অবুচ মানেই

ও অবুচ মানেই, বুঝিবে কমলেে?
এধক দুক পর-
ত্যুঅ উচ ন’ বুঝে?
জাগা - জমি আহর’রেলে,
ভূই - সাগিন আহ্’রেলে,
রিদি সুদোম আহ্’রেলে,
আহ্’রেলে ভাচ-অঝাপাত আ
ঘর পাদা জাগা!

দানবর খেলাত
অনসুর তুই মিঝি থাচ
তরে সলং বদলে দিবার সে দানব
নানাঙ বেজে
নানাঙ ছলে
তরে খুজি রাঘেবার চার।
গীদে রেঙে রাঘেই ত’ সবনান
আহ্’রি নিবার চাই।

নানাঙ ভঙচমা কোই কোই
বিজয়গিরি, রাধামন, শেরমত্ত খা আ রুনু দেবান
খুচ মাজারা লগে দিবার চাই।
এম এন লারমা সবন ভাঙি দিবার
আমিজে তার কু-পেজা দেঘাই।
খুজি রাঘেই বার চার।

তুই কি খবর ন’ পাচ?
ত’ থেঙত তলে মাদি নেই?
খামা মাধাত কাজ্যে গাঝ’ সান
তরে রাঘেইয়্য।
এধক দুগর পর-
তুই কি তিনেঙ পালাঙ?
মরিবে না বাজিবে?
যুনি বাজিবার চাচ-
ত’ সবনান সুর অবার ন’ দিচ।
যুনি বাজিবার চাচ-
এম এন লারমা পদে আহ্’দিচ।
যুনি বাজি বার চাচ-
বিজয়গিরি আ রাধামন’ খুচ মাজারা তোগেচ।
যুনি বাজিবার চাচ-
শেরমত্ত খা আ রুনু দেবানর কুচ মাজারা তোগেচ।