 |
| ২৫-২৬নভেম্বর ২০১৬খ্রি: পা: চ: ২য় আদিবাসী লেখক সম্মেলন। |
এ আজা, এ সবন বেজ তিদব্বর ন’অয়। বান্দর কপাল তারেঙত গুয়ো কপাল সুরুঙত। বাঙালা দেচ সাধিন অনার(পল্রে ঘর যুদ্ধ) পর দর এল বানা বাঙালুন। ইক্যে! ইক্যে দর আর্মি-বাঙাল আ জাত ভেইয়ুন। জ্বলিল বাবুছড়া, বোলখালি(দিঘীনালা), মালছড়ি, খাগাড়াছড়ি, বাগেকাত, মাটিরাঙা, তেনজঙ সুমত্তু গোদা হিলচাদেগাঙ। আমার অমার(জাত ভেইয়ে) মারে ফেলা ফেলা-ফিলি, দরি নেযা-নেযি। চেরো কিত্তে মা-বোনর মরা কিজেক। ইন্দি ভান্তেউনে তাহ্দি উদিলাক। দাঙর দাঙর গুরি কধন,“ দান গর, ধর্ম গর, কুর-শুগর ন’ ফালেয়ু। ধর্ময়ান ভাবি থাক। তমা আওজোর নেক, নোনেয়ে পুঅ এ ফারা দজাত্তুন রক্ষে পেবাক।” সুরু অল আদামে আদামে মহামঙ্গল সূত্র, সংঘ দান, অষ্টপরিষ্কার দান। রেদেবিলি জাকে জাকে খারোজ্যা গাবুর গাবুরি দাগি যাদন কিয়ঙত। এসুযোগত বাঙালুনে বুলেবালে-বলেদরি যেঙগি পার আমা সে মা-বোনুনরে জাবাদন, ধুরি নেযাদন। এধক্যে গুরি এচ্যে ১৮ বজর বিদি যার। ইয়ানি আমা বেগর চোগত তল। তেহ্, সে কধা কদুঙ ন’চাঙ। বেজ্ কলে আর ভজমান(পূজ্য) ভান্তেউনে আ আমা রাজনীতি চেলাউন গরম কবাক। কধা আগে “গাজত যনি ফুল ন ফুদন মধু পেবং কুদু, জাত্তু যুনি ন’বাজে ধর্ম থেব কুদু?”বাঙালুন জাগা-জমি বেক কারি নিলাক। এঅক্তত যনি কুরবুয়ো যনি বিজিবার ন’ থেলে সালেন জীংহানি তোরানা হিঙরি? যা ওক-
ত্যুঅ ম’ আজা বুক ভরি গেল। ২৫-২৬নভেম্বর ২০১৬ ইং তিন পার্বত্য জেলা আমা বুদ্ধিজীবিউন দিরি অলেয়ু জাগি উত্তন এগত্তর উয়োন। ইয়ান ভাবিনেই। মুই বিশ্চেস গরঙ, বুদ্ধিজীুবউনে এক থেই পাল্লে সক্যে হিলর আভা ফিরিব। গাজে গাজে ফুল ফুদিবাক, পেইক দাগিবাক। বেক তিদব্বর অব।
কোন মন্তব্য নেই:
একটি মন্তব্য পোস্ট করুন