 | |
| ২৬/০১/২০১৮ চাঙমা সাহিত্য বা’ অফিস শুভ উদ্বোধন করেন, শতরুপা চাঙমা |
আমি সবন দেঘি, একদিন
পিত্তিমী বুগত কোচপানা তুবোল ভেই যেব, ন’ থেব হিংসে পিজুম, রুগরুক্যা, ভেইয়ে
ভেইয়ে কোচপানা আলুল্লো-দুলুল্লো রাম-লক্ষণ’র
কোচপানাআন হার মানেব’। আমি বেক্খুন মানুচ, একজনর গর’জর আর’ একজনে উজেই এব। এধক্যে সবন
আ চিদে চচ্যাত্তুন নানাঙ তচ্যা পেরাসানি হনচুকচুখ্যা দিন মাধান সেরে সেরে গেল’দে
২৬ জানুয়ারী ২০১৮ ‘‘চাঙমা সাহিত্য বা’ ১৮ বজর পর এক্খান অফিস ফগদাঙি গরি পাচ্যেই।
ফগদাঙ গরি দেয়ঘি খাগড়াছড়ি জেলা পরিষদর সুনানু সাবাঙ্গী দাঙগুবী শতরুপা চাঙমা। অফিস
ফগদাঙ গরানা পর দিঘীনালা ডিগ্রি কলেজত মাল্টিমিডিয়া ক্লাশ রুমত ‘‘সাঙু- ২০১৭’’
চাঙমা লেঘা শিঘিবার বইবো ফগদাঙ গরা অয়্যা। এ ফাংশানানত খলানানু এল দাঙগু কে. ভি
দেবাশীষ চাঙমা(এজাল, জধানানু, চাঙমা সাহিত্য বা আ কধা কধগী উপন্যাসিক); শুভ
উদ্বোধক আ নকবাচ্যা গরবা ইজেবে এল- খাগড়াছড়ি পার্বত্য জেলা পরিষদর মাননীয় সদস্য
দাঙগুবি শতরুপা চাঙমা মুলুক গরবা ইজেবে এল -সুসময় চাঙমা(ভাইস-চেয়ারম্যান,
দিঘীনালা উপজেলা পরিষদ) অপরূপ চাঙমা (৫৫নং ছোট হাজাছড়া মৌজা); ইনজেব চাঙমা চারু
কধা পোজ্জুনীয়ে আকমলিম কধগী দাঙগু দেবপ্রিয় চাঙমা(জধানানু, চাঙমা সাহিত্য বা)।
ফাংশান’ আরকানিত গরবাউনরে ফুললোই গজি লনা লগে লগে ত্রিপিটক কোইয়ে, দাঙগুবী জেকি চাঙমা(১০ শ্রেণী ছাত্র, উদাল বাগান হাই
ইক্কুল)। বানা সিআন নয়, যারা নিআজি গরি, নিজ’ ঘর-গিরি কধা ন’ ভাবি, বুড় মা-বাপর
কধা চিদে ন’ গরি বানা জাত্তো কধা ভাবি জাত্তোরে কোচপেনেই চাঙমা লেঘা শেঘেয়্যন
তারারে মান গজা অয়্যা।
 |
| চাঙমা লেঘা প্রশিক্ষক শ্রেয়সীি চাঙমাকে সম্মাননা প্রদান করছেন শতরূপা চাঙমা |
ভারী দুগর কধা, অফিস
ফাঙফগদাঙি পর(সে দিন বেল্যা মাধান) অফিস ন’ গরিবার মানা গচেছান(সে বান্দা কোইয়ে,
এই জাগানত অফিস গরলেস্ন- কয়েক শর্ত মানা পরিব; যে শর্ত পিত্থিমীত কন’ বান্দা মানানা
