কি আর লিঘিম- ইনজেব চাঙমা

কি আর লিঘিম?
মুহত ভাচ নেই।
 কি আর লিঘিম?
 কলম ধরি ন পারঙর হাদ ঘিরঘিরার।
 কি আর লিঘিম?
 চোগ পানিয়ে কিচ্ছু ন দেঘঙ।
 বানা রণ কাবে,
 রিবেং গুজুরে।
 চোক থেনেই কান,
 কান থেনেই কাল,
মু থেনেই বুব।
আমি কি মানুচ?
মানচ কলে ঈশ্বর বেজার।
অ মানুচ কলে তুই বেজার।
বজ যেবং বজ যেবং,
কন দিন ভালা ন অবং।
যুনি ন বদলেই আমা হাজ্জেয়ানি।
১৭ মার্চ ২০১৭

আক কধা নেই কবিদ্যা (শিরোনামহীন কবিতা)- ইনজেব চাঙমা

পহ্'র ছিদিবো আঝায় বেন্যা বেলান উদে,
রেত অভ আঝায় আগাজত লক্ক কোটি তারা জ্বলন,
দুখ্যে মানেইয় মনত খুজি ফুদেবার আঝায় পূর্ণিমা জানান উদে,
ফাওন এভ আঝায় গাজে গাজে ফুল ফিদন
বিঝু এভ আঝায় কোকিল্লো দাগে।
মাত্তর!
ত কধা বিশ্চেচ গরি কোচপিয়োঙ তরে,
সবনানি নিত্তো তচ্যা লাঘায় মরে।

চাঙমা গীত- ইনজেব চাঙমা

ও ও ও পরান্নো
শুননা তুই ম কধা,
ত' লেক্কে কবিদ্যাবো পড়ি নেই
জন্মেল এক্কান দাঙর মেয়্যা। ২
লেঘিলে তুই সংসমারে
গরিবং দেঝর জাদ কাম,
জেধক দিন বাজি থেবং
থেবে তুই ম কায়।ঐ

ঝর এঝোক বোইয়ের এঝোক
আহ্'দিবং সংসমারে
পিত্তিমীআন গলি গেলেও
ন ছারিম তরে।২
সংসমারে আহ্দিবং
বিজক বানানা পদে,
পিত্তিমী মানেই লগরে দেঘেবং
জাদ কামত কেনে মরে।ঐ
জাত্তো ভারি বেনালত
তরে গরচ এ জাদর,
মরিবং জাত ভালেদি কামত
লেঘি যেবং নাঙানি থামা পাদাত।২
ধনপুদি অই তুই ম আহ্'দত
তুলি দিবে আহ্'ত্যার,
এ লাড়েত খামাক্কাই জয় আমার
তুই থেলে ম কায়।ঐ
১১ এপ্রিল ২০২০

বিঝুর আভিল্যাচ ইনজেব চাঙমা

দিন বিদি জেই রেত এজে, ইক্যে

গরি সাপ্তা, পক্ষ, মাচ বিদি জেই

নুয়ো রঙে নুয়ো সাজে এল’ বিঝু আমা সিদু

বিঝু মানে খুজি

বিঝু মানে মিলনি

বিঝু মানে সুক

বিঝু মানে জাদর সিরিসুধোম

বিঝু মানে বুদ্ধর অইংসে কধা

বিঝু মানে রেগা

মাত্তর মর আভিল্যাচ

এধক-

জাদর কধা কোই

অধিগার কধা কোই

আইনর কধা কোই

শান্তি চুক্তি কধা কোই

পূর্ণ স্বায়ত্তশাসনর কধা কোই

নিজ’ সাহিত্য রিদিসুদোম কধা কোই

নিজ ভাঝর কধা কোই

নিজরে দাঙর ঘাদুবলা (গবেষক) ভাবি

জু পেলে মানচ্ছোরে ঈচ গরি

নিজরে দাঙর ভাবি।

তে কিত্যাই লেঘি পর ভাঝে?

