জীংকানি লামা - ইনজেব চাঙমা
 |
| কন্না বুঝে দুগর কধা। ছবি- ইন্টারনেট |
এ দেজত জনম মর পুরেল’ মন’ আঝা।
শাওন ভাদ মাচ এলে এ্যাইল এ্যাইল ধানানি বোইয়েরে নাজে
চিত জুরে যায়, মন গলি যায় এ দেজর ফুল তুম্বাজে।
চাগালা চাগালা জুম মুড়োই মুড়োই ঘরানি
জুম ঘরত ইজোর মাধাত জুন পহ্’র বোই
শিঙেবোদি দাগে জুম্মবী।
পেইখ গীদ’ সুরে পহ্’র অয়, ডুবি যায় বেল,
এধক্যে এক্কান জীংকানি কুধু আ্হ্’জি গেল।
কধক আহ্’ঝি কধক গীত, রঙে ঢঙে জীংহানি,
কত্তুন এল’ কালা মেক আহ্’রি নিল’সবনানি।
ভাঙি দিল’ সবন মিদে জীকানিত,
ও পরান দা মরে বাজ্জে থেইচ
এইম ফিরি মুই ত’ বুগত।
ফিরি এইম খামাক্কাই এইম ফিরি,
ত’ ফেলে যিয়োচ কোচপানা ধনান
সাবালক গরি।
এক সমারে জনম লবং আর’ এ দেজত
হিলর মানেইউনরে শেঘেবং কোচপানা কারে অয়।
বুদ্ধ সান কোচপানা ছিদি দিবং গোদা পিত্তিমীত,
বেগ’ মুয়োত আহ্’জি ফুদে দিবং আনি দিবং স্বাধীন।
মন্তব্যসমূহ
একটি মন্তব্য পোস্ট করুন