সম্ভব নয়)। গধেল গধেল সুওল গরানা, মা-বোনর বুক সারাল্যা অনা, বাপ-ভেইয়োর ‘লো’ রাজ
পদসমুত্তু মোন-মুড় ভিজি যানার পর বাংলা সরকায্যা হিলত তিনান ভাচেচাই লেঘা পড়া
গরিবার জু গরি দিল। ইআন খামাক্কাই জাদত্তেই দাঙর
এক্খান মঙ্গল,ম পাওত্তি। এধক্যে এক অক্তত জু পেলং সক্যে আমা আওজর মা
ভাচ্চান ধেক থানি থানি আঘে। সে ভাচ্চানরে পরান ফেরে দিবাত্তে ২০০৩ সালত্তুন ধুরি
ইরুক দিনর সং নানাঙ জাগাত ‘‘চাঙমা লেঘা কোর্স’’ চালু গরা অয়্যা। ইক্যে ১৫০০জনরে
চাঙমা লেঘা শেঘানা পর চাঙমা লেঘা টাইপিং শেঘেনাসমুত্তু চাঙমা ভাচ, ওক্কোর আ
সাহিত্য চচযা কামানি উজে নিবাত্তে এক ঝাঁক সাহিত্য কাম্মো বাগত লামিলং। এধক্যে এক
অক্তত অফিস গরানা মানা গরানা জাত্তোত্যাই দাঙর এক্খান অমঙ্গল।
বিজগ পাদাত লেঘা আঘে,
১৯৫৯ সালত দাঙগু নুয়োরাম চাঙমা নিআলজি নিশুলি চাঙমা ওক্কোর আ ভাঝর কাম গরানা
পাকিস্তান সরকারে নিজ’ লেঘা আ ভাচেছাই ইক্কুলত লেঘা-পড়া শিঘিবার জু গরি দিল।
মাত্তর, এধক পানার পর আমা সেরে সচেদন ন’ থানার, নিজ’ মা-ভাচ্ছানরে গরচ মনে ন’
গরানা ফল কি দুক সিঅনা এযদ্যা খবর পেলং। এচ্যে বাংলাদেশ সাধীন অনার ৪৭ বজর পর আমি
প্রাইমারি ইক্কুলত মা’ ভাচেচাই লেঘা পড়া শিঘিবার জু পের। এধক্যে এক অক্তত জু পেলঙ
যক্যে আমা চাঙমা ভাচ্চান লুগি যার। আমি বেগে খবর পেই শতকরা ৮০আন বিদেজর ভাচেছাই
কধা কোর।
 |
| “সাঙু- ২০১৭” বইটি উন্মোচন |
ভাচ অলদে এক্কো জাদর দাঙর নিঝেনী, মাজারা। আ ওক্কোর অহলদে ভাচসানরে ফুদে তুলিবার এক্কান
আহত্যার। আমি বিজগত দিঘি এক কালে চাঙমাউনর বেক এল। এল ভাচ-ওক্কোর,
সাহিত্য-সংস্কৃতি তজিমপুর। ঝার এল, এল
চাগালা থেয়্যা জুম। ন’ এল বানা চিদে চচযা। জুমত্তুন যে ধান পেদাক নিজ খরাবি অজন
রাঘেই যিউন উগুরন সিউন ভাক গরি দিদাক। কদক দয়্যা-মেয়্যা, আলুল্লো-দুলুল্লো গরি
মন সুগে চিদ সুগে দিন কাল তোরেহ্ যিয়ুন। ন’এল পিজুম-হিংসে।
মাত্তর এচ্যে!
