ধর্ম, যেঙরি পারা যায় বুদ্ধি খাদে খাদে কাম গরি য’

ধর্ম চিদি।

আওজোর,
              ধর্ম, চিদি আনর পত্থমে চিদত্তুন ছাগি তুল্লে অতালিয়ে কোচপানা আ ভালেদি জানাঙর। আঝা গরঙ ঘরত বেক্কুনে গাউলি গম আঘ। আমিয়্য বেক্কুন গম আঘি।
কোচপিয়ে ধর্ম,  ত’ চিদি আন পেয়োঙ। ত’ চিদি আন বার বার পচ্ছোঙ। খুব গম লাক্কে। জানে ২০০০ সাল কধা ইধোত উদি গেল’। সক্যে দেব দা আ কৃতি দা মরে চাঙমা লেঘালোই চিদি লিঘিদাক। এ অক্তত ত’ চিদিআন পেনেই মর সে গাভুর কাল কধা ইধোত উদিল’।
ধর্ম, বানা সিআন নয়, আমি যে চাঙমা লেঘা শেঘানা কাম গরি সিআন সাকসেকস অল বিলি মনে গচ্ছোঙ। কিত্যাই এ কামান ন’ গত্তঙ হয়দ’ তুই মরে এধক্যে গরি চিদি লিঘি ন’ পাত্তে। সিত্তেই তুমি যে সাজেক বামত কাম চালে যর সেনে তমা বারবাঙানে ইধোত তুলং। মাত্তর এক্কান দাঙর আভিল্যাচ মর, যেধক্যে গরি কাম গরর সে মান জাত্তো কন’ দিন ভুলি ন’ পারিব আ আমি সে মান এক ফুদয়্য দি ন’ পারির।
যা ওক ধর্ম, তুমি যে কোরেয়্যা-পেদেয়্যা গরি কাম গরি যর সে ফল এক দিন পেবা। পেব জাত্তো দোল এক্কান সমাচ। পেবা তুমি মান। বিজক’ পাদাত তমা নাঙানি লেঘা থেব।
শেজে কোম ধর্ম, যেঙরি পারা যায় বুদ্ধি খাদে খাদে কাম গরি য’। মরে অনসুর কায় পেবা। কি গরা পরিব চাঙমা সাহিত্য বাহ্ লোই সল্লা গচ্ছো। আ বেক্কুনরে উচ-গুচ দিচ।
থুমেদি
ত’বর ভেই
ইনজেব

তারা পারিবাক

বাবুছড়া মুখ হাই ইচকুলত দাঙগুবি শ্রেয়সী চাঙমা।

পার্বত্য চট্টগ্রামত ১৮৬৩ সালত পল্লে ইচকুল খুল’ অয়ে “চন্দ্রঘোনা বোর্ডিং ইচকুল” নাঙে। ইয়োত চাঙমা আ বার্মিজ লেঘা শেঘা অয় (পার্বত্য চট্টগ্রামে পাহাড়ি সাহিত্য চর্চা নব জাগরণ - শুভ্র জ্যোতি চাঙমা)। নানাঙ কারণে পরে চাঙমা লেঘা বাদ দিয়্যা অয়ে। সমারে বার্মিজ লেঘয়্য। এচ্যে ২০১৮ সাল। ২০১৭ সালত পার্বত্য চুক্তিমজিম হিলত তিনান আদিবাসিউনর মা ভাচ্ছোই আ চিজি দাঘী বই পিয়োন। দুগ’ কধা অলদে মাস্টরুন পরে ন’ পাত্তন। নানাঙ সমাচ ভালেদি কাম্মো তারা নানাঙ ধক্যে গরি মা-ভাঝর মেইত বুঝি কাম চালাদন।
ইক্যে বেগত্তুন বেচ চোগত পরে “চাঙমা সাহিত্য বাহ্’ নাঙে এক্কো জধা। তারা কামানি ফেসবুক, প্রথম আলো, কালের কন্ঠ আ অনলাইন পেপারত্তুন খবর পেই নানাঙ জাগাত মাগানা বই ভাগ গরি দেনা সমারে সমারে তারা চাঙমা লেঘা শেঘে যাদন নিআলঝি গরি। কোরেয়্যা - পেদেয়্যা গরি  কাম গত্তন। তারা এক্কান সবন মা-ভাচ্ছানরে পরান ফেরে দেনা। জাদর সাহিত্য সংস্কৃতি আ ওক্কোর গোদা পিত্থিমি বুগত পোতপোত্যা গরানা। যিক্কে ভাবানা সিক্যে কাম চালে যাদন। তারা চোগত-মুয়োত এ দাঙর সবন দিঘি দিঘি রেত্তো পরি ঘুম ন’ যান।

