ইক্কু সবন রেত্

বেগ মানেয়ুত্তুন আঝা থায় নুয়ো গরি দেজ বানেবার, বানেবাক সুগর সবনর জিংকানি।  মাত্তর তারা কি পারন সুগর সবানান গিচ্চেক গরি ফুদে তুলি?

পরান-পরান গরি শুনিলে ঈদোত উদে অপু’র নিজর বিজগর কধা। কন্না দাগে তারে? রিনি চেলে দেঘে তার লাঙনি পিচেছন্দি এ্যাইনে দাগের। অপু সবনে দেঘে নিজে তার লাঙনীর তারে বেচ গরি চিৎ পুরানাই পরান পরান  গরি দাগে। কুদু ইচ্যে তার সে সুগর দিনুন? গুরি গুরি ঝর ফুদ দিঘি ইচ্যে মনত উদে তার জুনিলোই কধা কোইয়ে জাগানি। নিত্তো অপু ঈদোত তুলে সে রেদর কধানি। তারা দ্বি’জনে একজনরে ন’ দিঘিলে থেই ন পারন। চোগত্তুন আঝি গেলে থোগাথোগি গরন। অপুত্তুন আঝা এল জুনিলোই তা জিংকানিয়ান কাদেব।  কনজনে তারে দুগ দি’ ন পারন। যারে যেদক বেজ গরি কোচপা যাই, তাত্তুন বেজগরি দুগ পা যায়।  অপু মাত্তর কাররে কোচপেনেই দুগ দেনা, ন পারিব অনদিন। মাত্তর, অন্য মানচ্যা চিয়ানি পারন।

বেজগরি কোচপানা দুচ। জুনিরে বেজগরি কোচপেদ অপু।  সেনত্তে অপু, জিংকানিত সেত্তমান দুগ পিইয়ে সিয়েন তে ভাবি ন পারে কনদিন। অপু বেক্কুনরে এক্কান কুজোলী গরে কনজনে অনজনরে বেজগরি কোচ ন’ পেইয়ু। এজান ফল ভারী দরগরে; সিয়ান অনজনেরে কোইয়ু ন পারে বুঝেয়ু ন পারে।

আজলে কোচপানা দুচ নয়, ভুল গরিনেই কোচপানা দুচ। সেনত্তেই ভেই-বোনলক আগে ধুরি কোচপানাত্তুন দুরত থাগ। মুই কাররে কোচপেবাত্যা কুজোলী ন’ গরিম আঃ মানায়্যু ন গরিম। কিত্যাই, কিজু কোচপানা পেবার চান মাত্তর দিবার ন চান। দেঘাযোক্ অপু কোচপেনেই কি দুচ গরিল।

পিত্তিমীত এমন অন মানুচ নেই যিউনে কোচপানা পেবার ন চান। কোচপানা বাদে মানুচ বাজি ন পারন, যেঅন জনরে কোচপেনেই মানুচ্চুনে বাজি থান- বাজি থেবাক জনমভূরি; ইয়ান সত্য ইয়ান বাসত্মব। কোচপানা আঘে, থেব আ বেক্কুনে সিয়ান চেবাক, তারে ম’র দুগ নেই। কালিক ম’র এক্কান দুগ লাগে সেক্কে, যেক্কে কোচপেনে দুগ দিবো। দুগ দিবার আঝা নিনেই কোচপানা দুচ। দুগ ন পিইয়ে গরি যুনি কোচপেই পার সালে কোচপেইয়ু আর দুগ পেবার অলে কোচ ন পেইয়ো।

সুগ পেবাত্যা মানচ্ছে কোচপান। অপুয়ো সুগর আঝা নিনে জুনিরে কোচপেইয়ে অথচ ইচ্যে তার সুগর ন’আন ডুবি গেলগোই। সুগর বদলে যুনি কোচপানা দুগদে, সেক্কে মানজে চোগে পহ্র ন’দিঘিনেই জীংকানি ফেলান, নাকদি মরি জিংকানিআন থুম গরিনে সুগ পেবার চান। আর তার প্রমান আঝার আজার পত্রিকা। থিক সেদিক্যে গরি অপু তার জিংকানিআন থুম গরিবার। মাত্তর তে জানে ‘‘আত্মহত্যা মহাপাপ’’ - এ কধাআন বিরেট এক্কান বাধা গোজ্জে। তার জিংকানিত আওজ এল তে লেঘাপড়া থুম গরিনে পিত্তিমী বুগত দ্বি’জনে ঘর বানিবাক। আর তা জিংকানিত বেক সবনানি এল জুনিরে নিনেই। স্কুল জিবনত্তুন ধরি তারা কোচপানা আ চিনপুজ্জে আগন।

