কালা মেক

ইনজেব চাঙমা চারু

“ন’ চাঙ যেবার জাগান্ ছারি ইধু আঘং জনমান গরি........।” চাঙমা জাদর চাঙমা গানর বাজি থিয়ে বিজক, সুনানু রনজিৎ দেবানর এ গান্নু কিত্যাই গিয়্যা মুই মনে মনে আমল গরি ভাবং ইরুক দিনর দিন মাধান ভাবিনেই। ভাবং, সে অক্তত কধক সুগে এলাক, এলাক জধাবল। ন’ এল কন রাদ। ন’ এল চিদে’চর্চা। রেত-বেল্যা নিপরভা গরি ঘুরিহ্ পারিদাক আদাম দিঘোলী। নি’চিন্দে দুওর খুউলি ঘুম যেদাক নাক দোগরে দোগরে। মোন-মুর’উন এলাক বলা - এ্যাইল। ছরা’ছরি এল ঝলপল্যা - মাচ, কাঙরা ঝালাব্বর। বেল ডুবিলে, সাচ লামিলে পোতপোত্যা জুন পহ্’র ফুদিলে মোন আদামত চিঙে, কেঙগরঙ আ ধুদুক্ র’য়ে ভরি উদি দ’। গাবুয্যা-গাবুরীর আজিয়ে গুজুরী উদি’দ হুয়োঙ। সে আলুল্লো-দুলুল্লো, দিয়োন-সিয়োন, সাত্ নাল্ সুদলোই বেরেয়্যা সুগর কধা রিঝেঙর ছরা পানি নালে চর চর গরি বেই যেই বর গাঙর মিজি পেইখ কিজিক-কাজাকর ঘুম ভাঙি যেদ’ মুরুল্যা দেঝর (হিল্’চাদেগাঙ) মানেইউনর। মনর সুগে, চিদর সুগে, আজি-রঙে, উচ্য’পুচ্য কামত যেদাক।

অভাব অনটন ন’থানার সমাচ এল পহ্ন-ঝাঙঝাঙ্যা। কন জনে বেনালত থেলে বেগে উজে এ উদ্দোর গরন। হিংসে-পিজুম্ ন’থানার বিচের আচার নেই কলে চুয়াই। আদামর কার্ব্বায্যা কধায় চলিদাক্। এক আরি জুম্ খবিলে গোদা বজর ঝালাব্বর গরি দিন্ তোরে দিদাক্। কার্র তচ্যা-পেরাচার নেই। এ্যাইল এ্যাইল তারুবন। যিন্দি চোক যায় এক রিনি চেবার মনে অয়। পিবির পিবির বোইরে ধান পাগানা তুম্বাসে চিত জুরেই যায়, যায় মন গুলি। এ্যাইল এ্যাইল আগজত ধুপ ধুপ মেঘচাগা দূর আগাজত কত্তা কত্তা গরি ভাজি যায়; অত্তে অত্তে বুদ্দছবি আ অত্ত এ্যাদো সান দেঘা যায়। এদক্যা দিনত্থুন সুনানু রনজিৎ দেবানে সুর তুলে “ন’ চাঙ যেবার জাগান্ ছারি ইধু আগং জনমান্ গরি........।”

মাত্তর ইক্যে! নেই সেই গানর সুর, এ্যাইল তারুম্’বন অই উদিলাক ডাঙডাঙ্যা-তাককুল। নেই সেই পেইখ কিজিক কাজাক। মাদি অহ্’ল নাধা। পাধার থিয়্যা জুম কাবিলে ২/৩ মাচ গঙাদে এ্যাত্খাত্ যায়। ছরা’ছরিত্ পানি ন’গঙায়; অল সাঝা। “আয় তুংগোবী ম’লগে কাঙরা ধরা যেই......” সিত্যাই এ গান্নু ন’ গান। ইরবান দিনেই দুয়োর বানা পরে। সমাচ ওই এল কুলুক। পার্বত্য চুক্তি বাস্তবায়ন ন’ অনার দিন্ দিন মুরুল্যা চাগালা মানেইউনর দুগে দুগে দিন গঙাদন। যেই ভূই এল সিয়ানি তারা ভাগত নেই। কারি নিলাক সেটেলার বাঙালুনে। সে থানেথমকে মুরুল্যা মানে’উন ইক্কে নাদংছারা। ঝার থোন-পাত্ বিজি বিজি জীংকানি তোরাদন। নানাঙ আইন তারারে পাগচ্যা-পরসাল্লো ঘিচ্ছে। জন সংহতি সমিতি আইন, জন সংহতি সমিতি (এম.এন.লারমা) আইন, ইউপিডিএফ’র আইন, কাব্বার্রী/হেডম্যান/রাজা আইন, জনপ্রতিনিধি আইন, আর্মি আইন আ সরকারী আইনর শিঙোলর বান্যা আঘন। ন’পাত্তন মুজুঙে আক্কোই যেই, ন’পাত্তন মুরি। সিত্যাই, দিককাভুল অই মনর দুগে মদ-জুয়ো খারাত মিজি আগে পুরন-নুঅ পিরিহ্। 

