সৌর
জগৎত পিত্থিমী নাঙে গ্রহবুত হিল চাদেগাঙ নাঙে এক্কান জাগা আঘে। অজল-নিয
মোন-মুড় চাদে লাগে দোল, মনে অয় পল্লা-পুল্লি খারা খদন। এ জাগানত্ দচ্ ভাচ্,
এগারবু জা্ ভেই বেক্কুন্ আমি জুম্ম হোই।এক অক্তত জুম্ম মানেউন খুউ্ গম্ এলা্। কধা বাত্থায় ধরা-ধচ্ছ্যা, আজি-রঙে দিন তোড়ে দাক্ বিলিন বুড়-বুড়ি মুহত্থুন হিত্তো শুনি যানে আলিক হুযিয়ে দ্বি’গাল বেই চোগ পানি ঝড়ে। এলাক অদক আলুল্লো-দুলুল্লো গুরি দিন-কাল তোড়ে যিয়ন।
মাত্তর এচ্যা? উত্থুন ইক্কু উড়বো ফুদো আঙার উড়ি এ্যাই গোদা হিল্ চাগেগাঙ ডাঙা আঙি গেল। বঙ পাদারে জাত ভেইয়র মরা। নিজ ভূই-জমি ফেলে নাড়ে ছড়ি সান্যা কোণা-কণি, ঘোণা-ঘুণিত বা’ (ঘর) বানি জীংহানি কি দোলে তোড়ে পারির? না। হি্ চাদেগাঙি্ এচ্যা তুবোল উত্থে। গোদা হিল চাদেগাঙ পিড়িল্লে, লেঙ-ভেদা-ভেদা অল। যাক্কো অযায় বিনি মনে। উজু সুরুঙ্যা মানেউন কি গরি বাক্! এম্বা ইক্কু আন্দার রেত গঙে দেদন হিলর নানুমরা-জুম্ম জাত্থু। চেরো হিত্তে চোক্ চোক্ দেবা কালা, ঝিমিত-ঝিমিত ঝিমি লানি। পরান তিলোই খাবে সে পেরাগ রঅ। ইন্দি ঘর দূয়োর চেলে ভাঙা ভাঙা। গাছ-বাজ-নেই পেইক্-বাজা বানিবার; ভাত নেই, নেই জু’আলু কুরিবার।
ত্যুঅ মা-বাবা দাগি বুক্ বানি দ্যুন ও মানেই লক! সজাগে থাগ, ধর ধৈর্য্য-মনো বল বা্। পহর ফাদি এজ আঝিয়ে। বাজি থেবং এদেজত, সুগে-শামিত্ময়ে, আলুল্লো-দুলুল্লো, গীদে-রেঙে। ফিরি এব আঘ সুগ, সে আভা যে আভা গোদা হিল চাদে গাঙর মুহর আজি ফুদেব।
কোন মন্তব্য নেই:
একটি মন্তব্য পোস্ট করুন