হায়রে দেচ-জাত প্রেম

 ৩০ জানুয়ারী ২০১৯ খ্রি. দৈনিক কালের কন্ঠ

মুই বার বার কঙ, আমা চাঙমা জাত্তো যুনি পিত্তিমী বুগত মাজারা রাঘাদে বারি আগাথ্যা খেন অই এযের। কালা দিন বা কাল খেন আর কধক গঙে দিবং! কি গমি ন’ যায় চাঙমাউনর মাধা উগুরে? সিআনি কি এক্কায়্য ইধোত ন’ উদে? সে মিজিলিক দর, কুকি দর, মুখোশ বাহিনী দর, বাধি দর, জাত - বেজাদর দর সমুত্তু দেবানে দেবানে কোল বাজেই ২২ মুউজ’ চাঙমা কাবি পেলাক। সে দর এয’ থুম ন’ অয়। অনসুর এক বুক দর নিনেই কিঝু নুয়ো পিড়িউন কাম গরি যাদন। তারা কোনা-কুনি, গনা-গুনি সেরে মা ভাচ্ছান বাজে রাঘেবাত্তে রোদে পুরিহ্, ঝরে ভিজি আনুনি নুনচো আঙুল’ মাধায় মাধায় ভাত খেই আ কন’ সময় অনা ভাদে এ মুরহ্’ত্তুন ও মুরহ্’ত ভঙি বেরাদন।

ইক্যে তারা গণ প্রজাতন্ত্রী বাংলাদেচ সরকাররে এজাল দিবাত্তে দিঘীনালা, পানছড়ি, মালছড়ি সরকারী প্রাইমারি ইক্কুলাতি “ম’ বই’বো পড়েবাত্তে আক্কোই এলাক। সিআন গেল্লে ৩০ জানুয়ারী ২০১৯ খ্রি. #দৈনিক কালের কন্ঠ ফগদাঙ অয়ে- পাহাড়ে স্বেচ্ছাসেবী সংগঠণ ‘চাঙমা সাহিত্য বাহ্’ অন্ধকারে আলো শিরো নামে ফগদাঙ অয়্যা।

কধা এল’ তারা ফেব্রুয়ারী ভাঝর মাজত্তুন ধরি ক্লাশ আরগানি গরিবাক সাপ্তায় এক দিন। এ খবরান এটিও সুপায়ন খীসা গেল্লে মাজত মাসিক মিটিঙত পত্তিক সাত্থুয়াউনরে জানে দি দিয়্যা।

ইক্যে কধা কত্তে “আমি যুনি বেগে উযে ন’ এযি সালেন কন’ কাম বাক থুম গরি ন’ পারিবং। তুমি খবর প’ এচ্যে তারা জাত্তোরে কোচ পেনেই, দেচ্ছানরে কোচপেনেই মাগানা চাঙমা ম’ বইবো পড়েবাত্তে এত্তন তারা তমাত্তুন পাত্তুরুতুরু জানা দরগার। সে জাগাত তুমি তারে তচ্যা খাবেলে দ’ থিক ন’ অভ। তারা তমাসান বেতনধারি সাত্থুয়া নয়। তমাত্তুন তারারে এজাল দিয়্যা পরিব, জু গরি দিয়্যা পরিব। ইক্যে গরি আমি আমা ভাচ্ছান থিদ’ গরি পারিবং।

আমি খবর পেলং কন কন ইক্কুলত এয’ বই ন’ লুমনদোই। বেতনধারি সাত্থুয়া(শিক্ষক)উনে যারা মাগানা(বিনা বেতন) লেঘা শেঘেবাত্তে যাদন তারারে বইউন শিক্ষা অফিজত্তুন নিবার হুম দেদন। যিয়েন এক্কো মানুজর বিবেগে ন’ দে। মুই খবর ন’ পাঙর- কেনে তারা সে কধা আন কোই পারিলাক?

এধক্যে অলে কি আমা সমাচ, জাত ভালেদি এব? মুই তমা ইদু দ্বি আহ্ত জুরে তুদি গরিম - তমা কাম তুমি গর আমা কাম আমারে এজাল দিবার চ’। শিক্ষা অফিজত্তুন বই সরানা কামান আমার নয়, তমার।

চাঙমা সাহিত্য বাহ্ র কিঝু কাম

কাচালং স: ডিগ্রি কলেজ

চাঙমা সাহিত্য বাহ্ এক্কো অরাজনৈতিক আর অলাভজনক বাহ্/সংগঠন। ইবে চাঙমা ওক্কোর, ভাচ, সাহিত্য, সংস্কৃতির গবেষণা আর উজন্দি গরিবার এক্কো জধা। ইবে ১৮ বঝর আগে ২০০০ সালর ১ জানুয়ারী ঢাকা ভার্সিটি ক্যাম্পাসত থিদেব্বরী অয়।

৮-আন উদ্দেশ্য লোইনে চাঙমা সাহিত্য বাহ-র থিদেব্বরী অইয়ে।  সিয়ানি অত্তে-
১. চাঙমা পজ্জন, উপন্যাস, বানা, পালা, দাগকধা, ছড়া, একবাচ্যে কধা থুবানা, কাবিদ্যাঙি গরানা, ছাবানা আ সংরক্ষণ গরানা।
২. গবেষণা, সেমিনার, ওয়ার্কশপ, মেলা, পাঠচক্র ফাংশান গরানা।
৩. চাঙমাপিডিয়া রচনা, সম্পাদনা, আর ছাবানা।
৪. ভাচ-সাহিত্যরে বিশ্বত চিনপুচ্চো গরানা আর বিশ্বসাহিত্য বানানা।
৫. দেশীয় আর আন্তর্জাতিক জধালোই সর্ম্পক গরানা।
৬. চাঙমা ভাজত্তুন বিদেশী ভাচ আর বিদেশী ভাজত্তুন চাঙমা ভাজত অনুবা গরানা।
৭. চাঙমা আর্কাইভ সেন্টার বানানা।

