মুজুঙ পুজোর-জোব: চাঙমা সাহিত্য যা আহত ধুরিনে আধৃুনিক যুগত সুম্মে তে অলদে চুনিলাল দেবান। আর চুনিলাল দেবানর পরেদি যে চাযমা সাহিত্যরে উজন্দি গুচ্চে তে অলদে- দাঙগু কবি মুকুন্দ চাঙমা। দাঙগু কবি মুকুন্দ চাঙমা মিঙিনী কুলর দীঘিনালার মিলনপুর থাই। চাঙমা সাহিত্য পত্রিকার পক্ষত্তুন দেবপ্রিয় চাঙমা দাঙগু কবি মুকুন্দ চাঙমা মুজুঙ পুজোর-জোব লোইয়ে
চাঙমা সাহিত্য পত্রিকা: চাঙমা সাহিত্য পত্রিকা পক্ষত্তুন তরে ঝু জানের।
মুকুন্দ চাকমা: মুইয়্য তমারে ঝু জানাঙর।
চাঙমা সাহিত্য পত্রিকা: তর লেখ্যে বই তিন্নো আঘন হবর পেই।
মুকুন্দ চাকমা: হিল ট্র্যাকসর দুঃখ(৮৭) লেখ্যং।ধর্ম ছদক নাঙে চাঙমা ভাজন্দি লেখ্যং ২০০৩/০৪ সালত। নন্দপাল ভান্তে জীবনী লেখ্যং ( স্মপাদক)। হিল ট্র্যাকসর দুখ সুখ লেখ্যং। The Life of Buddha (২য় খন্ড) অনুবাদ বুদ্ধের জীবন কথা। জীবনের মায়া (অনুবাদ সাহিত্য)।
চাঙমা সাহিত্য পত্রিকা: লেঘিয়ে (লেখক) ইজেবে তর কেনজান লাগে (অনুভূতি)?
মুকুন্দ চাকমা: লেঘানা কামান সৃষ্টিধর্মী কাম। সৃষ্টির মধ্যে আনন্দ আঘে, বেদনা আঘে। লেঘি পাল্লে গম লাগে। সময় কাদেবাত্তেইয়্য লেঘি পাল্লে গম লাগে।
চাঙমা সাহিত্য পত্রিকা: লেঘি ন পাল্লে কিত্তেই বেদনা?
মুকুন্দ চাকমা: লেঘিবার আগ’ মুহুর্তআন ঠিকমত ফগদাঙ গরি ন পাল্লে বেদনা অয়। লেঘি পাল্লে তৃপ্তি পা যায়।
চাঙমা সাহিত্য পত্রিকা: পরবোলগর কন মতামত আর অনুভূতি কেনজান পেইয়চ?
মুকুন্দ চাকমা: হিল ট্র্যাকসর পাঠক সমাজ ভারি কম। দুগর বিষয় কন সমালোচকয়্য ন’ পাং। কনজনে কনকিজু ন’ কন।
চাঙমা সাহিত্য পত্রিকা: পরবো (পাঠক) সংখ্যা বারেবাত্তে কি কাম গরা যায়?
মুকুন্দ চাকমা: পরবো (পাঠক) সংখ্যা মনে কলে বারা ন’ যায়। নিয়মিত পাঠচক্র অনা উচিত। চিগন দাঙর স্টাডি পরিবেচ থানা উচিত। গার্জিআনুনে বানা পাঠ্যবই পরিবাত্তে উচ্চোপুক তুলি দোন। দেঝ বারে বা দেঝত ব্যবস্থা থানা উচিত। আমা সময়ত ম’ বাবাহ অল্পশিক্ষিত অলেয়্য বর বর গরিনে বই পরিদ’। পত্তিদিন নিয়মিত বই পরিদ’। সেক্কেনে বসুমতি প্রিন্টার্স কম খরচে বই বিজিদ’। আজু নানুদাঘি মহাভারত পরিদাক। ৩-৪ দিন শুনি শুনি মহাভারত শেষ গুচ্চং। সেত্তে বই পরিবাত্তে মুই এজাল পেইয়ং। ইক্কিনে পরিবার পরিবেচ, লাইব্রেরি, পাঠচক্র থেদ’ গম অদ’।
চাঙমা সাহিত্য পত্রিকা: চাঙমা সাহিত্যওে কন ধগে মূল্যায়ন গরচ?
মুকুন্দ চাকমা: আমাত্তুন প্রাচীন চাঙমা সাহিত্য খুব কম। বারমাসী, লোকসাহিত্য আঘে। চুনিলাল দেবান মাধ্যমে চাঙমা সাহিত্য আধুনিক যুগত সুম্মে- যিয়ান গৈরিকা মাধ্যমে ফগদাঙ অয়ে। রাঙামাত্যা স্কুলত তা (চুনিলাল) কবিতা দেঘিনে মুইয়্য কবিতা লেখ্যং। মুই ১৯৪৫ সালত্তুন ধরি কবিতা লেখ্যং।
চাঙমা সাহিত্য পত্রিকা: চাঙমা সাহিত্য উজন্দি কিত্তেই দেরি অল?