কিত্তেই কোচপাঙ তরে - বর্ষা চাঙমা

কিত্তেই কোচপাঙ তরে ও ইনজেব দা, 
কোই পারচ নি? 
মন কধা ভাঙি কলে কন লাজেবে নি?
কোচপাঙ তরে ইনজেব দা বঝমান গুরি, 
এককান কধা কবার আগে শুনিবে নি? 
তুই থাচ দিঘীনালা মুই থাঙ লংগদু, 
কয়েকদিন পর বেরেমবি,বৌ রাগেচ ত ইদু। 
দিনপুত্তে ইদোত উদে তরে পরাননো 
 কিঙুরি বাজিম তরে নপেলে,সারাজনমমো? 
ত বুগত রাগেচ মরে ফেলে ন যেচ কনদিন,
তরে মুই ইদোত রাগেম বাঝি থাং যেদকদিন।
রাঙা কালা পিনোন কাদি পেনেনেই বৌ নেযেচচি মরে,
চাঙমা জাদর ভালেদত্তেই কাম গরিম মুই ত সমারে।
দেচ জাদ লেগাপড়া,গরিবং তরলোই চিদেচজ্যা,
যাদি বৌ নেযেচচি মরে,ও ইনজেব দা।
অগুর সাগরত পেলে নযেচ মরে,
দুগত থেম বঝমান,ত কায় থেবার চাং মুই গদা জনমান।
মামা দাগি বৌ ন দিলে এমবে মুই ত কায়,
আরও তুইও পেলে নযেচ,থেই নপারিম গাই গাই।
এবার কোই পারিলে ইনজেব দা কিত্তেই কোচপাং তরে? 
বুঝেবার চাঙর তরে আঙ্গারে ইঙ্গিতে।

দেঘা পিয়োং তরে- ইনজেব চাঙমা

রাঙা গরি বেলান উদে পুগ’ মোন সেরেদি

কাম্মো লগে কামত যান আঝায় বুক বানি।

কধক সবন, কধক আঝায় বাগত ধরন তারা

দিন জাদে ঈয়োত জায় তরুনো অয় ত্যুঅ বুগ’ আঝা।

ঝরে ভিজি, রোদে পুরি আহ্’জি ন’ সরে মুয়োত

আহ্’লুল্লোই দুলুল্লোই অতালিয়ে কোচপানা আঘে মানেই জীংকানিত।

এ জীংকানিত্তু আহ্’ঝি জেলে ও নাগরো তুই

সবন দেঘেই সবন ভাঙিলে কি আর কোম মুই!

তুই কি খবর পাচ-

কেঝান আঘং মুই?

খরান্যা কবা সান ভগঙর, এ মুরত্তুন ঐ মুরত

আঝা-সবন ইধোত গাদেই জনি পাং তরে লাগত।

বর্ষা চাঙমা

ভঙদ্যা ভঙদ্যা লাগত পেলং-

সিবে কন মিলে?

চুল বেড়েই চেলাঙ গরি পরি কল’, মুই তর নাগরো।

কধা বাত্তায় চাল চলনে ন’ দ’ পাং ত সান,

বারবাঙারে তুদি গরি কয়-

বাপ্পো আ মাগুলোরে চিত পুরিনেই ফিরি এই বদলেলং ছলআন।

তরে মুই বিশ্চেচ জাং, বিশ্চেচ জাং ত মুয়ো ভাচ

জাদর সবনানি গরিবং তজিমপুর জনিও অয় পিত্তিমী নাচ।

দি জনে এবার আমি গঙারে দিবগোই ভাত জোরা

মরিলে মরিবং সমারে কন’ জনে ন’ পেই কারর পোরা।

হিল চাদিগাঙত দোল আভা বেই যেব- ইনজেব চাঙমা

বাপ-ভেই, ম-ভোনলক! 