যুনিয়্যু অপু গরিব পুঅ অয় তার পাজা, কধাবাত্তা চালচলনানি ভারী গম দেঘিনে জুনি তারে মনে মনে কোচপিয়ে। কোচপেনেই তিগুচ্যা অপু নাঙান খাদাত শদ শদ বার আজার বার লেঘে। তুয়ো তিরোচ ন’মরে। আর অপুয়ু কন ইংসে পিযুম নেই, বেক্কুনরে কায় মনে গরে। চিগোন ভেই-বোনুনরে ভারি কোচপেদ আঃ বর ভেইয়ুনরে ভজমান গত্ত, সেনত্তে ইশকুলর সমাজ্যা-সমারিউনে ভারি গম পেদাক। ইয়ান্যা ইক্কু গম সমাজ্যা পেনেই জুনি মনে মনে সবনর কোচপানা পেইয়ে। যেক্কে ক্লাশ বন্ধ থেদ সেক্কে জুনিদাগী ঘরত বেরেদগোই। এধক্যে বেরাবেরি গত্তে গত্তে তারা একজনর আরএকজনর মন মানুজ অলাক। তারা মুরোমুরি বেরেদাক, গাজ ছাবাত বোইনেই মন কধা ভাঙি কোইকি গত্তাক। ইশকুলত যাদে ৭/৮কিঃমিঃ পদ হাদি হাদি যা পরে। ইশকুলত এত্তে  যাদে দ্বি’জনে নানাঙ কধা কোই কোই এযন - যান।

এক দিন্যে অপু পোতপত্যা  জুনোপহ্রত জুনিরে কোইয়ে:-

অপু:- আচ্ছাস তুই  কি মরে গিজ্জেক গরি কোচপাচ?

জুনি: তর কি মনে অয়?

অপু: মনে গরং বেজ গরি কোচপাচ।  মাত্তর, দর গরে যুনি তুই আজি যাজ।

-জুনি  সেদিন্নে জুনোপহ্রানরে সাক্ষী রাঘেনে কুইয়ে ‘‘মর বেক্কানি দিনেই তরে মুই কোচপেম জনমান; মুই বানা তর কারর নয়।’’ আঃ সে দিন্নে অপুয়্যূ জুনিরে আর নুয়ো গরি দেঘিল, কদক আঝা আঃ সবন এল তারা দ্বি’জনর। ইয়ানত্তেই তারা একজনে আর একজনরে বেজ গরি কোচপান।

মাত্তর, আবাদাগরি তারার আওজর কোচপানাত এক্কান ঝর এল। এক্কান ধকনেই বুয়ের, মীরজাফরর কু’সলস্নাত তারা দ্বি’জনরে জনমত্তেই ভালুদ্দুরত ফেলে দেগোই। জুনি সেই মীরজাফরর লোভত তরি ন পারি নাই এস্যে তারার কোচপানা ফারক অই গেল। আর জুনি মা’ বাপ ইত্তোকুদুম্মোউনে অপুরে জামেই ইজেবে গজিলোই ন পারন। সিত্যাই তারার দ্বি’জনর কোচপানানরে বজং চোগে দিঘিদাক আঃ তেঙার বল আঃ অহংকার দেঘেবাত্যাই কনদিন মানি নেযে ন পারন অপু সান্যে গরিব মানজর পুঅরে। সেনত্তে এক্কা জু পেনেই জুনি এ কধা দেঘেনেই দুরত থিয়ে গেল। মাত্তর তারা ন জানন কনজনে, ন শুনদন তার আওজর কধা। এস্য অপু কত্তে সিয়ান আজলে কোচপানা ন এল, বানা এল এক্ক্যুয় সবন রেত।

