বাপ-ভেই, ম-ভোনলক!
তুমি নুয়ো মন মানসিকতা অথাত এম এন লারমা নীতি আদর্শলোই জাগি উদ।তোমার দরেবার কিচছু নেই, তোমা লগে হিলর মানেউন আঘন । তুমি পোতপোততে বোম্বা আহ্’দত লোই মুজুঙে আককোই জ’। তোমারে কন’ জনে দোঙে ন 'পারিবাক।জয় তোমার খামাক্কাই অভ’।
তোমা জাদর মানেউনর জীবনর দুগ, পেরাশানি,তচ্যা, আঝা, সবন জিংকানি লারেই,জয় পরাজয় বেক আমল গরি ভাবিবার অক্ত এস্যে।তে জাগী উদ’।
জাদর মরন কাভুক কাপ্তে গদাআনে কারি নিল জাদর সুক -শানতি।ভাঙি দিল মনর অতালিয়ে সবন। অলং ছিত্তিরিং পাত্তারাং।পুত্তো-পারা অই ছিদি পচ্যেই নেপা, বারমা, মিজোরাম সুমুত্ত কোণা কুণি, গোনা গুণি ছেরে;নানাঙ কিত্তেত। মা
' আহ্’রেল তা 'আওজর পুঅ, বাপে আরেল তা 'আওজর ঝি। ইক্যে গরি নেগে মোকে পারক অই বাকী জীংকানি বুক দিবেদিপ্যা, বে -সুনজুক গরি, এক বুক আভিল্যাচ্ছোই দিন কাল তোরে পিয়ন, তোরাদন।ইয়ান আমা চাঙমা জাদর বাস্তব চিত্র।কালা বিজক।এচ্যে যারা দেচ কুলত আঘি খুউব গম নেই, তিগুচচে দর দর -থর থর। ভেইয়ে ভেইয়ে মারা মারি নানাঙ পেরাশানিত আঘি। আ ইক্যে জুম্মউন যে বুদ্ধিজীবি বা লেঘিয়্যা কবিউন আঘন তারাও ফারক অভার অক্ত।তোমা জাদর মানেউনর জীবনর দুগ, পেরাশানি,তচ্যা, আঝা, সবন জিংকানি লারেই,জয় পরাজয় বেক আমল গরি ভাবিবার অক্ত এস্যে।তে জাগী উদ’।
এ বেক ভুলানি, মিলেকুত্তুরি, কুদুম্মোইন্দি বাজানা ইআনি বরগাঙ লামুনি ভাজেই দিই বেক্কুন আমি চাঙমা এধক্যে মন বুগত বানি পারিলে এগদিন গাজে গাজে ফুল ফুদিবাক, পেইখে গীদ শোনেবাক।ফাওনো আভা ফিরিবো।হিল চাদিগাঙত দোল আভা বেই যেব।সে অভাত বেগে মিজি যেই আহ্’লুলো-দুলুল্লো জীংকানি গঙে দিবং।
Ode
উত্তরমুছুন