(১)
পত্থমে সালাম দ্যুং গোজেন উজু,
গিয়ানী-ধ্যানী ঠেঙত্ ঝু! ঝ!! ঝু!!!
ফুল্ তুলি দ্যুং আলাম;
পঞ্চ সভারে দ্যুং সালাম।
সালাম জানেই রাচ্পুরী,
ভক্তিয়ে দ্বি’ আহ্ত্ জুর্ গুরি।
গীদে রেঙে চিদে মূল্;
ফুল রাজা নাকশা ফুল্।
নাক্শা গাজ রিবাংসু,
দুলোন্ বুনি কেরেঙ্ জু।
কেরেঙজু দুলোনত্ পুঅ কানে,
দুচ্-গুণহ্ হেমা চায় নুয়রামে।
তাগল্ ধারেই খোর্ শিলত্,
বচ্জি স্বরসত্তি ম’ জিলত্।
ডাগঙ বোজেই ফুল ঘত্,
সুরে জোগেই দে গীদত্ পদ্।
ন’এযোক্ গীদ সুর্ জোল্ গুরি।
এজোক্ সুরে সুরে দোল্ গুরি।
ধনু শিগারী ধল্য শেল্,
যাবেয়্যা রম্নভ উল্যা গেল্।
গদা বানি চেঙ তুলি,
পলোত্ ধোল্য গেংগুলি।
গাভুর্ নরপুদি নরধনে,
ভরাপুরা ওহ্ইয়োন্দোই দ্বি’জনে।
তারাহ্ আমলত্ কি অহ্ল,
কি কি ঘদনা বিদি গেল্।
শুনি থাগ বাপ্-ভেই লক্,
পালাত্ ধোজ্যং মা-ভোন্ লক।
ঘিলা মারি পাদেলাক্,
লাংঙ্যা মেয়্যা বাজেলাক্।
অজল্ নিজ এক্খুই সং,
রম্নবে রঙে এক্খুই রং।
গানে শিক্খায় গরনে,
ক্যয়েত্তুন্ উন নয় ক্য’জনে।
লুয়ালি অহ্দাক্ চান্ তারাহ্-
আমাক্খাই।
বেল্যা ডোগোল্যে জুর্ পবাং,
ভাবি ভাবি কুল’&ন পান্ ।
চিন্দা ভাবনাত্ পলাক্কোই,
সত্য দ্বি’জনে গলস্নাক্কোই।
দিরাক্ ভাত্জরা গঙারে,
মরল্যা মরিবাক্ সমারে।
জারকাল্যা বেল্ শেচ্ অহ্ইয়ে,
জুম্কাবা অক্ত কা’ঝেইয়ে।
যাত্রা বচন থিক্ গরেহ্,
জুম্ কাবা যেবাক্ সমারে।
ভাবি চিদি চেইয়েগোই,
নরপুদি নরধনে কইয়ে গোই।
দেবধর্ম্ম বাজেচ্চোই,
সুগে শান্দিয়ে জুম্ কাবাত্তুন-
ফিরিচ্ছোই।
পঝিমে গেল পুগ বেল্,
নানান্ কধায় দিন্ন গেল্।
কধায় খধায় রেত্তো গেল্,
বেন্যা কবাল্ জঘা উদিল বেল।
পঝাবিরা জুগালদন্,
সমাজ্যায় দাধারে ডাগদন্।
সংগী সমারে অহবাত্যায়,
বুরাহ্ বরীত্তুন বর্ ললাক্,
ডাগাডাগি গুরি লর্ দিলাক্।
পধ দ্বি ধাগে মোন্ ভুরা,
উধা ধোষ্যন্দৈ মোন্ মরাহ্।
নাঢেং কাবি ফিরাদন্,
মোনত্ সাত্ কাবত্ জিরাদন্।
চুম পানি ধারে খায়,
পুগো মোনো কুয়া দেঘা যায়।
পাগানাত্ ঘিরাত্ ধোল্য তাক্,
রিপ্ রিপ্ দেঘা যায়; –
জুমো চাপ্।
যখ্যই জুম্ চাবত্ লুম্যন্দোই,
বাঝা বানি মাজ্যন্দোই।
ধারনীশাল্ থিক্ গরিলাক্,
বেক্খুনে জুম কাবা ধরিলাক্ ।
গীদ ভংজমা ভ গুরি,
ইয়্যৎ ফেলেই যাং ত গুরি।
(২)
কলজ্যা ফুরি শেল্ যেইয়ে,
ইন্দি, নরপুদি চুধামু অহ্ইয়ে।
পুগো মোনর্ কাপ পানি,