 তুমি নুয়ো মন মানসিকতা অথাত এম এন লারমা নীতি আদর্শলোই জাগি উদ।তোমার দরেবার কিচছু নেই, তোমা লগে হিলর মানেউন আঘন । তুমি পোতপোততে বোম্বা আহ্’দত লোই মুজুঙে আককোই জ’। তোমারে কন’ জনে দোঙে ন 'পারিবাক।জয় তোমার খামাক্কাই অভ’।
তোমা জাদর মানেউনর জীবনর দুগ, পেরাশানি,তচ্যা, আঝা, সবন জিংকানি লারেই,জয় পরাজয়  বেক আমল গরি ভাবিবার অক্ত এস্যে।তে জাগী উদ’।

জাদর মরন কাভুক কাপ্তে গদাআনে কারি নিল জাদর সুক -শানতি।ভাঙি দিল মনর অতালিয়ে সবন। অলং ছিত্তিরিং পাত্তারাং।পুত্তো-পারা অই ছিদি পচ্যেই নেপা, বারমা, মিজোরাম সুমুত্ত কোণা কুণি, গোনা গুণি ছেরে;নানাঙ কিত্তেত। মা ' আহ্’রেল তা 'আওজর পুঅ, বাপে আরেল তা 'আওজর ঝি। ইক্যে গরি নেগে মোকে পারক অই বাকী জীংকানি বুক দিবেদিপ্যা, বে -সুনজুক গরি, এক বুক আভিল্যাচ্ছোই দিন কাল তোরে পিয়ন, তোরাদন।ইয়ান আমা চাঙমা জাদর বাস্তব চিত্র।কালা বিজক।এচ্যে যারা দেচ কুলত আঘি খুউব গম নেই, তিগুচচে দর দর -থর থর। ভেইয়ে ভেইয়ে মারা মারি নানাঙ পেরাশানিত আঘি। আ ইক্যে জুম্মউন যে বুদ্ধিজীবি বা লেঘিয়্যা কবিউন আঘন তারাও ফারক অভার অক্ত।

এ বেক ভুলানি, মিলেকুত্তুরি, কুদুম্মোইন্দি বাজানা ইআনি বরগাঙ লামুনি ভাজেই দিই বেক্কুন আমি চাঙমা এধক্যে মন বুগত বানি পারিলে এগদিন গাজে গাজে ফুল ফুদিবাক, পেইখে গীদ শোনেবাক।ফাওনো আভা ফিরিবো।হিল চাদিগাঙত দোল আভা বেই যেব।সে অভাত বেগে মিজি যেই আহ্’লুলো-দুলুল্লো জীংকানি গঙে দিবং।

