জুম্ম জাদর পাত্থলী:এম.এন.লার্মা জীংহানি:

এম. এন. লারমা

মানবেন্দ্র নারায়ণ লার্মা মঞ্জু এক্কান্ ইদোত্ গাদে রাঘেবার্ নাঙ্ পিত্তিমীত্ অজল্-দাঙর নাঙ্। জুম্ম জাদর পাত্থলী, নানুনেই(অধিকারহীন) আট লÿ পাচলিস্নচ আজার পাচ’শ একচলিস্নশ জন (১৭ জুলাই ১২ইং প্র:আলো) জুম্ম জনগণর মআনদেচ প্রেত্যা, তেচত্ পেরাশানি খেইয়্যা মানুযর্ নিধুক্তুক্ (একমাত্র) চিতথুম্ আ জুম্ম জনগণর নিধুক্তুক্ রাজনৈতিক জধা জন সংহতি সমিতি প্রতিষ্ঠাতার নাঙ। নাবুংু নবুং, ছারানাধা, টেম্টাম্ দজ্ ভাচ্ এগারবু জাদর জধার নিঝেনী নাঙ, মানবর ইন্দ্র মানবেন্দ্র নারায়ণ লার্মা; জুম্ম জাদর জধার তাত্ত্বিক থম্(ভিত্তি)র নাঙ। লার্মা ১৯৩৯, ১৫ সেপ্টেম্বর রাঙামাত্যা নানিয়েচর থানাত, বুড়িঘাট মুউজ মহাপরম্নম আদামত এক্কু থানেথমগে ঘরত জনম লুয়্যা। তা’বাপ্পু চিত্ত কিশোর চাঙমা এল শিÿক আ ধর্মগুরম্ন,মা’বু নাঙ এল সুভাষিনী দেওয়ান। তারা চের ভেই-বোনর মধ্য তেয়্যু তিন নম্বরত। তা’বর ভেই শুভেন্দু প্রবাস লার্মা(২), বর বোন জ্যোতিপ্রভা লার্মা(১),আ বগের নোনিয়্যা ভেই জ্যোতিরিন্দ্র বোধি প্রিয় লার্মা(৪)।