দেইন্যায় ন’রম্নজে ভাত্ পানি।
তারেহ্ ইন্দি কি কধন।
ভিন পারাল্যায় বৌ চাধন।
চিদে পরানে ধর্ ফরায়,
ঘুম্ ন; এযে লাঙ্ পরায়।
ধারা বেয়্যা কানিনায়,
মনে মনে ভাবিনায়,
অহ্জম্ বুদ্ধি নাজ্ অহ্য়ে,
জুমত্ খবর্ দ্যে পাধেইয়ে।
খবরবো জুমত্ লুম্যেগোই,
সাম্বাত্যা কধানি কোইয়েগোই।
আহ্ল গরম্নয়ে নারাহ্ খায়,
নরধনর, চোগো পানিয়ে ধারা বায়।
যেব পারাহ্ বুক্ ফাদি,
সাম্বাত্যা খবরে লাংঙ্যাবির।
মুরত্ পোরি ভাবিলহ্
সংগী সমাজ্যা দাগিল।
লঘে যেবার কোই চেলহ্,
কনহ্ জনরে নহ্ পেল,
আদাম উজু মন্ গুরি,
সাজন্যা য ধরলস্ন গায় গুরি।
রেদে রেদে লুম্যেগোই,
পিজোরো সাঙুদি উথ্যেগোই।
কান্দে নরপুদির রেত্ যিয়ে,
পোথ্যা রাঝিত্ ঘুম্ যিয়ে।
বেই বেই গুরি দাগেলেস্নাই,
আহ্দত্ ধুরি জাগালেস্নাই।
পানি ছিদি কুমোথ্থুন;
নরপুদি জাগিল ঘুমত্থুন।
যক্যে জাগিল নরপুদি,
খবর কোই ধলস্ন অর্হবাদি।
মরেহ্ দাদাহ্ কি গত্থন?
ভিন্ পারাল্যায় বৌ চাধন।
কলহ্ মাধা নিগিরি,
ফারক্ অহবং কিঙিরি?
দয্যা ফারিত্ নয়ো ভাজায়,
রইয়্যং পরান্ দা ত আঝায়।
জুরে পারে চরে অহ্ং
বুদ্ধি এক্খান তরে দ্যং।
কেল্যা অহএগাই দা রমনা,
রবাবাদি কামনা।
কানের ভিরাজি বাজ্ বনত্,
যাগোই পরান দা কাত্তনত।
তেঙা পোইজা গরিবে,
রম্নবাবাদি কিনিবে।
সিত্থুন যক্যে ফিরিবে,
আজু-নানুরে বৌ উগিল্ ধরিবে।
ফুল ভঙরা ফূলত পোল্,
কাত্তনত যেবার দাদা –
রাজি ওহ্ল।
সুধি তেঙা ভাংঙ্যেগোই,
আদর সিজিরি আন্যেগোই।
কুঝি আনিদ্ধক্ আনিদ্যে
আহ্দত ধুরি পিনেইদ্যে।
নাগত পিনিহ্ ফোরফোরি,
নরপুদি গুরাবোন নাগরী।
নন্যাপানি ভযন্দোই।
কুয়া গাঙত্থুন এস্যন্দোই।
সুবারি কাবি পানে খাং,
কধা নিগাল্যন্ নানাআন।
নানান চিদা উদিল,
কধায় কধায় দিন্ গেল।
পজ্যেগোই বেলান্ পাদালত্,
ঘুমত পজ্যন্দোই খাদালত।
পোথ্যা কুরাহ্ দাক্ শুনি,
রানিহ্ খেলাক্ ভাত পানি।
গাধি বুরপারি গঙগীত্তুন,
বিদেয়্ মাঘি সংগীত্তুন।
সমারে কাওন্যা লর দিলাক,
মোরোঙো মাধাত চরদিলাক।
বিচ্ছানগুরি গাঙচরত,
রলাক্কোই ছরা দজরত।
তুবি নলি চুগোনী,
ভোরোন্দি বাজারত মালকিনে,
জাগাত লম্যন্দোই তিন দিনে।
যক্যে জাগাত লুমিলাক্,
বাঝা বানি মারিলাক।
কাওন্যা বাঝা বন্ গরেহ্,
ঝার শুত্তুর দরগরেহ।
তাবিত ভাঙি ফী পাদা,
চের্কেত্যা বন গল্য মর দাদা।
গীদ ভংজমা ভ’গুরি,
ইয়্যৎ ফেলেই যাং ত’ গুরি।
(৩)
দাভা তেঙা দ্যন গনি,
