মুই এয’ সবন দেঘং অনসুর বুনঙ মাগরক’ সান
এক দিন আমি পরাধীনতাত্তুন সরান পেবং, পেবং এরান।
পেইক’ সান উড়ি ঘুড়ি বেড়েবং
চিদ’ সুগে মন’ সুগে-
ফুরোমোনত্তুন আলুটিলে, কেওক্রডঙত্তুন সিম্বুক মোন
চেঙে, মিঙিনি কাজালঙ, বরগাঙ আ ফেনি বাম।
দি আহ্’ধত যা বল আঘে
বুগত যা আঘে মনবল, সিআনলোই
কুত্তিঙ কাত্তিঙ গরিবং লুয়ো শিঙোল।
ছিনিবং পরধীনতা জাল।
এ লারেয়ত পিয়েরে ফুদ’ সান আহ্’দিবং
লাক লাক নুয়ো পিড়ি গাবুচ্যা আ গাভুরি ঝাক,
আনিবং জাদর এরান ছিনি
যেদক বেই যোক লো নালি।
ওক না পচা বাচ, হিল চাদিগাঙ
ওক না শবাশাল;
চিজি দাঘী খাদোক না মরা মাত্তুন দুত
ত্যুঅ ন’ কেমিবং
যেদক্কন ন’ পেবং সাধীনতা।
কোন মন্তব্য নেই:
একটি মন্তব্য পোস্ট করুন