লার্মা ১৯৫৬ সালত রাঙামাত্যা হাই ইশকুলত পড়ার অক্তত পাহাড়ী ছাত্র অন্যতম্উদ্যোত্তা হিজেবে কাম গচ্য্যা। ১৯৬০ সালত চটত্মগ্রাম কলেজত পড়ার অক্তত ছাত্র্ইউনিয়নত সরিত অয়্যা। এই অক্তত তে, পর্বোয়া (শিÿÿত) চাঙমা গাভুয্যা উনরে জধা গরি জুম্মউনরে রাজনীতি চেদন জাগে তুলেস্ন।
১৯৬০ সালত পাকিসত্মান সরকাচ্যা কাপ্তেয়ানত্ গধা বানিন্যাই নমিশিল্যা(সামমত্ম) চেলাউন প্রতিবাদ ন’গরলেস্নয়্যু লার্মা এল খদার পাদারী। তে, কাপেত্ম গদা নিনেই গধেল গধেল লেঘা-লেঘি গরি দেজর মানুচ আ বুদ্বি ধীব্উনরে সচেদন আ চোগ খুলি দিবাত্যা অনজুর চেরেষ্ঠা গয্যা। লার্মা হিল্ চাদেগাঙর আদিবাসি উনরে হোইয়ে কাপ্তেগদা ‘‘সুফল’’ হিলর মানেউনর লাই নয়, ইয়ান মরণ কাভুক; ইয়ান আদিবাসি্উনরে ভচ্ নিবাত্যাই এক্কান ষড়যন্ত্র। এই পোইদ্যানে লার্মা চটত্মগ্রাম কলেজত বি.এ পড়ার অক্তত ১৯৬৩, ১০ ফেব্রম্নয়ারী গ্রেফতার অয়্যা। রাষ্ট্রদ্রোহি মামলাত অভিযুক্ত গজ্জোন। পরে ১৯৬৫, ৮ মার্চ চট্টগ্রাম কারাগারত্থুন সরান পিয়্যা।
সে বজর বি.এ পাশ গয্যা আ মাষ্টরী আরম্ভ গরলস্ন। হিত্যাই লার্মা ভাপ্ উদি গেল রাজনৈতিক অধিকার পেবাত্যাই পর্বোয়া(শিক্ষিত) জনবল দরকার। পর্বোয়া গাভুয্যাদাঙগুউনরে নিনেই কণা-কণি, ঘণা-ঘণি ছেরে সক্যে নাধা মানেই ইদু সং শিক্কে আলো ছিদি দিয়্যা।
১৯৭০ সালত এল.এল.বি পাশ গরানা সমারে আইনজীবি চটত্মগ্রাম বার-এ সরিত অয়্যা। তেয়্যু হিল্ চাদেগাঙহ্ত পত্থম আইনজীবি। সিত্তুন ধুরি লার্মা পুরপুরি রাজনৈতিক আ সংগ্রামর জীংহানি যাঙাল(পদ্) দব্দভা অল।
১৯৭০ সালত পাকিসত্মান প্রাদেশিক পরিষদ আ ১৯৭১ সালত বাংলাদেজ জাতীয় সংসদ সদস্য হিজেবে নগবাজ্ অয়্যা। ১৯৭৪ সালত ল-ণত যিয়্যা সরকার এওজি(প্রতিনিধি) হিজেবে।
১৯৭১ সালত ১৬ ডিসেম্বর বাঙালাদেজ এক্কান সার্বভৌম রেয্যা হিজেবে থিদববরী অলেয়্যু জুম্ম জুম্ম জাদর ভাগ্য পরিবর্তন ন’অয়। গুইয়ো কপাল সুরম্নঙোত বান্দর কপাল টারেঙোত। ১৯৭২,১৫ফেব্রযারী প্রধান মন্ত্রী শেখ মুজিব রহমান ইদু চের দফা সম্বলিত আঞ্চলিক স্বায়তব শাসন দাবীনামা পেশ গরলেস্ন উগুদো লার্মারে্১, ২, ৩…….১০ লাখ বাঙালহিলত্ ঢোগে দিবার হুমকি দিয়্যা।
বল-বলা(স্বাধীনচেতা) লার্মা পরাকবাল্যা জুম্ম জাত্তোত্যাই বুগ্ আঙে। তে, ভ’বুয্যা নিয়মতান্ত্রিক লাড়েই গুরিন্যাই জাদও অধিকার ন’পেবং। ১৯৭৩ সালত বাংলাদেজর রাজনীতি ঢক্ বুঝি ‘‘মজলুম জননেতা মাওলানাভাসানী’’ লার্মারে হোইয়ে,‘‘লার্মা তরে অনজনে এজাল দিবাত্যাই আক্কোই ন’এবাক। তোমা মুক্তি পদ তোমাত্থুন থোগা পরিব, আদায় গরা পরিব। তুই আত্যার ধর্ লার্মা’’।
লার্মা বিশ্চেস গরে যে জাত্ মরি জানে, সে জাত্ ধ্বংস ন’অয়। তে, ১৯৭৩, ৭ জানুয়ারী জন সংহতি সমিতি সশস্ত্র লারেই গরিবাত্যাই গঠন গরলস্ন শামিত্ম বাহিনী। শুরম্ন অল অধিকার আদায় লারেই-জুম্ম জাদর মৌলিক অধিকার লারেই। লার্মা বানা জুম্ম জাদর কধা ন’অয়। তে গোদা বাংলাদেজর শ্রমজীবি মানুচর কধা, নাধা-দুগী মানুচর কধা সংসদত্ হোইয়ে। সিত্যাই লারমা বানা জুম্ম নÿত্র ন’অয়, বাংলাদেজর আ গোদা পিত্তিমীর মানবতাবাদী অজল্ এক্কু নÿত্র।
১৯৮৩, ১০ নভেম্বর রেত লার্মারে জুম্ম জাত্তু ত্থুন খিরিজ গরি দ্যুন জাদর অদম, চের কুচক্রী গিরি-প্রকাশ-দেবেন-পলাশ দাগী; দেজর-বিদেজর কু-পাকত পুরি। (সূত্র : জুম্ম সংবাদ বুলেটিন)