                                                                 লিঘিয়ে: দাঙগু ইনজেব চাঙমা চারু

-চাঙমা সাহিত্যা বা’ দি’বজর পল্ল্যা পয়ধে।

এক জধা অই

গেলদে বহুত বজর ধরি অধিকার পেবাত্তেই লারেই চলের। সে লারেয়ত হরচ অর রক্ত, সময় আঃ পরান। যে আঘাত্যা কামর ফল ঘরত তুলিবার অক্ত এচ্যে। সে সনা ফুলুন ঘরত তুলিনেই আমি অবার চেই দোল আ সুগী জীকানির সুনানু।

এ লারেয়ত আজল চানা কি আঘে? আমা তেরবো জাদর আত্মনিয়ন্ত্রনাধিকার। জাদর ঘরপাদা ফিরি পেবার অধিকার। মাত্তর, এস্য অক্ত অয়্যা পদ দেঘেদিবার, কিজু ক’বার। কাম গরিয়ে’উনত্তুন উজিত হিলর দিনমাধান(পরিস্থিতি) তলবিচ গরানা। তুমি কি সিয়ান গরিবা? আন্ডারগ্রাউন্ড রাজনীতি লোইনেই ভেইয়ে ভেইয়ে মারামারি, রেনা-রেনি নয়। হিল দোল বুইয়ের আনদে যাদে আমাত্তুন এক ঝধা অই পরিব। ভেইলক্ তুমি খবর প’ জধা এক্খান  ডাঙর আত্যের, জধা অলদে এটম বমত্তুন বেচ বলি। সেত্তেই আমা জাত্তু বাজাদে যাদে আমাত্তুন বেক্কুনে জধা অই লাড়েই গরা পরিব।সেত্তেই ভেইলক্ হাত্ জুরগরি ঝু জানেনেই মুই কঙর, ভেই তুমি ফিরি এজ। আন্ডারগ্রাউন্ড রাজনীতি, ভেইয়্যা ভেইয়্যা মারা-মারি গরিলে কত্তমান করোল্লো অই যায় সিয়ান দ ১৯৮৩ সালর ১০ নভেম্বরত বুঝি পাজ্জেই। আমিদ জনমান পল্লাত পল্লাত তলে পুরি যেলে্লাই। ভেইলক্, বুঝি চ। বিল্ল কুজু পুন কাবি কাবি লাগেলেয়্য তিন বজর লাগা পরে, তেহ্ খেই পারে। সিত্তুন শিকে্খলোই পরিব আমাত্তুন।

ভগবান বুদ্ধ অমর কধা ঈদোত তুল। মর এক্কান কুজোলী আর্ মারা-মারি নয়। সত্যয়ান মনত রাঘে দোল বুদ্ধি ঈদোত তুল। মনত রাঘ মারা-মারিয়ানে ঘিন্ জনমদে। আমি সিয়ান ন’চেই। তুমি কাররে ফেচ্ ন গুজ্জো। আমি বেক্কুন চাঙমা, জুম্ম। হিলর চুক্তিয়ান ভাঙি ন দ্যুঅ আঃ তমা উদু কুজোলী ‘‘এজ বেক্কুনে একজধা অইনেই দোল পদধরি।’’ কধা আগে, ‘‘চেরেষ্টা গুনে দুক্ক কন্ডে।’’ বেক্কুনর চেরেষ্টাত আমা ঘরপাদা জাগা হিলচাদেগাঙ ফিরি পেই দোল রংচোঙচোঙ্যা মেয়্যা ভরন্দি দেচ বানেই। ভগবান বুদ্ধ তমালগে থেব।

থুব অয়্যা: চাঙমা সাহিত্য পত্রিকা, ছ’ পয়ধে।  

সাহিত্যিক বিপ্রদাশ বড়ুয়া

‘‘তথ্যপ্রযুক্তির এ যুগেও জ্ঞান অর্জনে বই পড়তে হবে। জ্ঞানের সমস্ত আহার বরফের মতো জমা রয়েছে পাঠাগারে। জ্ঞান অর্জনের জন্য পাঠাগার বিকল্প নেই। বই পড়া অভ্যাস করতে হবে। পাঠাগারের গুরুত্ব আমি বুঝি। এ পাঠাগার আমাকে সৃষ্টি করেছে।’’

-         বিপ্রদাশ বড়ুয়া

(২৭/০১/২০১৭ ইং সাঙু পাঠাগার উদ্বোধনীয় অনুষ্ঠানে)

চাঙমা লেঘা শিঘীবার বই (ম’ বই) উদ ল’, পুর্’মারা-মারি গর-

ছবি- নাগর চান(ফসবুক)

