 |
“ত্রিশতিন জাদির
ভাচ পারানা এক্কান দাঙর গুন মাত্তর, বেগ আগে নিজ’ ভাচ্, নিজ’ লেঘা শিঘানা সাতকাম” এই
মুলুক কধাআন মুজুঙে রাঘেই এচ্যে ৩নভেম্বর ২০১৭ই শুক্কবার বেন্যা মাধান ১০ অক্ত খাগাড়াছড়ি
মাটিরাঙ্গা উপজেলাত বরঝালা সরকারী প্রাথমিক ইচকুলত সাঙু পাঠাগার আ চাঙমা সাহিত্য বা
উদ্যোগে চাঙমা লেঘা পর্বোয়াউনরে সার্টিফিকেট দিয়্যা অয়্যা।
খলাবুত নকবাচ্যা
গরবা এল মোঃ আবুল হাসেম ভূইঁয়া, কমিশনার, ৭নং ওর্য়াড মাটিরাঙ্গা পৌরসভা, দাঙগু সুভাষ
চাঙমা(সাঃ সম্পাদক, বাঃ আওয়ামীলীগ, মাটিরাঙ্গা উপজেলা শাখা)মুলুক গরবা ইজেবে খলাবুত
থেবার কধা থেলেয়্য নানাঙ অনটনে এ্যাই ন’ পারে। খলাবোত দাঙগু বিমল চাঙমা এ্যাই ন পারানা
খলানানু বানা অয়্যা দাঙগু মঙ্গল কুমার চাঙমা। দাঙগু বৃষমোহন চাঙমা কধা কাবিলে খলাবো
আরগানি গরা অয়।
চাঙমা সাহিত্য
বা আ সাঙু পাঠাগার এওজি ইজেবে খলাবোত মু দেঘা যিয়ে, দাঙগু ইনজেব চাঙমা, বিকেন চেগে
আ দাঙগুবী শ্রেয়সী চাঙমা।
নকবাচ্যা গরবা
ইজেবে আবল হোসেমে কোইয়ে, বানা চাঙমা ভাচ নয়, বাংলা দেশ অইন্যাই বাংলা ভাচআন ইরুক দিনত
দাঙর উমগি মুহত আঘে।তেহ্, বেক্কুনরে নিজ নিজ মা-ভাচ চচযা গরিবাত্তে কুজোলী গচ্চে।
খলাবো শেজে যারা
পরিক্কেত পাম গচ্ছোন তারারে সার্টিফিকেট আ দাঙগু সুভাষ চাঙমা কধামজিম তা পক্কত্তুন যিবে ১ম রয়ে তারে
১৫০০ তেঙা ২য়- তারে- ১০০০ তেঙা আ ৩য় – ৫০০ তেঙা দিয়্যা অয়ে।
১ম অইয়ে- দাঙগুবী
সুচমিতা চাঙমা, ২য় দাঙগুবী কাকলী চাঙমা, ৩য়- দাঙগু সোহে চাঙমা।
কোন মন্তব্য নেই:
একটি মন্তব্য পোস্ট করুন