মুকুন্দ চাকমা: চাঙমা সাহিত্য বিকাশর প্রতিবন্ধক এলাক্কে আমা মুরুব্বীউন। ১৮৬০ সালত আমার নুঅ জেলা স্কুলত চাঙমা লেঘা শেঘেবার উদ্দোগ এল সরকারর। কালিক আমা নেতা-মুরুব্বীউনে গুজি ন’ লন সেই চাঙমা লেঘা শিঘানাআন। ১৯৪০ সালত মি. মিলার এ চাঙমা লেঘা শেঘেবার চেষ্টা গচ্চে। মুই হবর পাং- সেক্কেনে রাজবাড়ীত দেবান, হেডমেনে প্রতিবাদ জানেয়ন- “কিত্তেই আমারে মাতৃভাষায় শেঘেবাক”। চুনিলাল দেবানর পর কনজনে ন’ পারন। ১৯৫২ সালর ভাষা অন্দোলনর পর পেইনে নোয়ারাম বাবু চাঙমা প্রাইমার লেখ্যে। কলেজ পড়ূয়া পুঅউনে চাঙমা সাহিত্য রচনা শুরু গল্লাক। ১৯৬০ সালত স্কুল, কলেজ, ভার্সিটিত চাঙমা সাহিত্য চচ্চা শুরু অল। ]
চাঙমা সাহিত্য পত্রিকা: চাঙমা সাহিত্য কোন ওক্কোরলোই লেঘানা উচিত?
মুকুন্দ চাকমা: যে কোন ওক্কোরলোই চলে। সৃষ্ঠি ধর্মী কাম সেনত্তেই। চাঙমা ভাচ অগ্রাধিকার দেনা দরকার।
চাঙমা সাহিত্য পত্রিকা: চাঙমা কবিতা কোন ওক্কোরলোই লেঘা অব?
মুকুন্দ চাকমা: পরবোলগর সুবিধাত্তেই বাংলা ওক্কোরলোই অলেয়্য লেঘানা দরকার- ন’ অলে সাহিত্য আঝি যেবগোই। সিয়ান বাদেয়্য বাঙাল পরবোলগয়্য আঘন।
চাঙমা সাহিত্য পত্রিকা: লেঘিয়ে/নুঅ লেঘিয়েউন উদিজে তর উপদেচ?
মুকুন্দ চাকমা: যার ধাচে তে লেঘিব। যার বক্তব্য তে কব। স্বাধীনভাবে লেঘিবার প্রস্তাব গরং, উপদেচ দিবার চাং।
চাঙমা সাহিত্য পত্রিকা: চাঙমা লেঘারবইছাবেনে দ’ প্রকাশকউনেলাভতুলি ন পাত্তন। তর মতামত কি?
মুকুন্দ চাকমা: চাঙমা লেঘার বই ছাবেনে লাভ ন উদিলেয়্য কামান চালে নেযা পরিব (বইছাবাপরিব)।
চাঙমা সাহিত্য পত্রিকা: চাঙমা লেঘারবই/চাঙম াসাহিত্যও বই দ ছাবে বার প্রকাশক নেইবাভারি কম।
মুকুন্দ চাকমা: চাঙমা সাহিত্যও প্রকাশক গড়ে ন উদন। ব্যবসা ইজেবে গড়ে ন উদিলে পাঠক সৃষ্টি গরানা আগাত্যা অব’। পাঠক সৃষ্টি গরা পরিব।
চাঙমা সাহিত্য পত্রিকা: নুঅ চাঙমা সাহিত্যও প্রকাশক গড়ে তুলিবাত্তে কি গরা পরিব?
মুকুন্দ চাকমা: প্রাইমারি স্কুলত বাধ্যতা মূলক গরি চাঙমা লেঘা শিঘেলে সিয়ান সম্ভব অব। ছিটেফোটা গরিনে বাসাময়িক কন ম্যাগাজিন, বই ছাবেলে ন অব। নিয়মিত সংবাদ (সংবাদ সাহিত্য) থানা উচিত। নিজ’ চাঙমা ভাচলোই যদি ১ বা ২ আন সংবাদপত্র থেলে চাঙমা সাহিত্যও প্রকাশক গড়ে উদিবাক।
চাঙমা সাহিত্য পত্রিকা: ত্রিপিটক বইবো বন বিহার ভান্তে উনে (ত্রিপিটক পাবলিশিং সোসাইটির মাধ্যমে) ছাবেয়ন। তর মতামত কি?
মুকুন্দ চাকমা: ত্রিপিটক এক্কো বিরাটবই। বৃটিশ আমলত চেচতা গরা অইয়ে বাংলা অনুবাদ গরিবাত্তে। অথনৈতিক কারনেয়্য ন পারন। দিতিয়বিশ্ব যুদ্ধত ছাবেরার মেশিনয়্য ধ্বংস অইনে ন পারন। তবে ত্রিপিটক ছাবে বার গৌরব-আন চাঙমাউনে লুইয়ন।
চাঙমা সাহিত্য পত্রিকা: চাঙমা লেঘা আর চাঙমা ভাজন্দি ত্রিপিটক কি ছাবেপারা যেব বিলি মনে অয়?
