বিজগত লেঘা আঘে, এত্থে সূর্য বংশউনর পূর্বপুরুষউনর উত্তর মঙ্গোলীয়ত্তুন মধ্য এশিয়া দি গরি হিমালয়’ মোন গোরাত রের্য্য থিদ’ গরন। আ পরেদি সিত্তুন হিমালয় - তিব্বত পদে বেই ভারদত সমান।
এ সূর্য্যবংশর এক্কো রাজা ইক্ষাকুর চেরবো পুঅ আ পাচ্চো ঝি আঘে। তারার সাদাঙা মা কু পাগে অযোধ্যা নাঙে প্রদেঝ’ ইধু বন বাসত পাদা অইয়ে। সিধু তারা কপিল নাঙে এক্কো ঋষির আশ্রয় লন। রাজার পুঅ/ঝিউনর পাজা গম লাগি ঋষি তারারে তা সমারে থেবার হুম দিল। সিত্তুন ধরি এ জাগা নাঙান “কপিলা বস্তু” নাঙে নাঙ বজে।
নগর থিদ’ গরানা পর রাজ কুমরদাঘির জধন গরিবার থিক অহ্’য়। মাত্তর, কারে বানেবাক লগর সমারি? অন্য কিত্যাত্তুন মোক ললে তারার বংশ মিজিল্যা অভাক আ তারার ক্ষত্রিয় ধর্ম অপমান অভ’ ভাবিনেই ভেই-বোনে লোই-লি অভার থিক গরন। তারার বেগ’ দাঙর বোন্নুরে মা সান ভাবন।
এ খবরান তারা বাপ রাজা খবর পেলে রের্য্যত পণ্ডিক আ ধর্মগুরুউনরে দাগি সল্লা চেল- এ “শক্য” বা ধর্ম সুধোম আঘে নিনা? ভেই-বোনে লো-লি অভার। তারা বেগে ধিঙিরি দিলাক, তারা যে দিন মাধানত (পরিস্থিতি) আঘন এ “শক্য” (ধর্ম সুধোমত পরে) ধগে তারা লো-লি অই পারন।
সিত্তুন ধরি শক্য র’বোত্তুন শাক্য বংশ নাঙ পিয়ে।
কোন মন্তব্য নেই:
একটি মন্তব্য পোস্ট করুন