লুসি চাঙমা চাঙমা লেঘা সাটিফিকেট গজার

চাঙমা সাহিত্য বাহ্র অর্জন/সাফল্য: সময়: ২০০০-২০১৮
১. ১০০০ চাঙমা লেঘার কীবোর্ড বানানা অইয়ে (শুরু: ২০০৪; শেষ: ২০০৬; সাপোর্ট: উপমন্ত্রী, পার্বত্য চট্টগ্রাম বিষয়ক মন্ত্রণালয়)।
২. ২৬৪২ জন মানজোরে চাঙমা লেঘা শেঘানা অইয়ে (ঢাকা বিশ^বিদ্যালয়; ঢাকা ট্রাইবেল হোস্টেল; রাঙামাত্যে; খাগাড়াছড়ি; বাঘাইছড়ি)।
৩. চাঙমা সাহিত্য পত্রিকা নাঙে অনিয়মিত সাহিত্য পত্রিকা ১৬ সংখ্যা সং ছাবানা অইয়ে।
৪. ২০০আন চাঙমা লেঘা (অঝাপাত) চার্ট বানা অইয়ে।
৫. পার্টনারশীপ গরা অইয়ে চাঙমা সংস্কৃতিক গোষ্ঠী- দীঘিনালা; সাঙু পাঠাগার-দীঘিনালা সমারে।
৬. দাঘকধা ১৪০০, ছড়া ৭০ বো, বানা ৫০ আন, পালা ২ বে থুবানা অইয়ে।
৭. চাঙমা লেঘার নীতি নির্ধারন গত্তে আর সরকারর নানান কামত (যেমন: ল্যাংগুয়েজ ব্রিজিং) অবদান রাঘানা।
৮. পিএইচডি ক্যান্ডিডেটরে পিএইচডি গবেষণাত (১) এজাল দেনা।
৯. চাঙমা কবিদ্যা জিতবাত (দি পল্লা) ফাংশান গরানা।
১০. ৬ আজার চাঙমা লেঘা বই (ইচকুলত পর্বোয়া পুঅ/ঝিউনরে) তিন পার্বত্য জেলা বাদে কক্সবাজার, চাদিগাঙ, ঢাকা তিবিরে রেজ্য আ অরুনাচলত মাগানা ভাক গরি দিয়্যা।

মালছড়ি কলেজত মিটিঙর ছবি

যারাত্তুন ধনর/তেঙার এজাল পেইয়েই:
২০১৫ খ্রি.
১. দাঙগু সুসময় চাঙমা (ভাইস চেয়ারম্যান, দিঘীনালা উপজেলা পরিষদ): ১৫০০ তেঙা
২০১৭ খ্রি.
২. শতরুপা চাঙমা (সদস্য, পার্বত্য জেলা পরিষদ, খাগড়াছড়ি): ১০,০০০ তেঙা [
৩. নবকমল চাকমা. চেয়ারম্যান, দিঘীনালা উপজেলা পরিষদ: ৫০০ তেঙা;
৪. “সাঙু- ২০১৭” ফগদাঙিত্যাই স্পনসর দাগনিত ৩৯,০০০ তেঙা;
৫. “সাঙু- ২০১৭” ফগদাঙিত শতরুপা চাঙমা- ৫০০০ তেঙা;
৬. “সাঙু- ২০১৭” ফগদাঙিত আশুতোষ চাঙমা- ৫০০০ তেঙা।

খলারামপাড়া স: প্র: ইক্কুল

২০১৮ খ্রি.
৭. শান্তি ময় চাঙমা (মেম্বার, ভাইবোনছড়া ইউপি)- ৫০০ তেঙা
৮. সুজন চাঙমা (সাবেক মেম্বার, ভাইবোনছড়া ইউপি )- ৫০০ তেঙা
৯. রতœ কুসুম চাঙমা (প্রভাষক, পানছড়ি ডিগ্রি কলেজ)- ৫০০ তেঙা
১০. টাটু মণি চাঙমা(প্রধান শিক্ষক, ভাইবোনছড়া মিলেনিয়াম হাই ইচুকুল)- ৫০০ তেঙা
১১. জুনেল চাঙমা (শিক্ষক, নুনছড়ি প্রাইমারি ইচকুল)- ৫০০ তেঙা
১২. সুপ্রিয় চাঙমা (সাবেক ভাইস চেয়ারম্যান, দিঘীনালা উপজেলা পরিষদ)- ১০০০ তেঙা
১৩. সুব্রত খীসা(সমাচ ভালেদি কাম্মো)- ৫০০ তেঙা
১৪. আড়াঙ(বাঘাইছড়ি, রাঙামাত্যা)- ১০০০ তেঙা
১৫. লালন কান্তি চাঙমা (প্রভাষক, কাচালং ডিগ্রি কলেচ)- ২০০০ তেঙা
১৬. দেবপ্রিয় চাঙমা (চাঙমা সাহিত্য বাহ্ প্রতিষ্ঠাতা)- ৫,০০০ তেঙা।
১৭. বিকেন চেগে- ২৫০০ তেঙা,
১৮. এলিয়েন্স চাঙমা- ৫০০ তেঙা
১৯. শ্রীমৎ প্রিয় জ্যোতি ভিক্ষু, মারিশ্যা, বাঘাইছড়ি- ১০০০ তেঙা
২০. শ্রীমৎ করুনাবংশ ভিক্ষু- ১০০০ তেঙা
২১. বিমল কান্তি চাঙমা, চেয়ারম্যান, মহালছড়ি উপজেলা পরিষদ- ২০,০০০ তেঙা
২২. বিভূতি চাঙমা, রাঙামাত্যা- ১০০০ তেঙা
২৩. কল্যাণ মিত্র চাঙমা, রাঙামাত্যা ১০০০ তেঙা

প্রিয়সী চাঙমা বই মাগানা ভাক গরি দের।

২০১৯ খ্রি.
২৪. নীল রঞ্জন চাঙমা , মালছড়ি-  ১০০০ তেঙা
২৫. বাপ্পী  খীসা, ২নং মুবাছড়ি ইউনিয়ন চেয়াম্যান- ৫০০০ তেঙা-------------৬০০০/-
২৬. শতরূপা চাঙমা, সদস্য, খা/ছড়ি জে/পরিষদ- ৩০০০/-
মোট ধনর/ তেঙার এজাল ২০১৬+২০১৭+২০১৮+২০১৯ = ১৫০০+৫৯০০০+৪৪০০০+৬০০০=১১৯,০০০ তেঙা

কবিতা জিতবাত ২০১৮
১. ১৩ জুলাই পল্যা খেপ
২. ৭ সেপ্টেম্বর দি খেপ
চাঙমা লেঘা সার্টিফিকেট কোর্স

 ২০০৪ সালত চাঙমা লেঘা সার্টিফিকেট কোর্স
১. ঢাকা ট্রাইবেল হেস্টেল।
২. ঢাকা বিশ^বিদ্যালয়।
 ২০০৫ সালত চাঙমা লেঘা সার্টিফিকেট কোর্স
১. রাণী দয়াময়ী উচ্চ বিদ্যালয়, রাঙামাটি।
২. দীঘিনালা কলেজ।
 ২০১৫ সালত ছ’মাজ্যা ফ্রি চাঙমা লেঘা সার্টিফিকেট কোর্স
১. উত্তর রেংকার্য্য উচ্চ বিদ্যালয়, মেরুং, দিঘীনালা ।
২. চংড়াছড়ি উচ্চ বিদ্যালয়, মেরুং, দিঘীনালা ।
৩. বাজেই ছড়া স: প্রাথমিক বিদ্যালয়, মেরুং, দিঘীনালা ।
৪. লাম্বাছড়া তেটোগাজ তলে, মেরুং, দিঘীনালা ।
৫. দিঘীনালা হেডম্যান এসোশিয়েশন অফিস।

সুমঙ্গল চাঙমা পানছড়ি কলেজত চাঙমা লেঘা শেঘানা ২৪-০১-১৯ খ্রি.

