দিঘীনালা উপজেলাত বাবুছড়া ফ্রেন্ডশিপ স্কুল বাদে আর কন স্কুলত চিজীদাঘী মা ভাজর(ম বই) পরাহনা ন অহর।

দাঙগু রিকন চাঙমা চাঙমা লেঘা শেঘার।

অনেক দুগর ভিদিরে সুগর কধা অহলদে দিঘীনালা উপজেলাত একশত্তানত্তুন(পুরন সরকারী ৫৫, ১ম পল্লাত ৩০, ২য় পল্লাত ১২ অা ৩য় পল্লাত ৩) বেজ প্রাইমারি ইশকুল আঘে। ইয়ানিত মা ভাজর বই পেলেও  পরাহনা ন অয়। বানা বাবু ছড়া ফ্রেন্ডশিপ স্কুলত চাঙমা লেঘা(ম বই) শেঘাদন।
এচ্যে বাবু ছড়া ফ্রেন্ডশিপ ইশকুলত যেনেই দেঘা গেল সে ইশকুলর এজাল মাষ্টর রিকন চাঙমা চিজীদাঘীরে মাজারানি চিনপজ্যে গরি দের।
তাত্তুন পজোর গল্লে তে কল, “গেলদে ২১ শে ফেব্রয়ারী ২০১৭ইং ফ্রেন্ডশিপ ইশকুলত চাঙমা সাগিত্য বা, সাঙু পাঠাগার আ চাঙমা সাংস্কৃতিক গোষ্ঠি’য়ে চাঙমা লেঘা শিক্কা কোর্স আরকানি গরল্লে তারা সিত্তুন চাঙমা লেঘা শিক্কুন। সে বাধে তারারে কন এনজিও বা সনকারর তপ্পেত্তুন  ট্রেনিং ন দ্যুন। নিজ ধাপে নিজ আওজে চাঙমা লেঘা শিঘি ইক্যে তারা তারার পুঅ/ঝিউনরে শেঘানদন।