মাইচছড়ি ইচকুলত দাঙগু এলিয়েন্স চাঙমা

২০০০ সালত ১ জানুয়ারী ঢাকা বিশ্ববিদ্যালয় ক্যাম্পাসত চাঙমা সাহিত্য বাহ্ থিদব্বর গরা পর পর তারা মা ভাচ, সাহিত্য ভালেদিত্তেই কাম গরি যাদন। গেল্লে ২৬ জানুয়ারি ২০১৮ দিঘিনালাত চাঙমা সাহিত্য বাহ্ অফিস  ফগদাঙি খলাত চাঙমা সাহিত্য বাহ্ বানেয়্যা দাঙগু দেবপ্রিয় চাঙমা কোইয়ে-
“চাঙমা সাহিত্য বাহ্ এক্কো অরাজনৈতিক আর অলাভজনক বাহ্। ইবে চাঙমা ওক্কোর, ভাচ, সাহিত্য, সংস্কৃতির গবেষণা আর উজন্দি গরিবার এক্কো জধা। ইবে ১৮ বঝর আগে ২০০০ সালর ১ জানুয়ারী ঢাকা ভার্সিটি ক্যাম্পাসত থিদেববরী অয়।

৮-আন উদ্দেশ্য লোইনে চাঙমা সাহিত্য বাহ-র থিদেববরী অইয়ে।  সিয়ানি অত্তে-

·        চাঙমা পজ্জন, উপন্যাস, বানা, পালা, দাগকধা, ছড়া, একবাচ্যে কধা থুবানা, কাবিদ্যাঙি গরানা, ছাবানা আ সংরক্ষণ গরানা।

·        গবেষণা, সেমিনার, ওয়ার্কশপ, মেলা, পাঠচক্র ফাংশান গরানা।

·        চাঙমাপিডিয়া রচনা, সম্পাদনা, আর ছাবানা।

·        ভাচ-সাহিত্যরে বিশ্বত চিনপুচ্চো গরানা আর বিশ্বসাহিত্য বানানা।

·        দেশীয় আর আমত্মর্জাতিক জধালোই সর্ম্পক গরানা।

·        চাঙমা ভাজত্তুন বিদেশী ভাচ আর বিদেশী ভাজত্তুন চাঙমা ভাজত অনুবা গরানা।

·        চাঙমা আর্কাইভ সেন্টার বানানা।

·        চাঙমা একাডেমি থিদেববরী গরানা

 ১৮ বঝর আগেদি চাঙমা লেঘা লিঘিবার জু এলদে বানা আধে লেঘিবার। আমার ভারি আওচ অদ- কম্পিউটারলোই লিঘিবার। নানান এক্সপার্ট ইদু অত লোলি গলস্নং- কন উপায় পা ন’ গেল। সবন কালিক থেই গেলগোই। চাঙমা লেঘা দেঘেবার শেঘেবার সিদি-দিরার- আগজে ২০০৪ সালত পার্বত্য উপমন্ত্রীর এজাল পেইনে আমি ১০০০ আন চাঙমা কীবোর্ড বানেলং। সিদি গেল চাঙমা লেঘা আর বার গরিবার জিনিস।

কবি মাইকেল মধুসূদন দত্ত কোইয়ে- যে মানুচ্চো নিজ ভাচ, নিজ লেঘা ন জানে- আর শিক্ষিত বিলি দাবি গরে- মুই তারে শিক্ষত কোই ন’ পারং। আমি সিয়ান যেকোন কারনে ওক- আমি আমা লেঘাআন ন’ পারি। আমার বারবার আওচ এল ন’ পারন্যে মানযোরে শেঘেবার। সে ধারাজে- আমি ২০০৪ সালর সেপ্টেম্ব মাজত তৎকালীন পার্বত্য উপমন্ত্রীরে দাঙর গরবা ইজেবে ফাং গরল্লং আ তে চাঙমা লেঘা শেঘানা ফগদাঙ গরল্লং।