দাঙগু ইনজেব চাঙমা চারু কাবিদ্যাঙি “সাঙু পাঠাগার’র পল্লে ফগদাঙি অলদে “ম’বই” নাঙে চাঙমা লেঘা শিঘীবার বই’বু। যারা চাঙমা লেঘা শিঘীবার আওজ আগে তারা পুরমারি পারিবা- দর্ বানা ২০ তেঙা।
 যিধু যিধু পা যার:
#বাঘইছড়ি, রাঙামাত্যা-
বড়াদাম ধর্মাঙ্কুর বৌদ্ধ বিহার, বাঘাইছড়ি, রাঙামাত্যা(0155-7170844)।
 #লংগদু
দাঙগু সুমন চাঙমা, (বটতলা দোগান)করোল্যাছড়ি, লংগদু রাঙামাত্যা(01557197173)।
#মেরুং-
দাঙগু রত্নসেন চাঙমা, চৌধুরী পাড়া, মেরং, দিঘীনালা, খাগাড়াছড়ি(01835261738)।

#সাঙু পাঠাগার, চংড়াছড়ি,মেরং, দিঘীনালা, খাগাড়াছড়ি(01554362519)।

#দিঘীনালা-
 পার্বত্য লাইব্রেরী, দিঘীনালা কলেজ গেইট, খাগাড়াছড়ি(01556643670)।
#দাঙগু এলিয়েন্স চাঙম, ঝিমিত কম্পিউটার সেন্টার, কলেজ গেইট দিঘীনালা(01558915098)।

#নারিকুল বাগান-দিঘীনালা-
দাঙগু ভূবন জ্যোতি চাঙমা, (010155-4774866), নারিকুল বাগান, দিঘীনালা।


#খাঘাড়াছড়ি-কলেজ
 দাঙগু নিয়ন চাঙমা, খাগাড়াছড়ি সরকারী কলেজ(01559415529)।

#মাটিরাঙ্গা-
#দাঙগু সোহেল চাঙমা, বরঝালা, মাটিরাঙ্গা, খাগড়াছড়ি(01556749880)।

#চাদেগাঙ-
#দাঙগু মিলন চাঙমা, ফ্রি পোর্ট, ইপিজেড, চট্টগ্রাম(01735347693)।

#বাবুছড়া-
#দাঙগু রিকেন চাঙমা আ দাাঙগুবী শ্রেয়সী চাঙমা বাবুছড়া(01820324419, 01559554184)

#ঢাকা-
#দাঙগু লিটন চাঙমা, রুম নং- ১০০৩, জগনাথ হল, ঢাকা (01515254995)।

#রাঙামাত্যা কলেজ আ মালছড়ি-
#দাঙগু রিতায়ন চাঙমা, রাঙামাত্যা কলেজ আ মহালছড়ি কলেজ(01854193110)

#লক্ষীছড়ি-
#দাঙগু প্রদীপ চাঙমা(0178-9105554), শুকনোছড়া, লক্ষীছড়ি; দাঙগু নকুল চাঙমা(0155-7432111), পিএফসি পাবলিক স্কুল, লক্ষীছড়ি সদর।

#বর্মাছড়ি-
 #দাঙগু শান্তি চাঙমা,(0155-3743199) হেড মাষ্টার, নারান্যাছড়ি সরকারী প্রাথমিক বিদ্যালয়, বর্মাছড়ি ইউনিয়ন, লক্ষীছড়ি।

#পানছড়িত
#দাঙগু সুমঙ্গল চাঙমা(01536002778) ও মুক্তা লাইব্রেরী, পানছড়ি বাজার।

#বান্দরবান-
ভজমান বি.জ্যোতি ভান্তে ইদু (ফেসবুক-B Jyoti Bhante) উদ বা পুরমারামারি গরিপারিবা(যোগাযোগ)।

