হিল চাদেগাঙ!
একদিন তর কদক সুক্ এল।ছরা’ছরি, মৌন্’মুরি, গাজে’বাজে তারুমে,
নাঙেলে নাঙেলে, ছাবায় ছাবায়
উব গীদে আদামানী ভুরি তুলিদ্যে।
হিল চাদেগাঙ!
একদিন তর কদক সুক্ এল।
ভাদ মাচ্যা পোতএপাত্যা জুন পহ্ ত
মৌন ঘরত ইজোরত মাধাত্ বোই
চিঙেবুদি ত’ জুম্মবী ডাগিদ্যে।
হিল চাদেগাঙ!
একদিন তর কদক সুক্ এল।
দিপজ্যা মাধান্ নাঙেল পিদিত্, গাজ ছাবাত্
তলে, ত’ জুম্মবীলোই ঘিলে খারা অদ্
বেল্ ডুবিলে, সাচ্ লামিলে, জুন ফুদিলে
দুধুক্ কেঙগরং বেই বেই আদামানি ভুরি তুলিদ্যে।
ইক্কে!
ধারা ধারা চোক পানি, উরগুম্যা মু,
সে রংধং ফেলেলে কুধু আরেই।
কোন মন্তব্য নেই:
একটি মন্তব্য পোস্ট করুন