তারপরে আমি শেঘেলং- রাঙামত্যে নভেম্বর ২০০৪ সালত আর ফেব্রুয়ারি ২০০৪ সালত ঢাকাত। এধক্যেন গরি দীঘিনালাতয়্য  শেঘানা অল। আমি পার্টনারশীপ গরল্লং চাঙমা সংস্কৃতি গোষ্ঠী আর সাঙু পাঠাগারলোই। আমি ইক্কে কোই পারি ২১০১ জন মানজোরে আমি চাঙমা লেঘা শেঘেলং। 

মাটিরাঙ্গাত চাঙমা লেঘা শিক্কে কোর্স ফগদাঙি।

২০০০-২০১৮ সং আমার সাকসেস কদ’ গেলে কোই পারি-

1.      ১০০০ চাঙমা লেঘার কীবোর্ড বানানা অইয়ে।

2.  ২১০১ জন মানজোরে চাঙমা লেঘা শেঘানা অইয়ে।

3.    চাঙমা সাহিত্য পত্রিকা ১৪ সংখ্যা সং ছাবানা অইয়ে আ এয’ ফগদাঙ গরা অর। আ ৩০০আন চাঙমা লেঘা চার্ট বানা অইয়ে।

4.      দাঘকধা ১৪০০, ছড়া ৭০ বো, বানা ৫০ আন, পালা ২ বে থুবানা অইয়ে।

5.     আর কিজু মানজো ইদু----আমা সবনান পার গত্তে দেনা। ইক্কে কিজু মানুচ আমা সান চাঙমা লেঘার উজন্দি সবন দেঘন।

6.     চাঙমা লেঘার নীতি নির্ধারন গত্তে আর সরকারর নানান কামত(যেমন: ল্যাংগুয়েজ ব্রিজিং) অবদান রাঘানা।

7.     পিএইচডি ক্যান্ডিডেটরে পিএইচডি গবেষণাত এজাল দেনা”

ইক্যে চাঙমা সাহিত্য বাহ্ দাঙর এক্কো বটগাজ সান ধেলাত্তুন  ধেলা অই যার। এচ্যে রাঙামাত্যা, খাগাড়াছড়ি ধপদভা গরি কাম চলে। যারা চাঙমা সাহিত্য বাহ্ বাবদা তলে কাম গত্তন তারারে মুই বুগত্তুন ছাগিতল্লে অতালিয়ে চিতদিঘোল ভালেদি আ কোচপানা জানাঙর। 
মুই বারবাঙানে এক্কান কধা কঙ- “ এজাল আ ভালেত দি আন জিসিন সং অলে পিত্তিমীত যে কন’ আগাত্যা কাম উবে পারে।” এচ্যে যারা এ কামানি নিআলঝি গরি জাত্তোরে কোচপেনেই গত্তন তারা মনর আ ধনর এজাল দি পারলে তারাত্যাই এ কামান গত্তে বা সাল্যাঙত লুমদে কায় আ উজু অভ। সিত্তেই এচ্যে তারা ফান্ডিঙর কধা বার বার কধন-

“এ কামানি গত্তে মানজে ধনর এজাল দিবার ন’ চান। আমা সমাজত মহাজন মানচ থেলেয়্য দানবীর ভারি কম। আমি চিন্তে গরির- কি গরিনে ফান্ড বানানা যায়- নলেন সবনানি সবন থেই যেবগোই। আমি বাক থুম ন গরিনে কামত খেমা দিবার ন চেই।  কন দানবীর মানজোর দান পেলে চাঙমা সাহিত্য বা তা কধানি উদোত তুলিব বারার।” 

সে দিন

১নং মেরুং ইউনিয়ন(দিঘীনালা খাগড়াছড়ি) সেটেলার বাঙ্গালী দ্বারা ধর্ষণে মৃত্যু তিন জন (আমার জানার মতে) ১। রুনা চাঙমা (৮ম শ্রেণি) ২। চম্পা চাঙমা (৫ম শ্রেণি) ৩। পুনাতি ত্রিপুরা(৫ম শ্রেণি)।


সবুজ শ্যামল পাহাড় আজ মরুভূমি
ছড়া ছড়ি পানি বিহীন
পাবর্ত্য চট্টগ্রাম আজ বিচারহীন সংস্কৃতি।
তবুও বিশ্বাস করি, বুকে স্বপ্নগুলো এখনো

