কেনে থান গম - ইনজেব চাঙমা

ছবি: মিদে

দেজর আভা গরম অই এল’
    কেনে থানা গম,
কন’ কিত্তে চিত ন’ জুরাই
    মনান অহ্’ল আঅহ্’ল-পাঅহ্’ল।

সমাজ্যাউন পুজোর গরন
    কেঝান আঘচ দা?
কি কোম, কি ন’ কোম ভাবিনেই,
    অন’ কুল ন’ পাং।


বেন্যা অলে দেবাবো
    সুদোমু অই থায়,
মোন -মুড়ত ছড়া ছড়িত
    পানি ন’ গঙায়।

শাওন ভাদ’ মাচ এলে
    আহ্’জি ফুদে বেগর মুয়োত,
সে দিনুন কুধু আহ্’ঝি গেলাক
    ভাবি ভাবি দিন তোরাং।

এ্যাইল ঝারত তারুম বনত
    পশু পক্খি ন’ দগরন,
ধারা ধারা চোগ’ পানি
    মা-বোনর চোগত।

ছবি: মিদে

ঘর শাল পানি দ্য
    রেত্তো পরি ঘুম নেই,
ফা আগুন ন’ জ্বলে
    বাজারত যেবার ব’ নেই।

মাচথিয়্যা বাজার বন
    তেঙা ধরন ঘন ঘন,
ভাবি ভাবি গধা দিন্নু
    ব’ লিঝেত এযে ঘন ঘন।

ভাবি চ’ ভেই - বোন লক!
    কেনে থানা গম,
ভাবনা রেয্যত ডুবি যাঙ
    কুল ন’ পিয়ে সাগরত।

এধক্যে গরি ক’ দিন থেবং
    সার গর’ মনত,
মরিলে মরিলং, বাজিলে বাজিলং
    বেগে সং জোয়ারে মাদ’।

সবত - ৩

(কালালং সরকারি কলেজত চাঙমা লেঘা শিঘিয়ে দাঙগু সোহেল চাঙমার মন’ কধা)
ছবি: এলিয়েন্স চাঙমা

চোগত বনা বনা সবন
বুগত আঘে অতালিয়ে আঝা,
সাগর তুবোল’ সান অনসুর বেই যায়
জাদর ওক্কোর, ভাচ, সাহিত্য সংস্কৃতি ফুদে তুলিবার।

মাত্তর,
জাদর ভাগ্যাজত(ভাগ্য আগাজ),
কালা মেঘে ধাগি আঘে আগাজ’ তারাউন
তুয়্য তারা ফুরি উদিবার সান
যেধক্যে, ফুরি উদন গাচ বাচ্ছুন।

সবন - ২ ইনজেব চাঙমা

১০/০৮/২০১৮ কাচালং ডিগ্রি কালেজত চাঙমা লেঘা শিঘিউন। ছবি: এলিয়েন্স চাঙমা

ধানর বারেঙ এক্কো সিবেয়্য ভাঙা
ইয়োত ত’ উবোত ত’ গত্তে গত্তে মারিল’ চেরান জাগা।
ইক্যে, 
এক্কা গরি ঘরানত
নেই সচপদর থোবার জাগা
বিজর আলু কুচু রেঙ মক্যে নানাঙ বিচবিজিদি,
ভেইয়ে ভেইয়ে রেনা রেনি
গরি থানার ন’ গুজুরে ধিঙিকিলি।
ত্যুঅ তারা সবনানি অনসুর থায় তরুনু,
উদ’ দন সোঝেই চাঙমা জাদর নুয়ো পিড়িউন।

সবন- ইনজেব চাঙমা

কাচালং ডিগ্রি কলেজর এইচএসসি (২ বর্ষ) ছাত্রী দৃষ্টি চাঙমা মন’ কধা। ছবি এলিয়েন্স চাঙমা।

সবনানি বুগত আমার নিত্তো লাগায় তচ্যা
মুজুঙত এক্কো অজল তারেঙ মোন ফারি
আহ্দ’ ইজিরেদি দাগে আমিজে ।
সাত গাঙ তের’ দেবা সাজুরি পার অবং,
চাঙমা জাদর আরাং দরপ, সিরিসুদোম
আমি ধরি রাঘেবং।
ইআন অল’ ইরুক কালর পুরবোউনর সবন।

‘‘এধক্যে টানাকিস্যে দিনতয়্য আমাত্তুন আর’ জধা অই মা-ভাঝর কাম গরা পরিব’

মানবলা দাঙগু লালন চাঙমা পুরবোয়াউন উদিজে কধা কর। ছবি এলিয়েন্স চাঙমা

চাঙমা সাহিত্য পত্রিকা ডেক্স: হিলচাদেগাঙ কধা কলে ন’ ফুরায়। কন কিত্তেদি চিত জুরেবার আঝা নেই। কধ গেলে এক্কো ঘুরগুচ্যা আন্ধার রেত। যে রেদোত কন’ পুক জুকর র’ নেই আঘে, আঘে বানা ঘরে ঘরে বুক ভরা আভিল্যাচ। এধক্যে এক অক্তত চাঙমা সাহিত্য বাহ্ নানাঙ কলেজত চাঙমা লেঘা আ ভাচ রক্কে গরিবাত্তে এক ঝাক ভাঝর লরবো নিআলঝি গরি কাম গরি যাদন। চেঙে, মিঙিনি, কাচালং কুলসমুত্তু নানাঙ জাগাত চাঙমা লেঘা শিঘিবার জায়জুগল গত্তন, শেঘেই যাদন। ইআনি দিঘী এক্কা অলেয়্য বুক ভরে, মরা গাজত থুপ থুপ ফুল ফুদন।

