“আমিই পারিবং
চাঙমা জাদর বার’র জিনিচ বানে। বিজগর পাদায় পাদায় এচ্যা থুবেয়ে তমা নাঙানি লেঘা থেব।
কি অই পারে সেই বিজক। চাঙমা পিডিয়া বা চাঙমা লেঘা বিজক বা চাঙমা সাহিত্য বিজক বা মিঙিনি
চাগালা বিজক। এজ আমি আমা জাদত্তেই কিজু গরি।” এচ্যে চাঙমা সাহিত্য বা’ অফিস, সাঙু- ২০১৭
বইবো ফগদাঙি আ চাঙমা লেঘা শেঘেয়ে মাষ্টরুনরে মান গজনি খলাবোত কদগীউনে এ কধা কোইয়ন।
এচ্যে বেন্যা
১০টায় “চাঙমা সাহিত্য বা” অফিস, ফগদাঙ গরানা পর দিঘীনালা ডিগ্রি কলেজত(মাল্টিমিডিয়া
ক্লাশ রুম)সাঙু- ২০১৭ বইবো ফগদাঙি আ চাঙমা লেঘা শেঘেয়ে মাষ্টরুনরে মান গজনি খলাত নকবাচ্যা
গরবা ইজেবে এল খাগড়াছড়ি জেলা পরিষদর সুনানু সাবাঙ্গী দাঙগুবী শতরূপা চাঙমা, মুলুক গরবা
ইজেবে এলাক দিঘীনালা উপজেলা পরিষদ’র সুনানু ভাইস চেয়ারম্যান ভজমান সুসময় চাঙমা আ ৫৫নং
ছোট হাজাছড়া মুউজ সুনানু হেডম্যান অপরূপ চাঙমা সমুত্তু চাঙমা সাহিত্য বা জধানানু দেবপ্রিয়
চাঙমা। খলাবোত খলানানু এল চাঙমা সাহিত্য বা এজাল জধানানু আ কধা কধগী দাঙগু কে.ভি দেবাশীষ
চাঙমা।
খলাবোত চাঙমা
সাহহিত্য বা দাঙর কাবিদ্যাঙ দাঙগু ইনজেব চাঙমা খলা পজ্জোনী কধগীয়ে ত্রিপিটক কোইয়ে আ
চাঙমা সাহিত্য বাত্তি ভজমান মুকুন্দু চাঙমা গাউলি গম ন’ থানার এ খলাবোত এই ন’ পারানার
এক্কো কবিদে পাদেয়ে সিবে পরেহ্ শুনিয়ে দাঙগুবী প্রত্যাশা চাঙমা।
কোন মন্তব্য নেই:
একটি মন্তব্য পোস্ট করুন