আমাত্তুন মুজুঙে আক্কোই যা পরিব

           “নিজ’ ভাচ, নিজ’ লেঘা, নিজ’ গীত- ন’ জানিলে ন’ থায় চিত্” -এই নকবাচ্যা কধাআনর মেইত আমি এয ন’বুঝি, বুঝিবার ন’ চেই। সিত্তেই জাদর দুক্ক-দযা তিগুচ্যা বিনি আধা গুরি বাজি আঘে। এচ্যা আমার বেক্কান রাহ্’ত। পানি রাহ্’ত, ভাদ রাহ্’ত, শিক্ষে রাহ্’ত আ চিকিচ্ছে রাহ্’ত আহ্ জাগা রাহ্’ত। কধ গেলে রাহ্’দর কন থুম নেই।


                   মুই এ’বজর (এপ্রিল ৪, ২০১৬ইং) ২৮নং রেংকার্য্যা মুউজ পাগলা মাজন আদামত চাঙমা লেঘা শেঘানা পোইদেনে সে আদামত্ যিয়োঙ। পাকালা মাজন কার্বায্যা দাঙগু লক্ষী বিকাশ চাঙমালোই মুজুঙো-মুজুঙি অলুঙ। তাত্তুন পুজোর গরল্লে তেহ কল, “আর্মা ভাত-পানি রাহ্’ত” আজলে মুই আঝা গচ্ছোঙ তেহ্ জাদর লেঘা, চাঙমা লেঘা শিঘানা রাহ্দ’ কধা কব। আ মুইয়্য সিয়ান আঝা গরানা বজং বাদে কিচ্ছু নয়। আমা সমাজত এই কধায়ান পাগত গুরি কন “পেত থিক দনিয়ে থিক।” যে জাগাত্ ভাত-পানি রাহ্’ত সে জাগাত অন্য কিজু আঝা গরানা নিজরে হ্’েমান সান ভাবঙর। নানাঙ কধাবাত্তায় খবর পেলুং তারা সিয়োত (মেরুং ইউনিয়নর ভিদিরে) কায়-কুয় গুরি তিনান আদাম আঘে (পাকাল মাজন পাড়া, জান্দিমুড় আ মধ্যেছড়া/শিবঙ্গ পাড়া আ ১০০-১১২গিরি থান)। এই আদামানি খাগাড়াছড়ি উপজেলা সিমিনেত। ১৯৮৫খ্রিঃ ১৯শে ডিসেম্বরত রঞ্জনমণি কার্বারী আদম্যা মানেইউনরে আর্মি-বাঙালে কাবিলে পরান বাজেবাত্যাই তারা ২৯নং ছোট মেরুং ভূইয়োছড়া আদামত্তুন পাকালা মহাজনপাড়া, জান্দিমুড় আ মধ্যেছড়াত ধেই যেই কন বাবত্যাই বাহ্ বানি আঘন। ইরুক দিনত পাকালা মাজন পাড়াত এক্কান প্রাইমারি ইশকুল (সরকারর ঘোষিত ৩য় ধাপ) থিদব্বর গরল্লেয়্যু কন টিবিল-বেঞ্চ নেই। বানা কাগজত কলম্মোই লেঘা আঘে পাগলা “মহাজন পাড়া সরকারী প্রাথমিক বিদ্যালয়”। ইক্কুলত চের জন মাষ্টর থেলেয়্যু তারা ক্লাস ন গরন। ক্লাস ন’ গরানা কারন অলদে বেতন ন’ পান আ মাষ্টরুন ঘরানি চৌধুরী পাড়া (ইক্কুলত্তুন ৮/১০কি.মি. দুরত)। সিত্যাই, আদাম্যেউনে বজর কিরিজ গরি এক্কো পারন দ্বি’বে পারন প্রাইভেত ইজেবে মাষ্টর রাঘান। এক্কো বটগাজ তলে একছালাগুরি ৮- ১২ আহ্দ লাম্বা-বাধি ইশকুল ঘরান। মাধা উগুরি রাঙা-এ্যাইল এক্কান বাবদা পতপত গুরি উড়ে।