 ২০১৬ তিন মাজ্যা চাঙমা লেঘা সার্টিফিকেট কোর্স সাঙু পাঠাগারলোই পার্টনারশীপে:
১. পাবলা খালী কৃপাপুর সঃ প্রাঃ বিদ্যালয়, কবাখালী, দিঘীনালা।
২. চংড়াছড়ি উচ্চ বিদ্যালয়, মেরুং, দিঘীনালা
৩. পাগলা মহাজন পাড়া সঃ প্রাঃ বিদ্যালয়, মেরুং, দিঘীনালা ।
৪. ছামীনিছড়া প্রাইভেট ¯কুল, মেরুং, দিঘীনালা।
৫. করইতলি, শিবঙ্গ পাড়া ও মধ্যছড়া প্রাইভেট স্কুল, মেরুং, দিঘীনালা

 ২০১৭ সাল চাঙমা লেখা সার্টিফিকেট কোর্স
১. বাবুছড়া ফ্রেন্ড শিপ স্কুল, বাবুছড়া, দিঘীনালা; (দ্বি’ ব্যাচ শেঘা অয়্যা)
২. বাবুছড়া হাই স্কুল, বাবুছড়া, দিঘীনালা;
৩. চংড়াছড়ি উচ্চ বিদ্যালয়, মেরুং, দিঘীনালা; (দ্বি’ ব্যাচ শেঘা অয়্যা) 
৪. সাঙু পাঠাগার, মেরুং, দিঘীনালা;
৫. রেংকার্য্যা উচ্চ বিদ্যালয়, মেরুং, দিঘীনালা; (দ্বি’ ব্যাচ শেঘা অয়্যা)
৬. বাবুছড়া কলেজ, বাবুছড়া, দিঘীনালা; (দ্বি’ ব্যাচ শেঘা অয়্যা)
৭. উদাল বাগান উচ্চ বিদ্যালয়, দিঘীনালা; (দ্বি’ ব্যাচ শেঘা অয়্যা)
৮. বানছড়া উচ্চ বিদ্যালয়, দিঘীনালা;
৯. পাবলাখালী শান্তিপুর উচ্চ বিদ্যালয়, কবাখালী, দিঘীনালা; (দ্বি ব্যাচ শেঘা অয়্যা)
১০. তারাবনিয়া জনিয়র হাই স্কুল, কবাখালী, দিঘীনালা;
১১. উত্তর রেংকার্য্যা উচ্চ বিদ্যালয়, মেরুং, দিঘীনালা; (দ্বি’ ব্যাচ শেঘা অয়্যা)
১২. রেংকার্য্যা উচ্চ বিদ্যালয়, মেরুং, দিঘীনালা; (দ্বি’ ব্যাচ শেঘা অয়্যা)
১৩. হাজাছড়া জোড়াব্রীজ নি¤œ মাধ্যমিক বিদ্যালয়, কবাখালী, দিঘীনালা;
১৪. দিঘীনালা ডিগ্রি কলেজ, শুভ উদ্বোধন- ৪ ব্যাচ শেঘা অয়্যা,আ ফ্রি চাঙমা লেঘা শিঘানা কোর্স তিন দিন;
১৫. বরঝালা সরকারী প্রাথমিক ব্যিালয়, মাটিরাঙ্গা;
১৬. পূর্ব খেদাছড়া আদর্শ বৌদ্ধ বিহার, মাটিরাঙ্গা;
১৭. বড়াদম সরকারি প্রাইমারি ইচকুল, দিঘীনালা;
১৮. পি. এফ. সি. স্কুল, লক্ষীছড়ি;
১৯. বাঘাই হাত উচ্চ বিদ্যালয়, বাঘাইছড়ি, রাঙ্গামাটি;
২০. রেতকাবা সরকারী প্রাথমিক বিদ্যালয়, বাঘাইছড়ি, রাঙ্গামাটি;
২১. বাঘাই হাত সরকারী প্রাথমিক বিদ্যালয়, বাঘাইছড়ি, রাঙ্গামাটি;
২২. বড়াদম উচ্চ বিদ্যালয়, দিঘীনালা; দ্বি’ ব্যাচ শেঘা অয়্যা;
২৩. কামাকুছড়া সরকারী প্রাথমিক বিদ্যালয়, বোয়ালখালী, দিঘীনালা;
২৪. মনোরথ তালুকদারপাড়া সরকারী প্রাথমিক বিদ্যালয়, বাবুছড়া, দিঘীনালা;

 ২০১৮ সাল চাঙমা লেখা সার্টিফিকেট কোর্স
১. ভাইবোনছড়া মিলেনিয়াম হাই ইচকুল (২ ফেব্রুয়ারী)
২. মহালছড়ি ডিগ্রি কলেজ (৩ মার্চ)
৩. কাচালং ডিগ্রি কলেচ (১০ আগস্ট, দ্বি’ ব্যাচ শেঘা অয়্যা)
৪. বাবুছড়া মুখ হাই ইচুকুল
৫. উদল বাগাল হাই ইচকুল (৩১ মে)
৬. পাবলাখালী শান্তিপুর হাই ইচকুল (১৮ আগস্ট)
৭. দিঘীনালা মডেল বালিকা হাই ইচকুল (২৭ এপ্রিল)
৮. মাইসছড়ি হাই ইচকুল (৩ আগস্ট)
৯. বোয়ালখালী রাজ বৌদ্ধ বিহার (২৭ এপ্রিল)
১০. বাঘাই হাট হাই ইচকুল
১১. গঙ্গারাম মুখ সরকারি প্রাইমারি ইচকুল, সাজেক, বাঘাই ছড়ি, রাঙামাত্যা।
১২. উলুছড়া সরকারি প্রাইমারি ইচকুল, সাজেক, বাঘাই ছড়ি, রাঙামাত্যা।
১৩. এগোজ্যাছড়ি বে- সরকারি প্রাইমারি ইচকুল, সাজেক, বাঘাই ছড়ি, রাঙামাত্যা।
১৪. ১০নং বে- সরকারি প্রাইমারি ইচকুল, কবাখালী, দিঘীনালা, খাাগাড়াছড়ি।
১৫. দাড়ি পাড়া বে- সরকারি প্রাইমারি ইচকুল, সাজেক, বাঘাই ছড়ি, রাঙামাত্যা।
১৬. ধাব আদাম সরকারি প্রাইমারি ইচকুল, সাজেক, বাঘাই ছড়ি, রাঙামাত্যা।
১৭. ছয়নালছড়া বে- সরকারি প্রাইমারি ইচকুল, সাজেক, বাঘাই ছড়ি, রাঙামাত্যা।
১৮. কমলাক পাড়া সরকারি প্রাইমারি ইচকুল, সাজেক, বাঘাই ছড়ি, রাঙামাত্যা।
১৯. মিড পয়েন্ট বে- সরকারি প্রাইমারি ইচকুল, সাজেক, বাঘাই ছড়ি, রাঙামাত্যা।
২০. নন্দরাম আগামীর পাঠশালা, সাজেক, বাঘাইছড়ি, রাঙামাত্যা।
২১. ভাই বোন ছড়া সরকারি প্রাইমারি ইচকুল, সাজেক, বাঘাইছড়ি, রাঙামাত্যা।