২৮জুলািই ২০১৮ পূণাতি ত্রিপুরা ৫ম শ্রেণি

চিৎকার করে বলে-
সামনে আসছে সুদিন।
রুনা, চম্পা, পুনাতি জন্ম নেবে
সে ধনপুদি- দূর্গা মা হয়ে।
সে দিন,
কেটে যাবে আধার
শশ্মানে ফুটবে ফুল
ভ্রমরা গুণজনে, মা- বোনে প্রাণের উজার হাঁসি
ছেয়ে যাবে আমার প্রাণ প্রিয় জন্মভূমি।

কিত্তেই আমি চাঙমা লেঘা শিঘিবং:

কিত্তেই আমি চাঙমা লেঘা শিঘিবং:

         আমি চাঙমা। তজিমপুর জাত্। ধর্ম আমার্ বুদ্ধ ধর্ম। যার্ নীতি ‘‘অহিংসা পরম্ ধর্ম।’’ আমার্ আঘে আহ্জার্ আহ্জার্ বজরর্  বিজক্, ভাচ-অঝাপাত্, সাহিত্য-সংস্কৃতি আ চিনপচ্যে। ইয়ানিলোই আমারে কোই যায় তেজী, বলি এক্কো জাত্। বিজগত  পোতপোত্তে গরি লেঘা আঘে, এক কালে আমি রাজা এলং, এলং শাসক জাত। চাঙমা জাদর কধা কলে একদিন হুয়োঙ গুজুরিদ আর মাদিত ভুজোল বেদ।

         মাত্তর, এচ্যে!  সময়র গঙারে নানাঙ জাগাত ছিদি পরলং। নানাঙ ঝর-বোইয়ের গমি যেই অলং ছিত্রিংপাত্রাং আ নানু মরা। সে তেজ, সে বল, সে ধক আ সে জধা ভাঙি গেল। এধক্যে দুগত্তুন আহ্রে ফেলের জাদর সেই বারবো দরপআনি, ভাচ আ অঝাপাত। সিত্তেই এম.এন.লারমার ধুন্ধুক ‘‘আমার বার্ গরিবার কিচ্ছু নেই।’’ ভচ্ যার জাদর নিঝেনী, চিনপচ্যা। পঝিম বিশ্ব খাজ্যেক্কোই লুদুপুদু অই আঘি। আমনর ভাচ, ওক্কোর থাগত্যা বাংলা-ইংরেজী ভাচ্ছোই আমনর সাহিত্য সংস্কৃতি চচযা গরির।

       কধা আগে, ‘‘নিজ’ ভাচ, নিজ’ লেঘা, নিজ’ গীত- ন’ জাললে ন’ থায় চিত।’’ চিত ন থেলে জাত্তোরে কোচপেদাক নয়; সেনত্তে জাদর মঙ্গলত্তে, জাদর এরানত্তে আমাত্তুন জাদর লেঘা, চাঙমা লেঘা শিঘা পরিহ্বো, চাগরি পেবাত্তে নয়।

এচ্যে আমা চাঙমাউন নানাঙ জাগাত ছিদি আঘি। ভাদরত তিবিরে রেজ্যত, অরম্ননাচল, মিজোরাম, কক্সবাজারসমুত্তু নানাঙ জাগাত। তারা দ বাংলা ন পারন। আমত্মর্জাতিক ভাচ ইজেবে ইংরেজী পারন। তেহ্, আমা (হিলর চাঙমাউন) অঝাপাত, চাঙমা লেঘা ন পালেস্ন, ন শিঘিলে কেনে তারালোই অত্ রাঘেবং! এ ধক্যে গরি লারে লারে ফারক অই যেবংগোই। সং সং চাঙমা অইন্যাই কারর্ কধা আমি বুঝ-বুঝি ন অবং। আমি হিত্তেই ফারক অই যেবঙ? অঝাপাত-ভাচ্ আমারে আমা জাদর ভেই-বোনুন কায় নেযেব। সিত্তেই বেক্কুনরে যাদি যাদি নিজ’ ভাচ, নিজ’ লেঘা শিঘানা গরচ অই পচ্যে। সক্যে জাদর নিঝেনী, মাজার থিদববরী অহব। জাত্তো মুজুঙে আক্কোই যেব।

চাঙমা ভাচ্ আ ওক্কোর উৎপত্তি:

চাঙমা লেঘা শিঘিবার আগেদি জাদ ভাচ্-ওক্কোরর বিজক খবর পানা গরচ আঘে। জাদর ভাচ আ ওক্কোর ইয়ানি এক্কান্নোই এক্কান বাজাবাচ্যা। ওকোর থেলে ভাঝর তেচ বারে আ ভাচ থেলে এক্কো তজিমপুর জাত কোই যায়। ইয়ত, বাদি গরি চাঙমা ওক্কোর আর আ ভাঝর কধা কবং।

আমি বেগে খবর পেই পিত্তিমীত কয়েক্কান ভাঝর গুত্তি বা গিরি আঘে। ইন্দো-এরিয়ান (ভারতীয় আর্য্য ভাষা), টিবেটো-চিন আ নানাঙান। চাঙমা ভাচ অলদে ইন্দো-এরিয়ান ভাঝর গুত্তি বা গিরি’র এক্কান ভাচ। তনচঙ্গ্যা, বাংলা, অহমিও ইন্দো-এরিয়ান ভাঝর গুত্তি বা গিরিত পরেহ্ আ চাঙমা ভাচ্ছান জনম বা উৎপত্তি উয়ে থাইল্যান্ড খেমার ওক্কোরত্তুন (গ্রীয়ারসন, ১৯০৩)।

অঝাপাত: চাঙমা ওক্কোর বা অহ্রকউনরে অঝাপাত কো অয় (সুব্রত খীসা, ২০১৭)। ১৯০০-২০০৫ সাল সং নানাঙ জনে নানাঙ ধক্যে গরি অঝাপতর ওক্কোরুন ছাবেয়্যন ( দেবপ্রিয় চাকমা, ২০০৫)। সিত্তেই, নানান বির্তক লাগি এল। সেই বির্তকআনি থুম গরিবাত্তে গেলদে ২৫ আ ২৬ সেপ্টেম্বর ২০০৭ সালত রাঙামাত্যা জেলা পরিষদত দেজর বেক চাঙমা লেঘা পাচ্যা কাবিলউনরে নিনেই চাঙমা পর্বোয়াউনত্তে এক্কো দ্বি-ভাষিক বই বানেবাত্তে ব্রাকে এক্কো মিলনিখলা বানেয়্য। সিয়োত এচ্চে কাবিলউনে বেগে তেম্মাংসলস্না গরিনেই কয়েকআন সুদোম বানা অয়্যা। সিয়ানি অহলদে-

1.       অঝাপাতর ৩৩উ ওক্কোর লারছার গরানা।

2.      একফুদ, দ্বি’ফুদ আ চানফুদ গায়মাত্তে(স্বরচিহ্ন) মাজারা ইজেবে লারছার গরানা।

3.      মাঝ্যাপাত্ ১২বো ওক্কোরত লারছার গরানা।

4.       বানানর সুদোম অহলদে এক্কো ওক্কোরত এক্কান মাজারা লারছার গরানা। আ যুনি গরজত পরলে এক্কো ওক্কোরত দ্বি’আন মাজারা লারছার গরা যেব-তিনান নয়।

5.      গায় মত্ত/গায় মাত্তে(স্বরবর্ণ) এক্কো আ বলিমত্ত/বলে মাত্তে(ব্যঞ্জনবর্ণ) বত্রিশ্চো(চাঙমা সাহিত্য পত্রিকা, ৮ পয়ধে)।

সত্যি আমি কি উজনি যের?

কেল্যা রে ৯:৩১ টা দাঙর পূজ্য মানবলা লালন দা (মাষ্টর, কাচালং কলেচ) লোই কধা মজিম এচ্যে বেন্যা ১০টা গাড়িত উদি মারিশ্যা মক্যে লর দিলং- প্রিয়সী, প্রতীক চাঙমাসমুত্তু। যানা কাজালং কলেজত। সিয়োত এক্কো তিন মাস্যে চাঙমা লেঘা শিক্ষা কোর্স আরগানি গরানা। সে পোইদ্যানে এ সিঝি কেনত যাত্রা।
বেন্যা আগাচ্ছান ভারী মেয়্যে এল। যক্যে অজলচুগ’ বাম ফেলে যের পজিমে চেলে দেঘে মিঙিনি বাম আ পুগেদি কাজালঙর বাম। দি’ কিত্তেদি দেঘা যায় পল্লা পল্লি মোন আ সে মোন-মুড় বুগত তলে তলে সে সুক-দুগর ঘরানি আ হুয়োঙে হুয়োঙে বনা বনা কুয়ো। কুয়ো সেরে সেরে দি’ এক্কো পেইক ‍উড়ি যান আ এ্যাইল জুম কাজ্যে গাজ’ পরি ক’বো কি যে বুকভাঙা কধা কোই কোই মিঙিনি বামত্তুন কাজলঙ বামত পার অই আর’ এক্কান এ্যাইল ঝুপুর গাজত মিলি গেল’।