           কধাবাত্তা কধে কধে কার্বায্যা মরে গাদিম্ নিনা পুজর গরল্ল। ইক্কে গাদদে গেলে ৩/৪ ঘন্টা লাগিব’। কিত্যাই, ঝুরিত পানি নেই। ঝুরি ভিদিরে ইক্কুগুরি মরোঙত পানি থায় সিয়োত ১০/১২ গিরিয়ে লারছার গরন। সে মরোঙয়্য নালমরা। বেল্যামাধান অলে বেগে কামত্তুন এযন, পানি কজা যান, গাদন। তেহ্ কল, তারা পোত্যা রাধা দাগত ঘুমত্তুন উদি পানি কযা যা পরে। দিরি অলে বাদা ন’ পায়।

           আ জুম্! জুম গুরি গুরি কয়বি ধান গলাত তুলি পারন। ইন্দি কাবদে খেই পুরান। এক্কান কধা আগে, “ভাদ মাজ্যা ক’বুয়ো গিরি”। ইক্কে সিয়ান নেই। ইয়ানি দ্বি’চোগে ন’ দিঘিলে বিশ্চেস ন’ এযে। পার্দা থিয়্যা জুম্ নেই। বেক জগলা অই যিয়্যা। ছড়া-ছড়িত পানি নেই। নেই চিঙে-ঢুধুক বানেবার বাচ। বেজ দেরি ন’ অল’, ২০০০সালত এই আদামানিত মজা ঘর এল। অজল অজল পিবেক কাবিয়্যা গলা ঘর। ইক্কে! চিওন চিওন ভাঙা মাত্যা ঘর। সিত্যাই, দাঙগু কার্বায়্যার চাঙমা লেঘা রাহ্’দ কধা কধ ন চায়। সিয়ান তা চোগত দাঙর নয়, দাঙর অলদে বেন্যা বেল্যা ইধে পাদা ফেলে পারিলে দ্বি’ চোক কাদি পারল্লে অয়।

             বানা তারা এ’দজাত নয়। তারা সান্যা বেগোদো মানেই এধক্যা দুগত দিন কাল তোড়াদন। নেই থিদ’। বান্দর সান এ’মুড়ত্তুন ও মুড়ত জুম কাবি কাবি জীংকানি তোড়াদন। ঝার থোনপাত বিজিবিজি কন বাবদে পরানানি তোড়াদন। যা ওক্! ইয়ান গেল জনম দুগী মানেয়োর কধা। 

            এচ্যে যারা লেঘা-পড়া শিঘি চাগরী-বাগরী গত্তন তারা দ জাদর বারবো দরপ্পানিত্ চোক নেই। পিনোন্ -খাদি লারছার ন’গরিনেই সেলোয়ার-কামিজ-শাড়ী,  জাদর লেঘা ন’ শেঘেনেই বাংলা-ইংরেজী, আমন ভাচ ন’ শেঘেনেই পর ভাচ লারছার গরি। সে জাত দুগত ন’ থেব’ কন জাত দুঘত থেব’??? কধা আগে “আমন ভাচ আমনর লেঘা আমনর গীত- ন’জানিলে ন’থায় চিত্”। এচ্যা সেনে আমাত্তুন চিত নেই, নেই পরান্! বেইয়ে বেইয়ে রুগরুক্যা। সিত্যাই দাঙগু নুয়োরামে হোই যিয়ে,“ অজল পাগজ্যা নিজ ঝুপ্, দিন দিন পরেল্লি হুলি যুগ। হুলি যুগত্ সত্য নেই বুক ছিরি দেঘেলেয়ু বিশ্চেস নেই”।