কোচপানা আর’ এক নাঙ ধুন্দুক- ইনজেব চাঙমা

জীংকানি দিঘলী পত কারর সুগর নয়। সুক দুক আহ্’জি কানানা নিনেই মানেই জীংকানি। জীংকানি ভালেদ’ পধে আহ্’ধি যাদে গধেল গধেল মোন-মুড়, তারেঙ-রিঝেঙ আ আরাচাক দি’ খুচ ফেলে যা পরে। কন’ জন সাল্যেঙত লুমন আ কন’ জন সাল্যেঙত লুমি ন’ পারানা আহ্’ল পাগল ওই আধা পদত বাক থুম গরন। এ আগাথ্যা পদে এক বুক সবন-আঝা নিনেই অনসুর মুজুঙে আক্কোই যান বুগর আঝা বোম্বা জালেই।
এ চান-তারা, দিন-বেল মা মেদিনিরে সাক্খী রাঘেই কঙর- চিজি, তরে কায় রাঘেই এ জীংকানি পার গরি আর’ এক জীংকানিত তর ওই জনম লোম। পোতপোত্যা জুন’ পহ্’রত ইজোর মাধাত জিত্তো কাবিলি করত পরি এ কধান কল’। জিত্তো কধা নাল আধেই কাবিলি কল’- দাধা, পিত্তিমী নাঙে গ্রহবোত যারে নিনেই জীংকানি গমে দিবার অতালিয়ে সবন আঘে সে বান্দাবো অলে তুই। তুইয়্য কধা দে এ পিত্তিমী গুলি গেলেয়্য আমা এ সত্য আন গুলি ন’ যেব’।
 সে রেত তারা দি’  জনে লগর সমারী অবার তিন সত্য দি দি গরলাক। আ সে রেত এল’ তারার এক্কো ইধোত গাদে রাঘেবার রেত। যক্যে পোত্তে আমল পুরি এল’ রাদাবো দাক কারের আ ভান্তে শিলে কর তারা দি’ জনে ফারক অই যা ঘরত তে গেলাক।
জিত্তো রাজনীতি গরে। বালক বঝর বিদি যানা পর দিন মাধান এক্কা গম ওই এলে তে তারা ঘরত বুড় মা বাপ চা এল’। এধক দিন সং জিত্তোলই কাবিলি বানা ফেসবুকত কধা কোই কোই এত্তন। অক্তে অক্তে কাবিলি জু পেলে জিত্তো দেঘা গরা যাই। মাত্তর মন’ কধা মুজুঙ মুজুঙি গরি বোই কনা ন’ অয়। এচ্যে তারা মন পারন খুলি কধা কলাক।
কয়েক দিন পর জিত্তো তা কামত গেল’। এক দিন এল’ তারা এক্কো সমাবেশ। সে সমাবেশত আর’ দাঘি হামলা গচ্ছোন। সিয়োত জিত্তো মরি গেল’। তার পেদত গুলি লাগি রাঙা লোয়ে নালে বেই চেঙে গাঙর লামুনি বর গাঙত মিজি যেল’। এ অক্তত কাবিলি ভাত খার কন্না যেন ফোন গরি কল’ জিত্তো গুলি খেই মুরি যেল’। কাবিলি পরানান চিগুত গরি উদিলেয়্য তে বিশ্চেস যেই ন’ পারে জিত্তো মরি যেব’। তা বিশ্চেস জিত্তো বাজি আঘে।
   
[ধারাদিঘলী চলিব]

চতুর্থ পর্যায়ে ইতালি| অসহায় ডাক্তাররা কাঁদছে| শত শত লাশ| চারিদিকে হাহাকার।

Photo Credits go to it's Rightful owners

চতুর্থ পর্যায়ে ইতালি|
অসহায় ডাক্তাররা কাঁদছে|
শত শত লাশ|

Photo Credits go to it's Rightful owners

চতুর্থ পর্যায়ে ইতালি|
অসহায় ডাক্তাররা কাঁদছে|
শত শত লাশ|
একদিনে মারা গেল ৭৯৩ জন, মোট ৮০০০জন |সারা পৃথিবীতে প্রায় ১৩৫০০জন!
শহরে কবর দেওয়ার জায়গা নেই সেনাবাহিনী ট্রাকে করে মৃতদেহ শহরের বাইরে নিয়ে কবর দিচ্ছে| অন্তিম সংস্কারের সময় পরিবারের কাউকে যেতে দিচ্ছে না কারণ সংক্রমণের ভয়|

Photo Credits go to it's Rightful owners

 হ্যাঁ আজকে থেকে আমাদের ভবিষ্যৎ নির্ধারণ হবে|এটা মহামারী|
আপনারা বাড়িতেই থাকুন| যে বা যারা নির্বোধের মত বিনা প্রয়োজনে(একান্ত নিরুপায় না হলে)রাস্তায় বা বাইরে বেরচ্ছে সেই আহাম্মক দের হাল্কা করে নিরামিষ ভাবে জানালা দিয়ে ঘরে থাকতে বলুন, আবার দেখলে হুলিয়ে খিস্তি দিন (মনে, মনে)|মাথায় রাখবেন ৫০০ বা ৫০০০ লোকের সমস্ত প্রচেষ্টা/প্রতিরোধ ভেঙে দিতে পারেন ওই একজনই|