সাঙু বই ফগদাঙি খেনত সম্ভুমিত্র কধা কর- ২৫-০১-১৯খ্রি.

মহালছড়ি উপজেলাত জাবারাং আ সেভ দ্যা চিলড্রেনলই এজালে চাঙমা লেঘা শেঘা অয়ে যে প্রাইমারি ইচকুলত-
২২. মহালছড়ি সঃ প্রাইমারি ইচকুল
২৩. পাহাড়তলি সঃ প্রাইমারি ইচকুল
২৪. কেরেঙ্গা নালা সঃ প্রাইমারি ইচকুল
২৫. সিঙ্গিনালা সঃ প্রাইমারি ইচকুল
২৬. খ্যাংসা পাড়া সঃ প্রাইমারি ইচকুল
২৭. চংড়াছড়ি মুখ সঃ প্রাইমারি ইচকুল
২৮. যন্ত্রনাথ পাড়া সঃ প্রাইমারি ইচকুল
২৯. মানিকছড়ি জয়সেন পাড়া সঃ প্রাইমারি ইচকুল
৩০. যাদুগনালা সঃ প্রাইমারি ইচকুল
৩১. পূর্ব দাতকুপ্যা সঃ প্রাইমারি ইচকুল
৩২. উল্টাছড়ি মুখ সঃ প্রাইমারি ইচকুল
৩৩. উল্টাছড়ি মুখ সঃ প্রাইমারি ইচকুল

 ২০১৯ সাল-চাঙমা লেখা সার্টিফিকেট কোর্স
১. খুলারাম পাড়া হাই ইচকুল (৪ জানুয়ারী)
২. পানছড়ি ডিগ্রি কলেজ (৫ জানুয়ারী)
৩. দিঘীনালা উপজেলা প্রাইমারি ইচুলত যারা চাঙমা লেঘা শেঘেবাক তারা ৬ দিন ট্রেনিং।

৪. মহালছড়ি উপজেলা প্রাইমারি ইচুলত যারা চাঙমা লেঘা শেঘেবাক তারা ৩ দিন ট্রেনিং(২০, ২১, ২২ জানুয়ারী )।
৫. মধ্য আদাম কুঠির পাড়া স: প্রা: ইক্কুল, মালছড়ি ((২২-০১-২০১৯খ্রি.))
৬. ঘিলাছড়ি হাই ইক্কুল, নান্যাচর, রামাত্যা (০১-০২-২০১৯খ্রি.)
৭. জগনাতুলি হাই ইক্কুল, নান্যাচর, রাঙামাত্যা (০১-০২-২০১৯খ্রি.)
৮. কাচালং গার্লস হাই ইক্কুল, বাঘাইছড়ি, রাঙামাত্যা (০১-০২-২০১৯খ্রি.)
৯. বাঘাইছড়ি হাই ইক্কুল, রাঙামাত্যা (০১-০২-২০১৯খ্রি.)
১০. গাইন্দ্যাছড়ি হাই ইক্কুল, নান্যাচর, রাঙামাত্যা (০৫-০২-২০১৯খ্রি.)

