়ে যেতে সক্ষম হই। ধর্মসিংয়ের পায়ে গুলি লাগে। তাকে চট্টগ্রাম মেডিকেল হাসপাতালে নেয়া হয়েছে।
এদিকে এ ঘটনার প্রতিবাদে সকাল ১০টা থেকে রাঙামাটি খাগড়াছড়ি সড়কে ইউপিডিএফের সদস্যরা অবরোধ পালন করছেন।
অপহৃত দুজনকে উদ্ধারে তৎপরতা চলছে বলে জানিয়েছেন রাঙামাটি কোতোয়ালি থানার ওসি সত্যজিৎ বড়ুয়া।