এচ্যে ১৮ জানুয়ারি ২০২১ ইং বেন্যা দিপজ্যা মাধান ১২ টা গরি চাঙমা সাহিত্য বাহ্ তপ্পেত্তুন খাগাড়াছড়ি জেলা পরিষদ নুয়ো চেয়ারম্যান মানবলা মংসুই প্রু চৌধুরী অপু আ সাবাঙ্গী আ চাঙমা সাহিত্য বাহ্ সল্লাদার মানবলা সুনানু শুতরুপা চাঙমাদাঘিরে ফুললোই কোচপানা আ ঝু ঝু গজেলাক।
চাঙমা সাহিত্য বাহ্ এওজি দলত মুপাত্তি ইজেবে এল চাঙমা সাহিত্য বাহ্ গরা কমিতি জধানানু সুনানু ইনজেব চাঙমা, এজাল জধানানু আ নান্যাচর ধেলা জধানানু সুনানু সুপায়ন চাঙমা, গরা কমিতির ভান্ডালি কাবিদ্যাঙ, সুনানু রিমি চাঙমা আ খাগাড়াছড়ি জেলা এজাল দাঙর কাবিদ্যাঙ সুনানু তোষী চাঙমাদাঘি।
ভাঙি কনা গরচ যে, পার্বত্য চুক্তি সুধোম ন’ মানি সরকাররে নকবাচ গরি এভসং পার্বত্য জেলা পরিষদর কামানি গরি যার। তার পরয়্য চাঙমা সাহিত্য বাহ্ বিশ্চেস গরে চাগালা দুখ্যে মানেই লগ সমারে কায় থেই আ আদিবাসীউনর আল্যাক, রিদিসুধোম আ ভাচ থিদ’ গরিবার দাঙর অবদান রাঘেবাক।
চাঙমা সাহিত্য বাহ্ তিতীয় ফগদাঙ “জুমচাব” কবিদ্যা ম্যাগাজিন তারাদাঘির আহ্’দত তুলি দি লোবিয়ত গরা অইয়ে।
কোন মন্তব্য নেই:
একটি মন্তব্য পোস্ট করুন