আমি পারিবং

কাচালং কলেজত চাঙমা লেঘা কোর্স

ইরুক বিচ্চায়ন ইন্টারনেদও যুগত পিত্তিমিত্তুন বহুত ভাচ আ ওক্কোর লুগি জাদন্নোই। আমার চাঙমা লেঘা আ ভাচ্চানয়্য চচ্চা ন’ থানার লুগি যেবার অক্ত। ১৮ বঝর আগে ২০০০ সালত পল্যা জানুয়ারীত এক ঝাক ভার্সিটি, মেডিকেল আ ইঞ্জিনিয়ারিঙত পোর্বায়া লগে মিলিনে চাঙমা সাহিত্যর পহ্’র ছদক চাঙমাউন ইদু আ পিত্তিমি ইদু ছিদিনে চাঙমা সাহিত্যরে বিচ্চসাহিত্য ইজেবে থিদব্বরী গরিবার অতালিয়ে ধারচ লোইনে “চাঙমা সাহিত্য বা” নাঙে এ খরহমঁরংঃরপ জধাবো বানা অয়ে। আমার আর’ লক্য আ উদ্দিচ্য অলদে, চাঙমা একাডেমি থিদব্বর গরানা, চাঙমা সাহিত্যিকউনরে মান গজানা, অজল অজল গবেসনা গরানা। ইয়ানি এক্কান রুটিনর কাম ইজেবে আমি ২০০৪ সালত্তুন ধরি এয’ সং চাঙমা লেঘা শিঘানা কোর্স চালে যের। ২০১৮ খ্রি. সং আমি ২৬৪২ জনরে চাঙমা লেঘা শেঘেলং। এচ্যে যারা হিল চাদিগাঙর বারে আঘন তারা হিলচাদিগাঙত্তুন দুরত থাগত্তে থাগত্তে মানুচ্ছুন কধ’ গেলে জাদর ভাচ, ওক্কোর আ সাহিত্যিত্তুনয়্য ফারক অই যাদন্দোই। অক্তে অক্তে বহুজনরে দেঘা যায়দে, নিজ’ মা ভাচ চাঙমা ভাচ্ছানয়্য পরি ফেলাদন। আরেককিত্তেন্দি, মিজোরাম সি.এ.ডি.সি- এ বাংলা ওক্কোর তুলি দিয়্যা, অরুনাচলর চাঙমাউনে বাংলা ওক্কোর মাদেই ন’ জানন আ তিবিরে চাঙমাউনেয়্য বাংলা ওক্কোর তুলি দেদন। তারা বানা চাঙমা ওক্কোর, চাঙমা লেঘা জানন, লেঘন আন্তজার্তিক ভাচ ইজেবে ইংজেজিয়্য জানন। ইক্যে আমি চাঙমা অইনে চাঙমা লেঘা ন’ পাল্লে লারে গরি আমা জাদর দাঙর কত্তা মিজোরাম, অরুনাচল আ তিবিরে চাঙমাউন্দোই ফারক অই যেবংগোই। সং সং চাঙমা অইনে আমি কার’ কধা ন’ বুঝিবং। যিক্যে গরি মিয়ানমার’ চাঙমাউন্দোই কধা কোই কি গল্লে বুঝা বুঝি ন’ অই। কারন আমি এব’ বাংলা ওক্কোরলোই লুদুপুদ আঘি। চাঙমা ওক্কোর, চাঙমা লেঘা ন’ পাচ্যগরি আমা পুয়ো/ঝিউনে কেনে জাদর দাঙর কত্তা অরুনাচল, মিজোরম, তিবিরে, বিহার, কক্সবাজার আ আরাকানর চাঙমাউন্দোই কুদুম্ব রাঘেবাক? এধক্যে গরি আমি তারাল্লোই লারে লারে গরি চাঙমা লেঘা শেঘানা অলিবর কারনে আমি ফারক অই যেবংগোই। আর এক্কান দাঙর কধা অলদে ইক্যে বাংলা সরকাচ্যা এ বঝর আমারে ক্লাশ টুত সং মা ভাঝর বই দিল। ইআন এ্যানে এ্যানে ন’ পেই। কধক চোগ’ পানি, লো ধালানার পর বাংলা দেঝর স্বাধীনতা ৪৮ বঝর পর আ পার্বত্য চুক্তি ১৮ বঝর পরম া ভাঝর বই পেলং। দুগর কধা অলদে আমি সে বইয়্যন পড়ে ন’ পারির। মাত্তর আমি “চাঙমা সাহিত্য বাহ্’র কাম্মোউনে সিআনি অবার দিদং ন’ চেই। সেনে আমি দিঘীনালা, মালছড়ি, পানছড়ি চাগালাত মা-ভাঝর বই পড়েবাত্তে আমি সাত্থুয়া (শিক্ষক) জুগোল গজ্জেই। আমি চেই জাদ’ ভেই বোনুনে ভিন চাগালাত বা যে যিদু থায় জাদ’ লেঘা চাঙমা লেঘা পাত্তোক। আমি তারারে শেঘেবং। আ সেত্তেই এ জুগলনা।

নান্যাচর উপজেলাত গাইন্দ্যাছড়ি হাই ইক্কুল চাঙমা লেঘা কোর্স
ফাঙফগদাঙ- ৫-২-১৯ খ্রি.

আমার এ চাঙমা সাহিত্য বাহ্ বোত আঘন তারা যে যেঙরি পারন চাঙমা লেঘা শেঘে যাদন।চাঙমা সাহিত্য পহ্’র সিদি দেদন হিলাহিলিত, ঘনাঘনিত লুমে দি যাদন।

আঝা রং তুমি বেগে খবর প’ আগেদি ঢাকাত্তুন চাঙমা সাহিত্য পত্রিকা নাঙে এক্কো চাঙমা ওক্কোর, ভাচ আ সাহিত্য বিসয়ক ম্যাগাজিন ছাবা অয়। ইক্যে দিঘীনালাত্তুন ধারাদিঘলী গরি ছাবা অয়। আমি চাঙমা সাহিত্য বাহ্’ তপ্পেত্তুন সে চাঙমা সাহিত্য পত্রিকাবো ফগদাঙ গরি আ হিলচাদিগাঙরর কনাকনি, ঘনাঘনিত্তুন ধরি ঢাকা, চাদিগাঙ আ ভিন দেজত যিদু যিদু চাঙমা জাত ভেই বোনুন থান, সিদু চাঙমা ওক্কোর, ভাচ আ সাহিত্যর পহ্’র ছদক লুমে দি যেল্লোই।

মালছড়ি মধ্য আদাম কুঠির পাড়া চাঙমা লেঘা শিঘিয়ে পুঅ/ঝিউন
০৫-০২-১৯ খ্রি.

আমি যারা চাঙমা সাহিত্য বাহ্’ কামগরি আমি বেগে কলেজত পর্বোয়া ছাত্র/ছাত্রী। মা বাপত্তুন পেইয়ে তেঙা বাজেনে আমা সাহিত্য কামানি চালে নেজের। আমি কারত্তুন চান্দা ন’ তুলি আ কারত্তুন তেঙা ন’ তুলি এব সং। মাসিক ফি আ চাঙমা লেগা শিঘিয়ে পর্বোয়াউনত্তুন যে ২০, ৫০, ১০০ তেঙা ফি লোই আ যারা আমা কামর দুক বুঝি কিঝু তেঙা মানচ্যা এজাল দুয়োন সিউন্দোই কোরেয়্য পেদেয়্য গরি কাম চালে যের। সিত্তেই এচ্যে ১৮ বঝর পরয়্য আমা জধাবো কন’ ফান্ড নেই আ এব’ এক্কান কম্পিউটার নেই। সেত্তেই লক্য-উদ্দিচ্যআনি বাস্তবায়ন গরি ন’ পারির, যুনিয়্য আমাত্তুন বল, মেধা, ধৈর্য্য, সাওচ আ ইচ্ছাশক্তি আঘে।