                    ত্যুয় মর ইরুক দিনর পড়োয়া ভেই-বোনুনরে দিঘি বুক ভরি যার। অন্তত তারা কিয়োঙত গেলে পিনোন-খাদি পিনোন। পিনোন খাদি পিনিনেই ছবি ইুদ ফেসবুকত পেইজ খুলদন, আমনর লেঘা, আমনর ভাচ লারছার গত্তন। আর এক্কান সুগর খবর অলদে, গেল্লে ০৭/১২/২০১৬ খ্রি:দিঘীনালা ডিগ্রী কলেজর এক্কো ভেই রেত মরে ফোন দিন্যাই চাঙমা লেঘা বই আঘন নিনা তালাচ লর। তারা নিনা চিৎমরঙ ইদু শিক্ষা সফরত যাদন। সিদু যারা যারা যেবাক তারারে চাঙমা লেঘা বই বুক্সিচ (উপহার) দিবাক। ইয়ান খামাক্কাই জাত্তোরে মুজুঙে আক্কোই নিবার দাঙর ধক। আ নানাঙ জাগাত চাঙমা লেঘা কোর্স চালু অয়্যা। এই ধারবু মুজুঙে উজে যোক - থিদ’ ওক। লেঙে লেঙে, ফোপে ফোপে অলেয়্যু যে যেঙরি পারে তে সেঙরি জারত্তাত্যাই কাম গরা পরিব’। দাগে হোই যিয়ন, “ কালা বেঙেনা হ্’েদ দাত খায়”।  ইক্কে গুরি একদিন আমি আমা জাত্তোরে তজিমপুর গরি পারিবং। 
***

এক কালে চাঙমা কলে পিত্তিমি গিরগিরাই। যিন্দি যায় সিন্দি নাকশাফুল তুম্বাচ সান চাঙমা নাঙ সিদি পরে। ধনে-জনে-গিয়ানে, বুদ্ধিয়ে, কজাল-বলিয়্যা কন’ কিত্তে উন’ ন’ এলাক। দুক ন’ এল’। তচ্যা, পেরাসানি ন’ এল’। এল বানা সুক আ সুক। মাত্তর, সে পতপত্যা শাক্য জাদর মানুচ আমি চাঙমাউন বিজগর নানা ঘুলন্যাত পাক খেনেই ইক্যে নানাঙ দেঝত, নানাঙ জাগাত সিদি পরি আঘি। ভারদত-বাংলাদেচ-বার্মা আ নানান দেঝত অইনেই জাত- বেজাতর চাবত পরিনেই আহ্’রে ফেলের আমার বেক দোলদোল সুদোম আনি। বেক কিঝু আহ্’রেনেই ইক্যে বানা ছলঙান্নোই আঘি।সিত্তেই লারমা আভিল্যাচ খেই কল’- “আমার বার গরিবা কিচ্ছু নেই।”

ইক্যে আঘে বানা ধম্মআন। অঝাপাত্তোয়্য ধীমে ধীমে অই আঘে। ভাচ্চান লুঘি যার। এ দিয়েন আমার আরাঙ সম্পত্তি বুঘত ধরি রক্ষে গরি ন পারিলে চাঙমা জাত একদিন পিত্তিমীত্তুন আহ্’যি যেবগোই, ইআন খামাক্কাই।

একমাত্র চাঙমা ওক্কোরুনেই পিত্থিমির বুঘোত ইক্কো জুদো জাত ভিলি আমারে চিন দি পারে। দেঘা যার – বাংলা দেঝত বাঙালাউনর পরে চাঙমা, এক নম্বরত, মিজোরামত দি নম্বর আ তিবুরাত তিন নম্বর ভাঝর গুত্থি অহ্না সত্তেয়্য আ বাংলাদেঝর আন্তজার্তিক মা–ভাঝর দিন আবিষ্কার গরিনেইয়্য অন্য ভাঝর কিত্তে সেধক্যে সরকারে চোক ন’ দেয়।  ভারদত সেন্সাস রিপোর্টত চাঙমাআনরে একখান আলাদা ভাচ ঈজেবে ধরা ন’ অহ্য়। ধরা অহ্য়দে বাংলার একখান উপভাষা ঈজেবে। ভারদত লিঙ্গুইস্টিক মাইনরিটিজ কমিশনেয়্য চাঙমাআন আলাদা ভাচ ঈজেবে স্বীগের ন’ গরে। উত্তর-পূক ভারদর ট্রাইবেল ভাষাআনির সরকারী লিষ্টোতয়্য চাঙমা ভাচআনর নাঙ নেই। বার্মা ৮০ আহ্জার চাঙমা আঘন তারা দ’ বাংলা কি ন’ চিনন। ভাচ্চানিয়্য কুরি পেল্লোন।