Photo Credits go to it's Rightful owners

বাড়িতে আসা ও যাওয়া বন্ধ করুন,সে যত প্রিয়জনই হোক| সামনের লড়াই টা আরও কঠিন| মনে রাখুন প্রথমবার বাড়িতে শুয়ে বসে থেকে দেশ বাঁচানোর সুযোগ পেয়েছেন|এই সুযোগ হেলায় হারাবেন না|ইতিহাস আপনাদের মনে রাখবে|।

শহর আ মোন-মুড়ত অঝাপাত শিঘানা তামাজা অই যার

এচ্যে ১৩ মার্চ ২০২০ খ্রী. শুক্করবার চাঙমা সাহিত্য বাহ্ আওজে এচ্যে এক লগে কয়েক্কান জাগাত চাঙমা লেঘা কোর্স আরগানি গরা অইয়ে। যারা নিজরে কোচপান তারা এ কামানত দুগরে দুক ন’ কোই, পেদত্তুন, মুরত্তুন কারি কারি লেঙে লেঙে ফোবে ফোবে এগামার গরি কাম গরি যাদন। যা জাদর এক্কান ভালেদি লক্খন।

ঢাকা এওজি খবর দিল’ এচ্যে বেন্যা মাধান ১০.০০টা বাজি ঢাকা আদিবাসী গ্রীনহার্ট কলেজত "চাঙমা সাহিত্য বাহ্" তপ্পেত্তুন চাঙমা লেগা শেঘানা আ তিন মাচ্চে সার্টিফিকেট কোর্স আরগানি গরা অইয়ে। সে চাঙমা লেগা শেঘানা হলাবোত আদিবাসী গ্রীনহার্ট কলেজের প্রতিষ্ঠাতা দাঙর মানবলা সুনানু পূজ্য প্রজ্ঞানন্দ মহাথের বেগ’ পল্লে পাত্তুরুতুরু জানেই ফগদাং গরা অইয়ে।

সে লগে এক্কো কলেজ’ সাত্থুয়া মানবলা সুনানু ধন মুনি চাঙমা, সাত্থুয়া মানবলা সুনানু প্রীতি চাঙমা, সাত্থুয়া মানবলা সুনানু সুনেন্দু চাঙমা, আ সাত্থুয়া মানবলা দাঙগু কৌশিক চাঙমা দাগি আজিল এলাক।
চাঙমা সাহিত্য বাহ্ ঢাকা ধেলা কমিটি তপ্পেত্তুন জধানানু মঞ্জুমিত্র চাঙমা হলা পজ্জনী গুরিনেই দোলেইদালে ফগদাং গোচ্ছে। সে লগে চাঙমা সাহিত্য বাহ্ ঢাকা ধেলা কমিটি তপ্পেত্তুন এজাল দাঙর কাবিদ্যাঙ সুনানু প্রবীণ চাঙমা (রতন) দাগুবি সুনানু সুবর্ণা চাঙমা দাগি আজিল এলাক।

বেক্কুনোর দোল দোল সল্লাই আ উচ্ছামিলোই একাহুত্তুর (৭১) জন শিগিয়ে-পুরিয়ে ভুর্তি ওয়োন। একাহুত্তুর (৭১) জন শিগিয়ে-পুরিয়ে লোই দাঙগুবি সুর্বনা চাঙমা পত্থম ক্লাস আরগানি গোচ্ছে। চাঙমা সাহিত্য বাহ্ মনে গরে ইক্যে গরি নিজ’ মা-ভাচ, অহরক্কুন বেক্কুনো ইদু  পিত্থিমি বুগোত থিদবর গরি বাজেই রাঘেবং।