যা ওক সে কধা ন’ কলুঙ। পরেদি লিগিম। ইক্যে যে কধা কবার চাঙর সিআন অলদে- আমি যক্যে মারিশ্যা বাজারত লামিলং সক্যে ১১:৪৫ টা। লালন দা ফোন দিলুং। খুব আওজে কল ভেই ধন মুই প্রেন্সিপাল্লে স্যার’ রুমত তমারে বাজ্জে আঘঙ। তুমি ইধু এক্করে এচ্চো। শুনি আমিও খুজি অলং। আমি তারা ঝু জানেই চয়োরত বোই চা-বিষ্কুট খেলং। আঃ, এধক লবিয়োত! তা পরে ক্লাশ রুমত কলেজ’ ভেই-বোনুন ইদু আমরে চিনপচ্যে গরি দিল’ লালন দা। লালন দা বানা কলেজ’ মাষ্টর নয়, তে কবি আ লেখকয়্য। এক্কো কবি আ লেখক তে খবর পাই মা ভাচ তা ইদু অত্তমান আওচ, মেয়্যে থায় সিআন এচ্যো বুঝি পারিলুং। কন’ কন’ জাগাত্তুন চুধমু গরি ফিরি এযানা ঘাদু(অভিজ্ঞতা) মরয়্য কম নয়। সে কধা কধুং ন’ চাঙর। বানা কোম লালন দা সান্যে পিত্তিমীত মানুচ আঘন থেবাক। আ তারা ইদোত গাদে থেবাক চাঙমা সাহিত্য বাহ্ বিজগ’ পাদাত, চাঙমা জাদর বিজগত।

কাজালং কলেচ হয়দ’ বেগর চিনপচ্যে অলেয়্য মর ইয়োত খুচ দেনা পল্লে। গাজ’ বাজ’ সেরে মধ্যে উজু পত বেই যেই পত্তান থুম’ লক্যে লাম্বা সে কাজালঙত দাঙর মানুচ বানেবর শিক্কে ঘর কাচালং কলেচ। পত্তান বেই যাদে এক কিত্তে দি পোওর আর’ এক কিত্তেদি খারা মাঠ; মাদর পুগেদি অজল সে কলেচ। যানে চিত জুরেই যাই, মন গলি যায় দিঘিলে। ছাবায় ছাবায় পেইক’ কিজিখাজাক আ সে কলেজ’র মাষ্টরুনর দোল দোল কধা কি মেয়্যে জালত ন’ পরি থেই পারে? লালন দা আজলে এক্কো দাঙর মানেই। এধক্যে এক্কান জাগাত তার সুদ’ নালে এচ্যে কলেজ’ লাইব্রেরী ঘুরনা আ সে লাইব্রেরী ধনপদি সান এক্কো বুজি কাম গরানা গধেল গধেল ভাববাদি কধা কলেয়্য পারমি লাগে।
যাদে যেধক্যে এক্কান গম লাক্কে এত্তে সেধক্যে গম ন’ পেলুং। কিত্যাই, এক কিত্তেদি পেত পরা আ এক কিত্তেদি কাজালঙর কলেজ’ মেয়্যে। ঝু ঝু আ ভালেদি গজে এলুং এযেত্তে ১০ আগস্ট দেঘা অবং, কয়েক দিনত্যাই সারি এলং কাচালং কলেচ।
ঘরত যক্যে লুমিলুং সক্যে বেল্যা ৩:২১টা। সক্যে আহ্’লুও – অরান। হাত মু ধোই ভাত খেই ঘুমত পরিলুং। ঘুমত এক্কান সবন দেলুং- এক্কো কাক্যেলোই(কাক্যেবো বান তিন্নু বাচ্চোই বানা অয়ে) আমি শ্রেয়সী, এলিয়েনস্, প্রিয়সী, পরেশ আ কেয়েক জন কন্না ইধোত নেই, মিঙিনি উজুনি যের। কুধু যেবং সিআনয়্য খবর ন’ পাঙ। বানা উজনি যের।
আওজর পর্বোয়া লক! ইআন তলবিচ তমা সিধু তুলি দিলং। সত্যি আমি কি উজুনি যের?

