শিলুন্যা আদামত চাঙমা লেঘা কোর্স ফাংফগদাঙ

গেল্লে ১১ জুলাই ২০২০ইংরেজি নান্নেচর সাবেক্কং ইউনিয়নর শিলুন্যা আদামত চাঙমা লেঘা শেঘানা কোর্স ফগদাঙ্ গরা অইয়ে। 

সুনানু সুকেশ চাঙমা, সাবেক্কং এওজি:

ফগদাঙি খলাবোত খলা পুচ্ছোনিত এল‌‌‌ চাঙমা সাহিত্য বাহ্ পত্রিকা-র সাবেক্কং এওজি সুনানু সুকেশ চাঙমাদাঘি। মুলুক গর্বা ইজেবে আজিল এল‌‌‌ চাসাবা (চাঙমা সাহিত্য বাহ্) নান্নেচর ধেলার সাবাঙ্গী সুনানু দীপ্তিমান চাঙমাদাঘি। বেগ’  দাঙর গর্বা ইজেবে আজিল এল‌‌‌ চাসাবা নান্নেচর ধেলার বেগ দাঙর মুখপাত্তি জধানানু সুনানু সুপায়ন চাঙমাদাঘি।

আহ্ আজিল এল চাসাবা নান্নেচর ঢেলার ভান্ডালি কাবিদ্যাঙ্ সুনানু কাহিনী চাঙমাদাঘি।আজিল এলাক্ চাঙমা লেঘা শেঘেয়্যে মাস্টরলক্কুন,আহ্ শিঘিয়েলক্কুন।

খলাবুত গর্বা, মাস্টর আহ্ শিঘিয়েলগে বেক্কুনে চিনপুচ্ছো অলাক্ আহ্ চাঙমা লেঘা শেঘানা পোইদেনে মনত্তুন ছাঅগি তুল্লে কধা কো'বুলো গল্লাক্।

সে লগে শিঘিয়েলক্কুনরে চাঙমা সাহিত্য বাহ্ তপ্পেত্তুন চাঙমা লেঘা বোই ছিদি দে অয়।
জেরে খলাবোর বেগঅ্ দাঙর্ গর্বা সুনানু সুপায়ন চাঙমাদাঘি মঙ্গলবাত্তি জালেনেই চাঙমা লেঘা শেঘানা কামান ফগদাঙ্ গুচ্ছে।তে' এ শিঘিয়েলক্কুনরে শেঘেনেই শেঘানা কামান আরগানি গুচ্ছে।
জেরেন্দি বেক্কুনে মিলি মন খুজিয়ে দিন্নোরে মন লগে বারেন্দিও বানি রাগেবাত্তেই দিবে-এক্কো ফটু উদিলাক্।
শেঘেয়্যে মাস্টরলক্কুন অলাক্কে-
১.সুনানু কাহিনী চাঙমা
২.সুনানু ললিতা চাকমা
৩.সুনানু বিকল্প চাঙমা
৪.সুনানু সুকেশ চাঙমা
৫.সুনানু তুষি চাঙমা