দিঘীনালা এওজি: এচ্যে বেন্যা মাধান ১০ দিঘীনালা উপজেলাত চেরান জাগাত চাঙমা লেঘা কোর্স ফগদাঙ গরা অইয়ে- 
 ১। কবাখালী মৈত্তী বৌদ্ধ বিহার,কবাখালী,দীঘিনালা. (বেন্ন্যা ১০টা) 
২। পাবখালী শান্তিপুর প্রাইমারি ইক্কুল,শান্তিপুর,দীঘিনালা, (বেন্ন্যা ১১টা) 
৩। ধলাইমা বৌদ্ধবিহার, কামুক্কোছড়া, দীঘিনালা.(বেল্ল্যা ২টা) 
৪। ভিদিরে বানছড়া প্রাইমারি ইক্কুল, বানছড়া,দীঘিনালা (বেন্ন্যা ১০টা)

খাগাড়াছড়ি এওজি: দক্ষিণ খবংপড়িয়া সরকারি প্রাইমারি স্কুলত বিল্লে মাদান ৩টা অক্তত  ক্লাস আরগানি গরা অইয়ে।
সমারে নন্যাচর কলেচ, খাগাড়াছড়ি কমলছড়ি পাইলট হাই ইক্কুল, পানছড়ি ধুদুকছড়া উজেবং সমারে যুব ক্লাব , ঢাকা গাজীচর চাঙমা একাডেমি কালাচারাল আ লংগদু করল্যাছড়ি হাই ইক্কুলত চাঙমা লেঘা শেঘা অর।

পানছড়ি কবিদ্যা খলা

চাঙমা সাহিত্য বাহ্ পানছড়ি উপজেলা ধেলাউদ্যোগে পত্তিক মাজে কবিদ্যা কনা খলা এক্কো খলা জুগল গরা অহ্’য়। ইআন ২০১৯ সালত্তুন ধরি চলি এযের। সে ধারাদিঘলী গেল্লে ০৫ মার্চ ২০২০ খ্রি. রবিজয় কার্বারী পাড়া বা বাংলাদেঝর দাঙর নকবাচ্যা মানবলা দুখ্যে মানুচ সেবিয়্যা, চাঙমা সাহিত্য বাহ্ সল্লাদার সুজন চাঙমা বাগানত এ কবিদ্যা খলাবো অই যেল।
এ খলাবোত সভানানু চাঙমা সাহিত্য বাহ্ পানছড়ি উপজেলা ধেলা জধানানু বিভাস চাঙামা, নকবাচ্যা গরবা বাংলাদেঝর দাঙর নকবাচ্যা মানবলা দুখ্যে মানুচ সেবিয়্যা, চাঙমা সাহিত্য বাহ্ সল্লাদার সুজন চাঙমা সুজন চাঙামা, মুলুক গরবা চাঙমা সাহিত্য বাহ্ সল্লাদার, সাত্থুয়া সুনানু ভদ্র সেন চাঙমা, চাঙমা সাহিত্য বাহ্ সল্লাদার রুপা চাঙামা, পানছড়ি ধেলা সল্লাদার সুবিতা চাঙমা, চাসাবা গরাকমিতি জধানানু ইনজেব চাঙমা, এজাল দাঙর কাবিদ্যাঙ পরেশ চাঙমা, তথ্য গবেষণা কাবিদ্যাঙ স্মরণিকা চাঙমা, চেঙ্গীচারি বালা স্মৃতি মহা বিদ্যালয় সাত্থুয়া ইতি চাঙমা, সমাক  গরা কমিতি দাঙর কাবিদ্যাঙ ডিপেন চাঙমা আ চাসাবা পানছড়ি উপজেলা ধেলা সাবাঙ্গীদাঘী।
কধগীউনে কলাক- “মিলেউন যনি কন’ কাম ন’ গরন সালেন পিত্থিমীত কন ভালেদ’ মু ন’ দেঘিবং। ...... যদক্কন মা ভাচ্ছান দাপ্তরিক ভাচ গরি পারা ন’ ততক্কন এ পোইদ্যানে কাম গরি যানা। ........যেধক ঝর বোইয়ের এযে মানুচ সেধক বেচ ঘর দুয়োর দরমর ঘরন। .................. কন’ কামত আহ্’ল পাগল ন’ অলে সে কামত মেহ্’ত ন’ পায়।

