এচ্যা পিলাং কাল্। অন্যান্য দিনর সান্ খুউব সবরে ঘুমত্তুন্ উদি লারে
লারে কুচ্ ফেলে এন্দি উন্দি গরঙর্। পিবির পিবির মিধে মিধে বোইয়েরে অামিজে
বেই যায়, আগাজত্ ডুব ডুব মেঘ্ ছাঘা কত্তা কত্তা গুরি ভাজি যার্,, খুয়োঙে
খুয়োঙে কুয়, পেইক কিজিক্ কাজাক্, বারিযে পর্ এন্যা্নে গুরি দিগিম ভাবি
ন’পারঙ। সাপ্তা অল আমিজে ঝড়। মাত্তর এচ্যা! পুগ মোন মাধাত্ রাঙা বেল ছদক
ভেদা দ্যি। এ্যাইল খের উগুরে শির পানি ফুদো দেন্যাই বিদি যিয়্যা নিঝেনী
সাগরর তুবোল সান্ অনসুর্ মনত আভর খার্। অত্তে অত্তে মনান্ পূর্ণিমা জুনানর
সান্ পোত্েপাত্যে অদ চাই আ অত্তে অত্তে দ্বি’ গাল্ বেই ধারা ধারা চোঘ পানি
পত্ত চায় । তোততেোচ্যা তুরুন্ মনান্ নিবুলী অই আক্সই থাই।ভালক বজর আগে জীংকানি গঙারে লাগত্ পিয়ঙ যারে জীংকানি নিবুলী ঃঅক্তত্ যিবে মরে কোচপানা, কিরব্যা-মেয়্যা দিন্যাই মুজুঙর দিনত্যাই দ্বি’ চোগত পহর ফুদে দি’ অজল অজল মুজুঙ বাবত্য্রা স্ববন দেঘেয়ে; তারে মুই তিগুচ্যা ইদোত্ তুলং, ইদোত্ গাদে থুয়োং। থুয়োঙ তা নিঝুলী , নিআলঝী অতালিয়ে কোচ্পানা মনর সুন্দুকর কেবার মারি।
এচ্যা সে সুন্দুকর কেবার খুউইল যিয়্যা। তের বজর আগে এই দিনত্ দিঘিনালা বন বিহারত বুদ্ধ মুজুঙে বাত্তি ধোরে দিন্যাই যে সত্য দ্যি সে চিত্তি কেঞ্জান আগে? অত্তে অত্তে স্ববরন দেঘঙ িএক থুব্ ফুল আহদত গোরি ম’ কায়্ এন্যাই থেপ থেপ দ্বি’গাল্ বেই চোঘ পানিয়ে বুগ ভিজি যায়। কয় দাদা ভুলান্ মর ক্ষেমান তর, ধৈ পানি খুলত ল’। মুই মু’ চেমে চেমে অজঙ। ভাবঙ মিলেউন নানাঙ ঢক্যে, যক্যে গরজত পরে সক্যে কায় এজন আ যক্যে গরচ ন থেব সক্যে পিজ্জে ফিরি ন চান ্। ইয়াান তারা পাজজা কসধে আধঙ নেই। কামাক্কাই মুই তারে কায় পেবার চাং। কিত্্যাই মুই তারে কোচপাং। মাত্তর তে বা কুদু ইক্যে খবর ন দ পাং। ইয়ান দ স্ববন কধা। পত্থমে সে যে ফারক, এচ্যা 14 বজর পর এজ ন দেঘঙ, দিঘিম্ বিলি কিয়েজে ন লয়।
হায় চিত্তি! তুই এদক চিতনেই মেয়্যানেই অলে, মরে খুউব যাদি যাদি তুই দূরত্ ছিদি দি’ পারল্লে ঠাহর্ মুই ন পেলুঙ। ইদোত ন উদে সে রেদো কধা? যে রেদোত্ মরে ঘুমত্তু জাগে তুলি ত মনর অতালিয়ে কধা নিআলঝি গরি ভাঙি কোউচ্। কোউচ্, “দাদা, তরে ছারা মর কিচ্ছু গম ন লাগে, দ্বি’ চোগত বানা তুই। চোগত ভাজে ঘুম ন এযে। বানা ত কায় এবার পরানান ছটফটাই। তুই নেই মর আওচ্যা রেত্।তরে নিনেই তিন্নো খেদাকতুকত্ থেলেয়্যু স্বর্গত থেম”।
খবর ন পাং, এচ্যে সে চিত্তি মুই নেই সংসারত কেঞ্জান আঘে? কুদু আগে? যারে মন প্রাণ বেক্ কিজু দিন্যাই কোচপা যায় তারে এক্কা ন দিগিলে থেই পারা ন যায়। থিক্ এয করি ফেলে ন পারঙ মুই তারে। এচ্যা হিলর আভা খুউব গম নেই। এয নিবুলি অক্তত আগন। এ নিবুলি অক্তত আক্কুরি সান্ কি তুই ম কায় এবে? সমারি অই খবে “জন ফিত্তি কিজেক কারি কারি কোইবার মনে কয় মুই তরে কোচ পাং, মুই তরে কোচপাং, মুই বানা তর। এচ্যা দিন্নোরে মনে অয় যুগ আ রেত্তুরে মনে অয় শতাব্দী। ভাবি চা দাদা মর বুগর চিনচিনিনানা। এই মনান আমিজে তর নাঙান জুবি জুবি থায়”।
না চিত্তি, তুই আজার চেরেষ্টা গরল্লেয়ু ন পারিবে। ইয়ান তর ২৬/০৪/২০০১ সালর লেঘা চিঠির অংশ মাত্র। আ র লিকখুচ, “এই পিত্তিমীয়ান ইঞ্চি ইঞ্চি গরি মাপিলে হয়দমাপা যেব মাত্তর তরে নিনেই ম মনর ফিত্তিত যে কোচপানা প্রাসাদ বানেয়্যুঙ সিয়ান মাপিবার পিত্তিমীত কন বৈজ্ঞানিক নেই।…………………………………. ইদোত উদে সেই রেদোর নিঝেনিয়ানি। সে নিঝেনী গোদা জীংকানিত ইদোত গাদে থোম।”
ও বিধুরো…। এচ্যা কদক্ স্ববন চোগত ভাজে, সে স্ববন এজ মরে কানায়, সে নিঝেনিয়ানি ইদোত উদিলে চেরাং চেরাং চোগ পানিয়ে বালোচ্ ভিজি যায়। তুই মর হৃদপিন্ড উগুরে নেযেয়োচ। দ্যুস দেক ফেলে ন পাচ্যা ফিরে। যা কন বৈদ্য অন কবিরাজ বা অন ডাক্তার আ সিভিল সার্জনর পক্কে সম্ভ নয় মরে আরোগ্য গরিবার। তারার দারু ম রোগক অন দিন কাম ন গরিব।
তুই মর রোগর একমাতর দারু, তুই ম কায় থেলে এ রোগত্তুন এ্যারান পাং। মাত্তর এচ্যে……………….।
কোন মন্তব্য নেই:
একটি মন্তব্য পোস্ট করুন