ফাগোন
চোত মাজ্যা দিনত ঝুরিহ্ পানি শুগানা সান ইক্যে চাঙমাউনর বেক শুঘেই গেল। শুগে গেল
ধন-সম্পতি্, জাগা-জমি; ভচ্ যার ভাচ-ওক্কোর বেক। এধক্যে এক অক্তত পার্বত্য চুক্তি
১৮বজর পর ২০১৭সালত আমা চিজীদাঘী নিজ মা-ভাচেছাই লেঘা শিঘিবার জু পানার পর আমি আমা
ওক্কোর ন চিনি, শেঘেই ন পাত্তন; ইআন এক্কান দাঙর আভিল্যচ।
আমি চাঙমা। তজিমপুর জাত্। ধর্ম আমার্
বৌদ্ধ। যার্ নীতি ‘‘অহিংসা পরম্ ধর্ম।’’ আমার্ আগে আজার্ আজার্ বজরর্ বিজক্, ভাচ-অঝাপাত্, সাহিত্য-সংস্কৃতি আ
চিনপচ্যে। ইআনিলোই আমারে কোই যায় তেজী, বলি এক্কো জাত্। বিজগত পোতপোত্তে গরি লেঘা আঘে, এক কালে আমি রাজা এলং,
এলং শাসক জাত। চাঙমা জাদর কধা কলে একদিন হুয়োঙ গুজুরিদ মাদিত ভুজোল বেদ।
মাত্তর, এচ্যে! সময়র গঙারে নানাঙ জাগাত ছিদি পরলস্নং। নানাঙ
ঝর-বোইয়ের গমি যেই অলং ছিত্রিংপাত্রাং আ নানু মরা। সে তেজ, সে বল, সে ধক আ সে জধা
ভাঙি গেল। এধক্যে দুগত্তুন হারে ফেলের জাদর সেই বারবো দরপআনি ভাচ আ অঝাপাত।
সিত্তেই এম.এন.লারমা ধুন্ধুক ‘‘আমার বার্ গরিবার কিচ্ছু নেই।’’ বচ্ যার জাদর
নিঝেনী, চিনপচ্যা। পশ্চিমা বিশ্ব খাজ্যেকোই লুদুপুদু অই আঘি। আমনর ভাচ, ওক্কোর
থাগত্যা বাংলা-ইংরেজী ভাচ্ছোই আমনর সাহিত্য-সংস্কৃতি চচযা গরির।
এধক হনচুকসুখ্যা দিন মাধনত
ত্যুঅ আমি স্ববন দিঘি, মোন, মুড় দেজত একদিন পহর অহব, নুয়ো বেল উদিব। পৃত্থিমীত
মানবিক সমাচ থিদববর অহব। ইরম্নক দিনত বেগত্তুন বেচ মর বুক ভরে, ঝাঁক ঝাঁক
পর্বোয়ালক নানাঙ নানাঙ জাত ভালেদি কামা মিজি আঘন। অন’ জনে অসুখ অহলে ভেতভেদে উজে
এজন। নানাঙ জন’ ইদু যেই যেই তেঙা তুলি দি দি চিকিতস্যা গরন। বেগত্তুন বেচ দাঙর কধা
অহলদে মা’ ভাচ্ছানরে বাজে রাঘেই বাত্তে এক ঝাঁক সাহিত্য কাম্মো বাগত লাম্মোন। নিজ’
কধা ন’ ভাবি, বুড় মা-বাপ, ইত্তোহুদম ইন্দি চোক ন’ দি বানা বানা জাত্তো ভালেদি পদত
উজে নিবাত্তে যে যেঙরি পারে কাম গরি যাদন। এধক্যে এক অক্তত তারা অফিস নিবার গরচ
মনে গচ্ছোন। ইআন যুনি মানা গরা অয় সালেন, যে উচ্চু পুচ্চোই কাম গত্তন সালেন তারা
যা ওক,
যারা এচ্যে আমি আমা মা ভাচ, সাহিত্য-সংস্কৃতি বাজেই রাঘেই বাত্তে, থিদববর
গরিবাত্তে লাড়েই গরির তুমি মন ভাঙি ন’ পেল্লু। জীংহানিত্তুন সবন, বিশ্চাচ আহরে ন’
পেলস্নু। এক অক্তত কুরি পেল্লং নিজ’ সাহিত্য সংস্কৃতি, নাচ, গান, পজ্জন, বিজগ।
ইক্যে তুমি সিআনি এক্খা অহলেয়্য জাগে তুল’র। হয়দ মনে গরি পার’ আমি অদ্ভূত এক্কান
সবন দিঘির। মাত্তর, সবনর বিচবিজীদি আমাত্তুন লাগা পরিব’। তুমি খবর প’ এধক তেচ-বলি
ব্রিটিশ সাম্রাজ্য ধেই যে পিয়ে, নয় মাস সং ওত্তে-পোত্তে লাড়েই গরিনেই সোনা বাংলা
সাধীন গচ্ছোন আমা কজাল পুঅ/ঝি’উনে। এক অক্তত ইআনি বেক স্ববন এল’। সবন দিঘিবং কেনেই
এধক দুগ কষ্ট সহ্য গরি চাঙমা লেঘা শেঘেই যের।