এচ্যে ১০ আগস্ট ২০১৮ ইং এক সিজি কেন শুক্কর বার বেন্যা মাধান ১০ অক্তত কাচালং চাগালাত দাঙর বিদ্যাঘর কাচালং ডিগ্রি কলেজত চাঙমা সাহিত্য বাহ্ ধারাজে এক্কো তিন মাজ্যা ‘‘চাঙমা লেঘা সার্টিফিকেট কোর্স’’ ফাঙফগদাঙ গরা অয়ে। এ খলাবোত সাত কাম ফেলে  আ এ ফগদাঙি খলাবোরে সাতকাম মনে গরি মোমবাত্তি জালে ফাংফগদাঙ গচ্ছে কাচালং কলেজ লেকচারাল মানবলা দাঙগু লালন চাঙমা, মুলুক গরবা ইজেবে এল’ কাচালং মডেল বালিকা হাই ইচকুলর প্রধান শিক্ষক মানবলা, কবি দাঙগু ভদ্র সেন চাঙমা আ কাচালং কলেজ’ লাইব্রেরীয়ান মানবলা দাঙগুবী স্বর্ণা চাঙমাদাঘী।

কোর্স মোমবাত্তি জালেই ফাং গরের এক ভান্তে

        চাঙমা সাহিত্য বাহ্, গরা কমিতি বা’কাবিদা্যাঙ (সাংগঠনিক সম্পাদক) দাঙগু এলিয়েন্সে চাঙমা কধা কধগীয়ে (সঞ্চলনায়) ফাংফগদাঙি খলাবো আরগানি গরা অয়। চাঙমা সাহিত্য বাহ্ গরা কমিতি তপ্পেত্তুন ইয়োত আর’ মু দেঘেয়্যন এ জধার দাঙর কাবিদ্যাঙ দাঙগু ইনজেব চাঙমা, ফগদাঙ আ ছিদানা কাবিদ্যাঙ দাঙগুবী শ্রেয়সী চাঙমা, দিঘীনালা কলেজ ধেলার জধানানু দাঙগু ধর্মবিকাশ চাঙমা, এজাল জধানানু দাঙগু নভেল চাঙমাদাগী।

        কধগীউনে কোইয়্যন, ‘‘এধক্যে টানা কিস্যে দিনত আমাত্তুন আর’ জধা অই মা-ভাঝর কাম গরা পরিব’। এক্কো জাদর তার দাঙর চিনপচ্যে তার ভাচ, ওক্কোর, সাহিত্য সংস্কৃতি। ইআনি আহ্’ঝি গেলে আমি আমা চাঙমা চিনপচ্যে দি’ ন’ পারিবং। সেনত্তেই এচ্যে আমাত্তুন একাচিত্তে এগামনে নিজে চাঙমা লেঘা শিঘি অন্যজনরেয়্য শেঘেবার আ শিঘিবাত্তে বেক্কনরে কুজোলী রাঘেয়্যন।

দাঙগুবি দৃষ্টি চাঙমা মন কধা ভাঙি কর। ছবি: এলিয়েন্স চাঙমা

যিধু যিধু চাঙমা লেঘা সার্টিফিকেট কোর্স চলের:

দাঙগু সুফল চাঙমা, দাঙগু প্রকাশ চাঙমা আ দাঙগু সুপায়ন চাঙমা – মহালছড়ি ডিগ্রি কলেজত, দাঙগু পরেশ চাঙমা, দাঙগু নতুন জীবন চাঙমা আ দাঙগু কেটন চাঙমা – মাইসছড়ি হাই ইচকুলত আ বাবুছড়া মুখ হাই ইচকুলত দাঙগু সম্ভমিত্র চাঙমা, দাঙগু রিকন চাঙমাদাগী। ইআনি বাদেয়্য মহালছড়ি উপজেলাত ১১ আন প্রাইমারি ইচকুলত, সাজেক ইউনিয়নত ১২ আন প্রাইমারি ইচকুল চাঙমা লেঘা শেঘা অর।

