চাঙমা সাহিত্য বাহ্ ঢাকা ধেলা তপ্পেত্তুন মা-ভাচ, চাঙমা ভাচ শেঘানা কোর্স আরগানি গরা অইয়ে। গেল্লে ২৫ জানুয়ারি ২০২১ ইং কোর্স ফাংফগদাং গচ্ছে ধর্ম মন্ত্রনালয় এসিটেন্ট ডিরেক্টর, সুনানু অছ্য কুমার
তঞ্চঙ্গা
দাঘি।জুম্ম কালচারাল একাডেমি, বুড়ির বাজার, ডি, ই, পি, জেড, সাভার, ঢাকা বুগত চাঙমা লেঘা সার্টিফিকেট কোর্স আরগানি গরা অইয়ে। সাপ্তায় একদিন ক্লাশ গরা অহ্’য়। 
কোর্স ফগদাঙ পর গেল্লে কেল্যা ২২ জানুয়ারি কোর্স আরগানি গরা অইয়ে। চাঙমা সাহিত্য বাহ্ ঢাকা ধেলা জধানানু, সুনানু মোহন লাল চাঙমাদাঘি চাঙমা সাহিত্য পত্রিকারে কলাক, করোনা দিন মাধান গম আভা ফিরিলে গোদা ঢাকাত চাঙমা যিদু যিদু আঘন চাঙমা লেঘা শেঘা অভ।
তারাদাঘি কলাক, ভাচ অহ্’দে একজনদোই আর’ একজনে মনর ভাপ ফগদাাঙ গরানা এক্কান দাঙর আহ্’ত্যার। মাত্তর, আমা সে আহ্’ত্যারান ভাঙা। এ ভাঙা আহ্’ত্যার, জাঙারে ধচ্ছে আহ্’ত্যারান তুনিবাত্যা আমা ইয়ানয়্য দাঙর সাতকাম ভিলে মনে গরে।
কোন মন্তব্য নেই:
একটি মন্তব্য পোস্ট করুন