ইয়েনির বেক্কানির কারন অহ্লদে আমার লেঘা-লেঘিত চাঙমার বদলে বাংলা ওক্কোরুন লারচার গরানাহ্। আমি যুনি আগেত্তুন ধরিনেই আমা লেঘা-লেঘিত চাঙমা ওক্কোরুন বেচ গরি লারচার গরি এধঙ সালেন পত্থমত্তুন ধরিনেই চাঙমাআন আলাদা ভাচ ঈজেবে স্বীকৃতি পেই এলুন আ আমা ভাষাআন ভালেত গরিবাত্যেই নানাঙ বাবদর বলাবলো বেচ পেলঙুন। আজলে বাঙালা ওক্কোরুন আমি যেধক দিন সঙ লকফক গরি থেবং সেধক দিন সঙ আমার ‘টিলা বাঙাল’ বন্নামানো ন’ যেব’ আ চাঙমা ভাষাআনয়্য আলাদা ভাচ ঈজেবে স্বীকৃতি ন পেভ’।

এচ্চে আমি চাঙমাউন তিন দেঝর নানা বামত ছিদেছিত্যে ওহ্ই আঘিই। দেচ ফারক, দেঝর রিদিসুদোম ফারক, পরিবেশ, শিক্কে ফারক – ইয়েনিয়ে আমারে ফারক গরার আর’ বেচ গরি। আমা বাংলা ওক্কোরোর মিজোরাম-অরুনাচলত পড়ি ন’ পারন আ তারা লেখ্যা রোমান অহ্’রক চাঙমাআনি পড়িলে আমি ভাচ জরেই ন’ পারিই। আজলে হন ইক্কো জাদে দি বাবদর অহ্’রক কন দিন গজিলোই ন পারন। আর যদি লন্নে অহ্য় সিয়েন অহ্ব’ তারার নাত দি মরানার সান।

ভাঝর কধা আ জদার কধা কলে গৌতম বুদ্ধরে ইধোত উদে। বিরূঢ়ক রাজা যক্যে শাক্য বংশউনরে কাবিবাত্তে যার যক্যে গাঙ কুলত বোই এল’। সিআন দেঘি রাজা ভাবিল বুদ্ধ জ্ঞাতি কুলদি বাজের। সে পরে আর’ একবার কাবিবাত্তে যেল’। সক্যে এক্কো মরা গাঝত তরে বোই এল’ দেঘি পুঝর গরল্ল, ও গোজেনঝুবুর গাঝ তলে বোই ন’ থেই কিত্তে মরা গাঝত তলে আঘচ। বুদ্ধ কল, ‘জ্ঞাতি ছাবা সান দাঙর ছাবা নেই’। এ কধা মুনি রাজা আর’ ফিরি এল। আ বুদ্ধ যক্যে ধর্ম প্রচার গচ্ছে  সে অক্তত বুদ্ধ পুরন’ বৈদিক-সংস্কৃত ভাচ এল বলবলা আ দপদবা। সে ভাচ্চোই ধর্ম প্রচার ন’ গরি পালি আ মগদি ভাচ্ছোই ধর্ম প্রচার গচ্ছে। মাত্তর, দগ কধা ইরুক যারা বুদ্ধ পুয়ো দাবি গরন তারারে সেধক্যে দেঘা ন’ যায়। অথচ, মগ ভান্তেউন তারা তারার ভাচ্ছান পত্তিক কিয়োঙে কিয়েঙে শেঘেই বাজে রাঘেয়্যন।

