পত্তিক মাঝত চাঙমা কবিদ্যা কনা খলা আ পাঠচক্র জুগল: চাঙমা সাহিত্য বাহ্ পানছড়ি উপজেলা ধেলা
এ খলাবোত চাঙমা সাহিত্য বাহ্ গরা কমিতি তপ্পেত্তুন সরিত অলাক জধানানু, সুনানু ইনজেব চাঙমা, দাঙর কাবিদ্যাং, সুনানু প্রজ্ঞা আলো তালুকদার আ সাবাঙ্গী, সুনানু চিত্তি চাঙমা দাঘি।
খলা পজ্জোনি গিরি গচ্ছে চাঙমা সাহিত্য বাহ্ পানছড়ি ধেলা দাঙর কাবিদ্যাং, সুনানু পলাশ চাঙমাদাঘি।
চাঙমা সাহিত্য বাহ্ ২০২০ সালত পানছড়ি চাগালত যে কামানি গরা অইয়ে সিয়ানি পড়ে শুনেয়্যা সুনানু দেবায়তন চাঙমা দাঘি আ বঝরর আয় ব্যয় ইজেব য়্য পড়ে শুনেল। ভান্ডালি কাবিদ্যাং সুনানু রেনি চাঙমাদাঘি নানান অনটনে আহ্’জিল সরিত অই ন পারানা সুনানু দেবায়তন চাঙমা দাঘি পড়ে শুনেল।
তেম্মাং খলাত সরিত অইয়ে বেগর সল্লামজিম এযেত্তে মার্চ মাঝত্তুন ধরি মাঝর পল্যা শুক্করবারে কবিদ্যা কনা খলা আ পাঠচক্র জুগল গরিবার সুধোম গরা অইয়ে।
মন্তব্যসমূহ
একটি মন্তব্য পোস্ট করুন