র’ নেই
 |
তেরোবো জাদর বজত্তি
সুগে-দুগে আলুল্লো দুলুল্লো দেঘি
তাগল ধারান্যা শিলয়্য যান গলি।
পত্তিক মোন-মুড়, পত্তিক ছড়া-গাঙ
সাজি আঘে এ্যাইল তারুম ঝার,
নানাঙ পেইক উবগীদ’ সুরে
চিগোন ছড়া দুধুুক গুজুরনিত
খুজিয়ে দি চোক ভিজি যায়।
পেইকর গীদর, দুধুুক গুজুরনি,
নাঙেল পিদিত গরুচরান্যা বাজি সুর,
বেল ধুবনি সাজন্যা অক্তত
পর্নিমা জুন’ পহ্’র সমার অই
চিঙে র’, খেংগরঙ র’ গুজুরি গুজুরি বেই যায়
এ মুড়ত্তুন অই মুড়ত।
সে র’ নেই ইক্যে! অলর,
গাঝ’ পাদায়্য ন’ লরে!
কি গরিবার আঘে? তারা দরে।
চোক পেলেহ্ পেলেহ্ চেই থানা বাদে।
বানা!
বানা, দুগে অগমানে
চোত মাজ্যা সনখোলা আঙানা সান
আঙি যায়, বানা আঙের
আঝা-সবন ভত্তি গোলা।
মন্তব্যসমূহ
একটি মন্তব্য পোস্ট করুন