যেয়্যন মেলা পুরবানি।
কিজিং কাবি মুপুক্ গেল্,
একদিন যাদে নরপুদির –
এক যুগ গেল।
ঘোনেই এযের দিনে দিন,
বাগিাগে কয়বো দিন।
মেলা বলান্যা ঘরপত্তি,
নাগরীরে কহ্র নরপুদি,-
বাগি পরান্দ্যেই দিন্ গুনি,
নাদ্দি ফেলেম্বোই জিংগানি।
দয্যা ফারিত্ নঅ ভাজায়,
রৈয়ে পরান দা ম আঝায়।
ফিরি এলে দেধ নয়,
জীবনে মরে আর চেধ নয়।
ঘরা দুমদুমায় ময়দানত।
বৌ খজা লুম্যন্দি উদানত।
চোলোন্দি ঘরাত্ চোর্য্যন্দি,
যক্যে ঘর উবুরে উথ্যন্দি;-
বুগৎ যেমন ফুথ্যে শেল্;
শাবালা রম্নবা দেঘেই গেল।
লাক্খ্যে পুরান্ শাল্ঘরা;
লুঙি মাজ্যে নরপুদি আহ্লছরা।
গোল্যাক তারে কোইজানি;
খুঝিয়ে পিনেলাক্ আহ্জোলি।
সেন্যা রেত্তো বিদি গেল্,
বেন্যা কবাল্ জঘা উথ্যে বেল।
ভাত্ পানি খেই লয় যদি,
সেপবত্তা লৈয়ে নরপুদি।
দয্যা মুরত্ শংখ পোল্,
মন আঝা তার্ ভংগ ওহ্ল।
খানা দানা সির্ গেল্,
বৌ লামেবার্ অক্ত এল।
বুরী বারাত্ ধজ্যোগোই।
থেলার্ চত্তে পোজ্যেগোই।
ফিরি দোলে বুঝেলাক্,
ধরন দসত্মরে বৌ নিলাক।
গীদ ভংজমা ভ’ গুরি,
ইয়্যৎ ফেলেই যাং ত গুরি।
(৪)
তিরিচ্ বেদে বাচবান্যা,
ঐয়্যন্ লামন্যা কাত্তন্যা।
দুঘে পরের্ ঘামানি,
এঝা ধোজ্যন্ লামনি।
রলাক্ কাত্তন্যা গাঙচরত্,
বাজ্ বেজিলাক্ বাজারত।
মংগা দরে বেজিল,
রম্নবা নরধনে কিনিল।
চালিচ তল্যা আহ্জোলি,
মুরিচ বিজি ঝোমোলি,
আত্ত্যগুনি আহ্লছরা,
সুলো তেক্যা গাবারাহ্ ।
আদামত্ যক্যে লুম্যেগি,
খবর্ নরধনে শুন্যেদি।
খেল লক্খণে শক্তিশেল্,
ধুলি পোরি মুচ্ছা গেল।
মুচ্ছা ভাঙি কান্যেগোই,
রম্নবা ভুদিবো ফেল্যেগোই।
উদিল জলতুঙিত্ নরধন,
নরপুদিদ্যায় তার্ কানের মন্।
ভাত্ পানি তার্ নেই অহ্ল,
ওহ্ জোর্ বাঝিতায় আহ্দত ললহ্।
আহ্ল গরম্নয়ে নারাহ্ খায়,
চোঘো পানিয়ে ধারা বায়।
বালোচ ভিজিগেল পানিয়ে,
রৈয়ে পোবোন্ ঘর্ ছানিয়ে।
গল্য মনান্ ভাঙোন্দি,
ইন্দি নরপুদি দাঘি-
বেসুত্ ভাঙা লুম্যন্দি।
বাঝি রলোই মন্ খানে,
লৈয়ে ধোরফোরি পরানে।
নিদ্রাদেবী এই গেল,
বাঝি আহ্দত দাদা ঘুম্ গেল।
বুগে পিধে মাল্য শেল্,
নরপুদির্ ঝাবেইয়া রম্নবা-
উল্যা গেল।
ঘেল জল্তুঙিত্ থলত্থুন্,
জাগেলেগোই ঘুমত্থুন।
ঘুমত্থুন যক্যে জাগেল,
থেঙত ধুরি মাপ্ চেল।
কধ লাগিল নরধন্,
শুনি থাক্ নরপুদি তরেহ্ কং।
যখ্যে ফেলে দ্যচ সাগরত্,
কনদিন ন-এচ অর ম ঘরত।
বুগত্ ফুথ্যে শক্তি শেল,
সাত্ নাল্ সুদা ইচ্যা তলেস্না-