লক্ষীছড়িত চাঙমা লেঘা কোর্স ফাঙগরা অয়ে

ফাংফগদাঙি ছুবি

এস্যে ৭এপ্রিল ২০১৭খ্রিঃ বেন্যা ১১টায় “এজ  নিজ’ ভাচ্, নিজ’ লেঘা শিঘি - জাত্তুরে তজিমপুর গরি” এই মুলুক কধায়ান মুজুঙে রাঘেই লক্ষীছড়ি পিএসি পাবলিক ইশকুলত তিন মাজ্যা চাঙমা লেঘা আঃ ভাচ্ শিক্খে কোর্স সিঝি ফাংফগদাঙ গরা অয়্যা।
ইয়োত মু’দেঘিয়ে গর্বাউনে কোইয়োন, গদেল গদেল মা’ বুগ সারাল্যা, চোগ পানি বেই যানার পর ২০১৭খ্রিঃ বাংলা সরকায্যা হিলত তিনান(চাঙমা, মারমা আ তিবিরে) ভাচ্চোই কুজি চিজিদাগীর বই ইশকুলত পিয়েই। মাত্তর, লাজেবার কধা অলেয়্যু আমি আমা লেঘানি ন জানি সিত্তেই শেঘেই ন পারির। তেহ্, বেক্কুনরে নিজর গরজে অামনর লেঘা, আমনর ভাচ শিঘিবাত্যা কুজোলী গজ্জোন।
দাঙগু ইনজেব চাঙমা কোইয়ে, “এযেত্তে সরকারর ছুটি দিনত সাঙু পাঠাগার আ চাঙমা সাহিত্য বা’ আউজো লুয়ে- লক্ষীছড়ি উপজেলাত পত্তিক হাই ইশকুলত ফ্রি চাঙমা লেঘা শেঘেবার, যুনি লক্ষীছড়ি উপজেলা এওজি’উনে এজাল দ্যুন।তেহ্ বেগর এজাল তবনা গরে। কিত্যাই, এ বজর চিজিদাগীরে আমনর লেঘা শেঘে ন পারল্লে এযেত্তে বজর দাঙর বেজালত পরিবাক ক্লাশ ওয়ান বই পেলে। সিত্যাই, এ বজর তারারে অঝাপাত্তু শেঘে পারল্লে আমাত্যাই দাঙর মঙ্গল অব ভিলি মনে গরে।কোর্সু জুগলিয়্যা, সাঙ পাঠাগর আঃ চাঙমা সাহিত্য বা ।

জাগি উদ ভেই-বোন লক!!!

অারাকান, অক্সাদেচ্, খেয়াংদেচ সমুত্তু নানাঙ দেচ চাঙমাউনে জয় গোচ্ছোন। সাধীন দেজর সাধীন মানুচ আ শাসক জাত এলাক। যদ্ধ গরি গরি উযেয় যিয়োন দেজে-বিদেজে। সুগ বাদে দুহ কারে কয় খবর ন পেদাক। ১৭৭৬ সালত ভাদ রাদ অলে গোটা বাংলাত এক তৃতীয়াংশ মানুচ যক্যে মানুচ অনাভাদে মরি যিয়োন সক্যে হিলর মানেইউনে ন খেই থেই ন পান। তা পরা ১৯৪৩ সালত ভাদ রাদত্তুয়্যু বগল সেরে দি পাদেদ্যুন। এই তথ্য মর নয়, ইয়ানি লিগি যিয়োন ব্রিটিশ আমলর জেলার শাসন কর্তা সুপারিনটেন্ডন্ট আ ডেপুটি কমিশনারউনে।