আমি কি আমা ভাচ ওক্কোর শিঘানা পোইদ্যানে সচেদন? কাত: দাঙগু ইনজেব চাঙমা

আমি কি আমা ভাচ ওক্কোর শিঘানা পোইদ্যানে সচেদন? কাত: দাঙগু ইনজেব চাঙমা

INJEB CHANGMA CHARU·

চাঙমা জাত্তোসান পরাকবাল্যা জাত সংসারত আর আঘন নিনা মুই খবর ন’ পাঙ। যারাত্তুন ভাচ ওক্কোর থানার পরয়্য পর ভাচ্ছোই সাহিত্য চচযা গরন- নিজর ভাচ ওক্কোর লারছার ন’ গরন। অন্য কিত্তেদি চেলে চাঙমা জাত্তো সান বর কবাল্যা এ পিত্তিমী নাঙে গ্রহবোত আর কন’ জাত নেই। কি ন’ এল’ তারার? ধর্মআন বৌদ্ধ ধর্ম। যার সুদোম অহিংসা পরম ধর্ম। রাধামন এল পিত্তিমীত দাঙর কজাল (বীর), বিজয় গিরি এল’ পিত্তিমী পৈনাঙি রাজা, এল’ রেয্য, ভাচ, ওক্কোর, সাহিত্য, সংস্কৃতি আ শিক্কে দীক্কে। বেগত্তুন বেচ যিয়েন এল’ সিআন অলদে লোবিয়ত। এক্কো ফিরিং সাত ভেইয়ে ভাক গরি খান। তিন দিন্নে উপস্যা সাত দিন্নে উপস্যারে তোরান। এধক্যে বিজক চাঙমা জাদর শিরেই শিরে মিজি এল’। মাত্তর সময়র গঙারে বেক আহ্’রে ফেলেই কন গল্লেত পরি দিক কাভুল ওই কন’ কিত্তে কুলেই ন’ পাত্তন।

দেঘা যাই চাঙমা জাত্তো গোদা পিত্তিমীত ছিদি পচ্ছোন। শিক্কে দিক্কেই আগত্তুন আজার আজার গুনে মুজুঙে আক্কোই যিয়োন। যাক যাক পিএইচডি ডিগ্রি পাদন, পিত্তিমীত নাঙ ফুত্যা বিদ্যা ঘরত কাম গত্তন। এধক পানার (অর্জন) পরয়্য কিত্তেই পরাকবাল্যা কোই যায়? চাঙমা জাত্তো এক্কান পাজা আঘে, মানজ্যা এক্কা বাঙিনি গরলে তারা জাত পাত বেক কুরি ফেলা, আঙুল মাধালোই বেরান থেঙ’ মুরি ন’ বাজেই। নিজ’ জাদর কধা, নিজ’ বংশ কধা, জাদর পাজা (বৈশিষ্ট্য) কধা বেক স্বরসত্তিবো উরি নেযায়। তলেদি রিনি ন’ চান, চেলা মোজ’সান মু আলক গরি বেরান। সিত্তেই এচ্যে চাঙমা জাত্তো পরাকবাল্যা।

তারা কি লাগত ন’ পান? কি গমি ন’ যায় তারা মাধাত? দেবানে দেবানে কোল বাজেই বাইয়েচ মুউজ চাঙমা কাবি ফেল্লোন, রাজাকার কোই কোই আদাম থিয়ে গুলি গরি মারেফেল্লো। মিজিলিক দর, ডাগিদর দর, বাধি দর, ঘগুরুক বাহিনী দর, মুখেচ বাহিনী দর, বাঙাল দর, আর্মি দর, কুকি দর, বাঘ দর গমি যেল’। কাপ্তে গোধা বানি ধুবে দিল’ আজার আজার একর ভুই-বাগান। এ কাল এয’ গমি যার তারার। এয’ গমি যার তারা কিয়েত সে সুনামি সান দাঙর দাঙর ঝর বোইয়ের। ইক্যে জাত ভেইয়োর দর। সেনে এচ্যে তারা বেন্যা বেল্যা ভাত যেই খা পরে সিআনয়্য কুরি ফেলাদন। দিঘলী আদামত দিঘলী মা এক মাচ সং এক সাচ্যা ভাত্তোই আঘে। তারার এক্কো আওজর পুঅ জিত্তো শহরত্তুন এত্তে ঝারবোউনে আধা পদত গাড়িত্তুন লামে কুধু নেযেলাক কন’ খবর নেই। সেনে তা পুবোরে ফিরি পেবাত্তে দিঘলী মা ভাত মান্নে। এক সাচ্যা ভাত খেই খেই আগাথ্যা দিন তোরার। এধক্যে হ্’নসুচুক্যা দিন মাধনত আজু নানু পজ্জন শুনানা, বেন্যা অলে থাচসাল’ আগুনত পেত পেত জুম আলু পুরি খানা, মা লক্ষী মারে ভাত দেনা, থানমান গরি গীদে রেঙে মত ভাঙ খেই সে জুম’ গপ মাধানা, গাবুজ্যা গাভুরি ছরা ইজা যানা, ঘিলে পারি দিপজ্যা মাধাত পাগানা রোদত গাজ’ ছাবাত তলে ঘিলে খারা অনা, ঘিলে লুদিলোই বটগাজ’ ত’বেয়ে ধেলাত দোলন তাঙে দুলত দুলনা বেক কুরি ফেল্লোন। মাত্তর এক্কান দাঙর কধা অলদে দিঘলী মা এধক দুগত থানা পরয়্য তে তার মা ভাচ্চোই কধা কর, তে যে চাঙমা; চাঙমাত্তুন ওক্কোর, ভাচ, সাহিত্য, সংস্কৃতি আঘে সিআনি বেক আঝা গরি নিশুলি বুগত আভর কাবে আঘে। যারা এচ্যে যারা দেজে বিদেজে নাঙ বাজাদন কধন তারা চাঙমা জাদর মাজারানি, সুদোমানি বেক আহ্’রে ফেলেই পর জাদর সুদোম্মই আওজি মনে দিন তোরাদন। খবর ন’ লন জাত ভেইউন কেঝান আঘন, ইত্তো কুদুম্মোউন কেঝান দিন কাল তোরাদন। সিআন মুই কবার ন’ চাঙ, কবার চাঙ- তারা যে চাঙমা, পত্তিক জাদর আলাদা আলাদা পাজা থাই। তারা আমানর পাজানি ধরি ন’ রাঘেই পর’ পাজালোই আমনরে চিন পুচ্যা দেদন। বেগত্তুন দুগর কধা অলদে তারা সাহিত্য চচযা গরন পর ভাচ্ছোই। ভিন জাত্তুন চাদন চাঙমাউনরে কেনে কচ্চর বানেবাক। সেনে ভিন ভাচ্ছোই, ভিন ওক্কোলোই সাহিত্য চচযা গরলে তারে মান গজাদন। দাঙর দাঙর কেজ্জো গরি ফেসবুগত, পেপারত, টিভিত তা নাঙান ফগদাঙ গত্তন। সিত্তুন উচ্চমি পেই ইক্যে মুইয়্য ভিন ভাচ্ছোই সাহিত্য চচযা গরঙর। এধক্যে গরি আমি লারে লারে অন্য জাদর সমারে মিজি ন’ যেবং কন্না যেব’। কি মূল্য আঘে সালেন পার্বত্য চুক্তি? কি মূল্য আঘে এম এন লারমা সান আজার আজার বান্দা পরান দেনা? এচ্যে মোন মুড় যেন তাক কুল, ছড়া ছুড়ি চাজা অর সমারে আমা সাহিত্য সংস্কৃতি, ভাচ, ওক্কোরয়্য কি চাজা অভ’?