ছিনি গেল।
অজল পাগজ্যা নিজো ঝুপ্,
দিন্ দিন্ পরেলিস্ন কলিযুক।
কলিযুগত্ পোত্য নেই,
তমাহ্ তিরিজাদিত্থুন্-
সত্য নেই।
অকুল্ সাগরত্ নঅ ভাজায়্,
যিয়্যং কাত্তনত্ ত আঝায়।
গঙা সাক্খী যক্নে,
সত্য গঝ্যেই দ্বি’জনে,
জ্যানো লুদি সাপ্ অবহ্,
সত্য ভাঙিনেই তর্ পাপ্ অবহ্ ।
যখ্যে মরিবে এজনম্,
এচ্ছোই শুগোর্ মাচ্ উ জনম।
একধা নরধনে কয় যুনি,
তারে কোই ধজ্যে নর পদি।
কধা কোই ধঝ্যে যুচ্ যুচ্ যুচ্,
মা-বাপে বৌ দ্যন্ মর্ কি দুচ্
পছ্যা পে-পেগোরে দিলে,
বিনা দুজে মে শাপ্ দিলে।
তমাহ্ পুরম্নজর্ কি ধর্ম,
তুইয়্য মরিলে এই জন্ম ,
সারাল্যা চিলেস্না এবেগোই,
ভঙি বেরেবে ও-দা তুই-উ।
মোন কাবে কাবে উড়িবে,
খুয়াঙে খুয়াঙে ভঙিবে।
ছরা উজনি গুধুং মাচ্,
গুজুরি পোরিবোগি বৈসেক মাজ।
বৈসেক্ মাস্যা ধান কজা,
উত্তর্ ধাক্যা পান্ কঢা,
কুঝি কুঝি পান দিক্,
সারাল্যা দগরিবে চিক্ চিক্ চিক।
দগোরি উধিবে যখ্যে তুই,
ভাজা দি উদিম্বোই সখ্যে মুই।
মিঝে তুই মরেহ্ দিলে শাপ্,
কিঙিরি গনিবে ওদা তুই শুনি থাক।
কুলত্ মারি পান্যা সাপ্,
মিলেয় যেবাক্ রাণ্যাচাপ।
মেইয়ে পরা যে পেবাক্,
রাণ্যাত্ তোন্ তগা যেবাক্,
সারাল্যা দাক্ যখ্যে শুনিবাক্,
মাধা কালেস্নাং বোজেবাক।
পুরনী ধক্কু তুলিবাক্,
গুঝি গুঝি কানিবাক।
পুরি কলজ্যা আঙারা,
যুগে যুগে থোক্ লাঙপরা।
রঝের্ পিরিতি ভংগ ওহ্ল,
খেলংগে জুমান্ রাণ্যা ওহ্ল।
যখ্যে উদিল পহ্রফাদি,
কানি কানি ঘরত্ গেল নরপুদি।
সাগর তপংগত্ কানের্ মন্,
উদিল ভাঙানত নরধন।
একদিন
ননাধনর মোক্কু উজানি গাঙহত যেন্যাই পানি পিলেত ইক্কু ব্যাঙ সমে ইচয্যা।
তা’ ঝী’বু ম্যায়েবী কিযেকিচ্ছে গরি ভাত্ পাত্ দ্যেদে সে পিলেবু পাআত দিল্।
ইন্দি পানিআন গরম অদে ব্যাঙুয়্যু গরম পার আ গায়সয়ে থেদ চায়। যুনিয়্যু
ফাল্লেনেই যেবার ব’থেলেয়্যু যেবার ন’চায়। তে, গায়সয়ে আগে। পানিয়ান বেজত্তুন
বেচ্ গরম্ অদে তেহ্, আ গায়সয়ে ন’পারের্। তে, ফাল্লে যেবার্ আওজ এল।
মাত্তর, সক্কে তার আর্ ফাল্লেবার বল্ নেই আর্। পানিআন ববক্ ববক্ ওদোরার্
সক্কে উজানি চাইদ্যা ইক্কু ব্যাঙ!
সৌর
জগৎত পিত্থিমী নাঙে গ্রহবুত হিল চাদেগাঙ নাঙে এক্কান জাগা আঘে। অজল-নিয
মোন-মুড় চাদে লাগে দোল, মনে অয় পল্লা-পুল্লি খারা খদন। এ জাগানত্ দচ্ ভাচ্,
এগারবু জা্ ভেই বেক্কুন্ আমি জুম্ম হোই।