মাত্তর, এচ্যা! আমা জনম ভূমি কালা মেঘে ঢাকি যিয়ে। হিলর মানেউন কাটাশিঙোলর ঘিচ্ছে। আমি অধিকার৮ঈন জাত। আমা বোনর লো’য়ে রাঙা অইয়ে মা’মেদেনি। ভেইয়োর লোয়ে মোন – মুড় ভিজি যিয়ে। আমা বাপ-ভেইয়োর, মা-বনোর মরা কিজেক গোদা পিত্তিমীয়ান গুজুরি উদের। চোগর মুজুঙে আমা বোনুনরে ঝাপাদন, আমা ভেইউনরে বে’নেত্তোই বেন্নাদন। ভাঙা পয়জেউনে কারি নেযাদন আমা পূর্বপুরুজর ভূই জমি। ইক্যে গরি আমা জাদর মানেউনে ণেইয়্যা, নাধা উয়োন। খেই ন পেণ্যাই মরি যাদন। এচ্যে আমা জাত ভেইউন পিত্তিমী বুগত বাজি থেই পারাবাক না’পারিবাক সিয়ান অনিশ্চিত। হিল চাদেগাং বাদে পিত্তিমীত কন কিত্যাি জাগা নেই। অরাজনৈতিক অধিকার বাদে কন জাত পিত্তিমীত থিগি ন’পারে। হিলর মানেইউনর রাজনৈতিক পত্তম সনদ পা:চুক্তি এচ্যে পদদলিত।
তেহ্, জাগি উদ ভেই-বোন লক! পেরাশানি – তচ্যা খেইয়্যা মানেউনর দুক্কানি মিরতপুরি ভাবিচ। তোমা জাদর মানেউন এয জার আলু খেয় খেয় কনবাবত্যাই জীংকানি তোড়াদন। তুমি দেগর আদাম নেয়্যা মানেউন কিংরি দিন-কাল গঙে দেদন। সাজন্যা লামি এলে কেরোসিনর চেরাক্কুন মরা মরা গুরি জলদে দেঘা যায়। কিয়ে কিয়ে বেল পহরত ভাত খান। চাঙমাউনর চোগপানি, বুগর লো কাপ্তে গোদা বিদ্যুৎ তারার কপালত নেই। ঘর নেই, বাড়ি নেই, দেচ-জাগা নেই মানেইউনর সংখ্যা দিন দিন বাড়দন। এচ্যে, তারা আদাম ছারা যাদন নাড়েছড়ি, শুকনাছরি গঙ্গারাম, নন্দরাম থুম। সে জাগায়ানি কারি লদন, বিডিআর – আর্মি ক্যাম্প, সাজেক ভ্যালি, নীলগিরি, পর্যটন আ নানাঙ ইস্যু দেঘেই দেঘে। তোমা পূর্বপুরুষউনে কদক সুগে জীংকানি তোড়েযিয়োন। এচ্যে সিয়ানি দ্বি’ চোগত ভাজে। নেই কন অভাব-অনটন, ভেইয়ে – ভেইয়ে রুগরুগ্যা, মারা-মারি, ধুরি নেযা-নেযি নেই। নেই কিংসে-কিংসি, কদক আলুল্লো-দুলুল্লো মন।
বাপ-ভেইলক! তে তুমি এম এন লারমা নিদীসুদম্মোইজাগি উদ। তোমা দরেবার কিচ্চি নেই, তমা লগে হিলর মানেউন আঘন। তুমি বোম্বা আহ্দত লোই মুজুঙে আক্কো য। তোমারে কন জনে দোঙে ন পারিবাক। জয় তোমার কামাক্কাই এব।
এক জন মানুচরে বন্দীগরি পারে, তচ্যা-পেরাসানি আ ফারক গরি পারে মাত্তর, তার যে নীদিসুদোম আ তে যে সংগ্রমর নিঝেনী সিয়ানি বজ্ গোরি ন পারে। ব্রিটিশ ভারদ সংগ্রামীউনরে ইংরেজী শাসক্কুনেকধটক সন্ত্রাসী। স্বশস্ত্র লাড়েই চলাকালিন অক্তত তোমা জাদর অধিকারকামিউনরে শাসক গোষ্ঠীউনে সন্ত্রাসী কোই বদনাম গত্তাক, মিডিয়াত ফগদাং গত্তাক। মাত্তর জাদর অধিকার কামিউনে জাদর এরানত্তে, জাদর মুক্তিত্তেই শাসকগোষ্টিউনর বিরুদ্ধে লাড়েই গচ্চোন-গত্তন। তোমা জাদর মানেউনর জীবনর দুগ, পেরাশানি,তচ্যা, আজা স্ববন জীবনর সংগ্রাম, জয় পরাজয় বেক আমল গরিবার, ভাবিবার অক্ত ইচ্চে। তেহ্, জাগি উদ- আর নয় ভেইয়ে ভেইয়ে রুগ’রুগ্যা।

সমাজর মানেইউনর ইদু তুদি গরির, তুমি আমারে এজাল দিলে আমি হামাক্কাই এই কামান উবে পারিবং।