সেনে মুই আমা নুয়ো পিড়ি আ ইরুক পিড়িউন’ ইধু কুজোলী গরিম- মাইকেল মধুসুদন সান আমাত্তুন ওই পরিব’। আঘে আমনর ভাচ-ওক্কোলই সাহিত্য চচযা গর’। ইআনর অর্থ এ নয় যে আমি ভিন জাদর ভাচ ন’ শিঘিবং।

নুয়ো পিরিহ্ জাগি উত্তন

ক’দিন আঘে মুই খুউব চিওম্যা এলুঙ। কিত্যাই, আমার চেরোপালা মানুচর কধা ভাবি। ইধোত উদে নুয়ো রামর সে কবিদ্যা কধা। তে কোইয়ে “অজল পাগজ্যা নিজ ঝুপ দিন দিন পরেল্লি কলি যুগ, কলি যুগত সত্য নেই, বুগ ছিরি দেঘেলেয়্য পত্য নেই।” আজলে সিয়ান মুই যধবদে গরি বিশ্চেস যাঙ। ইরুক দিনত কারে কন্না থোগেই পারে, কারে কন্না কদক বেচ পরাদি পারে এধক্যে গরি দিন-কাল তোরাদন।

গেল্লে জুন মাচ এল’ আমার চাঙমা লেঘা শেঘানা মাচ। বাঙালর পবিত্র রমজাম মাজ। এ মাজত ইশকুলত লাম্বা এক্কো বন্ধ এল’। এ বন্ধ দিনত আমি দিঘীনালা উপজেলাত ১১য়ান জাগাত(হাই আ প্রাইমারি ইশকুল) চাঙমা লেঘা শেঘেয়্যাই চাঙমা সাহিত্য বা আ সাঙু পাঠাগার তপ্পেত্তুন। ইয়ত দাঙগু এলিয়েন্স চাঙমা এল’ মর ছাবা সান। বানা কি সিয়ান? না, তে মরে নানা কিজু পরামর্শ দিদ’। আ দাঙগুবী শ্রেয়সী চাঙমা, দাঙগু রিকন চাঙমা(তারা দ্বি জনে মাস্টর, বাবু ছড়া ফ্রেন্ডশিপ ইচকুলত), দাঙগু রির্টান চাঙমা(বাঘাইছড়ি, বাবুছড়া) আ দাঙগু উজ্জ্বল চাঙমা চাঙমা(বাবু ছড়া হাই ইচকুলর মাস্টর) তারারে ইধোত ন তুলি ন পাঙর। তারার এজালে চাঙমা লেঘা কোর্সু দোলে দোলে থুম গরি পারা যিয়ে।

ইক্যে কধা কত্তে, হাজাছড়া জোড়া ব্রীজ জনিয়র ইচকুলত ২৩ জুন চাঙমা লেঘা শেঘা যাদে জীপ গাড়ি ন’ পেন্যাই এক্কান হোন্ডা নেযা পয্যা। তে মত্তুন ৮০ তেঙা চাই। শেজে ৭০ তেঙালোই দর গরি লত্ দিলুঙ। মর এক্কান পাজা অহলদে মুই পাত্তে ভাগে বাঙাল গাড়িত কম উধোং। কিত্যাই, বাঙাল্যা যুনি কন এক্কান অয়? ইদোত উদে ২জুন লংগদু কধা। ৩০০ উগুরে ঘর ছেই বানে দ্যুন। সিত্যাই চাঙমা গাড়িত গরি জোড়া ব্রীজ গেলুঙ। সিধু যেন্যাই মরে এক্কো মিলে কত্তে(তে, চে রুয়ে মুই ভাড়া দেদ্যা), আ দা কত্তুন এযর? দিঘীনালাত্তুন। তে কল দিঘীনালাত্তুন জোড়া ব্রীজ একজন ৩০ তেঙা, দ্বি জন অলে ৫০ তেঙা হোন্ডা ভাড়া। মুই চাঙমা ইজেবে বিশ্চেস আঘে মরে ন থোগেবাক। সে বিশ্চেস মর লারে লারে জাঙারে ধরের।

২০১৫ সাল। দিন - পুর ইক্যে ইদোত নেই। চাঙমা লেঘা শেঘা যাঙর উত্তর রেংকায্যা হাই উচকুলত। মেরুং স্টেশনত লামিনে ম এক্কো ইচকুলর সমাজ্যা লাগত পিয়ঙ। তে মত্তুন পুজোর গরে মুই কন কুম্পানিত চাগুরি গরঙ। তা ধক বুঝি হোচ গরি কলুঙ, ‘চাঙমা সাহিত্য বা’।

-বেতন কদক পাচ?

- আপাতত ন’ পাঙ। দ্বি-তিন বজর যাদে লাখ উগুরে বেতন পেম।

এই কধায়ান শেজ অধে ন’ অধে মরে চা দোগাত আহদত ধরি থানি নিল। পেজেহ্ পেজেহ্ পুজোর গরে নানাঙ কধা। শেজে তারে দোলে বুজে কলুঙ- “চাঙমা সাহিত্য বা এক্কো অলাভ জনক সংস্থা। আমা কাম মাগানা গরানা, দেচ-জাত কোচপেন্যাই ইয়ানি গরি, চাঙমা সাহিত্যরে বিশ্ব সাহিত্য ইজেবে থিদ গরিবাত্যা। তরে লাখ উগুরে যে বেতনর কধা কলুঙ সিয়ান অলদে আমি এযাবত ৩০০জনরে চাঙমা লেঘা শিঘিয়েই। এযেত্তে বজরত যুনি যার যার মা ভাচ্ছোই ইচকুলত লেঘা শিঘি পান। তারাও চাঙমা লেঘা পারন ইজেবে চাকরী পেবাক। যুনি দুর্নীতি ন অয়। ৩০০জনত্তুন যুনি ১০জনে চাগরি পান তারা বেতন ১৫ আজার ধরল্লে ১০জনর বেতন ১৫০,০০০ আজার টেঙা। তরে এই কধায়ান কবার চেনেই এক্কো চা বকশিষ পেলুং।”