মুকুন্দ চাকমা: চাঙমান্দি ত্রিপিটক অনুবাদ অদুর ভবিষ্যদও কধা। চাঙমা লেঘিয়েউনে অনুবাদ গরিবাক কিনা-সিয়ান এক্কান কধা। সম্ভবত চাঙমা লেঘিয়েউনর এত শক্তি অর্জন ন অয়।
চাঙমা সাহিত্য পত্রিকা: চাঙমা সাহিত্য ২০ বজর পর কন জাগাত থানা উচিত?
মুকুন্দ চাকমা: চাঙমা গাবুজ্জেউনর চাঙমা সাহিত্য রজেবার আওজ পেইয়ন ১৯৬০ সালত্তুন ধরি। ইয়ানর ৫০ বঝর পর কয়বো বই চাঙমা ভাজন্দি ফগদাঙ অইয়ন, কুদুক্কো পরবোলক সিরিত্তি অইয়ন আর কুদুক্কো মানযে চাঙমা সাহিত্য চজ্জা গুচ্চন? এযেত্তে ২০ বঝর পর চাঙমা সাহিত্য কন জাগাত যেব- সিয়ান আন্দাজ গরি পারা যায়।
চাঙমা সাহিত্য পত্রিকা: হিল চাদি গাঙর চাঙমা সাহিত্য পরবো(পাঠকসমাজ) কেনজান?
মুকুন্দ চাকমা: দুগর বিষয় হিল চাদিগাঙর চাঙমা সাহিত্যও পাঠক সমাজ ভারি কম। মুই এধক গরিনে ম বোইউন সমালোচনা গরিবার কোজুলী গরং- কালিক কন জনে ন গরন। ভুলানি ঠিক গরি পাত্তুং। লেঘিয়ে ইজেবে উন আনি ধরিনে সংযত অই পাত্তুং।
চাঙমা সাহিত্য পত্রিকা: পাঠক সংখ্যা বারেবাত্তেই কি কাম গরাযায়।
মুকুন্দ চাকমা: পাঠক সংখ্য বারানা দ মনে কলে বারে ন পারে। নিয়মিত পাঠচক্র গরা পরে। চিগনত্তুনধরি বোই পরিবার অভ্যাস থানা দরকার। অভিভাবক্কুনে বানা পাস পরিবাত্তেই বোই পরিবাত্তে কন- সিয়তবারে বোইদিবার ন চান।
চাঙমা সাহিত্য পত্রিকা: চাঙমা ওক্কোর আ চাঙমা সাহিত্য উজন্দিত্তেই কন্না কন্না অবদান রাঘে পারে?
মুকুন্দ চাকমা: যাত্তুন মানসিকতা অ্যাডভান্স তেগরিবদে। যারাত্তুন মানসিক উৎসাহ নেই- তারার কি আর চাঙমা সাহিত্য? চাঙমা অলেয়্য নিজর চাঙমা সাহিত্য অলেয়্য অবদান ন রাঘেবাক।
চাঙমা সাহিত্য পত্রিকা: বাংলা সাহিত্য উজন্দিত্তেই ত্রিপুরা রাজ পরিবাওে অবদান রাঘেইয়ে। আর চাঙমা সাহিত্য উজন্দিত্তেই কি ধনী মানুচ বা চাঙমা রাজপরিবাওে অবদান রাঘে ন পারে?
মুকুন্দ চাকমা: তারাত্তুন যদি সে বিষয়ে ইন্টারেস্ট ন থায়, সালেন কিত্তেই দিবাক? ধনীমানুচ থেলেয়্য তারা যদি ভাবন- ইয়ান দ অপচয়, সালেন কিত্তেই দিবাক? বত্তমান চাঙমা রাজাবো আধুনিক, তে নিজে চাঙমা সাহিত্য চজ্জা গরে। খালিক তার আদ্যা আমলত (রাজা নলিনাক্ষ রায়) এ মানসিকত ন এল’।
চাঙমা সাহিত্য পত্রিকা: ইক্কে হিল চাদিগাঙত চেরবো রাজনৈতিক দল সক্রিয় আঘন। তর মন্তব্য কি?
মুকুন্দ চাকমা: ম মন্তব্যআনহিল ট্র্যাকসর দগ-সুখ বোইবোতআঘে।
চাঙম াসাহিত্য পত্রিকা: চাঙমাসাহিত্য পত্রিকাওে সময় দেনাত্তেই বহুত বহুত ধন্যবাদ।
মুকুন্দ চাকমা: তমা চাঙমা সাহিত্য পত্রিকারেয়্য ধন্যবাদ।
(থুম)
চাঙমা সাহিত্য পত্রিকা ১৫ আ ১৬ পয়ধে ফগদাঙ গরা অইয়ে।
কোন মন্তব্য নেই:
একটি মন্তব্য পোস্ট করুন