পরাকপাল্যা চাঙমাজাত্তু শত্ শত্ বজর ধুরি তচ্যা পেরাশানি খাদে খাদে জীংকানি তোরেবাত্যা নানাঙ জাগাত্ ফুত্তোপারা অই ছিদি পুরি আঘন।  কন দেজত্ জাদর পাজানি আরে ফেল্লোন-আরে ফেল্লোন ওক্কোর-ভাচ। কিত্যাই, অন্য জাদত্তুন চুসোন খাদে খাদে আজু-বেবেদাগী পজ্জন শোনেবার কুরি ফেল্লোন দনিয়ে চিদে গত্তে গত্তে। সিক্যে গুরি বার্মাত আঘন্যা চাঙমাউনে মা’ ভাচ, চাঙমা ভাচ আজে ফেল্লোন। মিজি গেলাক বার্মা সসাগর ফিত্তিত্। আজার দুগর ভিদিরে ভালেদি অলদে  তারার ইক্কে চেদন এ’যিয়ে। আমা হিলত্তুন পিনোন্-খাদি, বই বিজগ থোবে নেযাদন। আ সিধু চাঙমা মিলে হিলত বুনকাদা শিঘিবাত্যা পাদেবার এক্কান পুদুপাদা চলের বিলি খবর পা যার।

ও জাদর বাপ-ভেই, মা’ বোনুন! আমিয়্যু তারার দঝাত পরদে বেচ সময় ন’ লাগিব। যুনি আমা চোক্খু লাম্বা ন গরি। যুনি আমি জধা অই জাদ কাম গরি ন’ পারি। যুনি আমি আমা ওক্কোর-ভাচ, সাহিত্য-সংস্কৃতি, মা’বোন আ ভূমি রক্ষে গরি ন পারি। সিত্যাই মুই কোম , ‘‘গাজত ফুল ন ফুদিলে মুধু পেবং কুধু, জাত ন’ বাজিলে ধর্ম থেব কুধু?’’ ইয়ান ম কধা নয়, আমা কবি শিবচরণ কধা। আমাত্তুন কিয়োঙত, ইশকুলত, দোকানত আ পদমুঅত অঝাপত ওক্কোরলোই সাইন বোর্ড টাঙে দি’ পরিব। সাহিত্য সংস্কৃতি কাম্মোউনরে এজাল দি পরিব। সক্যে থিগি থেব ভাচ, ভাচ থিগি থেলে বাজিবু জাত-জাদর নাঙ, মাজার - নিঝেনী আ থিদববরী অব সাহিত্য সংস্কৃতি। এই পোইদ্যানে ‘‘সাঙু পাঠাগার’’ আ ‘‘চাঙমা সাহিত্য বা’’ নিআলঝি গরি কাম গরি যার। এই কামানত আমি তমা এজাল পেবার চেই।

এযেত্তে এপ্রিল মাজর ৭ তারিখ, ২০১৭ খ্রিঃ লক্ষীছড়ি উপজেলাত চাঙমা লেঘা কোর্স “সিঝি ফাংফগদাঙ” অদ যার। ইয়োত চাঙমা লেঘা শিঘিয়ে এন্ট্রি গরা আগে বানা ৫জন। হয়দ, ভাবদে লাজ গরে পারা। আজলে লাজেবার কিচ্ছু নেই। আমি বেগে খবর পেই খাগারাছরি জেলা সেরে লক্ষীছড়ি উপজেলাবু  রুকখা্ঙ্যা এক্কান জাগা। সিত্যাই মনর আওজ থানার পরও শিঘি ন পাত্তন। তেহ, আমি চিন্তে গরির লক্ষীছড়ি  উপজেলাত যেদক্কানি হাই ইশকুল আগে পত্তিক ইশকুলত ৭দিন গরি ফ্রি চাঙমা লেঘা শেঘানা সাতকাম। মাত্তর! আমার মন বল আগে - ধনর বল নেই। এই পোইদ্যানে সমাজর মানেইউনর ইদু তুদি গরির, তুমি আমারে এজাল দিলে আমি হামাক্কাই এই কামান উবে পারিবং।

যারা “সাঙু পাঠাগার” ও চাঙমা সাহিত্য বা’র তত্ত্বাবধানে চাঙমা লেখা ও ভাষার নিরব সংগ্রামে চালিয়ে যাচ্ছেন। তাঁরা হলেন-

দাঙগু বিকেন চেগে, প্রশিক্ষক, বরঝালা সরকারী প্রাথমিক বিদ্যালয়, মাটিরাঙ্গা, খা/ছড়ি।