বিজগত নাঙ গিন্যে আঘে যে আমা জাত্তো প্রায় ৬০০ বঝর আগে দৈংনাক্যা, আনক্যা, তোঙতোঙ্যা– এ তিন ভাগে ভাক ওহ্ই যেয়ে। কয়েক দিন পরে আমার ভিদিরে হয়ত জনম লভ’ বাংলাদেচ্যে চাঙমা, ভারত্যা চাঙমা, মিজোরাম্যা, অরুনাচল্যা চাঙমা – এবাবদর আর নুও নুও ধেলা। একমাত্র অঝাপাত্তোই পারিবো আমারে এ মরনর পধত্তুন ফিরেই আনি। একমাত্র চাঙমা লেঘার রেগাদি পারিলেই মিলি পারিবোঙ আমি দৈং নাক্যা-আনক্যা-তোঙতোঙ্যায়। মিলি পারিবোঙ দেজ কুল্যা- অরুনাচল্যা- মিজোরাম্যা-তিবুরাকুল্যায়, বার্মাকুল্যয়। সালেই আমি বল বলাগরি নাঙ কোলেই পারিবোঙ – অহ্য় আমি শাক্য জাদর মানুচ – আমি হন জনত্তুন কন’ হিত্যেদি উন’ নয়।

তাবিত (সূত্র): ফেসবুক।

রাঙামাত্য জেলাত বাঘাই ছড়ি উপজেলা ১৯৬ জন চাঙমা লেঘা পর্বোয়াউনরে সার্টিফিকেট দিয়্যা অইয়ে’

চাঙমা সাহিত্য পত্রিকা ডেস্ক: নিজর, জাদর, দেঝর দোল দোল পাজানি ধরি রাঘেবাত্তে যার যার ভাচ, ওক্কোর, সাহিত্য আ রিদিসুদোমানি বেচ বেচ গরি লারচার গরানা গরচ আঘে কধা আন কোইয়োন কাচালং সরকারি ডিগ্রি কলেজত চাঙমা লেঘা পর্বোয়াউনরে সার্টিফিকেট দেনা পোইদ্যানে আহ্’জিল অইয়ে কধগীউনে।

গেলে ২৬ জুলাই ২০১৯ খ্রি: রাঙামাত্যা জেলাত বাঘাইছড়ি উপজেলাত নিধুকতুক্যা বিদ্যা ঘর কাচালং সরকারি ডিগ্রি কলেজত চাঙমা সাহিত্য বাহ্- বাঘাইছড়ি উপজেলা আ কাজালং সরকারি ডিগ্রি কলেচ ধেলা উদ্দোগে চাঙমা লেঘা পর্বোয়াউনরে সার্টিফিকেট দেনা পোইদ্যানে এক্কান দাঙর কেজ্জো অই যেল’।

কেেেজ্জা আনত নকবাচ্যা গরবা- দাঙগু দেব প্রসাদ দেবান (অধ্যক্ষ, কাচালং সরকারি কলেজ), আ মুলুক গরবা- চাঙমা সাহিত্য বাহ্’র সল্লাদার, লেঘিয়্যা, কবি, কাচালং কলেজ’ সাত্থু দাঙগু লালন কান্তি চাঙমা, কাচালং মডেল গার্লস হাই ইক্কুল দাঙর সাত্থু (প্রধান শিক্ষক), কবি দাঙগু ভদ্র সেন চাঙমা, বিটি হাই ইক্কুল দাঙর সাত্থু দাঙগু ধর্ম রাজ চাঙমা, চাঙমা সাহিত্য বাহ্ গরা কমিতি দাঙর কাবিদ্যাঙ দাঙগু ইনজেব চাঙমা আ ইন্টান্যাশনাল ইন্ডিজিনিয়াস হিউম্যান রাইটস অর্গানাইজেশন অফ কানাডা সংস্থার কাবিল কাবিদ্যাঙ (সদস্য সচিব) দাঙগুবি রুপসী চাঙমা রুপাদাঘী।

বেন্যা মাধান ১০ টা কেজ্জোআন আরকানি গরা অয়। এ কেজ্জোআনত খলানানু চাঙমা সাহিত্য বাহ্ বাঘাইছড়ি উপজেলা ধেলা জধানানু দাঙগুবি স্বর্ণা চাঙামা। এক্কো চাঙমা গান গেইনে কেজ্জোআন আরকানি গরা অইয়ে। এ পরেদি পাত্তুরুতুরু কধগী দাঙগু অন্তর চাাঙমা কধা কনা আ পর্বোয়াউন মন’ কধা ভাঙি কনা আ নকবাচ্যা গরবা কধগীর কধা থুম অনার সমারে ১৯৬ জন পর্রোয়ারে সার্টিফিকেট আ ১২ জনরে (যারা পজিশন ১-৩) সার্টিফিকেট দেনা সমারে বুকশিচ দিয়্যা অইয়ে।