ইনজেব চাঙমা’র দি’ কবিদ্যা

১

আগাজত বনা বনা কালা মেক

তে কি অয়ে?

ত্যুঅ দ’

মেঘ সেরে তারাউন জলিবাক।

হুংখাং, শিল’ সাদরা বিজোল পত

তে কি অয়ে?

ত্যুঅ দ’

নুয়ো পিরিহ্’উন গঝাং গঝাং আহ্’দিবাক।

পেদত ভাত নেই, নেই ঘর

তে কি অয়ে?

ত্যুঅ দ’ তারা

                                                      সাল্যাঙত লুমিবাক।

২

আগাজত,

যেধক কালা মেকচাগা উদিলে উদোক,

দেবাবো,

যেধক ঝিমিলানি ঝিমিলোক,

আমি কি বোই থেবং?

না বোই থেবার সময় নেই।

আহ্লেয়ে বেল আহ্লে যার

সময় দ’ নেই বোই থেবার।

আগাজত যেধক কালা মেঘ চাগা উদিলে উদোক, দেবাবো যেদধক ঝিমিলানি ঝিমিলোক, আমি কি বোই থেবং? না, বোই থেবার সময় নেই। আহ্ল্যায়ে বেল আহ্লে যার সময় নেই বোই থেবার।মহালছড়ি কলেজত চাঙমা লেঘা শিক্খা কোর্স। ভিডিও এডিট- প্রকাশ চাঙমা

সন্তু লারমা- Golam Mortoza

             
                                                                       সন্তু লারমা
এখন পাহাড়িদের নিজেদের ভেতরের বিভেদ দূর করা দরকার। পাহাড়িদের অনুধাবন করা দরকার কারা উপদল গঠন করে অস্ত্র -অর্থ দিয়ে বিভেদ তৈরি করে রাখছে। পাহাড়িদের একটি অংশ জীবীত সন্তু লারমার গুরুত্ব উপলব্ধি করতে পারছেন না। যেভাবে উপলব্ধি করতে পারেননি জীবীত এম এন লারমার গুরুত্ব। এমএন লারমাকে হারিয়ে, কি হারিয়েছে সেটা তারা এখন উপলব্ধি করতে পারে। সন্তু লারমা যেদিন থাকবেন না, সেদিন তারা বুঝবেন কি হারালেন!

সন্তু লারমার অনেক দোষ -ত্রুটি নিয়ে আলোচনা করা যাবে। কিন্তু একথা ভুলে গেলে ভুল হবে যে, সন্তু লারমার চেয়ে বেশি পাহাড়িদের স্বার্থ আর কেউ দেখে না। তিনি পাহাড়িদের পণ্য বানিয়ে কখনো আপোষ করেন নি। দীপঙ্কর তালুকদাররা যা প্রতিনিয়ত করেছে।
প্রত্যাশা করি, মনেপ্রানে চাই উপদলকে প্রত্যাখান করে,সন্তু লারমার জীবীত অবস্থাতেই পাহাড়িরা তার গুরুত্ব উপলব্ধি করে একত্রিত হোক।

এক্কান দোল সাম্বাদ-

“চাঙমা সাহিত্য পত্রিকা” ১৪পয়ধেবো এ বজর বিঝু ফগদাঙ গরা অ্য়্যা।নানাঙ অনটনে ৯ বজর সং ফগদাঙ গরি ন’ পারি। এচ্যে যারা চাঙমা সাহিত্য বাহ্ত কাম গত্তন তারার এজালে আ খাগাড়াছড়ি ক্ষুদ্র নৃগোষ্ঠী দভাকাদি সুনানু সুসময় চাঙমা এজালে ঘুরগুচ্যা আন্দারত্তুন পহর মু দিঘিল।
এচ্যে যারা মন এজান, ধনর এজাল/বিজ্ঞাপন দিলাক তারারে ঝু ঝু আ ভালেদি জানের।
...