দাঙগু এলিয়েন্স চাঙমা, প্রশিক্ষক বাবুছড়া ফ্রেন্ডশিপ স্কুল, দিঘীনালা, খা/ছড়ি।

দাঙগু ইনজেব চাঙমা, সেন্টার পরিচালক ও প্রশিক্ষক।

দাঙগু রিপন চাঙমা, প্রশিক্ষক, উত্তর রেংকার্য্যা উচ্চ বিদ্যালরয়। মেরুং দিঘীনালা, খা/ছড়ি।

দাঙগু সৌখিন চাঙমা, প্রশিক্ষক, চংড়াছড়ি উচ্চ বিদ্যালয়, মেরুং, দিঘীনালা, খা/ছড়ি।

দাঙগু সুমিত্র চাঙমা, প্রশিক্ষক, সাাঙু পাঠাগার, মেরং, দিঘীনালা, খা/ছড়ি।

আর দাঙগু সুমন চাঙমা, প্রশিক্ষক, রেংকার্য্যা উচ্চ বিদ্যালয়, মেরং, দিঘীনালা., খা/ছড়ি। দাঙগু রত্মসেন চাঙমা, প্রশিক্ষক, কিনেরাম পাড়া সরকারী প্রাথমিক বিদ্যালয়, মেরুং, দিঘীনালা, খা/ছড়ি।

“এ্যা ভাজর লাড়েই বানা শহরত নয়, মোন-মড়ো, কোনা-কুনি সেরে ছিদিদ্যি পরিবু” - দাঙগু ইনজেব চাঙমা

“এ্যা ভাজর লাড়েই বানা শহরত নয়, মোন-মড়ো, কোনা-কুনি সেরে ছিদিদ্যি পরিবু। আমি বানা যিয়েত গাড়ি যেই পারে সিয়োত অঝাপাত আ ভাজর কোর্স  চালু গরির। আমাত্তুন এদক্যে মন জুগোল গরি থোইপরিব আদামে আদামে এই কোর্সু ছিদি দি পরি, সাঙু পাঠাগার আ চাঙমা সাহিত্য বা’ ইক্যে লক্ষিছড়িত সংএই পোইদ্যানে কাম গরের।”
গেলদে ১ এপ্রিল ২০১৭ খ্রি: রাঙামাত্যা জেলা লংগুদুু উপজেলাত ১নং আটারকছড়া ইউনিয়নত বটতলাইয়ত “পহর ছিদো ‘র সংস্থা ওফিস আ  চাঙমা লেঘা শিঘিয়ে পর্বোয়ালগরে সার্টিফিকেট ভাকগরি দেনা জুগলিয়ে খলাবুত  মুলুক গর্বা কধগীত দাঙগু ইনজেব চাঙমা চারু এই কধানি কোইয়ে।

দাঙগু ইজেব চাঙমা চারু কধা কর।       ছুবি: জ্ঞানময় চাঙমা

তেহ্ আ-র কোইয়ে, “সার্টিফিকেট পানা ডাঙর কধা নয়, চযযা গরানা অলদে আজল কধা।নিজ আওজে, নিজর ধারাজে অঝাপাত্তোই লিকখে বই থোবে থোবেই আমাত্তুন চযযা গরাপরিব। এস্যে চাঙমা ওক্কোরলোই “কোরইদি, ফদন্দি ফুল তুম্বাস” নাঙে তিন মাজ্যে সাহিত্য পত্রিকা ফগদাঙ অয় সিয়ানি আ বইয়ুন উদ লবাত্যা  আ জন এওজিউনরে টেঙাবল-মনরবল দিবাত্যা কুজোলী গজ্জে সাঙু পাঠাগারর জধানানু দাঙগু ইনজেব চাঙমা।
বটতলাত ভাঙাসাঙা চিগোন ইক্কোগুদি “পহর ছিদোক ওফিস’ত এ খলাবু জুগোল গরা অয়্যা। এই খলাবুত খলানানু এল পহর ছিদোকর জধানানু দাঙগু জ্ঞানময় চাঙমা, নকবাচ্যা গরবা ১নং আটারক ছড়া ইউনিয়ন চেয়াম্যানর এওজি ইজেবে  দাঙগু যতিন বিকাশ চাকমা,৩নং ওয়ার্ড সাবাঙ্গী, মুলুক গর্বা এল দাঙগু শান্তি চাকমা,“চাকমা ভাষা গবেষণা ও প্রশিক্ষণ কেন্দ্র”,কল্যাণপুর,রাঙ্গামাটি সমুত্তু চাগালা মুলুক মুলুক মানেউন।