বেগ শেজে লক্ষীছড়ি উপজেলাত চাঙমা লেঘা কোর্স চালু গরিবাত্য দাঙগু সুমন চাঙমা লোই(সদস্য, সাঙু পাঠাগর) এবজর মার্চ মাজত সিধু গেলঙ। ১নং লক্ষীছড়ি ইউনিয়নর চেয়ারম্যান্যেলোই এগত্তর অই খবর পেলঙ উপজেলা চেয়ারম্যান্যে নেই। ঢাকা কামে যিয়ে। তারল্লোই কধাবাত্তায় কোর্সু দিন - পুর বানিলং, এপ্রিল ৭দিনত কোর্সু ফগদাঙি গরানা। বেক্কানি তাত্তুন পরামর্শ গরি এলঙ। শুগনছড়ি দেয়ান পাড়াত্তুন দাঙগু প্রদীপ চাঙমা তারে ফাঙগরা যেইন্যাই উপজেলা চেয়ারম্যান্যে তারে আগে ন মাধেনেই এক্কা কুজুক কুজুক পেন্যাই প্রদীপ্যা মরে ফোনে কয়দ্যা দা, তুই এক্কা উপজেলা চেয়ারম্যান্যেলোই কধা কোইচ। কধা কোইনেই চেয়ারম্যান্যে মরে কল- “ইধু(লক্ষিছড়িত) কন্না কন্না কাম গরত্তে?......শুন, ইয়ানি অলদে বৃহত্তর বিষয়-সাহিত্য বিষয়। এচ্যে বাংলাদেশ কমেলেত্তুন ধরি সাহিত্য নিনেই গবেষনা গরেত্যা। আন্দাজ্যা অহ্লে ন গাত্তো। .................এম পাশ পদে ঘাদে। দিঘীনালাত দ আর বেজ। বানা চিগেরেত খেই খেই থানদে - জুয়া খেলা খেলে খেলে। ..... তুমি আন্দাজ্যা দ’ শেঘে গেলে ন’ অহব। তোমালেই কধা কনা যথেষ্ট দরগার এল ....................(১৭ সাল কধা)”।

আঘে কোই অয়্যা উপজেলা চেয়ারম্যান্যে ন’ থানার আ ইউনিয়ন চেয়াম্যান দাঙগু প্রবীল চাঙমার সল্লা পরামর্শলোই গরবা বলা যেব কারে কারে বেগ থিক গরা অয়্যা। এই কধানি শুনি পল্যে মনত এক্কা দর সম্যে। কধা আঘে, “পদ ফুরোই সাঙু দুয়োরত, কধা ফুরোই নানু দুয়োরত। ইয়ান চিন্দে গরি নানু তগেই ৭এপ্রিল লক্ষীছড়ি পিএফসি ইচকুলত “চাঙমা লেঘা কোর্স” ফগদাঙ গচ্ছে। খামাক্কাই কোম ইয়ত আমার আত্তো আজারউগুরে তেঙা করচ অহলেয়ু আমি কোর্সু গরি পাচ্ছেই (চাঙমা লেঘা শিঘিয়ে পেলং বানা ৩ জন। তারায়্য ভুজলি চুগত্তুন এযন)। ইয়ান এই কনচুসুক্যা দিন মাধানত দাঙর পাওত্তি ভিলি মনে গরঙ।

আ আমা নুয়ো তপ্পা বা নুয়ো পিরিহ্ কধা ভাবিলে গত্তনাত কাজি দিন্যাই মরিবার মনে কয়। তারা ফেসবুক বাদে কিচ্ছু ন’ বুঝন। কুধু গেলে এক্কো দোল ছবি আপলোড দি পারিম, কন কিয়োঙত, কন তানজাঙত, কন রিঝেং-ঝুরঝরিত না পর্যটনত। বেগে এচ্যে রঙ্গতামাশাত মিজি থেবার চান। ইন্দি ঘর উন্দোরবু উদে র্আ পরের খবর নেই। ইয়ান মুই তারারে দুচ দিবার ন’ চাঙ। দুচ্ছান আমার রাজরর চেলাউনর। মুই বিশ্চেস গরঙর আমা চাঙমা জাত্তো তলে পরিয়্যা নয়। যুগে যুগে তারা সুয়োল গরি এত্তন। রেয্য পর রেয্য শাসন গরি ইচ্ছুন। সে বংশর পুঅ/ছাউন এধক্যে অহনার দাঙর কারন আঘে।

যা ওক, গেলদে ২৩, ২৪ আ ২৫ জুলাই মাজত চাঙমা সাহিত্য বা আ সাঙু পাঠাগার এই দ্বিবে জধা দিঘীনালাত তিন দিন সং যারা মুজুঙর দিনত আদামে আদামে, ইচকুলত, কলেজত চাঙমা লেঘা শেঘেবাক তারারে ট্রেনিং গরা অয়্যা। এই ট্রেনিঙত্তুন বুঝি পাচ্ছোঙ আজলে জাত্তোরে কোচপিয়ে মানুচ এয আঘন। কিত্যাই বারেজ্যা দিনত, উরহুজ্যা ঝরত তারা নিআলসি গরি ট্রেনিং গচ্ছোন, নিজ খরচে। তারা ইমে গচ্ছোন, সাপ্তাই দ্বি’ঘন্টা জাদত্যাই নিজ জীংহানিত্তুন খরচ গরিবাক।

এচ্যে সময়র গঙারে বেক্ বদলি যিয়ে, বদলি যিয়ে হিল চাদেগাঙসমুত্তু গোদা পিত্তিমীর ধক। যক্যে ভারদত কালা মেঘ চাগা ভেদা দের সক্যে মোদি বেক্কুনরে মিটিঙত দাগিলে বেগে উজে যিয়োন। মাত্তর, আমি? এই উত্তর তোমা সিধু। মুই ন’ কলুঙ। তবে ইক্যে মর আঝায় বুক ভরি যার ইয়ান ভাবিনেই, দেচ আহ্লেয়্আয মা মা ভাচ্ছান আহজি ন’ যেব’। কিত্যাই নুয়ো পিরি জাগি উত্তন।আমারে নাঙান জনে নানাঙ ধক্যে গরি এজাল দেদন। মালছড়ি উপজেলা চ্যোরম্যান্নে ২০ আজার তেঙা এজাল দিল’। মা ভাচ্ছোই সাহিত্য চযযা গত্তন। এধক্যে নালে আহদিলে হিলর ছড়াগাঙ ঝালাব্বর অহব, গাজে গজে নানাঙ ফুলে তম্বাস ছিদিব। মোন-মুড় এ্যাইল অহ্ব। যিধু যেই, যিধু থেই এই অমূল্য দরপ্পান লগে নি পাবিবং। ইধোত গাদে রাঘ হিল চাগোঙ বাদে আমা কন কিত্যা জাগা নেই।