শেজে সুজন চাঙমা এজাল আ লোবিয়দে ৩০ জন মানুজরে ভাত খাবা অয়।

সরকাররে চেই ন’ থেবং, আমি আমা কাম গরিবং: বাঘাইছড়ি আ লংগদু উপজেলাত তেম্মাঙ

বাঘাইছড়িত তেম্মাং

চাঙমা সাহিত্য পত্রিকা ডেস্ক: ২০১০ সালত গণ প্রজাতন্ত্রী বাংলাদেচ সরকারে রাজ দাগি কোইয়ে- এ দেঝর ভাঝত্যাই এক্কান বাবদা আ এক্কান মানচিত্র পিয়ে। এ দেঝর বেক ভাষানি আমি রক্কে গরিবং। ২০১৪ সালত্তুন ধরি খামাক্কাই অন্য আদিবাসীউনত্যা মা ভাঝর বই প্রাইমারিত শেঘা অভ’। মাত্তর দুগ’ কধা ২০১৪ সাল এনেই নানান ছলনা দিয়্যা। নানান অনটনর কধা কোইয়ে। সক্যে আর রাজ দাগি কোই ২০১৫ সালত আদিবাসী চিজিউন আহ্’দত বই তুলি দি পারিবার। মাত্তর সিআনয়্য বানা মুয়ো কধা বাদে কিচ্ছু নয়। এ পর দি বঝর ভিদি যানার পর ২০১৭ সালত বই পেলাক।  মাত্তর দাঙর দুন্ধুগর কধা এজ’ আদিবাসী বই ইক্কুলত পড়া ন’ অহ্’য়।
এ দুগত্তুন সরান পেবাত্যাই চাঙমা সাহিত্য বাহ্ হিল চাগিদাঙ বাদেয়্য ঢাকাত চাঙমা লেঘা শিঘানা কোর্স চালে যার। যেন সরকার উদ্দেচ্ছোআানি পত্থম গত্তে উজু অহ্’য়। এ পোইদ্যানে গেল্লে ০৩ মার্চ ২০২০ ইংরেজি কাচালং সরকারি কলেচ আ ০৪ মার্চ ২০২০ ইংরেজীত লংগদু কলেজত দাঙর তেম্মাঙ অই যেল’ চাঙমা সাহিত্য বাহ্ সাবাঙ্গীউনর। তারা ২০১৯ সালত রাজ দাগি কলাক- ২০২০ সালত্তুন ধরি আদামে আদামে চাঙমা লেঘা কোর্স জুগল গরিবার। সে কধা পত্থম (বাস্তবায়ন) গরিবত্যাই তারা এ তেম্মাঙ ভিলি চাঙমা সাহিত্য বাহ্ গরা কমিতি জধানানু সুনানু ইনজেব চাঙমা চাঙমা সাহিত্য পত্রিকারে কোইয়ে। সরকার আঝা বোই ন’ থেই যে যিঙরি পারে কাম গরি যেবার চাঙমা সাহিত্য বাহ্ বেক সাবাঙ্গীউনে জুগল অই আঘন।

লংগদুত তেম্মাং

এ তেম্মাঙ খলাবোত নিজে ইনজেব চাঙমা আহ্’জিল অই কল- “মুই নিজরে কোচপাং। নিজরে যনি সত্যি সত্যি কোচপেলে দোল এক্কান আদাম সাজেবার সবন দেঘে। যে আদামত বেগে মা-ভাচ পারিবাক, চাংলা আ চাংলিশ ভাঝে ন’ মাদিবাক।” এ আঝা রাঘেই বেগে লেঙে লেঙে, ফোঃবে ফোঃবে অহ্’লেয়্য কাম গরি যেবার ইমে (প্রতিজ্ঞা) গরিলাক।