শেজেদি খলানানু দাঙগুবি স্বর্ণা চাঙমা বেক্কুনরে, যারা ঘর’ সাত কাম ফেলে এ কেজ্জোআন সরিত অই ভালেদি গজ্জোন তারারে আ যারা এ কামানিত এজাল দেদন তারারেয়্য ইধোত তুলি বারবাঙানে নাঙ গিনি পাত্তুরুতুরু আ ঝু ঝু জানেই খলা থুম গরি দিল’।

আন্তর্জাতিক আদিবাসী দিবস ২০১৯ এর প্রতিপাদ্য বিষয় ‘আদিবাসী ভাষা’

• জুলাই ৯, ২০১৯

সোহেল হাজং, ঢাকা: আন্তর্জাতিক আদিবাসী দিবস ৯ আগস্ট, ২০১৯ এর জাতিসংঘ ঘোষিত এবারের থিম করা হয়েছে ‘ইন্ডিজেনাস ল্যাঙ্গুয়েজেস’ ‘Indigenous Languages’ যার বাংলা হলো ‘আদিবাসী ভাষা’। জাতিসংঘ ঘোষিত ‘আদিবাসী ভাষা বর্ষ ২০১৯’ এর সাথে সঙ্গতি রেখেই এবারের এ থিম’টি নির্ধারিত হয়েছে। এর ফলে ২০১৯ আন্তর্জাতিক আদিবাসী ভাষাবর্ষ পালনের এ আঙ্গিকে বিশ্বজুড়ে আদিবাসীদের মাতৃভাষার বর্তমান অবস্থা সম্পর্কে জানা যাবে। এবারের আন্তর্জাতিক আদিবাসী দিবস পালনের মূল লক্ষ্য হবে আদিবাসীদের মাতৃভাষা সংরক্ষণ, প্রতিপালন ও পুনরুজ্জীবিত করার প্রতি বিশেষ নজর দেয়া এবং বিশেষজ্ঞ / ইন্টারেক্টিভ প্যানেলের আলোচনার মাধ্যমে উদ্ভাবনী পদক্ষেপ অবলম্বন করে আদিবাসী ভাষার সুষ্ঠু প্রচার ও অনুশীলনের ভালো উপায় বের করা। দিবসের প্রতিপাদ্য অনুযায়ী, আদিবাসী ভাষাকে গুরুত্ব দিয়ে জাতিসংঘ এবার বিভিন্ন সৃজনশীল কর্মসূচি এবং ভিডিও প্রদর্শনের উদ্যোগ নিয়েছে। বাংলাদেশে ঢাকায় এবারো জাতীয়ভাবে বাংলাদেশ আদিবাসী ফোরাম এ দিবসটি পালনের উদ্যোগ গ্রহণ করেছে। আদিবাসী ফোরামের সূত্র ধরে জানা যায়, এবার ৯ আগস্ট এর কাছাকাছি সময় দেশের বড় ধর্মীয় উৎসব ঈদ-উল-আযহা পড়ায় ৯ আগস্ট-এর কয়েকদিন আগে এ দিবসটি ঢাকায় কেন্দ্রীয়ভাবে পালনের পরিকল্পনা রয়েছে।

পৃথিবীতে প্রায় ৩৭ কোটি আদিবাসী জনসংখ্যা রয়েছে । পৃথিবীর জীবিত প্রায় ৭০০০ ভাষার অধিকাংশই এই আদিবাসী মানুষের। অনেক আদিবাসী মানুষ প্রতিনিয়ত প্রান্তিককরণ, বৈষম্য ও চরম দারিদ্র্যে ভুগছে এবং মানবাধিকার লংঘনের শিকার হচ্ছে। বাংলাদেশে প্রায় ৫৪টি আদিবাসী জাতিগোষ্ঠীর প্রায় ৩৫টির অধিক আদিবাসী ভাষাও আজ হুমকীর সম্মুখীন ও খুবই ঝুঁকিপূর্ণ অবস্থায় রয়েছে। আদিবাসী মাতৃভাষা সংরক্ষণ ও পুনরুজ্জীবিত করণে সকল আদিবাসী মানুষের সচেতনতা সৃষ্টি ও সরকারি ও বেসরকারি মহল এ ব্যাপারে এগিয়ে আসলে এবারের আদিবাসী দিবসের থিম ও আদিবাসী ভাষা বর্ষ পালন সার্থক হবে।