পুজোর - ইনজেব চাঙমা

মোন কানের, ছড়া কানের - কানের চাদেগাঙ
চেরো কিত্তে মরা কিজেকে বোমার আগাচ পাদাল।
রেত্তো অলে বেরেচ কানন, ঝক পরন তদেক,
জাদর পাত্থলি দাগি কর,
বাংলাদেজর আদি মানেইউন, অলর গরি
এ দেচ সারি ধেই যাদন অন্য দেজত।
মোন কানের, ছড়া কানের - কানের চাদেগাঙ
থেবাক কেনে?
ভূই আহ্’রেলাক, বাগান আহ্’রেলাক - আহ্’রেলাক ঘর’ ভিদে;
ইরুক দিনত,
ইন্দি দে দ্য উন্দি দে দ্য পেদত ভাত ন’ পরে।
আর্মির তচ্যা, বাঙালর তচ্যা - তচ্যা জাত ভেইয়োর;
বুক বানিবার কি আঘে?
এধক তচ্যা মাধাত গরি কেনে তরানা পরান।
সিত্তেই তারা এ দেচ সারি ধেই যাদন ।
ত্যুঅ,
আমার চেদন নেই?
কিত্তেই এধক পাষান ভেই?
নিজ’ কধা নিজে ভাবর,
নিজ’ আলুত্যাই কি লাড়েই গরর?
জাত্তোর আঘে আন্দারত।
কারে নিনেই তমা এ লারেই?

পর্বোয়া - ইনজেব চাঙমা

পর্বোয়া, ভাজে ধোয় মন দুক-আভিল্যাচ দার (শান) গর’ মন
হিলর মাদি বলা বুঝোদোক শুকুনর দল।
জাদর শুত্রুউনরে মার’ তেগ’ ঘুম যেবার নেই অক্ত
এগাচিত্তে - এগামনে লাম’ ভাত মোজা পুনত বানি
জাত উদ্দোর কামত।

দাধা - ইনজেব চাঙমা

নিশি রেদোত ঘুম ভাঙি যায়

দাধা, দিঘীলে তরে সবনে,

কন সাগরত ফেলে যেলে

            তুই আমারে।

বেন্যা পোত্যা পোফাং দগরিলে

            ইদোত উদে তরে,

কি পাপে গোজেন তুই আমারে

            নানু মরা গরিলে।

ইক্যে আমি পিত্তো মরা

            দাধা, তুই ন’ থেনেই,

মানচ্ছে আমারে সচ পিয়োন

            ভেইয়ে ভেইয়ে দোন কোল বাজেই।

জাগা জমি স’সম্পত্তি আরেলং

            বোনুনরে ঝাপদন বঙপাদারে,

কন’ কিত্তে নিপরভা নেই

            এধক্যে গরি বাজানা কেনে?

এধক ধুচ খেলং, আঝার খেলং

            এয’ উচ ন’ বজে,

ক’বো যক্যে কুরিবো দাধা

            ইধোত উদে তরে।

মামাহ্ (হিল চাদেগাঙ) নিত্তো ধারা ধারা চোগ’ পানি

            বুক ছাপরে ছাপরে কানে,

কাররে কিচ্ছু বুঝেই ন’ পারি

            বানা মেহ্ল (বিষ) খেদ’ মাগে।

চিঙে, ধুদুক, খেঙগরং

            কুধু পরি রুয়োন?

এক্কানা গরি জুমানয়্য (পা: চুক্তি)

হ্’রিং চোঙরা দগরি যাদন।

দাধা তুই ফিরি আই

            লগে আনিচ রাধামনরে

জুম্ম জাত্তোরে কুলত ল’

            মামা মুয়োত আহ্’জি ফুদে দে।

`a

bwmw †i`IZ; Nyg; fOw hq;

          `a, `wNw‡j Zv‡i mvev‡b,

Kvb; mMvivZ; †d‡j †h‡j

          ZzAw Ag‡i|

‡eb;‡b cIZ;‡Z cIds `vMviw‡j

          AwaIZ; Ay‡a Zv‡i,

Kw c‡c MI‡Rb; ZzAw Ag‡i

          bbygvi Mviw‡j|

AwK;‡K Agw cwZ;ZI gvi

          `a, ZzAw bv †_‡bAw,

gb;P¨ Ag‡i mvP; cwqIb;

          ‡fAw‡q †fAw‡q KIj; e‡RAw `Ib;|

RM Rvgw mv-mvg;cvZ;Zw n‡ijvO;

          eIbybv‡i Se`vb; evO;c`‡i,

Kvbv KwZ;‡Z bwcvi;f †bAw

          ‡AavK;‡K Mviw eRb †K‡b?

 †AavK; ayP; †LjvO;, nRi; †LjvO;

‡Ahv AyP; bv ev‡R,

Kv e© hvK;‡K Kziwe© `a

          AwaIZ; Ay‡` Zv‡i|

gkgk bwZ;Z© ai ai PIMv cbw

eyK; Qcv‡i Qcv‡i K‡b,

Kiv‡i KwP;Ry ey‡SAw bv ciw

          eb †gkj; †L`v g‡M|

Pw‡O, ay`yK;, †LO;Mvivs

          Kzay cviw iæqIb;?

‡AK;Kb Mviw Rygb;qv¨

          nviwO; PIOvi `vMviw h`vb;|

`a ZzAw dwiw Aq;

          jv‡M AbwP; iagvbv‡i,

Ryg;g© RZ;Z©‡i KyjvZ; jv

          gkgk gyqZ; nRw dz‡` †`|