চা.সা.বা ঢাকা ধেলা জধানানু, সুনানু মোহন চাঙমা কধা কর: ছবি: জিকো চাঙমা
২০৫০ ভিশন ভালেদি ওক-
চাঙমা সাহিত্য বাহ্ ঢাকা ধেলা উদ্যোগে গেল্লে কেল্যা ৫ মার্চ ২০২১ইং, ২০ ফাগোন ১৪২৭ বাংলা শুক্করবার বেন্যামাধান ১০ টায় ঢাকা সাভার পল্লি বিদ্যুৎ চাগালত জুম্ম সাহিত্য একাডেমিত তিন মাজ্যা চাঙমা লেঘা সার্টিফিকেট কোর্স ফাংফগদাঙ গরা অয়্যা।
ফাংফগদাঙ খলাবোত কধগিদাঘি কলাক, বাংলাদেঝত জনসংখ্যাদি দি নম্বরত অলেয়্য আমা মা-ভাচ এচ্যে ভচ যেবার অক্তত। তার একমাত্র কারণ আমি অসচেদন। পিত্তিমী অন্য জাদর কিথ্যা রেনি চেলে দেঘি তারা মা-ভাচ কোচ পান সেনে, মা-ভাচ বাদে অন্য ভাঝে কধা ন’ কন। বাংলাদেঝত্তুন যনি আমি চীনত চাগুরি গরা যেই খামাক্কাই চীন’ লেঘা-ভাচ শিঘা পরে। আ তারা বাংলা দেঝত এলেয়্য কন’ দিন বাংলাদি কধা ন’ কন। সেনে, এচ্যা তারার সাধীন, তারার কি নেই? বেক আঘে। মাত্তর! আমি? পরা কবাল্যা চাঙমা জাত্তো যুক যুক ধরি ধরা, পরা খাদে খাদে পিত্তোমরা। তারাদাঘি বেক্কুনে আহ্দে নিজ’ নিজ’ মা- ভাচ শিঘিবার আ আহ্দে আহ্ত ধরা-ধচ্যে গরি মুজুঙে খুচ পেলানা কুজোলী গরিলাক।
শেজে ফিদে কাবি সাভার বন বিহার মুখাম ঝু পিয়্যা লাক ধর্মানন্দ মহাস্থবির ভান্তেদাঘি চাঙমা লেঘা কোর্স ফাংফগদাং গচ্ছে।ইয়োত আহ্’জিল এলাক পল্লীবিদ্যুৎ ধর্ম আ সমাচ্ কমিটির জধানানু (সভাপতি)সুনানু সুনীল চাঙমা,দাঙর কাবিদ্যাঙ (সাধারণ সম্পাদক) সুনানু সুখীময় চাঙমা, সাভার বন বিহারর গরা কমিটির বাহ্ কাবিদ্যাঙ (সাংগঠনিক সম্পাদক) সুনানু জগদীশ চাঙমা আ চাগালার গণ্য মান্য মুরুব্বিগুন। আহ্জিল এলাক "চাঙমা সাহিত্য বাহ্ ঢাকা ধেলা" কমিটির জধানানু-সুনানু মোহন লাল চাঙমা,দাঙর কাবিদ্যাঙ সুনানু স্মৃতি বিকাশ চাঙমা, এজাল কাবিদ্যাং-সুনানু প্রবীণ চাঙমা(রতন),বাহ্ কাবিদ্যাং- সুনানু সুবর্ণা চাঙমা, ভান্ডালী কাবিদ্যাং-সুনানু তপন চাঙমা (মাস্টর), ফগদাং কাবিদ্যাং-সুনানু জিকো চাঙমা, শিক্ খে আ রিদিসুদোম কাবিদ্যাঙ- সুনানু রিটন চাঙমা(মাস্টর), দপ্তর কাবিদ্যাং- সুনানু রিট্যাইন চাঙমা দাঘি।
কোন মন্তব্য নেই:
একটি মন্তব্য পোস্ট করুন