তে, আর’ আমা পর্বোউনরে কুজোলী গরিম, চাঙমা সাহিত্য পত্রিকা পড়ি চাঙমা সাহিত্যরে মুজুঙে আক্কোই নিবাত্তে।
তুমি তমা কপিবো থোবেই ল’।
#০১৫১৬১৯৫৩৬৬, ০১৯১৬৯৯৩২২২(বিকাশ)।

পার্বত্য চট্টগ্রামত আদিবাসী মানুজর মাধাউগুরে বনা বনা কালা মেঘ

“পার্বত্য চট্টগ্রামত আদিবাসী মানুজর মাধাউগুরে ইক্যে বনা বনা কালা মেঘ”- দীঘিনালাত ২৫৬২ বুদ্ধ জয়ন্তী পয়ধেনে ধর্ম খলাত এ কধান কোইয়োন।

পা: ভিক্ষু সংঘ দিঘীনালা উপজেলা ধেলা উদ্যোগে দীঘিনালাত  ২৫৬২ বুদ্ধ জনম পয়ধেনে গোদা পিত্তিমিত শান্তি থিদব্বরীত্তেই বেন্যা মাধান ৮:১৫ মি. দিঘীনালা তপোবন বৌদ্ধ বিহার’ উদোনত আজার আজার ধর্ম প্রাণ দায়ক-দায়িকা এগত্তর অই এক সমারে পৈণাল গরি দিঘীনালা থানা বাজার, শান্তিপুর, মিলনপুর, বরদাচমণি ব্রিজ, লারমা স্কোয়ার, গুরি তপোবন বিহারত থুম অনার লগে লগে বুদ্ধপুজ’ বুদ্ধমূর্তি,সংঘদান,অষ্টপরিস্কার দান পিন্ডুদানসমুত্তু নানাঙ দান  শেজে ধর্ম খলা বজে। এ ধর্ম খলাত পুজ্জো ভিক্ষুনে এ কধান কোইয়ুন। তারা মন ভাঙি ফেলে কোইয়োন, আমি আহত্যার ধরিনেই যুদ্ধ গরি ন’ পারিবং। কিত্তেই আমার ইংসে, পিজুম বেচ ভারি যিয়ে। ম্যান্ডেলা কধা টানিনেই কোইয়োন, ম্যান্ডেলা মৈত্রীলোই দেচ স্বাধীন গচ্ছে তা সান আমায়্য স্বাধীন পাদে আমার আমর মৈত্রী লাগিবো। সিত্তেই ভেইয়ে ভেইয়ে হেনা হেনি, রুঘরুক্যা গরি ন’ থেই মৈত্রীলোই এক জধা অই যুদ্ধ গরিবার রাজনীনি চেলাউনর উদিজে এ কধা কোয়োন।

এ ধর্মখলাবোত ৩নং কবাখালী মৈত্রী বিহারের অধ্যক্ষ ভদন্ত বিশুদ্ধানন্দ মহাস্থবীর খলানানু আ নকবাচ্যা গরবা ইজেবে কধা কেইয়ে, উপজেলা পরিষদ চেয়ারম্যান নব কমল চাকমা।

ধর্মখলাবোত মুলুক গরবা ইজেবে কধা কোয়োন, উপজেলা পরিষদ নারী ভাইস চেয়ারম্যান গোপাদেবী চাকমা এবং সুসময়ত চাকমা। তারা বাদে আর’ মুলুক গরবা ইজেবে কধা কোয়োন, ২নং বোয়ালখালী ইউনিয়ন পরিষদ চেয়ারম্যান চয়ন বিকাশ চাকমা, ৪নং দীঘিনালা ইউনিয়ন পরিষদ চেয়ারম্যান প্রজ্ঞান জ্যোতি চাকমা। আ ধর্মদেশনা দুয়োন ভদন্ত চন্দ্রকীর্তি স্থবির,  ভদন্ত মঙ্গল জ্যোতি চাকমা, প্রজ্ঞা জ্যোতি মহাস্থবির, আ  পার্বত্য ভিক্ষু সংঘ বাংলাদেশ দীঘিনালা উপজেলা কমিটির এজাল ফগদাঙি কাবিদ্যাঙ  করুণা বংশ ভিক্ষু দাঘী।

ধর্মখলা থুম অনার লগে লগে যারা যারা মু দেঘেয়্যন সে পূর্ণর্থীউনরে আ দিঘীনালা আহসপাতালত অসুক্কেউনরে খেবার দরপ ভাক গরি দুয়োন।